VOAL

VOAL

Please Wait ...
0%

Irani i kundërpërgjigjet Trumpit, ndalon hyrjen e amerikanëve në vend

By | January 29, 2017
blank

Komentet

blank

Familja e futbollistit të ri afgan që ra nga avioni amerikan akuzon pilotin

Një video e përhapur në mediat sociale dhe e transmetuar më vonë në kanalet kryesore tregoi njerëz të varur nga një aeroplan në lëvizje i Forcave Ajrore të SHBA-së, me disa të shtypur nën gomat e tij dhe të tjerë duke rënë nga ajri

Kabul

Zaki Anwari, 19 vjeç, i cili luante për ekipin kombëtar të futbollit të të rinjve në Afganistan, adhuronte yllin argjentinas Lionel Messi dhe atë brazilian Neymar.

Një ditë pasi talibanët morën kontrollin e kryeqytetit afgan Kabul më 15 gusht, ai u nis për në aeroport në orën 10:00 të mëngjesit me kohën lokale. Së shpejti prindërit e tij mësuan se futbollisti i ri kishte vdekur pasi u përpoq të hipte në një aeroplan ushtarak amerikan që po largohej nga aeroporti i Kabulit.

Një video e përhapur në mediat sociale dhe e transmetuar më vonë në kanalet kryesore tregoi njerëz të varur nga një aeroplan në lëvizje i Forcave Ajrore të SHBA-së, me disa të shtypur nën gomat e tij dhe të tjerë duke rënë nga ajri. Fatkeqësia mori jetën e të paktën pesë personave.

Duke folur për Anadolu Agency (AA), babai Haji Mohammad Ghos Anwari, 75 vjeç, tha se djali i tij ishte i pavëmendshëm për situatën kaotike në Kabul, duke iu referuar marrjes së kryeqytetit nga ana e talibanëve. Ikja e presidentit të atëhershëm Ashraf Ghani dhe shumë anëtarëve të kabinetit të tij shtoi kaosin.

“Ai ishte më i vogli nga shtatë vëllezërit e motrat”, tha ai, duke fshirë lotët, teksa po rrëfente në shtëpinë e tij në Kabul për incidentin tragjik.

Zaki kishte filluar të luante futboll kur ishte 10 vjeç dhe e kishte vazhduar këtë pasion, sepse besonte se sporti ishte një aktivitet i shëndetshëm.

Ditën e marrjes nën kontroll të talibanëve ai u largua nga shtëpia dhe arriti në pistën e Aeroportit Ndërkombëtar Hamid Karzai, tha babai. Para se të largohej, ai kërkoi bekimet e nënës së tij dhe i tha asaj se po shkonte në SHBA.

“Ky ishte komunikimi i tij i fundit me familjen”, tha Ghos.

Në pamundësi për të sqaruar më tej, ai e përshkroi djalin e tij si të bindur dhe të sjellshëm.

Vëllai i madh, Nasir Anwari, e akuzoi pilotin e aeroplanit se nuk u mor me situatën kaotike siç duhej.

“Piloti e dinte që disa njerëz po vraponin me aeroplanin, disa ishin kapur pas gomave dhe disa të tjerë ishin shtrënguar fort në skajet e ndryshme të avionit”, tha ai.

“Ishte aeroplan, jo makinë. Piloti duhet të ishte në dijeni të situatës para se të ngrihej”, shtoi ai me zemërim.

Ashtu si shumë afganë, futbollisti i ri kishte dëgjuar përmes mediave sociale se Shtetet e Bashkuara dhe vendet evropiane po pranonin refugjatë afganë, tha vëllai i tij i madh.

Ai citoi Zaki-n t’u ketë thënë atyre: “Ky është shansi i fundit. Lamtumirë nga ana ime”.

Zaki besohet se u ngjit në aeroplan nga jashtë. Dy persona u panë duke vdekur nga avioni pasi u ngrit, sipas videos tronditëse në mediat sociale.

Nasir tha se nuk e di se si vdiq vëllai i tij. Dikush tha se ai u rrëzua nga një gomë aeroplani, ndërsa të tjerët thanë se ai ra nga ajri ndërsa avioni po ngrihej.

Nasir tha se Zaki adhuronte Messi-n dhe Neymar-in, dhe ekipi i tij i preferuar ishte Barcelona.

Ai ishte anëtar i ekipit të shkollës dhe gjithashtu luante në nivel kombëtar. Nasir tha se vëllai i tij kishte fituar shumë përballje.

Zaki shkonte rregullisht në një kënd lojrash në afërsi, kurse familja e tij e inkurajonte që të ndiqte pasionin për sportin, tha Nasir.

Ai shtoi se pas shkollës, vëllai i tij e ndihmonte atë në dyqanin e tij të celularëve.

blank

Pas tri ditësh në hapësirë, 4 turistët mbërrijnë në Tokë

Katër astronautët amatorë të cilët udhëtuan në hapësirë kanë zbritur me sukses në Oqeanin Atlantik pas tre ditësh udhëtim në hapësirë.

Ky ishte fluturimi i parë me pagesw i pasagjerëve për SpaceX e Elon Musk, dhe një hap i madh në turizmin hapësinor nga një kompani private.

Ekuipazhi i turistëve u nis të mërkurën dhe preku Tokën mbëmjen e djeshme rreth orës 23:00. Ekipi i “Inspiration4” u drejtua nga miliarderi Jared Isaacman, shef ekzekutiv i firmës “e-commerce Shift4 Payments Inc”, i cili veproi si “komandant” i misionit.

“Ishte një udhëtim i mirë për ne,” tha Isaacman me radio menjëherë pas uljes. “Ne sapo kemi filluar në këtë provojë” tha ndër të tjera.

Turistët që udhëtuan në hapsirë ishin: Jared Isaacman 38 vjeç, Hayley Arceeaux 29 vjeç, Chris Sembroski 42 vjeç dhe Sian Proctor 51 vjeç.

Turistët udhëtuan në mungesë të peshës, deri në lartësinë 575 km. Gjatë tre ditëve të udhëtimit kapsula u rrotullua rreth globit 15 herë në ditë. Kapsula në formë kubeje u krijon turistëve mundësinë të vëzhgojnë pamje spektakulare të tokës.

blank

Marrëdhëniet e tensionuara me Joe Biden, Boris Johnson udhëton drejt SHBA

Boris Johnson do të fluturojë për në Nju Jork këtë fundjavë për udhëtimin e tij të parë që nga pandemia Covid, duke shpresuar të forcojë marrëdhënien e tij me presidentin amerikan, Joe Biden, pas një vere të zymtë të dëmtuar nga situata në Kabul.

Dy vjet më parë, kur Johnson bëri udhëtimin e tij të parë si kryeministër në samitin e Biarritz G7, shpresa ishte se entuziazmi i Donald Trump për njeriun që ai e quajti “Britania Trump” do të ndihmonte në zbutjen e rrugës për një marrëveshje të shpejtë tregtare pas Brexit me Shtetet e Bashkuara.

Jonhson i nxitur nga nënshkrimi i kësaj jave të marrëveshjes së bashkëpunimit Aukus me SHBA-në dhe Australinë,shpreson të tregojë se pavarësisht gatishmërisë të Bidenit ata mund të punojnë së bashku.

Udhëtimi vjen pas asaj që mund të përshkruhet më mirë si një verë e pabarabartë midis Doëning Street dhe Shtëpisë së Bardhë. Nga njëra anë ishte tërheqja kaotike, e minutës së fundit nga Afganistani-një vendim i marrë në mënyrë të njëanshme nga Biden dhe të cilin ministrat dhe gjeneralët britanikë e kritikuan hapur pasi talebanët u përfshinë në Kabul.

blank

Testamenti i Princit Filip do të jetë sekret për 90 vjet

Londër

Gjykata Supreme e Anglisë mori vendim që testamenti i Princit Filip të mbahet sekret për të paktën 90 vjet për të mbrojtur dinjitetin e monarkisë, transmeton Anadolu Agency (AA).

Gjyqtari Andrew McFarlane vendosi që testamenti i Princit Filip të vuloset dhe se asnjë kopje nuk duhet të regjistrohet ose mbahet në gjykatë.

McFarlane gjithashtu vendosi që vlera e trashëgimisë së princit nuk duhet të deklarohet.

“Për të ruajtur dinjitetin e Mbretëreshës dhe familjes së saj të ngushtë, është e nevojshme të rritet mbrojtja që ofrohet për fushat private të jetës së tyre”, tha gjykatësi McFarlane, duke shpjeguar vendimin se testamenti duhet të mbahet sekret për të paktën 90 vjet.

McFarlane po ashtu theksoi se duke pasur parasysh se “interesin publik e mbikëqyr nga avokati i shtetit”, nuk ka bazë ligjore për hyrjen e përfaqësuesve të organizatave të medias në seancë.

Anëtari i parë i familjes mbretërore, testamenti i të cilit u mbajt sekret ishte Princi Francis, vëllai i Mbretëreshës Mari, gruaja e mbretit George V.

Për më tepër, pas vdekjes së nënës së Mbretëreshës Elizabeth dhe motrës së saj Princeshës Margaret, testamentet gjithashtu u vulosën.

Princi Filip vdiq në qershor në moshën 99-vjeçare.

blank

Raketa SpaceX lançohet nga Florida me ekuipazhin e parë civil

Elon Musk bëhet miliarderi i fundit që mbikëqyr udhëtimin në hapësirë

Andrew John Roesgen   |16.09.2021
Chicago

Me britma gëzimi dhe ovacione nga anëtarët e ekuipazhit, kompania e Elon Musk, SpaceX, mbrëmë lançoi ​​ekuipazhin e parë civil në hapësirë ​​duke shënuar një hap historik përpara në turizmin hapësinor, transmeton Anadolu Agency (AA).

Pas orës 20:00 sipas kohës lokale në Cape Canaveral të Floridas, në një natë të ngrohtë dhe të qartë, raketa Falcon 9 shpërtheu, duke mbajtur kapsulën Crew Dragon, e cila do të jetë shtëpia e dy burrave dhe dy grave për tre ditët e ardhshme.

“Ju vërtet jeni duke frymëzuar botën”, ishin fjalët nga kulla e kontrollit të misionit SpaceX ndërsa raketa shpërtheu.

“Paçi fat, me krah të lehtë dhe kënaquni në udhëtim”, u tha më tej.

Pas 12 minutash të udhëtimit, kapsula arriti kufirin e hapësirës, ​​duke shkaktuar një gëzim të madh nga kulla e kontrollit të misionit. Kapsula po shkon në një lartësi orbitale prej 575 kilometrash mbi Tokë, e cila është përtej orbitës së Stacionit Hapësinor Ndërkombëtar.

Misioni, i quajtur “Inspiration4” është i rëndësishëm për disa arsye. Ndryshe nga fluturimet hapësinore të udhëhequra nga miliarderët Richard Branson dhe Jeff Bezos në korrik, të konsideruar si të parët në llojin e tyre, Musk vetë nuk është në bordin e Crew Dragon.

Katër civilët përfshijnë Jared Isaacman, miliarderin 38-vjeçar i cili kryeson kompaninë e përpunimit të pagesave. Ai pagoi një shumë parash të pazbuluar për të ndihmuar financimin e udhëtimit dhe këtë ia ka dedikuar Spitalit Kërkimor të Fëmijëve St. Jude për pacientët me kancer.

Hayley Arceneaux është një e mbijetuar e kancerit të eshtrave e cila më vonë filloi të punojë për St. Jude. Chris Sembroski është një veteran i Forcave Ajrore dhe inxhinier i të dhënave të hapësirës ajrore, i cili fitoi vendin e tij në një short, ndërsa Sian Proctor, një edukatore e kolegjit të komunitetit në shtetin e Arizonës, fitoi vendin e saj duke fituar një garë sipërmarrëse të mbajtur nga Isaacman.

Babai i Proctor punoi për NASA gjatë misioneve Apollo të viteve 1960 dhe 70 dhe ajo gjithashtu kishte humbur shansin të bëhet vetë astronaute në vitin 2009.

Gjithashtu, “Inspiration4” do të shkojë shumë më thellë dhe do të kalojë një kohë shumë më të gjatë në hapësirë ​​sesa fluturimet e Branson dhe Bezos. Kapsula Dragon e ekuipazhit përfundimisht do të bjerë diku në Oqeanin Atlantik.

Më e rëndësishmja, nuk ka astronautë me përvojë në bord, megjithëse Isaacman ka përvojë si pilot avioni.

Katër anëtarët e ekuipazhit kanë kaluar stërvitje intensive në hapësirë që nga marsi dhe ndërsa janë në hapësirë shëndeti i tyre do të monitorohet vazhdimisht.

blank

SHBA, Britania dhe Australia krijojnë një bashkëpunim të ri të sigurisë

Washington

Liderët e SHBA-së, Britanisë së Madhe dhe Australisë njoftuan krijimin e një bashkëpunimi të ri të sigurisë të emërtuar “AUKUS” dhe se në kuadër të kësaj SHBA-ja dhe Britania do të ndajnë me Australinë teknologjinë e nëndetëseve me energji bërthamore, transmeton Anadolu Agency (AA).

Në një konferencë për media që presidenti amerikan Joe Biden mbajti në Shtëpinë e Bardhë morën pjesë nëpërmjet internetit edhe kryeministri britanik Boris Johnson dhe kryeministri australian Scott Morrison.

Liderët e vendeve në fjalë, njoftuan se SHBA-ja, Britania dhe Australia formuan një bashkëpunim të ri të sigurisë të emërtuar “AUKUS”.

Në një fjalim në konferencën për media, Biden vuri theksin se partneriteti i tyre me Australinë dhe Britaninë bazohet në shumë vite dhe se do të luftojnë së bashku vështirësitë me të cilat përballen në shekullin 21.

“Nuk ka asnjë logjikë që ne tani të ndahemi ose shpërbëhemi nga njëri-tjetri”

Biden tha se edhe situata aktuale në rajonin Indo-Paqësor kërkon nevojën e bashkëpunimit. “Nuk ka asnjë logjikë që ne tani të ndahemi ose shpërbëhemi nga njëri-tjetri”, shtoi ai.

“Nën AUKUS si një projekt kyç, ne po fillojnë konsultimet që Australia të posedojë nëndetëse me armë konvencionale me reaktorë bërthamorë. Këtu po flasim për nëndetëse me armë konvencionale që punojnë me reaktorë bërthamorë dhe jo nëndetëse me armë bërthamore. Është konfirmuar se kjo teknologji është e sigurt. SHBA-ja dhe Britania e përdorin këtë prej dhjetëra vitesh”, potencoi Biden.

Konsultimet në fjalë do të vazhdojnë për 18 muajt e ardhshëm, tha Biden duke shtuar se i ka dhënë udhëzime shefit të shtabit të SHBA-së, Lloyd Austin për zhvillimin e këtyre konsultimeve dhe se Departamenti i Mbrojtjes do të punojë me departamentet e energjisë dhe të shtetit.

blank

Një ekuipazh civil për herë të parë në mision hapësinor

Miliarderi amerikan, Jared Isaacman, dhe tre persona të tjerë do të nisen sot në një fluturim në hapësirë.

Misioni treditor, nëse është i suksesshëm, do të jetë misioni i parë hapësinor pa një astronaut profesionist në bord.

Katërshja do të niset nga Qendra Kennedy e Agjencisë amerikane të Hapësirës (NASA) me anijen kozmike të kompanisë SpaceX.

Fluturimi është ide e miliarderit Isaacman, i cili ka thënë se hapësira duhet të jetë e hapur për të gjithë.

Ai e ka emëruar misionin e tij Inspiration4, apo Frymëzimi4.

Isaacman, 38 vjeç, pilot me përvojë, është themelues dhe shef ekzekutiv i një kompanie për përpunimin e pagesave.

Ai e ka paguar kompaninë SpaceX për realizimin e fluturimit, por shuma e parave nuk është zbuluar.

Për fluturimin Inspiration4, çdo anëtar i ekuipazhit është zgjedhur për të përfaqësuar një nga katër vlerat: udhëheqjen, shpresën, prosperitetin dhe bujarinë.

Isaacman përfaqëson udhëheqjen dhe ai do të shërbejë si komandant i misionit.

Të tjerët në bord do të jenë: Hayley Arceneaux, e mbijetuar e kancerit, që do të përfaqësojë shpresën; Sian Proctor, profesoreshë e gjeologjisë, që do të përfaqësojë prosperitetin, dhe Chris Sembroski, veteran i Forcave Ajrore të SHBA-së, që do të përfaqësojë bujarinë.

Fluturimi pritet të nisë në orën 8 të mbrëmjes, sipas kohës lokale në Floridë.

blank

Mjeti luftarak izraelit me inteligjencë artificiale dhe aftësi autonome në fushën e betejës

Israel Robotic Patrol

Firma shtetërore izraeliteIAI po ekspozon një automjet tokësor me telekomandë, për të cilin eksperët thonë se mund të përdoret për të mbështetur trupat në situata të ndryshme luftarake.

Automjeti luftarak, i quajtur REX MK II, është një automjet-robot i kontrolluar nga distanca dhe mund të mbajë një ngarkesë deri në 1,3 ton, thotë Rani Avni, zëvendës shef i divizionit të sistemeve autonome të firmës IAI.

“Për shumë vite kemi ofruar pajisje ajrore me telekomandë. Tani po i sjellim këto aftësi në fushën e betejës, duke ndërthurur inteligjencën artificiale me teknologji të tjera për të ofruar një automjet luftarak tokësor.”

I armatosur me armë zjarri, roboti ushtarak komandohet nga distanca përmes një tableti.

“Makineria ushtarake kontrollohet plotësisht nga distanca nga një komandë qendrore. Duke patur një pamje të qartë të situatës në terren,mjeti po ashtu ka një autonomi të plotë për të realizuar misionin në mënyrë të pavarur”, thotë zoti Avni.

Kompania, thotë ai, po përdor aftësitë e saj në fushën e inteligjencës artificiale për zhvillimin e këtyre sistemeve robotike.

“Kjo na ofron një gamë të gjerë aftësish për misione të ndryshme, si robotike, ashtu edhe autonome, duke shtuar vlerat në fushën e betejave të së ardhmes.”

Zoti Avni thotë se automjeti REX shërben, mes të tjerash, për të zvogëluar rrezikun e trupave ne fushën e betejës.

“Disa pjesë të fushës së betejës janë të rrezikshme. Ndaj kjo makineri robotike do t’u paraprijë trupave për të spastruar vijën e frontit, për të kontrolluar rrugët në zonat urbane, apo transportuar municione për ushtarët.”

Ai thotë se automjeti ka aftësitë për gjetjen e objektivit dhe hapur zjarr. Megjithatë, automjeti është programuar në mënyrë të tillë që vendimi përfundimtar të merret nga njeriu.

Automjeti REX MK II ka motorë elektrikë dhe aftësi të larta manovrimi në terrene të ndryshme, si dhe mund të realizojë kthesa të ngushta. Ky automjet luftarak, që ka bashkuar inteligjencën artificiale me aftësitë telekomanduese dhe armët e zjarrit, po preznatohet në panairin ndërkombëtar të armëve në Londër.

blank

Shifër e “frikshme”, 100-vjeçarët në Japoni kalojnë shifrën e 86.500 vetëve

Numri i personave njëqindvjeçarë në Japoni është rritur për herë të parë në një rekord prej 86.510, treguan sot të dhënat e qeverisë, transmeton Anadolu Agency (AA).

Numri i njëqindvjeçarëve meshkuj në Japoni u rrit mbi 10.000, duke u rritur vazhdimisht për 51 vjet, raportoi agjencia e lajmeve Kyodo, duke cituar të dhënat e Ministrisë së Shëndetësisë.

Japonia po përballet me një popullsi të plakur kryesisht për shkak të zgjerimit të infrastrukturës mjekësore dhe sociale në vend.

Të dhënat treguan se numri i njëqindvjeçarëve është rritur me 6.060 nga një vit më parë.

Japonia çdo vit ka shënuar 20 shtatorin si një festë për të shprehur “Respektin për të Moshuarit” në vend.

Ministria gjithashtu zbuloi se gratë përbëjnë të paktën 88,4 për qind të totalit të përgjithshëm të 86.510 personave mbi 100 vjeç, madje 5.475 më shumë se një vit më parë, ndërsa shifra te burrat është rritur me 585, për të shkuar në 10.060.

Qeveria japoneze kishte filluar një studim të qindvjeçarëve në vitin 1961, kur gjeti vetëm 153 njerëz mbi 100 vjeç.

Provinca perëndimore Shimane ka numrin më të madh të qindvjeçarëve, e ndjekur nga provincat Kochi dhe Kagoshima./AA/

blank

Çfarë ishte dhe çfarë është Al-Kaida?

RFE/RL

I lindur nga lufta e viteve 1980-të kundër pushtimit të Afganistanit nga Bashkimi Sovjetik, grupi terrorist Al-Kaida, nën drejtimin e Osama bin Ladenit, u shndërrua në një kërcënim ndër breza për Amerikën, e i cili kulmoi me 11 shtatorin e vitit 2001, me sulmin që rrëzoi Qendrën Botërore të Tregtisë në Nju Jork, raporton Associated Press.

Sulmet e 11 shtatorit, në të cilat gjithashtu u pa që Pentagoni u godit nga një avion komercial, që u rrëmbye nga militantët e këtij grupi, çuan në pushtimin e udhëhequr nga SHBA-ja në Afganistan dhe fillimin e luftës më të gjatë të Amerikës, e cila sapo përfundoi me tërheqje të furishme të ushtrisë amerikane përmes transportit ajror nga Kabuli.

Ai gjithashtu përfaqësonte një lloj të ri rreziku, një luftë jo kundër një kombi në vetvete, por një rrjeti të errët financierësh, shokësh dhe kamikazësh, që vazhdon edhe pas vrasjes së bin Ladenit nga duart e Marinës amerikane më 2011 në Pakistan. Të tjerë kanë ndjekur modelin e tyre, me rezultate edhe më të tmerrshme.

Origjina

Al-Kaida, ose në arabisht “Baza”, u organizua kur sovjetikët u tërhoqën nga Afganistani. Duke shpresuar të përfitojë nga mbështetja e muxhahedinëve, apo “luftëtarëve të shenjtë”, të rekrutuar gjatë luftës së tyre kundër Moskës, bin Laden formoi Al-Kaidën dhe u bë udhëheqësi i saj. Biri i një magnati ndërtimesh në Arabinë Saudite, bin Laden gjithashtu gëzonte pasuri familjare të madhe.

Ai kërkoi tërheqjen e forcave amerikane nga Arabia Saudite, shtëpia e vendeve më të shenjta për Islamin. Amerika vendosi trupa atje në krye të Luftës së Gjirit të vitit 1991, kundër pushtimit të Kuvajtit nga diktatori irakian Saddam Hussein.

SHBA-ja kujton viktimat e 11 shtatorit
Fotogaleri

SHBA-ja kujton viktimat e 11 shtatorit

Më 11 shtator, Shtetet e Bashkuara shënojnë 20-vjetorin e sulmeve terroriste, të kryera nga Al-Kaida, që lanë të vdekur afër 3,000 persona. Ceremoni për shënimin e këtij përvjetori janë mbajtur në mbarë SHBA-në. Presidenti amerikan, Joe Biden ka bërë thirrje për unitet kombëtar. Më 11 shtator 2001, katër aeroplanë të rrëmbyer, kryen sulme në tokën amerikane. Dy avionë goditën Kullat Binjake në Nju Jork, një avion goditi Pentagonin në Uashington dhe një avion u rrëzua në Pensilvani, pasi pasagjerët kishin arritur që të përlesheshin me sulmuesit që gjendeshin në bord.

Kulmi

Në vitin 1996, Osama bin Laden lëshoi një deklaratë zyrtare për luftë. Por, vetëm më 7 gusht 1998, atëherë kur kamionët e ngarkuar me eksplozivë shpërthyen jashtë ambasadave amerikane në Nairobi, Kenia dhe Dar es Salaam si dhe në Tanzani, duke vrarë më shumë se 200 njerëz, kërcënimi u bë real.

Në vitin 2000 pasoi shpërthimi vetëvrasës me bombë i Al-Kaidës në USS Cole në Aden, në Jemen. Shtatëmbëdhjetë persona vdiqën. Pastaj erdhën sulmet e 11 shtatorit 2001.

Bin Laden iku pas pushtimit të Afganistanit të udhëhequr nga SHBA-ja, para se të vritej në Abbottabad të Pakistanit, një dekadë më vonë.

Trashëgimia

Ayman al-Zawahiri, një egjiptian i cili u bë udhëheqës i Al-Kaidës pas vdekjes së bin Ladenit, është bërë më pak i dukshëm në vitet e fundit dhe besohet se është në gjendje të dobët shëndetësore. Djali i bin Ladenit, Hamza, i cili u bë një figurë kryesore brenda Al-Kaidës, u vra më vonë.

Por, rëndësia e Al-Kaidës pas 11 shtatorit, e bëri atë të fitonte degë në të gjithë Lindjen e Mesme. Njëra prej tyre u bë grupi i Shtetit Islamik, prerjet e kokave dhe marrja e pjesëve të mëdha të Irakut dhe Sirisë prej të cilit pati trondituri gjithë botën.

Rikthimi i mundshëm i Al-Kaidës

Në shtator të vitit 2021, Sekretari amerikan i Mbrojtjes, Lloyd Austin, paralajmëroi se grupi militant Al-Kaida në Afganistan mund të ringjallet, pasi ky shtet u mor nën kontrollin e talibanëve.

Pavarësisht kërcënimit për rikthimin e mundshëm të këtij grupi, Austin tha se SHBA-ja është e përgatitur që të parandalojë në rikthim të tillë.

“Al-Kaida dhe grupi i Shtetit Islamik gjithmonë përpiqen të gjejnë hapësirë për t’u rikthyer, pavarësisht se ku janë, atje apo në Somali ose në ndonjë mjedis të pakontrolluar. Unë mendoj se kjo është natyrën e këtyre grupeve”, tha ai.

Përgatiti: Durim Abdullahu
blank

Japonia kundërshton planin e presidentit Putin për zonë pa doganë në Ishujt Kuril

Tokio

Qeveria e Japonisë ka kundërshtuar planin e presidentit të Rusisë Vladimir Putin për formimin e zonës pa doganë në Ishujt Kuril dhe për të përjashtuar investimet e kompanive të huaja për 10 vite nga taksat, transmeton Anadolu Agency (AA).

Kryesekretari i kabinetit, Kato Katsunobu, në një konferencë për shtyp, kundërshoi planin që Putin njoftoi lidhur me Ishujt Kuril në Forumin Ekonomik Lindor që u mbajt në qytetin Vladivostok të Rusisë.

Kato tha se plani për formimin e zonës pa doganë në Ishujt Kuril, është në kundërshtim me marrëveshjet e mëparshme mes Japonisë dhe Rusisë që përfshijnë aktivitetet ekonomike në ishuj.

Plani në fjalë është “kundër pozicionit të vendit të tij për ishujt”, tha Kato i cili theksoi se kjo gjithashtu bie ndesh edhe “me negociatat aktuale në vazhdim mes dy vendeve” në lidhje me aktivitetet ekonomike.

Më tej Kato theksoi se qeverisë së Moskës i është përcjellë projektligji që përfshin zhvillimin e aktiviteteve ekonomike pa dëmtuar pozicionin ligjor të Japonisë mbi ishujt.

Putin ishte shprehur se investimet tregtare të kompanive japoneze dhe të huaja në Ishujt Kuril për të cilat ka mosmarrëveshje mes dy vendeve dhe të cilat në Rusi njihen si “Kurili i Jugut” dhe në Japoni “Rajonet Veriore”, do të përjashtohen nga tatimi për një periudhë 10-vjeçare.

Mosmarrëveshja mes Rusisë dhe Japonisë mbi Ishujt Kuril

Bashkimi Sovjetik në fund të Luftës së Dytë Botërore, në vitin 1945, aneksoi Ishujt Kuril të Japonisë, që shtrihen rreth 1.300 kilometra dhe ndajnë Oqeanin e Paqësorit dhe Detin Ohotsk.

Palët nuk mund të arrijnë rezultat në negociatat e zhvilluara për të nënshkruar marrëveshje paqeje mes Rusisë dhe Japonisë për shkak të mosmarrëveshjes për pjesën territoriale të cilën Japonia pas aneksimit i ka emërtuar si “Rajonet Veriore”.

blank

Skocia do të organizojë referendum për pavarësinë deri në fund të vitit 2023

Londër

Kryministrja e Skocisë, Nicola Sturgeon, ka përsëritur se ajo synon të organizojë një votim publik për pavarësinë nga Mbretëria e Bashkuar deri në fund të vitit 2023, transmeton Anadolu Agency (AA).

Duke shpallur programin e saj qeveritar, Sturgeon tha se pavarësia është në krye të agjendës së saj, por shtoi se këtë vit nuk do të ketë debat të projekt-ligjit të referendumit në parlamentin skocez.

Sturgeon tha se qeveria skoceze tani do të rifillojë punën me një prospekt të detajuar, që do t’u paraqitet votuesve nëse do të ketë një fushatë referendumi për pavarësinë nga Mbretëria e Bashkuar.

Duke folur në parlamentin skocez në kryeqytetin Edinburgh, Sturgeon tha se “derisa dalim nga pandemia COVID-19, duhet të bëhen zgjedhje që do të formësojnë ekonominë dhe shoqërinë tonë për dekadat e ardhshme”.

“Cili parlament duhet t’i bëjë këto zgjedhje, Westminster (Mbretëri e Bashkuar) apo Holyrood (Skoci). Dhe, nga cilat parime do të udhëzohen. Këto janë pyetje të cilat nuk mund të shmangen, as të shtyhen derisa fundi tashmë është hedhur. Pra, ne synojmë të ofrojmë atë zgjedhje”, tha Sturgeon.

Siç theksoi ajo, “ne do të bëjmë këtë vetëm kur kriza me COVID-19 të ketë kaluar, por qëllimi është që të ndodh në gjysmën e parë të këtij parlamenti, para se të përfundojë viti 2023”.

Ajo theksoi se ata “do të sigurojnë që zgjedhje, kur të vijë, të jetë plotësisht e informuar”.

“Për këtë qëllim, mund të konfirmoj se qeveria skoceze tani do të rifillojë punën në prospektin e detajuar që do të udhëheq vendimin”, u shpreh Sturgeon.

Në janar të vitit 2020, para se pandemia COVID-19 të përhapet jashtë Kinës, parlamenti skocez votoi në favor të një referendumi të dytë të pavarësisë.

Pas votimit, Sturgeon kërkoi një urdhër të seksionit 30, që do ta bënte të mundur mbajtjen e një referendumi të ri të pavarësisë nga qeveria qendrore e Mbretërisë së Bashkuar, por kërkesa e saj u refuzua nga kryeministri britanik, Boris Johnson.

Në një letër të fundit drejtuar ministres së parë skoceze, Johnson tha ai “nuk do të pajtohet me asnjë kërkesë për një transferim të pushtetit që do të çonte në referendume të mëtejshme të pavarësisë”.

Referendumi i parë në Skoci

Referendumi i parë që kërkoi nga votuesit skocezë të votojnë nëse duan të lirohen nga Mbretëria e Bashkuar u mbajt në vitin 2014, vetëm dy vite para referendumit historik mbi Brexit-in të cilin Skocia e refuzoi me vendosmëri.

Qeveria e Mbretërisë së Bashkuar nën kryeministrin e atëhershëm David Cameron premtoi një mirëkuptim më të mirë për skocezët nga parlamenti në Westminster, si dhe “pushtete të reja të gjera” për parlamentin skocez.

SNP-ja, partia që udhëhoqi fushatën e pavarësisë, kishte besim të plotë se vendi do të mbijetonte dhe madje do të ishte më mirë jashtë Mbretërisë së Bashkuar.

Por skocezët refuzuan ndarjen nga pjesa tjetër e Mbretërisë së Bashkuar, pasi pak më shumë se 2 milionë vota (55,3 për qind) votuan për të mbetur pjesë e Mbretërisë së Bashkuar, ndërsa 1.62 milionë (44,7 për qind) votuan për pavarësinë.

Johnson dhe konservatorët skocezë kanë mohuar në mënyrë të përsëritur idenë e referendumit të ardhshëm për pavarësi, duke e quajtur referendumin e vitit 2014 një ngjarje që vjen “një herë në jetë” dhe që provoi se skocezët preferojnë bashkimin.


blank
blank
blank
blank
blank
blank
blank
blank
blank
blank
blank
blank
Send this to a friend