Kreu i Partisë Demokratike, Sali Berisha, ka publikuar foto nga takimet e tij me zyrtarë evropianë gjatë pjesëmarrjes në Kongresin e 37-të të CDU-së në Berlin.
Gjatë vizitës, Berisha u takua me Kryeministrin e landit të Renanisë Veriore-Vestfalisë, Hendrik Wüst, ish-eurodeputetin Elmar Brok dhe deputetin e Bundestagut Gjerman, Volkmar Klein.
Gjithashtu, ai zhvilloi takime me ish-Presidentin e Ukrainës, Petro Poroshenko, dhe Kryetarin e Bashkisë së Berlinit, Kai Wegner.
Gjithashtu, Berisha ka takuar edhe deputetin e njohur të Bundestagut Gjerman, Olav Gutting, anëtar i Kryesisë së Grupit të CDU-së në Bundestag, reporter për financat. “Mik i shqiptarëve”, e ka quajtur Berisha atë.
Kjo shënon vizitën e parë jashtë Shqipërisë për Berishën që nga heqja e masës së sigurisë “arrest në shtëpi”. Për këtë udhëtim, ai mori leje nga SPAK, pasi vijon të jetë nën hetim nga autoritetet shqiptare.
(BalkanWeb)