Çifti i Artistëve të mirënjohur Florian Vlashi & Rediana Lukaçi mbështesin talentet e reja shqiptare të prezantohen përmes koncerteve në Spanjë. Ishte një kohë kur artistët e talentuar shqiptarë pasi linin vendin e ndërtonin suksesin e tyre duke nisur nga niveli zero, pa asnjë mbështetje dhe me sakrifica të mëdha. Tani ka ardhur koha kur Artistët shqiptarë me një aktivitet të shkëlqyer në skenat e Europës mbështesin talentet shqiptare.
Lexuesit po i sjellim statusin në rrjetit social të violinistit të shquar Flarian Vlashi si më poshtë vijon:
“Dy koncerte të suksesshme në Spanjë të Klaudia Gjinit, pianistes durrsake 16 vjeçare me një talent të jashtëzakonshëm.
“Në Bienalen Netët e Muzikës Klasike që krijuam në Durrës në verën e vitit 2003 është dhe Konkursi për Talentet e Rinj të qytetit.
Fituesin e konkursit e ftojmë në Spanjë për koncerte.
Kjo ftesë, ku përfshihen çdo gjë që nga udhëtimi e deri tek muzetë, nuk paguhet nga buxheti i Bienales, as nga ai i Bashkisë apo i ndonjë enti spanjoll, por nga unë dhe ime shoqe, Rediana.
Në fillim menduam të krijonim nje çmim me vlerë monetare, por na u duk më e arsyeshme një ftese e tillë.
Kështu, fituesi apo fituesja njihet me një vend e me një kulturë të madhe siç është Spanja, dhe, koncertet që japin aty nuk mbeten vetëm në CV por edhe në memorien dhe formimin e tyre.
Në të vërtetë, ky është një borxh që i kemi qytetit tonë dhe shkollës ku kemi studjuar, një borxh që nuk deshëm të ishte vetëm një fjalë sterile.
Por, dua të pohoj edhe diçka tjetër: tek secili nga këta fëmijë unë takohem me veten time nxënës. Edhe unë kam ëndërruar atëhere për një ftesë të tillë që nuk erdhi kurrë. “
(Florian Vlashi)