VOAL

VOAL

Please Wait ...
0%

Deklaratë surprizë e deputetit Berisha: Arben Frroku nuk është në Kubë, por në Tiranë

By | November 19, 2015
blank

Komentet

blank

VIDEO/ Shpërthen Tomor Alizoti: PD në krizë. Mosqenia në ‘Foltore’ po na kushton shumë

Një tjetër deputet i Partisë Demokratike del hapur në mbështetje të ‘Foltores’ së ish-kryeministrit Sali Berisha.

Burime për Syri Tv dhe Syri.net konfirmojnë se gjatë mbledhjes së grupit parlamentar demokrat, Alizoti është shprehur se ‘PD ndodhet në krizë‘, ndërsa ka shtuar se ‘mosmarrja pjesë në ‘Foltore” po sjell kosto për të zgjedhurit, pasi anëtarësia demokrate është e revoltuar me ta.

“PD ndodhet në krizë të thellë. Nuk mund të bëjmë sikur s’e shohim. Ne na ka kushtuar mosqenia në Foltore, se demokratët janë të revoltuar me ne. Duhet zgjidhur kjo krizë. Partia po vuan. Pa u zgjidhur kjo krizë çdo diskutim tjetër s’ka vlerë. Në anije ka rënë zjarri. Rrezikojmë ekzistencën si parti nëse nuk e adresojmë në institucione këtë problem. Mos bëjmë sikur nuk ekziston problemi. Nuk mund të shmangemi të bëjmë sikur nuk ka krizë. Kriza është aq e madhe sa rrezikohet ekzistenca e kësaj partie. Është bërë hall të shkosh në ‘Foltore’ e hall të mos shkosh. Nuk është normale kjo ndarje mes demokratëve”, ka thënë Alizoti.

Pjesë e debatit në mbledhjen e grupit parlamentar është bërë edhe deputeti Flamur Noka, i cili u shkarkua nga nënkryetar i Komisionit të Sigurisë me vendim të Lulzim Bashës.

Syri.net mëson se Noka ka akuzuar Bashën se po ndjek metoda bizantine në PD, ndërsa ka thënë gjithashtu se Basha sulmon vetëm Berishën dhe ‘Foltoren’, por jo Edi Ramën.

“Frëngjia e bunkerit tënd vetëm sulmon Berishën e ‘Foltoren’ dhe jo Ramen. Përjashtimet janë bërë kundër statutit. Nga Demokratike po e kthen në bizantinizëm partinë“, është shprehur Flamur Noka.

Edhe depuytetët e tjerë si Albana Vokshi dhe Tritan Shehu kanë sulmuar Bashën duke i kujtuar se me përjashtimet dhe përndjekjet e deputetëve dhe demokratëve, po e çon PD-në drejt shkatërrimit.

 

blank

Peleshi: Nis puna për “Defender 2023”

Shqipëria ka nisur punën për të pritur sërish një nga stërvitjet më të mëdha “Defender 2023”.

Për këtë u organizua edhe Konferenca koordinuese, ku morën pjesë Ministri i Mbrojtjes Niko Peleshi, Shefi i Shtabit të Përgjithshëm të FA, Gjeneralmajor Bajram Begaj, ambasadorja e SHBA në Tiranë Yuri Kim si dhe përfaqësues të lartë ushtarakë të SHBA dhe Shqipërisë.

Në fjalën e tij, me këtë rast ministri Peleshi e cilësoi një histori suksesi stërvitjen “Defender 2021”, e cila u zhvillua disa muaj më parë.

“Kjo stërvitje shkon përtej gjithë dimensionit ushtarak dhe konfirmoj përfshirjen dhe gatishmërinë e të gjithë qeverisë për të ndihmuar dhe lehtësuar të gjitha kërkesat specifike dhe të përgjithshme për ekzekutimin e saj të shpejtë. Stërvitje të tilla me shikueshmëri të lartë tregojnë rëndësinë strategjike të Politikës së Zgjeruar të Parandalimit të SHBA-së për NATO-n dhe aleatët dhe partnerët e saj evropianë si  dhe rithekson angazhimin e fortë që Aleanca, dhe në veçanti Shtetet e Bashkuara, i kushtojnë rajonit tonë. “Defender Europe” për ne, mbetet një mjet i fuqishëm i komunikimit strategjik i paqes, sigurisë, stabilitetit dhe garancisë për qytetarët tanë, vendet e rajonit dhe mbarë Evropën”, u shpreh Ministri i Mbrojtjes

Teksa siguroi mbështetjen dhe ndihmën maksimale të Ministrisë së Mbrojtjes dhe FA për stërvitjen e radhës “Defender 23”, ministri Peleshi tha se Shqipëria konfirmoi gatishmërinë të shërbejë sërish si vend pritës për serinë e Defender.

Ndërsa në fjalën e tij, Shefi i Shtabit të Përgjithshëm të FA, gjeneral Bajram Begaj u shpreh i sigurt se “Defender Europe ‘23”, përmes aktiviteteve dhe demonstrimit të aftësive të saj do t’u japë kundërshtarëve një mesazh të qartë dhe të fortë parandalimi dhe mbrojtjeje”.

blank

Eleminimi i biznesmenit në Fier- Familjarët akuza policisë: Ishit aty, nuk bëtë asgjë!

Një ditë pas ekzekutimit të biznesmenit Demir Backa, policia nuk ka identifikuar asnjë prej autorëve të ngjarjes, ndërsa nuk ka ende një pistë të qartë hetimi për eliminimin e tij. 57-vjeçari, që njihej ndryshe si Dem ose Agim Backa u vra nga breshëritë e Kallashnikovit me 16 plumba ndërsa ishte në makinën e tij tip “Audi”. Vrasësit iu afruan me makinë dhe qëlluan me breshëri në një kryqëzim të Fierit, duke i shkaktuar vdekjen pak orë më pas.

Makina me të cilin udhëtonin ata, u gjet e djegur në afërsi të Bypass-it të Fierit. Brenda mjetit është gjetur një Kallashnikov dhe një pistoletë, që mendohet se janë përdorur për ekzekutimin e Demir Buckës.

Hetimet janë përqendruar ne te shkuarën e Demir Backës. Raportimet thonë se ai ka pasur një konflikt me një person, i cili ishte subjekt i OFL në Fier, por ende asgjë nuk është saktësuar nga autoritetet.

blank

Nga kamerat e sigurisë ka rezultuar se në atentat kanë marrë pjesë 2 persona. Familjarët e Demir Backës, mbërritën menjëherë në vendin e ngjarjes dhe janë përplasur me policinë. Të afërmit e viktimës iu janë drejtuar policëve me fjalët: ‘Mos u afroni se do t’ju vras’, ‘S’kemi nevojë për shtet’.

Irritimi i tyre erdhi për faktin se policia ka qenë pranë vendit ku ndodhi ngjarja dhe nuk kanë bërë asgjë për kapjen e autorëve.

Në video dëgjohet zëri i një burri që iu drejtohet policëve me fjalët: “Ishe aty more dhe e vranë”, “Ishe aty, si nuk keni turp”, “Vranë një biznesmen”. Zhdukuni se iu shqeva, zhdukuni se do ju vrasim, ikni se u q***, nuk kemi nevojë për shtetin ne. Ikni bq… erdhi polic te dera jonë do ju vrasim, kush polic vjen në derë të shtëpisë do ju vrasim”.

Një javë më parë Drejtori i Përgjithshëm i Policisë së Shtetit, Gledis Nano lëvizi pjesën më të madhe të shefave të policisë në qytetet kryesore të vendit. Drejtori i ri i emëruar në Fier ishte Alfred Çepele.

Policia ka arrestuar 15 persona për ngjarjen, megjithatë ende nuk ka një të dyshuar për ekzekutimin./Lapsi.al

blank

Ish-kryeministri Berisha takim me FRPD Kavajë: Presin ‘Foltoren’ si dritë shprese

Ish-kryeministri Sali Berisha ka zhvilluar një takim me drejtues dhe aktivistë të Forumit Rinor të Partisë Demokratike, Kavajë.

Ata i janë bashkuar ish-kryeministrit Berisha në lëvizjen e tij ‘Foltorja’ brenda PD-së.Mesazhi i ish-kryeministrit Sali Berisha:

Një album me foto nga takimi me drejtues dhe aktivistë të FRPD Kavajë!

Ata presin me padurim si dritë shprese Foltoren.

Këtu më poshtë keni emrat e tyre, ‘Për të rinjtë e FRPD’.

Arnold Kariqi

Ibrahim Skuqi

Florian Merhori

Kejdi Kadiu

Lorela Kollçaku

Muhamed Babamusta

Fatma Babamusta

Edon Shamata

Idina Beçerri

Franci Turra

Fitnete Allajbej

Gevi Madani

Sabina Allajbej

Egli Rrugeja

Klara Rrugeja

Albi Rrugeja

Suejda Arkaxhiu

Muhamet Abrija

Iri Kanapari

Xhorxho Sqapi

Mimi Hyka

Arnel Abrija

Hydajet Hoxha. Rrofte rinia e Kavaja

blank

Akademia Albanologjike refuzon shkrirjen me Akademinë e Shkencave, Përzhita: Bashkëpunojmë për Fjalorin, Enciklopedinë e Historinë

Akademia e Studimeve Albanologjike ka refuzuar shkrirjen ose bashkimin e disa instituteve të saj me Akademinë e Shkencave. Pas propozimit të kryetarit Skënder Gjinushi, rektori Luan Përzhita, në “News 24 ” argumenton arsyet e vendimit.

“Senati akademik e ka quajtur të pamundur, sepse nuk e lejon ana ligjore. Senati mendon që ne duhet t’i mëshojmë forcimit të këtij instuticioni. Akademia e Studimeve Albanologjike ka peshë specifike e duhet të rrijë e unifikuar” tha Përzhita mes të tjerash.
Pas propozimit që dukej se rikthente institutet në Akademinë e Shkencave çka anulonte ndryshimet të vitit 2008, Përzhita, pati takime të nivelit të lartë me presidentin Ilir Meta dhe ministren e Arsimit, Evis Kushi.

“Kemi biseduar me dy personalitete, me Presidentin e Republikës dhe me ministren e Arsimit, të cilët janë njohur më nga afër me shqetësimet që ne kemi dhe kemi pasur mbështetjen e tyre në rrugën tonë. Së shpejti do të ngrihen grupet e punës për ligjin e shkencës ku do të ristrukturohen institucionet shekncore” , thotë Përzhita.

Ndonëse kalimi i instituteve nga Akademia e Studimeve Albanologjike te ajo e Shkencave refuzohet sepse zhbën ndryshimet e 2008-ës, Përzhita pohon se bashkëpunimet do të vazhdojnë.
“Një pjesë e mrië e studiuesve tanë janë pjesë e projekteve të Akademisë së Shkencave, që ëshët Historia e Shqipërisë, Fjalori i Gjiuhës shqipe dhe enciklopedia e popullit shqiptar”, tregon ai.
Si rektor, Përzhita synon përmirësimin e Akademisë Albanologjike, marrjen në punë të studentëve ekselentë, certifikimin e teksteve shkollore, e përtej ligjit për shkencën më shumë vëmendje për parqet arkeologjike, duke qenë se është arkeolog.

blank

VOA: Zgjerohet debati brenda Partisë Demokratike për statutin dhe kongresin

Ilirian Agolli

Në Shqipëri, Partia Demokratike e opozitës është përfshirë në një debat të brendshëm lidhur me autoritetin drejtues të partisë më të madhe opozitare.

Partia Demokratike sapo është kthyer brenda institucioneve pas 2 vjet braktisje të parlamentit dhe pushtetit vendor.

6 muaj më parë opozita humbi zgjedhjet e përgjithshme të 25 prillit, ndërsa sekretari amerikan Anthony Blinken shpalli ish-kryeministrin Sali Berisha dhe familjen e tij si të papërshtatshëm për të shkuar në SHBA.

Kryetari i Partisë Demokratike, Lulzim Basha, përjashtoi nga grupi parlamentar deputetin Berisha, pasi u shpall non grata nga SHBA.

Por ky i fundit tha se “vendimi personal i kryetarit Basha shkelte rregullat e parties” dhe nisi një tur takimesh në qytete të ndryshme, duke kërkuar “një kongres të jashtëzakonshëm partiak, data e të cilit do të shpallet javën e ardhshme pas mbledhjes së firmave të mjaftueshme” – si u shpreh ai.

Por kryetari Basha deklaroi edhe sot, si shpesh herë së fundi, se ai kongres nuk do të mbahet dhe se Sali Berisha nuk ka nga statuti i partisë ndonjë mbifuqi që të thërrasë forumet e partisë.

“Neni 3 i Statutit të Partisë Demokratike është i qartë sa i takon orientimit euro-atlanetik të Partisë. E përsëris që Kuvend Kombëtar që të marrë në shqyrtim vendimet e qeverisë amerikane nuk ka për të patur sa kohë të jem unë kryetar i partisë. Për këtë mandat kam marrë shumicën dërrmuese të votave të anëtarëve të PD-së, dhe objektivi është rrëzimi i regjimit të Edi Ramës dhe ardhja e PD-së në pushtet” – tha zoti Basha.

Kryetari i PD-së Lulzim Basha e përjashtoi deputetin Berisha nga grupi parlamentar i partisë pasi ky i fundit, i shpallur non grata nga SHBA-të, deklaroi se do të vetëmbrohej pa e përfshirë partinë në këtë çështje.

Por ai nisi një seri takimesh në qytete të ndryshme, ku po mbledh firma për t’i kërkuar partisë “të mbledhë Kuvendin e vet për të diskutuar vendimin personal të kryetarit Basha ndaj tij si” shkelje e statutit të partisë”.

Zoti Basha tha se zoti Berisha mund të thërrasë institucione paralele në përpjekjet e tij për ta kthyer partinë në një bunker për hallet e tij personale, por PD, anëtarët e saj dhe qytetarët shqiptarë kanë halle dhe përparësi të tjera.

“Kryetari i partisë, – theksoi ai, – nuk do të thërrasë kongres për të ngritur bunker në shërbim të askujt”.

Sekretari amerikan i shtetit, Anthony Blinken, përcaktoi në maj zotin Berisha, bashkëshorten dhe dy fëmijët e tij, si individë që nuk janë të përshtatshëm për të udhëtuar në Shtetet e Bashkuara, për shkak të përfshirjes së ish-kryeministrit Berisha në korrupsion domethënës.

Sekretari Blinken theksoi se zoti Berisha ishte i përfshirë në veprime korruptive, të tilla si shpërdorim i fondeve publike dhe ndërhyrje në proceset publike, duke përfshirë përdorimin e pushtetit të tij për përfitimet e tij dhe për të pasuruar aleatët e tij politikë dhe anëtarët e familjes së tij.

Një ditë më parë ish-kryeministri Sali Berisha akuzoi Partinë Demokratike dhe drejtuesin e saj Basha se, “duke kërkuar vettingun e politikanëve përmes SPAK-ut, ka dëshmuar se ai është skllav i kryeministrit Rama”.

Por zoti Basha theksoi se nisma e opozitës për ndryshime kushtetuese mbi vetingun e pastërtisë së figurës dhe pasurisë së politikanëve u shpall qysh në vitin 2018, kur kërkesën e firmosi edhe zoti Berisha, dhe tani ajo po e kërkon përsëri vetingun, pasi reflektoi në të komentet e Komisionit të Venecias.

“Unë i qëndroj firmës time të vjeshtës 2018. Nëse dikush tjetër i qëndron apo ka ndryshuar mendim, kjo është çështje e çdokujt tjetër” – tha zoti Basha.

Ai theksoi se është i gatshëm që vetingu i politikanëve të nisë prej tij, por nuk mund të kuptonte përfaqësuesit socialistë, që kanë frikë të zbatojnë mbi politikanët atë që e kërkuan dhe po e zbatojnë mbi gjyqtarët.

Krahas vetingut të politikanëve, opozita kërkoi në parlament 3 komisione hetimore për zgjedhjet e përgjithshme, për incenseratorët dhe çështjen Beketi.

Socialistët në shumicë, në mandatin e tretë qeverisës, rrëzuan këtë të fundit dhe u larguan nga komisioni për hetimin e zgjedhjeve, ndërsa kërkesa për hetimin e inceneratorëve pritet të shqyrtohet javën e ardhshme.

blank

Gjinushi paralajmëron: Akademia Albanologjike do të rikthehet me vendim qeverie

TIRANË

Kryetari Skënder Gjinushi është i bindur për bashkimin e instituteve albanologjike me Akademinë e Shkencave, ndonëse, vetëm pak ditë më parë, rektori i studimeve albanologjike,  Luan Përzhita tha se ligji nuk e lejon. Në një intervistë për News24, Gjinushi e quan të dështuar reformën e vitit 2008.

“Meqë e nise me 2008, ajo ka qenë reformë e dështuar, ka qenë zgjidhje artificiale ku gjithë intitutet ikën nga akademia. Kjo jo vetëm dëmton akademinë, sepse ajop ishte qendra kryesore e kordinimit të kërkimit shkencor.

Institutet u çuan që të jenëprnaë universiteteve por nuk u realizua. Pra as formalisht nuk u realizua ajo simbiozë. Mision primar, sui generis, akademia ka zhvillimin e shkencave albanologjike.”-thotë ai.

Ndonëse institutet e Gjuhësisë e Historisë kaluan në një institucion më vete, nën ombrellën e Qendrës së Studimeve Albanologjike duke krijuar një rrugë autonome, për Gjinushin ata duhet të rikthehen.

“Këtu në mënyrë të çuditshme flitet për varësi. Të kesh frikë të jesh pranë është e pakuptueshme domethënë që të ketë një reagim të tillë. Të shkosh nga  një vend në tjetrin nuk  shkrin. Do jetë pranë akademisë së shkencave. Fjala akademi nuk do është më e sajuar siç e kanë tani, sepse është një sajesë” thotë Gjinushi.

Senati i Akademisë së Studimeve Albanologjike ka votuar kundër bashkimit të instituteve me Akademinë e Shkencave, por Gjinushi shprehet se kjo nuk varet nga senati

“Ne kemi reformën tonë, e konceptin tonë. Kjo nuk bëhet me pranim, do ti a s’do ti. Nuk ka të bëjë me dëshira personale, është debat konceptual. Nuk e mer vendimin senati. Kush e merr, qeveria. Kanë ikur nga akademia e shekncave me vednim qeverie dhe do të vijnë me bvendim qeverie.”-vijon Gjinushi.

Reforma e 2008-ës, për shumëkënd, e ktheu akademinë e Shkencave në institiucion honorifik. Me përpjekjen për të rimarrë institutet studimore, ajo rimerr studiuesit dhe njëherësh zhbën refgormën e 2008-ës.

blank

Berisha: Pengu sikur ka studiuar në Korenë e Veriut e jo në Holandë

Lideri historik demokrat, Sali Berisha, postoi sot një video nga Foltorja e djeshme në Berat. Përpara demokratëve, Berisha komentoi përjashtimet që po bën Lulzim Basha në PD. Sipas Berishës, Basha sillet sikur ka studiuar në Korenë e Veriut e jo në Holandë.

“Një bisedë të shkurtër me të gjithë ata që sot nuk janë në këtë sallë, ose e konsiderojnë veten si mbështetës të Bashës: U them këtu që të gjithë janë mbështetës të PD, por një njeri që çon nga humbja në humbje, që regjistron në karrierën e tij politike 4 humbje me radhë, që ka dorëzuar beteja të pabëra, ai duhet të hapë rrugën, ai nuk premton asgjë përveçse disfata.

Së dyti, u drejtohem të gjithë demokratëve pa përjashtim, njeriu njihet në vështirësi dhe kriza, është e njohur kjo. Mendoni pak se çfarë bëri ky njeri pasi humbi zgjedhjet e 25 prillit, absolutisht sikur të ishte i shkolluar jo në Holandë, por në Pjongjang të Kim Jong-unit, pasi mori një vendim ndaj meje në kundërshtim me statutin dhe parimet, vjen vendimi tjetër, përjashton pa pyetur njeri mbi tokë, kryetarin e Komisionit të Sigurisë, Flamur Nokën, dhe kulmon para tre ditësh me qëndrimin ndaj zotit Luan Baci, kryetarit të PD në Fier.

Miqtë e mi, ne na kujtohet se sekretarët e parë të rretheve nuk i zgjidhnin anëtarët e partisë, por i emëronte Byroja Politike, kurse ne në PD i zgjedhim vetë kryetarët. Nuk i zgjedh Tirana. Por si të thotë mendja se mund të heqësh kryetarin e Fierit dhe të komandosh kryetarin e Mallakastrës? Nuk mund të bëhet kurrë kjo. Ata janë njerëz të ardhur me votë. Nëse formularin për mbledhjen e Kuvendit e kanë firmosur 500 delegatë, kryetari thjesht ka zbatuar vullnetin e tyre, kurse ti hakmerresh në mënyrë primitive,” tha Berisha.

blank

Evi Kokalari: ‘Basha e trajton PD si biznes dhe veten si President’

Aktivistja republikane në SHBA Evi Kokalari nuk i ka ndalur sulmet ndaj Lulzim Bashës.

Pasi iu bashkua dy ‘foltoreve’ së ish-kryeministrit Sali Berisha, Kokalari denoncon sërish një tjetër lobim që ka bërë Basha dhe ndër të tjera thekson se në këtë dokument ai e ka shpallur veten edhe President të PD-së.

Kokalari bën thirrje që të niset një hetim për Lulzim Bashën dhe këtë ia ngarkon specifikisht kreut të ri që do të pasojë atë në krye të PD-së.

Postimi i plotë i Evi Kokalarit:

“Nuk kanë faj këta të Ambasadës Italiane që i drejtohen Bashës si President i PD-së. Basha vetë firmos dokumenta (shih foto) si President i Partia Demokratike e Shqipërisë, a thua që nuk e kupton ndryshimin e një Partie Politike që ka Kryetar, dhe një bisnesi privat, qe ka President.

Në fakt Basha si bisnes privat e ka bërë PD-në, dhe anëtarët e saj i shkarkon nga “puna” a thua se jane rrogëtar të tij.

Kaq mjaftoj për të kuptuar se sa “out-of-touch” është Basha dhe sa e domosdoshme është shkulja e tij me gjithë rrenjë nga PD-ja. Dhe me rrënjë kam parasysh ata që i zhgarraviten para mbrapa, ie; Salianji & co.

Me që ra fjala, ky dokumenti më poshtë është një kontratë tjetër që Basha ka firmosur me një kompani llobimi, pak a shumë në të njëjtën kohë që kishte firmosur dhe me Muzin Capital.

Që të jem e saktë – Basha në 2017-tën, kishte firmosur gjithsej tre kontrata, në të njëjtën periudhë, me tre firma te ndryshme llobimi ne Ëashington DC , kështu që shuma që ka shpenzuar për llobim është dhe më e lartë se sa është bërë e ditur këto kohët e fundit.

Dhe që të jem akoma më e qartë – kush do qoftë kryetari i ri i PD-së, duhet të nis një investigim të brëndshëm për këto aferet e Bashës por dhe një investigim për bisneset e pjesëtarëve të kryesisë së PD-së.”-shkruan Kokalari.

blank

blank

Flamur Noka: Eksponentë të PD shantazhojnë anëtarët me vizën amerikane

Deputeti i Partisë Demokratike, Flamur Noka ka hedhur akuza të rënda ndaj kryedemokratit Lulzim Basha dhe bashkëpunëtorëve të tij më të afërt.

Në një intervistë për “Klan”, Noka ka akuzuar kreun e Partisë Demokratike se kishte ushtruar presion ndaj delegatëve që të mos firmosin formularin për mbledhjen e Kuvendit Kombëtar gjatë takimeve të ish-kryeministrit Sali Berisha.

“Kemi informacione të pafundme me emra konkretë. Dje kam patur disa delegatë në zyrë të cilët ishin shantazhuar me probleme të vizës nga drejtues të niveleve të ndryshme të PD-së,”-u shpreh Noka, por edhe pse pretendon se ka emra, nuk ka preferuar që të bëjë me dije asnjë prej tyre.

Noka u shkarkua vetëm pak kohë më parë nga posti i nënkryetari të Komisionit të Sigurisë Kombëtarre, ndërsa u paralajmërua edhe për përjashtim nga grupi parlamentar.

Ai është ndër të parët që ka dalë kundër Bashës, pasi ky i fundit largoi nga grupi Berishën. Ndërsa ky i fundit ka nisur edhe aksionin për anulimin e vendimit dhe largimin e Bashës nga posti i kryetarit të demokratëve.

blank

Shuhet në moshën 98-vjeçare ish-kreu i Gjykatës së Lartë në komunizëm

Ka ndërruar jetë në moshën 98 vjeçare ish-Prokurori i Përgjithshëm dhe ish-kryetari i Gjykatës së Lartë në kohën e komunizmit, Aranit Çela

Arianit Çela i njohur si “xhelat” i kohës së komunizmit ka qenë protagonist i shumë gjyqeve politike që kanë çuar në pushkatim të shumë figurave politike të kohës, duke filluar nga Kadri Hazbiu, Petrit Dume e Beqir Balluku e etj.

Aranit Çela është arrestuar më 3 nëntor 1993 dhe u dënua me akuzën “Për veprën penale të shpërdorimit të detyrës në bashkëpunim me pasojë shkeljen e paligjshme të lirive e të drejtave themelore të njeriut dhe në dëm të jetës së personit, të parashikuara nga nenet e Kodit Penal. Pavarësisht kësaj, doli nga burgu në ngjarjet e vitit 1997.

KUSH ISHTE ARANIT ÇELA

Aranit Çela (Vlorë, 1923 apo 1924 – 2018) ishte ndër prokurorët dhe gjyqtarët më famëkeq të regjimit komunist. Për kontributin e tij në mbi 650 procese politike historianët e cilësojnë si Vishinski i komunizmit në Shqipëri.

U lind në Vlorë 1924i biri i Hysenit dhe i Eminesë, familja e tij e kishte origjinën nga Kanina. Në moshën pesëmbëdhjetë vjeçare i vdes i ati, për të cilin në autobiografinë e tij të 1954 shkroi “ka qenë element alkoolik dhe shumë pak i lidhur me familjen… Familja ime ka vuajtur mjaft ekonomikisht. Kjo edhe për arsye, se sikurse thashë më lart, ka qenë element gjithë kohën sarhosh (alkoolik) dhe krejt i pakujdesshëm për familjen e vet.”

Në vitet 1935-1942 ndoqi Institutin Tregtar të Vlorës. Me ardhjen e regjimit fashist, Aranit Çela ishte ndër fëmijët të cilët kaluan një muaj pushime në Itali (Pezaro) në verën e vitit 1939. Në 17 marsin 1941 kërkon pa sukses të punësohet në Zyrën e Regjistrimit të Gjendjes Gjyqësore në Ministrinë e Drejtësisë të regjimit fashist. Në prill-maj 1942 Aranit Çela qëndron në paraburgim iu gjetën në shtëpi disa trakte, por regjimi fashist tregohet zemërgjerë dhe e dënoi me kusht.

Më 10 janar 1943 bëhet anëtar i PKSH-së në organizatën e Mallakastrës, por partizan del vetëm në nëntor të këtij viti. Në korrik 1944 bën pjesë në brigadën e 14-të komuniste, e më pas, deri në mars 1945, në divizionin e 3-të komunist.

Në mars 1945-shtator 1946, Aranit Çela është prokuror ushtarak në Shkodër, në qytetin ku zhvilloheshin përditë proceset më të tmerrshme politike të kohës. Më 1946-1948 vazhdon me këtë cilësi por në divizionin e Korçës. Më 1948-1949 është ndihmësprokuror i Prokurorisë Ushtarake.

Në vitet 1949-1953 ndjek studime në fushën e drejtësisë në Bashkimin Sovjetik. Më 1953-1954 ishte nënkryetar i Degës së Hetuesisë së Sigurimit të Shtetit.

Më 1954-1955 prokuror në Prokurorinë e Përgjithshme.
Më 1955 – 1958 dhe 1966 – 1990 kryetar i Gjykatës së Lartë.
Më 1958 – 1966 prokuror i përgjithshëm. Më 1958 – 1991 deputet i Kuvendit Popullor dhe anëtar i Komitetit Qendror të Partisë së Punës së Shqipërisë.[2]

Arrestohet më 3 nëntor 1993 dhe dënohet me akuzën “Për veprën penale të shpërdorimit të detyrës në bashkëpunim me pasojë shkeljen e paligjshme të lirive e të drejtave themelore të njeriut dhe në dëm të jetës së personit, të parashikuara nga nenet e Kodit Penal.”[1] Pavarësisht kësaj, doli nga burgu në ngjarjet e vitit 1997. Drejtësia e kohës e shpalli të pafajshëm dhe urdhëroi dëmshpërblimin e tij.

blank

Eurostat: 41% e shpenzimeve të një familjeje shqiptare shkojnë për ushqime

Pjesa më e madhe e shpenzimeve të familjeve shqiptare shkojnë për ushqime. Familja tipike shpenzon 41% të parave për ushqim, sipas Eurostat.

Tirana është qarku më i pasur, ku familjet konsumojnë mesatarisht 98 mijë lekë mallra dhe shërbime në muaj. Ndërsa, Kukësi është qarku më i varfër ku shpenzimet mesatare familjare janë 70 mijë lekë.

Në vitin 2019, Shqipëria ishte vendi i parë në rajon me përqindjen më të lartë të shpenzimeve për ushqim.

Por, në vitin 2020, situata e shkaktuar nga pandemia ka sjellë ndryshime në strukturën e shpenzimeve për familjen, duke rritur nevojën për blerje barnash e shpenzime kurimi.

Familjet shqiptare shpenzuan mesatarisht 5150 lekë në muaj për kujdes shëndetësor gjatë vitit të kaluar, me një rritje prej 28% në krahasim me një vit më parë.

Sipas INSTAT, 392 mln euro dolën nga xhepat e qytetarëve për këtë qëllim.

Teksa ekonomia u hap gradualisht, tashmë vendi po përballet me rritje të çmimeve, që kanë prekur ushqimet bazike nga buka, mishi e bulmeti e deri te nafta dhe nënproduktet e saj.

Duke marrë në konsideratë faktin se Shqipëria është vendi me pagat më të ulëta në rajon, hendeku i varfërisë mund të thellohet në rast se nuk merren masa mbështetëse e lehtësuese./Burimi:Euronews


blank
blank
blank
blank
blank
blank
blank
blank
blank
blank
blank
blank
Send this to a friend