Bashkohem me shqetësimin e Z. Agron Tufa. Shpresoj që zëra të tjerë të lirë si Agroni të flasin publikisht.

Edhe unë në këtë faqe jam shprehur për atë çfarë ka ndodhur në Degën 2 pa patur parasysh emrat kandidues bile as Zj Irma Marku me të cilën jam takuar vetëm njëherë në grup në një takim elektoral të Belind Kelliçit.

Gjithkush nga ju që më lexoni e dini që unë kam vetëm një interes në këto prononcime apo përfshirje nëse mund ti quani të tilla e ky interes eshte interesi i Partisë Demokratike që është e vetmja shpresë pêr shpëtimin e vendit nga sekti ‘Soro-rilindas’, është interesi i opozitës shqiptare.

Partia Demokratike duhet të heqë dorë nga manipulimet e zgjedhjeve të veta!

Një parti që është në opozitë prej 12 vitesh manipulon dhe orkestron në mënyrë të pështirë procese si ky i Degês 2!

Kjo është e PAPRANUESHME.

Çdo argument që përdorni për ta justifikuar këtë akt vetëm se ju bën qesharakë në sytë e votuesit, në sytë e shqiptarëve!

Ne nuk kemi fytyrë të akuzojmë kundërshtarët politikë nesë ne nuk bëjmë zgjedhje të hajrit mes vedi.

Mos e vrisni të vetmen shpresë që kanë shqiptarët!

Bëjeni këtë për hir të fëmijëve tuaj!

Bëjeni këtë për hir të Shqipërisë.

Me çfarë morali do ju dilni votuesve përballë me 11 Maj?

Vetëm integriteti i Sali Berishës nuk ju mjafton! Po ju a them që sot!

Përkundrazi duke bërë gjëra të tilla kompromentoni dhe dëmtoni rëndë edhe figurën e tij në këtë kohë kur morali politik na duhet më tepër se kurrë!

Sot jemi në epokën e komunikimit masiv dhe merret vesh gjithçka për minuta pa le për orë e ditë.

Lejani votuesit ta zgjedhë drejtuesin/drejtuesen e saj. E nëse procesi është i drejtë, i lirë e transparent ju garantoj se askush nuk do ta kontestojë e garuesit do ti japin dorën njeri tjetrit.

Ai proces ka qenë i parregullt dhe këtu mbaron argumenti!

Mos i “vrisni” qëndrestarët!

Mos na e vrisni të vetmen shpresë dhe mundësi që kemi në dispozicionin tonë.

Anullojini zgjedhjet e degës 2 dhe përsëritini ato duke caktuar një komision të pavarur e me njerëz me integritet.

Ju LUTEM!