Deputeti socialist Erion Braçe u ka dërguar një mesazh të gjatë bashkëpunëtorëve të tij mbrëmjen e kësaj të premteje. Shkak u bë heqja e tij si drejtues i fushatës në njësinë 5 të Tiranës në një mbledhje të drejtuar nga kryeministri Edi Rama, njëherazi kryetar i PS-së. Në njësinë ku Braçe u zgjiodh deputet ai do të bëjë fushatë në krah të Taulant Ballës dhe Niko Peleshit duke larguar nga kjo njësi Delina Ibrahimajn. Këtë lëvizje Braçe e quan fyese dhe të neveritshme.

“Akti i sotem eshte i padrejte ne raport me gjithe ckam bere si drejtues e deputet ne njesine 5, reflekton mjaftueshem dyshimin ndaj meje e sjelljes sime ne zgjedhje-e neveritshme kjo por e denje fiks per ate qe e ka bere dhe perversitetin ne raportet njerezore-po e le me kaq dhe po e kursej te verteten deri ne fund e qe eshte fyese pafund! Dua tu them qe une e refuzoj kete akt!” – thuhet në mesazhin që Braçe ka dërguar dhe që lapsi.al e ka siguruar.

Revolta e tij është me drejtuesit e PS. Ai nuk përmend emra, por zhvendosja e tij nga Divjaka në Tiranë u bë me kërkesë të Belinda Ballukut. Tani që ajo do të drejtojë të gjithë fushatën e Tiranës duket se ka goditur sërish Braçen.

“Natyrisht, une ska gjase te bej ate qe keta bene kunder meje; e thjeshte une nuk jam keta, une jam socialist! Do te thote, do bej fushate cep e me cep te njesise 5, ashtu sic di, rruge me rruge e sy me sy me socialistet e njerezit, duke shtrenguar duart e duke luftuar per punet!” – shkruan Braçe.

Edhe pse ishte një nga kandidatët më të votuar në listën e hapur atij nuk iu dha asnjë detyrë në qeverinë e re të PS duke e lënë një deputet të thjeshtë. Kjo ka bërë që edhe në faqen e tij në Facebook ai të prezantojë veten jo si deputet i PS, por: “TANI I LIRË!
Deputet i Tiranës, fitues me votë ne Bashkinë e madhe, Kamëz, Vorë, Kavajë e Rrogozhinë, posaçerisht në Diasporë”.

MESAZHI I PLOTË

MIREMBREMA!
Dua qe te jeni mire te gjithe!

E kisha te rendesishme qe te komunikoja me ju e disa fjale tua thoja une, duke mos i lene hapesire keqkuptimeve qe fillojne tani e bejne dem;

Sot pasdite, u be nje mbledhje me natyre organizative, ne prag te zgjedhjeve parakohe per nje mandat plotesues per kryetar te bashkise se Tiranes!

Sipas kesaj mbledhjeje, une-qe drejtova fushaten per zgjedhjet politike ne Njesine 5, nuk do te drejtoj me fushaten ne kete Njesi; gjithashtu Delina qe ishte prej dy vitesh ne kete njesi dhe bashke me mua ne keto zgjedhje, nuk do te jete me ketu duke krijuar nje boshllek te madh perfaqesimi, SI PERHERE NE NDAJ NJESISE 5.

Tani dua tu them disa fjale;

Kur me larguan nga Divjaka-jo populli, por udheheqesit ne Tirane, ne pamundesi per te justifikuar cpo benin pa asnje arsye parimore por thjesht e vetem si vullnet personal, me thane “kemi nevoje ne Tirane e vecanerisht ne Njesine 5”; i bindur qe dhe kjo ishte nje rrugedalje kot, thashe “nuk dua te jem deputet, do bej fushate ne njesine 5 pa qene ne liste, ua kam detyrim socialisteve ne ate njesi”; me thane “jo, se pa qene ne liste ste mblidhet njeri”; thashe “e provojme, mblidhen socialistet apo jo”; me thane “shko atje, merr mandatin e pastaj bej cte duash”!

Kur erdha mes jush njoha jo vetem gjendjen por edhe cfare i kishin bere socialisteve ne Njesine 5- genjyer e mashtruar, abuzuar e harruar, dhunuar e percmuar, ndare e mbajtur qellimisht keshtu;

Bashke me Delinen u munduam te kurojme nje nga plaget hapur ne trupin e Partise se Socialisteve, balle per balle e sy me sy, madje duke vene veton per te perzene autoren e autoret e gjithe kesaj gjendje; jo vetem mes socialisteve por edhe tek njerezit pashe clirim;
Punuam bashke, ca me shume e ca me pak, por bashke e me nje qellim, FITOREN E PARTISE SOCIALISTE; koha nuk ishte e mjaftueshme per gjithcka, por beme cmundem dhe ja dolem te thellonim diferencen me PD, partine me te afert rivale, e ti hiqnim deputetin e dyte partise BASHKE, e majta me baze ne Njesine 5; me zemer e pa shpenzuar nje qindarke per te blere e poshterruar njerezit me cmimin e ndyre te nje vote!

Nga kjo perfitova dhe une, u rizgjodha deputet si me i votuari ne bashkine Tirane, me i votuari ne Shqiperi-pa Voren, me i votuari ne Diaspore; JU JAM SHUME MIRENJOHES PER KETE, CDO SOCIALISTI E SOCIALISTEJE NE NJESINE 5 DHE KUDO NE TIRANE; une jam i mbijetuar-me sollen ketu per te humbur e ju vete e pate se sa e padrejte dhe e pandershme u be e gjitha me te gjithe kunder; une jam sot deputet fale socialisteve.

Ndaj tyre jam ne borxh!

Pikerisht per te shlyer kete borxh, kam qe ne shkurt-kur nisem pune para zgjedhjeve e deri sot-para pak, pas zgjedhjeve, TI RRI ZONES MBI KOKE, te jem si ne fushate rruge me rruge, lagje me lagje, shesh me shesh, duke u marre me ato qe jane hallet e njerezve-uje, drita, rruge, trotuare, plehra, hapesira publike, parkim, cerdhe, kopeshte e shkolla dhe duke i hapur telefonin gjithkujt nder ju po e po, por edhe cdokujt tjeter qe kemi banore ne njesi apo edhe me gjere ne Tirane;

Jam shume krenar per kete, mbi te gjitha qe gjithe cfare thame e ndame me njerezit ne fushate per HAPESIRAT PUBLIKE, u rrembye menjehere, po sbatohet deri diku ne territor e eshte ne qender te nje perpjekje per ta kthyer ne reforme;

Po ua them sot-mbase eshte dita, kam mbajtur mbi kurriz kercenime serioze cdo dite per cdo akt timin ne korrigjim te sjelljes klienteliste, te pabarabarte e te korruptuar te inspektoreve te IMT ne territor;

Po pa problem, une per kete jam, te mbaj mbi kurriz edhe keto pa u ankuar kund;
Nderkohe per gjithcka tjeter, perfshi edhe gjera banale sic ato koshat ne Selite e deri tek gjera te rendesishme sic legalizimet po ne Selite e kudo, kam gjetur perballe nje mur te ngritur, dyer qe mbyllen dhe pergjegjes gojembyllur qellimisht dhe e lidhur jo vetem me kaosin ne bashkine Tirane, shperfilljen e forte ndaj detyres e njesise 5 kudo, por e lidhur edhe me mua; ne fushate i kuptova, ishin urdheruar “mos e ndihmoni ate”, por kjo pas zgjedhjeve eshte nje sjellje e turpshme dhe ne traditen e qendrueshme te shperfilljes te Njesise 5, perfaqesuesve te saj!

Nejse, KUVENDI sa ka nisur dhe secili do kuptoj cdo te thote nder, respekt, pune ne raport me voten e njerezve; kush pengoi deri me sot e kush pengon ne vijim do jete shembull!

Ne ane tjeter, akti i sotem eshte i padrejte ne raport me gjithe ckam bere si drejtues e deputet ne njesine 5, reflekton mjaftueshem dyshimin ndaj meje e sjelljes sime ne zgjedhje-e neveritshme kjo por e denje fiks per ate qe e ka bere dhe perversitetin ne raportet njerezore-po e le me kaq dhe po e kursej te verteten deri ne fund e qe eshte fyese pafund!

Dua tu them qe une e refuzoj kete akt!

Natyrisht, une ska gjase te bej ate qe keta bene kunder meje; E THJESHTE UNE NUK JAM KETA, UNE JAM SOCIALIST!

Do te thote, DO BEJ FUSHATE CEP E ME CEP TE NJESISE 5, ASHTU SIC DI, RRUGE ME RRUGE E SY ME SY ME SOCIALISTET E NJEREZIT, DUKE SHTRENGUAR DUART E DUKE LUFTUAR PER PUNET!

Sepse per mua nuk kane rendesi emrat, MJAFTON QE NE GARE ESHTE PARTIA SOCIALISTE-pavaresisht kush flet ne emer te saj, DHE SA KOHE AJO DO VLEJE PER NJEREZIT!

NATEN E MIRE TE GJITHEVE DHE SHIHEMI NE RRUGE!!