VOAL

VOAL

Please Wait ...
0%

I dënuari për aktivitete kriminale bëhet gjyqtar në Kushtetuese

By | May 19, 2018

Komentet

Visar Zhiti: Papa Françesku me duart e Tij bëri shqiponjën shqiptare, natyrshëm dhe shenjtërisht

Poeti dhe diplomati Visar Zhiti kujton një takim me Shenjtërinë e tji Papa Françeskun. Zhiti shkruan si më poshtë:

“Papa Françesku i qeshur, me kaq shumë dritë në sy, me duart e Tij bëri shqiponjën shqiptare, natyrshëm dhe shenjtërisht, kështu na duket neve, që e duam.

Ishte në një takim ndërkombëtar rinor. Ndërkaq kujtojmë porosinë që la gjatë vizitës në Shqipëri: “…mos harroni foletë dhe plagët…”.

Kur shqiponjën tonë e bën me duar dhe Shenjtëria e Tij,

lideri më i madh moral i botës sot, misionari i paqes së popujve,

atëhere ne besojmë ende më shumë se ai gjest është dhe i bukur,

domethënës, shenjë identiteti po se po, miqësor dhe paqësor, në fund të fundit dhe mirënjohje Qiellit të Vendit tonë…”, shkruan Zhiti.

Fiton Zvicra kundër Serbisë me rezultatin 2 me 1 – golat Granit Xhaka dhe Xherdan Shaqiri

Fiton Zvicra ndaj Serbisë me rezultatin 2 me 1 – golat Granit Xhaka dhe Xherdan Shaqiri!

Në pjesën e parë Serbia shënoi në minutën e 5′.

Në pjesën e dytë Zvicra kishte epërsi, loja u bë në portën e Serbisë me dy gola nga Xhaka dhe Shaqiri.

Shqiptarët urojnë për fitoren !

Të dy lojtarët pasi shenuan, përshëndetën me simbolin e shqiponjës!

 

 

Hopp Schwiiz! Fitore Zvicrës ! Të gjithë shqiptarët mbarë i urojnë Zvicrës fitore në ndeshjen Zvicër – Serbi

Të gjithë shqiptarët mbarë i urojnë Zvicrës fitore në ndeshjen Zvicër – Serbi.

Në skuadrën kombëtare të Konfederatës Helvetike luajnë katër lojtarë shqiptarë. Ata janë:

Valon Berami,

Xherdan Shaqiri,

Granit Xhafa

Blerim Xhemajli.

Hopp Schwiiz !

Cilësia e jetesës së shqiptarëve – 62% e popullsisë s’blejnë dot rroba të reja

Tingëllon e çuditshme, por pjesa më e madhe e familjeve shqiptare nuk arrijnë që të përballojnë blerjen e veshjeve të reja.

Pyetjes nëse anëtarët e familjes mund të përballojnë të blejnë rroba të reja në vend të të përdorurave, 62% e shqiptareve në Anketën e Cilësisë së Jetës, të realizuar nga Komisioni Europian, janë përgjigjur se nuk munden. Kjo përqindje është dukshëm më e larta në Europë, ku në renditje pas nesh është Maqedonia, me 42% të totalit, ndërsa mesatarja e Bashkimit Europian për të njëjtën pyetje është 15% (shih grafikun).

Anketa e Cilësisë së Jetës, që është kryer me vendet e Bashkimit Europian dhe Ballkanit Perëndimor ka matur këto tregues duke iu referuar tre variablave, si gjinia, mosha dhe niveli i të ardhurave.

Sa torturuese mund të jetë për një grua që të mos ketë mundësi që blejë një veshje të re. Në anketën e Cilësisë së Jetës 2016, në klasifikimin sipas gjinisë, 66% e grave në Shqipëria janë përgjigjur se nuk mund të blejnë dot një veshje të re.  Përqindja është shumë më e lartë krahasuar me vendet e rajonit. Pas grave shqiptare, renditen ato maqedonas, ku 43% e tyre janë përgjigjur se nuk mund të blejnë dot veshje të reja.

E njëjta situatë është edhe për burrat, edhe pse në përqindje më të ulët, ku 59% e të anketuarve thanë se nuk mund të përballojnë dot një veshje të re.

Për sa  i përket klasifikimit sipas moshës, të rinjtë janë ata që janë përgjigjur se mund të përballojnë që të blejnë rroba të reja.  Për grupmoshën 18-24 vjeç, 39% e të anketuarve janë shprehur se nuk mund të përballojnë që të blejnë rroba të reja. Grupmosha me përqindjen më të lartë është 35-49 vjeç, ku sipas rezultateve të anketës rezulton se 73% e tyre nuk mund të përballojnë. Kjo përqindje është më e larta në Europë. Vendi i dytë që raporton përqindje të lartë për mospërballimin të veshjeve të reja është Maqedonia. Megjithatë krahasuar për të njëjtën grupmoshë diferenca është shumë e madhe. Vetëm 40% (më pak se gjysma) janë shprehur se nuk mund të përballojnë dot veshje të reja.

Edhe për moshat mbi 50 vjeç,  pamundësia për t’u veshur me veshje të reja është e lartë. Rreth 68% e të pyeturve thanë se nuk mund të blejnë rroba të reja (jo të përdorura). Megjithatë në ndryshim me grupmoshat më të reja. Për këtë grupmoshë ulet diferenca midis vendeve të Europës Lindore, si Rumania, apo Bullgaria.

Në klasifikimin e tretë, ku ndarja bëhet sipas nivelit të të ardhurave, përqindjen më të lartë të individëve që kanë thënë se nuk mund blejnë dot rroba të reja e ka grupi i parë (të ardhurat më të ulëta). 85% e tyre janë shprehur se nuk mund të blejnë dot rroba përveç se të përdorurat. Për individët me të ardhura të ulët, përqindja është e lartë edhe në Bullgari, ku 74% thanë se nuk e përballojnë dot që blejnë rroba të reja.

Tek individët që grupohen në nivelin e dytë të të ardhurave, 72% nuk mund të blejnë, pasur nga Rumania me 65%. Ata që klasifikohen në grupin e tretë, më shumë se gjysma (53%) janë shprehur se nuk blejnë dot rroba të reja.

Edhe për të pasurit (që janë pjesë e grupit të katërt) përqindja edhe pse më e ulët se për dy grupet e tjera, është më e larta në të gjithë Europën.

 Pse kaq e vështirë për vesh-mbathur në Shqipëri?

Duket se arsyeja kryesore për përqindjen aq të lartë në mo përballimin e blerjeve të rrobave të reja janë çmimet shumë të shtrenjta.  Eurostat publikoi indeksin e nivelit të çmimeve. Sipas të dhënave të Eurostat, çmimet e veshjeve në Shqipëri janë sa 97% e mesatares europiane për këtë kategori (thuajse në të njëjtin nivel me Bashkimin Europian). Ndërkohë që po sipas të dhënave të Eurostat, niveli i të ardhurave për frymë në Shqipëri është sa 29% e mesatares europiane (më të ulëtat në rajon).

…kështu që lulëzon “gabi”

Me të ardhura të ulëta dhe me çmime të shtrenjta për rrobat e reja, biznesi i “gabit” ka lulëzuar në Shqipëri. Në 2017-n referuar të dhënave të INSTAT importi i veshjeve të përdorura arriti në 24 milionë euro, me një rritje me bazë vjetore prej 11%. Që prej vitit 2012, importet e veshjeve të përdorura janë rritur me ritme dy shifrore. Kjo është e dukshme dhe në numrin e lartë të dyqaneve që janë hapur në kryeqytet, që u shtuan dhe më shumë pas mbylljes së tregjeve masive. Tirana, si asnjë kryeqytet tjetër në Europë, ofron alternativa pa fund të varianteve moderne të “Gabit”, sidomos në lagjet rrotull qendrës.

Biznesi i mallrave të përdorura (kryesisht veshje, këpucë, çanta) u zhvillua menjëherë pas viteve ’90 kur vërshuan ndihmat dhe që mori emrin popullor “gabi”. Më pas, ritmi ra, teksa të ardhurat e konsumatorëve u rritën dhe preferencat u zhvendosën drejt veshjeve të reja.

Por vitet e fundit, tregtia e veshjeve dhe këpucëve të përdorura është “sofistikuar”, duke u zhvendosur nga rruga e fushat në dyqane të mirëfillta (që paguajnë taksa) dhe duke u bërë një prej bizneseve që po përfiton nga kriza.

Monitor

Fjala e fortë e Romir Zallës: Kuksianët të vunë flakën, kujdes me artistët!

Fatmira Nikolli – Ende pas shtatë ditësh nuk ka një përgjigje nga qeveria për projektligjin për çështjen e teatrit. Në të shtatën ditë, artistët dolën dje sërish në shesh të vendosur të mos tërhiqen. Në radhë të parë dje shihje Alfred Trebickën, Vasjan Lamin, Mehdi Malkën, Gent Zenelajn, Romir Zallën, Anila Bishën, Sokol Angjelin dhe si çdo ditë Robert Budinën, Adriana Tolkën. Në fillim u lexua një status i Ardian Vehbiut, që thoshte se do jetë skena, që do e vendosë fatin e vet. “Në rastin e një diktature që gëzon pushtet të plotë, qejfmbetjen e çon deri në vrasje. Artistët u mësojnë masave, se realiteti nuk është ai që duket. Ndaj më thoni pse i duhet pushtetit e diktaturës teatri, të mençurit e intelektualët. Çdo qeverie i duhen dembelë. Ndaj për këdo dashamirës teatri e për ata që s’kanë shkelur kurrë në teatër, në këtë tempull ruhet gjuha shqipe në më të mirën e saj. Historia ka treguar se e keqja nuk ndryshon”, tha Tolka. Më pas, aktori Kastriot Shehi, i cili recitoi dy monologë, njëri prej të cilëve me titull “Liria e të varfërve”, që tregon se si ata e morën urinë e tyre dhe e futën në shishe dhe shkuan ta shisnin.

Monologu u mbyll me një kryetar bashkie, që u fal të varfërve lirinë si dhe nga një karamele. Mandej, gazetarja Elsa Demo kujtoi se e ka filluar gazetarinë kur ai që është kryeministër shkatërroi shumëçka, duke përmendur se kinema “Republika” nuk është më, as kinema “17 Nëntori”. Më pas, fjalën e mori Romir Zalla, që në krye të herës tha se “nuk kemi ç’a themi më, se i kemi thënë të gjitha. Qëndresa jonë duhet të jetë, të vijmë e të rrimë këtu me javë e me muaj, sepse kjo është përtej nesh”. Ai shtoi “se vij përditë këtu”. “Kanë ardhur edhe turistë italianë. Ishin një çift dhe pyetën pse mblidhen këta njerëz. Kur u thanë që janë mbledhur se duan të shembin teatrin, gruaja bëri kryqin e iku. Jemi në kufijtë e absurdit. Njerëz që mblidhen e thonë ‘mos na e shembni teatrin’ – ju qofshi”, tha Zalla. Kujtoi se si asnjëherë tjetër, atë ditë para 5 muajsh kur u mblodhën të gjithë aktorët, ai ndjeu emocione. “Sot unë nuk mbaj mend ç’kam thënë kur diskutonim për ligjin në një sallë ku ishim më shumë se 100 veta. Ndoshta jemi më pak se atëherë, por i kuptoj të gjithë. Jam me ata që nuk flasin e qëndrojnë në hije – i kuptoj edhe ata. E di se çfarë hallesh kanë”, tha Zalla.

Ai theksoi se teatri po prishet përditë prej 20 e kusur vjetësh, që kur ndajnë në të vjetër e të rinj, të aftë e të paaftë, me rrogë e pa rrogë, të brendshëm e të jashtëm, në ata që ikin jashtë e bëjnë sukses, e në ata që vijnë nga jashtë që të bëjnë sukses këtu. “Prishja e kësaj godine është akti i fundit të kësaj prishjeje. Ata që janë në opozitë ishin arrogantë, e këta që janë tani në pushtet janë ende më shumë arrogantë. Por dua t’i them atij që tregohet arrogant se: t’i tregohesh arrogant me kuksianët e të vënë flakën, ti tregohesh arrogant me minatorët, por ata të vijnë në zyrë. Kujdes, ti po bëhesh arrogant me artistët, kujdes!”.

Zalla kujtoi se atëherë kur i thamë asaj zonjës ç’po bëni me atë ligj, ajo zonja na tha “nuk dini çfarë kërkoni” – ajo zonja nuk flet më sot.

“Na tha ‘ç’plasje keni’, ndërkohë plasja po i vjen nga gozhda poshtë karriges që të rrëzon nga karrigia. Këtu pas nesh duan të vënë 7 shishe uiski shumë të shtrenjta. Dy nga 7 kullat që ndërtohen janë shitur që tani. Janë dhënë zyrat me qira. Pronarët e sarajeve thonë nuk lëshojmë. Na kanë piketuar ne artistëve nja 20 vetëve do na japin nga 100 mijë euro e nga një apartament. Nuk po flas se kur të m’i japin, do i dhuroj për teatrin”.

Romeo Gurakuqi: Edi Rama ka vendosur ta bëjë karrrieren politike duke e hedhur Republikën në kaos dhe kombin ne shperberje!

Historiani i njohur dhe deputeti i Parlamentit të Shqipërisë Romeo Gurakuqi komenton në faqen e tij në rrjetin social situatën aktuale:

“Ai ka vendosur ta bëjë karrrieren politike duke e hedhur Republikën në kaos dhe kombin ne shperberje.

Nga Kulla e Surrelit, ai zbavitet me dramën që po i sjell popullit.

Mireqënia dhe pasuria e tij,

e protagonistëve kryesore te Rilindjes Socialiste dhe e shpurës së tyre lepirese,

u ngrit dhe po perforcohet mbi gërmadhat e shkatërrimit të shtetit,

parlamentarizmit,

europianzimit, institucioneve të lirisë, rrënimit të demokracisë, shtetit të së drejtës, laicizmit dhe albanianizmit.”

Mbyllet pakti me Greqinë, mediat greke: Ja kur pritet takimi Rama-Cipras

Ministri i Jashtem i Shqiperise, Ditmir Bushati dhe ai grek, Nikos Kotzias kane mbyllur ne Rodos marreveshjen mes Shqiperise dhe Greqise, aq shume te diskutuar prej kohesh.

 

Sipas mediave greke, nese nuk do te kete ndonje te papritur ne oret qe pasojne, atehere dy kryeministrat, ai i Shiperise, Edi Rama dhe ai grek, Alexis Cipras do ta nenshkruajne kete pakt në një takim qe pritet te mbahet gjatë samitit të BE-së më 28 dhe 29 qershor.

Mediat greke shkruajne se pakti ne fjale do te ishte mbyllur me kohe, nese nuk do te kishte reaguar presidenti i Shqiperise, Meta, por Rama (citojne mediat) pret qe kjo pengese tashme te tejkalohet.

“600 mijë refugjatë në Shqipëri”, Majko lëshon alarmin: Situatë shpërthyese, duhen bërë mirë llogaritë

Ministri i Shtetit per Diasporen, Pandeli Majko ka reaguar ne profilin e tij ne FB me nje shkrim te gjate mbi lajmet qe qarkullojne per nje kamp refugjatesh qe mund te ngrihet ne Shqiperi per te pritur refugjatet nga Siria.

“Lajmet se në Shqipëri do të hapen kampe për 600 mijë refugjatë sirianë janë përtej cdo gadishmërie e imagjinate për një prej kombeve më të vjetër të Europës sic janë shqiptarët. Mediat mund të japin lajme por jo të nxisin panik në një popull që është një shembull në atë cfarë ofron për të huajt”, shkruan nder te tjera Majko.

 

POSTIMI I PLOTE

600 MIJE…PYETJE

Lajmet se në Shqipëri do të hapen kampe për 600 mijë refugjatë sirianë janë përtej cdo gadishmërie e imagjinate për një prej kombeve më të vjetër të Europës sic janë shqiptarët.

Mediat mund të japin lajme por jo të nxisin panik në një popull që është një shembull në atë cfarë ofron për të huajt.

Në se dikush, nuk di të merret me diktatorin e Sirisë, padyshim që nuk kupton se ky individ dhe aleatët e tij, Rusia dhe Irani, po përdorin refugjatët sirianë si “bombë njerëzore”. Qëllimi është për të shkatërruar strukturën europiane si ngrehinën kryesore ndërkombëtare e cila mbart vlerat që ata nuk i kanë. Eshtë një krim cinik dhe antinjerëzor që si teknologji ka filluar me Luftën e Jugosllavisë. Arma synon panikun. Qëllimi është që të ngjalli pasionin e ADN-së për “ruajtjen e territorit” i cili nuk është njerëzor. Krijimi i “antinjeriut” vjen si ftesë nga kjo aleancë e pashpallur lindore e cila po troket në Europën me politikanë që masin cdo gjë me vota…

Shtëpia e shqiptarit është e zotit dhe e mikut. Kështu shkruhet në rregullat e lashta të trajtimit të të huajve që trokasin në derën e shtëpisë së shqiptarit.
Shqiptarët janë populli më miqësor me të huajt dhe që i mbron ata me vullnet e pa kërkesë nga të tjerët.

Askush, dhe për asnjë arsye nuk mund të fyejë kombin shqiptar duke luajtur me këtë ndjenjë kaq pozitive karshi të huajve.
Shqipëria është një rast i rrallë në një botë refuzuese për të huajt. Cdo familje shqiptare ka migrantë jashtë vendit, në Perëndim, dhe kjo është një arsye më shumë për të qenë dashamirës me ata që janë larguar nga vendi i tyre për arsye të mbijetesës.

Si njohës modest i krizave të tilla humanitare e vlerësoj të pavend përhapjen e lajmeve të tilla të cilat mund të shkaktojnë panik në vendin më miqësor me të huajt sic është Shqipëria. Ajo nuk është një “epruvetë” ku interesat politike dhe paaftësitë menaxhuese të të tjerëve të gjejnë justifikim me “eksperimente” të tilla.

Grumbullimimet e refugjatëve në sasi sfiduese për vendasit do të krijojë situatë shpërthyese për të cilën duhet të bëhen mirë llogaritë.
Shqipëria ka gatishmëri për të huajt por askush nuk mund të bëjë “humor” nisur nga nevojat e saj. Në se ka ndonjë politikan europian i cili diskuton “ftesën” për të hapur negociatat e integrimit europian për Shqipërinë me pranimin e ndërtimit të kampeve të refugjatëve atëherë kjo “ftesë” më mirë të mos vijë… Pasi ajo nuk do të ishte ftesë, e aq më pak ftesë europiane.
Jam i bindur, që Brukseli nuk mund ti kërkojë një vendi dhe populli, ndryshimin e strukturës së vet sociale duke vënë në diskutim sigurinë e tij kombëtare dhe më gjerë.

Të huajt që të vinë në derën e shtëpisë për ndihmë, janë miq! Ata që ti sjellin… janë miq të refuzuar të dikujt tjetër. Ky është përkthimi që shqiptarët do ti bëjnë një ftese për kampe refugjatësh në Shqipëri.

Shqipëria do të ishte e gatëshme të ndajë peshën e cdo krize me familjen e vet europiane por shqiptarët nuk janë njerëz naivë. Ata dyshimin e tyre do ta fillonin me pyetje të thjeshta… “Pse dicka që nuk është e mirë për Europën është e mirë për Shqipërinë?” Dhe më ironikja vjen më pas “Në se na kërkoni dicka që nuk e bëni vet, a na bën kjo më europianë apo e kundërta?”… Janë 600 mijë pyetje për një të vërtetë. Natyrisht!

Opozita kërkon që dialogun me Serbinë ta udhëheqë Kuvendi i Kosovës

Në tryezën e radhës së partive politike, e cila është thirrur nga Partia Social-Demokrate (PSD), është propozuar që procesin e dialogut me Serbinë ta udhëheqë Kuvendi i Kosovës.

Ky qëndrim i partive opozitare, Lidhja Demokratike e Kosovës, Lëvizja Vetëvendosje dhe Partia Social-Demokrate është në harmoni me kundwrshtimin e tyre ndaj rolit udhëheqës të presidentit Hashim Thaçi në fazën finale të bisedimeve me Serbinë.

Shpend Ahmeti, kryetar i PSD-së, ka theksuar se dialogu është një proces i rëndësishëm dhe se për këtë proces duhet të këtë dakordim të subjekteve politike.

“Ne do të tentojmë që të mbajmë takime bilaterale me subjektet politike dhe të shohim se cilat janë qëndrimet dhe a mund të kemi një tekst që së paku të dakordohemi për procesin, e që kjo do të hapte rrugën pastaj që të prezantohet një platformë shtetërore për negociatat”, ka thënë Ahmeti.

Presidenti i Kosovës, Hashim Thaçi, u ka bërë ftesë publike subjekteve politike për përfshirje në dialogun ndërmjet Kosovës dhe Serbisë.

Bisedimet Kosovë – Serbi, vazhdojnë të dielën

Shefja e politikës së jashtme të Bashkimit Evropian, Federica Mogherini, ka ftuar presidentin e Kosovës, Hashim Thaçi dhe atë të Serbisë, Aleksandër Vuçiç, që të takohen të dielën më 24 qershor në Bruksel.

Në një njoftim të zyrës së zonjës Mogherini thuhet se “ata do të vazhdojnë punën e tyre në fazën e bisedimeve për normalizimin e plotë të marrëdhënieve, do të diskutojnë për marrëveshjet ekzistuese, të informojnë për arritjet e deritashme dhe të diskutojnë hapat e ardhshëm duke pasur parasysh një periudhë intensive bisedimesh që priten në të ardhmen”.

Takimi i së dielës shihet si një përpjekje për t’i hapur rrugë arritjes së një marrëveshjeje detyruese ligjore për normalizimin e marrëdhënieve ndërmjet tyre.

Bisedimet fillimisht teknike mes Kosovës dhe Serbisë nisën në vitin 2011. Në prill të vitit 2013 Kosova dhe Serbia arritën e marrëveshjen e parë për normalizimin e marrëdhënieve që përfshinte një gamë çështjesh, pas të cilave bisedimet kryesisht u zhvilluan për rrugët e zbatimit të saj. Bisedimet e deritashme i siguruan Serbisë hapjen e negociatave për anëtarësim në Bashkimin Evropian, ndërsa Kosovës marrëveshjen e Stabilizim Asocimit. Por ajo vazhdon të jetë e fundit në proceset integruese evropiane.

Një marrëveshje gjithëpërfshirëse për normalizimi i marrëdhënieve është kusht për të dyja vendet për integrim në Bashkimin Evropian. Por ende është e paqartë se çfarë mund të jetë ajo marrëveshje. Prishtina thotë se ajo duhet të përfshijë njohjen e ndërsjellë dhe anëtarësimin e Kosovës në Kombet e Bashkuara. Beogradi që kundërshton pavarësinë e Kosovës, kërkon një “kompromis”, por pa e qartësuar se cili mund të jetë ai. Një pjesë e politikanëve ne Serbi tashmë e kanë përsëritur se zgjidhje mund të ishte ndarja e Kosovës, përkatësisht që veriu i saj i banuar me shumicë serbe t’i takojë Serbisë, ide që është hedhur poshtë prerazi nga Prishtina.

Minatorët i japin afat Qeverisë për përmbushjen e kërkesave

Minatorët e minierës së Stantërgut sot kanë mbajtur grevë njëorëshe, në shenjë pakënaqësie me draft-statutin e kombinatit “Trepça”.

Ata i dhanë afat Qeverisë së Kosovës që deri 25 qershor, kërkesat e tyre, të hyjnë në kuadër të draft-statutit të kombinatit.

Shyqri Sadiku, kryetar i sindikatës së “Trepçës”, tha për Radion Evropa e Lirë se kërkesat e tyre sociale të punëtorëve janë që të njihet stazhi i benificuar i punës, siguria shëndetësore në punë, pensioni të jetë 70 për qind i pagesë dhe disa kërkesa të tjera.

“Qeveria ka afat deri të hënën t’i fusin kërkesat e punëtorëve në draft. Situata është serioze nuk është kërcënim, por është paralajmërim për Qeverinë që minatorët më këtë trajtim nuk do të rrinë duarkryq , pasi që në të gjitha format janë të diskriminuar”, tha Sadiku.

Komisioni Parlamentar për zhvillim ekonomik, të hënën gjatë shqyrtimit të draft statutit të Trepçës kishte vlerësuar se për shqyrtimin e mëtejmë të këtij statuti, është i nevojshëm formimi i një grupi punues, i cili do të shqyrtojë dhe harmonizojë qëndrimet e Sindikatës, Bordit të Trepçës dhe Ministrisë së Zhvillimit Ekonomik.

SHBA do të krijojë forcën hapësinore

Presidenti i Shteteve të Bashkuara, Donald Trump, urdhëroi ushtrinë amerikane të krijojë një degë të gjashtë të forcave të saj të armatosura: një forcë hapësinore.

Trump tha se ajo do të mbështesë sigurinë kombëtare dhe ekonominë me krijimin e vendeve të reja të punës.

“Nuk është e mjaftueshme që të kemi vetëm prani amerikane në hapësirë. Duhet të kemi dominim amerikan në hapësirë”, tha Trump.

Ai po ashtu premtoi se SHBA “do t’i rikthejë amerikanët në Hënë” dhe se do t’i dërgojë njerëzit në Mars.

“Unë po e drejtoj Departamentin e Mbrojtjes dhe Pentagonin që menjëherë të nisin procesin e nevojshëm për të krijuar një forcë hapësinore, si dega e gjashtë e forcave të armatosura”, tha Trump.