VOAL

VOAL

Copyright © 2022

VOAL

GJAKOVË: DREJT MITINGUT TË POEZISË, JUBILAR, TË 60 ME RADHË- Cikël poetik nga EQREM BASHA- Përgatiti për botim MUHARREM KURTI

April 1, 2023
RUBRIKA: Krijues të shquar të letërsisë bashkëkohore shqipe, ish pjesëmarrës dhe fitues i çmimeve në Mitingun e Poezisë.
Eqrem Basha (1960, Dibër). Botoi librat me poezi: Poli-ptikon ( 1974), Yjedet (1977), Udha qumështore (1986), etj. Ka fituar çmimin libri më i mirë në Mitingun e Poezisë e vitit 2009.
Ka shkruar tregime dhe romane, por me poezinë e tij zë një vend te rëndësishëm në poezinë shqipe bashkëkohore dhe është i përfshirë në antologjitë e poezisë shqipe bashkëkohore me shumë hapësirë.
Poezi të Eqrem Basha:
.
HYRJE NË KUPTIMIN E NJË VETMIE
.
Gjendet diku një shtëpi e braktisur
mure gërvishur me kulm të përkulur
në oborrin e saj bari i paprerë
pluhuri i pafshirë dera e patundur
.
një qen e ruan
.
një njeri i vogël i harruar
mjekërparruar flokkërleshur
shëtit lart e poshtë sillet si i çmendur
fytyrëhumbur shpresëkëputur
qenin e kërkon
.
KUMRIA
.
ia prenë qafen ditën që lindi
i thanë – je zog i egër
në dac si ndjell fluturo qiejve
një klloçkë është me butë se ti
.
ia vunë shiritin e zi rreth fytit
e mësuan të këndojë
terë jetën një këngë
i thanë – je zog i egër
po deshe dhi flori
një shotë është më e butë se ti
.
ia prenë fatin
kur ndaheshin zogjtë e qiellit
me zogjtë e tokës
dhe e lanë tërë jetën
te endet qiejve
dhe të këndojë
gu-gu-gu
gu-gu-gu
gu-gu-gu
.
NJERIU ME BOTËN NË PËLLËMBË
.
Odë mesit
.
ne të mesmit
u lindem diku në mes
qamë me një mezozë
u mbështetem me një puplin të mesëm
as të shtrenjtë
as të lirë
ne të mesmit
s’u ngritëm
as ramë
lamë pak zbrazëti në fillim
pak në fund
që të mos na thyhen tehet
ne të mesmit
në mes të ditës hamë
në mes të sofrës ulemi
në mes të listës gjendemi
.
SHTËPIA E VJETËR
.
ka rënë gjethi i ftoit
.
dërrasa të kalbura
që do të digjen për dimër
përhapin erë myku
.
nuk hapen e mbyllen dritaret
vetëm gjethi i ftoit
plaket e zverdhet
  • twitter
  • facebook
  • linkedin
Fjalë kyçe: ,

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend