Që kur lindi lab i parë
( Nuk dihet se kur ka lindur),
Në hall të tij – faqebardhë
Me këngë labe është rritur.

Që kur lindi lab i parë
Në krahë të tij labëresha,
Kënga rrodhi si ujëvarë
Gurrë shpirti, siç e desha.

Në këngë u ndritën gëzimet
Me çfarë kishin në vatër,
Me këng’ labe qanë hidhërimet
Edhe me malet u matën.

Kënga si qiri në vatër
Kënga në shpirt si floriri,
Pika e ujit të pastër
Qumështi i bardhë i gjirit.

Kënga që më mësoi gjyshja
Më ngjan si shqiponjë mbi male,
Nëna, baba, … dallëndyshja
Më rritën me këngë labe.

Ku ka rrjedhur, do pikojë [ref.]
Kënga mjaltë,
Kënga labe – gojë më gojë
Merr uratë
E jetë të gjatë!

Vlorë, 18.10.2025