VOAL

VOAL

Please Wait ...
0%

Koronavirusi- Vetizolohet edhe kryeministri kanadez, Justin Trudeau

By | March 12, 2020
blank

Komentet

blank

Kina kundërshton kontaktet ushtarake mes SHBA dhe Tajvanit

RFE/RL

Kina ka përsëritur kundërshtimet e veta ndaj lidhjeve ushtarake në mes të Uashingtonit dhe Tajvanit, pasi presidentja tajvaneze, Tsai Ing-Wen, ka konfirmuar se një numër i vogël i trupave amerikane janë prezente në ishull.

Kina Komuniste, e cila e konsideron Tajvanin si territor të saj, dhe është zotuar për ta përfshirë atë nën regjimin e Pekinit – qoftë edhe përmes forcës – ka rritur presionin ushtarak në këtë ishull, duke përfshirë edhe lëvizjet e aeroplanëve ushtarakë kinezë në zonën ajrore të mbrojtur të Tajvanit.

Tsai ka thënë në një intervistë për kanalin televiziv amerikan CNN, se në Tajvan gjendet një numër i vogël i trupave amerikane, që ndihmojnë me trajnim.

Ajo ka thënë se beson që ushtria amerikane do të mbronte këtë ishull në rast të sulmit nga Kina.

Komentet e saj kanë qenë të parat që ka bërë ndonjëherë ndonjë president tajvanez prej vitit 1979, kur është larguar kontigjenti i fundit amerikan nga Tajvani.

“Ne kemi bashkëpunim me SHBA-në me qëllim të rritjes së kapaciteteve tona për mbrojtje”, ka thënë Tsai për CNN.

E pyetur se sa zyrtarë ushtarakë amerikanë gjenden në Tajvan, ajo ka thënë se “nuk janë aq shumë sa mendojnë njerëzit”.

Komentet e saj kanë nxitur reagime në Kinë.

“Ne e kundërshtojmë çfarëdo forme të këmbimeve zyrtare apo ushtarake në mes të SHBA-së dhe Tajvanit, kundërshtojmë ndërhyrjen amerikane në punët e brendshme të Kinës dhe tentimet për të provokuar tensione”, ka thënë zëdhënësi i Ministrisë së Jashtme kineze, Wang Wenbin.

“Politika ‘Një Kinë’ është themeli i marrëdhënieve politike Kinë-SHBA”, ka shtuar Wang.

blank

Ministri i Mbrojtjes i Tajvanit: Duhet të jemi të përgatitur për t’u vetëmbrojtur

VOA

Ministri i Mbrojtjes i Tajvanit Chiu Kuo-cheng tha të enjten se Taipei duhet të jetë i përgatitur për t’u vetëmbrojtur dhe nuk mund të varet plotësisht nga vendet e tjera për ndihmë nëse Kina do të niste një sulm kundër ishullit.

Tensionet mes Tajvanit dhe Kinës janë rritur në nivelin e tyre më të lartë prej dekadash. Pekini ka nisur një numër rekord avionësh luftarakë drejt hapësirës ajrore ndërkombëtare në afërsi të ishullit, duke përforcuar një fushatë trysnie ushtarake.

Sipas ministrit të Mbrojtjes e Tajvanit, deri në vitin 2025 Kina do t’i ketë zhvilluar aftësitë ushtarake në përmasa të tilla që mund ta pushtojë ishullin.

Kur kolegët e ministrisë së mbrojtjes bëjnë analiza mbi lëvizjet e shumta të Kinës u duhet të grumbullojnë të dhëna. Disa nga veprimet e saj janë të vazhdueshme, ato nuk do të ndalen papritur. Pra unë mendoj se rreth Tajvanit nuk do të shohim një qetësim të dukshëm (të situatës) së shpejti. Kjo nuk do të jetë aq e lehtë”, tha ai.

Kina pretendon se Tajvani është pjesë e territorit të saj, megjithëse ishulli është vetëqeverisur që nga koha kur u nda nga kontinenti i sunduar nga komunistët në vitin 1949, pas një lufte të gjatë civile.

Ministri i Mbrojtjes i Tajvanit i ka quajtur tensionet në rritje mes Kinës dhe Tajvanit si më “të fortat” që ka parë në 40 vjet.

blank

India teston raketën balistike që mund të godasë çdo pjesë të Kinës

New Delhi

India njoftoi se ka testuar një raketë balistike ndërkontinentale me kapacitet bërthamor prej 5.000 kilometrash, transmeton Anadolu Agency (AA).

Në njoftimin e qeverisë indiane thuhet se është testuar me sukses raketa “Agni-5”, e cila u lëshua nga një ishull në lindje të vendit.

Testimi i raketës është kryer në përputhje me “politikën minimale të shpërqendrimit”.

Vlerësohet se raketa balistike “Agni-5” mund të godasë të gjithë territorin e Kinës.

Raketa balistike ndërkontinentale (ICBM) është një raketë balistike me një rreze veprimi prej mbi 5.000 kilometrash. Raketa të tilla janë krijuar kryesisht për të mbajtur armë bërthamore, një ose më shumë bomba bërthamore.

Vija e pacaktuar kufitare midis Kinës dhe Indisë e rrethuar nga malet Himalaje po ndez mosmarrëveshje mbi çështjen e sovranitetit midis dy vendeve. Kufiri prej 3.500 kilometrash, i cili përfshin përrenj, liqene, akullnaja dhe majat me dëborë, shpesh çon në tensione midis dy palëve.

Pavarësisht negociatave prej vitesh, palët ende nuk i kanë zgjidhur mosmarrëveshjet e tyre mbi sovranitetin.

blank

Algjeria kërcënon të përjashtojë agjencinë franceze të lajmeve AFP për shkak të “gënjeshtrave”

Algjeria kërcënoi se do të revokojë akreditimin e agjencisë franceze të lajmeve AFP për të operuar në vend për shkak të asaj që vendi e ka quajtur “fushatë e neveritshme armiqësore”, transmeton Anadolu Agency (AA).

Në një deklaratë, Ministria algjeriane e Informacionit tha se AFP “vazhdon paragjykimin e saj armiqësor kundër Algjerisë dhe largohet nga bazat më të ulëta të besueshmërisë dhe objektivitetit”.

Deklarata akuzoi gjithashtu AFP-në për “gënjeshtra dhe dezinformata” që synojnë të shtrembërojnë imazhin e Algjerisë me mbulimin e saj të fundit, si dhe për shërbimin e agjendave dhe lobeve të urryera ndaj vendit të Afrikës Veriore.

Të martën, AFP publikoi një raport mbi emigracionin e fshehtë dhe të paligjshëm midis Algjerisë dhe Spanjës, duke cituar njerëz që u pretendua të kenë thënë se ata “më mirë do të vdisnin në det sesa të qëndronin në Algjeri”.

Tensionet u përshkallëzuan mes Algjerisë dhe Francës muajin e kaluar pas komenteve të presidentit francez Emmanuel Macron që u konsideruan nga shumë algjerianë si fyese.

Algjeria u përgjigj duke tërhequr ambasadorin e saj në Paris dhe duke ndaluar avionët ushtarakë francezë të përdorin hapësirën ajrore algjeriane më 3 tetor.

Në reagim të mëtejshëm ndaj tensioneve në rritje, tri ministri algjeriane njoftuan se do të ndalonin përdorimin e frëngjishtes në korrespondencat e tyre zyrtare.

Algjeria kaloi 132 vjet nën sundimin kolonial francez, duke fituar pavarësinë në vitin 1962.

blank

Britani, gjykata nis shqyrtimin e kërkesës për ekstradimin e themeluesit të Wikileaks

Një gjykatë britanike pritet të vendosë këtë javë nëse themeluesi i faqes së internetit Wikileaks, Julian Assange, mund të ekstradohet nga Britania në Shtetet e Bashkuara, nën akuzën për hakerim e vjedhje. Siç raporton korrespondenti i “Zërit të Amerikës” Henry Ridgwell nga Londra, disa zhvillimeve të reja të javëve të fundit mund të kenë ndikim në vendimin që do të marrë gjykatësi.

Mbështetësit e Julian Assange-t organizuan protesta para një gjykate në Londër, përpara seancës dyditore të apelit, e cila nisi sot (e mërkurë).

Prokurorët amerikanë apeluan një vendim të një gjykate më të ulët të muajit janar, sipas së cilës zoti Assange nuk duhet të ekstradohet për shkak të shqetësimeve se ai do të kryente vetëvrasje në një burg të sigurisë së lartë në Shtetet e Bashkuara. Por prokurorët e kundërshtojnë këtë vendim, thotë avokati Nick Vamos, ish-kreu i ekstradimeve në Shërbimin e Prokurorisë së Kurorës Britanike.

Ajo që ka bërë tashmë qeveria amerikane është të dalë me një garanci specifike se si, ku dhe në çfarë kushtesh do të mbahet ai në burg. Pra, duke bërë të mundur që gjendja e tij shëndetësore të mos ndryshojë dhe që ai të mos rrezikojë të kryejë vetëvrasje, atëherë do të supozohej se qeveria amerikane e ka kaluar provën ku u bazua vendimi i gjyqtarit të gjykatës më të ulët”, thotë Nick Vamos, partner në firmën ligjore “Peters & Peters”.

Çështja ka gjasa të ndikohet dhe nga zhvillime të tjera që kanë ndodhur që nga vendimi i muajit janar. Një ish-punonjës i brendshëm i Wikileaks-it, i kthyer tashmë në një informator të FBI-së, ka thënë se ai ka falsifikuar prova të përdorura nga prokuroria kundër Julian Assange.

Ndërkohë, muajin e kaluar faqja e lajmeve në internet “Yahoo News” publikoi një artikull ku pretendohej se CIA kishte komplotuar për të rrëmbyer dhe vrarë Julian Assange-n në vitin 2017. “Yahoo” thotë se artikulli bazohej tek intervistat me 30 ish-zyrtarë amerikanë të zbulimit e të sigurisë kombëtare.

Në gjykatë do të argumentohet se nëse CIA ishte e gatshme ta vriste atë, dhe ky është një krah i qeverisë amerikane, atëherë nuk mund të besohet se krahu tjetër, po i qeverisë amerikane, Departamenti i Drejtësisë, do të veprojë me drejtësi e do ta ndjekë atë penalisht në përputhje me standardet e të drejtave të njeriut dhe atë që konsiderohet si gjykim i drejtë”, thotë Nick Vamos, partner në firmën ligjore “Peters & Peters”

CIA dhe avokatët amerikanë që drejtojnë procesin e ankimit për ekstradim në gjykatën e apelit, nuk kanë komentuar ende mbi artikullin e “Yahoo News”. Ish-drejtori i CIA-s dhe Sekretari i Shtetit Mike Pompeo, tha gjatë një interviste për gazetaren Megyn Kelly, në podkastin e saj, se të gjitha veprimet e ndërmarra ishin “në përputhje me ligjet amerikane”.

Në vitet 2010-2011, zoti Assange mbikëqyri publikimin nga “Wikileaks” të dhjetëra mijëra kabllogrameve diplomatike e informacioneve ushtarake në lidhje me luftërat në Irak dhe Afganistan.

Zoti Assange thotë se rrjedhja e këtyre informacioneve, nxorri në pah abuzimet e kryera nga ushtria amerikane, një arsye e madhe se pse mbështetësit e tij thonë se çështja e lirisë së shtypit ndodhet në rrezik.

Ekziston një problem tejet i madh me lirinë globale të medias. Ky rast mund të krijojë një precedent të fortë për çdo gazetar, çdo botues, që do të përpiqet të bëjë publike veprimet e paligjshme të qeverisë, në mënyrë që ajo të mbahet përgjegjëse”, thotë Julia Hall, përfaqësuese e “Amnesty International”.

Zoti Assange po mbahet në një burg në Londër për shkak të rrezikut që ai paraqet siç thonë autoritetet për t’u larguar nga vendi. Ai përballet me 18 akuza federale të qeverisë amerikane që lidhen me dyshime për hakerim, vjedhje të materialeve sekrete dhe zbulim të identitetit të informatorëve amerikanë, që siç thonë prokurorët, u vuri atyre jetën në rrezik.

Marrja e vendimit në gjykatën e apelit ka të ngjarë të zgjasë disa javë. Të dyja palët mund ta çojnë çështjen në Gjykatën e Lartë britanike, çështje që do të kërkonte vite për t’u shqyrtuar. Megjithatë, gjyqtarët e Gjykatës së Lartë mund të vendosin kundër shqyrtimit të saj.

blank

Presidenti i brazilit Bolsonaro paditet për krime kundër njerëzimit

Komisioni për Hetimin e Covid-it të Parlamentit brazilian akuzon Jair Bolsonaro dhe të tjerët për krime të ndryshme duke përfshirë “krime kundër njerëzimit”

 

VOAL – Komisioni hetimor për pandeminë i Parlamentit brazilian ka miratuar konkluzionet e një hetimi që rekomandon aktakuzën e Presidentit Jair Bolsonaro për nëntë krime që lidhen me trajtimin e tij të emergjencës, duke përfshirë “krimet kundër njerëzimit”.

Pas dhjetëra seancash, komisioni miratoi me 7 vota nga 11 raportin që akuzonte qeverinë se kishte “ekspozuar qëllimisht” brazilianët ndaj “ndotjes në masë”. Po ashtu flitet për “paravaricim”, “sharlatanizëm” dhe “nxitje për të kryer krim”. Në fund të votimit, një minutë heshtje kujtoi 606,000 brazilianët që vdiqën nga Covid. Që nga fillimi i pandemisë, në vend janë regjistruar 21.7 milionë infeksione në një popullsi prej rreth 215 milionë banorësh.

Teksti, i paraqitur javën e kaluar nga raportuesi Renan Calheiros, rekomandon ngritjen e aktakuzës për rreth 80 persona, duke përfshirë disa ministra, ish-ministra, kompani dhe tre djemtë më të mëdhenj të Bolsonaro – Megjithatë, ai nuk ka efekt të menjëhershëm dhe rrezikon të mos ketë asnjë: raporti në fakt do të duhet t’i dorëzohet prokurorit kompetent të drejtuar nga Augusto Aras, i cili konsiderohet aleat i presidentit. Megjithatë, akuza për “krim kundër njerëzimit” mund të përfundojë në Gjykatën Penale Ndërkombëtare në Hagë.

Presidenti mohon çdo faj në trajtimin e pandemisë. “Ne e dimë se kemi bërë gjënë e duhur që nga fillimi,” përsëriti ai javën e kaluar.

Komisioni e akuzon atë se ka vendosur qëllimisht të mos marrë masat e nevojshme kundër koronavirusit, duke besuar në arritjen e imunitetit të tufës, një strategji “me rrezik të lartë” sipas raportit ku denoncohet edhe “vonesa e qëllimshme” në marrjen e vaksinave. Duke qenë se autoritetet kanë preferuar të promovojnë trajtime joefektive si hidroksilklorina, me “pasoja tragjike” për popullatën. Autoritetet mbahen gjithashtu përgjegjëse për dështimin për të furnizuar me oksigjen popullsinë Amazoniane, të shkatërruar nga virusi.
Covid dhe AIDS, video me deklaratën e presidentit të hequr

Facebook, Instagram dhe YouTube kanë hequr një video të një transmetimi të drejtpërdrejtë të bërë të enjten në mbrëmje nga presidenti brazilian Jair Bolsonaro, në të cilin ai deklaroi se “sipas disa raporteve, te njerëzit e vaksinuar kundër Covid AIDS zhvillohet më shpejt”. Një deklaratë e sfiduar menjëherë si e rreme dhe absurde nga autoritetet shëndetësore. “Politikat tona nuk na lejojnë të pretendojmë se vaksinat e koronavirusit vrasin ose shkaktojnë dëme serioze te njerëzit,” tha Facebook, i cili në mars 2020 kishte hequr videon në të cilën presidenti brazilian promovonte marrjen e klorokinës si një antitrajtim parandalues. Covid.

Shtetësi nderi në Anguillara Veneta

Në Itali, në Anguillara Veneta (në provincën e Padovës) shtetësi nderi iu dha presidentit të Brazilit Jair Bolsonaro. Një akt që, në dritën e asaj që ka ndodhur në luftën kundër pandemisë së koronavirusit, dhe që po ndodh ende në vendin e Amerikës së Jugut, sigurisht që nuk ka munguar të ngrejë polemika. ansa-eb

blank

Liga Arabe dhe OIC thirrje për respektimin e marrëveshjes për ndarjen e pushtetit në Sudan

Liga Arabe dhe Organizata e Bashkëpunimit Islam (OIC) u bëri thirrje të gjitha palëve në Sudan që t’i binden marrëveshjes për ndarjen e pushtetit që përshkruan tranzicionin politik në vend, transmeton Anadolu Agency (AA).

Ushtria sudaneze arrestoi kryeministrin e Sudanit, Abdullah Hamdok, si dhe ministrat në qeverinë e përkohshme.

Ministria e Informacionit bëri të ditur se Hamdok u arrestua nga një forcë ushtarake pasi ai refuzoi të mbështeste atë që e përshkroi si “grusht shteti”.

Në një postim në Twitter, Liga Arabe me qendër në Kajro shprehu shqetësim të thellë për zhvillimet në Sudan dhe u bëri thirrje të gjitha palëve që të respektojnë plotësisht Deklaratën Kushtetuese të nënshkruar në gusht të vitit 2019.

“Është e rëndësishme të respektohen të gjitha vendimet dhe marrëveshjet që janë rënë dakord në lidhje me periudhën e tranzicionit deri në mbajtjen e zgjedhjeve”, tha Sekretari i Përgjithshëm i Ligës Arabe, Ahmed Abul-Gheit.

Ai nënvizoi nevojën për “përmbajtje nga marrja e çdo mase që mund të prishë periudhën e tranzicionit ose të tronditë stabilitetin në Sudan”.

Ndërkohë, OIC u bëri thirrje të gjitha palëve sudaneze që të “angazhohen për dokumentin kushtetues në lidhje me periudhën e tranzicionit”.

“Dialogu është mënyra për të tejkaluar dallimet në mënyrë që t’i jepet përparësi interesit suprem të popullit sudanez dhe të arrihen aspiratat e tij për siguri, stabilitet, zhvillim dhe prosperitet”, shtoi në një deklaratë Sekretari i Përgjithshëm i OIC-së, Yousef Al-Othaimeen.

Ndërkohë, nuk ka pasur asnjë koment nga ushtria sudaneze.

Tensionet u përshkallëzuan midis udhëheqësisë ushtarake dhe politikanëve civilë në Sudan që nga një përpjekje e dështuar për grusht shteti muajin e kaluar.

Sudani aktualisht administrohet nga një Këshill Sovran i përbërë nga zyrtarë ushtarakë dhe civilë, i cili mbikëqyr periudhën e tranzicionit deri në zgjedhjet e planifikuara për vitin 2023, si pjesë e një pakti për ndarjen e pushtetit midis ushtrisë dhe koalicionit Forcat për Liri dhe Ndryshim (FFC).

blank

Sudan, forcat e ushtrisë arrestojnë kryeministrin Hamdok dhe liderët e partive

Khartoum

Një grup ushtarakësh në Sudan njoftohet se në orët e mëngjesit kanë arrestuar kryeministrin Abdalla Hamdok dhe liderët e partive partenere të qeverisë së koalicionit që drejton vendin, transmeton Anadolu Agency (AA).

Sipas informacioneve që gazetari i AA-së ka marrë nga dëshmitarë në ngjarje, mësohet se në disa rajone në Khartoum kanë filluar protestat pas arrestimit të liderëve të koalicionit në pushtet.

Konfirmohet se në mesin të arrestuarve ndodhet kryeministri Hamdok dhe drejtuesit e koalicionit në qeverinë e Sudanit, Forcat për Liri dhe Ndryshim.

Pas arrestimeve në kryeqytetin Khaartoum kanë filluar protestat dhe në disa rrugë protestuesit kanë bllokuar rrugët duke djegur goma.

Ndërsa Ministria sudaneze e Informacionit ka konfirmuar se disa nga anëtarët e Këshillit të Sovranitetit dhe disa ministra të qeverisë së tranzicionit janë arrestuar nga forcat e përbashkëta ushtarake.

Pas veprimeve ushtarake në vend përjetohet ndërprerje në internet dhe linjat telefonike.

blank

Otoniel, baroni famëkeq i drogës, do të ekstradohet në SHBA

VOAL – Qeveria e Bogotas po përgatit ekstradimin në Shtetet e Bashkuara të Dairo Antonio Usuga, “baronit famëkeq të drogës”, i njohur më mirë si “Otoniel”, i cili u kap të shtunën pas një operacioni të kryer në xhunglat e Kolumbisë veriperëndimore.

“Ka një urdhër ekstradimi kundër Otoniel që është gjithmonë në proces,” tha ministri i Mbrojtjes Diego Molano, në një intervistë për një gazetë. “Është rruga për të gjithë ata që kryejnë krime transnacionale”, nënvizoi ministri, duke saktësuar se gati 30% e kokainës kolumbiane të sjellë jashtë i përkiste organizatës së drejtuar nga Otoniel.

I akuzuar nga drejtësia amerikane më 2009, Otoniel është në qendër të një procedure ekstradimi të nisur nga një gjykatë në Nju Jork. Shtetet e Bashkuara dhe Kolumbia kanë ofruar shpërblime në masën më shumë se 5 milionë dollarë, për të marrë informacione të dobishme për kapjen e trafikantit famëkeq të drogës. sda-eb

blank

Koronavirusi kthehet në Kinë

VOAL – Maratona në Wuhan, e cila duhej të zhvillohej sot, u shty në momentin e fundit për shkak të rifillimit të infeksioneve nga Covid-19 në Kinë dhe në funksion të Lojërave Olimpike Dimërore të Pekinit 2022.

Kina ka raportuar 26 raste të reja të brendshme të Covid-19, një shpërthim që është bërë testi më i fundit i qasjes së tolerancës zero të vendit pak më shumë se 100 ditë pas Lojërave.

 

Organizatorët e maratonës në Wuhan thanë se maratona është shtyrë për një datë të mëvonshme “për të parandaluar rrezikun e përhapjes së epidemisë”.

Ngjarja do të sillte 26,000 pjesëmarrës në Wuhan në gara të ndryshme, duke përfshirë një maratonë të plotë e gjysmë, në qytetin ku koronavirusi u identifikua për herë të parë në fund të vitit 2019. Komiteti organizues tha se do të rimbursojë tarifat e regjistrimit për konkurrentët. sda-eb

blank

Vritet në një goditje ajrore amerikane një udhëheqës i lartë i al-Kaidës

VOA

Një udhëheqës i lartë i Al-Kaidës u vra nga një sulm me dron i ushtrisë amerikane në Siri, sipas Komandës Qendrore të Shteteve të Bashkuara.

Zëdhënësi i komandës së ushtrisë amerikane, majori John Rigsbee tha në një deklaratë se vrasja e Abdul Hamid al-Matarit “do të dëmtojë aftësitë e organizatës terroriste për të organizuar dhe kryer sulme globale që kërcënojnë qytetarët amerikanë, partnerët tanë dhe civilët e pafajshëm.”

Sulmi ndodhi dy ditë pasi u sulmua një bazë amerikane në Sirinë jugore. Ai nuk shkaktoi viktima mes forcave amerikane. Major Rigsbee nuk tha nëse godtja e së premtes ishte si kundërpërgjigje ndaj atij sulmi.

Një sulm ajror amerikan në shtator shkaktoi vrasjen e një udhëheqësi tjetër të lartë të al-Kaidës pranë Idlibit në Sirinë veriperëndimore.

Disa informacione në këtë artikull janë marrë nga agjencitë për këtë raport erdhën nga AFP, Associated Press dhe Reuters.

blank

Kina: Nuk ka vend për kompromis apo lëshime për çështjen e Tajvanit

Kina tha sot se “nuk ka vend” për kompromis apo lëshime rreth çështjes së Tajvanit, pas komentit të presidentit amerikan Joe Biden se SHBA-ja është e përkushtuar për të mbrojtur ishullin nëse sulmohet, transmeton Anadolu Agency (AA).

Zëdhënësi i Ministrisë së Jashtme kineze, Wang Wenbin ripohoi pretendimin e kahershëm të Kinës se ishulli është territori i saj në një konferencë ditore pasi Biden bëri komentin e tij një ditë më parë në një forum të organizuar nga CNN.

Kina kohët e fundit ka rritur kërcënimin e saj për të marrë Tajvanin nën kontrollin e saj me forcë nëse është e nevojshme, duke çuar avionë luftarakë pranë ishullit dhe duke bërë manovra të uljeve në plazh.

“Kur bëhet fjalë për çështjet që lidhen me sovranitetin dhe integritetin territorial të Kinës dhe interesat e tjera thelbësore, nuk ka vend që Kina të bëjë kompromis ose lëshime dhe askush nuk duhet të nënvlerësojë vendosmërinë e fortë, vullnetin e fortë dhe aftësinë e fortë të popullit kinez për të mbrojtur sovranitetin kombëtar dhe integriteti territorial”, tha Wang.

“Tajvani është një pjesë e patjetërsueshme e territorit të Kinës. Çështja e Tajvanit është thjesht një çështje e brendshme e Kinës që nuk lejon asnjë ndërhyrje të huaj”, tha Wang.

Komentet e Bidenit të enjten u konsideruan si thellim të “paqartësisë strategjike” që Washingtoni ka mbajtur në lidhje me mënyrën se si do t’i përgjigjej një sulmi ndaj republikës ishullore vetëqeverisëse.

“SHBA-ja duhet të jetë e kujdesshme me fjalët dhe veprimet e saj për çështjen e Tajvanit dhe të mos dërgojë asnjë sinjal të gabuar për forcat separatiste të pavarësisë së Tajvanit, në mënyrë që të mos dëmtojë seriozisht marrëdhëniet Kinë-SHBA si dhe paqen dhe stabilitetin në ngushticën e Tajvanit”, tha Wang.

“Unë thjesht dua t’i bëj Kinës të kuptojë se nuk do të tërhiqemi, nuk do të ndryshojmë asnjë nga pikëpamjet tona”, tha Biden i pyetur nëse SHBA-ja do të dalin në mbrojtje të Tajvanit nëse do të sulmohej, ai u përgjigj: “Sigurisht që do ta mbrojmë. Për këtë ne kemi premtuar”.

Në Taipei, zëdhënësi i presidentes mbështetëse të pavarësisë, Tsai Ing-wen tha se SHBA-ja ka treguar mbështetjen e saj për Tajvanin përmes veprimeve konkrete dhe se 23 milionë qytetarët e ishullit nuk do t’i dorëzoheshin presionit ose nuk do të vepronin me nxitim.


blank
blank
blank
blank
blank
blank
blank
blank
blank
blank
blank
blank
Send this to a friend