Komisioni Qendror i Zgjedhjeve ka shpallur rezultatet preliminare për rundin e dytë të zgjedhjeve lokale në Kosovë.

Në të gjitha komunat ka përfunduar plotësisht votimi, ndërkaq në platformën online, sipas kreut të KQZ-së, Kreshnik Radoniqi, do të azhurohen më vonë edhe dy vendvotime për Mitrovicën e Jugut.

“Rezultatet përfundimtare do të shpallen pasi të numëron votat e diasporës, të personave me nevoja të veçanta dhe votat me kusht”, tha ai.

Sa u përket votave nga diaspora, ai tha se pret që nga java e ardhshme ato të arrijnë në Kosovë dhe një javë më pas të përmbyllet numërimi i të gjitha votave.

Sipas rezultateve për rundin e balotazhit, LDK-ja ka fituar në pesë komuna, LVV-ja dhe AAK-ja në katër secila dhe PDK-ja në tre komuna.

“Pas më shumë se dy dekadave, LVV e bëri ndryshimin e madh me Valon Prebrezën në Fushë Kosovë. Valoni do të sjellë demokraci, dinjitet dhe barazi për të gjithë.”

Kryetari i LVV-së foli gjithashtu për rritjen e numrit të komunave që partia ka fituar gjatë zgjedhjeve lokale në Kosovë:

“Në vitin 2013 kemi marrë pjesë për herë të parë në garë dhe kemi fituar vetëm një komunë. Në vitin 2017 kemi fituar tri komuna, në vitin 2021 kemi fituar 4 komuna, derisa sot kemi fituar në 7 komuna.” bw

Kandidati i pavarur për kryetar bashkie në Berat, Pavlo Shkarpa që mbështetet nga opozita i ka bërë thirrje qytetarëve që të dalin të votojnë.

Në një prononcim për mediat, ai u shpreh se ka projekte të mëdha për bashkinë e Beratit, ndërsa theksoi se “luftën e ka me shtetin”.

Shkarpa dha mesazhin se “Berati është i qytetarëve dhe se nëse ai fiton, bashkia do të jetë e popullit të thjeshtë”.

“Dua ta projektoj te ardhmen e këtij qyteti. Unë luftën e kam me shtetin, ne jetojmë ne diktature, edhe pse thuhet qe jetojmë ne demokraci. Berati është i yni, ne kemi nevoje për këtë qytet, Berati ska nevoje per ne. Berati sot duhet te zgjedhe njeriun me te mire. Unë kam projekte te mëdha për këtë qytet se kam dëshirë ta ndryshoj. Këta janë bere te pasur me taksat e qytetareve. Po e mora une bashkinë bashkia do jete e popullit te thjeshte”, tha Shkarpa.

Kandidati i mbështetur nga Partia Demokratike dhe opozita për Bashkinë e Matit, Eduart Brahilika hodhi sot akuza për parregullsi në zgjedhjet e kësaj të diele, teksa shtoi se ka indicie për këtë deklaratë.

Në një prononcim për mediat, Brahilika u shpreh se komisionerët janë punonjës të bashkisë dhe aktivistë të PS-së.

“Çdo komisioner është punonjës i bashkisë dhe është patronazhist. Kemi indicie për parregullsi dhe po i verifikojmë”,-tha Brahilika. bw

Në një prononcim shkurt për mediat ai i bëri thirrje të gjithë qytetarëve të Tepelenës që të dalin të votojnë dhe të bëjnë zgjedhjen e duhur.

“I bëj thirrje të gjithë tepelenasve që të dalin të votojnë masivisht, të bëjnë zgjedhjen e duhur”, tha Guma, i cili vlerësoi procesin si të qetë dhe demokratik.

Gabriel Guma është kandidat i pavarur, por që mbështetet nga Partia Demokratike. Përballë tij është Gramoz Sako nga Partia Socialiste. Panorama

Amarildo Hoxha, kandidati i pavarur për bashkinë e Cërrikut i mbështetur nga PD i bën thirrje qytetarëve që të votojnë masivisht.

Në një prononcim për mediat, Hoxha tha se për momentin procesi i votimit po shkon mirë, ndërsa tha se shpreson që të mos ketë ndërhyrje nga jashtë.

Amarildo Hoxha: U bej thirrje qytetareve te Cërrikut te votojnë masivisht. Kushdo qe te fitojë uroj t’i shërbejë Cërrikut sepse bashkia nuk është politik, por shërbim. Uroj dhe shpresoj te mos ketë ndërhyrje dhe presion nga jashtë. Për momenti nuk ka problematika dhe çdo gjë po shkon mirë.gsh

Kandidati i pavarur i mbështetur nga Partia Demokratike për bashkinë e Vlorës, Dionis Sota, ushtroi sot të drejtën e tij për të votuar.

I pyetur për pjesëmarrjen e ulët në votime dhe se sa beson tek fitorja e tij, Dionis Sota u shpreh me besim të plotë te fitorja dhe tha ”u bej thirrje të gjithë qytetarëve vlonjat të shprehin vullnetin e tyre të lirë me votë për të ndryshuar të ardhmen e qytetit”

Dionis Sota: Sot është një ditë feste për të gjithë qytetarët e Vlorës. I ftoj që të gjithë që të vijnë të votojnë. Sot është detyrim i të gjithë qytetarëve që të mos ta lënë votën që të mos fle në sirtarin e shtëpisë.

Është momenti, është koha për të bërë një ndryshim rrënjësor dhe Vlora të marrë një pjesëmarrje jashtëzakonisht të lartë. Dhe unë u bëj ftesë të gjithëve sinqerisht, ju lutem ejani çohuni shpenzoni 10 minuta të jetës suaj për të ardhmen e qytetit të Vlorës sepse është e rëndësishme. gsh

Berlini është i përgatitur për një luftë me Moskën dhe është gati të vendosë 800,000 trupa të NATO-s drejt kufirit rus, tha kreu i komandës së operacioneve të përbashkëta të vendit, gjenerallejtënant Alexander Sollfrank.

Vendosja hipotetike është pjesë e Planit të Operacioneve të Gjermanisë, i cili u zbulua vitin e kaluar. Dokumenti prej 1,000 faqesh rregullon përgjigjen e Berlinit nëse Neni 5 i traktatit të NATO-s aktivizohet në një konfrontim me Moskën. Ai përfshin shndërrimin e Gjermanisë në një qendër të madhe logjistike për vendosjen e qindra mijëra ushtarëve dhe pajisjeve nga vende të ndryshme të NATO-s kundër Rusisë. Vendosja duhet të përfundojë brenda 180 ditëve nga fillimi i konfliktit.

Sipas Sollfrank, plani mund të zbatohet më shpejt sesa më vonë. “Rusia zotëron një potencial shumë të madh ushtarak pavarësisht luftës në Ukrainë”, tha ai në një konferencë vjetore të Bundeswehr-it në Berlin të premten, duke shtuar se “Rusia është tashmë e aftë të [nisë] një sulm të kufizuar në territorin e NATO-s”.

Duke folur për Reuters të njëjtën ditë, gjenerali pohoi se Moska mund ta bënte këtë “që nesër”. Zyrtarët gjermanë kanë folur gjithnjë e më shumë për kërcënimin e supozuar rus, ndërsa kanë mbajtur një qëndrim gjithnjë e më agresiv ndaj Moskës.

Kancelari Friedrich Merz ka deklaruar më parë se opsionet diplomatike për zgjidhjen e konfliktit në Ukrainë janë “shteruar” dhe ka dyfishuar furnizimin me armë për Kievin.

Të premten, ai dhe Ministri i Mbrojtjes Boris Pistorius thanë se ekzistenca e Gjermanisë në formën e saj aktuale kërcënohej nga Rusia. “Nuk është alarmizëm… kur them se mënyra jonë e jetesës është në rrezik”, tha Pistorius në konferencën ushtarake.

Politico raportoi muajin e kaluar se planet e riarmatimit të Gjermanisë do t’i kushtonin asaj 377 miliardë euro (440 miliardë dollarë). bw