Në kujtim të Agim Ramadanit, Heroit të Kosovës, komandantit të guximshëm, strategut të mprehtë, poetit dhe piktorit të talentuar, një figure të rrallë dhe shumëdimensionale që me vizion, vendosmëri dhe sakrificë e ktheu idealin e lirisë në realitet historik dhe la gjurmë të pashlyeshme në një prej periudhave më të ndritura të historisë sonë kombëtare. Sot, në 27-vjetorin e rënies heroike të tij në Betejën e Koshares në ballë të frontit çlirimtar, aty ku përgjithmonë u hoq guri famëkeq i kufirit, ai mbetet një emër i papërsëritshëm i një kohe që u jetësua nga guximi dhe bindja e pathyeshme se liria dhe drejtësia arrihen me sakrificë dhe mbrohen me dinjitet.