• Seanca plenare e kësaj të enjteje në Kuvend ka nisur me tensione, ndërsa deputetët e opozitës me pankarta në duar dhe thirrje kundër qeverisë përplasën duart në tavolina, gjë e cila prishi rendin dhe qetësinë në sallë. • Pas kësaj, opozita bllokoi menjëherë foltoren, ndërsa fjalën e mori lideri i PD-së, Sali Berisha. • Gjatë fjalës së tij në Kuvend, ai u shpreh se plumbat e gomës dhe gazin lotsjellës e meritonin deputetët socialistë dhe jo studentët. • Lideri i opozitës tha se në rrugët e Tiranës u thyen kocka të rinjsh dhe u çanë kafka, duke shtuar se ndaj tyre u përdorën mjetet më të egra.• Pas kësaj, Kryetari i Kuvendit, Niko Peleshi tha se Berishës do ti hiqet fjala për gjatë gjithë seancën plenare. • Në lidhje me këtë, ai tha se Berisha ka bërë thirrje për dhunë. • Seanca plenare u përfshi sërisht nga tensionet, pasi diskutimet u ndërprenë dhe deputetët kaluan drejtpërdrejt në procesin e votimit. • Në shenjë proteste ndaj zhvillimit të punimeve parlamentare, deputetët e Partisë Demokratike kanë ndezur tymuese dhe flakadanë brenda sallës së Kuvendit. • I pranishën në sallë ishte edhe kryeministri Edi Rama, ndërsa Kuvendi miratoi me 84 vota pro projektligjin për Bankën e Shqipërisë. • Pas përfundimit të votimit, kryeministri Edi Rama është larguar nga salla e Kuvendit, ndërsa situata e tensionuar ka vijuar gjatë punimeve parlamentare.