VOAL

VOAL

Please Wait ...
0%

Kritharaqe me brokoli – Si t’i përgatisni për një drekë të shijshme

By | January 25, 2020

Komentet

Si të ruani freskinë dhe aromën e erëzave në frigorifer

Gatimet më të mira kërkojnë barishte dhe erëza të freskëta për të plotësuar shijen dhe shtuar aromat.

Por çelësi i përdorimit të barishteve të freskëta në gatim, është ruajtja e freskisë së tyre.

Majdanozi për shembull, nuk arrin të mbijetojë një ditë në vetme në frigorifer.

Ai vyshket dhe shuhet në 24 orë.

Në këtë pikë, kuptohet se paratë dhe barishtja janë çuar dëm.

Në këtë artikull të AgroWeb.org do të mësoni se barishtet dhe erëzat e freskëta mund të ruhen shumë mirë për më shumë se 24 orë.

Përse Prishen Barishtet Në Frigorifer

Lagështia e tepërt dhe oksigjeni i shumtë në frigorifer mund të shterojnë gjallërinë e këtyre barishteve.

Këto produkte kërkojnë një vend të mirë të përzgjedhur bazuar në katër faktorë: lagështia, drita, oksigjeni dhe temperatura.

A Duhen Larë Dhe Tharë Erëzat Përpara Ruajtjes Në Frigorifer?

Të gjitha barishtet e freskëta duhen larë përpara përdorimit.

Tufat e blera duhen larë dhe tharë shumë mirë, që t’i keni gati kur të nevojitet.

Jo Të Gjitha Barishtet Janë Njësoj

Barishtet ndahen në dy kategori, në bazë të kërcenjve dhe gjetheve.

Cilantro dhe mentja janë barishte të buta, ndërsa rozmarina ose trumëza janë të forta.

Barishtet e buta e kanë stinën e tyre në pranverë dhe në vjeshtë, ndërsa të fortat mund të gjenden gjatë gjithë vitit.

Si T’i Ruani Barishtet e Buta Në Frigorifer

Këto barishte mund të krahasohen si një buqetë me lule.

AgroWeb.org ju udhëzon të mbushni një enë më ujë, prijini bishtat dhe futini barishtet në të.

Ndryshojeni ujin një herë në disa ditë që të ruani freskinë e tyre.

Borziloku duhet të ruhet në temperaturë ambienti sepse gjethet do të nxihen në frigorifer.

Nga ana tjetër, si borziloku ashtu edhe barishtet e tjera duhen  mbështjellë me qese plastike.

Kjo e fundit siguron lagështinë në një ambient të thatë në frigorifer dhe pengon oksigjenin të shkaktojë nxirjen e gjetheve.

Ndër barishtet e buta mund të përmendim: majdanozin, cilantron, koprën, borzilokun, menten.

Një tjetër mënyrë e ruajtjes së erëzave të freskëta është edhe shytja e tyre në vaj ulliri dhe mbajtja në frigorifer.

Për kërë metodë mund të përdorni formën e kubave të akullit që ka frigoriferi.

AgroWeb.org ju këshillon të vendosni erëzat që doni të ruani në kubat e akullit dhe hidhuni sipër vaj ulliri. në këtë mëmnyrë erëzat do të ruajnë freskinë e tyre për një kohë të gjatë.

Si Të Ruani Barishtet E Forta Në Frigorifer

Barishtet e forta duhen mbështjellë me peceta kuzhine dhe më pas në një enë qelqi me kapak.

Letra e kuzhinës ruan nivelet e lagështisë ndërsa ena e qelqit i mbron ato nga oksigjeni i tepërt.

Ndër barishtet e forta mund të përmendim: rozmarinën, trumzën, barishtet e qepëve, sherebelën dhe rigonin.

Kukurec i pjekur i shtëpisë – Shije speciale nga tradita

Dikur kukureci ishtë një specialitet që përgatitej në mënyrë të përkryer sidomos në fshatrat e jugut të Shqipërisë.

Tradita shqiptare ka plot gatime të veçanta e speciale që spikasin në shijen por edhe përgatitjen e tyre.

Një nga recetat më të veçanta e fantastike është përgatitja e kukurecit.

Ndonëse është një gatim që kërkon pak mund dhe kujdes në përgatitje shija e tij vijon të mbetet një ndër më të preferuarat e shqiptarëve dhe jo vetëm.

Dikur kukureci ishte një specialitet që përgatitej në mënyrë të përsosur sidomos në fshatrat e jugut të Shqipërisë.

Zonjat e shtëpisë e përgatisnin atë në raste të veçanta dhe e piqnin atë në hell dhe prush, një traditë e lashtë e përdorur gjerësisht edhe sot e kësaj dite nga shumë amvisa në vend.

AgroWeb.org sjell më poshtë recetën e përgatitjes së kukurecit në shtëpi si një mënyrë fantastike për ta përgatitur dhe shijuar bashkë me familjen.

Përgatitja e Kukurecit në Shtëpi

Përbërësit

(Përbërësit më poshtë janë për 4-5 persona)

1-2 palë zorrë të imëta,

1 kg të brendshme bagëtish,

Kripë,

Piper,

Rigon

Përgatitja

Zorrët e qengjit pastrohen dhe lahen mirë, duke i kthyer nga të dyja anët.

Të gjitha të brendshmet priten në copa kubike mesatare.

Më pas vendosen me radhë në hell apo në shkopinj të posaçëm kukurecësh apo shishqebapësh (i gjeni në supermarket).

Pasi keni vendosur të gjithë të brendshmet me radhë në shkopinjtë e posaçëm, AgroWeb.org ju sugjeron që t’i mbuloni me zorrët e qengjit duke i lidhur rreth e rrotull.

Tradita e do që kukurecët të piqen në hell mbi prush por ato piqet në mënyrë fantastike edhe në furrë me zjarr të ngadaltë.

Kur piqen në furrë, vendosen me rradhë në tepsi, kriposen mirë, spërkaten me pak vaj ulliri dhe u hidhet një gotë e gjysmë me ujë.

Kukurecët shërbehen të ngrohtë dhe spërkaten me lëngun e vet, sipër u hidhet piper i zi i bluar dhe rigon.

Kombinimet në tryezë

Kukureci mund të shërbet si meze në tryezë për t’u shijuar me gatime e pjata të tjera siç janë supat e ndryshme të lehta.

Ai mund të shërbehet gjithashtu me patate e perime të pjekura, sallata të freskëta të stinës, zahire të ndryshme. Shoqërohet edhe me fergesat tradicionale apo salcë kosi e freskët etj.

Musaka me presh dhe krem qumështi – Shije speciale

 

Kuzhina shqiptare është fantastike në shijet e larmishme që ofron.

Receta të ëmbla dhe të kripura, shije plota e të lehta kënaqin nepsin dhe oreksin e gjithkujt që i provon.

AgroWeb.org ju sugjeron më poshtë mënyrën e përgatitjes të musakasë me presh dhe krem qumështi, një recetë e mrekullueshme e cila përgatitet krejt lehtë në shtëpi.

Musakaja shoqërohet me sallata të freskëta të stinës, turshi të ndryshme, kos apo dhallë të freskët etj.

Një gatim fantastik që do mbledhë me siguri gjithë familjen rreth tryezës.

Përgatitja e musakasë me presh

Përbërësit

(Përbërësit më poshtë janë për 4-5 persona)

500 gr mish të grirë,

700 gr presh

Pak gjalpë të freskët

Vaj ulliri

1-2 domate,

Majdanoz,

Kripë,

Piper i zi,

Për kremin e qumështit (beshamelën) 

3 lugë gjelle miell

2 lugë gjelle gjalpë të freskët

2 deri 3 gota qumësht

2 kokrra vezë

3 lugë gjelle djathë kaçkavall i grirë

Kripë

Për beshamelën: Në tigan skuqni gjalpin me miellin derisa të jetë zverdhur. Shtoni qumështin dhe përziejeni fort dhe shpejt me një lugë druri derisa masa të jetë e njëtrajtshme.

Shtoni vezët e rrahura dhe vijoni ta përzieni. Shtoni kripën sipas dëshirës si dhe djathin kaçkavall të grirë.

Përgatitja

Si fillim, AgroWeb.org ju udhëzon që në një tenxhere të hidhni mishin e grirë me pak vaj ulliri dhe gjalpë të freskët.

Kaurdiseni për 15 minuta dhe më pas shtoni preshin e grirë hollë.

Hidhni kripë dhe piper të zi dhe kaurdiseni derisa volumi i preshit të bjerë. Shtoni një gotë me ujë dhe kaurdiseni herë pas here derisa uji të avullojë.

Më pas shtojmë domatet e grira dhe majdanozin e prerë hollë i kaurdisim të gjitha bashkë.

Më pas shtroni në sipërfaqe kremin e qumështit (beshamelën) që keni përgatitur dhe piqeni në furrë të parangrohur derisa sipërfaqja e tavës të marrë ngjyrën e kuqërremtë të pjekjes.

Musakaja përgatitet me të gjitha llojet e perimeve të tjera, si me patëllxhanë, patate apo edhe kungulleshka etj.

Tespishte me bajame – Ëmbëlsi nga kulinaria shqiptare

Një ëmbëlsirë unike, me sherbet e cila kombinohet me bajame, por edhe me fruta të tjera të kombinuara nga amvisat.

Tespishtja është një traditë e hershme e kuzhinës shqiptare, e cila përgatitet kryesisht në zonat veriore të vendit, përfshirë edhe Kosovën.

Një ëmbëlsirë unike, me sherbet e cila kombinohet me bajame, por edhe me fruta të tjera të kombinuara nga amvisat e që ngacmojnë shijen për t’i provuar menjëherë.

AgroWeb.org ju sjell më poshtë recetën tipike të përgatitjes së tespishtes në shtëpi, një mënyrë fantastike për të ëmbëlsuar veten dhe më të dashurit tuaj.

Përgatitja e Tespishtes Krejt Lehtë në Shtëpi

Përbërësit

500 gr gjalpë i freskët

100 ml qumësht

Një lugë kafeje sodë

3 vezë të freskëta

500 gr miell

100 gr sheqer

Disa thelpinj bajamesh

Për sherbetin

500 gr sheqer

500 ml ujë

Një lugë kafeje vanilje

Përgatitja

Në një tenxhere të pastër dhe të madhe shtojmë gjalpin dhe sheqerin dhe i vendosim në zjarr.

I përziejmë derisa sheqeri të karamelizohet.

Më pas, tenxheren e largojmë nga zjarri dhe e lëmë të ftohet për disa minuta.

Në tenxhere shtojmë qumështin dhe e vendosim sërish në zjarr.

Vijojmë duke shtuar miellin duke e përzier me lugë druri pa ndërprerje derisa masa të trashet dhe të shëputet nga anët e tenxheres.

Pasi masa të jetë trashur mjaftueshëm e heqim nga zjarri dhe shtojmë një e nga një vezët duke mos ndërprerë procesin e përzierjes.

Brumin e përftuar e vendosim në një tepsi ose mbi tavolinën e kuzhinës.

E spërkasim me pak miell dhe nisim ta punojmë me dorë derisa të krijohet një masë kompakte.

Brumin e spërkasim me kokërriza sheqeri nga të gjitha anët.

Tavën e spërkasim me pak gjalpë të shkrirë dhe vendosim brumin aty duke e shtrirë me dorë në të gjithë sipërfaqen e tavës.

Më pas, i japim formë përmes një thike të mprehtë sipas dëshirës në romba apo katrorë dhe sipër i vendosim disa thelpinj bajamesh.

Tava futet në furrë për pjekje për 40 minuta.

Ndërkohë përgatisim sherbetin duke hedhur në një tenxhere, sheqerin, ujin dhe  vaniljen. I lëmë të vlojnë derisa sherbeti të lidhet apo të trashet.

Kur ëmbëlsira të piqet, e lëmë të ftohet dhe më pas i hedhim sipër sherbetin e nxehtë.

Gurabije me sherbet – Të ëmblat magjike të traditës

Gurabijet me sherbet janë një ëmbëlsirë e thjeshtë por që përdoren gjërësisht në vendin tonë.

Gurabijet janë një ëmbëlsirë e thjeshtë por që përdoren gjërësisht në vendin tonë.

Ajo me siguri ka qenë ëmbëlsira më e preferuar për shumë njerëz që kanë kaluar fëmijërinë përpara viteve 90.

Ato mund të konsumohen veçmas si biskota por mund të përgatiten edhe me sherbet ku shija e tyre padyshim të magjeps me ëmbëlsinë e saj.

Në krahasim me ëmbëlsirat e tjera që kanë shumë përbërës, gurabijet të thjeshta por me një shije sublime dhe të shkrihen në gojë.

Janë fantastike dhe mund të konsumohen në çdo kohë të ditës, ose pas vakteve të drekës apo darkës.

Kjo ëmbëlsirë mahnitëse në shije dhe mund të përgatitet si një recetë e veçantë në raste e gëzime të ndryshme familjare për të ëmbëlsuar më të dashurit dhe të afërmit.

Për një shije edhe më unike, gurabijet gjatë përgatitjes mund të kombinohen edhe me arra dhe bajame.

Ato përgatiten nëpër pastiçeritë e të gjithë vendit, por si gjthnjë, diçka e gatuar në shtëpi nuk ka të krahasuar.

Receta e Përgatitjes së Gurabijeve me Sherbet 

Për përgatitjen e 40 gurabijeve nevojiten

500 gramë gjalpë të tretur

600 gramë sheqer pudër

1100 gramë miell

1  lugë çaji vanilje

Për përgatitjen e sherbetit

3 gota sheqer

4 gota ujë

Përgatitja

Hedhim sheqerin mbi sipërfaqen e punimit të brumit

Në mes të sheqerit vendosim gjalpin dhe anash miellin.

Shtojmë vaniljen dhe i përziejmë.

Në fillim përziejmë gjalpin me sheqerin pastaj shtojmë miell deri sa ta përfundojmë të gjithë.

Brumin e presim në forma sipas dëshirës siç mund të jetë gjysmë hënë ose rrumbullake.

Gurabijet vendosini në një tepsi dhe piqini në furrë në temperaturë rreth 150 C.

Pasi të jenë pjekur dhe ftohur, gurabijeve u hidhet sipër sherbet i përgatitur, i cili duhet të jetë i ngrohtë .

Për t’i bërë edhe më të shijshme dhe të veçanta gjatë përgatitjes, brumit mund t’i shtoni 100 gr kakao apo kafe të bluar./AgroWeb.org

Harapash i Labërisë – Trashëgimi e kulinarisë shqiptare

Harapashi shërbehet si meze në tryezë për të shoqëruar gatime të tjera tradicionale duke u shtuar më shije e lezet.

Është një nga specialitetet më të shijshme të kuzhinës tradicionale.

Pavarësisht se si gatim është traditë e të gjitha trevave e krahinave shqiptare, si receta e përgatitur në zonat e Labërisë vështirë se gjen shije të dytë.

Megjithëse receta ndryshon disi në përbërës sipas zonave, Harapashi i Labërsisë të mrekullon me shijen e tij dhe spikat si një ndër trashëgimitë më të vyera të kulinarisë shqiptare.

Dikur, ai ishte një ndër gatimet e përgatitura në raste festash apo kur shtëpinë e vizitonin miq dhe mysafirë.

Zakonisht, Harapashi shërbehet si meze në tryezë për të shoqëruar gatime të tjera tradicionale duke u shtuar më shije e lezet.

Ai kombinohet në mënyrë fantastike me sallata të freskëta të stinës, byrekë, mishra të ndryshëm, salcë kosi e turshi e shumë e shumë gatime të tjera të kuzhinës tradicionale shqiptare.

AgroWeb.org sugjeron më poshtë recetën tradicionale të përgatitjes së harapashit me të brendshme qengji krejt lehtë në shtëpi.

Përgatitja e Harapashit të Labërisë

Përbërësit

Një tas mesatar me mëlçi qengji

Pak tul mish qengji (nëse preferoni)

1 kokërr qepë mesatare

2-3 lugë gjalpë i freskët

5-6 filxhanë çaji lëng nga mëlçitë

2 filxhanë çaji me miell misri

Nenexhik

Përgatitja

Ky gatim përgatitet me të brendshmet e qengjit. Mëlçitë zihen në ujë me kripë përreth 20-30 minuta.

Më pas hiqen nga zjarri, lihet të ftohen dhe priten përmes një thike të mprehtë në kubikë të vegjël.

AgroWeb.org ju këshillon që lëngu ne mëlçive ta hiqni mënjanë pasi do përdoret për përgatitjen e harapashit.

Në vijim, në një tigan shtojnë qepën e grirë hollë, e kaurdisim me pak gjalpë të freskët.

Shtohen të brendshmet, nenexhikun e grirë hollë kaurdisen pak dhe më pas shtohet lëngu i të brendshmeve.

Sapo lëngu të nisë të zjejë shtohet mielli i misrit.

Masa lihet të zjejë derisa të trashet pak dhe të shkëputet lehtë nga anët e tenxheres.

Kur shërbehet, harapashi vendoset në një pjatancë, i kalohet përmes një luge sipër duke krijuar formën e dallgëve. Sipër spërkatet me disa pika gjalpë të freskët të skuqur.

Pleskavica tradicionale – Shija fantastike e Ballkanit

Pleskavica ka fituar shumë popullaritet edhe në vendet e Evropës dhe serviret në disa restorante në Gjermani, Angli dhe Zvicër.

Një vizitë në Prizren, Pejë apo Prishtinë nuk mund të imagjinohet pa shijen e mrekullueshme të pleskavicës.

Një lloj qofteje e madhe hamburgeri e pjekur në skarë që shoqërohet  me pite, djathë, salca picante, patate të skuqura, spec djegës, sallatë dhe kastraveca turshi.

Ky lloj hamburgeri i përhapur gjërësisht në mbarë Ballkanin konsiderohet një konkurent superior dhe më i shëndetshëm se çdo lloj panine tjetër e mbushur që serviret në rrjetet e famshme të vendeve perëndimore.

Pleskavica është një qofte e madhe me mish viçi e shtypur me dorë dhe e pjekur në skarë.

Atë mund ta gjeni në çdo restorant apo shtëpi të Kosovës.

E mira e këtij ushqimi është se nuk gjen dy pleskavica të njëjta.

Secila prej tyre është e ndryshme dhe e përshtatshme me dëshirën dhe preferencën e atij që e gatuan, ajo mund të jetë e mbushur me djathë kaçkavall ose pa asgjë.

Ndonjëherë, pleskavica përmban edhe kërpudha.

Ajo konsiderohet  një ushqim i shpejtë, por mund të serviret edhe në restorantet më ekskluzive.

Së fundmi, Pleskavica ka fituar shumë popullaritet edhe në vendet e Evropës dhe serviret në disa restorante në Gjermani, Angli dhe Zvicër.

Receta e Pleskavicës

Përbërësit:

500 gramë mish të grirë viçi ose lope

1 qepë e grirë hollë

2 thelpinj hudhër

1 lugë çaji me piper të kuq pluhur

Kripë dhe piper të zi

Pite rrumbullake për servirje

Vaj, nëse do ta gatuani në tigan dhe jo në skarë

Përgatitja

Merrni një enë të thellë dhe përzieni mishin e grirë, qepët, hudhrën, piperin e kuq, të zi dhe kripën.

Përzierjen duhet ta bëni me dorë në mënyrë që ajo të jetë sa më e plotë dhe e njëtrajtshme.

Enën mbulojeni me letër kuzhine dhe mbajeni në frigorifer për disa orë.

Kur të jeni gati për ta gatuar, atëherë mbushni një enë tjetër me ujë që të mbani duart e lagura sa herë që t’i jepni formë mishit.

Duart e lagura parandalojnë edhe ngjitjen e mishit nëpër duar.

Merrni mish në pëllëmbë të dorës dhe jepini formën rrumbullake e të sheshtë.

Trashësia e qoftes duhet të jetë maksimumi 0.5 cm.

Vendosini qoftet e mëdha në një tepsi, mbulojini me një letër transparente dhe vendosini në frigorifer për një orë.

Nëse do të përdorni skarën apo tiganin, pleskavicat kërkojnë një gatim të shkurtër me nga 5 minuta për secilën anë.

Temperatura nuk duhet të jetë shumë e lartë që mishi të mos digjet dhe në brendësi të jetë i pagatuar.

Pasi qoftet të jenë pjekur, hapini pitet në dysh me një thikë dhe mbushini me turshi, qepë, speca dhe qoften e gatuar.

Sipas preferencës mund të shtoni edhe djathë, e patate të skuqura./AgroWeb.org

Pure patatesh e pjekur në furrë – Receta që nuk duhet humbur

AgroWeb.org ju sugjeron që recetën klasike të puresë t’i jepni një shije krejtësisht të re dhe fantastike.

Patatet janë një përbërëës bazë dhe shumë i rëndësishëm për një larmi recetash gatimi.

Ato ofrojnë shije dhe vlera në gatim.

Mënyrat e gatimit të patates janë të larmishme, duke nisur nga të pjekura me mishin e pulës në furrë, byrekut me patate, gjellën me mish viçi e deri tek ajo më e thjeshta; pureja.

AgroWeb.org ju sugjeron që recetën klasike të puresë t’i jepni një shije krejtësisht të re dhe fantastike.

E përgatitur kështu pureja e thjeshtë do të marrë një tjetër pamje por edhe shije.

Ndiqni shkurt hapat e shpjeguar mëposhtë dhe shijojeni me të afërmit tuaj që sot.

Tavë Me Pure Patate

Në AgroWeb.org do të mësoni recetën e një tave të shijshme me pure patatesh, finok, qepë e erëza.

Për përgatitjen e kësaj tave ju nevojiten:

1 kg patate

1 qepë mesatare e grirë hollë

1 qepë e grirë në rende

2 lugë çaji kripë

Gjysëm luge çaji spec të kuq pluhur

Një majë luge çaji spec djegës

Një majë luge çaji piper të zi pluhur

1 thelb hudhër

Çerek filxhani finok të grirë

Çerek filxhan çaji miell

Çerek filxhan çaji vaj ulliri.

Përgatitja:

Hapi i parë i përgatitjes së recetës është pjekja e patates në furrë, por sipas preferencës edhe mund t’i zieni.

Lyejeni tepsinë me një lugë vaj ulliri dhe vendosini qepët e grira hollë në të gjithë sipërfaqen e saj.

Ndizeni furrën dhe nisni shtypjen e patateve deri sa të formoni një pure të njëtrajtshme.

Purenë përziejeni me miellin, qepën e kaluar në rende, kripën, specin djegës, specin pluhur, piperin e zi, hudhrën, dhe finokun.

Përziejini mirë duke përdorur një lugë druri.

Nëse dëshironi mund t’i shtoni edhe djathë të bardhë për më shumë shije.

Më pas, purenë në fjalë shtrojeni në tavë duke sheshuar sipërfaqen e saj në të gjithë tavën.

Prijeni me thikë duke i dhënë formën e preferuar dhe më pas të gjithë sipërfaqen lyejeni me vajin e mbetur të ullirit.

Futeni në furrë dhe piqeni për 50 minuta ose deri sa marrë një ngjyrë të kuqerremtë.

Hiqeni tavën nga furra dhe prisni 5-10 minuta sa të ftohet pak e më pas servireni duke e shoqëruar me sallatë jeshile ose gatime me bazë orizi.

Ekspertët thonë se në vend të bulgurit, amvisat mund të përdorin edhe quinoa, një tjetër drith i shëndetshëm.

Sallata plot hekur dhe Vitaminë C – Mbrojtësja e imunitetit gjatë virozave

Spinaqi, rukola dhe kale janë plot me hekur, e ndërsa limoni, portokalli dhe speci të pasur me vitaminë C, ndërkohë panxhari është perimi i duhur për gjakun.

Kur nënat thonë se duhet të hash patjetër sallatën, përveç ushqyerjes ato kanë në mendje edhe vitaminat dhe mineralet.

Përveç frutave, sallata është mënyra më e mirë që të merrni nga perimet e freskëta vitamina dhe minerale.

Duke i konsumuar të freskëta, vlerat e perimeve janë në nivelin e tyre më të lartë, ndaj edhe organizmi përfiton më shumë.

Sallata që ju sugjeron AgroWeb.org përmban plot nutrient të cilët mbrojnë organizmin duke forcuar imunitetin.

Spinaqi, rukola dhe kale janë plot me hekur, e ndërsa limoni, portokalli dhe speci të pasur me vitaminë C, ndërkohë panxhari është perimi i duhur për gjakun.

Duke i kombinuar bashkë ju krijoni një paketë të fuqishme e cila rigjallëron qelizat e organizmit.

Përbërësit

1 tufë me spinaq të vogël

1 tufë me rukola

1 tufë me kale

2 panxharë

2 portokalle

1 limon

2 speca të verdhë

1 spec i kuq

Vaj ulliri

Kripë

Përgatitja

Si fillim vendosni përë zierë panxharin në një tenxhere të vogël me uje dhe pak kripë.

AgroWeb.org ju sugjeron që të nisni me larjen e barishteve duke i futur në një tas me ujë dhe t’i spërkatni me sodë buke.

Zhytini disa herë që të mbulohen plotësisht në ujë e më pas ndërrojeni ujin.

Përsëriteni këtë hap dy herë dhe më pas lajini edhe me ujë të rrjedhshëm gjethet e spinaqit, kales dhe rukolës.

Ky hap është shumë i rëndësishëm pasi zakonisht në gjethet e këtyre barishteve mbeten papastërti të cilat dëmtojnë organizmin kur konsumohen të pa gatuara

Më pas AgroWeb.org ju sugjeron që t’i ndani me duar në copa më të vogla dhe t’i kaloni në një tas të madh sallate.

Tani e kanë radhën specat dhe agrumet.

Pasi t’i keni larë edhe këto me ujë me sodë buke ose kripë nisni t’i prisni me thikë.

Agrumet do t’i përdorni bashkë me lëkurë pasi aty qëndrojnë edhe vlerat më të përqendruara.

Mund t’i prisni në thela, por AgroWeb.org ju tregon se nëse i prisni në rrathë do a keni më të lehtë.

Pasi të keni shtuar edhe specat e kanë radhën panxharët.

Qërojini nga lëkura dhe në fund hidhni vaj ulliri, pak kripë për shije dhe përziejini mirë.

Lëreni sallatën të pushojë për 3-5 minuta kështu marinohet më mirë dhe më pas mjafton ta ndani me familjarët tuaj.

Makarona me presh perfektet për një darkë të shijshme

Ai ndihmon në lehtësimin e dhimbjeve të fytit, kundër gurëve në veshka dhe pastrimin e organizmit nga toksinat.

Preshi është një perime që nënvlerësohet shumë, ndonëse vlerat e tij terapeutike janë njohur gjërësisht nga Grekët, Romakët dhe Egjiptianët e lashtë.

Vlerat e preshit janë të larmishme.

Ai ndihmon në lehtësimin e dhimbjeve të fytit, kundër gurëve në veshka dhe pastrimin e organizmit nga toksinat.

Ngrënia e preshit ka treguar se ul kolesterolin e keq dhe në të njëjtën kohë rrit kolesterolin e mirë.

Preshi është një burim shumë i mirë me manganez dhe vitaminë B6, vitaminë C, folat dhe hekur.

Të gjithë këto ushqyes veprojnë në trupin e njeriut duke stabilizuar sheqerin në gjak.

Preshi është një burim shumë i mirë me vitaminë B dhe folat.

Folati është shumë i rëndësishëm për gratë shtatëzëna duke ulur rriskun për defektet e shtyllës kurrizore.

Mënyrat e gatimit të preshit janë të ndryshme.

Shqiptarët, preshin e përdorin të gatuar në supë, gjellë me mish apo në lakrorin karakteristik që njihet në botë për vulën e tij “Made in Albania”.

Në AgroWeb.org do të mësoni për mënyrën e përdorimit të preshit në një pjatë me makarona të shijshme.

Receta e Makaronave Me Presh

Për përgatitjen e kësaj recete ju nevojiten:

Gjysëm qepe e grirë hollë

2 preshë të prerë në copa të vogla

1 thelb hudhër e grirë hollë

160 gramë makarona linguine

4 lugë gjelle krem djathi

60 gramë djathë kaçkavall

Kripë, piper dhe vaj ulliri

Përgatitja

Vendosni ujin në zjarr, kriposeni dhe kur të marrë valë hidhni makaronat të ziejnë.

Ndërkohë, në një tigan të thellë kaurdisni qepën, preshin dhe hudhrën deri sa të zbuten e të bëhen transparente.

Hidhni pak lëng mishi ose perimesh dhe më pas kremin e djathit.

Hiqini makaronat nga zjarri pak minuta më herët, kullojini dhe vendosini sërish në zjarr.

Më pas shtoni salcën e preshit, përziejini mirë dhe lërini në zjarr të ngadaltë për 10 minuta.

Hiqeni tenxheren nga zjarri, shtoni djathrat dhe përziejini makaronat me lugë druri për të siguruar që të gjitha janë të lyera me salcë.

Servirini menjëherë të ngrohta./AgroWeb.org

Mënyra e saktë për ruajtjen e avokados në ngrirje

Avokado është plot me fibra, e rëndësishme për rënien në peshë, uljen e nivelit të sheqernave në gjak dhe rrezikut të shfaqjes së disa sëmundjeve.

Avokado është kryefjala e këshillave për një jetë të shëndetshme që ofrohen në platformat dhe blogjet e shëndetësisë në internet. Ka një arsye për këtë.

Avokado është jashtëzakonisht ushqyese. Ajo përmban sasi të mëdha të vitaminës K, C, B5, B6, E, folat, magnez, mangan, zink, bakër, hekur, dhe fosfor.

Avokado përmban më shumë kalium se banania dhe mban tensionin e gjakut në nivel normal.

Ajo është plot me acide yndyrore mono-të-pangopura që janë shumë të shëndetshme dhe luftojnë  inflamacionin.

Avokado është plot me fibra, e rëndësishme për rënien në peshë, uljen e nivelit të sheqernave në gjak dhe rrezikut të shfaqjes së disa sëmundjeve.

Avokado këshillohet të përdoret për uljen e triglicerideve dhe kolesterolit dhe falë antioksidantëve për përmirësimin e shikimit.

Mënyra e Saktë Për Ruajtjen e Avokados Në Ngrirje

Tregu ofron sasi të larmishme të avokados për të përballuar dëshirat dhe nevojat ushqimore.

Megjithatë, avokado është një frut i brishtë që pas prerjes duhet të konsumohet shpejt.

Ruajtja e tij në mënyrën e duhur është e nevojshme për të zgjatur kohën e konsumit dhe ruajtur cilësinë e vlerave.

Avokado mund të ruhet në ngrirje ose në frigorifer.

Në ngrirje, avokado mund të qëndrojë për 5-6 muaj.

Mënyra më e mirë për ruajtjen e avokados, është që ta bëni avokadon pure dhe ta ruani në ngrirje në një enë qelqi ose plastike.

Ena duhet nxjerrë nga ngrirja 12-24 orë përpara përdorimit dhe duhet mbajtur në frigorifer për një shkrirje të përshtatshme e të sigurt.

Nëse dëshironi ta ruani një gjysmë avokado në frigorifer, atëherë lyejeni sipërfaqen e saj me lëng limoni që të parandalojë nxirjen e tulit dhe mbështilleni me letër plastike./AgroWeb.org

Sallatë plot me vitamina – Cilët janë përbërësit?

 

Këtë sallatë me emrin Elida, (shaka) e përgatis 2-3 herë në javë.

Po të mos kisha angazhime të tjera dhe t’i kushtohesha vetëm guzhinës,

sepse kërkon mbi 30′, do ta përgatisja për çdo ditë,

sepse e pëlqejnë djemtë, Prizreni dhe Endriti,

dhe është plot me vitamina.

A mund t’i gjeni përbërësit ?

Nuk janë se fshihen !