VOAL

VOAL

Please Wait ...
0%

Ndahet nga jeta në moshën 100-vjeçare gjenerali Rrahman Parllaku

By | September 16, 2019
1 Comments
  • author avatar
    Antikomunista 4 weeks ago Reply

    20 vjet burg beri petseti komunistet dhe Enveri jan te mire i vkersonts

Komentet

Skemë borxhesh dhe mashtrimesh, arrestohet në Paraguaj djali i ish-prefektit të Shkodrës (fotot dhe video)

Arrestohet nga policia e Paraguajt Elton Radovani, djali i ish-prefektit të Shkodrës Paulin Radovani, i cili akuzohet si i përfshirë në një skemë borxhesh dhe mashtrimesh.

Elton Radovani është arrestuar për llogari të drejtësisë shqiptari pasi Interpoli e ka shpallur në kërkim ndërkombëtar. Mediat paraguaiane bëjnë te ditur se urdhri i arrestit ndërkombëtar ishte për shkak të krimeve të mashtrimit bankar dhe financiar dhe Radovani u vu në dispozicion për qëllime ekstradimi drejt Shqipërisë.

31-vjeçari është arrestuar më 3 tetor në Paraguaj rreth orës 11:00 në një autostradë atje dhe tashmë pritet ekstradimi drejt Shqipërisë. Ndaj tij, të vëllait Bert Radovani dhe babait të tyre Paulin Radovani, ish-prefekt vazhdojnë seancat dhe hetimet për mashtrim dhe borxhe të pashlyera që shkojnë në shifra marramendëse.

Gjendja e shkollave në tri qarqet veriore të Shqipërisë (video)

Rrethet e largëta malore në veri të Shqipërisë vazhdojnë të përballen me nivelin e lartë të varfërisë dhe largimin e banorëve drejt emigracionit, apo zonave të tjera të vendit. Drejtori Rajonal i Arsimit, që mbulon tri qarqet veriore, Kukësin, Lezhën dhe Shkodrën, Bardhok Pulaj, thotë se problemet e shoqërisë në këto qarte pasqyrohen edhe në jetën e shkollës. Gjatë dy viteve të fundit, për shkak të largimit të nxënësve, janë mbydhur 51 shkolla, por drejtori Pulaj thote se, me masat e marra, kudo ku ka një nxënës ka edhe një mësues.

Turpi i shefit pensionit të OSBE, Ish ministri i Drejtësisë: Të mbledhë leckat, me çfarë mandati rri këtu?

Ish ministri i Drejtesise, Ylli Manjani, ne nje postim ne rrjetet sociale, ka ngritur pyetjen mbi prezencen e OSBE ne vendin tone, se cfare mandati ka qe rri ne Shqiperi ende. Teksa analizon, Manjani thote se kjo prezence “as siguri, as demokraci e madje as zgjedhje të lira e të ndershme nuk garantojnë dot. Dalin madje edhe kundër ODIHR që është pjesë e vetë ODBE!”.
manjani

Teksa thote se ka ardhur koha “ta ftojmë të mbledhë leckat e të shohë për ndonjë shtet tjetër në nevojë për ta”.

POSTIMI I PLOTE NE FB I YLLI MANJANIT

Meqë ra fjala, a di njeri të spjegojë se me çfarë llogjike, për më tepër me çfarë mandati rri këtu Prezenca e OSBE?!

Përveç se për të parazituar dhe për të fyer Shqiptarët, anëtarë të Këshillit të Europës, të NATOS e të vetë OSBE, çfarë misioni tjetër kanë ata këtu?!

Si ka mundësi që vijon rutina e përhershme e këtyre parazitëve me imunitet diplomatik, që vetëm prishin punë?! Të gjithë pensionistët e ministrive të jashtme të shteteve anëtare shfaqen këtu për të shijuar ditët e fundit të karrierës.

As siguri, as demokraci e madje as zgjedhje të lira e të ndershme nuk garantojnë dot. Dalin madje edhe kundër ODIHR që është pjesë e vetë ODBE!

Kulmi!

Shqipëria monitorohet mjaftueshmërisht nga çdo institucion ndërkombëtar e qeveri e interesuar. Prezenca e OSBE nuk afron asgjë as në këtë drejtim. Asgjë fare, fare!

Bën vetëm një përmbledhje të thashethemeve të gazetave çdo sabah dhe e shpërndan poshtë e lart pa asnjë përgjegjësi.

Shqipëria ka detyrime të përcaktuara si në institucione ku është anëtare, ashtu edhe para istitucioneve ku dëshiron të anëtarësohet. OSBE nuk ka më asnjë rol për të luajtur.

Prandaj është momenti ta falenderojmë këtë prezencë, për prezencën e saj dhe ta ftojmë të mbledhë leckat e të shohë për ndonjë shtet tjetër në nevojë për ta.

Shqipëria, megjithë problemet e thella demokratike, nuk ka nevojë për OSBE parazite.

Enough is enough!

P.s. Nuk mund të mos e përsëris revoltën time për atë fyerje të rëndë që bëri shefi pensionist i Prezencës së OSBE mbrëmë: Shame on You!

Gjykata e Kavajës merr vendimin për shefin e sigurisë së Burgut të Durrësit. Vrau ish-të dashurin e shoqes

Gjykata e Kavajës ka vendosur masën e sigurisë “arrest me burg”, për shefin e sigurisë së Burgut të Durrësit, Bledar Toçi, i akuzuar për vrasjen me dashje të Dritan Haxhollit. Më herët, gjykata la në burg vëllain e tij, Benardin për posedim të lëndëve narkotike.

Në kërkesën e Prokurorisë për vleftësimin e arrestit në flagrancë dhe caktimin e masës së sigurimit, shpjegohet se Marsida Qatja i kërkoi ndihmë mikut të saj, Bledar Toçi, që të ndërhynte për t’i zgjidhur një problem që kishte me ish-të dashurin e saj, Dritan Haxholli.

Toçi i ka premtuar asaj se do ta ndihmonte dhe e kanë lënë të takohen në shtëpinë e 30- vjeçares. Oficeri i burgjeve ka mbërritur në shtëpinë e Marsida Qatjas rreth orës 20:30 të mbrëmjes, bashkë me dy miqtë e tij, Xhulio Biturku dhe Ermir Çela.

Këta të fundit kanë qëndruar në shtëpinë e Qatjas, ndërsa Toçi ka dalë dhe është kthyer pas 30 minutash me disa doza kokaine, të cilat nga hetimet paraprake rezulton t’i ketë marrë nga i vëllai, Bernardi. “Në mbrëmje, Marsida Qatja, Bledar Toçi dhe dy të tjerët kanë konsumuar alkool dhe kokainë“, thuhet në dokumentin e organit të Akuzës.

Venecia: Nuk janë kushtet për shkarkimin e Metës

Komisioni i Venecias

“Ndërsa Presidenti mund të ketë vepruar përtej kompetencave të tij kushtetuese, ka të dhëna se veprimet e tij mund të mos kenë qenë të një natyre që mund të justifikojnë shkarkimin e tij”: ky është përfundimi i ekspertëve të Komisionit të Venecias, sipas një deklarate për shtyp të shpërndarë sot pasdite, pasi Komisioni miratoi në seancë plenare opinionin e tij lidhur me kërkesën e parlamentit shqiptar për të interpretiar vendimin e Kreut të Shtetit për anullimin e 30 Qershorit si datë të zgjedhjeve për pushtetin vendor.

“Komisioni i Venecias vëren se presidenti shqiptar nuk mund të anulojë zgjedhjet pa konsensus politik. Edhe në rast të gjendjes së jashtëzakonshme, siç është lufta ose katastrofa natyrore, Kuvendi do të duhej të miratojë legjislacion të posaçëm për të shtyrë zgjedhjet”, vë në dukje deklarata, sipas së cilës “në përgjigje të krizës politike në vend dhe një bojkoti zgjedhor nga disa parti të mëdha politike, Presidenti fillimisht anuloi dhe më pas shtyu zgjedhjet vendore. Edhe nëse parlamenti do të konstatonte se Presidenti tejkaloi kompetencat e tij, Komisioni i Venecias vë në dyshim nëse ky veprim ishte i një karakteri të tillë sa për të vërtetuar nje “shkelje serioze”.

Ekspertët nënvizojnë thirrjet e Presidentit për dialog dhe pritshmërinë se shtyrja e zgjedhjeve mund të kishte kontribuar në një kompromis midis palëve dhe “theksojnë mungesën e një sfide të drejtpërdrejtë ndaj Dekreteve të Presidentit përpara gjykatës”.

Për më tepër, vë në dukje deklarata, zgjedhjet vendore nuk kanë të njëjtin status kushtetues si zgjedhjet parlamentare. Ekspertët thonë se edhe nëse Kuvendi do të përcaktonte seriozitetin e shkeljeve, kjo nuk duhet domosdoshmërisht të çojë në shkarkim, duke marrë parasysh fuqinë e Seancës Plenare të parlamentit për të marrë parasysh qëllime të tjera kushtetuese, siç janë ruajtja e kontrolleve dhe ekuilibrave dhe stabilitetit në vend. Nëse Kuvendi do të vendoste në favor të shkarkimit, në fund do t’i takonte Gjykatës Kushtetuese, e cila aktualisht nuk funksionon, të konfirmojë nëse vendimet e Presidentit janë shkelje “serioze” që do të justifikonin shkarkimin e tij”, përfundon deklarata.

Akademia e Shkencave e Shqipërisë letër për Nobelin në Letërsi: Fituesi i papranueshëm, akt i rëndë i dhunimit të vlerave njerëzore

Akademia e Shkencave te Shqiperise i eshte drejtuar me nje leter Akademisë Suedeze ne Stokholm për Çmimin Nobel në Letërsi 2019, ku shpreh zhgenimin e thelle dhe papajtueshmerine per fituesin e ketij viti. 

akademia-e-shkencave

“Laureimi i sivjetmë, që me të drejtë ka krijuar një gjendje shqetësimi gjerësisht në Europë e në Botë, na detyron të largohemi nga mirësjellja formale dhe të shprehemi me këtë kontestim publik, që u bashkohet shumë kontestimeve të tjera”- thuhet ne leter.

Ne te, theksohet me tej se “Këtë vit ne jemi të detyruar të shprehim qëndrimin tonë, sepse kandidati i laureuar e implikon rëndë këtë parimësi, duke e paraqitur jurinë e këtij çmimi dinjitoz në standarde të dyfishta dhe shpërfillëse ndaj dukurive më të refuzuara europiane, si hate speech, përkrahja e krimeve kolektive, mbështetja publike e urrejtjes kombëtare, gjuhësore, fetare, racore, gjinore e kulturore, me shkelje të duksme të kodit të etikës”.

LETRA E PLOTE 

Drejtuar: Akademisë Suedeze, Stokholm
Në dijeni: Jurisë për ndarjen e Çmimit Nobel për Letërsi

Akademia e Shkencave e Shqipërisë u njoh me shqetësim e zhgënjim të thellë me vendimin e jurisë së çmimit Nobel në letërsi, i cili për këtë vit iu rezervua shkrimtarit Peter Handke.
Duke qenë prej shumë vitesh propozuese ngulmuese e kandidaturës së shkrimtarit shqiptar me reputacion të gjithëvlerësuar botëror Ismail Kadare, Akademia e Shkencave e Shqipërisë u është shmangur, edhe pse me mundim, interpretimeve të kësaj jurie, duke mos dashur të gjykohet si palë e cenuar
Por laureimi i sivjetmë, që me të drejtë ka krijuar një gjendje shqetësimi gjerësisht në Europë e në Botë, na detyron të largohemi nga mirësjellja formale dhe të shprehemi me këtë kontestim publik, që u bashkohet shumë kontestimeve të tjera.
Kjo sepse Akademia motër Suedeze e Shkencave, në raste të mëparshme të vendimeve të diskutueshme të jurive të saj, me të drejtë ka lënë të kuptohet se është në parimet e saj që Nobeli i letërsisë është çmim talenti dhe qytetarie. Dhënia e një çmimi të tillë mund të arsyetohet me faktin se ai i referohet vetëm kontributit të shkrimtarit në letërsinë botërore, por në të njëjtën kohë jemi të vetëdijshëm edhe për peshën politike që mbart çmimi Nobel.
Këtë vit ne jemi të detyruar të shprehim qëndrimin tonë, sepse kandidati i laureuar e implikon rëndë këtë parimësi, duke e paraqitur jurinë e këtij çmimi dinjitoz në standarde të dyfishta dhe shpërfillëse ndaj dukurive më të refuzuara europiane, si hate speech, përkrahja e krimeve kolektive, mbështetja publike e urrejtjes kombëtare, gjuhësore, fetare, racore, gjinore e kulturore, me shkelje të duksme të kodit të etikës. E njëjta Akademi që akordon vit për vit çmimin Nobel të Paqes nuk mund t’i lejojë vetes të inkurajojë me Nobelin e Letërsisë urrejtjen dhe konfliktin.
Ne nuk gjykojmë vlerën e veprës letrare të fituesit të Nobelit të sivjetëm.
Ne na dëshpëron braktisja e parimësisë në gjykim nga juria e këtij çmimi, duke mbyllur sytë para inkurajimit të hapur që ai i ofroi makinerisë së urrejtjes etnike ndaj shqiptarëve të frymëzuar prej një njeriu të dënuar për krime të rënda kundër Njerëzimit nga Gjykata Ndërkombëtare e Hagës.
Pyetja jonë është: A mund të besohet më kjo “parimësi”?
Prej kohësh janë paraqitur dyshime për moralin e Nobelit në Letërsi.
Ka ndodhur që juria e këtij çmimi të lartë ka konsideruar edhe opinionet; ka ndodhur edhe e kundërta, që, në emër të idealeve, ideologjive, qendrimeve vetjake politike, të bëhet para-përzgjedhje, duke përjashtuar edhe kryemjeshtër të artit të fjalës.
Siç ka ndodhur që talente të jashtëzakonshëm në letërsi të rezultojnë, shumë kohë pas shpalljes fitues, që kanë pasur implikime okulte në jetën shoqërore.
Por nuk ka ndodhur ndonjëherë që frymëzuesit e ideologjisë primitive të urrejtjes dhe armiqësisë etnike të laureohen duke ua amnistuar përgjegjësitë e tyre të mirënjohura si famëkeqe prej kohësh botërisht.
Sa më sipër, Akademia e Shkencave e Republikës së Shqipërisë paraqet mospajtimin dhe indinjatën e saj, pasi në vlerësimin tonë ky është një akt i rëndë i dhunimit të vlerave njerëzore.

Tiranë më 11 tetor 2019

Entela Kasi PEN Albania: Të promovosh genocid është më e rëndë se pjesëmarrja në akte kriminale kundër njerëzimit

Të promovosh genocid është më e rëndë se pjesëmarrja në akte kriminale kundër njerëzimit. Letërsia e madhe është e jashtzakonshme, ka vlerën e humanitetit. Njeriu, njerëzimi është dhe mbetet tema e letërsisë së madhe, ndaj ajo është universale dhe njëkohësisht pasuri për njerëzimin. Akademia e Çmimeve Nobel, me vendimin e saj për laureatin e vitit 2019, nuk ka shkaktuar thjesht një skandal të radhës, për të cilin përgjegjësinë e ka po ajo për aq sa ka marrë një vendim, por thënë thjesht dhe shkurt me këtë vendim ka promovuar genocid. Promovimi i qëndrimeve antihumane është po aq i rëndë sa pjesëmarrja në akte kriminale kundër njerëzimit, kundër vlerave të humanitetit, kundër vlerave bazë të lirisë, paqes, dinjitetit të njeriut.

Moikom Zeqo: Handke fiton Nobelin – Është një turp i paparë, një vetëvrasje e institucionit të vetë çmimit Nobel

VOAL – Shkrimtari i shquar shqiptar Moikom Zeqo, në një reagim të menjëhershëm në faqen e tij në facebook, shkruan se në vitin 1999, në gazetën “Koha jonë” kishte botuar një faqe një shkrim për shkrimtarin Peter Handke që e mbronte kriminelin Millosheviç dhe protestonte ndaj sulmit të NATO-s ndaj Beogradit. “Kurrë nuk e kam menduar se ky Handke do të fitonte çmimin Nobel. Është një turp i paparë, një vetëvrasje e institucionit të vetë çmimit Nobel.”, shkruan shkrimtari dhe dijetari i shquar shqiptar Moikom Zeqo.

NE VITIN 1999 NE GAZETEN “KOHA JONE ” BOTOVA NJE FAQE NJE SHKRIM PER SHKRIMTARIN PETER HANKE QE MBRONGTE KRIMINELIN MILOSHEVIC DHE PROTESTONTE NDAJ SULMIT TE NATOS NDAJ BEOGRADIT
KURRE NUK E KAM MENDUAR SE KY HANKE DO TE FITONTE CMIMIN NOBEL

ESHTE NJE TURP I PAPARE
NJE VETEVRASJE E INSTITUCIONIT TE VETE CMIMIT NOBEL

moikom

2019 Nobel Prize in literature: PEN Albania expresses the deepest regret to the Nobel Prize Academy

Based on the principles of PEN International Charter, PEN Albania expresses the deepest regret to the Nobel Prize Academy, according to its decision of 2019 Nobel Prize in literature. The P.E.N. Charter P.E.N. affirms that:

1. Literature knows no frontiers and must remain common currency among people in spite of political or international upheavals.

2. In all circumstances, and particularly in time of war, works of art, the patrimony of humanity at large, should be left untouched by national or political passion.

3. Members of P.E.N. should at all times use what influence they have in favour of good understanding and mutual respect between nations; they pledge themselves to do their utmost to dispel race, class and national hatreds, and to champion the ideal of one humanity living in peace in one world.

4. P.E.N. stands for the principle of unhampered transmission of thought within each nation and between all nations, and members pledge themselves to oppose any form of suppression of freedom of expression in the country and community to which they belong, as well as throughout the world wherever this is possible. P.E.N. declares for a free press and opposes arbitrary censorship in time of peace.

It believes that the necessary advance of the world towards a more highly organized political and economic order renders a free criticism of governments, administrations and institutions imperative. And since freedom implies voluntary restraint, members pledge themselves to oppose such evils of a free press as mendacious publication, deliberate falsehood and distortion of facts for political and personal ends.

Tiranë: Studim mbi kushtet e vështira të punës për gazetarët shqiptarë

Ilirian Agolli

Qendra Shqiptare për Gazetari Cilësore dhe Organizata Citizens Channel publikuan sot një studim, mbi tregun e sotëm të medias dhe kushtet e punës së gazetarëve të rinj.

Studimi zbuloi se pjesa dërrmuese e reporterëve të rinj shfrytëzohen nga drejtuesit e mediave gjatë të mbiquajturave praktika pune, duke cënuar dinjitetin dhe pritshmëritë e tyre.

Mbi 85% e gazetarëve të punësuar në media thonë se e kanë gjetur vetë këtë mundësi ose i kanë referuar të njohurit e tyre.

Vetëm një gazetar thotë se ka aplikuar për vendin e punës. Mbi 60% e studentëve të punësuar thonë se nuk kanë një kontratë të nënshkruar me punëdhënësin.

Ndërsa mbi 26% e gazetarëve të punësuar me kohë të plotë pohuan se nuk kanë një kontratë të nënshkruar më punëdhënësin.

Të pyetur “nëse janë thirrur ndonjëherë nga punëdhënësi i tyre për të diskutuar çështje të kontratës së punës”, shumica e gazetarëve të intervistuar, ose afro 60% e tyre, u përgjigjën jo.

Afro 30% e tyre thanë se janë informuar pak ose aspak mbi detyrimet që punëdhënësi ka ndaj tyre, të përcaktuara në kontratën e punës.

“Është krijuar një mentalitet në profesionin e gazetarit, ku kontrata e punës në shumicën e herëve merret si e mirëqenë dhe nuk kërkohet të ketë një proces negocimi përpara, apo edhe thjesht diskutimi për çështje të kontratës. Të dhënat tregojnë se punëdhënësit dhe punëmarrësit, nuk janë pro-aktivë shumicën e herëve për të diskutuar çështje të kontratës” – thuhet në studim.

Mbi 30% e studentëve të gazetarisë të punësuar me kohë të plotë në media thonë se nuk po paguhen rregullisht për punën e kryer. Madje edhe mbi 18% e gazetarëve profesionistë thonë se nuk po paguhen rregullisht për punën e kryer.

“Problemi kryesor mbetet pamundësia e tyre për të lidhur kontrata pune si afat-shkurtëra ashtu edhe afat-gjata. Në shumicën e rasteve këto kontrata janë të cënueshme lehtësisht nga ana e punëdhënësit ose nuk ekzistojnë fare. Nuk ekzistojnë kurrfarë garancie për gjithë punonjësit e medias, sepse disa punojnë pa kontrata, dhe disa kanë kontrata fiktive” – Roden Hoxha, përfaqësues i Qendrës Shqiptare për Gazetari Cilësore.

Sondazhi me afro 500 studentë të gazetarisë në Tiranë, Durrës, Elbasan e Shkodër, 50 gazetarë profesionistë dhe 16 menaxherë mediash zbuloi se afro 3/4 e gazetarëve pohuan se u janë shkelur të drejtat dhe se nuk kanë patur kontrata pune në periudhën e provës, ndërsa 1/3 e të anketuarve pohuan se nuk po paguhen rregullisht për punën e kryer.

Mbi 80 për qind e gazetarëve profesionistë pohojnë se kanë pasur një periudhë prove para se të punësoheshin me kohë të plotë. Sipas studimit, mbi 80% e gazetarëve profesionistë thonë se kanë pasur një periudhë prove para se të punësoheshin me kohë të plotë.

Afro gjysma e tyre pohuan se kjo periudhë ka zgjatur tre muaj, ose më shumë se tre muaj. Mbi 70% e gazetarëve profesionistë pohuan në sondazh se nuk kanë pasur një kontratë të nënshkruar për periudhën e provës me punëdhënësin, ndërsa 50% e gazetarëve profesionistë thonë që nuk janë paguar për periudhën e provës.

Pagat dhe oraret janë shkaqet më të shpeshta të mosmarrëveshjeve me drejtues të redaksive. “Afatet e tejkaluara të orareve te punës shihen si një gjë normale nga menaxherët e medias dhe çdo reagim i gazetarëve në këtë pikë shihet si pretendim i tepërt” – thekson studimi.

Pronarët apo menaxherët e mediave u përgjigjën në shumicë se nuk kanë asnjëherë problem me pagat, apo vonesa, por gazetarët profesionistë pohuan se situata me vonesat në paga është përkeqësuar, krahasuar kohë më parë.

Vetëm dy nga 16 prej tyre përmendin krijimin e pavarësisë editoriale si kusht i rëndësishëm për të pasur një gazetari cilësore, ndërsa shumica përmendin mënyrën e drejtimit, mjediset e punës dhe marrëdhëniet mes stafit.

“Gazetarët e rinj thonë se problemi më i madh në tregun e punës janë pagat dhe oraret e tejzgjatura, ndërsa pronarët përgjigjen krejt tjetër, se pagat vijnë në kohë, se nuk kanë patur kurrë vonesa. Tema se gazetarët marrin trajtim të dobët në redaksi ka mbetur si legjendë se ata ashtu gjithmon ankohen, por ne duam ta bëjmë këtë një temë debati konkret për të diskutuar më njëri tjetrin” – tha Lorin Kadiu, përfaqësues Organizatës Citizen Channel.

Studimi është pjesë e projektit mbi “Përmirësimin e Marrëdhënieve të Punës dhe Profesionalizmit në Median Shqiptare”, që mbështetet nga Bashkimi Europian, Instituti Shqiptar i Medias dhe Federata Ndërkombëtare e Gazetarëve.

Shumica e studentëve të gazetarisë, afro 39% të të anketuarve, pohuan se dëshirojnë të nisin një karrierë në televizion pas përfundimit të studimeve, por ka edhe një rritje të përqindjes së studentëve që duan të punojnë në fushën e marrëdhënieve me publikun.

Mbi 70% e gazetarëve profesionistë u përgjigjën se “kanë pasur raste gjatë përvojave të punës, që kanë menduar se iu janë shkelur të drejtat”, dhe shkeljet kanë të bëjnë me punë jashtë orarit, mospagesa në kohë, mos-nënshkrimi i një kontrate pune. Mbi 20% e studentëve të gazetarisë përgjigjen se “kanë pasur raste gjatë përvojave të punës, që kanë menduar se iu janë shkelur të drejtat”, të llojit mos-nënshkrim kontrate, mbajtja në periudhë prove për më shumë se 3 muaj dhe mospagesa pas periudhës së provës.

Studimi vëren se vonesat në pagesa janë më të zgjatura në rastin e studentëve sesa në rastin e gazetarëve profesionistë. Numri i studentëve që punojnë dhe që i marrin rrogat me vonesa 3 mujore, 6 mujore apo edhe një vit, është më e madhe sesa përqindja e gazetarëve profesionistë, për të cilët shumica e vonesave në paga janë për periudha një mujore.

“Tregu mediatik është i tejngopur, përtej nevojave të vendit dhe jashtë logjikës ekonomike. Kemi 12 TV me formatin lajme 24 orë, kemi 56 TV të tjera, kemi 20 gazeta të përditshme, kemi 200 TV kabllorë, kemi 3 platforma digjitale; të gjitha këto janë për një publik 2.7 milionë banorë. Këto nuk funksionojnë si treg, se përndryshe do të duhej të kishte falimente” – tha pedagogu i gazetarisë Lutfi Dervishi.

Sipas studimit, shumica e themeluesve/menaxherëve të mediave të intervistuar thonë se nuk kanë marrëveshje të nënshkruara bashkëpunimi me institucione të arsimit të lartë, për qëllimin e praktikave të studentëve, por disa prej tyre pranuan që kanë marrëveshje bashkëpunimi joformale me disa nga institucionet e arsimit të lartë për praktikat e studentëve të gazetarisë.

Menaxherët e mediave u shprehën se kanë vullnetin e mirë për të pranuar studentë për praktika profesionale por identifikojnë ‘frikën nga tatimet’ si pengesë për këtë sjellje pasi ka paqartësi për përcaktimin ligjor dhe detyrimet e medias për rastet e praktikave të studentëve.

Studimi sjell një pamje të plotë mbi aspiratat e gazetarëve të rinj, përballë përvojave dhe mundësive konkrete për praktika profesionale dhe zbulon probleme reale nëpër redaksi lajmesh, ku sfidat kanë të bëjnë nga etika profesionale e deri tek trajtimi dinjitoz i punonjësve.

Ai pasqyron pikëpamjet e grupimeve të ndryshme si studentët, gazetarët, menaxherët dhe pronarët, ndaj bëhet një ndihmesë të madhe për të gjithë aktorët dhe institucionet që mund të angazhohen në përmirësimin e situatës.

Tiranë: Protesta para drejtorisë së policisë për lirimin e protestuesve të lagjes së unazës së re

Ilirian Agolli

Disa dhjetëra banorë të lagjes së lagjes periferike të mbiquajtur Unaza e Re protestuan sot para drejtorisë së policisë së kryeqytetit pas ndalimit të disa banorëve, që njihen si drejtues të protetave të zonës kundër planeve që prishin shtëpitë e tyre për të zgjeruar rrugën.

Familjarë të personave të ndaluar nga policia kërkuan lirimin e tyre, të mbështetur nga shumë banorë të tjerë që preken nga projektet për rrëzimin e shtëpive të tyre në këmbi të zgjerimit të rrugës.

Policia ndaloi mëngjesin e sotëm disa nga personat që njihen në zonë si organizatorë të protestave në lagjen e Unazës së re, pas hyrjes në fuqi të masave të reja shtrënguese në Kodin Penal, sipas të cilave bllokuesit e rrugëve dënohen deri në 3 vjet burg.

Ndryshimet e reja ligjore shtojnë dënimet pë rata që vendosin pengesa në rrugë ose ndalojnë qarkullimin e automjeteve të transportit.

Policia njoftoi se arrestoi në flagrancë tre shtetas në rrugën “Teodor Keko” në lagjen e Unazës së Re për veprat penale “Organizim dhe pjesëmarrje në grumbullime e manifestime të paligjshme”, “Prishja e qetësisë publike” dhe “Pengimi i qarkullimit të automjeteve”.

Dje pasdite, ata në bashkëpunim dhe me persona të tjerë u grumbulluan në vende të kalimit publik, duke penguar qarkullimin e mjeteve të transportit rrugor, tha policia.

Protestat e banorëve të lagjes së Unazës së Re po vazhdojnë prej mëse një viti duke bllokuar çdo pasdite rrugën pranë shtëpive të tyre në shenjë proteste kundër projektit për zgjerimin e atij aksi.

Protestës së banorëve pranë drejtorisë së policisë iu bashkuan ish deputetë të opozitës, të cilët i quajtën provokime ato ndalime të banorëve që kreu policia.

Banorët kërkojnë dialog me autoritetet për të bërë ndryshime në projektin që prek banesat e tyre dhe që i nxjerr ata të pastrehë.

Krimi në Kavajë – E thirri për ndihmë! Polici vret ish të dashurin e të afërmes, mbetet vetë i plagosur

Një ngjarje e rëndë ka tronditur qytetin e Kavajës në orët e para të mëngjesit të sotëm ku ka mbetur i vdekur Dritan Haxholli dhe është plagosur efektivi i Policisë Bledar Toçi.

Sipas njoftimit të Policisë 41-vjeçari Haxholli ishte ish- i dashuri i gruas Marsida Qatja.

E gjithë ngjarja ka ndodhur në banesën e saj, ku Marsida Qatja, jetonte bashkë me fëmijët pasi bashkëshorti punonte në Itali. Edhe pse të ndarë prej disa kohësh, viktima nuk e linte të qetë gruan.

Pak kohë para se t’i shkonte në banesë, ai e kishte telefonuar gruan dhe e kishte njoftuar se po shkonte që ta takonte. E frikësuar Marsida Qatja ka marrë në telefon katër të afërm të saj, mes tyre edhe policin e burgut Bledar Toçin.

Viktima ka mbërritur në banesë rreth orës 00:44  i armatosur dhe sapo ka parë personat e mbledhur ka hapur zjarr me kallashnikovin e tij.

Nga breshëria e kallashnikovit ka mbetur i plagosur polici, i cili edhe pse i lënduar ka arritur që të nxjerrë armën e shërbimit dhe ka qëlluar Dritan Haxhollin, duke e lënë të vdekur në vend.

Vetë Bedar Toçi është dërguar për në spitalin e Traumës në Tiranë, ku edhe ndodhet jashtë rrezikut për jetën.

Por ne pranga pervec autorit, policit te burgjeve qe akuzohet per vrasje me dashje, ra edhe vellai i tij pasi “gjatë kontrollit të banesës së shtetasit B. T. në lagjen nr. 2, në Kavajë iu gjetën dhe u sekuestruan me cilesinë e provës materiale një sasi e dyshuar lendë kokaine e ndarë në 7 doza që i përkisnin 27-vjeçarit”, vellait te policit, sqarojne blute.

Dëshmia e gruas

“Shtetasja Marsida  Qatja  ka deklaruar se prej kohësh ka pasur  marrëdhënie me shtetasin Dritan Haxholli, marrëdhënie e cila sipas deklarimit te saj ka kohë që është ndërprerë por pavarësisht  ndërprerjes se marrëdhënies, muajin e fundit shtetasi Dritan Haxholli  ka shkuar disa herë tek banesa e saj dhe ka insistuar për të kryer marrëdhënie me të”- bëjnë me dije burimet.

Shtetasja Marsida Qatja e ka refuzuar shtetasin Dritan Haxholli, por ai ka këmbëngulur dhe e ka shqetësuar serish.

Ajo këtë problem e ka ndare me shtetasin Bledar Toci paraditen e djeshme dhe ai e ka siguruar se do ta zgjidhte këtë gje me Dritanin.

Në mbrëmjen e datës 09.10.2019 shtetasi  Bledar Toci ka shkuar në banesën e shtetases dhe ka qëndruar sëbashku me te, në prani edhe të dy personave te tjere, qe ishin shoke dhe njeheresh fqinj te Marsides.

Rreth orës  23:30 tek banesa e shtetases Marsida Qatja  ka shkuar shtetasi Dritan Haxholli, i cili ka pasur me vete edhe një arme zjarri automatik dhe me qytën e armës ka goditur dritaren e guzhinës së banesës së saj.

Ne keto kushte, Marsida ka komunikuar me te dhe e ka ftuar te vinte brenda per tu sqaruar.

Sapo ka hapur derën  e baneses së saj, Dritani eshte futur me arme në dorë dhe ka konstatuar se në banesë ndodhej shtetasi Bledar  Toci.

Dritan Haxholli ka qelluar me arme ne drejtim te tij duke plagosur ate. Bledari ka nxjerre pistoleten qe kishte me vete, ka shkëmbyer zjarr me shtetasin Dritan Haxholli i cili  ka mbetur i vdekur.