Në një seancë dëgjimore në Komisionin e Ligjeve, zv.ministrja e Infrastrukturës dhe kreu i ARRSH-së lanë të kuptohej se nuk e dinin se kur do të përfundonte tuneli i Murrizit, ndërsa iu shmangën përgjigjes për vazhdimësinë e kontratës koncesionare për rrugën e Arbrit.

Dy zyrtarë të lartë të Ministrisë së Infrastrukturës dhe Energjisë pranuan të hënën në një seancë dëgjimore në Komisionin e Ligjeve se nuk e dinin se kur do të përfundonte tuneli i Murrizit – vepra më e rëndësishme e rrugës së Arbrit, ndonëse kontrata koncesionare ka përfunduar më 20 shtator.

Zv.ministrja Enkelejda Muçaj dhe drejtori i Autoritetit Rrugor Shqiptar, Evis Berberi iu shmangën gjithashtu pyetjes se çfarë do të ndodhë më tej me kontratën koncesionare.

“Është duke mbaruar asfaltimi për të gjitha segmentet rrugore, me përjashtim të tunelit të Murrizit,” tha kreu i ARRSH, Evis Berberi ndërsa shtoi : “në momentin që do të shohim dritë në fund të tij, do t’u japim një datë të saktë se kur përfundon”.

Sipas Berberit, mospërfundimi i punimeve lidhet me problemet gjeologjike.

Deputetja Çupi këmbënguli që të merrte përgjigje nga zëvendësministrja duke e pyetur atë nëse; “ishte zgjatur sërish kontrata koncensionare për rrugën, kur përfundonte kjo rrugë dhe kush do t’i kryente punimet pas përfundimit të kontratës”.

Por Muçaj në vend të një përgjigjeje konkrete, e ftoi deputeten në zyrë për t’ia dhënë këto informacione.

“Për sa i përket Rrugës së Arbrit dhe kontratës do doja të vendosja me ju një takim zyrtar për t’ju informuar zyrtarisht me informacion të detajuar se ku ndodhet problematika,” tha ajo në komision, ftesë që u konsiderua e çuditshme nga Çupi.

“Të bëra pyetje publike dhe informacionin e dua publik, jo në zyrë,” i tha ajo, por nuk mori përgjigje të re nga zyrtarja e ministrisë.

Kontrata e rrugës së Arbrit ishte parashikuar për t’u dorëzuar në prill 2022, por qeveria mori vendim për t’a shtyrë këtë kontratë me 17 muaj të tjerë, afat që përfundoi me 20 shtator të këtij viti.

Ndërtimi i kësaj rruge u ka kushtuar taksapaguesve shqiptarë rreth 40 miliardë lekë [330 milionë euro], kosto për të cilën zyrtarët e ministrisë këmbëngulën se nuk ndryshon pavarësisht shtyrjes së afatit kohor të dorëzimit të saj.

Projekti teknik për tunelin e Murrizit dhe afati i dorëzimit të rrugës u ndryshuan që në vitin 2020, por ato iu mbajtën të fshehura për gati 2 vjet publikut.

Ndërkohë, Kryeministri Edi Rama e përdori investimin në këtë rrugë për fushata elektorale në zonën e Dibrës prej vitit 2013. Pavarësisht problemeve në disa segmente, rruga është funksionale nëpërmjet bypassit të Qafës së Murrizit, në një lartësi mbi 1000 metra, ku kalohet me vështirësi kryesisht në dimër./BIRN/

Në të gjitha universitetet e vendit nis sot viti i ri akademik 2023-2024. Rreth 20 mijë studentë ulen për herë të parë në auditoret e universiteteve në të gjithë vendin. Regjistrimi i studentëve këtë vit u zhvillua në dy raunde. Raundi i parë u zhvillua nga data 29 gusht deri në 11 shtator, ndërsa raundi i dytë deri në 21 shtator.

Regjistrimi u krye online për dy raundet e para dhe në përfundim të tyre, në programet e studimit ku mbetën kuota të lira pranimi, kandidatët që aplikuan në U-Albania u regjistruan drejtpërdrejt në universitete deri në plotësimin e të gjitha kuotave.

Risi këtë vit për studentët që ulen për herë të parë auditoret e mjekësisë është që duhet të lidhin kontratë për të ofruar shërbim shëndetësor në vendin tonë për një periudhë 5-vjeçare.Ndërsa për studentët që janë duke e ndjekur mjekësinë aktualisht, detyrimi është më pak vite.bw

TIRANE

Puna e jashtëzakonshme e studiuesit Petro Zheji u diskutua në një takim intelektualësh e studiuesish, të cilët vlerësuan Zhejin për zbulimet e bëra që ndryshojnë qëndrimin për gjuhën shqipe.

Petro Zheji nuk është i vetëm në qëndrimet e tij, profesor Përparim Kabo solli disa shembuj autorësh shqiptarë dhe të huaj, që vërtetojnë teoritë e Zhejit nëpërmjet studimeve të thelluara.

Kabo përmend origjinën parahelene të shqipes, duke u bazuar edhe te rilindasit.

Në vijim të qëndrime për vjetërsinë e shqipes, për të vërtetuar origjinën pellazge të shqiptarëve, Kabo jep dëshmitë shkencore duke përmend analizat laboratorike të AND-së.

Ndërkohë, hulumtimet e Petro Zhejit u vërtetuan vetëm pak kohë më parë edhe nga revista prestigjioze “Science” e cila në një artikull të fundit deklaron se vjetërsia e shqipes është 6000 vjeçare. bw

Kreu i opozitës, Sali Berisha, akuzoi Kryeministrin e Shqipërisë, Edi Ramën dhe Presidentin e Serbisë, Aleksandër Vuçiç, se qendrojnë prapa skenarëve të fshehtë për Kosovën.

“Në këtë situatë suicidi politik të Edi Ramës, ai është bërë shumë i rrezikshëm për rajonin. Shumë i rrezikshëm për Shqipërinë”, deklaroi Berisha gjatë konferencës për shtyp që dha sot në selinë e PD-së.

“Skenari, akti terrorist që kryen falangat terroriste në Banjskë të Zveçanit, kishte një begraund të parapërgatitur nga Edi Rama dhe Aleksandër Vuçiç, – nënvizoi ai. – Burimet nga Kombet e Bashkuara, bëjnë me dije se në sallat e kësaj selie, në një takim jopublik, dy kryeministrat, përveç atij të Serbisë, kanë paraqitur kërkesa që komunat me shumicë serbe në veriun e Kosovës, të vendosen nën kontrollin e KFOR-it.

Pse del Edi Rama, thoni ju?! Edi Rama del se me datën 24 shtator, në orën 11, sapo u mor vesh vrasja e policit në krye të detyrës, Edi Rama vrapoi me të madhe të kërkojë konferencën ndërkombëtare për Kosovën, tezë kjo e diskutuar dhe sugjeruar edhe në këtë mbledhje, kërkesë kjo e paraqitur direkt nga Aleksandër Vuçiç, kërkesë kjo e paraqitur nga terroristët e Listës Serbe, para Edi Ramës,” nënvizoi lideri i PD-së. syri.net

I ftuar në emisionin Çim Peka Live në SYRI TV për të hedhur dritë mbi ngjarjen e rëndë që kanë ndodhur në Kosovë ishte publicisti dhe analisti, Veton Surroi.

Surroi është shprehur se ideja e krijimit të një konferencë paqeje me Serbinë ishte përpunuar përpara se të ndodhte sulmi në Kosovë, ndërsa verpimet e Ramës nuk ishin të duhurat për të ndihmuar Kosovën.

Peka: Reagimi  i Ramës është bërë në orën 11 paradite ku nuk e dinte se si do të mbaronte sulmi, konferencë pa konflikt nuk ka, një sulm i tillë është për ta kthyer në konflik situatën mes Serbisë dhe Kosovës, si e gjykoni ju që kryeministri Rama del dhe e bën fakt të kryer konfliktin dhe kërkon një konferencë të dytë, pasi kjo i shkon përshtat Serbisë pasi Kosova e ka marrë atë që donte nga një konferencë?

Surroi: Unë mendoj se para se të jepen ide, vlerësime,  propozime duhet që të bëhen konsultime me kryeministrin e Kosovës, ekzistojnë njerëz që mund të japin mendime se a mund të ndihmojë një veprim i tillë apo jo. Kjo edhe po të mos ishim dy shtete me shumicë shqiptare është në nj farë rendi dhe rregulli të pyesësh se me çfarë mund të ndihmoj dhe jo të sjellësh formulime të cilat e zgjedhin ndihmën tënde që nga filli dhe është mirë që ta kemi ndjeshmërinë më të madhe se çfarë mund të prodhojë çdo njëri prej nesh në vendet tona.

Konferenca të tilla paqeje në momentin kur ekzistojnë formacione paraushtarake që kanë filluar një operacion shumë të gjërë nisur dhe nga armatimi të krijohet përshtypja e një kryengritje të armatosur. Daçiç dhe Vuçiçi përmendën organizmi të UÇK në Maqedoninë e Veriut, ku u shprehen se grupi armatosur ne Kosovë u krijua perimetri rreth këtij formacion paraushtarak ndërsa në Maqedoni u lejua të bëhej kryengritja dhe më pas u organizua konferenca dhe në mendjet e tyre ka qenë ky model i krijimit të një konferencë paqeje. Qëndrimi  i Ramës dje nuk ishte një ndihmesë e mirë.

Banorët e njësisë administrative të Zall Herrit janë hedhur sot në protestë, pasi akuzojnë se guroret që punojnë në këtë zonë kanë dëmtuar cilësinë e ujit të pijshëm madje dhe rrugën.

Një prej banorëve është shprehur se ekspertët duhet të vijnë dhe të inspektojnë digën e liqenit të Bovillës.

Ai paralajmëroi se kjo digë paraqet një rrezik të madh për kryeqytetin dhe zonën përreth, pasi sipas tij nëse ajo shpërthen “ndërtesat do të bien si kërpudha” për shkak të sasisë së madhe të ujit.

“Nuk kemi çfarë të bëjmë. Le të vinë ekspertë për të verifikuar si është diga. Dje shpërtheu diga e liqeni artificial, por nëse shpërthen diga e Bovillës, do i këpusë si kërpudha ndërtesat e Tiranës. I kam thënë shefit të OFGJ-së që më thirri dhe nuk e mori në konsideratë denoncimin tim. Do këputen shtëpitë si kërpudha, do përmbyset Tirana nga Bovilla”, u shpreh një prej tyre.

Mbahet sot seanca e radhës plenare në Kuvendin e Shqipërisë.

Mësohet se 28 deputetë nga 35 që janë të regjistruar zyrtarisht në Kuvend në përbërje të Grupit Parlamentar të Partisë Demokratike, i kanë dërguar sot një vendim Kryetares së Kuvendit, ku deklarojnë se njohin si Kryetar Grupi Parlamentar të PD Gazment Bardhi.

Deputetët që kanë firmosur janë Agron Gjekmarkaj, Asllan Dogjani, Bledion Nallbati, Bujar Leskaj, Dashnor Sula, Dhurata Cupi, Edi Paloka, Ervin Salianji, Ferdinand Xhaferaj, Flamur Hoxha, Gazment Bardhi, Greta Bardeli, Helidon Bushati, Ina Zhupa, Isuf Celaj, Jorida Tabaku, Kastriot Piroli, Lefter Gështenja, Lindita Metaliaj, Ludovik Hasanaj, Qani Xhafa, Ramadan Likaj, Saimir Korreshi, Sorina Koti, Tomor Alizoti, Xhelal Mziu dhe Zheni Gjergji.bw