Edicioni i 46-të i festivalit përfundoi të dielën pas tre ditësh – u propozuan më shumë se 140 aktivitete, duke përfshirë lexime, diskutime, debate… dhe shfaqjen e finales së Eurovizionit.

VOAL- Edicioni i 46-të i Ditëve Letrare të Solothurnit përfundoi të dielën me një pjesëmarrje prej 18,500 vizitorësh gjatë tre ditëve të festivalit, bëhet e ditur në një lajm të ATS, transmetuar nga RSI. Fitorja e Nemo në Eurovision, bëhet e ditur, nuk kaloi pa u vënë re: organizatorët kishin planifikuar një shfaqje publike mbrëmjen e djeshme, e cila tërhoqi shumë të rinj dhe familje.

Midis të premtes dhe të dielës kishte 141 takime dhe 74 të ftuar, sipas njoftimit. Leximet, diskutimet dhe debatet u dominuan nga ngjarjet aktuale dhe sfidat politike, ekologjike dhe teknologjike. Bashkëdrejtorët e Ditëve Letrare, Rico Engesser dhe Nathalie Widmer, thanë se ishin të kënaqur me edicionin e dytë nën udhëheqjen e tyre.

VOAL- Nemo, ylli zviceran i Eurosong, u prit me brohoritje stadiumi në aeroportin e Zyrihut mbrëmë, pak pas orës 22:30, me pothuajse një orë vonesë, bën të ditur RSI. Rreth orës 23:00, 24-vjeçari u prit në sallën e mbërritjeve nga rreth njëqind fansa, kryesisht të rinj, të cilët festuan yllin e popit të mbështjellë me flamuj jobinarë në të verdhë, të bardhë, vjollcë dhe të zezë. Mes të pranishmëve edhe Erich Fehr, kryebashkiak i Bienne, qyteti i origjinës së artistit.

Ndërkohë, bëma e Nemos ka tërhequr vëmendjen edhe të politikanëve, bën të ditur RSI. Këshilltari Federal Beat Jans kontaktoi Nemon, duke e përgëzuar për arritjen e tij: “Me performancën tënde ke shkruar historinë e artit dhe kontribuove ndjeshëm në pranimin e komunitetit queer,” shkroi Jans. E gjithë Zvicra e festoi me shumë entuziazëm triumfin e Nemos. Carine Bachmann, drejtore e Zyrës Federale të Kulturës, vlerësoi artistin për “fitoren e tij madhështore” dhe e falënderoi atë në emër të departamentit të saj. “Kjo arritje projekton një imazh shumë pozitiv dhe inovativ të artistëve zviceranë, duke theksuar aftësinë e tyre për t’u shfaqur ndërkombëtarisht,” shtoi ajo. Drejtorja nënvizoi mundësinë unike që i hapet Zvicrës për organizimin e një ngjarjeje në shkallë të gjerë vitin e ardhshëm: “Aktiviteti përfshin 160 milionë spektatorë dhe gëzon një ndjekës të madh në mediat sociale. Kjo është thelbësore për të treguar se Zvicra është në zemër të Evropës si një ndërtim kulturor dhe mund të marrë pjesë aktive në të, gjë që sigurisht është pozitive për vendin dhe për të gjithë artistët zviceranë”.

Nemo i solli Zvicrës trofeun e lakmuar të Eurovizionit për herë të tretë

Eurosong 2024: këshilltarja federale përgëzon artistin për fitoren e tij, duke nënvizuar personalitetin e tij plot “ekzaminim, intimitet dhe guxim”

VOAL- Në një lajm të ATS, transmetuatr nga RSI, thuhet se triumfi i Nemo në Eurovision Song Contest 2024 (ESC) e kthen trofeun e lakmuar të këngës në Zvicër, pas fitoreve të largëta të Céline Dion, e cila përfaqësoi vendin në 1988, dhe Lys Assia, e cila fitoi në 1956. “ Ky trofe është shumë i rëndësishëm për Zvicrën”, komentoi artisti 24-vjeçar, “sepse artistëve të këtij vendi nuk e kanë gjithmonë të lehtë të bëjnë emër përtej kufijve”.

Dhe në vazhdën e këtyre konsideratave, Nemo mori urime nga personalitete të shumta, në radhë të parë nga bota e politikës. Elisabeth Baume-Schneider, përmes X.

Më pas, komplimente nga personalitete të tjera të parlamentit federal. Fitorja e Nemo është dëshmi se muzika zvicerane është “thjesht e mrekullueshme”, tha Këshilltari Kombëtar Stefan Müller-Altermatt (Qendra/SO). “Ju e keni bërë Zvicrën krenare dhe gjithë Evropën më të lirë”, i shkruante ai artistit Fabian Molina (PS/ZH).

Me këngën e tij, “The Code”, artisti nënvizon natyrën e tij jobinare dhe rrugën e ndërmarrë për të identifikuar identitetin e tij: një këngë magjepsëse e karakterizuar nga elementë të shumtë muzikorë, duke filluar nga rap, te drum e bas dhe lirike. Fitorja e Nemos dhe njohja e cilësive të tij ndikuan në bashkimin e të gjithëve në entuziazëm, në përfundim të një ngjarjeje që kishte regjistruar polemika dhe tensione të karakterit politik. Edhe dje, pak para finales, në Malmö u zhvilluan protesta kundër pjesëmarrjes në garën e Izraelit, në qendër të akuzave për ofensivën e tij në Gaza. Eden Golan, këngëtari që përfaqësonte shtetin hebre, më pas u përshëndet rëndë nga publiku në sallë.

Falë fitores së Nemos, edhe Zvicra ka fituar të drejtën e organizimit të edicionit të radhës të garës muzikore. Qytetet e Zyrihut, Bernës, Gjenevës dhe Bazelit janë treguar deri më tani si vende të mundshme për ngjarjen, bën të ditur lajmi i ATS transmetuar nga RSI.

Mungesa e fuqisë punëtore ndihet veçanërisht në sektorin e shëndetësisë

Si përgatitet vendi për mungesën e pritshme të qindra mijëra njerëzve në tregun e punës deri në vitin 2040?

VOAL- Në një analizë të Samuel Jaberg (swissinfo.ch), transmetuar nga RSI nënvizohet se mungesa e fuqisë punëtore është një realitet që prek tregun e punës, jo vetëm në Zvicër, pas përfundimit të pandemisë së koronavirusit. Shumë kompani kanë vështirësi të rekrutojnë staf për të përmbushur kërkesën e lartë, nënvizon analiza e thelluar e swissinfo.ch. Ndonëse muajt e fundit inflacioni ka zbutur paksa rimëkëmbjen ekonomike pas Covid-it dhe për rrjedhojë nevojën për fuqi punëtore, sipas të dhënave më të fundit nga Zyra Federale e Statistikave (FSO), në fund të vitit 2023 kishte ende më shumë se 110 000 vende të lira pune. Fenomeni është i destinuar të intensifikohet. Sipas shoqatave të biznesit, deri në vitin 2040 në tregun e punës do të ketë një mungesë prej gati 430 mijë personash, kryesisht për shkak të ndryshimeve demografike, nënvizon më tej analiza. “Ky efekt demografik është zbutur dhe do të zbutet deri diku nga emigracioni. Në përgjithësi, nuk është e lehtë të ekstrapolohet situata në tregun e punës, e cila po evoluon vazhdimisht”, nënvizon Françoise Tschanz, zëdhënëse e Sekretariatit Shtetëror për Çështjet Ekonomike (SECO).

Sipas Këshillit Federal, asnjë ndërhyrje e veçantë shtetërore nuk është e nevojshme për të shmangur mungesat në sektorë kyç të ekonomisë si shëndetësia, energjia apo transporti. “Tregu i punës funksionon shumë mirë. Formimi i dyfishtë profesional është një avantazh, pasi përshtatet vazhdimisht me nevojat e kompanive. Për më tepër, niveli i arsimimit në Zvicër është i lartë dhe është rritur më tej vitet e fundit”, thotë Tschanz. Kjo qasje liberale dhe optimiste ka funksionuar mjaft mirë për Zvicrën deri sot. Por ishte i suksesshëm vetëm falë fluksit masiv të fuqisë punëtore të huaj, veçanërisht nga vendet e Bashkimit Evropian. Që nga viti 2002, kur hyri në fuqi lëvizja e lirë e njerëzve, popullsia e vendit është rritur me 20%, duke arritur në 9 milionë. Një rritje demografike mbresëlënëse që nuk ka të barabartë në Evropë.

Artikulli origjinal është publikuar nga swissinfo.ch dhe është përshtatur nga ekipi redaktues i “dialogue”, rubrikë që ofron përmbajtje nga e gjithë Zvicra të përkthyera në të gjitha gjuhët kombëtare dhe anglisht, si dhe një hapësirë ​​për debat.

Zëvendëskancelari federal André Simonazzi ndërroi jetë për shkak të një sëmundjeje në moshën 55-vjeçare.

Zëdhënësi i Këshillit Federal ishte 55 vjeç – Ai vdiq të premten

VOAL- RSI bën të ditur se zëdhënësi i Këshillit Federal dhe zëvendëskancelari André Simonazzi, 55 vjeç, vdiq të premten gjatë një ekskursioni. Lajmin e ka dhënë vetë Kancelaria e Konfederatës.

Simonazzi, lexojmë në njoftimin për shtyp, “dikur pushonte në male. Të premten e kaluar, gjatë një prej ekskursioneve të tij të preferuara, ai u sëmur dhe vdiq”. Ai la pas një grua dhe tre fëmijë të rritur, të cilëve “anëtarët e Këshillit Federal dhe Kancelarja e Konfederatës shprehin ngushëllimet e tyre më të thella”.

Në nëntor 2008, André Simonazzi u emërua kancelar dhe zëdhënës i Këshillit Federal. Që nga 1 janari 2009 ka marrë pjesë në mbledhjet e Qeverisë, ka hartuar procesverbalet dhe ka trajtuar komunikimet. Në Kancelarinë Federale ai drejtoi seksione të ndryshme dhe shërbimin presidencial.

Shumë sy u drejtuan lart për fenomenin (e parashikuar) i cili ishte i dukshëm nga mesnata deri në agim

VOAL- RSI bën të ditur se, siç parashikohej nga astronomët në Observatorin Hubelmatt në Lucernë, natën midis të premtes dhe të shtunës, qiejt e Zvicrës, si dhe ato të pjesës më të madhe të Evropës, u ndriçuan nga Dritat Veriore. Fenomeni ishte i dukshëm nga mesnata deri në agim, veçanërisht në vendet më të errëta të prekura nga drita.

Në Zvicër ky është një fenomen i rrallë, por mund të ndodhë për shkak të aktivitetit të lartë diellor i cili, ndër të tjera, mund të shkaktojë probleme për satelitët e komunikimit dhe GPS.

Natën e kaluar ishte një stuhi gjeomagnetike e nivelit 5, që është maksimumi ekzistues, siç raportohet nga Agjencia Amerikane e Vëzhgimit të Oqeanit dhe Atmosferës (NOAA). Stuhia është shkaktuar nga mbërritja në Tokë e një sërë nxjerrjesh masive koronale nga Dielli.

Prishtinë, 10 maj 2024

Kryeministri i Republikës së Kosovës, Albin Kurti, zhvilloi një takim virtual me ish-Presidenten e Zvicrës, Micheline Calmy-Rey, një mbështetëse e palëkundur e vendit dhe pavarësisë sonë.

Znj. Calmy-Rey, e cila përveçse gruaja e dytë presidente e Zvicrës, më parë ka shërbyer edhe si Ministre e Punëve të Jashtme, ndau njohuritë e përvojat e saj dhe shprehu përkrahjen e vazhdueshme.

Në takim u diskutua dhe rreth marrëdhënieve të fuqishme dypalëshe mes Kosovës dhe Zvicrës, duke theksuar vlerat e përbashkëta dhe lidhjet historike që kanë bashkuar për një kohë të gjatë të dyja vendet.

Kryeministri Kurti shprehu mirënjohjen e tij ndaj znj. Calmy-Rey për mbështetjen e palëkundur, të cilën e ka treguar që përpara pavarësisë së Kosovës, dhe theksoi ndikimin pozitiv të avokimit të saj gjatë viteve. Ai theksoi gjithashtu se tri vitet e fundit kanë shënuar përparime të mëdha në zhvillimin demokratik dhe ekonomik të vendit tonë.

Çështjet kryesore të trajtuara gjatë diskutimit përfshinin po ashtu dhe rëndësinë e bashkëpunimit rajonal në nxitjen e stabilitetit dhe zhvillimit ekonomik në Ballkanin Perëndimor, si dhe përpjekjet e vazhdueshme të Kosovës në integrim evropian.

Kryeministri Kurti shprehu mirënjohjen për mbështetjen e Zvicrës ndaj anëtarësimit të Kosovës në Këshillin e Evropës, duke theksuar se ky hap është thelbësor për promovimin e sundimit të ligjit dhe të drejtat e njeriut në Republikën e Kosovës.- Zyra e Kryeministrit

Artisti nga Biel fiton akses në aktin final të EuroSong në Malmö – Kënga e tij “The Code” ishte ndër dhjetë më të votuarat në gjysmëfinalen e dytë

VOAL- RSI bën të diotur se këngëtari Nemo, i parashikuar si një ndër favoritët për të fituar garën evropiane, e çoi mbrëmë Zvicrën në finalen e Eurovision Song Contest që do të mbahet të shtunën më 11 maj. Artisti 24-vjeçar nga Bieli, nënvizon RSI, është ndër dhjetë më të votuarit në gjysmëfinalen e dytë që u mbajt në Malmö Arena mbrëmjen e së enjtes.

Qyteti i Bielit, sipas RSI, ishte në shesh për të mbështetur Nemon, një qytet të cilit artisti i kushtohet shumë dhe që ka ndikuar pozitivisht në karrierën e tij.

Kontributi i vendosur nga Qeveria do të shërbejë për të mbuluar nevojat më urgjente të popullsisë së Rripit

VOAL- RSI bën të ditur se Këshilli Federal i Zvicrës ka vendosur të ndajë 10 milionë franga pas apelit humanitar të nisur nga Agjencia e OKB-së për Refugjatët Palestinezë (UNRWA).

Kontributi, i vendosur në seancën e sotme të qeverisë, të mërkurën, do të kufizohet në Gaza dhe do të shërbejë për të mbuluar nevojat më urgjente të popullsisë: ushqim, ujë, strehim, shëndetësi bazë dhe logjistikë. Për alokimin do të konsultohen komisionet e politikës së jashtme të Dhomave, thuhet në njoftim.

Seksioni hekurudhor është normalisht i aksesueshëm përsëri pas daljes nga shinat e një autokolone BLS të dielën për shkak të gurëve që binin në shina

VOAL- Në një lajm të ATS, transmetuar nga RSI, bëhet e ditur se mëngjesin e së hënës, linja Simplon u rihap për qarkullimin hekurudhor, e mbyllur që prej të dielës në territorin italian pas daljes nga shinat e një treni BLS, shkaktuar nga gurët e rënë në shina.

Rritje e re në tremujorin e parë: në bazë vjetore janë 4,3% më shumë

VOAL- RSI, në një lajm të sotëm, bën të ditur se numri i punëtorëve ndërkufitarë aktivë në Zvicër u rrit në tremujorin e parë me 4.3% në bazë vjetore, duke arritur në 399,000 (398,991 për të qenë të saktë) në fund të marsit. Krahasuar me anketën e fundit, atë të kryer në fund të vitit 2023, rritja është 1.4%.

Rritja në nivel zviceran, thuhet në lajmin e RSI, është më e theksuar në sektorin terciar, +5,5% me bazë vjetore, krahasuar me sektorin dytësor (+1,5%). Më shumë se një në dy punëtorë ndërkufitarë jeton në Francë (228,918 njerëz në total), ndërsa ka 92,680 italianë dhe 64,706 gjermanë.