Ish-presidenti i Kosovës, Fatmir Sejdiu nga Shkodra në një takim me student të fakultetit të Drejtësisë deklaroi se mbështet marrëveshjen mes Kosovës dhe Serbisë ende të panënshkruar nga kryeministri Kurti dhe presidenti Aleksander Vuçiç.

“Dy shtetet kanë nevojë për qetësi”, tha ish-Presidenti Sejdiu dhe se kjo marrëveshje nuk nënkupton aspak rikthimin e Kosovës pranë Serbisë sepse SHBA dhe BE janë garantues të kësaj marrëveshje. Pavarësisht se marrëveshja e Ohrit nuk është nënshkruar ende, Sejdiu u shpreh në sytë e përfaqësuesit të lartë të BE Josef Borrel, Kurti dhe Vuçiç parimisht kanë rënë dakord.

Ish-Presidenti Sejdiu kundërshtoi deklaratën e kryeministrit të Kosovës Albin Kurti se teksti i marrëveshjes me Serbinë është më i miri duke thënë se tekst më të mirë se deklarata e Pavarësisë së Kosovës nuk ka. Sa i përket tentativave dhe akuzave politike se Tirana zyrtare mbështet Presidentin Vuçiç, Sejdiu tha se kjo nuk duhet të ndodh dhe nuk mund të ndodh që Shqipëria të flasë në emër të Kosovës.

Fatmir Sejdiu mbajti një leksion të hapur në fakultetin e drejtësisë në universitetin “Luigj Gurakuqi” me temë “Pavarësia e Kosovës, Shtetbërja, sfidat dhe perspektiva e saj”.bw