VOAL

VOAL

Kontrata e lobimit në SHBA, Prokuroria merr të pandehur Lulzim Bashën

June 13, 2019

Komentet

Këlliçi: Vjedhja që kemi parë në këto 9 vite në Bashkinë e Tiranës, e paprecedentë dhe për vendet e Afrikës

Anëtari i Kryesisë së PD-së, Belind Këlliçi, pjesëmarrës në protestën e sotme u shpreh se vjedhja që është parë në këto 9 vite në Bashkinë e Tiranës është e paprecedentë dhe për vendet e Afrikës dhe për vendet e treta.

Erion Veliaj do mbahet mend si simbol i vjedhjes i hajdutërisë, jo vetëm të parave të qytetarëve të Tiranës, por edhe të votave të qytetarëve të Tiranës.

Para meje folën shumë  qytetarë, të cilët theksin e vunë te intelektualët, qytetarët e ndershëm të këtij vendi, të cilët po largohen masivisht për shkak të bëmave  të Edi Ramës dhe Erion Veliajt.

Unë në emrin tuaj, do doja të mbanim sot një minutë heshtje për një ikonë të këtij qyteti, nipi i Qazim Mulletit, të cilin diktatura e sulmoi aq fort, intelektual  anti-komunist i përndjekur politik, një njeri me vlera, i cili ka qenë dhe mbetet krenaria e këtij qyteti.

Janë këta qytetarë fisnikë, ikona të këtij qyteti, që pas viteve 90, punuan me mish e me shpirt, për një Tiranë, për një Shqipëri që do ishte si Europa dhe që do bënte të mundur ëndrrën që nisën studentët e dhjetorit… për ta çuar bashkë Shqipërinë në Europë, dhe që sot për fatin tonë të keq Erion Veliaj po na e çon më larg se Afrika.

Vjedhja që kemi parë në këto 9 vite në Bashkinë e Tiranës është e paprecedentë dhe për vendet e Afrikës dhe për vendet e treta. sn

Teliti: Protesta nuk do ndalojë! Ne do ia dalim me mjetet tona të mosbindjes

Kreu i këshilltarëve opozitarë, Dorjan Teliti, tha sot në protestën e radhës përpara Bashkisë së Tiranës, se protesta nuk do ndalet kurrë.

“Protesta nuk do të ndalojë kurrë.

Nuk ndalon protesta se ju hiqni dritat.

Nuk ndalon protesta se ju mundoheni të shtypni me këmbë të drejtat e protestuesve.

Nuk ndalon protesta se ju përfaqësoni sot diktaturën e vitit 2024.

Ne do protestojmë dhe do ia dalim me protestën tonë. Një ditë do ia dalim me mjetet demokratike të mosbindjes civile.

Të gjithë të qëndrojmë të fortë, të qëndrojmë të bashkuar. Forcën e protestës demokratike nuk ka as polici, as ushtri që ta ndalojë.

Përkundrazi do jetë policia dhe ushtria që do bëhet me protestuesit dhe qytetarët se ne jemi me të drejtën dhe të vërtetën,” tha Teliti.

Urbanisti: Rama e Veliaj shkatërruan qytetin duke pastruar paratë e krimit

Para Bashkisë së Tiranës është duke u zhvilluar protesta e tetë e thirrur nga Aleanca Kombëtare e Mbrotjes së Teatrit dhe Partia Demokratike, ku kërkohet dorëheqja e kryebashkiakut Erion Veliaj, pas publikimit të skandaleve financiare dhe korruptive me kompaninë 5D të drejtorëve të bashkisë dhe inceneratorit fantazëm.

Urbanisti Gent Kaprata ka akuzuar ish-kryetarin e Bashkisë Tiranë, Edi Ramën dhe kryebashkiakun aktual Erion Veliaj se në vite që kanë shkatërruar dimensionin urban të qytetit, duke ndërtuan një industri ndërtimi që ishte atëherë mbetet edhe sot vendi ku pastrohen paratë e krimit.

Kaprata: Profesioni im si urbanist më ka bërë mua që ta dinim shumë vite më parë që një ditë si kjo e sotmja do të vinte. Për një urbanist është shumë e thjeshtë për të kuptuar se çfarë profili politik do të ketë kryetari i radhës i bashkisë thjesht duke parë se si ai trajton qytetin dhe qytetarët.

Kjo është arsyeja pse e dija se sot do ishim në këtë situatë dhe në këtë gjendje.

Për mua dhe kolegët e mi nuk ishte e vështirë për të kuptuar produktin e mënyrës se si ish-kryetari i bashkisë, Edi Rama trajtoi Tiranën urbane, ishte shumë e thjeshtë pasi mbi 1 mijë lejet e ndërtimit jo vetëm shkatërruan dimensionin urban të qytetit, por ndërtuan një industri ndërtimi që ishte atëherë, mbetet edhe sot vendi ku pastrohen paratë e krimit.

Qeverisja lokale e zotit Veliaj, një shfaqje sa sureale aq edhe e paravendosur si një miksim i një fotografije e shoqërisë ouerlliane, një profeci vetëpërmbushëse.

Përballë kemi Policinë e Shtetit, me aq shumë armë saqë nuk dihet a është polici apo ushtri përballë popullit që duhet ta mbrojë.

‘Po vidhemi’/ Dogjani me tone të ashpra: O prindër, ku i keni fëmijët sot?

Opozita ka thirrur sërish një protestë gjatë ditës së sotme përpara Bashkisë së Tiranës, në vijim të thirrjeve të Aleancës për Mbrojtjen e Teatrit për protesta.

Deputeti Asllan Dogjani ka mbajtur fjalën e tij në këtë reagim qytetar.

Asllan Dogjani: Dua t’ju falënderoj juve që dilni këtu për të protestuar. Dua të falënderoj edhe të gjithë ata qytetarë të Tiranës, që për shkak të frikës të kësaj diktature që po instalohet nuk kanë mundësi për të ardhur sepse kërcënohen nga shteti dhe pushteti.

Këta janë hajdutë që e shikoni që me hajdutërinë e tyre kanë bërë që qytetarët e Tiranës të largohen, por jo vetëm, të largohen edhe gjithë shqiptarët.

A e shikoni se çfarë moshe jemi ne këtu, shikoni moshën mesatare. Ku janë djemtë tanë? Ku është rinia, ku janë vajzat dhe djemtë tuaj? Janë larguar për shkak të pamundësisë për të siguruar jetesën në vendin e vet. Prandaj ne jemi këtu, për të protestuar kundër këtyre hajdutëve.

A e dini se sa vuan një qytetar i Tiranës? A e dini se prona vidhet? A e dini se qytetarët e Tiranës kur dalin në mëngjes janë nën kërcënimin e kësaj diktature? Ne në Tiranë jemi në pamundësi për të marrë shërbimet e përditshme, prona vidhet, qytetarët nuk kanë mundësi që të marrin shërbimin shëndetësor. Qytetarët nuk kanë mundësi të marrin arsimin. Nuk ka mbetur një copë tokë pa u vjedhur, pa u bërë ndërtim …

Veliaj shkëput energjinë elektrike, protestuesit përgjigjen me flakadanë

Kryebashkiaku Erion Veliaj ka vendosur të ndërpresë energjinë përpara Bashkisë së Tiranës për të sabotuar tubimin.

Kjo ka bërë që të mos punojnë mikrofonët, duke u ndërprerë fjalimet.

Si reagim, qytetarët kanë hedhur flakadanë drejt godinës.

Kjo ka sjellë momente tensioni.

Protesta nis menjëherë me tym dhe flakë/ Tensione te Bashkia e Tiranës

Protesta e qytetarëve përpara Bashkisë së Tiranës ka nisur menjëherë me tensione.

Në drejtim të godinës janë hedhur tymuese dhe flakadanë.

Ndërkohë në tribunë po flasin disa prej përfaqësuesve të protestuesve.

Kujtojmë se prej javësh, qytetarët dhe opozita kërkojnë dorëheqjen e Erion Veliajt.

Protestuesit shpërndajnë ujë për policët para Bashkisë së Tiranës

Protestuesit kanë shpërndarë ujë për policët e vendosur përpara Bashkisë së Tiranës.

Temperaturat në kryeqytet janë shumë të larta.

Ndërkohë policët që paguhen shumë keq, janë të detyruar të mbrojnë një bandë të akuzuar për vjedhje monstruoze.

Opozita dhe qytetarët u kanë bërë thirrje policëve disa herë që të bashkohen me protestën.

Malkaj: Policët mbrojnë ato lesbiket, mbushni xhepat me gurë e protestoni

Opozita ka thirrur sërish një protestë gjatë ditës së sotme përpara Bashkisë së Tiranës, kjo në vijim të thirrjeve të Aleancës për Mbrojtjen e Teatrit për protesta.

Aktori Mehdi Malkaj, prezent ne çdo protestë, ka mbajtur fjalën e tij në këtë reagim qyteter.

Mehdi Malkaj: Zonja dhe zotërinj, tani e kuptova përse kanë ardhur të gjithë këtë policë. Këta janë ne mbrojtjë të çiftit të lesbikeve.

Unë do diskutoj një gjë. Thuhet për në shqiptarët që ne jemi trima. Trima të mëdhenj thuhet. Atëherë unë them jo, ne nuk jemi trima sepse u ka vajtur mendja ndonjëherë se kufijtë shtetërore i kemi me veten tonë. Ne kufizohemi vetëm më shqiptarë. Po pse? Se na kanë marrë tokë. Dhe jemi bërë të vockël fare. Ku është trimëria këtu? 

Se po të ishte trimëri, ky që quhet kryeministër nuk do të ishte në pushtet tani. Më thoni sa shqiptarë u çuan për atë turpin e madh që u bë këtu në këtë bashki, martesa e një çifti lesbikeje. Dhe turpi i madh njëra kishte një fëmijë në dorë. Një skandal. Ku janë? Kush u çua në protestë që të thotë more çfarë bëni, nuk jemi ne shqiptarët.

Ne e pranojmë të keqen me shumë dashuri ne jemi një popull i shtrirë barkas që kalon kryeministri me gjithë qeverinë e tij të qelbur edhe na shkel me këmbë, edhe nuk ndihemi. Jo, ka ardhur koha miq të dashur kudo që jeni të mbushim xhepat me gurë kur te vijmë këtu. Nuk mban mq! Jemi bërë qesharakë, nuk protestojmë. Njeriu grindet edhe me veten ndonjëherë por pse nuk grindet me këta që të shpërfytyrojnë….

Protestuesi: Sot përkujtojmë revoltën e Spaçit, të frymëzohemi nga ai model

 

Një nga protestuesit e pranishëm përpara Bashkisë së Tiranës mori fjalën që në fillim për të kujtuar një datë të rëndësishme.

Ai tha se sot është dita kur përkujtohet revolta e Spaçit.

Protestuesi tha se ata duhet të frymëzohen nga ai model.

Kujtojmë se opozita kërkon dorëheqjen e Erion Veliajt për javë të tëra.

Xhaferri: Erion Veliaj prej 8 vitesh e ka shkatërruar familjen shqiptare…

Kreu i Forumit Rinor të Partisë Demokratike, Besart Xhaferi, pjesëmarrës në protestën e sotme para Bashkisë së Tiranës, teksa rikujtoi martesën mes dy vajzave të ndodhur dy ditë më parë në tarracën e bashkisë, u shpreh se Erion Veliaj, tashmë prej 8 vitesh e ka shkatërruar familjen shqiptare.

Tirana sot ndahet në 3 kategori qytetarësh.

Janë qytetarët e lirë, që jeni pikërisht ju këtu sot, janë ata që flenë gjumë dhe është kategoria e tretë e qytetarëve, që janë drejtorët e bashkisë që janë nëpër burgje.

Ndërsa shpresojmë që këtë kategori të tretë, ta rrisim, sepse kolegët e Erion Veliajt, mësynë në Bashkinë e Tiranës dhe ujësjellësit.

Ata kolegët e nderuar të Erion Veliajt inkurojojnë të bëjnë punë dhe të tregojnë se vërtet janë zgjedhur aty me taksat tona , dhe duhet një orë më parë të procedojnë penalisht Erion Veliaj.

Të gjithë u revoltuam këtë fundjavë sepse u martua një çift vajzash dhe u pa sikur po vjen fundi i familjes shqiptare, por unë mendoj se Erion Veliaj ka 8 vjet që e shkatërron familjen shqiptare.

E shkatërron sepse e ka lënë pa çerdhe dhe pa shkolla, e shkatërron sepse e ka lënë pa asnjë hapësirë të gjelbërt publike ku familja mund të shkojë, e shkatërron sepse ka larguar gjithë të rinjtë … sepse nuk blejnë dot më një apartament në këtë qytet dhe ky është shkatërrimi i familjes shqiptare.

Kjo është nisja dhe përfundimi i shkatërrimit të familjes.

Boshatisja e këtij qyteti nga ata që duhet të ishin këtu për ta lulëzuar këtë qytet! sn

Në ora 11.00 – ‘Vjedhjet’ me ‘5D’, opozita vijon protestë sot te bashkia e Tiranës

Opozita ka thirrur sërish një protestë gjatë ditës së sotme përpara bashkisë së Tiranës, kjo, në vijim të thirrjeve të Aleancës për Mbrojtjen e Teatrit për protesta.

Skandalet e mëdha që çuan në arrestimin e një numri të madh drejtorësh të Bashkisë së Tiranë kanë sjellë edhe reagimin e banorëve të kryeqytetit, por jo vetëm.

Ndërkohë që çdo ditë opozitë dhe media denoncojnë skandale të tjera të vjedhjeve të pandalura nga drejtorët e bashkisë Tiranë të parave publike. sn

25 vjet nga masakra e Stagovës së Kaçanikut

Më 21 maj bëhen 25 vite nga masakrimi i 13 qytetarëve të pafajshëm në fshatin Stagovë të Kaçanikut.

Atë ditë me 21 maj u vranë mizorisht 13 qytetarë të Kosovës nga forcat terroriste të regjimit të Millosheviqit duke mos e kursyer as fëmijën 7 vjeçar Fitim Gudaqi. Po ashtu në këtë ditë ranë martirët: Hanife Jaha, Selvije Krivanjeva, Baki Bela, Hanife Gudaqi, Ramush Jaha, Ibush Rrushi, Ramadan Dashi, Fahri Mani, Bahrije Elezi, Sevdije Guri, Hamdi Dashi, Brahim Dashi. Në këtë ditë në mbrojtje të civilëve ra dëshmori Ekrem Gudaqi.

Masakra e Stagovës është në mesin e masakrave më të tmerrshme që ndodhura në Kosovë dhe që për të ish-liderët e regjimit kriminal të Serbisë në krye me kriminelin Sllobodan Millosheviq u akuzuan nga Gjykata për Krime lufte në Ish-Jugosllavi për krime lufte me seli në Hagë, por që askush nuk u dënua për këto krime makabër!.

21 maji 1999 pos që solli dhimbje të pashërueshme për banorët e këtushëm, kjo datë do të mbahet në mend edhe për shkatërrimet, djegiet dhe vrasjen e bagëtive.

Nga 180 shtëpi sa kishte ky fshat më 20 maj, të nesërmen paramilitarët serbë dogjën dhe shkatërruan mbi 50 për qind të tyre, apo përkthyer në numra mbi 90 shtëpi. Pra këto fakte flasin qartësisht për qëllimet e regjimit serbë të Millosheviçit, që ishte jo vetëm zhdukja fizike, por edhe ajo materiale e qenies shqiptare, që përkufizohet si qëllim gjenocidal ndaj një kombi në këtë rast shqiptarëve të Kosovës.

Me rastin e 25 vjetorit të rënies së dëshmorëve dhe martirëve të rënë më 21 maj të vitit 1999, nën përkujdesjen e kryetarit të Komunës së Kaçanikut Besim Ilazi në bashkëpunim me OVL-në e UÇK-së në Stagovë mbahet manifestim përkujtimor.

Manifestimi mbahet me fillim nga 13:30. Pas përmbylljes së manifestimit do të bëhen homazhe në Kompleksin Memorial te Varrezat e Dëshmorëve në Kaçanik.bw

Pentagoni zotohet të vazhdojë transferimin e armëve në Ukrainë

VOA/Marrë nga Associated Press

Sekretari i Mbrojtjes Lloyd Austin u zotua të hënën për të vazhduar transferimin e armëve amerikane në Ukrainë, ndërsa Kievi përballet me një nga momentet e tij më të vështira të mbrojtjes nga sulmet e reja të Rusia.

Sekretari Austin dhe rreth 50 shefa të mbrojtjes nga Evropa dhe e gjithë bota zhvilluan një takim virtual të hënën për të koordinuar më shumë ndihma ushtarake për Ukrainën ndërsa ajo përpiqet të zmbraps një ofensivë ruse në verilindje. Ukraina gjithashtu ka filluar një sulm të madh në Gadishullin e Krimesë, të pushtuar nga Rusia.

“Ne po takohemi në një moment sfide”, tha zoti Austin, duke vënë në dukje se sulmi i ri i Rusisë në Kharkiv, qyteti i dytë më i madh i Ukrainës, tregoi se sa jetik është angazhimi i aleatëve për të ndihmuar Kievin. Sekretari Austin u zotua të vazhdojë transferimin e armëve amerikane në Ukrainë “javë pas jave”.

Sekretari Austin u tha gazetarëve se në takim u bisedua mbi nevojën kritike të Ukrainës për sistemet e mbrojtjes ajrore, të cilat ai tha se po ndihmojnë Kievin të neutralizojë sulmet e ushtrisë ruse.

“Ne do të vazhdojmë përpjekjet për t’u siguruar që Ukraina të kontrollojë hapësirën e saj ajrore dhe të mund të mbrojë qytetarët e saj dhe infrastrukturën e saj civile”, tha ai pas përfundimit të takimit.

Gjenerali CQ Brown

Gjenerali CQ Brown

Duke folur së bashku me Sekretarin Austin, shefi i shtatmadhorisë amerikane, gjenerali CQ Brown tha se ndërsa nuk ka plane për një kthim të shpejtë në Ukrainë të ekipeve amerikane për të trajnuar ushtrinë ukrainase, Shtetet e Bashkuara mund ta bëjnë këtë pas luftës.

“Sapo ky konflikt të përfundojë dhe sapo të jemi në një situatë më të mirë, atëherë mendoj se ne do të dërgojmë sërish atje ekipet tona të trajnimit ushtarak”, tha ai.

Shtetet e Bashkuara nuk njoftuan për ndihmë të re ushtarake të hënën, edhe pse forcat ukrainase vazhdojnë të ankohen se transferimi i armëve po bëhet me një ritëm të ngadaltë. Zyrtarët e Pentagonit kanë thënë se armët, tashmë të pozicionuara në Evropë filluan të lëviznin në drejtim të Ukrainës menjëherë pas miratimit nga Kongresi të ndihmës amerikane prej 61 miliardë dollarësh për Kievin në fund të prillit.

Nuk është ende e qartë sasia e armëve të reja që tashmë kanë mbërritur në vijat e frontit, ku trupat ruse kanë intensifikuar sulmet ndaj pozicioneve ukrainase.

Presidenti rus Vladimir Putin tha të premten gjatë një vizite në Kinë se ofensiva e Moskës në rajonin verilindor të Kharkivit synon të krijojë një zonë sigurie dhe se nuk ka plane për pushtimin e qytetit.

Trupat ukrainase janë angazhuar në luftimet për të ndalur përparimin e forcave ruse në rajonin e Kharkivit, duke rritur gjithashtu sulmet e tyre ofensive në Krime, përfshirë infrastrukturën ushtarake në brigjet e Detit të Zi dhe në qytetin e Sevastopolit, të pushtuar nga Rusia.

Ukraina është ndeshur me vështirësi në përpjekjet për të dërguar trupa të mjaftueshme në vijat e frontit, ndërsa lufta tashmë ka hyrë në vitin e saj të tretë. Në një përpjekje për të rritur numrin e trupave, presidenti ukrainas Volodymyr Zelenskyy nënshkroi dy ligje, të cilat do t’i hapin rrugën rekrutimit të të burgosurve në ushtri dhe pesëfishimit të gjobat ndaj atyre që shmangin mobilizimin ushtarak. Ligji i debatueshëm i mobilizimit ushtarak hyn në fuqi të shtunën.

Dosja e SPAK, Eugen Beçi: Zbulohen lidhjet e politikës me krimin, porositen vrasjet sikur po porosit pilaf

Eugen Beçi, ish-kreu i Prokurorisë së Krimeve të Rënda, nga studio e emisionit “Open” tha se SPAK e ka lejuar vetë publikimin e dosjes mbi operacionin e fundit, duke reklamuar në këtë mënyrë punën dhe veprimtarinë e saj.

Beçi theksoi se procedurialisht kanë ardhur dy CD nga Franca, që janë transkriptuar, këto materiale të reja, i janë bashkangjitur dosjesh së vjetër dhe më pas janë nxjerrë masat e sigurisë.

“I gjithë ky proces duhej të bëhej në sekret të plotë. Çfarë ndodhi? Sot janë larguar të gjithë, pasi ka kaq kohë që flitet për SKY dhe Encrochat dhe kjo na solli këtë rezultat të sotëm.

Në rast se procedimet do të hetoheshin të ndara, pra pa i bashkuar 4 akuza në një dosje, do të kishim një hetim më të shpejtë.

 

Dosjen e inceneratorëve SPAK e ndau, ndërsa në rastin e fundit i bashkuan dosjet”, tha Beçi.

Ai u shpreh se duhet të ketë një hetim të plotë, por shtoi se duke bashkuar dosjet na rezulton se është bashkuar në një vend edhe autori edhe viktima.

“Kemi në dosje ku një person na del viktimë e skenarëve për vrasje dhe pastaj na del si organizator për të kryer vrasje.

Jo vetëm nuk ka surpriza në emrat që dosjen e fundit, por 99% e tyre janë gjykuar dhe dënuar nga Gjykata e Krimeve të Rënda, dhe më pas janë liruar nga burgu, përmes procedurave.

Sot që politikës nuk i duhen më këta emra, dhe na erdhën transkriptet, kemi aksionin për kapjen e tyre”, tha Beçi.

Ai theksoi se është një dosje ulëritëse për lidhjet e politikës me krimin.

“Kemi persona që porosisin vrasje, sikur po porosisin pilaf, janë pjesë e politikës”, tha Beçi.

Kurti-zv.ndihmës Sekretares së DASH-it: Serbia po bën spastrimin etnik administrativ ndaj shqiptarëve në Luginë

Kryeministri Albin Kurti, ka pritur në takim Zëvendës ndihmës Sekretaren e Departamentit të Shtetit amerikan nga Byroja për Demokraci, të Drejta të Njeriut dhe Punë, Nicole Chulick.

Zyra Kryeministrit njofton se Kurti e falënderoi zëvendës ndihmës Sekretaren Chulick për përkrahjen prej dekadash të ShBA-ve, sidomos nga Byroja për Demokraci, të Drejta të Njeriut dhe Punë.

Ai theksoi përkushtimin e lartë të Republikës së Kosovës për mbrojtjen dhe promovimin e të drejtave të komuniteteve dhe përkushtimin e qeverisë ndaj sundimit të ligjit. Në këtë kontekst, zëvendëskryeministrja Rexhepi nënvizoi se Kosova është shtet multietnik dhe qeveria po angazhohet që të fuqizojë komunitetet joshumicë.

Gjatë bisedës, Kurti e njoftoi me politikat dhe masat mbështetëse të qeverisë për komunitetet joshumicë dhe grupet e margjinalizuara, ndër to mbështetja financiare për qendrat e mësimit dhe bursat për nxënës e studentë nga radhët e po këtyre komuniteteve, procesi i verifikimit të diplomave të Universitetit të Mitrovicës së Veriut me qëllim lehtësimin e qasjes në mundësi të punësimit, fondi i veçantë për grante për OJQ, fermerë e ndërmarrës të ri nga komunitete joshumicë, dhe masat e punësimit për 2000 banorë të katër komunave me shumicë serbe në veri të vendit.

Kryeministri ka shpjeguar se masat e punësimit të Qeverisë, duke përfshirë ato për gratë dhe të rinjtë, kanë kontribuar në një rritje të punësimit prej 20% në tre vjet qeverisje.

Po ashtu, Kurti tha se demokracia dhe zhvillimi shkojnë krah për krah dhe në këtë drejtim theksoi rezultatet e qeverisë gjatë tre vjetëve të fundit në fushën e sundimit të ligjit, siç është konfirmuar nga Indeksi i Sundimit të Ligjit të organizatës ndërkombëtare “World Justice Project”, i cili në 2022 e ka renditur Kosovën në vendin e dytë në të gjithë botën për përmirësim në sundimin e ligjit, pastaj në luftimin e korrupsionit, siç dëshmohet nga përmirësimi për 21 vende në Indeksin e Perceptimit të Korrupsionit të Transparency International, në progresin demokratik siç evidentohet nga Instituti V-Dem që na rëndit të parët në Ballkanin Perëndimor në indeksin e demokracisë elektorale, si dhe përparimin në të drejtat civile dhe liritë politike, sipas Raportit të Freedom House të vitit 2023 që gjithashtu na renditë të parët në Ballkanin Perëndimor.

Më tej, ai nënvizoi se qeveria udhëhiqet nga parimi se ligji është mbi politikën dhe se e konsideron këtë parim një udhërrëfyes absolut për Qeverinë e Republikës së Kosovës.

Në këtë takim, ai gjithashtu i shprehu zëvendës ndihmës Sekretares brengën e tij në lidhje me spastrimin etnik administrativ të shqiptarëve që po ndodh në Luginën e Preshevës, Medvegjës dhe Bujanocit nga autoritetet e Serbisë.

Kryeministri e falënderoi zëvendës ndihmës Sekretaren Chulick për vizitën, takimin dhe mbështetjen e vazhdueshme të Shteteve të Bashkuara të Amerikës ndaj Republikës së Kosovës.bw

VOA: Pensionet në Shqipëri, përballë sfidave të plakjes së popullsisë dhe informalitetit në ekonomi

Në Shqipëri qëndrueshmëria e sistemit të pensioneve është një ndër sfidat kryesore të qeverisë. Në 30 vitet e fundit ajo ka marrë goditje nga një sërë faktorësh që lidhen me informalitetin në ekonomi, plakjen e popullsisë apo emigracionin e lartë. Skema e pensioneve vijon të mbetet e rrezikuar nga presione të vazhdueshme dhe afatgjata ndaj dhe autoritetet zyrtare po bashkëpunojnë së fundi me Bankën Botërore, për t’u përballur me këtë realitet. Korrespondentja e Zërit të Amerikës në Tiranë Mimoza Picari, bisedoi me zyrtarë, ekspertë, qytetarë në pension dhe përfaqësues të Bankës Botërore.
Ndryshimet që pësoi skema e pensioneve një dekadë më parë, si rritja e moshës së pensionit, apo vendosja e barazisë, pra të një raporti të drejtë midis kontributeve dhe masës së pensionit, të shoqëruara edhe me masa të tjera sollën një qëndrueshmëri financiare. Sot defiçiti i skemës, është 0.85% e PBB nga 2 që ishte dhjetë vjet më parë. Kjo do të thotë se fondet e buxhetit të shtetit që përdoren për të plotësuar ato të pensioneve kanë ardhur në rënie. Por megjithatë, zyrtarët mendojnë se skema po merr goditje të vazhdueshme kryesisht nga zhvillimet demografike, si emigracioni rënia e lindjeve apo rritja e jetëgjatësisë, të cilat për pasojë sjellin plakjen e popullsisë. BB parashikon që në vitin 2035 popullsia në moshë pensioni të rritet në 24% nga 19 që ishte në vitin 2019. Sot gëzojnë pension 705 mijë qytetarë dhe raporti kontribues përfitues është 1.17 me 1, një raport i brishtë për një skemë pensioni të qëndrueshme. Nga ana tjetër qytetarë në pension pohojnë për Zërin e Amerikës se masa e pensioneve nuk mjafton për të përballuar jetesën.

Ata thonë se kostot janë të larta dhe se përballen me mjaft vështirësi.

Ndaj një prej sfidave kryesore për autoritetet mbetet masa e pensionit, me qëllim përballimin e jetesës. Qeveria i ka indeksuar pensionet në

vijimësi, por sërish ato mbeten të ulëta, në raport me kostot. Drejtori i ISSH (Instituti i Sigurimeve Shoqërore) Astrit Hado argumentoi për Zërin e Amerikës, se arsyet e pensioneve të ulëta shtrihen në vite, si informaliteti në ekonomi, puna e zezë dhe nëndeklarimi i pagave. Sipas Instat, në Shqipëri ka rreth 1 milion e 300 mijë të punësuar dhe 40% e tyre nuk kontribuojnë në skemë.

“Pensionet janë të ulëta, për shkak të viteve të ulëta të pagesës së kontributeve, të pagave të ulëta mbi të cilat janë paguar kontributet, të daljes para kohe në pension dhe të rritjes së kohës së gëzimit të pensionit. Ata që sot janë 75-80 vjeç kanë dalë në pension 50-45 vjeç, pra kanë 25 deri në 30 vite, por kanë paguar kontribute 25 vjet dhe kanë 30 vjet që marrin pension. Pensionet nuk janë fabrikë që prodhojnë para. Qytetarët duhet ta kuptojnë se pensionet nuk janë sipas nevojës, por sipas meritës. Pensionet nuk japin masë pensioni aq sa individi ka nevojë, por aq sa ke kontribuar. Ajo që ne duhet të shohim është masa e pensionit, që do të thotë pensioni që do të përfitohet nga skema të jetë, i qenësishëm dhe i mjaftueshëm për një jetë dinjtoze”- shprehet Z. Hado.

Menaxheri i zyrës së Bankës Botërore në Shqipëri , Zoti Emanuel Salinas në një intervistë për Zërin e Amerikës, u shpreh se -“numri i njerëzve në tregun e punës nuk kontribuon mjaftueshëm në skemën e pensionit”. Disa shkaqe siç thotë ai, lidhen me kontributet mbi bazën e pagës minimale. “Edhe të vetëpunësuarit kontribuojnë më pak se sa do të kërkonte niveli i të ardhurave, ndërsa ka gjithashtu shumë njerëz që janë në punësim informal, dhe ndoshta nuk po kontribuojnë fare”- argumenton Z. Salinas.

“Objektivi që po përpiqemi të arrijmë me rishikimin e politikave të sistemit të pensioneve, duke punuar së bashku me qeverinë është një sistem pensioni që u ofron burime të mjaftueshme njerëzve kur ata arrijnë moshën e pensionit, që është i qëndrueshëm dhe i përballueshëm nga qeveria që të bëjë ato pagesa, por njëkohësisht që të jetë edhe një sistem i drejtë. Do të thotë që njerëzit të marrin pension

sipas shkallës që kanë kontribuar dhe gjithashtu të ketë drejtësi edhe midis brezave. Ne duam t’u përcjellim të rinjve besueshmërinë se nëse kontribuojnë tani, kur të vijë mosha e pensionit do të kenë një nivel të arsyeshëm të ardhurash përmes pensionit”- thotë Zoti Emanuel Salinas.

Edhe qytetarë në moshë pensioni thonë për Zërin e Amerikës, se është e domosdoshme që njerëzit të ndërgjegjësohen për të paguar kontributet e pensionit.

Sektori privat në Shqipëri është kontributori më i madh në fondin e pensioneve. Industria e ndërtimit dhe shërbimet mbajnë peshën më të lartë. Bujqësia edhe pse punëson thuajse gjysmën e fuqisë punëtore në vend, ka një shkallë të ulët të kontributeve, për shkak të funksionimit të çrregullt të saj.

Autoritetet shpjegojnë se politika e qeverisë për rritjen e pagave ka sjellë më shumë kontribute në fondin e sigurimeve shoqërore, por studiues të zhvillimeve ekonomike në vend, vënë theksin edhe te nevoja për një ekonomi me nivel të lartë produktiviteti dhe me paga të larta. Eksperti i ekonomisë Selami Xhepa, sugjeron dhe skema alternativë.

“ Skema alternativë përveç forcimit të fondeve private të pensioneve do të ishte dhe llogari pensioni me privilegje tatimore dhe të mbrojtura dhe të garantuara nga shteti. Pra ne mund të lejojmë çdo qytetar që nga të ardhurat vjetore të heqë 2 mijë euro në vit në këtë depozitë të cilat do të jenë të patatueshme, i zbritet detyrimi tatimor gjatë vitit. Dhe pas 40 vitesh punë, çdo individ mund të kishte 80 mijë dollarë për të përballaur një jetesë më komode me kursimet e tij”- argumenton Selami Xhepa, President i UET.

Skema e pensioneve po vuan pasojat e zhvillimeve të paqëndrueshme ekonomike dhe shoqërore të mbi tre dekadave.

Gjatë viteve të fundit po del në sipërfaqe një problem shqetësues. Një pension i plotë përfitohet pas 38 viteve punë, dhe ai minimal pas 15 viteve, ndërsa vihet re se është rritur numri i pensionstëve të rinj, me më

pak vite punë. Mesatarja e viteve të punës për afro 40 mijë persona që dalin në pension çdo vit, ka ardhur duke rënë, nga 30 dy vite vite më parë në 27 vite e gjysmë aktualisht. Por autoritetet konstatojnë me shqetësim se është rritur edhe numri pensionistëve që kanë 15 vite punë. Kjo do të thotë një pension i ulët për ta dhe më shumë vështirësi për të përballuar jetën.

“Ka dhe arsye të tjera pse ndodhin këto. Në vitet ‘90, kur ra sistemi komunist, derisa ekonomia shqiptare filloi të formalizohet në vitet 2000 ka patur një papunësi të madhe, punë të zezë informalitet të lartë dhe emigracion masiv. Sot po dalin në pension datëlindja 1962, që kanë vetëm 15 vjet gjatë regjimit komunist. Të mos harrojmë emigrantët që ikën në Greqi dhe Itali, punuan atje nuk kontribuan këtu dhe kur dalin në pension, kanë vetëm 15 vjet punë. Njerëzit duhet ta kuptojnë që për pensionin nuk mendohet ditën që mbush moshën për të dalë në pension”- argumenton Astrit Hado, drejtor i ISSH.

ISSH, pranon se përqindja që zë pensioni në raport me pagën mesatare po bie. Mesatarja e përgjithshme është 32%, ndërsa në vende të zhvilluara pensioni arrin 60% të pagës neto. BB vëren se duhen krijuar stimuj për të rritur ndërgjegjësimin e njerëzve të paguajnë kontribute shoqërore, ndërsa nënvizon se po punon me qeverinë për të adresuar rekomandime në këtë drejtim.

UGSHPD: “TIRANA NGA AJRI” NJË INVESTIMI ELEKTORAL I RILINDJES SOCIALISTE QË SHQIPTARËT NUK DUHET TA LEJOJNË TË PËRSËRITET

 

18 Maj, 1 euro u këmbye me 100.35 Lekë!

Shqipëria pret krahëhapur turistët. Vendi me turizmin gjithëvjetor sipas statistikave të vitit 2023 ka një popullsi 13 milionëshe. 3 milion shqiptarë që venë e vijnë në emigracion dhe 10 milion turistë që hynë dhe dolën me shpresën e fitimit të një eksperience të re me çmime të ulta.

Këmbimi i lekut mund të ishte edhe ky titulli i këtij shënimi, por me zhvillimin e papritur të operacioneve policore krimit të organizuar si edhe me fletëthirrjet në SPAK të zyrtarëve të lartë kjo periudhë duhet të vërtetojë përgjegjësitë dhe veprimin e ligjit pa e bërë drejtësinë kapital politik në prag të një viti zgjedhor.

Shtetasit dhe qytetarët shqiptar duan rezultatin e drejtësisë dhe rikthimin e vlerave të dëmit financiar në arkën e shtetit kur humbjet janë vërtetuar dhe jo shuplakën për “shpërdorim detyre” apo ndëshkimin si hakmarrje.

Rruga që drejtësia në një shtet demokratik ndjek për të luftuar çështjet e abuzimit dhe lufton me korrupsionin, është “Ndiq paratë!”. Kjo të shpie me qartësi në zgjidhjen e problemeve vetëm në qoftë se shoqëria që duam të ndërtojmë shpreh vullnetin dhe bart moralin se mirëqenia dhe zhvillimi vijnë nga djersa e punës së gjithsecilit dhe konkurrenca e ndershme në tregun e lirë tek çdo anëtar i shoqërisë reflekton edhe në marrëdhëniet e tij me shtetin. Qeverisja që qytetarët zgjedhin është shërbëtori dhe rojtari që i plotëson këto kushte.

Po mundohemi të sjellim në këtë trajtim disa ilustrime dhe përfytyrime për t’i parë ato edhe si momente kryesore që ndodhen të zbuluara përpara syve tanë çdo ditë gjatë këtyre tre viteve të njëpasnjëshëm të mandatit të tretë të Rilindjes Socialiste. Ne ato megjithëse i kemi përpara syve dhe e ndjejmë peshën e përçmimit duket se nuk arrijmë t’i shohim ose nuk i vlerësojmë sa duhet sepse ato “çuditërisht” zhurmohen nga mënyra e trajtimit dhe aktivizmi politik jo vetëm i Kuvendit, por edhe i medias e cila po i shoqëron fushatat politike me plot përkushtim edhe deri jashtë kufijve.

“Ndiq paratë!” nuk është thjeshtë ndjekja e kursit ditor dhe e këmbimit të lekut shqiptar me valutat. Leku ka vërtetuar se ka  marrë një epërsi historike në raport me euron dhe dollarin aq sa ka ngrirë në treg dhe po tregon sikurse edhe betoni që hidhet pa pushuar në qindra sheshe ndërtimi mes qyteteve, zonave të mbrojtura natyrore, bregdet etj. Apartamente dhe objekte që zor se u gjendet fuqia blerëse vendase që do të mundet ta pronësojë. Më 27 Mars, 2021 një euro këmbehej me 128.99 lekë (1€=128.99), ndërsa pas 38 muajsh 1€= 100.35. Jo vetëm forcim i lekut, por prej një viti vetëm me përjashtim të muajit Gusht 2023 ky këmbim ka patur një ngritje disa ditore deri në 110.55 lekë.

Prej kësaj situate nga ekonomistët publiku ende nuk ka dëgjuar një analizë të thellë dhe një shpjegim rreth arsyes së “forcimit” të lekut ku për të reklamuar turizmin gjithëvjetor, Shqipëria nuk shprehet aspak për tregun informal. Ky i fundit mund të dëgjohet vetëm atëherë kur monitorimi ndërkombëtar nxjerr të dhënat dhe i jep renditjen e merituar  Shqipërisë në fund të tabelës. Kjo ndodh sepse së pari njerëzit janë kaq të varfër sa nuk arrijnë ta mendojnë kursin e këmbimit dhe se e dyta, agjitatorët e pushtetit japin shifra marramendëse milionëshe çdo ditë ku raportojnë dhjetëra projekte të cilat zor se mund t’i ndjekësh në përmbajtje apo t’i zbulosh në realitet. Rastet kur  skandalet e përvetësimit shpërthejnë dhe aty ku abuzimet dhe vjedhjet dalin sheshit, njerëzit kuptojnë se çfarë ndodh për rreth. “Ndiq paratë!”, prej kohësh ka harruar të shoqërohet me marrjen e përgjegjësive sepse edhe media shprehet me gjuhën e politikës duke përforcuar moralin e “mbijetesës” se “peshku i madh e ha të voglin”.

Pikërisht gjatë një muaji kur goditja e krimit nuk është mjaftuar me operacione në shkallë të gjerë dhe kur brenda një dite janë lëshuar 43 urdhër arresti nga ku 20 prej tyre rezultuan me ndalime personash. Vlera e sekuestrimit ishte në 4.5 milion € ndërsa ana tjetër e ndodhisë tregoi edhe përfshirjen e disa figurave politike që janë të lidhura me krimin, por që i shpëtuan operacionit duke lënë përshtypjen se ata kishin patur sinjalizime për rrezikun dhe ishin larguar jashtë  vendit.

Kjo situatë po tregon se drejt fundit të mandatit të tretë Rama, thirrjet dhe ndalimet nga SPAK për “shpërdorim detyre” po bëhen interesante. Herë pas here nga dyert e Strukturës së Posaçme Kundër Korrupsionit dhe Krimit të Organizuar dalin përfaqësues me pushtet dhe rrogëtarë të Rilindjes Socialiste. Pas shpenzimit të disa orëve përballë thirrjes së prokurorëve ku “Gjithkush prezumohet i pafajshëm derisa nuk vërtetohet fajësia e tij me vendim të formës së prerë”. Përballë  kësaj kërkese pjesë përbërëse e procedurës së ndjekjes penale, të bie në sy formula që përdoret nga të thirrurit e spektrit rilindas që dalin përpara medias. Sigurisht që ky është një proces i marrjes së informacionit dhe një praktikë e pakëndshme kur e thërret nevoja individin për t’u paraqitur sepse sa më pak fjalë dhe ekspozim deri sa çështja të zgjidhet gjendja psikologjike dhe fizike e personave është një përballim mes provës, së vërtetës dhe pafajësisë. Në këtë shpeshtësi hyrje daljesh ditore tek dyert e SPAK-ut  media dhe opinioni  ushqehen përditë sikurse me të drejtë mund të ngrenë pyetjen se;- A po zbatohen dy standarde nga ana e drejtësisë kur përsëritet dhe dëgjohet shpesh formula e bashkëpunimit me të gjithë ata që thirren?

Pas arratisë së ish zv. kryeministrit Arben Ahmetaj, njeriu më pranë Ramës i cili e parandjeu dhe nuk ia besoi veten dorëzimit për prezumimin e pafajësisë në drejtësinë së re. Rrethi i thirrjeve dhe i ndalimeve u drejtua në nivelin e zyrtarëve të lartë për shkeljet e konstatuara në kontratën e partneritetit publik- privat (PPP), ku sfida e të paprekshmëve me të pa korruptuarit janë në raportet më të vështira se ndonjëherë tjetër. Rendi demokratik, pluralizmi dhe drejtësia janë në rrezik. Ja si vijon kronologjia për ta freskuar dhe cilat janë reagimet e funksionarëve të lartë shtetëror që prej vitesh qeverisin Shqipërinë.

Më 22/06/2023, pas 5-6 orësh Arben Ahmetaj:-“Sqaruam pozicionin. Kaq”. (Njohur fillimisht me akuzën për privatizim në kundërshtim me ligjin e aseteve në rrugën “5 Maji” të shoqërisë “Buka”, mbi të cilën  ngrihet një pallat. Në vitin 2014, si ish-ministër i ekonomisë, ai ka firmosur një vendim që shfuqizonte firmën e gjykatave, duke i marrë pronarëve legjitim-Myderizi rreth 6370 m² truall).

Më 12/12/2023, pas 10 orësh  Ilir Beqaj: -“Unë prej vitesh po përballem me këto çështje dhe jam i hapur ndaj drejtësisë”. (Njohur si dosja e sterilizimit.  Dhënia me koncesion e 100 milionë dollarëve për 10 vjet nga Ministria e Shëndetësisë).

Më 04/04/2024 Altin Dumani u shpreh se, “ndaj zyrtarëve të nivelit të lartë janë regjistruar për herë të parë në vitin 2023, 8 procedime penale me 18 persona në hetim me funksion ish-ministër Shëndetësie, ish zv/ministër Shëndetësie, ish-gjyqtar Apeli, ish-kryetar bashkie, ish-ministër Finance, ish-kryeministër, ish-ministër Mjedisi, ish-Sekretar i Përgjithshëm i ministrisë së Mjedisit, ish-sekretar i Përgjithshëm  i ministrisë së Shëndetësisë, kandidat për kryetar bashkie, ish-prokurore etj.”. (kreu i SPAK në Këshillin e Lartë të Prokurorisë).

Më 30/04/2024, pas 7 orësh Erion Veliaj:-“Është institucion serioz. Isha me dy kolegë hetues profesionistë. E vetmja gjë që mund të bëjmë është t’i forcojmë institucionet mos t’i përgojojmë, mos të bëjmë rolin e tyre, e prokurorë e gjyqtarë, por të bashkëpunojmë”. (Thirrur për dosjen e inceneratorit të pa ndërtuar të Tiranës me vlerë 130 milion euro).

Më 15/05/2024, pas 4 orësh Belinda Balluku;-“Kjo është një dosje që ka bërë pis të madh dhe të vogël dhe i ka ardhur koha të zbardhet për të ndarë njëherë e mirë të mirën nga e keqja, punën e ndershme nga abuzimi i pafalshëm” (Thirrur për dosjen # 255 e njohur si inceneratori i pa ndërtuar i Tiranës me vlerë 130 milion euro).

Më 17/05/2024, pas 3 orësh Engjëll Agaçi:-” Isha sot si person në dijeni për inceneratorin e Tiranës. Mendoj se tashmë ky nuk duhet të krijojë një lajm. Të gjithë ne duhet të jemi në dispozicion dhe në funksion të organeve të drejtësisë”.

Pra kur i mbledh këto fakte nga pushteti qendror dhe ai lokal kuptohet se strukturat drejtuese shpërdorojnë, përvetësojnë dhe pasurohen. Dhe ky pasurim vjen nga paratë e popullit, nga vjelja e taksave të shtetasve dhe kur ligji vepron, shkeljet kapin vlerat në miliona euro dhe ato cilësohen si dëme që rrjedhojnë nga kontratat e partneritetit publik-privat, pastrimi parave, korrupsioni pasiv, deklarimi i rremë i pasurisë dhe shpërdorim detyre.

Evidenca më e madhe e dëmit ekonomik është mbledhur. Janë shpërdoruar dhe grabitur miliona para nga arka e shtetit dhe kjo po vërtetohet se objektet e premtuara në prag të zgjedhjeve ende nuk janë ndërtuar. Vetëm për inceneratorin e Tiranës llogaritja e dëmit është 130 milion. Kjo tregon fundin e ciklit të mandatit qeverisës të Rilindjes Socialiste e cila krerët drejtues të saj mund t’i shpëtojë duke ndenjur sërish në pushtet dhe për këtë me çdo kusht dhe me çdo çmim i duhet fitorja e zgjedhjeve të ardhshme. Pa marrjen e përgjegjësive politike i gjithë ky proces shumë shpejt do të kthehet nga hipokrizia në një mashtrim i ri dhe shqiptarët do të vuajnë edhe më keq pasojat nga ky regjim.

 

19 Maj 2024

 

Unioni i Gazetarëve Shqiptarë Profesionistë të Diasporës (UGSHPD)

Verband Albanischer Berufsjournalisten der Diaspora (VABD)

Union of Professional Albanian Journalists of Diaspora (UPAJD)

L’Union des journalistes professionnels albanais de la diaspora (UJPAD)

Unione dei Giornalisti Professionisti Albanesi della Diaspora (UGPAD)

Në mbështetje të paqes në Kosovë, Kroacia e konfirmon: Nesër dërgojmë kontingjentin e ri me trupa për KFOR

Ministria kroate e mbrojtjes ka bërë me dije se ditën e nesërme do të dërgoje në Kosovë kontingjentin e saj të 41-të, si pjesë e forcave paqeruajtëse të NATO-s.

Kroacia bëri me dije se për këtë kanë organizuar një ceremoni në Zagreb, ndërsa sqarohet se kontingjenti i ri do të dërgohet në operacionin e KFOR-it për mbështetjen e paqes në Republikën e Kosovës.

“Forcat e 41-të të HRVCON KFOR-it përbëhen nga pjesëtarë të Kompanisë së Këmbësorisë së Motorizuar, Njësisë së Aviacionit, Njësisë ISR, Njësisë së Shtabit, elementëve të mbështetjes kombëtare logjistike dhe inteligjencës dhe ekipit mjekësor”, thuhet në njoftim.

Ceremonia do të mbahet nesër në orën 15:00 dhe në të do të pjesë edhe zëvendëskryeministri dhe ministri i Mbrojtjes Ivan Anushiq.bw

Nënsekretarja amerikane në takim me Kurtin: Kosova bën pjesë në BE dhe NATO

Pas presidentes Vjosa Osmani, nënsekretarja amerikane për Diplomacinë Publike, Elizabeth Allen, është takuar edhe me kryeministrin e Kosovës Albin Kurti.

Në fokus të takimit ishte zbatimi i marrëveshjeve të arritura në dialogun Kosovë-Serbi. “Kosova bën pjesë në BE dhe NATO”, deklaroi Allen.

Sot është nënshkruar marrëveshjen e mirëkuptimit ndërmjet Qeverisë së Shteteve të Bashkuara të Amerikës dhe Republikës së Kosovës, kundër manipulimit të informacionit nga shtetet e huaja. sn


Send this to a friend