Nënkryetarja e LDK’së, Vjosa Osmani, i ka reaguar shefit të partisë, Isa Mustafës, për një përgjigje dhënë Gazetës Express rreth “letrave kundër saj”, që Osmani thotë se zyrtarë të lartë të LDK’së ia kanë dërguar administratës amerikane.

Osmani thotë se Mustafa është njoftuar me dalë 24 shkurt për një zyrtar të lartë të partisë, që sipas saj, ka dezinformuar për të në qarqet më të larta të administratës amerikane dhe thotë se kreu i partisë i ka dëshmitë për këtë çështje.

“Kryetarin Mustafa e kam informuar me datën 27 shkurt lidhur me dezinformatat që një zyrtar i lartë i LDK-së (anëtar i kryesisë) i ka bërë ndaj meje drejtuar niveleve më të larta të administratës amerikane. Pra është i informuar se për kë është fjala dhe ja kam dërguar dëshmitë për një gjë të tillë”, ka thënë Osmani për Gazetën Express.

Mustafa më herët e ka komnetuar intervistën e Osmanit dhënë mbrëmë në Pressing të Televizionit 7.

Kreu i LDK’së ka thënë se nuk ka njohur që dikush nga LDK’ja ka folur për kryeparlamentaren e tanishme me administratën amerikane. Për akuzat e Osmanit, kreu i partisë e fton atë që t’i bëjë publike emrat e zyrtarëve.

“Si Kryetar i LDK-së nuk kam njohuri se dikush nga strukturat e larta të LDK-së ka komunikuar me administratën amerikane apo me EPP-inë për znj Osmani. Por, në qoftë se znj. Osmani ka argumente, do ta ftoja që ato t’i bëjë publike, me emër dhe mbiemër”, ka thënë Mustafa.

Osmani, që në zgjedhjet e fundit ishte kandidate e LDK’së për kryeministre, dje në Pressing ka akuzuar zyrtarë të lartë të kësaj partie, se u kanë thënë amerikanëve se ajo nuk e përfaqëson partinë.

“Kishte zyrtarë të LDK’së që i dërgonin letra administratës amerikane, EPP’së, dhe të tjerëve lidhur me mua, prapa shpine. Flitet për letra ku thonin se Vjosa Osmani nuk shpreh asnjë qëndrim të LDK’së. Pastaj po këta zyrtarë të SHBA’së dhe të EPP’së më njoftonin mua çka u ka thënë partia”, është shprehur Osmani. /Express/

Kryeministri në detyrë i Kosovës, Albin Kurti ka takuar Valdete Dakën, kryetaren e KQZ duke vijuar me bindjen se vendi do shkojë në zgjedhje të parakohshme.

Në njoftimin e qeverisë së Kosovës, bëhet me dije se Valdete Daka e ka njoftuar Kurtin që KQZ është e gatshme të mbajë zgjedhje në kohë pandemie.

NJOFTIMI NGA QEVERIA E KOSOVËS

Ndonëse në kohë pandemie, KQZ është e gatshme të ushtrojë autoritetin e saj publik institucional. Znj. Daka e njoftoj Kryeministrin në detyrë, z. Kurti, që përgatitjet për zgjedhjet për kryetar të komunës së Podujevës edhe pse janë ndërprerë, me vendimin e marr më 14 mars të këtij viti, një ditë para mbajtjes së zgjedhjeve, për mos-mbajtjen e tyre, KQZ është e gatshme që ta mbajë këtë proces zgjedhor. Në anën tjetër Kryeministri në detyrë, z. Kurti e njoftoi znj. Daka, për lirimin e masave që po i ndërmerr Qeveria ndaj COVID-19. Koordinimi ndërinstitucional dhe respektimi i rekomandimeve të Institutit Kombëtar të Shëndetësisë Publike dhe Ministrisë së Shëndetësisë nga qytetarët, kanë dhënë rezultatin e tyre. Kryeministri në detyrë Kurti në këtë takim shprehu gatishmërinë e tij dhe të Qeverisë për forcimin e bashkëpunimit me KQZ-në dhe nevojën që ka vendi ynë për zhvillimin demokratik të institucioneve përmes transparencës dhe pavarësisë së tyre

Kryetarja e Kuvendit të Kosovës, Vjosa Osmani, në emisionin Pressing të T7, ka thënë se po t’ia jepte Lidhja Demokratike e Kosovës, mandatin e kryeministrit, Osmani do t’i drejtohej Lëvizjes Vetëvendosje që ta bënte koalicionin qeverisës.

Gjithashtu, Osmani ka thënë se beson që do t’i bënte 61 vota po t’i jepej kjo mundësi.

“Sikur të më thuhej mere mandatin dhe bëj 61 vota, do ta merrja dhe do ta bëja 61’shin duke ju drejtuar Vetëvendosjes, ku besoj se do të arriheshin numrat. Por asnjë moment nuk është arritur një gjë e tillë”, është shprehur Osmani.

Tutje, ajo tha se nuk e di nëse VV’ja është e gatshme për një koalicion të tillë, por kjo tentativë do të bëhej, sipas saj, që të ruhej vullneti i 6 tetorit.

“Kjo është hipotezë sikur të lejohej partia e dytë të krijonte qeverinë. Nuk e di cfarë do të thoshte Lëvizja Vetëvendosje, unë e di cka diskutoj me ta cdo ditë por jo cka do të thoshin ata”, ka thënë Osmani.

“Ideja është të tentonim ta shpëtonim vullnetin e 6 tetorit”, shtoi Osmani.

Nënkryetarja e LDK’së Vjosa Osmani thotë se mund t’i pranojë sulmet politike nga ana e anëtarëve të Lidhjes Demokratike të Kosovës por jo edhe fyerjet çnjerëzore dhe ‘thikat pas shpine’ që thotë se i janë bërë asaj.

Osmani thotë se ka tentuar ruajtjen e koalicionit me VV’në për shkak të premtimeve që u kishin bërë qytetarëve.

“Për mua është e pakonceptueshme gjërat që më thuhen dhe më thuhen madje edhe nga anëtar të kryesisë së LDK’së dhe Këshillit të Përgjithshëm”, tregon Osmani në Pressing.

Sipas saj fyerjet e tilla janë publike.

“Sulmet politike mund t’ua fali, fyerjet çnjerëzore nuk do t’ua fal kurrë”, shton ajo.

“Janë deklarata publike. Është e turpshme që fyerje të tilla të bëhen nga njerëzit e shtëpisë”, thotë Osmani.

Sipas saj, ajo vetëm ka kryer përgjegjësitë e saj, si kandidate e LDK’së për kryeministre.

“Unë kam dalë në ballë të garës në shtëpinë time në LDK. Thika prapa shpinës nuk i takon shtëpisë sime”, tha ajo.

Ishte hera e parë që shqiptarët e Kosovës më 24 maj të 1992-së po votonin në zgjedhje sipas vullnetit të tyre.

Ata po zgjidhnin presidentin dhe deputetët e parlamentit të shtetit, të cilin e njohu vetëm Shqipëria.

Pikërisht në ditën e sotme të para 28 vjetëve ata nuk kishin telashe të pritnin në radhë për të dhënë votën e tyre për Ibrahim Rugovën, që ishte edhe kryetar i partisë më të madhe në Kosovë.

Ky i fundit zgjedhjet e 24 majit të vitit 1992 i fitoi gati me shumicë absolute, në votime masive.

Pas këtyre zgjedhjeve, Ibrahim Rugova, u bë figura përfaqësuese e shqiptarëve të Kosovës në arenën ndërkombëtare.

Instituti Kombëtar i Shëndetësisë Publike të Kosovës (IKSHPK) ka njoftuar se sot nuk është konfirmuar asnjë rast i ri me me koronavirus në vend.

Numri i të infektuarve me koronavirus mbetet i njëjtë (1032).

Laboratori i Mikrobiologjisë Molekulare në IKSHPK sot ka testuar 138 mostra, prej të cilave asnjë nuk ka rezultuar pozitive.

“Sot janë shëruar 4 persona dhe deri sot numri i përgjithshëm i të shëruarve është 789 raste. Nga data 08 shkurt deri më 24 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 13.262 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.032 raste, me gjithsej 29 raste të vdekjes të cilët kanë pasur sëmundje të tjera shoqëruese.”, ka njoftuar IKSHPK.

Instituti po ashtu ka bërë të ditur se janë shëruar edhe 4 persona të prekur nga koronavirusi.

Njoftimi i plotë i IKSHPK’së:

SOT ASNJË RAST I RI POZITIV ME COVID-19!

Sot më 24 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 138 mostra të marra nga Klinika Infektive dhe gjurmimi i kontakteve të rasteve në terren.

Me SARS-CoV-2 nuk është konfirmuar asnjë rast pozitiv.

Sot janë shëruar 4 persona dhe deri më sot numri i përgjithshëm i të shëruarve është 789 raste.

Nga data 08 shkurt deri më 24 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 13.262 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.032 raste, me gjithsej 29 raste të vdekjes të cilët kanë pasur sëmundje të tjera shoqëruese.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetëizolim dhe të kërkojnë ndihmë mjekësore nëse kanë simptome.

Në nivel global, nga data 31 dhjetor 2019 deri më 24 maj 2020 sipas Worldometers, janë raportuar gjithsej 5.453.185 raste të COVID-19 dhe 345.077 raste të vdekjes.

QYTETARË TË NDERUAR!

JU LUTEMI TË RESPEKTONI MASAT E SHPALLURA TË PARANDALIMIT NGA INSTITUTI KOMBËTAR DHE MINISTRIA E SHËNDETËSISË!
RUAJENI SHËNDETIN TUAJ!

PAKUJDESIA KUSHTON ME JETË!

AKOMA NUK KA KALUAR RREZIKU, ANDAJ

QËNDRONI NË SHTËPI, KJO UA SHPËTON JETËN!
MBANI DISTANCË FIZIKE PËR SË PAKU 2 METRA!
NA NDIHMONI PAK QË TË JU NDIHMOJMË SHUMË!

Ju faleminderit për mirëkuptim!

 Partite politike në Kosovë , janë kryesisht parti lideriste. Vendimet e marra me shumë po bëhën nga lideri së sa nga strukturat partiake. Kjo logjikë i ka shkaktuar dëme të mëdha vendit politikisht dhe në ecuritë e përgjithshme zhvillimore . Po ashtu është instaluar logjika përjashtuese, qe nuk është asgjë tjetër veq logjikë diktatoriale e veprimit. Subjektet politike kan nevojë për reforma përmbajtësore , e jo për ato kozmetike, së shumë po ngjasojnë në koorporata. Për fat të keq edhe LDK , që dikur shquhej si subjecti politike mw serioz dhe mw i madhi , nga krerët e saj të sotwm po shëndrrohet në parti jo serioze , në parti të grupeve të interesit , duke ju bashkuar në këtë drejtim partive majtiste . Ka që disa kohë që LDK-ja nuk është duke u udhëhequr mirë , së është devijuar linja politike e themeluesit të saj, dr.IbrahimRugova. Kur në Bosnje vdiq Alia Izetbegoviq, ka pësuar rënje drastike Partia e Aksionit Demokratik. Njejtë ka ndodhur edhe pas vdekjës së Tuxhmanit në Kroaci me, HDZ-ne . Kështu ndodhi edhe me LDK-ne pas vdekjës së Rugovës. Këta emrin e presidentit Ibrahim Rugova po e lakojnë më shumë në kohë fushatash elektorale kur ju nevoiten votat. Së në LDK është instaluar logjika përjashtuese është shëmbulli i Vjosa Osmanit si më e votuara e LDK-së ne dy palw zgjedhje. Zgjedhjet mbrenda partiake nw LDK po bëhën sipas dwshires të krerëve duke filluar nga nëndeget deri lartë, duke e përjashtuar demokracinë e mbrendshme . Ka disa të rinjë aty që i dëshirojnë reformat mbrenda partisë, por që aktualisht nuk e kan fuqin e duhur . Kryetari i LDK-se,Isa Mustafa, Vjosën po shtrydhë si limonin për vota , dhe pastaj po e shpallë si të pavlefshme! Kjo është mendësi e diktatorëve .Kan filluar edhe linqimet politike karshi saj, për pandëgjueshmëri më rastin e rrëzimit të Qeverisë së mirë të Albin Kurtit, që Vjosa më të drejtë nuk u pajtua më një vendim të tillë.Mustafa, Rugova , Veliu e ndonje tjetër po kërkojnë që Vjosa të përjashtohet nga LDK ,së është bërë më Kurtin. Këta në menyrë përfide po lançojnë teza të tilla , për ti arsyetuar veprimet e tyre në dëm të LDK-së dhe në dëm të Kosovës që shumë kohë. Këta nuk duhet ” Përjashtuar nga partia që po i dirigjon presidenti, Hashim Thaçi sa herë që po don”. Ne emer të “institucionalizmit” po manipulojnë edhe më elektoratin e vet. Vjosa nuk u pajtua më të drejte më rrëzimin e qeverise , Kurti nga ana e LDK-së , që u bë ne emer të kauzave fallsho , për antiamerikanizem e gjëra tjera të paqendrueshme. Krejt loja politike u bë për rikthimin e humbur të pushtetit të klikës së kompremetuar politike .Presidenti, Hashim Thaçi dhe Isa Mustafa janë ata që po e dirigjojnë situatën politike për interesa të tyre. Së bashku i nënshkruan shumë marrveshje në dëm të Kosovës e në dobi të Serbisë. Dhe, duket së bashkarishtë po mendojnë ta përmbyllin edhe kapitullin e fundit më Serbinë, me korrigjim kufijsh apo ndarje të Kosovës, duke ia shkaktuar vendit dhe shqiptarëve dëmin më të madh deri më sot . Kjo duket do të jetë vazhdimësia e punëve të lëna përgjysmë , kur dihet së Thaçi dhe Mustafa janë dy protagonistët e nënshkrimit të dy marrveshjeve të dëmshme, ajo më Malin e Zi dhe “Zajednicën” . Pas gjitha këtyre ndodhive jo të mira , nuk besojë se Vjosa do të pranon edhe nënshtrimin e tretë të radhës, nga autokratet e LDK-së. Formimi i një subjekti të ri politik nga ana e saj , më duket mua veq sa do ta ringriste edhe më shumë politikisht, kur dihet së vendit i duhen kuadrot e tilla , siq është zonja, Osmani . Dhe, pastaj mbetet të shihet së sa do të fiton LDK-ja, pa Vjosën në zgjedhjet e radhës…

Për të folur rreth rolit të intelektualit në shoqëri duhet kohë dhe hapësirë, kërkohet çasje serioze dhe pragmatike, për shkak se roli i intelektualit në një shoqëri është shumë i madh, e në veçanti në shoqërinë tonë është shumëdimensional dhe i pakompensueshëm.
E madhe është mungesa fizike, e dëmshme dhe e patolerueshme heshtja dhe indiferenca politike e intelektualit në rrethanat e tranzicionit politik e sidomos në rrethanat e një procesi pas zgjedhor, gjegjësisht të ngërçit politik që sot po kalon Kosova.

Zgjimi i intelektualëve nga agonia e thellë

Vite më parë në një shkrim timin më titull; “Intelektualët e heshtur të një populli të fjetur”, u mundova të zgjoj ndërgjegjën e disa prej intelektualëve të heshtur e të përgjumosur, qe në të kaluarën jo shumë të largët bartnin poste të larta, ishin; kryetar, nënkryetar, ministra, kuvendar, kryetar komunash, anëtar kryesie,…etj, e që sot janë strukur në strofullen e tyre dhe bëjnë “sehirë” thuajse nuk po ndodhë asgjë në Kosovë!
Atë që nuk arrita më një mijë fjalë në një arikull gazete, e arrita më dy fjalë më një postim të shkurtër të në rrjetin social Facebook.
Ashtu siq ishte i aspektit pozitiv komenti im, i të njëjtit nivel nuk ishte edhe reagimi i intelektualit të fjetur,…siq thotë populli “atij që i djegë miza nën kapelë lajmërohet i pari”, duke thyer heshtjen e gjatë më një koment në stilin e tij të zakonshëm sa filozofik, po aq demagogjik…
Mënjëherë pas reagmit të intelektualit, më lajmërohen qytetar të shumtë,…të cilët pas fjalëve përshendetëse, më drejtoheshin më fjalët; “zoti Zeqa ju falenderoj që arritet t’i nxirrni nga goja një fjali kaq të gjatë intelektualit tonë të fjetur, ka kohë që na mungon intelektuali, nuk e dinim ku ndodhet intelektuali,…e shumë fjalë tjera që përmbajtje kishin kthimin e intelektualit në shtëpinë që e rriti dhe ngriti në nivelet më të larta”.
Nganjëherë edhe kështu duhet gjetur mënyren për t’ua thyer heshtjen intelektualëve të fjetur, ishte përgjigja ime!
Një njeri që i thotë vetes intelektual e atdhetar, e që sot rrin indiferent ndaj zhvillimeve politike në vendin e tij,…le t’i thotë çfarë të dojë vetes, por në realitet nuk mund të jetë intelektual në kuptimin e fjalës.
Jam munduar ta gjejë arsyen e heshtjes së disa intelektualëve të kalibrit përballë rrënimit të vlerave në subjektet tona politike dhe shoqërinë në përgjithësi.
A është frika nga përballja me grupet e interesit apo ambiciet e larta për pushtet, ketë nuk e kam të qartë dhe as që kam të drejtë ta prejudikoj,…por do të jetë e ardhmja ajo që do t’i nxjerrë në shesh te gjitha “fshehtësitë” e indiferencës intelektuale!

Roli prijetarë i intelektualit

Merreni me mend çfarë do të ndodhte sikur të tërhiqeshim të gjithë nga shkrimet dhe reagimet siq janë tërhequr një pjesë e intelektualëve të “kalibrit”,…në ketë vend nuk do të bëhej më fjalë as për prosperitet, as për ndryshime pozitive, as për zgjedhje demokratike, as për zhvillim ekonomik dhe as për mirëqenje qytetare,…do të fashiteshim deri në tjetërsim kombëtar e njerëzor nga qeverisja e antivlerave.
Ndoshta disa intelektual të kalibrit të “lartë” janë duke menduar sikurse disa arsimtar më përvoj të viteve të ’90-ta, kur e lanë arsimin shqip për të ikur drejt vendeve evro-perëndimore, kur thoshin, po citoj; “tani ka mjaftë të pashkolluar që punojnë pa paga, ne do të kthehemi kur të bëhet mirë”…e ndoshta për intelektualët e fjetur, mirë do të bëhet kur në Kosovë nuk do të ketë më banda kriminale që do t’ua rrezikonin jetën për pushtet,…ndoshta neve që jemi aktiv dhe të pandalshëm në përballjen më dukuritë negative dhe mbeturinat e sistemeve totalitare na konsiderojnë të krisur apo naiv!?
S’ke si e argumenton ndryshe deklarimin e një intelektuali të kalibrit, por citoj; “Jam anëtarë i thjeshtë dhe do t’i qëndroj besnik partisë”, pa e bërë as përpjekjen minimale për ndryshimin e gjëndjes në subjektin që pretendon që është pjesë e tij.
Në asnjë rrethanë dhe me asgjë intelektuali i kalibrit të lartë nuk mund ta arsyetoj heshtjen dhe indiferencën ndaj zhvillimeve politike në vendin e tij me deklarimet; jam anëtarë i thjeshtë, jam qytetar i thjeshtë, i barabartë, etj…pasi kjo bie në kundërshtim më nivelin e tij intelektual!

Intelektualët që i nënshtrohen tutelës së pushtetit janë pseudointelektual

Intelektualët e shkëputur nga interesat e popullit punojnë vetëm për interesat e pushtetarëve, e më së paku ose hiq për interesat e qytetarëve. Intelektualët në shërbim të pushtetarëve të gjitha energjitë e tyre i shpenzojnë për revanshizëm ndaj intelektualëve aktiv dhe të pavarur duke i mbajtur në thumb të kritikës, si “përçarës dhe rrënues të sistemit”.
Përderisa të gjithë intelektualët e shteteve të Balllkanit dinë të bashkohen dhe pajtohen në kohë krizash nacionale, duke lënë mënjanë mospajtimet dhe zënkat personale,…tek ne akoma zhvillohet një revanshizëm primitiv i përcjellur me urrejtje patologjike, me tendencë shkatërrimtare për shtetin e Kosovës, i cili po kalon orët më të liga që nga përfundimi i luftës e këndej.
Po ndodhë pikërisht kështu, për faktin se fusha e politikës është e mbuluar me pseudopatriot dhe pseudointelektual të graduar me diploma dhe tituj shkencor me plagjiaturë në shkollat e “natës”, të instaluar në universitetet publike dhe private, të cilat kanë prodhuar dhe vazhdojnë të prodhojnë intelektual të profilit ideologjik dhe partiak, por jo edhe intelektual të mirëfilltë të nivelit kombëtar dhe ndërkombëtar, siq i kishim në të kaluarën jo shumë të largët.

Intelektualët e vërtetë, opozitë e antivlerave

Intelektualët e vërtetë duhet të marrin rolin e opozitarizmit ndaj antivlerave, ndaj shërbëtorëve të pushteteve të korruptuara.
Intelektualët e vërtetë nuk guxojnë të heshtin përballë sfidave të kohës nëpër të cilën po kalojmë, por duhet gjetur rrugë dhe mënyra të reja të organizimit jasht koncepteve dhe ideologjive partiake, për të krijuar një organizim të mirëfillt të shoqërisë sonë konformë rrethanave të reja kohore në funksion të unifikimit dhe bashkimit të të gjithë shqiptarëve në një front të përbashkët, për të mbrojtur Republikën e Kosovës nga ndarja si dhe mbrojtjen e shoqërisë nga degjenerimi i antivlerave dhe kulturave të huaja të instaluara në hapësirat ku jetojnë shqiptarët.

Intelektualët e mirëfilltë edhe përkundër këmbimit të ideve dhe mospajtimeve për tema të caktuara, asnjëherë nuk thyhen mes tyre, përkundrazi prodhojnë një gamë të gjërë mendimesh dhe ideshë në funksion të shtetit dhe të mirës së qytetarëve.

Kombinati metalurgjik “Trepça” do të jetë pjesë e pakos së dytë fiskale të rimëkëmbjes ekonomike, ka thënë kryeministri në detyrë i Kosovës, Albin Kurti, gjatë një vizite që ka zhvilluar të mërkurën në këtë kombinat.

Sipas një komunikate për media nga zyra e Kurtit, bëhet e ditur se gjatë takimit me menaxhmentin e këtij kombinati, kryeministri në detyrë ka thënë se “tash është koha kur ne do të punojmë në ide konkrete në rritjen e kapaciteteve prodhuese dhe të horizonteve të Trepçës”.

“Trepça është organizatë e punëtorëve, pasuri kombëtare por edhe industri prodhuese. Roli i kësaj ndërmarrjeje është përtej ekonomik. Është edhe historik dhe shtetndërtues”, citohet të ketë thënë Kurti.

“Trepça” llogaritej si një prej ndërmarrjeve më të mëdha jo vetëm në Kosovë, por edhe në ish-Jugosllavi. Në vitet e ’80, aty punonin mbi 20 mijë punëtorë. Ndërkaq, vitet e fundit, nuk numëron më shumë se 1 mijë e 300 punëtorë dhe mosha mesatare e tyre është 58 vjeç.

Sipas të dhënave zyrtare, nga viti 1945 e deri në periudhën para vitit 1990, miniera prodhonte rreth 600 mijë tonë xehe në vit, kurse sot, nga aty nxirren jo më shumë se 150 mijë tonë xehe.

Por, përveç miratimit të statutit të “Trepçës” si shoqëri aksionare, ku 80 për qind e aksioneve i takojnë qeverisë dhe 20 për qind punëtorëve, kjo ndërmarrje nuk arriti të vihen në funksion të zhvillimit ekonomik të vendit dhe të zgjidhë problemet më të cilat përballet ndërmarrja.

Gjatë vitit 2019, ndërmarrja “Trepça” u përball me probleme financiare dhe si rrjedhojë, minatorët nuk i morën pagat me rregull.

Kombinati metalurgjik “Trepça”, gjendet në Komunën e Mitrovicës. Sektorët e tij gjenden në pjesën veriore dhe atë jugore të qytetit. rel

Për dallim nga të gjithë popujt e botës, tek ne shqiptarët inatet personale barten në jetën shoqërore. Dëmet dhe pasojat e inateve personale më së keqi reflektojnë në jetën politike, duke u shndërruar nga inate personale të liderëve në urrejtje mes elektorateve politike.

Urrejtja e elektorateve partiake ka filluar të merrë permasat e një përçarje më të thellë kolektive shkaku i shprehjes së bindjeve politike në mënyrë primitive, e cila po kulmon me konflikte verbale dhe fizike.
Sikur bindjet politike të shpreheshin në mënyre civilizuese nga liderët partiak, nuk do të vinte deri tek përçarja dhe ndasitë e mëdha kolektive të shoqërisë sonë.
Mirëpo, për fatin e keq të qytetarëve, kur inatet personale të liderëve partiak e shtetëror manifestohen në mënyrën më vullgare dhe me një fjalorë rrugaçërie, reflektojnë përçarje të gjërë kolektive.
Gjuha e ashpër dhe fyese mes liderëve partiak, po përçohet negativisht tek elektoratet partiake, duke i kthyer inatet personale në një urrejtje kolektive mes kundërshtarësh politik, vetëm pse i takon një partie apo një mendimi tjetër politik.
Fyrjet e rënda mes liderëve partiak, me ose pa fakte, me ose pa arsye kanë ndikuar në polarizimin e skajshëm të shoqërisë sonë, të cilat jo rrallë
kulmojnë me eskalim të situatave, me manifestim të dhunës fizike ndaj njëri-tjetrit.
Kontaminimi i skënës politike burimin e ka tek gjuha e ulët dhe denigruese e liderëve partiakë, duke i akuzuar partitë rivale si parti armike të këtij populli.

Pa depolitizimin e shoqërisë nuk hiqen polarizimet ndërpartiake!

Politizimi i shoqërisë i ardhur si produkt i polarizimeve partiake, ku si pasojë e kemi ndarjen dhe përçarjen e tmerrshme të popullatës në baza partiake dhe brenda partiake, ku secili e lufton secilin jo me idetë e veta, por sipas ideve të liderëve (liderit) partiak.
Shkaktar të këtij politizimi dhe përqarje të popullatës janë aktorët kryesor të skenës politike kosovare, të cilët kanë arritur ta shkatërrojnë bërthamën e shtetit-familjen.
Si pasojë e kësaj, sot në brendinë e së njëjtës familje, kush më pak e kush më shumë janë futur të gjitha partitë politike, duke i ndarë anëtarët e së njëjtës familje në disa parti politike.
Kësaj ndarje nuk i thuhet vlerë demokratike, por përqarje dhe katandisje deri në vetëshkatërrim të një shoqërie njerëzore.
Pra, bandat partiake kanë arritur aq thellë, ku popullatës kosovare përveq ndarjeve shoqërore, i shkaktuan edhe ndarje familjare, duke ia humbur kështu kuptimin edhe vetë jetës në Kosovë.
Politikanët pa etikë, pa integritet moral dhe njerëzor, e kanë rrënuar në themel shtetin dhe të ardhmen e qytetarëve.

Distancimi qytetarë ndaj gjuhës së urrejtjes së liderëve partiak

Për ta shpëtuar shtetin nga katandisja e mëtutjeshme dhe evitimin e vetëvrasjes kolektive kërkohet një vetëdijësim i lartë qytetarë, për t’u distancuar nga gjuha e urrjetjes e liderëve partiak.
Për këtë kërkohet ndihma e intelektualëve të pavarur nga politika, për shkak
se jo të gjithë qytetarët e përceptojnë realitetin në mënyrë të njejtë, varësisht prej pozicionit dhe kapaciteteve intelektuale. Nuk është se njerëzit nuk e shohin realitetin e hidhur në të cilin po jetojmë, por shkaku që nuk ju pëlqen, mundohen ta largojnë nga mendja e tyre duke imagjinuar mrekullinë edhe në zhgënjimin më të madh.
Duhet bërë çmos që arsyeja e shëndoshë ta mund urrejtjen e shkaktuar nga liderët partiak. Mendimin ndryshe të tjetrit mos ta kuptojmë ndryshe por vetëm si vlerë të demokracisë.
Secili ka të drejtë të thotë atë që e mendon pa e cenuar mendimin e tjetrit, duke i ruajtur gjithnjë raportet shoqërore, ndërfqinjësore dhe ndërvëllazërore, për shkak se partitë shkojnë e vijnë e ne duhet të mbetemi aty ku ishim para se t’na vinin këto parti dhe këta liderë partiakë, pra duhet të mbetemi një shoqëri e shëndoshë njerëzore, me dashuri dhe respekt ndaj njëri-tjetrit duke kultivuar traditat e bukura kulturore dhe zakonore të kombit tonë.
Vetëm kështu mund të dëshmohemi para botës se jemi njëri ndër popujt më të vjetër dhe më të civilizuar të gadishullit ballkanik.