I Dashur e i shtrejti Komb.

Të dashtuna gërma të njoma të Abetares; Fort e çmuara rrudhë e shpirtit mbi troje, I dashtun flamur , e shtrejta Liri!

Sivjet , ndër sofrat e votrat e Mirditës gjeti besë kujtesa e zanafillës , gjet kuptim rrugtimi i njiqind viteve , qyshkur Shqipria formoj shtet e ligj dhe Mirdita nuk provoj e lire ta gzonte dritën e diellit prej shtypjes.

Do të ishte vjeti 1416 kur lindi ky emër nën hije të nji tube lisash e do të trashëgohej me nder nga të zgjuar e të fortë trima. Katër shekuj pas mbretnimit të Mbretit Gjon , Kalanë e Rozafës e zaptuen deri në kthim të Lleshit të Zi nga Janina e kater shekuj pas amshimit te Kryetrimit Gjergj , nji njolle ruse përlau ballkanin e pushkatoj ndër djepa ma të qeshunit fëmijë, katër stinët e nji viti i bani sllavi dimën për Mirditën në të dyzetën vjet të shekullit të ri e të katër Vilajetet ranë nën poshtrimin e Partisë se Punës së cilës Mirdita i rezistoj  ma shum se çdo tempull.U vranë nga katër trupa për çdo zarm e u burgosën nga katër femijë për çdo kullë por edhe Liria paska katër duar., nji palë duar të vetes e nji palë duar të vetë Zotit.

Ky vend ka vuajtun e asht shplakue.Pushka e pabesë  më 1919 i mori Mirditës princin ma të rrall të saj Preng Bib Dodën e Mirdita ra në ditë të zezë por nuk u dorëzue.Misionin kapidanor të Preng Pashës si nje vazhdimësi e Kapidan Gjon Markut dhe Bib Dodës do ta vazhdonin Kapidan Marka Gjoni si kapidan i Mirditës dhe i biri i të vellate , kapidan Preng Llesh Gjoni si deputet i Mirditës deri sa dera e Gjomarkut te zgjonte nga djepat dritat e shpresës së Mirditës kapidanat Mark e Llesh Gjomarkaj.

Ata u zgjuen por u vranë.Kulshedra ruse ju zu pritë viganëve të Mirditës duke vra e pre kapidane e luftetar , meshtarë e abatë dhe e coptoj Mirditën ne katër shtate të përgjakuna për ta nënshtrue e për ta mbushun me burgje komuniste e giotina , për ti heq pasuni , fe e besim ne Zot , për ti heq pronë e atë pak pasuni çdo votre e për ti marre nderin , pyjet , nentokën e artë Mirditës se gjashteqind vjetëve Mirditë.

Sivjet asht zgjue Mirdita prej shtratit te plagëve të shum koheve mbi Mirditë.

Ajo hapi sytë , foli e i tha ”Jo,, Partisë së Punës , Nji ditë pas festes së Shën Llezhdrit , më 14 Maj Mirdita belbëzoj për së pari nga shtrati i tretjes e i tha “Jo,, sundimit komunist por Mirdita e zgjuar mes ethesh ka nevojë për uji në ball të saj , ka nevojë për burra krah nji filizi të pashoq bajraktar i cili i kthej nderin dhe bukurinë e vjedhun Mirditës e trojeve të saj.

Mirdita ka nevojë sot për mbështetjen e të gjithë mirditasve kudo që ndodhen , në Zvicër , Gjermani , Suedi e Amerikë .Bajini nji pyetje vetes.Pse ndodheni larg trojeve e s’kam nevoje për përgjigje.

Ja ku erdhi ora me tregue.Mirdita tregoj hapur se nuk e do komunizmin dhe asht radha juej me tregue sa e keni dasht e e doni Mirditë.

Hapeni kët fjalë në gjithë botën

Mirdita i tha “Jo,, Partisë së Punës sepse Mirdita asht rreze Lirie e rreze Flamuri.

Hapeni këtë fjalë e nëpër Oda , kuvende , festa e kongrese e vendosni nji gur mbi themel të lanë përgjys.

U drejtohem mbarë Diasporës kudo që ndodhet.Mirdita pret edhe ju si asnji mot tjetër.

Me mall për të gjitha rrethanat e vjetra të trungut e familjes , me shum dashuri për të gjitha rranjët e Mirditës dhe me urimet ma të pērzemërta për bajraktarin Albert Mëlyshi tashma qytetar i Pare i Mirditës Tonë!