VOAL

VOAL

Please Wait ...
0%

Europa rilind në Çamëri! – Nga Azgan HAKLAJ

By | April 22, 2019

Komentet

GRAFIKËT: Rusia “hakmerret” ndaj Shqipërisë? Dyfishon taksën e drithërave për eksport

Marrëdhëniet mes Rusisë dhe Shqipërisë pritet të acarohen edhe sa i përket çështjeve ekonomike.

Kjo pasi qeveria ruse ka vendosur të dyfishojë taksën e drithërave për eksport.

Për grurin, rritja do të jetë nga 25 euro për ton aktualisht, në 50 euro për ton, duke filluar prej datës 1 mars, me vlefshmëri të paktën deri më 30 qershor të këtij viti.

Për elbin dhe misrin ndërkohë, rritja fiksohet nga 10 euro, në 25 euro për ton, nga 15 marsi deri më 30 qershor.

Ky dyfishim i taksës vjen me qëllim që të frenojë rritjen e çmimeve në tregun e brendshëm. Vendimi pritet të ketë ndikim dhe do të prekë edhe Shqipërinë, pasi vendi ynë pjesën më të madhe të importit e merr pikërisht nga Rusia.

“Rusia dëshiron të rrisë taksën e saj të eksportit të grurit në 50 euro (60.68 dollarë) për ton nga 1 mars deri më 30 qershor, nga 25 euro për ton taksë e vendosur për 15 shkurt deri më 1 mars“, tha ministri i ekonomisë Maxim Reshetnikov, duke cituar rekomandimet nga një nënkomision tarifor.

“Ekziston një nevojë për të parandaluar presionin e mëtejshëm mbi çmimet e brendshme”, tha ministri në një deklaratë. Ministria e Bujqësisë dhe ministritë e tjera thanë se e mbështesnin idenë.

“Rusia do të vazhdojë taksimin e eksporteve të grurit në sezonin e marketingut që fillon në 1 korrik dhe do të përgatisë një formulë për këtë, në vend të tarifës aktuale fikse”, tha ministri.

Shqipëria gjatë vitit të kaluar ka importuar nga Rusia 43% të totalit të drithit nga importi. Bëhet fjalë për rreth 157 mijë ton, e cila me taksën e vjetër, atë ende në fuqi deri më 1 mars, përkthehet në rreth 4 milionë euro taksa importi. Pra, dyfishimi i kësaj takse, me një afat të paktën 4-mujor, ka një kosto jo të papërfillshme për Shqipërinë.

“Scan Intelligence Unit” ka përpunuar të dhënat e instat për importin e drithërave gjatë muajve mars-qershor të vitit të kaluar, Me Rusinë, nga ku rezulton se kemi importuar rreth 58 mijë ton, të cilat përkthehen në rreth 1.45 milionë euro taksë. Po kaq do të jetë edhe rritja. Pra, në rast se Shqipëria do të vazhdojë edhe këtë vit të jetë e varur nga gruri rus, atëherë, fatura paraprake flet për të paktën 1.45 milionë euro kosto shtesë.

Nga ana tjetër, në rast se importuesit vendas do të vendosin ta shmangin këtë kosto shtesë, do të detyrohen të importojnë nga vendet e tjera kryesore në këtë treg, të cilat rezultojnë të jenë: Serbia dhe Ukraina, të paktën bazuar në të dhënat e vitit të kaluar, por edhe ato të viteve të shkuara.

Ditët e fundit mes Moskës dhe Tiranës pati një përplasje për çështjen e dëbimit të një diplomati rus nga Shqipëria. Ministria e Jashtme deklaroi se diplomati rus kishte shkelur masat anti covid dhe për këtë ai duhet të dëbohej nga Shqpëria brenda 72 orëve.

Nga e saj, Kremilni e cilësoi si të turpshëm dhe të pavërtetë një vendim të tillë, duke deklaruar se do të ketë një përgjigje nga ana e saj.

Zëvendësministër i Punëve të Jashtme të Federatës Ruse z. Aleksandër Grushko deklaroi se  “Moska ka pritur me hidherim të madh vendimin për dëbim të diplomatit rus nga Tirana. Ky është një provokim i qartë që synon përkeqësimin e marrëdhënieve ruso-shqiptare dhe natyrisht, ky hap jomiqësor nuk do të mbetet pa përgjigje. Një nga parimet themelore në diplomaci është reciprociteti, dhe askush nuk e ka hequr atë”.

Tashmë beteja mes Moskës dhe Tiranës nuk do të zhvillohet vetëm në planin eknomike, por edhe në të ekonomik.

Mafia ne Catanzaro ndersa …..koka ne Tirane ! – Nga Adriatik Riza Dosti

….E ndyre, neveritese dhe e peshtire mu duk sot konferenca – justifikuese e Rames ne Tirane lidhur me pergjimet e fundit qe jane bere publike reth lidhjeve mafioze te Tij e te bandes se tij me klanin e njohur mafioz te pertej Detit …
U pyet për Mafian…dhe u përgjigj për. ..rreshkitjen e dherave….vetëm kaq mjafton për të kuptuar ti o popull se deri në ç’ grade ka mbërritur tallja e poshtërimi ndaj teje …
Dhe nuk e di pse mu kujtua ajo shprehja e famshme e diktatorit Hoxha i cili sa here qe e sulmonin ate e Shqiperine e tij socialiste thoshte …Armiku na ka ne gryke te Pushkes ndersa ne e kemi ate ne gryke te Topit …
E teksa bindet edhe me skeptiku e me budallai se Toto Riina ishte ne Itali e Toto Rama eshte ne Shqiperi si per ta marre pak me humor e sportivitet mu kujtuia edhe nje shprehje e fameshme e nje komentatori te shquar anglez futbolli i cili pasi Brazili fitoi per here te trete Kupen e Botes ne 1970 pat thene…futbollin e shpikem ne dhe Kampion i madh u be Brazili !
Keshtu ma do mendja se duhet te thone tashme edhe italianet per Mafian e tyre…ne e shpikem dhe e krijuam …shqiptaret po bejne namin !
Kushedi sa keq e sa te varfer duhet te jene ndjere ata te Ndraghetas sot teksa degjuan qe kryeministri i Shqiperise i katandisi vetem me nje Dyqan rrobash pune ne Tirane e asgje me shume se kaq …
Shqiperi hesapi do kene menduar …ndofta pronat e pasurine mund t’ju a kete marre a sekuestruar shteti shqiptar …sic ka bere zakonisht ne te tilla raste prej 76 vjetesh me reforma agrare, sekuestrim prone, floriri e pasurie private …tufezime , ligj te llojit 7501 etj etj …dhe me siguri do jene bere gati ta hedhin Shqiperine e Ramen ne Gjyq Nderkombetar …
Dhe del Toto Rama yne e nis e ligjeron ne ate lloj forme sa besoj se sot do kete bere me ”turp ” edhe me ta paturpshmin mafioz italo-shqiptar kendej e pertej Detit …dhe nis e mbron ate lloj ”Ceshtje” qe nuk do kishte Avokat ne bote sado i super paguar te ishte qe ta merrte persiper e jo me ta mbronte ….
Dhe eshte po ky Toto Rama yne koka e vertete e Ndraghetes qe dje i doli ne mbrojtje Saimir Tahirit kur po ne lidhjet mafioze me Italine shpertheu skandali i tij me Drogen, Habilajt etj etj …
Jo tha Totua yne…Saje qorrin e kam Ministrin me te mire prej krejteve …dhe kaq u desh e Saja jo vetem qe i shpetoi burgut por as qe guxoi me te fliste e te ngacmonte Folene e Grenxave dhe Rama e banda e tij jane aty ku jane e mbeten keta qe mbeten …
Serisht Totua yne i del ne mbrojtje Fatmir Xhafes kur shpertheu skandali i te vellait te tij …pergjimet me Babalen , lidhjet e pista mafioze me Italine etj etj …dhe Xhafa u largua duke bere nje pakt Goje-mbyllje me Ramen dhe ky i fundit i dha Xhafes nje dore per ta percjelle te vellane ne Itali e per ta lene Fatmirin rehat ne Tirane …
Totua yne i del ne mbrojtje edhe Llesh-kimikut kur ky i fundit vret ne dere te shtepise nje djalosh shqiptar 25 vjecar te pa fajshem e teksa e urdheron qe doreheqjen do ta japesh kur dua une e si dua une ..ndaj prit sa te kthehem une ne Shqiperi e pastaj jepe …dhe te nesermen po Rama e quan doreheqjen e tij dinjitoze dhe vete Lleshin person me Integritet !
I vjen radha per mbrojtje nga Totua yne …Veliut kreut te policise shqiptare doreheqjen e te cilit po e kerkonin ngulshem shqiptaret …jo ju tha Rama atyre serisht…Veliun nuk e dorezoi edhe sikur 500 mije te mblidheni ju ne shesh moret vesh apo jo ?
E sot i doli ne mbrojtje edhe Mortjes se Tiranes perversit prej Terpani …Veliajt qe mesa duket ka kohe qe eshte i perlyer e i zhytyr ne llum e qelbesirllik koke e kembe por as pa lejen e as pa urdherin e tij sikurse as pa ndarjen e pjesen e tij te atyre ”pak milion eurove” qe burojne nga rrafshimi i Teatrit Kombetar e i cdo gjeje qe ka te beje me fytyren, traditen, historine e identitetin e Tiranes zevendesuar tashme me kulla pa mbarim ngado e kudo …
Totua yne i doli ne mbrojtje edhe pjestareve te tjere te kabinetit mafioz te tij …keshtu po me te njejten lloj fytyre qe as i skuqet e as i zverdhet as i nxihet e as i zbardhet ai mbrojti Ogerten nga skandali i te hedhurve prej dritareve e ballkoneve te Spitaleve tona e me keq akoma edhe nga tmerri i fundit makaber me emrin Tirja e Sanatoriumit…
Po te njejten mbrojtje Toto Rama ju ka bere dje edhe Ilir Beqes e Vilmes qe se bashku me te ne krye ju vodhen e gllaberuan shqiptareve miliona euro permes Check Up …dializave e shiringave, ilaceve e aparaturave mjeksore …mjekesise falas etj etj
Po keshtu Toto Rama ka mbrojtur edhe Olten qe shkonte per fushate partie ne Diber me Helikopterin e forcave te armatosura te ushtrise shqiptare Anetare e NATO-s …
Po me te njejten gjuhe agresive e poshteruese Toto Rama ju ka dale ne mbrojtje edhe banditeve te tipit Gjiknuri me shoke qe ju vodhen votat shqiptareve ne 2017 e ku BILD i nxorri lakuriq e ku Drejtesia e Totos sone ”me lezet e profesionalizem” i mbylli dosjet 184 e 339…fiks ne kohen e duhur !
Me te njejten forme Totua shqiptar mbrojti edhe kryehajdutin e bandes se tij Arben Ahmetajn nga vjedhjet, grabitjet e abuzimet e tij te pa fundme aq sa sot gati 2 vjet pas termetit askush nuk guxon te pyese morepo ku shkuan 1.2 miliarde euro fonde nderkombetare e pse ende trecereku i te demtuarve nga Termeti jane pa shtepi e flene ende neper cadra e konteniere.
Ishte po Toto Rama qe mbrojti e vazhdon te mbroje edhe Vucicet, Batonet e Thacet qe po duan ende te ndajne e coptojne Kosoven…e eshte po ky kapo bande qe kerkon ”te mbroje” edhe ceshtjen e Detit me greket, ate te Portit te Durresit me arabet, te Aeroportit te Vlores me turqit etj etj …
Por harron i ziu se populli thote qe nuk mbulohet dot Dielli me Shoshe dhe nuk mbrohet dot Mafia as me Hilat e as me Kopilat …
Dhe them keshtu pasi nje nga me qelbesirat -mbrojtese te Rames e bandes se tij …Burri i Rudines…nje fare palacoje e sharlatani i neveritshem vertet Dritan Hila ka shkruar sot ne FB e tij se…tre leckamane te Catanzaros kerkojne te bejne namin…se Catanzaro eshte nje lloj Leskoviku shqiptar …se Drejtorit te Policise shqiptare po ti mbushet mendja i ble te tre ata me gjithe fis …
Wouuuu vertet kaq i pasur qenka ky Drejtori i policise shqiptare o Burri i Rudines e ti o klyshi i Toto Rames?
Po kaq i trashe je o koqe kandari sa nuk e kupton dot qe vetem me kete shprehje bere publike ne faqen tende te FB ti ke nxjerre lakuriq e ke vertetuar pikerisht ate qe thone e pohojne te gjithe tashme andej e kendej Detit se Mafia vertet eshte ne Itali por koken e kapo banden e i ka ne Tirane ….
Dhe teksa kujtoj ate te famshmen kenge te Ali Pashe Tepelenes …trupi ne Stamboll …koka ne Athine …( dhe jo në Janinë) …ndermend me vijne ca vargje qe shume shpejt besoj se do kendohen masivisht aty ne Atdheun tim te masakruar si kurre me pare…trupin ne Catanzaro koken ne Tirane kupen se c’e derdhe ndaj edhe te vrane !
A.R.DOSTI

AKADEMIKU I RI – Nga Salih Kabashi

Sot Ramush Haradinaj, me sabah drite, është futë për të mos dalë kurrë nga ASHAK (Akademia e Shkencave dhe Arteve të Koshovsh).
Akademik Haradinaj kësodore është bërë, pas Josip Broz Titos, mashinbravari i dytë anëtar i këtij nstitucioni më të lartë të dijes, shkencave e të arteve.
Akademiku i ri ka kryer tri fakultete për dy muaj, tri magjistratura për dy ditë dhe doktoratën për një mbasdite. Ndërsa nuk dihet nëse e kishte të kryer shkollën fillore.

Fjalë e ëmbël shprese – V e t ë v e n d o s j e! – Shënim meditativ nga BAJRAM SEFAJ

Lisbonë, 2016, foto: Fatmir Alijaj

 

 

 

Riprodhimin e këtij i një shënimi meditativ të bashkëpunëtorit tonë,  Bajram Sefaj, e imponoi çasti aktual i zgjedhjeve të parakohshme në Kosovë

 

     Fjalë e ëmbël shprese – V e t ë v e n d o s j e!

(VV nuk do të thotë, asgjë më shumë së Vendos Vetë!)

————————

 

Shqiptar, mos rri, po duku, shqiptar!

                                                                              Mjaftë punove për të tjerë,

                                                                              Kujto vendin, o fatkeq,

                                                                              tek e lerë dhe tek heq!

( A. Z. Qajupi)

——————-

 

Ç’prej se, për herë të parë, u ndesha me fjalën V e t ë v e n d o s j e,  aq shumë me entuziazmoj, me emociono e frymëzoj, sa që përnjëherë, u bëra simpatizues, (fan, sikurse thuhet sot) i saj!

Gjithmonë e përherë me ka pëlqyer, me ka kënaqur, dhe, disi vetvetiu, me ka mbushur shpresë plot. Në fillim, sikur nuk e njihja. Sikur nuk e kisha dëgjuar, kurrë më parë, në jetën time!

Hezitoja, nuk e shqiptoja fare, nga se me brente ndërgjegjja, mos e kisha lexuar gabim, mos fjalën V e t ë v e n d o s j e, e përziej dhe e ngatërroj me fjalën, si e pistë, të ishte: v e t ë q e v e r i s j e!

Digresion: pa e kërkuar askush prej meje, një gjë të tillë, ja se me jepet rasti të mirë, të rrëfehem para altarit të shenjtë publik që, kurrë, ama bash, asnjëherë në jetë, fjalët bashkim-vëllaznim e vetëqeverisje, nuk i  shqiptova, as nuk i shënova në letër, përgjatë karrierës sime të bujshme si gazetar shumëvjeçar.

Kurrë!

Kurrë e përjetë!

Ama, hiç bre!

Asnjëherë!

Nuk e  bëra këtë (“krim”!), as  atëherë kur me shtrënguan, as atëherë kur me kërcënuan e me kanosen, ta bëja këtë. Nuk i shqiptova (fola) në mikrofon, as nuk e shënova (në letër), në shtypin e shkruar, nga se, kurrë e përjetë, me bindje të pa lëkundur, për asnjë çast, asnjëherë, nuk besova në sinqeritetin dhe vërtetësinë tyre!.

Le t’i flasin, le t’i shkruajnë, le t’i shqiptojnë, e le t’i hanë e lë të bëjnë ç’të duan me to, ata që i shpikën (lexo: shpifen!) ata që, kurrë pa ia nda, i përdornin me shije dhe me apetit, i shqiptonin!

Thefshin qafën e u përqafshin me dreqër të mallkuar, me gjithë fjalët e tyre e mos u kthefshin më!

*

Pa u ndalur e menduar shumë, pa reflektuar sa duhet, mbi domethënien e fjalës Vetëvendosje, sikurse thashë më lartë, kisha përshtypjen se, nuk e di pse, këtë fjalë do të ngatërroja me fjalën vetëqeverisje!

Kjo dilemë e mëdyshje. vinte si pasojë e asaj se ishim ngopur e stërngopur, me përdorimin gjithë ditën e lume, të fjalëve bashkim-vllaznim, (ose anasjelltas, vllaznim-bashkim), vetëqeverisje e të tilla trille. Këto fjalë përdoreshin aq shumë e aq shpesh, sa ta çanin trapin, sikurse thonë në Shqipërinë tonë të dashur. Nga përsëritja, me dhjetëra herë në ditë, mos më shumë, mos më shpesh, sidomos në mjetet e informimit publik gjithandej, në tërë shtypin e ditës (dhe të natës), të shkruar dhe atë elektronik, radio-televiziv, atëbotë, por edhe në retorikën e përditshme të “faktorëve” politikë. Barinjve të pjellës se ligë të tyre, bashkim-vllaznim, pa vëllaznim! Fjalët bashkim-vllaznim, vetëqeverisje, ndërkohë, u zvetënuan aq shumë, u qelben e u leckosen, u bën zhele-zhele, gati të hynin në fondin (hambarin) e ashtu të quajturave fjalë të zbrazura kuptimi!

Kur një ditë, krejt papritmas, si prej qiellit, (jo të kthjelltë, sikurse thuhet zakonisht, në të këtilla raste), por, prej një qielli të surmë, me plot arna e shtëllunga mjegullash, të zeza futë, si një dritë në fund të një tuneli të gjatë e të errtë e të shpresë fare, lindi (shkëlqeu) fjala plot dritë e shkëlqim:  V e t ë v e n d o s j e!

Me mirëseardhje e prita këtë fjalë: Vetëvendosje që, prirë nga intuita gjeniale, e kishin zgjedhur prijatarët ideorë të saj, për ta vë në krye të lëvizjes që, si flamur  kushtrimi do t’i çojë përpara, deri në FITORE!

Sado që në fillim, në hapat e parë të saj, kjo lëvizje e re, u manifestua e brishtë, si filiz i porsa lindur.

Pa përkrahje të duhur nga ana e masave të gjera popullore. Vazhdimisht duke pasur mbi krye gjarpinjtë katilë, analfabetë të pa mëshirë që, përmes shantazheve, dredhive e manipulimeve dinake dhe djallëzore, që vetëm ata i dinë, t’i prodhojnë e t’i perfeksionojnë duke i përdorur përditë e më shumë, provuan t’ia shtypnin kokën kësaj bime të re, të brishtë që, megjithatë, si selvi do të rritet, do të lëshojë shtat e, do të ngrihet deri në qiellin e pashpresë, të Kosovës së pashprese. Drejt Qiellit e Diellit Si shpresë e dritë mbi horizontin e saj përshkëllirë!

Të  mos zgjatëm, fjalën Vetëvendosje e desha gjithmonë. Për kuptimin madhështor që ka. Njëmend, sado që e vonuar me shekuj, ishte koha e fundit, të vijë dita kur, populli i shumëvuajtur shqiptar i Kosovës (shqiptarët përgjithësisht), të VetëVendos, njëherë e përgjithmonë. Të vetëvendos vetën e vetë, për të ardhmen e vetë. Boll më, tepër madje, fati ynë, në duart e tjetërkujt, në duart e një tjetri. Kushdo e ngado qoftë ai. Ta kenë të qartë, njëherë e përgjithmonë, se çfarë do të thotë fjalëformimi (kompozita) VetëVendosje, në gjuhën shqipe. Për të qenë akoma më e qartë, e  sjell atë në origjinal Cамоопредељење, në alfabetin cirilik, madje!

Koha e Vetëvendosjes, sado që vonoi, megjithatë erdhi. Erdhi më gjashtë (6) të muajt historik Tetor 2019. Fitorja e Madhe e Vetëvendosjes, e kësaj Force të re, jo vetëm politike, kësaj frymëmarrje të re, si ilaç, për mushkëritë e drobitura të njeriut tanë, erdhi vetëm pak ditë pasi unë, aderova, në radhët e saj. “Erdha unë e, çdo gjë u krye”!, them unë, me qesëndi kur qeshurinë e mbuloj me kallëzimin e anekdotës së Lepurit që, sa herë dehet, e banë kërdinë!

Njëmend, ashtu është: kontributi im, ndihmesa e një të moshuari, kushdo qoftë ai,  çfarë mund të jetë?

Kurrfarë!

Pos shprehjes së admirimit, dashamirësisë dhe të gëzimit për çdo aksion a ndërmarrjeje të kësaj force të re politike, ashtu siç i gëzohet prindi, çdo hapi të ri që ndërron evlati i tij!

VetëVendosjes, ia fala ditët e fundit të  jetës!

S’jam pishman, përkundrazi, krenohem!

E bëra këtë pastër, pa asnjë aspiratë e lakmi plaku, pos kërkesës që VetëVendosja, të me dhuroi sa më shumë çaste lumturie. Në jetën time në ikje!

———————

 

Legjenda:

Nuk është një dosje përgjimesh, por një MEGA operacion antimafia – Nga ALBA KEPI

Për të vërtetën!
Nuk është një dosje përgjimesh, por një MEGA operacion i ekzekutuar nga dy institucione kryesore të sigurisë kombëtare italiane, Departamenti Antimafia e Policia kundër krimit ekonomik e Financiar, pra Guardia di Finanza.
Nuk është telefoni i babalës që shqyhet nga politika për interesa privatiste, por është puna në terren e mbi 300 forcave policore për të cilët shteti italian ka investuar në shkollim, përgatitje e punësim në luftën kundër mafias.
Nuk është ditari i Nikut që mbyllet kur e vendos Miku , por një hetim i nisur prej 4 vitësh e që po vazhdon.
Nuk është shumëfletëshi kalendarik që shfaq figura femrash e burrash për interpretime të lira, por një dokumentim analitik e kronologjik i fakteve e provave, që vihen në dispozicion të policisë gjyqësorë e nën përgjegjësinë profesionale të hetuesvë më të mirë.
Nuk është derri i ëgër që mbërrin enkas nga Kalabria, por fabrika e mishit, djathit, këpucëve, pantallonave etj që konfeksionon rrotën e sallamit.
Nuk është metri katror më i shtrenjtë se në qendrën historike të Romës, por janë gratacelat përqindprodhuesë që i shpojnë shpirtin qiellit të Tironës.
Nuk është rastësia e mafiozit të vëtëm, (nuk ka mafiozë të vetëm), por klani, familja, territori, sektori që i shërbën “rastësisë shumëfatëshe” të tij.
Nuk është fushata ë 2021, (sa me autoprotagonizmën e vishni veten) por fitorja e paralajmëruar e 2017 sic thojnë “miqtë e juaj” në përgjime.
Nuk janë “të fortit” që po shtojnë bandën , por 50 masa ndalimi, ndër 87 persona të hetuar, mes të cilëvë, politikanë, financierë, karabinierë, klerikë, sipërmarrës e mafiozë.
Nuk është dashakeqësia për të prishur imazhin, por shans i te gjitheve për të folur o heshtur.
Sa për faktet e provat, e vërteta be continued…

BIRN – Skeda – Pasuria e Majkos, si e bleu apartamentin 129 mijë eurosh ministri i Diasporës

Ministri i Shtetit për Diasporën, Pandeli Majko deklaron pasuri familjare në vlerën e 19.8 milionë lekëve, por rezulton me burime të pamjaftueshme financiare për të justifikuar shtesën e pasurisë në dy vite të deklarimit.

Nga BIRN

Pandeli Majko ka një karrierë të gjatë politike në Shqipëri, i zgjedhur dy herë si kryeministër dhe për 6 legjislatura si deputet i Partisë Socialiste në Kuvendin e Shqipërisë. Në kabinetin e kryeministrit Edi Rama, Majko u zgjodh ministër Shteti për Diasporën pas zgjedhjeve parlamentare të vitit 2017.

Pandeli Majko ka mbaruar studimet e larta në Fakultetin e Inxhinierisë Mekanike në Universitetin e Tiranës në vitet 1986-1992 si dhe ka kryer studimet për drejtësi në vitet 1994-2000.

Karriera politike e Pandeli Majkos nisi si kryetar i FRESSH në vitet 1992-1995. Ai ka mbajtur dy herë postin e Sekretarit të Përgjithshëm dhe Kryetarit të Grupit Parlamentar të Partisë Socialiste si dhe dy herë postin e ministrit të Mbrojtjes gjatë qeverisjes socialiste.

Z.Majko ka qenë gjithashtu kryetar i Delegacionit shqiptar në Asamblenë Parlamentare të NATO-s si dhe anëtar i Komisionit për Çështjet Ligjore, Administratën Publike dhe të Drejtat e Njeriut.

Ky raport është prodhuar nga BIRN pas administrimit të deklaratave të pasurisë së ministrit Pandeli Majko nga Inspektoriati i Lartë i Deklarimit dhe Kontrollit të Pasurive dhe Konfliktit të Interesit, ILDKPKI. Ai ka për qëllim bërjen e transparencës mbi pasuritë e anëtarëve apo ish-anëtarëve të Këshillit të Ministrave gjatë viteve 2013-2020.

Në deklaratën e parë të dorëzuar në ILDKPKI në vitin 2003, Pandeli Majko deklaronte pasuri familjare me vlerë 5.7 milionë lekë, ndërsa në fund të vitit 2018 pasuria ka shënuar rritje me 3 herë, duke kapur vlerën e 19.8 milionë lekëve.

Majko zotëron familjarisht pasuri të patundshme me vlerë 15.9 milionë lekë, likujditete bankare prej 2.3 milionë lekësh, kursime në cash prej 950 mijë lekësh dhe një automjet me vlerë 500 mijë lekë.

Të ardhurat familjare për periudhën deklaruese janë 46.4 milionë lekë, nga të cilat 56% kanë si burim pagën e Z. Majko dhe gati 4% pagën e bashkëshortes. Të ardhurat nga dhënia me qira e një apartamenti përbëjnë 36% të totalit, ndërsa 3% të tjera janë siguruar nga shitja e pasurisë së patundshme.

Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’  që identifikohen gjatë kontrollit. BIRN kreu kontrollin aritmetik/logjik për 15 vite të deklarimit, nga të cilat dy prej deklaratave rezultuan me probleme.

Në vitin 2005, Z. Majko deklaron blerjen e një automjeti me vlerë 6 mijë USD si dhe pagesën vjetore të kësteve të një kredie prej rreth 829 mijë lekësh, pa pasur asnjë të ardhur personale apo familjare për vitin, duke rezultuar me burime të pamjaftueshme financiare prej 1.4 milionë lekësh.

Majko rezulton me burime të pamjaftueshme për të justifikuar shtesën e pasurisë edhe në vitin 2008, kur deklaron një kontratë sipërmarrjeje për blerjen e një apartamenti me çmim 129 mijë euro. Në vitet në vazhdim, deklaruesi jep të dhëna kontradiktore për këstet e paguara dhe detyrimet për apartamentin, të cilat nuk përputhen as në vlerë dhe as në kronologji.

Psh, në vitin 2010, Z. Majko deklaron se kontrata e apartamentit përbëhet nga kësti i parë prej 39,400 euro, kësti i dytë prej 40,000 euro dhe kësti i tretë prej 8000 euro. Në vitin 2011, ai deklaron se ka mbetur si detyrim kësti i tretë prej 16,630 euro, ndërsa në vitin 2012 deklaron se nuk është paguar kësti i tretë prej 42,000 euro.

Përfundimisht në vitin 2018, ai deklaron se kësti i papaguar është 21,600 euro. Bazuar në këto deklarime, Z. Majko rezulton me diferencë negative në vitin 2008 për shtesën e asetit në vlerën e 8.4 milionë lekëve.

Lajçak: Shkëmbimi i territoreve do të ishte shumë i rrezikshëm

Shkëmbimi i territoreve mes Kosovës dhe Serbisë do të ishte “shumë i rrezikshëm”, ka thënë për gazetën franceze “Le Monde”, përfaqësuesi i Posaçëm i Bashkimit Evropian për dialogun Kosovë-Serbi, Mirosllav Lajçak.

Sipas tij, dialogu i lehtësuar nga BE-së është ndërprerë për shkak të zgjedhjeve në Kosovë. Duke folur për mundësinë e arritjes së një marrëveshjeje gjithëpërfshirëse mes Kosovës dhe Serbisë, ai ka thënë se “asgjë nuk ka mbaruar derisa gjithçka të ketë mbaruar”.

Në lidhje me rolin e Shteteve të Bashkuara në këtë proces, Lajçak ka thënë se administrata e presidentit amerikan, Joe Biden “ndjejnë një përgjegjësi historike për shkak të angazhimit politik dhe njerëzor të SHBA-së në rajon”.

I dërguari i BE-së për dialogun tha se BE-ja kishte bashkëpunuar më parë me Sekretarin e ri të Shtetit në SHBA, Anthony Blinken dhe nënskretaren për Çështjet Politike, Victoria Nuland. “Uniteti amerikano-evropian është një faktor kryesor për suksesin në Ballkan”, ka thënë Lajçak.

I pyetur për idenë e shkëmbimit të territoreve midis Serbisë dhe Kosovës, Lajçak u përgjigj se vendet e rajonit ishin kundër “sepse kanë frikë se ngjarjet mund të dalin jashtë çdo kontrolli”.

Përveç kësaj, Bashkimi Evropian, sipas tij, ka investuar shumë në politikën e “evropianizimit dhe përfshirjes së Ballkanit në familjen evropiane, që do të thotë ndërtimin e shoqërive demokratike multietnike” dhe “ridizajnimi i kufijve është në kundërshtim me atë ideal dhe do të nënkuptojë se ne kemi dështuar”.

I pyetur se si e shikon rritjen e ndikimit të Kinës në Ballkan, ai tha se BE është partneri më i madh tregtar, investitori më i madh në Ballkanin Perëndimor dhe ofron ndihmën më të madhe atje. “Ajo (Kina) nuk mund të ofrojë më shumë se ne”, tha Lajçak.

Dialogu politik mes Kosovës dhe Serbisë, me ndërmjetësimin e Bashkimit Evropian, ka nisur më 2011.

Takimi i fundit në mes të krerëve shtetërorë të këtyre vendeve është zhvilluar në shtator të vitit të kaluar.

Prej atëherë, nuk është zhvilluar takim i nivelit të lartë.

Deri në zgjedhjen e Qeverisë së re të Kosovës, Brukseli zyrtar ka paralajmëruar se nuk do të ketë takime në kuadër të dialogut.

Zgjedhjet e parakohshme parlamentare në Kosovë do të mbahen më 14 shkurt. rel

VALLZIMI QË NDRROI RRUGËN E JETËS TIME, DHETOR 1957 – Nga FILIP GURAZIU

Adoloshenca mund të përkufizohet edhe kështu: ” Mosha në të cilen shoku dhe shoqnia përbajnë , mbas dashunisë familjare, gjanë ma të shtrejtë në jetë “. Së paku, ky asht konceptimi i im, rezultat i eksperiencës së jetës. Shokët e fëminisë në Shkodër ( Ndoku, Viktori, Bepi, Franko, Franci, Tonini) ishin edhe shokët e adoloshencës së parë; me ta ndajshe eksperiencat e para në jetë, gëzimet e para, sukseset e para, shqetësimet e para dhe sekretet e para. Na bashkonte mendimi politik, na bashkonte aktiviteti sportiv, na bashkointe besimi dhe ndihma reciproke. Ndihesha fatlum në shoqninë e tyne dhe kurrë nuk mendojsha se ndoj herë kishim me u nda , por… jeta të ballafaqon me të paprituna…!
Në Shtator të vitit 1957, në moshën 14 vjeçare isha nxanës i vitit të dytë në Gjimnazin “29 Nandor”, Shkodër . Më përfundimin e semestrit të parë mësimor dhe me rastin e vitit të ri, drejtoria e shkollës kishte planifikue mbramje vallzimi me pjesëmarrjen e të gjithë nxanësave të vitit të dytë. .Jo vetem për mue, por për të tanë nxanësat ky lloj aktiviteti ishte nji risi dhe natyrisht e përjetojshim me emocione…U mundova me u veshë sa ma mirë për mbramjen e vallzimit; pantallona tip kilot ( si punë brakeshash në fund) dhe xhup leshi me fyt, i punuem prej nanës). Shkova pak me vonesë , mbramja kishte fillue: Në palestren e shkollës kishin vendosë në të tanë anët banka si ato të mencave ku ishin ulë nxanësat; djelmt dhe vajzat ishin grupue në pozicione të ndryshëm kurse në qender ishte vendi i orkestrës, fizarmonikë dhe kitarrë. Megjithse muzika kishte gjallni, fillimi i mbramjes ishte i “voktë” sepse asnjeni nuk po merrte iniciativen me shkue deri të grupi i vajzave për me i kërkue të drejten e vallzimit. Sapo ” ma guximtarët” e thyen akullin dhe filluen me vallzue , menjiherë mbramja mori ” hov” dhe vendi pothuej nuk mjaftonte për të gjithë ato çifte valltarësh. Vallzova edhe un, kjo lloj eksperience me jepte kënaqësi, te gjithë ishim të gëzuem.
Mbas do kohe, nji shoqe simpatike e klasës me të cilen kishim qenë së bashku qysh në fillore dhe kishim miqësi familjare me iniciale Ç.M. më dha me kuptue se donte me vallzue me mue. Vallzuem së bashku me ritmin e nji tango dhe në nji moment partnerja e vallzimit më thotë me za shumë të ultë dhe me shumë emocion; ” Filip, kam diçka shumë me randësi me të thanë, por ma parë due me më dhanë fjalën se njeriut të gjallë ske me ia tregue, sepse po fole e ma qite biseden, jeta e ime rrezikohet…!”
Mbasi u përbetova me sinqeritet , shoqia e klasës vazhdoi me lot në sy:” Sigurimi i Shtetit, nëpërmjet U.S. më ka ngarkue detyrën e raportimit për të tana bisedat që ban ti Filip! Rueje vedin dhe më ruej edhe mue! Po fole, më more në qafë!” U ngriva prej bisedës, megjithate gjeta forcë për me e falnderue me gjithe zemer shoqen besnike për ndihmën që më dha tue e sigurue se do të isha teper i kujdesëshëm.
Atë moment për mue mbramja mbaroi! Nuk vallzova ma dhe pak ka pak për mos me ra në sy për ndryshimin e gjendjes time shpirtnore u largova prej aktivitetit! Shkova në shtëpi i dërmuem shpirtnisht, ngjarjen e mbajta mbrenda vetes, ate natë nuk mbylla sy…
Ajo bisedë kishte ndryshue çdo gja mbrenda meje, nuk isha ma Filip i djeshëm, nuk kisha ma entuziazëm, deri shokët mu dukshin ndryshe, edhe qyteti kishte ndryshue, shkolla muk ishte ma ajo e para…
Pyetshe veten pse ky ndryshim në psiken time? A thue prej frigës?
“Altroego” prej thellësisë së shpirtit më dha përgjigje: -” Jo nuk asht friga, sepse ti nuk ke ba asgja kundër pushtetit e nuk ke ndërmend me ba asgja, por asht “neverija”; neverija që të shkakton politika e ndytë e “lufës së klasave”, neverija që ndinë dhe të futet në stomak, në bark, në gojë dhe gjithkund dhe të pshtjellon deri psikën kur ballafaqohesh me llomin, me intrigen, me shpifjen dhe me krimin.
Kjo neveri e neveritshme kishte shkërmoqë fillin e entuziazmit të adoloshencë së parë…!
Të nesermen vendosa: Do të largohem prej Shkodrës , axha Tonin dhe Dila në Tiranë më pritshin me krahë hapë! Do të provoj: vend i ri, jetë e re, shpresë e re!
Atë mbramje mblodha shokët për komunikimin e vendimit tim, tue i tregue thelbin, por jo bisedën dhe personin.” Duhet ta dini, iu drejtova, se jam dhe jemi të survijuem prej agjentave të Sigurimit, unë po largohem prej Shkodrës, ju tregohuni të kujdesëshëm, evitoni qëndrimin në grup! Nuk pat asnji diskutim, heshtje e plote, lajmi i bllokoi…!
Fati më ndihmoi, Tirana ndryshoi rrjedhën e jetës time, atje gjeta nji atmosferë krejtë tjeter…( ishin vitet e liberalizmit, pro politikës Hrushoviane)
Dy vite mbrapa , në 1959 u shpalla Kampion i Spartakiadës së Parë Kombëtare Sportive të Shkollave të mesme në basketboll që u zhvillue në Shkodër dhe po ate vit në Shtator, u nderova me Medaljen e Artë të Spartakiadës së Parë Kombëtare Sportive ( të rritun) si lojtari ma i dalluem në sportin e basketbollit.
Falë ” vallzimit fatal” jeta e ime ndryshoi… dhe rritmi i ” vallzimit të ri” më tërhoqi me forcën e tij…, por…por, Zig-Zagu i ” luftës së klasave” më doli përpara gjatë tanë jetës e deri sot që po shkruej këto rreshta!
F.G.
( Pjesë prej librit” Dromca kujtimesh” i derguem për botim)

Ka reaguar pianistja Etrita Ibrahimi për dekorimin e Ylli Bakës nga Presidenti i Republikës

Janë kthyer në dramë kombëtare vlerësimet e pamerituara që shteti dhe shoqatat ndajnë nëpër individë të zakonshëm që nuk kanë asnjë impakt as në kulturë, as në komunitet, pra që nuk e meritojnë.

Ka reaguar pinistja Etrita Ibrahimi, e bija e kompozitorit të mirënjohur Feim Ibrahimi me një rast të ngjashëm, kur Presidenti i Republikës nderoi me dekoratë Ylli Bakën, një këngëtar të muzikës tallava.

Më poshtë po sjellim reagimin e zonjës Etrita:

“Domethënë na rroftë ne që studiojmë orë, ditë e javë të tëra për të realizuar një koncert si ai i yni që u transmetua mbrëmë në RTSH…! Po s’patëm miliona klikime, s’meritojmë asgjë…!
Po mirë ne s’vlekemi hiç, po atyre si puna e babait tim, që kanë ndërtuar historinë e muzikës shqiptare, si t’ia bëjmë? Se titujt duhet t’ia kishit dhënë me kohë, por nuk duken as në horizont…! Apo s’ka rëndësi as kjo, se fundja kush janë ata..?! Se mos kanë miliona klikime…!
E rëndësishme është tallavaja…ajo ka miliarda, jo vetëm miliona, klikime…!
Bravo Mr. President…të kemi njësh, s’kam ç’them tjetër!!!”

ICG: Tri mundësi për kompromis ndërmjet Kosovës dhe Serbisë

VOA

Grupi Ndërkombëtar i Krizave (ICG), tha të henën në një raport se janë tri mundësi të zgjidhjes së problemeve ndërmjet Kosovës dhe Serbisë.

Në raportin me titull “Rinisja e bisedimeve Kosovë-Serbi”, Grupi ndërkombëtar i Krizave thekson se njohja e pavarësisë së Kosovës nga ana e Serbisë, autonomia për serbët e Kosovës dhe shqiptarët në Serbi si dhe ndryshimi i kufijve, janë tri mundësi që do të mund të çonin deri te kompromisi ndërmjet dy vendeve.

“Janë disa shpresa që një kombinim i trysnisë, miliarda ndihmë për zhvillim dhe investimet për Serbinë, së bashku me sigurinë e anëtarësimit të shpejtë në Bashkimin Evropian, mund të lëvizin atë drejt njohjes së Kosovës pa lëshime të rëndësishme nga Prishtina”, thuhet në raport si një nga mundësitë e kompromisit.

Mundësia e dytë e kompromisit ndërmjet Kosovës dhe Serisë sipas raportit do të ishte dhënia e statusit të autonomisë për serbët e Kosovës.

“Sipas këtij opsioni, një rajon serb i përbërë edhe nga dhjetë komuna me shumicë serbe do të kishte ligjin e vet themelor, parlamentin, forcën policore, gjykatën dhe burimet e financimit. Prishtina do të merrej vetëm me mbrojtjen, punët e jashtme, politikën monetare dhe disa ligje zbatimi. Lugina e Preshevës do të merrte të njëjtën, ose një grup të ngjashëm, të të drejtave autonome. Duke mbështetur më parë këtë mundësi, Grupi i Krizave ka vërejtur se kjo përfaqëson një ‘terren të mesëm’ që do të mund të ‘respektojë vijat e kuqe të Prishtinës’, ndërsa lejon Veriun e Kosovës të vetëqeverisë (ashtu siç bën tani) pa ndërhyrje dhe me përfshirje të gjerë nga Serbia”, thuhet në raport duke nënvizuar se megjithatë një ide e tillë mbetet thellësisht jopopullore në Kosovë.

ICG thekson se mundësia e tretë për një marrëveshje kompromisi në mes të Kosovës dhe Serbisë është ndryshimi i kufijve apo i njohur si shkëmbim i territoreve. Sipas raportit, pavarësisht kundërshtimit të fortë të shteteve të Bashkimit Evropian, një ide e tillë mund të jetë çelësi për zhbllokimin e mosmarrëveshjeve ndërmjet Kosovës dhe Serbisë.

“Ndoshta tërheqja më e madhe e mundshme për të dyja palët, një shkëmbim do të lejonte secilin të pretendojë fitoren. Beogradi do të mund të thoshte se e ka detyruar komunitetin ndërkombëtar – duke përfshirë shtetet e mëdha, të fuqishme si SHBA dhe Gjermania për të bërë një marrëveshje me kushtet e saj. Shteti i Kosovës do të përfitonte njohje ndërkombëtare”, thuhet në raport duke nënvizuar se megjithatë një ide e tillë në Kosovë vazhdon të mbetet jopopullore ndërsa shton rrezikun e efektit domino në vendet tjera të rajonit posaçërisht në Bosnje dhe Hercegovinë.

Grupi ndërkombëtar i krizave thekson se pa ndryshimin e qasjes së Prishtinës dhe Beogradit zyrtar, nuk mund të arrihet një marrëveshje gjithëpërfshirëse.

“Kushtetuta e Serbisë kërkon që çdo marrëveshje që i jep pavarësinë Kosovës duhet të miratohet përmes një referendumi, por udhëheqësit politik në Serbi nuk kanë bërë asgjë që të përgatisin votuesit për kompromiset që duhen të bëhen që të arrihet marrëveshja. Kosova nuk përballet me kërkesa të tilla kushtetuese, por udhëheqësit e saj mund të vendosin që ta vënë në votim marrëveshjen për hir të legjitimitetit dhe në çdo rast do të duhej të përgatisin publikun për lëshimet që duhen bërë për të arritur një gjë të tillë”, thuhet në raport.

Raporti i bën thirrje edhe partnerëve të jashtëm të Kosovës që të përgatiten për bisedime pa ndonjë zgjidhje dhe të mbështesin Kosovën drejt integrimeve ndërkombëtare, lidhjet ekonomike, të sigurisë dhe politike me pjesën tjetër të botës. “Këto lidhje nuk do të sigurojnë qëndrueshmërinë që mund të sigurohet vetëm me një zgjidhje politike për pavarësinë e Kosovës, por duke ndihmuar në zbutjen e frustrimit dhe inatit. Ato mund të ofrojnë disa mundësi modeste për përparim në mes të një situate që është lejuar të acarohet për shumë kohë”, thuhet në raport.

Kosova dhe Serbia sivjet mbushin dhjetë vjet që nga fillimi i bisedimeve të lehtësuara nga Bashkimi Evropian për normalizimin e marrëdhënieve ndërmjet tyre, por ende nuk shihet fundi i tyre.

Bisedimet që rifilluan vitin që lamë pas, pritet të vazhdojnë në pranverë meqë aktualisht Kosova është në prag të zgjedhjeve të reja parlamentare. Sipas vëzhguesve kjo periudhë mund të jetë edhe kohë e ripërtëritjes së marrëdhënieve transatlantike që vlerësohen shumë të rëndësishme edhe për procesin e normalizimit të marrëdhënieve Kosovë – Serbi.

Ndragheta: Fitojnë miqtë tanë të PS, tiranasit s’janë ciganë si jugu dhe veriu

Anëtarët e Ndraghetas janë plotësisht të qartë se duke dhënë rryshfet mund të marrin çdo lloj pune në Shqipëri.

Krahas ndërtimit të grataçelave përmes kontakteve të ofruara nga biznesmeni i njohur si “Nik” në Bashkinë e Tiranës dhe nëpër ministri, ata janë të interesuar të futen edhe në biznesin e ndërtimit të hekurudhave dhe pse jo, në atë të prodhimit të mishit.

Mësohet se anti-mafia italiane ka përgjuar një bisedë mes Tommaso Brutto, Saverio Brutto, Luciano D’Alessdandro dhe Antonio Gallo ku ndër të tjera ata flasin për projektet në Shqipëri dhe me racizëm ndaj shqiptarëve në veri dhe jug.

D’Alessandro shprehet se në Shqipëri ka mjaft punë për të bërë dhe se ” nesër (më datë 26 qershor) ka zgjedhje në Shqipëri…dhe se do të fitojnë Partia Socialiste, miqtë e tij”.

Në bisedë e sipër, D’Alessandro shprehet se Tirana dhe Durrësi janë qendra e Shqipërisë dhe aty gjen njerëz të shkolluar dhe duan të bëjnë biznes, “jo si ciganët në jug dhe veri”.

Pjesë nga dosja e Anti-mafias italiane:

D’Alessandro i thotë BRUTTO Tommaso dhe GALLO Antonio se nesër do të ketë zgjedhje dhe se do të fitojnë Partia Socialiste dhe miqtë e tij.

Po bëjnë gjithçka për të hyrë në Evropë dhe nëse ka ndonjë trim që nuk dëshiron të qëndrojë në Itali dhe dëshiron të investojë para të vërteta…..në kuptimin që ju vini këtu dhe ata ….. Tirana dhe Durrësi janë në qendër të Shqipërisë, nuk janë ciganë si ata në veri apo në jug … të gjithë këta janë njerëz që kanë studiuar, të gjithë njerëzit shkolluar … të gjithë njerëzit janë që presin këtë ndryshim, ata duan të hyjnë në Evropë me çdo kusht dhe tani pas zgjedhjeve do të shihni çfarë do të ndodhë, atëherë ata kanë shumë hapësirë për të bërë biznes, ju e dini që importojnë 80% të mishit të derrit?“.

Ndër të tjera, ata flasin se kanë kontakte edhe tek veterinerët e Shqipërisë me qëllim që të futen edhe në tregun e mishit. D’Alessandro shprehet se ka miqësi me kreun e veterinerëve të Shqipërisë, “i cili jep mësim në universitet në Tiranë dhe Vlorë”.

“… çfarë dua te them?, është nje shoku im që është në krye të të gjithë veterinerëve në Shqipëri … i cili jep mesim në dy universitete, një në Vlorë dhe një në Durres që me tha sa tokë dëshiron?”, citon anti-mafia italiane D’Alessandro-n teksa flet për mikun e tij në krye të veterinerëve shqiptarë, i cili i ofron atij “sa tokë të dëshironte për fermë derrash“.

Në bisedën e korrikut 2017, D’Alessandro bën më pas një paralelizëm mes Shqipërisë dhe Rumanisë para se të futej në BE, ndërsa shprehet se më t’u formuar qeveria e re (pas zgjedhjeve të 2017), do të ketë mjaft punë për të bërë.

Ju transferoni një stallë (derrash sh.r) dhe unë ju bëj që t’i financojmë të gjitha … për bagëtinë dhe mbarështimin e derrave … sepse Shqipëria importon 90% të mishit, 90% të qumështit … e kuptoni çfarë do të thonë këto shifra? Ai (GALLO) ka të drejtë për 20 vitet e para, jo 30 vjet, është pak si Rumania, unë shkova në Rumani kur ajo nuk ishte ende në Evropë … kam shkuar atje për disa vite… dhe në ’99 nuk kishte asnj m*t..ishte një shkretëtirë, burokracia ishte zero..tani shikojeni Rumaninë..gjen gjithçka..“.

“Nëse hyn ministri shqiptar, e firmos direkt kontratën”! Zbardhen përgjimet e antimafias, kush është “Niku” biznesmeni i fuqishëm që drejton grupin në Shqipëri

Përgjimet e antimafias italiane ndaj disa sipërmarrësve dhe politikanëve (përfaqësuesve të grupit kriminal Ndrageta) kanë nxjerrë në pah skemën e korrupsionit në Shqipëri për të dhënë tendera dhe koncesione. Në përgjimet e zbardhura ditët e fundit del se për të qenë fitues i tenderave apo koncesioneve duhet që të bashkëpunosh me investitorët që kanë monopolin në Shqipëri dhe se 20% të shumës së fitimit duhet ta marrë “sekseri”, që siguron lidhjet me qeverinë apo zyrtarët e lartë.

Në përgjimet e antimafias shqiptare del edhe një person investitor shqiptar që është pranë personave me pushtet në Shqipëri dhe mund të sigurojë fitimin e tenderave. Antimafia e Katanzaros në Itali goditi pak ditë më parë një grup mafioz në Itali, ndërsa përgjimet telefonike të personave në hetim kanë zbardhur skemën se si mund të bëhet biznes në vendin tonë përmes korrupsionit në nivelet e larta.

Një nga sipërmarrësit e përgjuar (pjesë e grupit Ndrageta) e krahason Shqipërinë me Kalabrinë e viteve ‘60. Mes bisedave të përgjuara, janë ato ku sipërmarrësit Antonio Gallo (i njohur si princi) dhe Antonio Speziali flasin me avokatin Claudio Larussa, përfaqësues i politikanëve Tomaso e Saverio Brutto, të cilët janë njëkohësisht edhe sipërmarrës.

PËRGJIMET

Përgjimi i datës 5 maj 2017, ora 17:06, kohëzgjatja 15 minuta e 5 sekonda. Biseda zhvillohet në banesën e Tommaso Brutto, i pranishëm Ercole d’Alessandro, financieri italian i Katanzaros e Antonio Gallo.

Antonio Gallo: Kemi këtë projekt në Shqipëri, e kemi nisur… në sensin që kemi gjetur strukturën. Kemi bërë kompani me Saverion e për të përshpejtuar punë duhet të blejmë e të porosisim mallin… Jemi në një pikë të mirë.. Kemi një person shqiptar që thirret menaxher, që ka eksperiencë e administron gjithçka.

Ercole d’Alessandro: Unë kam lidhje të mira atje… më 22 qershor shkoj e kthehem më 25.

Antonio Gallo: Për tenderin nuk ka problem … shkojmë e firmosin… i merrni atje e i ndajmë…

Ercole D’Alessandro: Shoqërinë e keni bërë ju?

Antonio Gallo: Duhej bërë deri në njëfarë date, por nuk kishte problem, ndryshe nuk hapte dot më 22…

Tommaso Brutti: (i referohet djalit të Ercole d’Alessandro, ortak i sipërmarrjes në Shqipëri). Atëherë, i thuaj djalit tënd që më 22 të bëjë inaugurimin e të jetë patjetër aty…

Ercole d’Alessandro: Më 22 nisem nga Lamezia Terme e më 06:40 në mëngjes nisem nga Lamezia Terme, më 7:05 mbërrij në Fiumicino, e më 9:25 nisem për në Tiranë e mbërrij më 10″50…. Ministria më ka bërë këtë biletë…

Antonio Gallo: Në Shqipëri funksionon si Kalabria e viteve ’60, po gjete kanalin e duhur, bën para, ndryshe rrezikon ta fusin e atje ta fusin të gjithë. Atje nuk ka drejtësi e kur i hedh në gjyq… sidoqoftë, duhet të kesh kujdes dhe duhen verifikuar kontaktet që ata kanë, nëse janë të vërteta o jo.

Përgjimet e datës 7 korrik 2017, të përgjuarit nxjerrin në skenë një eurodeputet, që sipas tyre mund të influencojë në Shqipëri kundrejt 5% të aksioneve.

Tomaso Brutto: Di se Lorenzo Cesa mund të ketë kontakte edhe me politikanë në Shqipëri, ku është i njohur e Talarico, thotë se është i sigurt se ai si parlamentar europian mund të krijojë kontakte të mira të drejtpërdrejta me parlamentarë të tjerë europianë.

Tomaso Brutto: Kjo është e rëndësishme eh… është tjetër gjë kur Cesa të krijon një kontakt në Shqipëri… atje nuk është si këtu, një ministri në Shqipëri i jep…

Francesko Talarico: Uhh, korrupsion total..

Tomaso Brutto: Dreq… Po

Francesko Talarico: Treg i lirë

Francesco Talarico: E atje bën kapon ai… e Cesa i njeh dhe më një të këtyre Enteve, e kështu nis….

Tomaso Brutto: Po, po, është i aftë… mjafton t’i vendosim kontaktin Antonios, ai di si t’ia dalë…

Në faqen 506 në regjistrimet e bëra në 25 korrik të vitit 2017 shfaqet edhe interesimi për zhvillimet politike në Tiranë.

Ercole d’Alessandro: Nëse hyn ministri, ai i yni, do të na firmosë kontratën menjëherë.

Antonio Gallo: Rrugët e tua nuk ia japin shqiptarit e ne do ta kryejmë pa bërë që të kuptohet asnjë lëvizje.

Ercole d’Alessandro: Jo, jo, jo, po kujt shqiptari?

Ercole d’Alessandro: Do të shkoj me një të Romës që është atje prej shumë kohësh, është i Ministrisë sonë të Brendshme, e ka një sërë takimesh, mes të cilëve dhe me kryetarin e Bashkisë së Tiranës, me atë që është zgjedhur tani, do të shkojmë për darkë më 12 në mbrëmje. Do të jetë Vito Santacroce, Dedoni i djathërave, do të jetë një i Romës, e ndoshta vjen dhe ky Grifalco që ka pantallonat se do të hapë një fabrikë pantallonash atje… në shtator duhet të shkojmë e ndoshta gjejmë një vend për të qëndruar…

Ercole d’Alessandro: Më thotë ky që sapo të bëhet QEVERIA, sepse Europa po çon para atje… pra, sa të bëhet qeveria, do të bëjnë gjithçka, infrastrukturë, kanalizime… siç bënë në Rumani…

Pjesë nga biseda e datës 28 tetor 2017, ora 9:24 min e 37 sec.Në kokën e faqes numër 618 shkruhet: Gallo (Antonio) i shpjegon Spezialit, Larussa, e Brutti, mënyrën e veprimit në Shqipëri, për të marrë tendera në sektorin publik duke aluduar qartë ryshfetet.

Antonio Gallo: Ai është shqiptar, është President i këtij grupi atje në Shqipëri.

Antonio Speziali: Dhe në spitale mund të punohet…

Antonio Gallo: Nuk e di, por ai është President i Sol në Shqipëri, të gjitha spitalet, është pranë Kryeministrit, pranë kryetarit të Bashkisë së Tiranës, është një njeri i rëndësishëm.

Antonio Speziali: Ka shkuar Claudio (Larussa) atje me kryetarin e Bashkisë së Tiranës..

Antonio Gallo: Po, ka shkuar.

Tommaso Brutti: Si një muaj… një muaj

Antonio Speziali: Më thuaj, në Shqipëri, unë vërtet i kam impiantet, por jam pak skeptik t’i çoj… nëse i marrim e t’i çoj është mirë për mua, por jo që të ma hedhin… duhet dërguar personi i duhur. (Flasin për një person me emrin Nik, shtetas shqiptar)

Antonio Gallo: Atëherë, kam folur me këtë mikun tim, Nik, që më ka thënë se tipi që mori tri licenca për të ndërtuar në Tiranë… ka tri licenca në duar e për 180 milionë që duan, për të bërë ka 10 milionë.

Antonio Speziali: Realitet.

Antonio Gallo: Kërkojnë financierë më tha… gjejnë një sipërmarrës që është mirë e banka e financon… mund të bëhen para, pasi shiten 4 milionë 5 milionë për metër… gjysma e Tiranës.

Antonio Speziali: Apartamentet…

Antonio Gallo: Apartamentet. Ky ka në duar tri licenca gradaçelash, ky konstruktori.

Antonio Speziali: 4000 euro jo… 2700-2800 euro.

Tommaso Brutti: Për atë Perëndi, në qendër të Tiranës?

Antonio Gallo: Në gradaçelat e reja shiten 3800-4000 euro për metër katrorë dhe e di sa është kostoja e vërtetë? 510 euro.

Antonio Speziali: Po nëse e bën diçka luksoze…

Tommaso Brutto: A mund të flasim me këtë Nikun?

Antonio Gallo: Nëse je në Romë, më 9 nëntor vjen… është Presidenti i Grupit Sol në Shqipëri…… i oksigjenit, ka lidhje me spitalet, me Enel, me të gjitha ka lidhje …e ma tha qartë se tenderat duan 20% -shin më tha, por mund ta paguajnë ata (i referohet Nik)

Biseda, datë 29 nëntor 2017, ora 18:08.33, kohëzgjatja 5 minuta 09 sekonda Bashkëbiseduesit avokati Claudio Larussa e sipërmarrësi Antonio Gallo. Objekt i bisedës, hetimet e Guardia di Finanza ndaj bizneseve të Antonio Gallo. Nga minuta 3.10 biseda përqendrohet te bizneset në Shqipëri dhe flet edhe për Nik.

Claudio Larussa: Eh, por nuk arritëm në kohë… bëmë gjithçka… herës tjetër që do të shkojmë, do të marrim në telefon e do takojmë, është i mirë ky (i referohet Nik shqiptarit)..

Antonio Gallo: Po të thashë, ka kompaninë e pestë në Itali Fumagalli Sol ( Sol group), atë të oksigjenit, nuk është një leckaman…

Claudio Larussa: E ai është Presidenti?

Antonio Gallo: I Grupit Shqipëria, furnizon Shqipërinë, Maqedoninë, është President i gjithë grupit, jo administrator…

Claudio Larussa: E ka raporte, ka raporte…

Antonio Gallo: Me kryetarin e Bashkisë dhe me qeverinë…

Claudio Larussa: E ti tani kur do të shkosh?

Antonio Gallo: Në janar dua të shkoj, jo më parë, në janar them..

Claudio Larussa: Në janar flitet tani…

Antonio Gallo: Unë i kam shpjeguar Toto (i referohet Antonino Speziali, sipërmarrës) se kemi folur me Nik e më ka shpjeguar një seri situatash… në Tiranë ka një problem të thellë… janë disa sipërmarrës të fuqishëm që kanë licencë për të ndërtuar grataçela në qendër, e banka nuk i financon më… E nuk kanë të gjithë likuiditetin për të ndërtuar e kërkojnë ortakë për të bërë këtë operacion, atje merren katër, pesë mijë euro për metër2, ose gjashtë mijë….

Claudio Larussa… Interesante kjo…

Antonio Gallo: Nik më tha… e Saverio (Saverio Brutto) dëshiroj të investoj, kërkon të hyjë në ortakëri…

Claudio Larussa: Jo, duhet të bëjmë një fond, një fond siç e kam unë…

Faqja 643, përgjimi datë 19.02.2018, ora 14:40, kohëzgjatja 2 minuta

Vendndodhja: Shqipëri Biseda është mes Antonio Gallo, sipërmarrës, Saverio Brutto sipërmarrës e politikan kalabrez e shqiptarit Nik.

Nik: Çimento… ai merret me ndertim.

Saverio Brutto: Po.

Antonio Gallo: Po e bën CALME çimento (i referohet sipërmarrësit Antonio Speziali)… Merr tenderë… është një i fuqishëm… kur do vish në Romë ti?

Nik: Punime bën? Apo…

Antonio Gallo: Prodhon e bën punime…

Nik: Në kuptimin që a bën autostrada.

Antonio Gallo: I bën të dyja…

Nik: Apo shet vetëm materiale?

Antonio Gallo: Shet materiale

Saverio Brutto: Shet materiale

Antonio Gallo: E ndërton gjithashtu..

Nik: Nëse shet vetëm materiale, nuk di sa hapësirë mund të gjej e them, se janë dy-tri fabrika çimento këtu që kanë ekskluzivitetin se kujt t’i shesin, kanë bërë një monopol… kanë gurore… i kanë ata..

Saverio Brutto: I pashë sot… çfarë rastësie… kur po uleshim me avion, pashë dy gurore të mëdha…

Nik: Dhjetë gurore, por nuk është e thënë se nuk bëhet…

Nik: Njëri mund të merret me çimento, tjetri me guroren, meqë janë keq, sillet impianti e bëhesh pjesëtar… por nëse ai ka aftësitë e garat… në sensin, pra, që bën punime me çelësa në dorë, atëherë është më mirë, pasi arrihet vërtet… rrugët.. Punoni bashkë…

Antonio Gallo: Bën edhe këtë… Herës tjetër kur të vijmë…

Nik: Nja dy tendera…

Antonio Gallo: Janë? Kur skadojnë?

Nik: Duhet të dalin tani 60-100 milionë euro ,varet se në çfarë gjendje je me financimet..

Antonio Gallo: Po, këta janë mirë..

Nik: Nëse janë mirë, ka gjë tjetër për të bërë..

Antonio Gallo: Grataçelat më the…

Nik: Po si grataçelat dhe dy koncesione… një e bënë … duhet të bëjnë një tjetër PPP, autostradë, koncesione për 30 vite 50 vite…

Antonio Gallo: Jo po është një tjetër mik që…

Antonio Gallo: Janë disa persona, është një mik që ka fonde (me qëllim investimi Larussa-Gallo në Shqipëri).


Send this to a friend