VOAL

VOAL

Motrat Williams në finale të Australian Open

January 26, 2017

Komentet

Laura Fazliu merr medaljen e bronztë në Botërorin e Xhudos në Abu Dhabi

Xhudistja “Dardane”,  Laura Fazliu, ka fituar medaljen e bronztë në Kampionatin Botëror të Xhudos, që po mbahet në Abu Dhabi të Emirateve të Bashkuara Arabe.

Në kuadër të kategorisë deri në 63 kilogramë, Fazliu në finalen e repesazhit e mposhti xhudisten nga Kanadaja, Catherine Beauchemin-Pinard.

Deri te medalja e bronztë, Fazliu në raundin e parë e kaloi pa luftë, kurse në të dytin u mposht nga kroatja, Katarina Kristo. Laura vazhdoi me fitore edhe në raundin e tretë, duke e mposhtur xhudisten ruse Dali Liluashvili, ndërsa në luftën për gjysmëfinale u mposht nga sllovenja Andreja Leski.

Më pas, Laura e vazhdoi garën në repesazh, ku në raundin e parë e mposhti australianen Katharina Haecker, ndërsa në finalen e repesazhit e mposhti kanadezen Beauchemin-Pinard. sn

Portugalia përsëri mbështet shpresa tek Cristiano Ronaldo

Do të jetë turneu i 11 i madh për 39-vjeçarin, Anglia pa Rashford

VOAL- Cristiano Ronaldo do të udhëheqë gjithmonë Portugalinë në Kampionatin Evropian, thuhet në një lajm të transmetuar nga RSI. 39-vjeçari, i cili po përgatitet të luajë turneun e tij të 11 madhor me përzgjedhjen portugeze, në fakt është pjesë e 26-shes së thirrur nga Roberto Martinez. Së bashku me asin e Al-Nassr – në turneun e gjashtë kontinental në karrierën e tij, një rekord – do të ketë shumë emra të tjerë të mëdhenj, si Bruno Fernandes, Ruben Dias apo Bernardo Silva, bën të ditur RSI. Trajneri vendosi gjithashtu të mbështetet në përvojën e Pepes, i cili në moshën 41-vjeçare do të jetë ende një gur themeli i praparojës portugeze.

Anglia ka publikuar edhe emrat e 33 lojtarëve të përzgjedhur përpara Euro 2024. Surprizë është mungesa e Marcus Rashford, i freskët nga një sezon më pak se yjor me Manchester United dhe i lënë jashtë skuadrës që do të udhëtojë drejt Gjermanisë. Jadon Sancho dhe Raheem Sterling janë gjithashtu jashtë, ashtu si edhe Jordan Henderson. Është e qartë se Jude Bellingham dhe Harry Kane ishin të pranishëm në vend të tyre, dy lojtarët e vetëm që luajtën jashtë Premier League në ekipin e Gareth Southgate, bën të ditur, ndër të tjera RSI.

Ndahet nga jeta në moshën 85-vjeçare Karl-Heinz Schnellinger

Finalet Botërore, goli i gjysmëfinales së vitit 1970 Itali Gjermani

VOAL- RSI bën të ditur se u nda nga jeta në moshën 85-vjeçare futbollisti gjerman Karl-Heinz Schnellinger.

Goli në foto është goli i tij në ndeshjen e gjysmëginales së vitit 1970 Itali-Gjermani.

Ishte goli i barazimit 1-1 në “Ndeshjen e Shekullit”.

 

Kandidatura e përbashkët me Serbinë për Euro U-21, Tifozat Kuqezi protestojnë para FSHF-së

Kandidatura e përbashkët e Federatës Shqiptare të Futbollit me Federatën e Futbollit të Serbisë për organizimin e Euro 2027 për U21, ka sjellë reagimin e madh të tifogrupit, Tifozat Kuqezi. TKZ shkruan se do të kundërshtohet çdo nismë, e cila ka si synim rregullimi ne marrëdhënieve me një vend që gjithmonë ka luftuar kundër Shqipërisë.

“Kundërshtojmë çdo nismë që mundohet ti rregulloj imazhin një populli barbar e gjenocidal. Kundërshtojmë çdo bashkëpunim me vrasësit me ata që shkaktuan me qindra masakra ndaj shqiptarëve dhe që deportuan me miliona nga shtëpitë e tyre gjatë gjithë historisë” – Shkruan TKZ. Mbështetësit e Kombëtares nuk kanë “qëndruar duarkryq” duke postuar vetëm në rrjetet sociale, pasi tashmë po protestohet edhe para selisë së FSHF-së. BW

Usyk me mesazh të fortë: Fitore e madhe për vendin tim dhe për ushtarët

Boksieri ukrainas Oleksandr Usyk ka thënë se fitoren ndaj Tyson Furyt, ia kushton vendit të tij që është në luftë.

“Kjo është një fitore për vendin tim.Ndihem mirë, shumë njerëz u lutën për mua, ju dua”, u shpreh Usyk.

“Unë jam shumë i lumtur. Populli im do të jetë shumë i lumtur mendoj, është një fitore e madhe, jo vetëm për mua, është një fitore e madhe për vendin tim, për ushtarët që tani mbrojnë vendin tim”.

“Mendoj se babai im tani po më shikon dhe është shumë i lumtur. Babi, të dua. Unë mundem, ti më the se mundem”.bw

Fury boksoi sikur ta kishte fituar ‘luftën’

Lennox Lewis kritikoi planin e lojës së Tyson Fury kundër Oleksandr Usyk, pasi britaniku pësoi një humbje me pikë ndaj ukrainasit.
Fury, 35 vjeç, humbi titullin e tij në WBC dhe rekordin e tij të përsosur ndaj Usyk në Riad, Arabi Saudite, pasi rivali i tij u bë kampioni i parë i padiskutueshëm i peshave të rënda në epokën e katër rripave.

“Fury po boksonte sikur e kishte fituar luftën”, tha Lewis në DAZN.

“Asnjë boksier nuk mund të gjykojë dhe të thotë se e fitoi meçin. Sa herë që një raund ishte afër, ata duhet ta shikojnë atë si një humbje”.
Dy gjyqtarë shënuan ndeshjen për Usyk, ndërsa një i tretë shënoi 114-113 për Fury.

Të tre gjyqtarët i dhanë raundet e tetë, nëntë dhe 10 për Usyk.

Fury tha se besonte se ishte qartësisht përpara me pikë duke shkuar në raundin e fundit.

“Po argëtohesha atje. Unë isha duke luajtur përreth. Mendova se po e drejtoja luftën, “tha ai.bw

Usyk mund Furyn, kampion i padiskutueshëm i peshave të rënda

Tyson Fury pësoi një humbje me pikë në një natë dramatike në Arabinë Saudite, pasi Oleksandr Usyk u bë kampioni i parë i padiskutueshëm i boksit me katër rripa në peshën e rëndë.

Në një skenë madhështore, britaniku Fury filloi mirë, por nw raundin e 9-tw u shpëtua nga gongu pas një sulmi të Usyk.

Në një pritje të tensionuar për leximin e kartave të rezultateve, Fury u shfaq i bindur për fitoren përpara se Usyk me fytyrë ‘guri’ të shpërthente në lot kur u konfirmua si fitues.

Rezultatet ishin 115-112 dhe 114-113 për ukrainasin, me një gjyqtar të tretë që shënoi 114-113 për Fury.

Kjo do të thoshte që Fury, 35 vjeç, humbi për herë të parë në një karrierë profesionale 16-vjeçare. Ai do të ketë një mundësi të menjëhershme për hakmarrje me një revansh të planifikuar më vonë këtë vit.

“Unë besoj se ai fitoi disa nga raundet, por unë fitova shumicën,” tha Fury.

“Ishte një nga vendimet më të vështira në boks. Do të kthehem.”

Usyk merr rripin WBC nga Fury, për ta shtuar në koleksionin e tij WBA, WBO dhe IBF.

37-vjeçari mbetet i pamposhtur dhe është boksieri i parë në pothuajse 25 vjet që qëndron si kampioni i vetëm i botës në peshën e rëndë.

“Faleminderit shumë për ekipin tim. Është një mundësi e madhe për familjen time, për mua, për vendin tim. Është një kohë e mrekullueshme, është një ditë e mrekullueshme,” tha Usyk.bw

Dita e Demollarit, legjenda e futbollit shqiptar feston 60-vjetorin

 

Një nga legjendat e futbollit shqiptar, Sulejman Demollari feston 60-vjetorin e tij të lindjes.


Ai është një nga ikonat e Dinamos dhe konsiderohet si një nga lojtarët më të mirë të të gjitha kohërave.

Demollari e nisi karrierën që në moshën 15-vjeçare kur u grumbullua nga ekipi i Dinamos.

Vite të tëra kushtuar “Bluve”, ku me grintën, qetësinë, karakterin, shpejtësinë dhe driblimet ia doli të kthehej në një element kyç të kësaj skuadre.

Po jo vetëm kaq, ai është një ikonë e kombëtares shqiptare, i cili aktualisht vazhdon të jetë pjesë e pandarë e kuqezinjve, teksa jep kontributin në FSHF për spikatjen e brezave të rinj.

PANORAMASPORT.AL

EURO 2024/ Shqipëri – Itali, FSHF fton në stadium të gjithë ish-futbollistët e Kombëtares shqiptare

Federata Shqiptare e Futbollit ka ndërmarrë një iniciativë shumë të veçantë për ndeshjen e parë të Kombëtares shqiptare në Kampionatin Europian “Gjermani 2024”.

Departamenti i Komunikimit në FSHF bën me dije se në stadiumin e Dortmundit, aty ku edhe do të luhet takimi i parë i kuqezinjve ndaj Italisë janë rezervuar vende për të gjithë ish-futbollistët e ekipit kombëtar që kanë luajtur qoftë edhe një minutë të vetme me fanellën shqiptare.

Të gjitha kostot e udhëtimit, qëndrimit dhe biletat e ndeshjes do të mbulohen nga FSHF, që dëshiron që të vlerësojë në këtë mënyrë të gjithë ata futbollistë dhe emra të mëdhenj të futbollit shqiptar, të cilët kanë përfaqësuar dhe kanë dhënë gjithçka për fanellën e Kombit në të kaluarën.

Shqipëria do të luajë ndeshjen e parë ndaj Italisë në Kampionatin Europian “Gjermani 2024” më 15 qershor në ora 21:00 dhe mes mijëra tifozëve shqptarë, do të jenë të pranishëm edhe shumë emra të mëdhenj të futbollit shqiptar dhe që kanë lënë gjurmë me ekipin kombëtar.bw

“Zjarr”, UEFA publikon këngën e “Euro2024” (VIDEO)

Pak më shumë se një muaj, përpara startit të “Euro2024”, UEFA ka bërë publike kolonën zanore, zyrtare, të këtij evenimenti.
“Zjarr”, quhet kënga e cila do të shoqërojë tifozët gjatë “Euro2024”, një këngë e krijuar nga producentët italianë të Meduza, nga grupi pop-rock amerikan OneRepublic dhe nga kantautori Leony.bw

Goli që shtangu ‘Uemblin’, kur Demollarit i anulohej një perlë 35 vite më parë. Flet legjenda: Nuk fjeta gjithë natën- Nga UVIL ZAJMI

Nga UVIL ZAJMI
Janë dy data, 26 dhe 27 prill pak ndryshe për legjendën e futbollit shqiptar, Sulejman Demollari. Shumë të afërta dhe që lidhen ngushtë me karrierën e tij, kryesisht atë me fanellën kuqezi të Kombëtares.

“Kam debutuar me përfaqësuesen kur isha 19 vjeç, në Belfast më 27 prill të 1983-shit kundër Irlandës së Veriut. Trajneri Shyqyri Rreli më aktivizoi që nga minuta e parë. Humbëm 0-1”, kujton Demollari për “Panorama Sport”. Ndërsa e para, ka një tjetër histori. Ndonëse nga ai 26 prill i 1989-ës kanë kaluar 35 vjet, pikërisht atë mbrëmje, në stadiumin e famshëm “Uembli” të kryeqytetit britanik, Londër, do të zhvillohet një ndeshje krejt e veçantë. Angli-Shqipëri është e vlefshme për eliminatoret e Kampionatit Botëror “Italia ’90″.

PSE ISHTE UNIKALE
Angli-Shqipëri ishte unikale për gjithçka. E para ndeshje mes dy Kombëtarët, me lojtarët shqiptarë që si asnjëherë më në të kaluarën, por edhe më vonë, do të shkelnin në barin e “Uemblit”, aty ku kanë luajtur legjenda, nga yje të futbollit vendës dhe atij botëror. Në “Uemblin” e rezervuar vetëm për sfida të përfaqësuese angleze, finale kupash europiane për klube, por edhe Europian apo Botëror, si dhe finalet e Kupës së Mbretëreshës. E para herë që një grup i madh me futbollistë, staf, bashkë me ekipin Shpresa, udhëtojnë drejt Anglisë, ndonëse nga ndeshja e marsit në “Qemal Stafa”, nuk do të jenë portieri Mersini, mesfushori Josa dhe sulmuesi Minga.

Dhjetë ditë para ndeshjes, një ngjarje e rëndë kishte goditur Britaninë e Madhe: Më 15 prill, në stadiumin e Shefildit, nga incidentet mes tifozërive, kanë humbur jetën 96 tifozë dhe në nderim të tyre, në “Uembli” para takimit, mbahet një minutë heshtje. Madje, në fushë do të zbresin drejtues të federatave, mes tyre edhe Nimet Cani, kryetari i FSHF-së. Në stadium janë të pranishëm edhe futbollistët e skuadrës Shpresa, që drejtoheshin nga Medin Zhega e Vasil Bici, që një ditë më parë kishin humbur 2-0 në stadiumin e Ipsuiçit.

Ndërkohë, portieri Blendi Nallbani është befasia e madhe për anglezët, nisur nga mosha e tij, 17- vjeç, e para në kombëtare dhe debutim në “Uembli” për të. Impakti i parë me një stadium-tempull, në atë të martë në mbrëmje, kur në të njëjtën orë me atë ndeshje, skuadra kishte zhvilluar stërvitjen zyrtare. Të nesërmen ndeshja Angli-Shqipëri. Skuadrat kanë dalë në fushë, janë rreshtuar dhe pastaj himnet. Të gjithë janë në këmbë dhe në “Uembli” për herë të parë do të ekzekutohet edhe himni shqiptar.

SUPERGOLI DHE ANËSORI
Mbrëmja e 26 prillit ka startuar, por ajo do të jetë pak më ndryshe se të tjerat. Por më shumë, ajo natë londineze nuk do të kujtohet për rezultatin, por për një episod që do të mbetet unikal, për situatën e krijuar, befasinë që përcolli, krejt të rrallë, deri të pabesueshme. Pikërisht ishte goli spektakolar i shënuar nga Sulejman Demollari, por i mohuar dhe anuluar padrejtësish dhe pa asnjë motiv nga një flamur i asistentit të arbitrit norvegjez, Halle. Anglezët janë në avantazh 2-0 dhe teksa luhej minuta e 42-të, mijëra spektatorë të pranishëm në tempullin londinez do të heshtnin. Një pauzë totale kur në tabelën gjigande elektronike do të shkëlqejë fjala “Goal, Goal”, e nga zëri i telekronistit do të dëgjohet: “Demollari… what a terrific goal…”. Por, pas disa sekondash, i befasuar komentatori thotë se është një gol i pavlefshëm me një frymëmarrje të thellë dhe çliruese.

SHIH VIDEON

Aksioni ishte i tillë, kur pas një goditjeje këndi nga Demollari, në krahun e djathtë të sulmit, topi largohet nga mbrojtja vendëse, por për disa çaste janë futbollistët shqiptarë që të vendosur në mesfushën angleze, që e qarkullojnë “sferën”. Janë disa manovrime të gjata, nga Jera, Millo, Zmijani, Demollari dhe Noga që ka zëvendësuar Hasanpapën. Ai (Noga) pason te Demollari dhe me një të majtë fantastike nga jashtë zone, topi shkon në rrjetë.

“Ndonëse me shpinë nga porta, marrja e topit, goditja me trinë të plotë me kthesë me të majtën fluturimthi pa e parë portën, nga një distancë 17-18 meta pak diagonal, e bëri një gol të jashtëzakonshëm. Pata siguri se nuk do të gaboja, duke ndjekur trajektoren deri kur topi që ndal në rrjetë në gjysmë lartësie në të djathtë të Shiltonit të papërgatitur”, kujton Demollari. Një gol kryevepër, ndërsa “Uembli” në qetësi të plotë. “Në stadium ra heshtja, nuk pati asnjë reagim nga Shilton apo mbrojtësit anglezë. Gëzimi im ishte i madh, emocionet po ashtu. Goli në ‘Uembli’ ishte një ëndërr, aq më tepër t’i shënoje një portieri si Shilton. Gjithçka ishte intuitive. Për një çast, një mijë mendime më erdhën në kokë”, shprehet ish-mesfushori fantastik i kuqezinjve. E ndërsa lojtarët po festojnë, papritur flamuri i asistentit norvegjez sinjalizon për parregullsi. Arbitri kryesor do të vrapojë pranë tij, i rrethuar nga futbollistët shqiptarë që protestojnë. Dhe pasi ka biseduar me të, padrejtësisht goli i Demollarit do të anulohet në mënyrë absurde nga asistenti për një pozicion inekzistent jashtë loje të Ylli Shehut.

REAGIMI PAS ANULIMIT
“Nuk e kam besuar kur kam parë flamurin lart të asistentit, madje isha pranë tij. Qëndronte statik, si i mpirë, nuk fliste, ishin arbitra norvegjezë. Me kapitenin Hodja pastaj të gjithë reaguam ndaj tij dhe pas disa sekondash arbitrit kryesor, që pa asnjë motiv e anuloi. Nuk pati marrje me dorë, asnjë faull nga unë, asnjë lojtar i yni në pozicion të parregullt para portierit. Edhe në pamjet filmike shihet qartë. Jo se ai gol do të ndryshonte fatin e lojës, pasi epërsia e tyre ishte e dukshme. Në konferencën për shtyp pas ndeshjes, kur e pyetën trajnerin Robson, nëse do i anulonin Anglisë një gol të tillë, ai tha: ‘Nuk e di çfarë do të ndodhte’. Pastaj darka zyrtare u organizua në një nga restorantet në mjediset e brendshme të stadiumit”, tregon Demollari.

Nga një shënim në librin e kujtimeve të stadiumit, te kthimi në hotel në orët e vona pas mesnate. “Ajo ishte një tjetër natë e gjatë pa gjumë. Kisha të tjera emocione, ndeshja më shfaqej si një film. Goli i anuluar nuk më ndahej, duke e risjellë të detajuar në vetvete. Kam pritur dhe kam kërkuar ta takoja atë arbitër edhe më vonë, por nuk m’u dha asnjëherë rasti. Kujtoj se në pushim të ndeshjes nuk na doli koha të bënim analizë. Në ‘Uembli’, në pushim, lojtarët anglezë vraponin drejt dhomave të zhveshjes. Kjo, sepse nga fusha deri tek ato është larg. Ne nuk e menduam dhe kur arritëm atje, na priste arbitri për të filluar pjesën e dytë. Në atë ndeshje tipike britanike kam markuar kapitenin Robson, që pas takimit më dhuroi edhe fanellën”, thotë Demollari për ndeshjen kundër Anglisë.

RIKTHIMI NË ANGLI
Vite më vonë, rikthimi në Angli, por këtë herë si trajner i Kombëtares bashkë me Mirel Josën, që ishte ndihmës i tij. Shtator 2001, Angli-Shqipëri 2-0, një përballje që do të zhvillohet në Njukasëll, jo në “Uembli”, pasi anglezët kishin filluar t’i luanin edhe jashtë Londrës sfidat e përfaqësueses. Gjatë konferencës për shtyp, ka reagim nga gazetarët vendës, kur njëri prej tyre do i kujtojnë Demollarit golin e mohuar. “Ishte një gazetar që papritur dhe as që e kisha menduar, madje u ndodha i papërgatitur, kur më pyeti: ‘Demollari, ju kanë anuluar padrejtësisht një gol që keni shënuar në Uembli? Pse?’, më tha gazetari. Nuk kisha çfarë t’i thoja. Me humor iu përgjigja se për këtë duhet të pyesni arbitrat. Por, kuptova se nuk e kishin harruar, iu kishte mbetur në mendje ai gol. Ai është goli më i bukur në karrierë, të tillë e konsideroj, edhe pse nuk u vlerësua i tillë nga arbitrat. Ajo është gjithashtu edhe ndeshja më e veçantë e karrierës, jo më u bukura, por unikale dhe e papërsëritshme”, përfundon Demollari.

PANORAMASPORT.AL

Franca stërvit ‘ushtrinë kibernetike’ kundër sulmeve gjatë Olimpiadës së Parisit

Franca pret një rritje të sulmeve kibernetike gjatë garës sportive, veçanërisht nga Rusia.  Një njësi veçanërisht agresive e agjencisë ruse GRU të inteligjencës ushtarake, e quajtur Sandworm konsiderohet shkaktare nga vendet perëndimore për përdorimin e malware të quajtur “Olympic Destroyer” në ceremoninë e hapjes së Lojërave Dimërore 2018 në Korenë e Jugut.

Mbrojtësit e sigurisë kibernetike po përgatiten për Lojërat e ardhshme Olimpike të Parisit. Të ashtuquajturit “cyber-luftëtarë” kanë studiuar dhe analizuar pikat e forta, taktikat dhe dobësitë e hakerëve të mundshëm.

Kërcënimet mund të jenë gjithfarësh, që nga lojërat e adoleshentëve dhe bandat e ransomëare deri te hakerat ushtarakë rusë me një histori sulmesh kibernetike qëllimkeqe, që kërcënojnë të paralizojnë sistemet jetike të Teknologjisë së Informacionit për garën sportive.

Por ndryshe nga 10,500 sportistët olimpikë që do të mblidhen në kryeqytetin e Francës në korrik, inxhinierët e sigurisë kibernetike të këtyre Lojërave shpresojnë të qëndrojnë jashtë vëmendjes.

Për ta, baraz me një medalje do të ishte kalimi i Lojërave Olimpike dhe Paraolimpike pa ndonjë incident të madh.

“Ëndrra ime për Olimpiadën është që teknologjia dhe siguria kibernetike të mos përflitet, sepse kjo do të thotë se nuk kishte problem,” tha Jérémy Couture, i cili drejton qendrën e sigurisë kibernetike të organizatorëve të Lojërave në Paris.

Puna e zbulimit, analizimit dhe reagimit ndaj kërcënimeve kibernetike është kaq e ndjeshme dhe kritike për suksesin e Lojërave, saqë organizatorët e ngjarjeve e mbajnë të fshehtë vendndodhjen e qendrës.

Ndërsa ata që janë përgjegjës për të shmangur sulmet kibernetike gjatë konkursit nuk duan të zbulojnë shumë detaje rreth punës së tyre, nuk ka dyshim se hakerat keqdashës do t’i mbajnë ata të zënë me punë këtë verë.

Objektivat nuk kufizohen vetëm në lojërat, por edhe infrastruktura thelbësore, të tilla si rrjetet e transportit ose zinxhirët e furnizimit.

Mund të jetë e vështirë të dallosh një “aktivist” nga një operator kibernetik i sponsorizuar nga shteti që paraqitet si i tillë.

Ndër kundërshtarët kibernetikë më kërcënues janë vendet që mund të duan të vënë në siklet dhe t’i kushtojnë Francës dhe Komitetit Olimpik Ndërkombëtar. Rusia përmendet si shkak për shqetësim.

Mes luftës së vazhdueshme të Rusisë në Ukrainë, organizatorët olimpikë e kanë ndaluar atë të konkurrojë në garat ekipore në Lojërat e Parisit. Ata do të lejojnë vetëm disa rusë individualisht të konkurrojnë si neutralë

“Disa sulme kibernetike do të jenë serioze”

Image

Një ekspert i sigurisë kibernetike mban një tabletë në stadiumin Yves du Manoir, të premten, 3 maj 2024 në Colombes, jashtë Parisit

Vincent Strubel, i cili drejton agjencinë kombëtare të sigurisë kibernetike të Francës (ANSSI), e quajti të paprecedentë nivelin e kërcënimit kibernetik me të cilin përballet Olimpiada.

“Do të ketë sulme kibernetike gjatë Lojërave dhe Paraolimpike,” tha ai në një konferencë të premten. “Disa nuk do të jenë seriozë. Disa do të jenë serioze, por nuk do të kenë ndikim në Lojërat. Dhe ndoshta do të ketë disa që janë serioze dhe mund të kenë një ndikim në Lojërat.”

Strubel tha se ANSSI është stërvitur “jashtëzakonisht” dhe më shumë se kurrë më parë.

“Unë mendoj se ne kemi arritur të qëndrojmë një hap përpara sulmuesve,” tha ai.

Ndërsa Strubel tha se Rusia po sulmonte kibernetikikisht Francën “në mënyrë të përsëritur”, ai shtoi se nuk ka kuptim të fokusohemi në një aktor në veçanti. “Ne po përgatitemi për gjithçka.”

Një njësi veçanërisht agresive e agjencisë ruse të inteligjencës ushtarake GRU, e quajtur Sandworm konsiderohet shkaktare nga vendet perëndimore për përdorimin e malware të quajtur “Olympic Destroyer” që synonin të prishnin ceremoninë e hapjes së Lojërave Dimërore 2018 në Pyeongchang të Koresë së Jugut.

Është e njëjta njësi e akuzuar për të ashtuquajturat sulme me fshirëse në rrjetin elektrik të Ukrainës dhe virusin NotPetya 2017 që shkaktoi mbi 9 miliardë euro dëme në mbarë botën.

Ekipet e sigurisë kibernetike të Parisit kanë kërkuar të mësojnë nga ato përvoja, duke u konsultuar me teknikë që kanë punuar gjithashtu në Pyeongchang./SYRI.NET

Image


Send this to a friend