Ministri i Punëve të Jashtme i Zvicrës, Ignazio Cassis, hapi zyrtarisht kryesinë e Zvicrës në OSBE – Organizatën për Siguri dhe Bashkëpunim në Europë. Duke folur para Këshillit të Përhershëm të OSBE-së, me 57 shtetet e saj pjesëmarrëse, Këshilltari Federal Cassis paraqiti prioritetet e Zvicrës në këtë rol: paqe të qëndrueshme në Ukrainë, dialog gjithëpërfshirës dhe aftësi më të forta të OSBE-së për të vepruar.

“Ne duhet të përmbushim pritshmëritë e themeluesve të OSBE-së: Ato janë sot të njëjta me 50 vjet më parë: paqe dhe siguri” – Ignazio Cassis, Kryetar i Radhës i OSBE-së në vitin 2026.