Serbia dhe Bosnje e Hercegovina vazhdojnë hetimet lidhur me pretendimet për ekzistencën e kampeve paramilitare ruse për trajnim luftarak dhe taktik, të cilat dyshohet se kanë pasur për qëllim nxitjen e trazirave në Moldavi.

Në Serbi, hetimet vazhdojnë për një kamp që u zbulua në shtator të vitit 2025, në një objekt hotelerie të quajtur “Sunçana reka”, pranë lumit Drina, në perëndim të vendit. Dy persona të dyshuar në këtë rast janë liruar nga paraburgimi.

Autoritetet në Bosnje e Hercegovinë, gjithashtu, kanë hapur një rast për trajnimet që dyshohet se janë mbajtur në territorin e këtij vendi gjatë vitit 2024. E, për organizimin e këtyre trajnimeve në Bosnje dhe në Serbi gjatë vitit 2024, një gjykatë në Moldavi ka dënuar tre persona.

Autoritetet moldaviane kanë deklaruar dy herë se në vendet e Ballkanit Perëndimor, janë organizuar trajnime për destabilizim, të cilat, sipas tyre, janë koordinuar nga Rusia.

Herën e parë, përpara zgjedhjeve presidenciale dhe referendumit për anëtarësimin e Moldavisë në Bashkimin Evropian në vitin 2024, ato kanë thënë se trajnimet janë drejtuar nga persona të lidhur me grupet mercenare ruse, Ferma dhe Wagner.

Herën e dytë, në shtator të vitit 2025, pak para zgjedhjeve parlamentare, në të cilat forcat proevropiane kanë fituar shumicën, autoritetet moldaviane kanë thënë se shumica e të dyshuarve janë trajnuar në Serbi, në kuadër të një plani që pretendohet të jetë koordinuar nga Rusia.

Disa ditë pas këtyre pretendimeve, autoritetet në Serbi kanë arrestuar dy shtetas serbë.

Në komunikatat zyrtare të Policisë dhe Prokurorisë së Serbisë nuk është përmendur Rusia, por presidenti serb, Aleksandar Vuçiq, ka deklaruar se autoritetet kanë konstatuar praninë e tre shtetasve rusë në një kamp.

Pas arrestimeve, disa banorë lokalë i kanë thënë Radios Evropa e Lirë se personat nga kampi, kanë vizituar dyqanet e zonës, kanë folur kryesisht rusisht dhe se, fillimisht, është menduar se janë sportistë.

Rusia e ka mohuar ndërhyrjen në procesin zgjedhor në Moldavi, ndërsa kjo e fundit e akuzon atë për luftë hibride, përfshirë fushatën e dezinformimit dhe financimin e paligjshëm të partive proruse.

Rasti i kampit për trajnim luftarak-taktik të shtetasve të Moldavisë dhe Rumanisë, i zbuluar në perëndim të Serbisë në shtator të vitit 2025, është ende në fazën e hetimeve.

“Personat e dyshuar janë marrë në pyetje, dëshmitarët janë intervistuar dhe aktualisht po kryhen ekspertizat e nevojshme”, ka deklaruar për Radion Evropa e Lirë Prokuroria e Lartë Publike në Shabac.

Prokuroria po zhvillon hetime ndaj dy të pandehurve: Llazar Popoviq nga Beogradi dhe Savo Stevanoviq nga Lloznica.

Sipas Gjykatës së Lartë në Shabac, më 6 shkurt, Popoviqit i është zëvendësuar paraburgimi me masë garancie, ndërsa Stevanoviq është liruar më 17 tetor, pas marrjes në pyetje të dëshmitarëve.

Branisllav Maniq, ish-avokat mbrojtës i Popoviqit, ka deklaruar më herët për BIRN-in se Popoviq, gjatë marrjes në pyetje nga policia, është mbrojtur me heshtje.

Në përgjigjen e Gjykatës së Lartë thuhet se prokuroria i ngarkon të pandehurit me veprën penale të organizimit të pjesëmarrjes në luftë ose konflikt të armatosur.

Për këtë vepër penale parashihet dënim me burg nga dy deri në dhjetë vjet.

Avokati i Stevanoviqit, Miodrag Terziq, ka deklaruar se ai i ka mohuar akuzat me të cilat ngarkohet.

Terziq ka thënë për Radion Evropa e Lirë se “mbrojtja konsideron se nuk ekziston asnjë provë” kundër Stevanoviqit.

“Ai vetëm dy ose tri herë ka qenë në objektin ‘Sunçana reka’, në mënyrë krejt joformale, për kafe me miqtë”, ka thënë Terziq.

Sipas tij, aty është takuar edhe me të dyshuarin kryesor, Llazar Popoviq, të cilin e ka pasur mik.

Ministria e Punëve të Brendshme e Serbisë, pas arrestimit të Popoviqit dhe Stevanoviqit, ka njoftuar se dyshohet se trajnimi luftarak-taktik që ata kanë organizuar, ka pasur për qëllim ofrimin e rezistencës fizike ndaj Policisë së Moldavisë, në rast të trazirave gjatë ditës së zgjedhjeve.

Sipas këtyre pretendimeve, dyshohet se Popoviq ka organizuar dhe financuar trajnimin, ndërsa Stevanoviq akuzohet se e ka ndihmuar atë në realizimin e tij.

Sipas dyshimeve, trajnimi është zhvilluar në periudhën nga 16 korriku deri më 12 shtator dhe ka përfshirë nga 150 deri në 170 shtetas të Moldavisë dhe Rumanisë.

Llazar Popoviq ka qenë këshilltar i ish-ministrit prorus të Inovacionit në Serbi, Nenad Popoviq, ndërsa Savo Stevanoviq fillimisht ka qenë anëtar i Partisë Popullore Serbe (SNP) të Popoviqit, e më pas i partisë “Zdrava Srbija”, e cila është pjesë e koalicionit qeverisës.

Prokuroria e Bosnje e Hercegovinës ka hapur në verën e vitit 2025 një rast lidhur me trajnimet që janë mbajtur në territorin e saj gjatë vitit 2024, por deri tani nuk janë bërë të ditura detaje të tjera.

Prokuroria i ka thënë Radios Evropa e Lirë se ka pranuar një pjesë të dokumentacionit nga Moldavia, si përgjigje ndaj kërkesës për informacione.

“Pas një periudhe të gjatë, kemi disa dokumente të caktuara nga Moldavia, të cilat janë dërguar për përkthim, në mënyrë që të analizohen në detaje. Pastaj, do të vendoset për hapat e mëtejshëm”, thuhet në deklaratë.

Në aktgjykimin e gjykatës në Kishinjev nuk përmenden në mënyrë të drejtpërdrejtë shtetas të Bosnje e Hercegovinës që kanë marrë pjesë në këto aktivitete.

Mediat në Serbi kanë raportuar në tetor të vitit 2024 se Agjencia e Sigurisë dhe Informacionit (BIA), në bashkëpunim me policinë, ka ndërprerë disa aktivitete të paligjshme në një pronë pranë Kuçevës, në verilindje të Serbisë.

Sipas këtyre raportimeve, në atë lokacion janë gjetur, ndër të tjera, katër dronë me pajisje përcjellëse, pajisje për kapjen e dronëve, pajisje “Starlink” për vendosjen e komunikimit satelitor, radiolidhje, fosfor dhe lëngje të tjera që ndizen, si dhe orë që – me shumë gjasa – janë përdorur për aktivizimin e materialeve ndezëse.

BIA dhe Ministria e Punëve të Brendshme e Serbisë nuk u janë përgjigjur pyetjeve të Radios Evropa e Lirë lidhur me pretendimet për kampet e trajnimit, të organizuara në Serbi gjatë vitit 2024.

Sipas aktgjykimit të gjykatës në Kishinjev, një pjesë e përgatitjeve për trazira të dhunshme në Moldavi është zhvilluar jashtë territorit të këtij vendi, konkretisht në Bosnje e Hercegovinë.

Vendimi gjyqësor tregon se trajnimet janë mbajtur kryesisht në Bosnje e Hercegovinë gjatë vitit 2024, ndërsa Serbia ka shërbyer si vend transiti për pjesëmarrësit.

Më 6 shkurt, gjykata në Kishinjev ka dënuar me burg Aliona Gotcon, Ludmila Costencon dhe Vladimir Harcevnicovin për pjesëmarrje në një grup të organizuar kriminal që, gjatë vitit 2024, ka planifikuar dhe përgatitur trazira masive të dhunshme në Moldavi.

Këto aktivitete kanë përfshirë trajnime dhe mbështetje logjistike, të realizuara jashtë vendit.

Sipas aktgjykimit, Bosnje e Hercegovina ka pasur rol qendror si vend trajnimi, me aktivitete të zhvilluara në disa lokacione.

Dokumentet gjyqësore përmendin konkretisht zonën e Gllamoçanit, ku është ngritur një kamp i improvizuar në një territor pyjor dhe të izoluar, i përbërë nga baraka dhe tenda.

Kampi ndodhej jashtë zonave të banuara, pa shenja publike dhe pa të dhëna për pronësinë e tokës.

Në aktgjykim, gjykata nuk ka specifikuar se kujt i përket hapësira e shfrytëzuar.

Sipas dëshmive, pjesëmarrësit kanë udhëtuar drejt Bosnje e Hercegovinës në mënyrë të organizuar, kryesisht përmes Serbisë.

Ata, fillimisht, vendoseshin në Banjallukë dhe më pas transportoheshin me automjete drejt një zone pyjore ku ndodhej kampi.

Transporti realizohej nga persona që flisnin gjuhën ruse, ndërsa një pjesë e tyre, sipas dëshmive, ishin me origjinë bullgare.

Gjykata ka konstatuar se Aliona Gotco, Ludmila Costenco dhe Vladimir Harcevnicov kanë qëndruar disa herë në Bosnje e Hercegovinë, nga fillimi i gushtit deri në mesin e tetorit 2024, ku kanë marrë pjesë në trajnime teorike dhe praktike.

Sipas aktgjykimit, trajnimet kanë përfshirë përdorimin e dronëve FPV, lidhjen e tyre me qendra komanduese, zbulimin ajror në kuadër të grupeve sulmuese, si dhe simulime të hedhjes së mjeteve shpërthyese përmes dronëve.

Sipas aktgjykimit të Gjykatës në Kishinjev dhe dëshmive të dëshmitarëve, Serbia përmendet si një nga vendet ku anëtarët e grupit kanë qëndruar dhe kanë bërë trajnime, por edhe si pikë transiti në itinerarin Moldavi – Serbi – Bosnje e Hercegovinë.

Gjykata ka konstatuar se të dënuarit, si dhe persona të tjerë të përfshirë, kanë udhëtuar përmes Serbisë gjatë shkuarjes në trajnime dhe se gjatë vitit 2024 janë ndalur disa herë në këtë vend.

Edhe pse aktgjykimi nuk specifikon lokacione të sakta në Serbi, as qytete apo adresa, Serbia trajtohet si pjesë e zinxhirit logjistik dhe operacional, ku anëtarët e grupit mblidheshin, pushonin, riorganizoheshin dhe vazhdonin komunikimin me koordinatorë jashtë vendit.

Sipas dëshmive, gjatë qëndrimit në Serbi, ata kanë qenë në kontakt të vazhdueshëm me shtetasin rus, Vladimir Firsov, i cili u jepte udhëzime të mëtejshme dhe i informonte se destinacioni përfundimtar është Bosnje e Hercegovina.

Gjatë bastisjeve, te të pandehurit janë gjetur kartëmonedha në dinarë serbë, si dhe pajisje dhe dokumente që konfirmojnë lëvizjen dhe qëndrimin e tyre në Serbi.

Aktgjykimi thekson se Serbia është përdorur si vend transiti për hyrje në Bosnje e Hercegovinë, por edhe si rrugë për kthim.

Gjykata përfundon se Serbia ka pasur rol në një pjesë të trajnimeve, ndërsa Bosnje e Hercegovina ka qenë lokacioni qendror për trajnimet intensive, veçanërisht në përdorimin e dronëve dhe në taktikat e veprimeve të dhunshme.

Në këtë aktgjykim nuk përmenden shtetas të Serbisë si pjesëmarrës në trajnime apo si ndihmës në transportin e pjesëmarrësve nga Moldavia.

Vendimi është marrë në shkallë të parë dhe të pandehurit nuk kanë qenë të pranishëm gjatë shpalljes së dënimit.

Gjykata ka urdhëruar ndalimin e tyre për ekzekutimin e dënimit, por kundër aktgjykimit mund të bëhet ankesë.

Gjatë zhvillimit të këtij procesi gjyqësor, Prokuroria e Moldavisë ka ngritur aktakuza edhe ndaj disa personave të tjerë të lidhur me trajnimet për nxitjen e trazirave.

Në fillim të dhjetorit 2025, autoritetet moldaviane kanë kryer rreth 50 bastisje në disa lokacione në vend dhe kanë gjetur prova se një grup i organizuar, i trajnuar më herët në një kamp në Serbi, dyshohet se ka planifikuar trazira në Moldavi.

Për ndikimin rus në Serbi ka paralajmëruar edhe Bashkimi Evropian në raportet e tij.

Serbia, përndryshe, është vend kandidat për anëtarësim në BE.

Serbia, si dhe entiteti i Bosnje e Hercegovinës, Republika Sërpska, kanë mbetur ndër partnerët e rrallë evropianë të Kremlinit edhe pas pushtimit rus të Ukrainës dhe vendosjes së sanksioneve perëndimore.

Beogradi dhe Moska kanë vazhduar bashkëpunimin në fushën e inteligjencës – gjë që reflektohet edhe në takimet e rregullta të drejtuesve të shërbimeve sekrete të të dyja vendeve./REL

Zbulime të reja po dalin në dritë rreth çështjes së ndërlikuar të oficerit grek i cili ka rrëfyer se ka spiunuar për kinezët, duke i dërguar Pekinit informacione të ndjeshme të NATO-s.
Me sa duket, telefoni i dytë që kishte të instaluar programin e enkriptuar, ishte ai që e “dogji”.

Sipas Mega-s, gjatë marrjes në pyetje ai filloi të tërhiqej nga rrëfimi i tij fillestar, por më pas ndërhyri EYP dhe njerëzit e saj që ishin të pranishëm në marrje në pyetje e bombarduan me pyetje. Atje i treguan dy telefonat celularë. Ishte në këtë pikë që koloneli e kuptoi se nuk kishte hapësirë për manovrim dhe rrëfeu të gjitha kontaktet me kinezët.

Tani autoritetet po përcaktojnë rrjetin e agjentëve kinezë, ku sipas informacioneve, në krye është një grua kineze. Kjo është një grua që nuk ka lidhje me ushtrinë dhe ka një rol shumë të lartë në piramidën e spiunazhit.

Çështja kryesore e sigurisë kombëtare
Autoritetet greke po e trajtojnë çështjen e spiunazhit që përfshin kolonelin 54-vjeçar si një çështje me rëndësi të madhe kombëtare.

Ministria e Mbrojtjes në thelb ka vendosur një “omerta” informale për arsye sigurie kombëtare. Askush nuk po thotë asgjë sepse kjo mund të ketë ndërlikime në marrëdhëniet me aleatët e NATO-s dhe në marrëdhëniet kino-greke.

Nuk dihet në këtë kohë nëse ka pasur ndonjë lloj reagimi nga Ministria e Punëve të Jashtme greke drejtuar ambasadës kineze apo diçka të ngjashme nga ambasada greke në Pekin drejtuar administratës qendrore.

Besohet se 54-vjeçari është rekrutuar nga shërbimet kineze gjatë një konference jashtë vendit. Pra, ose nga një agjent tjetër kinez ose nga një person kinez që e identifikoi kolonelin përmes informacionit të tij që ishte në një shkarkim të përbashkët, ndoshta përmes LinkedIn. bw

Fotografi arkivi: Ndërtesa e Qeverisë së Malit të Zi në Cetinë.

Deri tani asnjë snajperist nuk është ndjekur penalisht për vrasjen e civilëve në Sarajevë.

Kryeministri Edi Rama ka reaguar pas kritikave nga Greqia lidhur me replikat mes tij dhe gazetarit greko-amerikan, John Defterios, gjatë Samitit të Zhvillimit të Qëndrueshëm në Abu Dhabi, ku kreu i qeverisë shqiptare pasi kuptoi që ai kishte grek, i tha “ju mendoni se jeni pasardhës të Platonit dhe Aristotelit, por nuk jeni”.

Sipas Ramës, komenti i tij nuk ka qenë me tone tendencioze, por ka qenë humor dhe se fjala e tij është shkëputur totalisht nga konteksti dhe “është kthyer në polemikë publike me pathos nacionalist, gjë që fatkeqësisht në Athinën mediatike ndodh shpesh!”.

Ndër të tjera, ai shton se populli grek për të është një fqinj i pazëvendësueshëm e vëlla i patjetërsueshëm i popullit shqiptar dhe që për kryeministrin e Greqisë ushqen një respekt të veçantë.

Rama nuk kurse as ironitë për ata që i cilësoi si “të shqetësuarit dhe të lënduarit” me humorin e tij, duke shtuar që mos t’i kërkojnë në kushdo shkruan e flet greqisht me pathosin nacionalist, t’i duket si pasardhës i Platonit dhe Aristotelit.

“Por ama mos më kërkojë askush ndër të shqetësuarit dhe të lënduarit me humorin tim, që kush shkruan e flet greqisht me pathosin nacionalist të të larpërmendurve, të më duket si pasardhës i Platonit dhe Aristotelit!”, shkruan Rama.

Rama: Jam i mahnitur nga reagimi i disa mediave në Athinë e i ndonjë politikani të lodhur grek lidhur me tonet e mia aspak tendencioze, po me humor miqësor gjatë bashkëbisedimit me gazetarin e nderuar John Defterios në panelin e organizuar gjatë Samitit të Zhvillimit të Qëndrueshëm në Abu Dhabi!

Është e pabesueshme që një fjali e thënë me humor, të shkëputet totalisht nga konteksti e të kthehet në polemikë publike me pathos nacionalist, gjë që fatkeqësisht në Athinën mediatike ndodh shpesh!

Por i siguroj të gjithë të shqetësuarit e të lënduarit, se nuk kam as më të voglin dyshim që Platoni dhe Aristoteli janë filozofë grekë dhe që Greqia e Lashtë është shtrati i qytetërimit europian; që kultura greke meriton vetëm admirim, jo vetëm për filozofët e lashtësisë po edhe për poetët, shkrimtarët, kineastët e muzikën që i ka dhënë njerëzimit; që Greqia është një vend për të cilin unë ushqej ndjenjat më pozitive, që populli grek është për mua një fqinj i pazëvendësueshëm e vëlla i patjetërsueshëm i popullit shqiptar dhe që për kryeministrin e Greqisë ushqej një respekt të veçantë!

U kuptuam? Shpresoj po.

Por ama mos më kërkojë askush ndër të shqetësuarit dhe të lënduarit me humorin tim, që kush shkruan e flet greqisht me pathosin nacionalist të të larpërmendurve, të më duket si pasardhës i Platonit dhe Aristotelit!

REAGIMI I MEDIAVE GREKE

Mediat greke, e kanë cilësuar si një sulm të paprovokuar kundër një gazetari greko-amerikan, komentet e kryeministrit Edi Rama.

“Protothema” shkruan se incidenti filloi kur John Defterios, moderatori greko-amerikan dhe gazetar i CNN-së me përvojë të gjatë, shqiptoi gabim emrat e Edi Ramës dhe kryeministrit malazez Milojko Spajić gjatë prezantimit të tyre.

“Pasi të dy udhëheqësit dolën në skenë për diskutim, kryeministri malazez thjesht e korrigjoi Defteriosin pasi vetë gazetari e kërkoi këtë. Menjëherë pas kësaj, edhe Edi Rama e korrigjoi atë, por u shfaq dukshëm i mërzitur, duke ia hedhur fajin gazetarit për shqiptimet e gabuara greke”, thuhet në artikull.

Më vonë, gjatë diskutimit rreth investimeve në energji në Shqipëri, Rama tha: “Le ta falënderojmë mentorin tonë Sultan Al Jaber” (Ministri i Energjisë i Emirateve të Bashkuara Arabe) dhe e pyeti Defteriosin nëse e njihte. Defteriosi, me shaka, buzëqeshi dhe u përgjigj: “Si mund të mos e njihja?”, duke bërë që audienca të duartrokiste.

Kryeministri shqiptar, me sa duket, duke mos e kuptuar shakanë, e talli gazetarin: “Si grek, duhet ta kishe njohur. Kjo është ajo që bën ti – gjithmonë i nënçmon njerëzit, sepse mendon se ke monopol mbi filozofinë dhe je trashëgimtar i drejtpërdrejtë i Platonit dhe Aristotelit”, duke shtuar menjëherë, “Por nuk je.”

“Sulmet e Ramës ndaj gazetarit dhe trashëgimisë së tij nuk u ndalën me kaq. Drejt fundit të diskutimit të tyre, ai iu drejtua përsëri me agresivitet në lidhje me madhësinë e një investimi në Shqipëri.

Kur gazetari përmendi “një miliard”, Rama e korrigjoi dy herë, duke thënë se ishte më shumë.

“Jo, po llogarit përsëri si grek. Kur flet për paratë e tua, mbledh tre zero. Kur flet për paratë e të tjerëve, zbrit tre zero. Kjo është ajo që bën. Kjo është arsyeja pse BE-ja të do kaq shumë.”

Fragment i plotë i dialogut:

John Defterios: Le të mirëpresim Shkëlqësinë e Tij Edi Rama, Kryeministër i Shqipërisë. Më vjen mirë që ju shoh, Edi. Ju lutem uluni. Dhe Shkëlqësinë e Tij Milojko Spajić, Kryeministër i Malit të Zi. Do t’ju lejoj të më korrigjoni tani, vazhdoni.

Milojko Spajiq: Milojko Spajić.

John Defterios: Oh, Spajić, në rregull. Unë kam shqiptim italisht dhe greqisht.

Edi Rama: Është Edi Rama, jo Ramae.

John Defterios: (qesh) Kam bërë një fillim fantastik me ju të dy.

Edi Rama: Je grek, apo jo?

John Defterios: Unë jam grek, po.

Edi Rama: Kjo është arsyeja pse i shqiptove gabim emrat tanë. Këtë bën ti. E di sepse jemi fqinjë dhe e di shumë mirë.

John Defterios: (qesh) Jam i lumtur që ju kam të dyve këtu.

Edi Rama: Mentori ynë, njeriu që mbajti një nga fjalimet më të mira që dëgjova dje. Emri i tij është Dr. Sultan Al Jaber. Nuk e di nëse e njihni.

John Defterios: Vërtet? Nuk jam i sigurt… (qesh dhe duartrokitje)

Edi Rama: Si grek, duhet ta njohësh më mirë.

John Defterios: Nuk e di sa më mirë mund ta njihja.

Edi Rama: Ti gjithmonë i nënçmon njerëzit. Mendon se ke monopol mbi filozofinë dhe se je trashëgimtar i Platonit dhe Aristotelit. Por nuk je.

John Defterios: Me gjithë respektin e duhur…

Edi Rama: Duhet të mbarojmë. Nuk dua t’i marr kohën këtij vendi të madh, Malit të Zi. Mali i Zi është vendi më i madh dhe më i madh në rajonin tonë. Ka 50 milionë qytetarë; ne jemi një vend i vogël. Serbia është më e madhe, por Mali i Zi është numri një. Më falni, por do ta lëmë me pak ëmbëlsi në fund.

John Defterios: Është e mahnitshme—një projekt një miliard dollarësh për t’u zbatuar.

Edi Rama: Është më shumë se një miliard.

John Defterios: Një miliard investim plus tre projekte të tilla.

Edi Rama: Është më shumë se një miliard.

John Defterios: Vazhdo.

Edi Rama: Përsëri, ti llogarit si një grek. Kur flet për paratë e tua, shton tre zero shtesë. Kur flet për paratë e të tjerëve, zbrit tre zero. Kjo është ajo që bën. Kjo është arsyeja pse BE-ja të do kaq shumë.

Panorama

Hungaria do të shkojë në zgjedhje parlamentare më 12 prill 2026, ndërsa sondazhet e fundit tregojnë se kryeministri nacionalist Viktor Orban, në pushtet që nga viti 2010, mund të humbasë.

Orban ka qeverisur vendin për gati 16 vjet, por sondazhet e pavarura tregojnë rënie për shkak të ngërçit ekonomik, pakënaqësisë ndaj shërbimeve publike dhe skandaleve për mbrojtjen e fëmijëve.

Partia Tisza, udhëhequr nga Péter Magyar, ish-anëtar i Orbanit dhe kritik i ashpër i tij, ka përparësi të qëndrueshme, me rreth 50% mbështetje, krahasuar me 35% të Fidesz, sipas analistit të Institutit Hungarez Iranytu, Sàmbolts Pek.

Presidenti i Hungarisë, Tamás Sólyom, konfirmoi datën e zgjedhjeve përmes Facebook, duke bërë zyrtare një datë që tashmë qarkullonte prej javësh.

Kampanja elektorale ka nisur prej disa muajsh, ku Magyar viziton gjithë vendin, ndërsa Orban ka kryer vizita në Uashington dhe Moskë dhe ka shumëfishuar premtimet e tij.

Sipas sondazheve të fundit, përveç Fidesz dhe Tisza, edhe partia e ekstremit të djathtë “Atdheun Tonë” mund të fitojë vende në parlament, ndërsa partitë e tjera, përfshirë koalicionin qendrore majtas Demokratik, mbeten nën pragun 5% për përfaqësim parlamentar. Panorama

Presidenti i Serbisë, Aleksandar Vuçiç, e ka cilësuar ndërhyrjen e Shteteve të Bashkuara në Venezuelë si shkelje të së drejtës ndërkombëtare, duke deklaruar se rendi juridik global dhe Karta e Kombeve të Bashkuara nuk po funksionojnë më.

“Qëndrimi i Serbisë është i qartë: ne dëshirojmë marrëdhënie miqësore si me SHBA-në ashtu edhe me të gjitha vendet e botës, por është detyrimi ynë të theksojmë kur ka shkelje të së drejtës ndërkombëtare. Pas zhvillimeve në Venezuelë, është e qartë se sot në botë sundon ligji i forcës, e drejta e më të fortit, dhe kjo është bërë parimi kryesor i politikës moderne”, deklaroi Vuçiç në një konferencë për shtyp.

Kreu i shtetit serb drejtoi këtë të diel një mbledhje të jashtëzakonshme të Këshillit të Lartë të Mbrojtjes Kombëtare, thirrur për shkak të situatës në Venezuelë.

Vuçiç shprehu shqetësimin e tij për paqen dhe sigurinë globale, duke paralajmëruar se po krijohet një precedent i rrezikshëm.

“Presim që veprime të tilla të vazhdojnë jo vetëm nga SHBA, por edhe nga vende të tjera. Sepse kush do të mund të thotë nesër, nëse diçka e tillë ndodh në Europën Lindore apo në Azi, se është hera e parë dhe se është e paligjshme?”, u shpreh ai.

Presidenti serb njoftoi se Serbia do të vijojë forcimin e kapaciteteve mbrojtëse për të parandaluar çdo kërcënim, duke përfshirë rritjen e personelit të Forcave të Armatosura me rreth 30% dhe përshpejtimin e programeve të armatimit. Ai vlerësoi se kërcënimi kryesor për Serbinë nuk vjen nga SHBA, por nga rajoni, duke përmendur në veçanti armatosjen e Kosovës me ndihmën e Turqisë.

Marrëdhëniet Serbi–Venezuelë

Udhëheqja politike serbe ka mbajtur marrëdhënie të ngushta me regjimin e Nicolás Maduro-s. Vuçiç ka komunikuar për herë të fundit telefonikisht me Maduro më 21 gusht 2025, duke e quajtur atë “mik të madh” të Serbisë në një postim në Instagram dhe duke theksuar diskutimet për forcimin e marrëdhënieve dypalëshe.

Në ceremoninë e betimit të Nicolás Maduro-s në janar 2025, Serbia u përfaqësua në nivel të lartë nga kryetarja e Kuvendit, Ana Brnabiç.

Dy vendet kanë nënshkruar në vitin 2023 një marrëveshje për heqjen e vizave, ndërsa një nga arsyet kryesore të përmendura nga zyrtarët serbë për afrimin me Venezuelën është fakti se Karakasi nuk e njeh pavarësinë e Kosovës. Panorama

Marrëveshja pasqyron angazhimin e përbashkët të të dy vendeve për të thelluar partneritetet institucionale në aviacionin civil, logjistikën e mbrojtjes dhe sektorët më të gjerë strategjikë, ndërkohë që shërben gjithashtu si një gjest simbolik i mbështetjes së Turqisë për përpjekjet rajonale të zhvillimit dhe integrimit të Shqipërisë, thuhet në njoftim.

TURQI- Kompania ajrore kombëtare e Turkiye-s, Turkish Airlines, do t’ia transferojë qeverisë shqiptare pronësinë e një Airbus A319‑115J, një avion i konfiguruar nga qeveria me vlerë 11.9 milionë dollarë, sipas një marrëveshjeje dypalëshe granti, si pjesë e përpjekjeve për të forcuar lidhjet diplomatike dhe ekonomike midis dy vendeve.

“Turkiye Today” shkruan se sipas marrëveshjes së publikuar në Gazetën Zyrtare të enjten, avioni, i regjistruar si TC-GVC me numër serial 1002 dhe i prodhuar në shkurt të vitit 2000, mbetet i certifikuar për operacione fluturimi.

Marrëveshja Turqi-Shqipëri synon të përforcojë partneritetin strategjik

Marrëveshja dypalëshe thotë se donacioni synon të përforcojë “marrëdhëniet miqësore dhe bashkëpunimin e ngushtë” midis Turqisë dhe Shqipërisë, të vendosura fillimisht sipas Traktatit të Miqësisë, Fqinjësisë së Mirë dhe Bashkëpunimit të vitit 1992, ku të dyja palët shprehin dëshirën për të forcuar më tej këto lidhje përmes bashkëpunimit të ndërsjellë teknik dhe mbrojtës.

Marrëveshja pasqyron angazhimin e përbashkët të të dy vendeve për të thelluar partneritetet institucionale në aviacionin civil, logjistikën e mbrojtjes dhe sektorët më të gjerë strategjikë, ndërkohë që shërben gjithashtu si një gjest simbolik i mbështetjes së Turqisë për përpjekjet rajonale të zhvillimit dhe integrimit të Shqipërisë, thuhet në njoftim.

Avioni do të dorëzohet pa asnjë detyrim financiar nga ana e marrësit dhe Turqia do të mbulojë kostot e transferimit. Airbus A319-115J është një variant i personalizuar i modelit standard A319-100, i cili është pjesë e familjes A320, një nga seritë më të përdorura në botë të avionëve reaktivë me një korridor.

Avioni ka një peshë maksimale taksi prej 75,900 kilogramësh dhe një peshë bazë bosh prej 44,790 kilogramësh. Ai fuqizohet nga dy motorë CFM56-5B7/P, të dy me mbi 7,000 cikle të mbetura, dhe është i pajisur me një sistem shfaqjesh ajrore AS400, megjithëse nuk janë instaluar sisteme argëtimi ose lidhjeje gjatë fluturimit.

Edhe pse nuk është një klasifikim komercial i përdorur në oraret publike, A319-115J shfaqet shpesh në flotat ushtarake, qeveritare ose diplomatike, duke përfshirë ato të shteteve anëtare të NATO-s dhe qeverive aleate.

Në pronësi të fondit sovran të pasurisë së Turqisë, Turkish Airlines operon një nga flotat më të mëdha ajrore në nivel global, me një total prej 515 avionësh sipas të dhënave më të fundit në dispozicion. Midis tyre, flota përfshin gjashtë avionë Airbus A319-100, të cilët përdoren kryesisht për itinerare me distanca të shkurtra deri të mesme dhe operacione rajonale./Dosja.al