Mohuan nënën edhe atin, mohuan motrën dhe vëllain…- Poezi nga ZHULJANA JORGANXHIU

December 30, 2025

(Vetëm për ata, që u detyruan të mohonin…)

.

Mohuam nënën edhe atin,

fajtor pa faj, në mes të fajit,

mohuam motrën dhe vëllain,

gjymtyrë prerë për së gjalli.

.

Mohuam gruan, mohuam burrin,

ku ishte zemra rëndoi guri.

Mohuam vajzën edhe djalin,

gjak pikoi gjiri, kur s’iu gjet varri.

.

Mohuam shoqen edhe shokun,

nga faqenxira na u zbardh floku.

Mohuam dhimbjen dhe dashurinë,

shpirtin mohuam, vetë NJERIN!

.

Mohuam ne, e kë s’mohuam…

Ndaj botës mbetëm të harruar…

1990

.

*Titulli i origjinalit: “Mohimi i vehtes”

• twitter

  Follow
• facebook
• linkedin

Fjalë kyçe: ZHULJANA JORGANXHIU