Ish-ministrja e mbrojtjes, Olta Xhacka aktualisht ministre e jashtme dha shpjegime në prokurorinë e posaçme përreth 85 minuta për privatizimin e bazës detare të Limionit në Sarandë.

Zyrtarja e lartë dhe zyrtarë të lartë të ushtrisë u kallëzuan për shpërdorim detyrë nga ish-zv-komandanti i Forcës Detare Artur Meçollari.

Ministrja Xhaçka, u pyet ne cilësinë e deklarueses dhe përpara se të hynte SPAK thumboi opozitën teksa tha se akuzat e bëra prej saj do të marrin përgjigje nga drejtësia.

“Padyshim që jam në dispozicion të drejtësisë dhe kjo është arsyeja për të cilën kemi punuar. Jemi në dispozicion të drejtësisë. Jemi pro për të kthyer përgjigje për të gjitha çështjet që duhet të gjykohen, nuk bëj përjashtim dhe për funksionin që kam. Është e mirëseardhur dita kur të marrim përgjigje nga drejtësia për këto shpifje për përdorimin e aseteve publik për arsye elektorale, por dhe alarmet false, që asete të cilat për fat të keq kanë qëndruar mes ndryshqeve do të kthehen në asete me vlerë, siç është rasti i portit të Sarandës. Nuk ndryshon as baza detare, që do jetë më emirë si një bazë ndihme për funksion të flotës së forcave të armatosura, por do jetë dhe një port turist. S’ka pasur asnjë shkelje ligji, gjithmonë në funksion të detyrës”, tha ministrja.

Baza e Limionit është vënë nën sekuestro preventive nga Gjykata e Posaçme.
Meçollari ka bërë dhe një kallëzim për bazën detare të Shëngjinit ku sipas tij është lejuar ndërtim nga një subjekt privat.

Në kuadër të këtij hetimi Meçollari u ballafaqua në SPAK pak ditë më parë me ish-shefin e shtabit të përgjithshëm të Forcave të Armatosura Bardhyl Kollçaku, aktualisht deputet i PS.bw