VOAL

VOAL

Please Wait ...
0%

NA ISHTE DIKUR BESA E SHQIPTARIT! – Nga FRANK SHKRELI

By | May 16, 2015
blank

Komentet

blank

Serbia rreshton ushtrinë në kufi me Kosovën: Presim urdhrin e Vuçiçit

Serbia rreshton ushtrinë e saj pranë kufirit me Kosovën. Tensionet e ditëve të fundit lidhur me reciprocitetin për targat, bënë që forcat e armatosura të këtij shteti të vendosen në gatishmëri të lartë për luftim. Ato janë të vendosura në Rashkë dhe Novi Pazar. Serbia pretendon se me këtë po dërgon një mesazh të qartë për palën tjetër.

“Ushtria jonë nuk provokon, por është e gatshme të mbrojë njerëzit nëse ndodh diçka që rrezikon jetët e tyre. Është e rëndësishme për mua të shoh që këta ushtarë janë të përgatitur dhe gati. Pajisjet që kemi blerë janë në duart e duhura dhe shumë profesionale”, tha Nebojsha Stefanovic, ministër i Mbrojtjes i Serbisë.

Kjo erdhi pas raportimit se situata është tensionuar. “Kemi një situatë ku në Bërnjak janë dhunuar tre serbë nga njësitë speciale të ROSU-së”, tha Goran Rakiç, ministër i Kosovës për Komunitete.

Pavarësisht se policia e Kosovës mohoi diçka të tillë, reagimet nga Beogradi kanë qenë të shpejta. Madje paralajmërohet se ushtria po pret një urdhër nga presidenti, Aleksandër Vuçiç, për të vepruar.

“Dhunimi i serbëve është fatkeqësi. Presidenti Vuçiç kishte të drejtë kur tha se kjo do të ndodhte. Kjo ishte pjesë e një fushate të organizuar”.

Ndërkohë, ka pasur raportime që Serbia ka dërguar dhe disa pjesëtarë të xhandarmërisë në Jarinjë dhe Bërnjak./A2

blank

 

blank

blank

blank

VIDEO VIRALE- SYRI TV- Tensionet, Serbia drejton armët nga Kosova

Serbia rreshton ushtrinë e saj pranë kufirit me Kosovën.

Tensionet e ditëve të fundit lidhur me reciprocitetin për targat, bënë që forcat e armatosura të këtij shteti të vendosen në gatishmëri të lartë për luftim. Ato janë të vendosura në Rashkë dhe Novi Pazar.

Serbia pretendon se me këtë po dërgon një mesazh të qartë për palën tjetër.

Ndërkohë një video e SYRI TV, e cila tregon se si xhandarmëria serbe i ka drejtuar pushkët për nga Kosova, u bë virale në rrjetet sociale. Nga ana tjetër, forcat speciale të Kosovës janë në gatishmëri të lartë.

Ajo tregon edhe njëherë se sa e rënduar është situata, ndërkohë që retorika është ndezur në maksimum.

blank

Vendimi për targat s’është i vetmi, pesë masat e tjera të reciprocitetit të Kosovës ndaj Serbisë

Aplikimi i masës së reciprocitetit për targat e automjeteve të Serbisë që hyjnë në Kosovë, nuk është vendimi i parë që autoritetet e Kosovës kanë marrë ndaj shtetit të Serbisë.

Marrëveshja e Brukselit në vitin 2011, për lëvizje të lirë, në kuadër të dialogut ndërmjet Kosovës dhe Serbisë, me ndërmjetësimin e Bashkimit Evropian dhe Marrëveshja për Tregti të Lirë më vendet e Ballkanit Perëndimor e njohur më shkurtesën CEFTA, jo gjithmonë janë respektuar nga këto shtete.

Kjo ka shtyrë qeveritë e Kosovës disa herë të marrin masa reciproke ose të vendosin taksa doganore, ndaj mallrave të prodhuara në Serbi.

Masa e parë e reciprocitetit, në vitin 2011

Një masë reciprociteti ndaj Serbisë, Kosova e kishte aplikuar edhe në korrik të vitit 2011.

Kjo masë e reciprocitetit në atë kohë ishte marrë nga ish-ministrja e Tregtisë dhe Industrisë, Mimoza Kusari- Lila, pasi që Serbia për tre vite pas shpalljes së pavarësisë së Kosovës në vitin 2008, kishte bllokuar mallrat nga Kosova, për shkak të ndërrimit të vulave nga ato të UNMIK-ut në ato të Republikës së Kosovës.

Produktet më këtë vulë, nga dhjetori i vitit 2008, nuk janë lejuar as transit të kalojnë nëpër shtetin e Serbisë, pasi që ky shtet nuk njeh pavarësinë e Kosovës. Parimi i reciprocitetit filloi të zbatohet në të gjitha pikat kufitare.

Por gjendja ishte tensionuar më shumë në pjesën veriore të Kosovës, rajon ky i banuar më shumicë serbe, konkretisht në pikat kufitare 1 dhe 31, që gjenden në Jarinjë dhe Bërnjak.

Këto pika madje janë djegur nga serbët lokalë në vitin 2008, si hakmarrje ndaj shpalljes së pavarësisë së Kosovës. Masa e reciprocitetit nuk zgjati më shumë se 40 ditë, pasi gjatë bisedimeve të zhvilluara në Bruksel, ndërmjet palës kosovare dhe asaj serbe, ishte arritur marrëveshje për njohje reciproke të vulave.

Viti 2016: Reciprociteti në tekstet shkollore

Edhe Ministria e Arsimit, Shkencës dhe Teknologjisë, e udhëhequr nga Arsim Bajrami, në vitin 2016, pat vendosur masa të reciprocitetit ndaj Serbisë në lidhje me tekstet shkollore në gjuhën serbe.

Autoritetet serbe në atë kohë kishin kthyer mbrapsht tekstet shkollore të Kosovës, duke mos lejuar të dërgohen në komunat e banuara me shumicë shqiptare në Luginë të Preshevës.

Reciprociteti në transportin e naftës dhe gazit

Masa reciprociteti ndaj Serbisë në mars 2016, Kosova kishte vendosur në transportin e naftës dhe të gazit, pasi autoritetet serbe nuk pranuan certifikatat (të njohura si ADR) që lëshohen nga autoritetet e Kosovës, për shoferët dhe automjetet që bartin materie të rrezikshme.

Viti 2018: Taksa doganore 100 për qind

Në vitin 2018, qeveria e Kosovës e udhëhequr në atë kohë, nga ish- kryeministri Ramush Haradinaj, kishte vendosur taksë doganore, fillimisht 10 dhe më pas 100 për qind, ndaj mallrave të importuara nga Serbia dhe Bosnjë e Hercegovina.

Para vendosjes së taksës doganore, Serbia ishte eksportuesja më e madhe e produkteve në Kosovë. Ky shtet, para taksës, gjatë një dite ka eksportuar në Kosovë mallra në vlerë prej rreth 1.2 milion euro apo rreth 450 milionë euro brenda një viti.

Taksa ka ndikuar që dialogu për normalizimin e raporteve ndërmjet Kosovës dhe Serbisë, të ndërpritet dhe për këtë arsye, kundër taksës, ishin deklaruar Shtetet e Bashkuara të Amerikës dhe Bashkimi Evropian.

Shndërrimi i taksës në reciprocitet në vitin 2020
Në vitin 2020, në Kosovë u krijua qeveria e re e udhëhequr nga Albin Kurti. Më ndërrimin e qeverisë, taksa u shndërrua në reciprocitet me Serbinë.

Me 31 mars të vitit 2020, kryeministri në detyrë i Kosovës Albin Kurti, vendosi që emërtimet e certifikatave fitosanitare dhe veterinare si dhe dokumente të tjera përcjellëse, të përdoren në​ përputhje me Kushtetutën dhe legjislacionin në fuqi të Kosovës. Ky vendim nxiti kundërshtim në Serbi, Shtetet e Bashkuara të Amerikës dhe Bashkim Evropian.

Qeveria Kurti 1 ra pas 51 ditësh në pushtet, kur Lidhja Demokratike e Kosovës me mocion të mosbesimit, rrëzoi qeverinë. Më 3 qershor të vitit 2020, krijohet qeveria e re e Kosovës, e udhëhequr nga Avdullah Hoti. Hoti e shfuqizoi vendimin për reciprocitetin në ditët e para të punës së tij, duke deklaruar se kështu u larguan pengesat në procesin e dialogut për normalizimin e marrëdhënieve mes Kosovës dhe Serbisë.

Në Kosovë më 14 shkurt 2021, u mbajtën zgjedhjet e parakohshme parlamentare dhe më 22 mars u konstitua Kuvendi dhe po të njëjtën ditë, u zgjodh edhe qeveria e re e Kosovës në krye me Albin Kurtin nga Lëvizja Vetëvendosje.

Më marrjen e qeverisë, Albin Kurti kishte thënë se vendosja e reciprocitetit me Serbinë, do të jetë ndër gjërat e para që do ta bëjë qeveria e tij, ndërkaq dialogu me Serbinë, nuk është pjesë e prioriteteve të tij.

Reciprociteti për targat e automjeteve

Autoritetet në Kosovë më 20 shtator 2021, nisën aplikimin e masës së reciprocitetit për targat e automjeteve nga Serbia. Sipas vendimit të Qeverisë së Kosovës, veturat që hyjnë nga Serbia, duhet të pajisjen me targa të përkohshme në pikëkalimet kufitare të Kosovës.

Për shkak të kësaj mase, serbë lokalë bllokuan dy rrugë nacionale në veri të vendit.

Të dy rrugët që shpijnë në pikat kufitare Jarinjë dhe Bërnjak, po mbahen të bllokuara nga dhjetëra kamionë dhe vetura të vendosura nga protestuesit serbë./REL

blank

Blerim Hoxha: Reciprociteti është veprim i duhur, nuk mundet që Kosova të nëpërkëmbet vazhdimisht

Gazetari Blerim Hoxha nga Prishtina, në një intervistë për Syri Tv, me moderatoren Armela Ferko, foli për reciprocitetin e targave të Kosovës në raport me Serbinë.

Hoxha thekson se reciprociteti ishte veprimi i duhur, duke shtuar se Kosova nuk mundet që pafundësisht të nëpërkëmbet nga Serbia.

“Situata nuk është aq shqetësuese, është bllokadë. Kosova nuk mundet që pafundësisht të mbetet e nëpërkëmbur me Serbinë. Ne duhet të sillemi me dinjitet në raport me Beogradin. Albin Kurti ka premtuar reciprocitet politik dhe ekonomik. Kurti ka marrë vetëm pak masa reciprociteti, e pritet të shikohet nëse do të marrë edhe masa të tjera të reciprocitetit.

Nuk besoj se këto veprime të Kurtit bëhen për fushatë elektorale. Por, të shikojmë nëse ky vendim do i rezistojë apo jo kohës. Situata shkon drejt përmirësimit, nëse Serbia nis të sillet normalisht. Unë shpresoj se do pasojnë masa të tjera, kjo është për fajin e Serbisë dhe serbët e Kosovës e dinë se është për faj të politikës shoviniste të Beogradit”, deklaroi Hoxha.

blank

‘Shtyrja e fiskalizimit’, Nasto: Do ketë protesta deri në grevë urie nga biznesi

I ftuar në Edicionin e Pasdites në SYRI TV me moderatoren Armela Ferko, kreu i Shoqatës së Biznesit të Vogël dhe të Mesëm, Albert Naso ka kërcënuar me grevë urie nëse qeveria nuk shtyn procesin e fiskalizimit.

Nasto: Qeveria shqiptare për fat të keq nuk dëgjon zërin e shoqatës së biznesit dhe grupeve të interesit. E disa herë që i kemi kërkuar qeverisë shtyrjen e afatit të procesit të fiskalizimit, të shtyhet në një periudhë pa afat deri sa të ikë pandemia dhe të rimëkëmbet ekonomia. Kjo është kërkesa e vetme dhe e panegociueshme me qeverinë shqiptare. Ska kthim mbrapa për ne, do fillojme grevat dhe protestat.

Ferko: Sa ditë i lihet kohë qeverisë shqiptare për këtë kërkesë që keni?

Nasto: Nuk kemi lënë ditën por ne si bord kemi vendosur për protestë. 1 orë protestë me mbyllje të bizneseve. Nuk do ta bëjmë publike sepse është taktikë dhe sekret i shoqatës së biznesit. Mund të jetë në Qarkun e Tiranës por edhe në të gjithë Shqipërinë. E kemi vendosur por po e mendojmë.

Do jetë një orë mbyllje qepenash, për ato biznese që nuk e mbyllin dot, do kërkojmë që mos tu shërbehet klientëve.

Ti bashkohen të gjithë kësaj greve. Nëse qeveria nuk dëgjon dhe nuk e shtyn procesin e fiskalizmit pa afat, pasi është një proces shumë kompleks. Nëse nuk dëgjon zërin e biznesit që paguajnë taksat për këtë qeveri, atëherë ne do i vazhdojmë protestat me një ditë me dy ditë me tre ditë, deri në grevë urie, nëse qeveria nuk e shtyn pa afat fiskalizimin.

Ferko: Çfarë doni të zbuloni në këtë reagim të shoqatës së biznesit?

Nasto: Kemi vendosur që një orë do të mbyllim qepenat. I bëjmë thirrje gjithë pranorëve të bizneseve që të solidarizohen me këtë protestë për të realizuar këtë kërkesë tonën që e shohim nga më të vështirat e 30 viteve. Kjo do jetë një pandemi më e madhe se pandemia e Covid-19.

blank

VIDEO- Arifi: E kemi mirëpritur vendimin e Kurtit për reciprocitetin, u forcua shtet-ndërtimi i Kosovës

Kryetari i Alternativës për Ndryshim në Luginën e Preshevës, Shqiprim Arifi, në një intervistë për moderatoren Armela Ferko, për Syri Tv, foli për reciprocitetin e targave që Kosova ka vendosur ndaj Serbisë.

Arifi thekson se vendimi është mirëpritur nga shqitarët që jetojnë në Luginë, pasi qytetarët mendojnë se kështu forcohet shtet-ndërtimi i Kosovës.

Ne e kemi mirëpritur vendimin e marrë nga Albin Kurti. Ky vendim forcon shtet-ndërtimin e Kosovës. Të gjithë shqiptarët janë të kënaqur me këtë vendim, madje thonë se është vendim i vonuar.

Reciprociteti duhet edhe në nivel kombëtar. Serbët në veriun e Kosovës e përdorin flamurin e Serbisë, ndërsa shqiptarët në Luginën e Preshevës nuk e përdorin flamurin shqiptar.

Serbia, duke mos pasur reciprocitetin, ka forcuar pozitën e serbëve në Kosovë. Vendimi është brenda kornizës së mbrojtjes së autoritetit të shtetit të Kosovës dhe reciprociteti duhet të zgjerohet e nuk duhet të ketë kthim mbrapa. Institucionet tona vetë duhet të forcohen.

Fatkeqësisht Tirana e Prishtina vazhdojnë të kenë politikë të pakoordinuar për reciprocitetin, por duhet ta kishin të përbashkët, sepse vlen për të forcuar autoritetet tona’, deklaroi Arifi.

blank

FOTOT – Osmani takon Bill Clinton: Faleminderit për gjthçka që keni bërë për njerëzit tanë

Presidentja e Kosovës, Vjosa Osmani është takuar me ish-Presidentin e Shteteve të Bashkuara të Amerikës, Bill Clinton.

Me anë të një postimi në Twitter, Osmani teksa ka publikuar disa foto ga takimi me Clinton, e ka falenderuar atë për mbështetjen që i ka dhënë Kosovës.

“Është pak të thuhet se Kosova është e bekuar me miqtë më të përkushtuar dhe më besnikë. President, faleminderit për gjithçka që keni bërë për njerëzit tanë”, shkroi Osmani.

blank

blank

blank

blank

blank

Arkiv: Ish-Kongresmeni Joe DioGuardi interviston Pjetër Arbnorin, kryetarin e Parlamentit të Shqipërisë

 

Intervistë e ish-Kongresmenit Joe DioGuardi me Kryetarin e Parlamentit të Shqipërisë Pjetër Arbnori.

Z.Joe Dioguardi kishte shkruar ne Shqipëri i shoqëruar me një delegacion kongresual përfaqësues i tre komiteteve të Kongresit për të mbledhur fakte dhe për të ndihmuar Shqipërinë të bëhet anëtare e Aleancës Verio-Atlantike. Është vitit 1993. Më poshtë po ju sjellim intervistën e plotë:

blank

Sopranoja me famë botërore Inva Mula: Në atë Gala mungonin Edit Mihali, Zana Turku, Lili Cingu, Marjana Leka, Xhovana Doko etj.

Intervistat e Inva Mulës janë ngjarje për jetën artistike.

Ajo është gjithmonë primadona, jo vetëm si soprano me famë botërore, por edhe sepse me zërin e saj ajo shqipton të vërtetat për të cilat shumë artistë të tjerë heshtin.

Inva Mula është artiste e madhe dhe indipendente.

Intervista sot tek Tiranapost ka marrë shkas për një scoop skandal të drejtuesave të Teatrit të Operas dhe Baletit të cilët në mbrëmjen gala organizuar me rastin e 65 vjetorit dhe rinkonstruksionit të TOB nuk e ftuan  në skenë sopranon, dhe jo vetëm kaq, në atë skenë mungonin edhe plot emra të tjerë të rëndësishëm për Teatrin e Operas dhe Baletit.

Në këtë gala ishte i ftuar i madhi Placido Domingo, emri i të cilit kishte direkt lidhje me sopranon, sepse Inva Mula është artistja e parë shqiptare që fitoi konkursin e Pacido Domingo në Paris.

Në këtë intervistë Inva thotë se i erdhi shumë keq që në këtë gala as si imazh nuk u shfaqën prindërit e saj, artistët Nina Mula dhe Anvi Mula.

Por asaj i vjen keq që aty mungonin edhe plot artistë të tjerë, që kishin dhënë jetën për artin, sepse thotë Inva Artistët japin jetën për artin.

“Unë isha e ftuar si spektatore, por unë nuk mund të isha spektatore, unë mund të isha edhe 99 vjeç dhe nuk mund të isha spektatore”, thotë Inva Mula.

Pastaj ajo shton: “Ne nuk kemi të drejtë që të harrojmë Artistët.

Në atë Gala mungonin Edit Mihali, Zana Turku, Lili Cingu, Marjana Leka, Xhovana Doko etj.

Problemi në Shqipëri është se ne në Shqipëri nuk kemi memorie.

Në 65 vjetorin e këtij teatri të gjithë Artistët kanë kontributin e tyre, secili nga një tullë.

Shumë artistë shqiptarë janë larguar nga kjo botë shumë të varfër. Për këta Artistë nuk pati as një homazh..

Ne nuk duhet të heshim, për gjëra të rëndësishme ne nuk duhet të heshtim…”

Më poshtë po e sjellim intervistën e plotë:

 

blank

blank

blank

VIDEO nga SYRI TV- Braçe akuza qeverisë: Skemat për fshatin kanë dështuar

Ish-zv. kryeministri Erion Braçe ka zgjedhur të bëjë opozitën e qeverisë Rama, duke e kritikuar për politiken fiskale në sektorin e Bujqësisë. Braçe ka deklaruar se keqqeverisja dhe taksimi jo i duhur ka zhytur këtë sektor në krizë e për pasojë ka larguar krahun e punës e ka mbyllur ferma bujqësore.

Nga SYRI TV

Vetëm një ditë pasi boshatisi zyrën e tij në kryeministri, ish-zv. kryeministri Erion Braçe ka marrë rolin e opozitarit ndaj qeverisë së Edi Ramës.

Sot, me anë të një statusi, Braçe ka lëshuar akuza ndaj qeverisë, ku për vite ishte numri 2, se ka lënë në harresë sektorët jetikë duke thelluar hendekun e varfërisë për shqiptarët. Ai ka shigjetuar Kryeministri Rama për deklaratat e tij se s’ka krah pune, duke publikuar të dhëna për numrin e punëtorëve të larguar.

‘S’kemi punetore!

S’kemi punetore!

Po humbim punetore ne fakt!

A e mbani mend 2018-ten?

Koha kur nje politike fiskale vrau punen e qindra mije bujqeve!

Duhet ndryshim tani qe te mos humbim punetoret e rinj te bujqesise e blegtorise!

Në bujqësi në gjashtë muajt e fundit kemi humbur 29.000 punëtorë.

Rroga e referuar nga INSTAT aty është vetëm 35. 580 lekë’, shkruan Braçe në Facebook.

Më tej ish-zv. Kryeministri Braçe ka bërë edhe një pasqyrë të gjendjes aktuale të sektorit të bujqësisë, duke dhënë shifrat se si politikat fiskale e kanë shkatërruar këtë sektor.

Madje, nëpërmjet të shifrave Braçe ka nxjerrë se si superprodhimi I rajonit ka dëmtuar fermerët vendas, kjo një paralajmërim për rritjen e pasojave me zbatimin e projektit të Open ballkan, ku prodhimi i rajonit nuk do të ketë më asnjë barrierë doganore.

‘Kemi humbur 100.000 krerë nga 2018, 54. 000 vetëm lopë sepse skema nuk favorizon përpunimin e prodhimit vendas të prodhuesve të qumështit; Kemi humbur 300. 000 krerë të leshta, sepse skema nuk favorizon përpunimin e prodhimit vendas të prodhuesve të qumështit e të mishit prej tyre; kemi humbur 23.000 tonë qumësht, 7. 000 tonë grurë për të njëjtën arsye:

Nuk humbin para te sjellin qumeshtin nga Maqedonia, Kosova, Bosnja, Serbia, nuk humbin para te sjellin mishin nga Argjentina, Brazili, nuk humbin para te sjellin ullirin nga Greqia, te sjellin perime per konservim nga cilido vend i botes;

TVSH ka rregjimin 20 me 20% ne rastet e importit te lendes se pare per perpunim!’, vazhdon Erion Braçe me shënimin e tij në rrjetet sociale.

Duke shmangur angazhimin e qeverisë, ku nuk është më pjesë, Erion Braçe ka theksuar se ardhja në ndihmë të fshatit me politika të reja fiskale është një detyrë e Partisë Socialiste.

blank

Kurti: Krerët e komunave serbe në Kosovë t’i largojnë pengesat që çojnë në pikat kufitare me Serbinë

Kryeministri Kurti thotë se Kosova është e interesuar për zgjidhje të përhershme dhe të qëndrueshme të lëvizjes së qytetarëve mes dy shteteve, me tabela zyrtare dhe pa tabela të përkohshme

Agim Sulaj   |22.09.2021
Prishtinë

Kryeministri i Kosovës, Albin Kurti u ka bërë thirrje qytetarëve serbë në veri të Kosovës ta largojnë bllokadën e formuar me automjete në rrugët që çojnë për në dy pika kufitare me Serbinë, në Jarinjë dhe Bërnjak, raporton Anadolu Agency (AA).

Kurti, në një konferencë për media të mbajtur pas mbledhjes së Qeverisë, tha se është njoftuar se pengesat e vendosura në rrugë që shpijnë në pikat kufitare 1 dhe 31 në Jarinjë dhe Bërnjak, janë duke u bërë me kamionë të cilët janë pronë e institucioneve komunale dhe “kjo sigurisht që përbën shkelje dhe keqpërdorim të pronës publike”.

Në këtë mënyrë, Kurti ftoi krerë të komunave me shumicë serbe dhe qytetarët serbë, që t’i largojnë pengesat nga rruga.

“I ftoj kryetarët e komunave në veri që të tërheqin automjetet e institucioneve komunale nga rruga dhe ftoj po ashtu edhe grupin e organizuar të qytetarëve serbë që të largohen nga dy rrugët regjionale përkatësisht nga bllokimi i tyre, sepse asisoj ata kanë bllokuar vetveten dhe lëvizjen e tyre. Pra, nuk po i bllokojnë vetëm të tjerët por edhe vetveten”, tha Kurti.

Ai tha se vënie e ligjshmërisë në vend është në interes të të gjithëve, prandaj ai tha se është i bindur që me kalimin e kohës po e kuptojnë të gjithë.

Kurti tha se refuzimi i Serbisë për ta vazhduar dialogun pas vendimit për reciprocitet me tabelat e automjeteve nga pala kosovare, nuk i bën dobi as Serbisë dhe as serbëve.

Ai thotë se Kosova është e interesuar për zgjidhje të përhershme dhe të qëndrueshme të lëvizjes së qytetarëve mes dy shteteve, me tabela zyrtare dhe pa tabela të përkohshme.

“Bisedimet nuk duhet të kenë alternativë apo plane të tjera dhe ne po e theksoj jemi të interesuar për zgjidhje të përhershme dhe të qëndrueshme të lëvizjes së qytetarëve mes dy shteteve tona. Pra, të lëvizim me tabela zyrtare dhe t’u ofrojmë qytetarëve një perspektivë të re bazuar në të drejtat e njeriut, të drejtat civile si dhe të drejtat, vlerat dhe parimet demokratike evropiane”, tha Kurti.

Kryeministri kosovar tha se njësia speciale e policisë, në pikat kufitare 1 dhe 31 është vetëm për të ruajtur policët kosovarë në pikat kufitare dhe për t’u kujdesur për qarkullimin normal.

Kosova me vendim të 20 shtatorit nuk do t’i lejojë veturat me tabela serbe në Kosovë. Të gjithë ata që kanë vetura me regjistrim të Serbisë duhet të marrin tabela të përkohshme, vlefshmëria e të cilave zgjat 60 ditë dhe kushtojnë 5 euro, për t’u futur dhe qarkulluar në territorin e Kosovës.

Kjo ka ngjallur reagim nga serbët e Kosovës të cilët kanë ngritur tendë në afërsi të kufirit të Kosovës me Serbinë dhe kanë bllokuar rrugët me kamionë në formë proteste mbi vendimin e Kosovës.

Ministria e Punëve të Brendshme ka sugjeruar më herët qytetarët të cilët planifikojnë të shfrytëzojnë pikat kufitare në Bërnjak dhe Jarinjë, që “mundësisht të shfrytëzojnë pikat tjera kufitare për qarkullim, për shkak të krijimit të pengesave të mundshme”.

blank

Kurti: Kosova dhe Serbia të heqin targat e përkohshme të makinave

VOA

Kryeministri i Kosovës, Albin Kurti, i bëri thirrje të mërkurën Serbisë që të dyja palët të heqin nga përdorimi targat e përkohshme të makinave dhe të hapet rruga për lëvizjen e lirë të qytetarëve.

Ai i bëri këto komente në mbledhjen e qeverisë dy ditë pasi autoritetet në Kosovë filluan zbatimin e masës së reciprocitetit me Serbinë për targat e makinave. Që nga e hëna, makinat që hyjë nga Serbia në Kosovë duhet të ndërrojnë targat e tyre me ato të përkohshme, njësoj siç veprohet me makinat nga Kosova që hyjnë në Serbi tash e dhjetë vjet me radhë.

“Edhe oferta jonë publike, besoj që është tejet praktike përveç se gjeneroze ,e kjo është le t’i heqim tabelat e përkohshme edhe Serbia edhe Kosova dhe në këtë mënyrë qytetarët le të qarkullojnë sa më shumë e me sa më pak vonesa”, tha kryeministri Kurti, sipas të cilit Serbia është duke refuzuar bisedimet për këtë çështje.

“Sepse qartazi ata kanë dhënë përgjigje negative për bisedimet me neve. Ne besojmë se Brukseli është vendi ku duhet të zhvillohen takimet dhe bisedimet dhe natyrisht, si gjithmonë, jemi të gatshëm, të hapur e të interesuar, sepse është interesi i qytetarëve për një gjë të tillë”, tha kryeministri Kurti.

Qeveria e Kosovës dërgoi të hënën në vendkalimet kufitare me Serbinë njësitë e posaçme të policisë për të zbatuar vendimin mbi targat, duke nxitur zemërimin e Beogradit.

Presidenti serb Aleksandër Vuçiç, kërkoi të martën nga autoritetet e Kosovës tërheqjen e njësive të posaçme të policisë nga veriu i Kosovës dhe heqjen dorë nga vendimi për masën e reciprocitetit për targat e makinave, ndërsa paralajmëroi kundërmasa nëse kjo nuk ndodhë.

Për të tretën ditë me radhë grupe qytetarësh serb vazhdojnë të mbajnë të bllokuar lëvizjen për në vendkalimet kufitare ndërmjet Kosovës dhe Serbisë në Jarinjë dhe Bërnjak, në veriun e banuar me shumicë serbe, në shenjë proteste kundër vendimit të qeverisë së Kosovës.

“Vendimi për targat është i drejtë dhe garanton të drejtën e lëvizjes së lirë, përfshirë edhe qytetarëve serbë. Pengesat janë duke u bërë me disa kamionë pronë komunale dhe kjo është keqpërdorim i aseteve publike. Ftoj grupin e organizuar të qytetarëve serbë, sepse ata kanë bllokuar veten e tyre dhe lëvizjen. Për incidente dhe eskalim nuk kanë interes as qytetarët e as shteti ynë, nuk kanë interes as serbët e Kosovës e as Serbia, duket se interes ka vetëm një individ, presidenti i Serbisë”, tha kryeministri Kurti.

Çështja e targave ishte pjesë e marrëveshjeve të arritura në Bruksel në kuadër të bisedimeve Kosovë – Serbi të ndërmjetësuara nga Bashkimi Evropian. Sipas saj banorët e Kosovës duhet të përdorin targat ‘KS’ (Kosovë) ose ‘RKS’ (Republika e Kosovës) dhe të heqin nga përdorimi targat që për serbët e Kosovës lëshoheshin nga ministria e Brendshme e Serbisë.

Autoritetet në Kosovë thanë se 15 shtatori i vitit 2021 ishte afati i fundit kur përfundimisht duhej të përmbyllej marrëveshja e arritur në Bruksel dhe të ndalohej lëvizja e makinave me çfarëdo tabelash përveç atyre me shenjën RKS. Sipas marrëveshjes, deri më 15 shtator lejohej hyrja në Serbi e makinave me targat që mbanin shenjën KS.

Bashkimi Evropian dhe Shtetet e Bashkuara u bënë thirrje të dyja palëve që “të ulin tensionet menjëherë dhe pa vonesë” dhe që çështjet e diskutueshme ndërmjet tyre t’i zgjidhin përmes procesit të bisedimeve në Bruksel.


blank
blank
blank
blank
blank
blank
blank
blank
blank
blank
blank
blank
Send this to a friend