Kryeministri i Kosovës, Albin Kurti ka vizituar mëngjesin e sotëm Leposaviqin.

Sipas një videoje të siguruar nga Pro Zë, shefi i qeverisë shihet nën shoqërinë e kryetarit të Leposaviqit, Lulzim Hetemi.

Me kryeministrin në këtë komunë shkoi edhe ministri i Shëndetësisë, Arben Vitia,  njofton Klankosova.tv.

Bypassi i Vlorës ka pësuar dëmtime si pasojë e shembjes të dherave prej reshjeve intensive të shiut, të një dite më parë. Investimi 56 mln euro nuk kishte mure pritëse në një pjesë të mirë të tij, duke bërë që të bllokohet edhe qarkullimi i automjeteve për orë të tëra. Gazetari i News24 Enrik Mehmetaj raportoi nga vendi i shembjes së bypassit ku siç duket edhe nga pamjet, masivi i dheut është spostuar në anë të rrugës.

Shembja ka ndodhur pasditen e djeshme në segmentin që lidh Vlorë – Kaninë – Orikum. Për orë të tëra rruga ka qenë e bllokuar për shkak të rënies masive të dherave nga shpatet e malit. Rruga e bypassit të Vlorës është ndërtuar nga bashkimi i operatorëve “GENER 2” shpk.

Qeveria e inaguroi në korrik 2022 By Pass-in e Vlorës, por punimet ende nuk kanë përfunduar në 100% të volumit të tyre.

Reshjet e një dite më parë kanë shkaktuar përmbytje të shumta në Vlorë. Uji ka depërtuar në katet e para të banesave dhe bizneseve, si dhe në garazhet e automjeteve, duke shkaktuar dëme të konsiderueshme.

Niveli i ujit varion nga 30 deri në 70 cm. Banorët e zonave të përmbytura shprehen se kjo situatë është më e rëndë se ajo e 2015-ës kur ndodhi përmbytja e parë.

Në pamjet e siguruara nga gazetari i News24, Enrik Mehmeti, shihen qartë dëmet e shkaktuara, ndërsa banorët shprehen se janë munduar të largojnë ujin me kova, pasi për shkak të mungesës së energjisë elektrike, nuk kanë mundur të venë në punë as pompat.

Sipas banorëve të zonës, në 2015-ën uji është larguar pas 2-3 ditësh, por ato shprehen se kjo përmbytje e ndodhur së fundmi është edhe më e madhe se ajo e 9 viteve më parë.

Bëhet fjalë për një nga zonat në qendër të Vlorës, e cila prej ditës së djeshme është pa energji elektrike.

Banorët shprehen se uji ka vërshuar në mënyrë të menjëhershme pa iu dhënë kohë që të largojnë plaçkat. bw

Gazetari Enrik Mehmeti në një lidhje live ka raportuar për situatën e vështirë me të cilën u përball Vlora që një ditë më parë ku i gjithë qyteti u mbulua nga uji si pasojë e reshjeve të dendura të shiut.

Teksa banorët janë evakuuar nga shtëpitë e tyre Bashkia e Vlorës është kujdesur që banorët të mos qëndrojnë në banesa por të sistemohen përkohësisht në konviktet e qytetit.

Edhe pse ka kaluar tashmë thuajse 1 ditë nga reshjet intensive, Vlora vijon ende të jetë në një situatë alarmante, rrugët e qytetit janë thuajse të pakalueshme dhe banorët ende nuk mund të rikthehen në banesat e tyre.

Bëhet fjalë për të paktën 60 qytetarë të cilët janë evakuuar dhe rreth 30 familje të cilat nuk kanë mundur ende të rikthehen në shtëpitë e tyre pasi uji ende nuk është tërhequr.

Pas reshjeve të dendura të shiut të djeshëm, situata në qytetin e Vlorës vazhdon të jetë tejet problematike, raporton gazetari i News24, Enrik Mehmeti.

Raportohet se shumë automjete janë bllokuar dhe dëmtuar nga uji, ndërsa shtëpi, dyqane dhe biznese të shumta kanë pësuar dëme të konsiderueshme. Banorët kanë qenë të detyruar të nxjerrin mallrat e tyre në ambientet e jashtme për t’u mbrojtur nga uji. 33 familje mësohet se kanë braktisur shtëpitë e tyre të “pushtuara” tanimë nga vërshimi i ujit.

Garazhet në qytet janë përmbytur, duke shkaktuar dëme në qindra makina. Në përpjekje për të lehtësuar situatën, po ndërmerren masa të shpejta për largimin e ujit nga shtëpitë e prekura. Dhjetëra efektivë të FA po punojnë në terren prej pasdites së djeshme.

Sakaq, 55 banorë mëson BalkanWeb kanë pësuar dëme në banesat e tyre për shkak të reshjeve dhe janë evakuuar dhe strehuar në konviktet e qytetit të Vlorës.

Pas stabilizimit të situatës, autoritetet do të shqyrtojnë mundësitë e dëmshpërblimit për ata që janë prekur nga këto ngjarje, përmes fondit të emergjencave.

Reshjet e shiut përfshinë sot pjesën më të madhe të Shqipërisë, ndërsa një situatë jashtëzakonisht e vështirë u regjistrua në qytetin e Vlorës.

Uji ka vërshuar nga të gjitha drejtimet duke hyrë në banesat e qytetarëve, si edhe në bizneset e qyteti

Qarkullimi u vështirësua në pjesë të caktuara të qytetit, ndërsa në brendësi të lagjeve të qytetit bregdetar situate ishte më e rëndë.

Për këmbësorët rrugët kanë qenë të pakalueshme, ndërsa vështirësi nuk kanë munguar edhe për automjetet.

Në përgjigje të situatës alarmante, Ministria e Mbrojtjes njoftoi mobilizimin e Forcave të Armatosura dhe Mbrojtjes Civile.

Nga ana tjetër kryebashkiaku i Vlorës, Ermal Dredha tha se janë evakuuar 30 familje dhe se janë vënë në dispozicion konviktet e shkollave mjekësore, për personat që kanë nevojë.

Po ashtu, ai ka apeluar që qytetarët të kontaktojnë numrat e emergjencës pasi situata vijon të mbetet kritike.

Ministrja e jashtme e Kosovës Donika Gërvalla ka komentuar gjatë një takimi me perfaqësues të shoqatave dhe organizatave shqiptare që veprojnë në Shtetet e Bashkuara të Amerikës, qëndrimin e kreut të qeverisë shqiptare Edi Rama dhe deklaratat e tij për Kosovën në OKB.

“Rama, tha Gërvalla, nuk e ka shpenzuar asnjë sekondë për ta informuar bashksinë ndërkombëtare si i vetmi kryeministër shqiptar që ka marrë fjalën në OKB, se cili është rreziku që Serbia paraqet edhe për Kosovën por edhe për pjesën tjetër të rajonit tonë”.

“Dhe si shqiptarë që synojmë një bashkëpunim mes veti duhet ta ngremë kritikën edhe atëherë kur ajo është e nevojshme dhe kur mendojmë se Shqipëria mund të jetë më aktive, pa inate, pa ofendime dhe pa shprehje të papërshtatshme por gjithmonë ti bëjmë ashtu siç edhe ne jemi të hapur për kritika”….sn

Në një video të publikuar në profilin zyrtar të deputetit demokrat, Ervin Salianji, janë shfaqur pamjet e këtij të fundit nga gjyqi i zhvilluar në Gjykatën e Apelit deri në dërgimin e tij në burg.

“Burg politik” është cilësuar dënimi i deputetit të PD, ndërsa bashkë me videon është vendosur edhe përshkrimi se “kjo është vetëm një medalje në karrierën politike” të Salianjit.

“Nuk ka diktaturë që nuk mposhtet. Kjo është vetëm medalje në karrierën time politike”, shkruhet në profilin e deputetit.