Një aleat kryesor politik i Vladimir Putin ka adoptuar një fëmijë të rrëmbyer nga një shtëpi fëmijësh në Ukrainë, siç rezultoi nga dokumentet e zbuluara nga BBC.

Putin dhe fëmijët e vjedhur të Ukrainës

BBC hetoi se çfarë ndodhi me më shumë se 40 fëmijë të marrë nga forcat ruse nga një shtëpi fëmijësh në Kherson. Investiguesit, duke punuar me gazetarë në Ukrainë, zbuluan çertifikata të falsifikuara të lindjes, një adoptim sekret dhe gjurmë provash që të çonin deri në parlamentin rus.

Sergej Mironov, lideri 70-vjeçar i një partie politike ruse, përmendet në regjistrin e birësimit të një vajze dyvjeçare, e cila ishte marrë në vitin 2022 nga një grua me të cilën ai tani është i martuar.

Të dhënat tregojnë se identiteti i vajzës është ndryshuar në Rusi. Z. Mironov nuk i është përgjigjur kërkesave për koment. Fëmija, e quajtur fillimisht Margarita, ishte një nga 48 që u zhdukën nga Shtëpia Rajonale e Fëmijëve Kherson kur forcat ruse morën kontrollin e qytetit.

Ata janë në mesin e rreth 20,000 fëmijëve që, sipas qeverisë ukrainase, janë marrë nga forcat ruse që nga fillimi i pushtimit të plotë në vitin 2022.

Në fillim të këtij viti Gjykata Penale Ndërkombëtare (ICC) lëshoi urdhër-arreste për presidentin Vladimir Putin dhe Komisionerja e tij për të Drejtat e Fëmijëve, Maria Lvova-Belova, për dërgimin e paligjshëm të fëmijëve ukrainas në territorin e kontrolluar nga Rusia, me synimin për t’i larguar ata përgjithmonë nga vendi i tyre.

Qeveria ruse thotë se nuk i merr fëmijët ukrainas, por i evakuon ata për t’u mbrojtur nga lufta.

BBC punoi me hetuesen ukrainase të të drejtave të njeriut, Victoria Novikova për të zbuluar se çfarë ndodhi me Margaritën dhe fëmijët e tjerë. Zonja Novikova ka përgatitur një dosje me prova të reja për zyrën e prokurorit të përgjithshëm të Ukrainës, e cila do t’ia dorëzojë GJPN-së.

Misteri rreth Margaritës filloi kur një grua me një fustan ngjyrë jargavani u shfaq në spitalin e fëmijëve Kherson, ku 10-muajshja po trajtohej për një periudhë të bronkitit në gusht 2022.

Margarita ishte banorja më e re e shtëpisë së fëmijëve të zonës, ku ndodhedhin fëmijët që kishin probleme mjekësore, ose prindërit e të cilëve kishin humbur kujdestarinë ose kishin vdekur.

Nëna e Margaritës kishte hequr dorë nga kujdestaria menjëherë pas lindjes së saj dhe nuk dihej as vendndodhja e babait të saj.

Dr. Nataliya Lyutikova, e cila drejtoi trajtimin e foshnjave në spital, tha se ajo ishte një foshnjë e buzëqeshur që i pëlqente të përqafonte njerëzit.

Margarita kur ishte 10-muajshe