Disa kujtime për të paharruarin zotninë e TIJ, kompozitorin e shquar, të madhin

Nikolla Zoraqi,

me rastin ditës së lindjes.

Elokuenca është një formë e të folurit, e të shprehurit shkëlqyeshëm…

Do të dëshëroja të shprehem kështu, figurativisht, për kompozitorin e madh.

Nikolla Zoraqi ishte ELOKUENT në gjuhën e muzikës.

Nuk numërohen veprat e Tij, shumë nga ato i njohim: që nga këngët për fëmijë e deri tek muzikë filmash, uverturat, simfonitë, opera.

Ai do të ngelet një kompozitor i adhuruar për autentikën e Tij. Një atdhetar i flaktë që e mishëroji në të gjitha veprat e Tij.

Mbështetur në motivet dhe folkun SHQIPTAR.

Nëse ndonjë kompozitor kishte huazim nga dikah, Nikolla Zoraqi ishte i paprekshëm, absolut në këtë drejtim.

Muzika e Tij është melidioze, të tërheq mënyra se si Ai i ka ndërtu këngët apo baletin Cuca e maleve etj.

Unë kam pasur fatin të punoj sa e sa herë, dhe ajo që dua të them është pikërisht që, zotnija e Tij Nikolla Zoraqi ishte një ndër personalitetet më të shquar të Njeriut. Njeri i madh, me një edukatë të përkorë, njeri që ulte tensionet gjatë punës, organizator më se i shkëlqyer, gojë mjaltë.

Pothuaje askund nuk e hasa një karakter e personalitet të lartë si AI!

Nuk ishte e pakët përgjegjësija e Tij: Drejtori, udhëheqësi Artistik i Festivaleve në RTSH.

Përgjegjësi që e fillonte që nga përzgjedhja e këngëve( a nuk është fakt i pamohueshëm se si i ka zgjedhur këngët AI dhe komisioni i atëhershëm, që akoma sot këndohen).

Këngët e Nikolla Zoraqit janë një melodi e paharrueshme, sepse flen melodija në shpirtin e Tij. Do të veçoja këngën ma të bukur të Tij, për mua, që të prek thellë në shpirt, që të përlotë për ato ndjesi të holla, ‘qëndisur’ me ngjyrat më të bukura, ” Globi rrotullohet “.

Faleminderit Kompozitor me vlera të mëdha në Artin Shqiptar , e Njeri i shkëlqyer.

NIKOLLA ZORAQI.