Gazeta Blic një e përditshme bulevardeske e Zyrihut, kur janë në pyetje futbollistët me origjinë shqiptare që luajnë në reprezentacionin e Zvicrës, përherë kërkon gjetjen e “qimes në vezë”
Kjo gazetë edhe në ndeshjen e zhvilluar pardje në stadiumin “Fadil Vokrri”të Prishtinës, ndërmjet Kosovës dhe Zvicrës, që përfundoi me rezultat të barabartë 2:2, e vlefshme për kualifikime në Kampionatin “Euro 2024 “ që do të mbahet në Gjermani, pa kurrfarë shkasi shigjetoi sulmuesin dhe futbollistin më të mirë të Zvicrës, Xherdan Shaqiri.
Sipas mendimit tim kjo gazetë me politikë redaktuese të njëanshme po e tregon haptas urrejtjen e saj ndaj lojtarëve shqiptarë që prej vitesh janë shtylla kryesore të skuadrës së Zvicrës.
Kësaj radhe stafin e“Blic” e paska zemëruar momenti kur Xherdan Shaqiri, përshëndetet nga mijëra bashkombës të tij me duartrokitje. Ai në shenjë mirënjohje këtë gjest të tyre e miraton me dorën në zemër.
Ky akt krejt i natyrshëm u përshëndet edhe nga tifozët zviceranë që në Prishtinë, kishin shkuar së bashku me shumë shokë e shoqe shqiptarë për ta përcjellë nga afër këtë ndeshje të cilësuar si takim në mes miqsh.
Blic edhe në korrik të vitit 2018,kur Zvicra e pati gjunjëzuar Serbinë 2 me 1 me golat e Xhakës dhe Shaqirit,në kuadër të botërorit “Rusi 2018” pati vjellë helm e vrer ndaj futbollistëve Shaqiri e Xhaka.
Ata “mëkatuan dhe shkelën bibël e kuran “vetëm pse gëzimin e tyre pas shënimit të golave e shfaqen me simbolin e shqiponjës dykrerëshe.

Blic-un nuk e patën penguar thirrjet fashiste ndaj futbollistëve shqiptarë të huliganëve serbë të cilët si në kor korbash kërkonin vrasjen e shqiptarëve, e as kokarda në kokat e tyre relikt i kriminelit famëkeq Drazha Mihajloviq.
Spekulimet dhe sajimet e pakripë të kësaj gazete janë të kota, sepse yjet Xhaka e Shaqiri,në historinë e futbollit zviceranë do të konsiderohen thesar i patjetërsueshëm.
Ata përherë do të adhurohen dhe çmohen nga të gjitha shtresat e qytetarëve të Zvicrës.
Pa pikëdyshimi ata dhe bashkëlojtarët e tyre si: Milaim Rama, Valon Behrami, Blerim Xhemaili, Admir Medmedi, Frederik Veseli, Albian Ajeti, Shani Tarashaj, Florent Hadergjonaj etj, janë ambasadorët e parë dhe më të mirë të Republikës së Kosovës në Zvicër.
ARIF EJUPI

Kosova barazoi 2-2 ndaj Zvicrës, teksa për helvetët në fushë ishin edhe Granit Xhaka dhe Xherdan Shaqiri. Ky i fundit, pas ndeshjes, është shprehur i nderuar që ka luajtur në stadiumin që mban emrin e legjendës “Fadil Vokrri”.

“Ka qenë nder i madh me ardhur këtu dhe të luaj në stadiumin ‘Fadil Vokrri’. Me të ndjerin Vokrri kam pasur raporte të mira. Nder i madh që luajta sonte këtu. Që gjithë fansat ishin përkrah nesh. Është privilegj i madh që kurrë nuk do ta harroj. Është nder që jam këtu, që ndjeva himnin e Kosovës.

Privilegj i madh të luaj në stadiumin me emrin e legjendës. Ishte speciale për mua, që nuk do ta harroj. E kam pasur ëndërr të luaj këtu dhe këtë ëndërr e realizova. Njerëzit e dinë që kam pasur kontakte me Fadil Vokrrin, me federatën. Ishim në kontakte me Fadilin, me trajnerin. Më pas erdhi 2016 dhe e kemi kuptuar pas ngjarjes që nuk mund ta ndërrojmë më përfaqësuesen”, ka thënë ai.

Shaqiri ka lavdëruar edhe lojtarët e Kosovës. “Jam shumë i kënaqur si po luajnë djelmoshat e ri për Kosovën. Shpresoj se do të kualifikohen në ndonjë ngjarje të madhe. Loja ishte shumë e vështirë për ne. Kosova luajti shumë defensiv.

Kemi krijuar disa shanse, shënuam golin e parë, më pas edhe të dytin. Kosova luajti mirë në kundërsulm dhe shënoi golin e dytë. Respekt për Kosovën, pasi ka kualitet. Edhe mund të shënojë në çdo moment”, ka shtuar ai.bw

Kosova arriti të merrte një pikë të rëndësishme në minutat shtesë në duelin ndaj Zvicrës, që përfundoi në barazim 2-2. Në lidhje më këtë duel foli edhe kapiteni shqiptar i zviceranëve, Granit Xhaka, i cili në prononcimin e dhënë pas këtij dueli u shpreh: 

“Një ndeshje jo e mirë. Hera e dytë që pësojmë gol në minutat shtesë. Një lojë jo shumë e mirë nga Zvicra. Ishte natë e vështirë.

Emocione sa të duash. Nuk ka qenë një lojë me shumë rritëm, me duele. Nuk mundëm të jepnim maksimumin. Përqendrimi nuk ka qenë shumë i lartë. Ndihem shumë krenar që kam qenë këtu. Tifozët na kanë pritur shumë mirë. Besoj se Kosova ka më shumë kualitet sesa tregon tabela”, tha Xhaka. 

PANORAMASPORT.AL

VOAL- Gjithçka është gati në Prishtinë për Kosovë-Zvicër, ndeshja që shënon efektivisht pikën e kthesës së Grupit I në kualifikueset e Euro 2024. Për Granit Xhakën, ndeshja e sotme në orën 20:45 (drejtpërdrejt në LA2 dhe në transmetim) sigurisht që do të jetë një ndeshje speciale.  “Ndihem si në shtëpinë time, kam respekt të madh për këtë tokë dhe jam shumë krenar që mund të luaj këtu – deklaroi kapiteni në konferencën për shtyp – Çdo ndeshje që luaj me Zvicrën është e veçantë, kështu që nuk ndihem veçanërisht nervoz, përkundrazi, trajneri na përgatiti mirë.”

Do të jetë një moment i këndshëm familjar për mua

Më pas fjala i kaloi Murat Yakinit, i cili menjëherë bëri të qartë se lojtarët duhet të jenë profesionistë. “Kosova ka një ekip të motivuar për të lënë përshtypje të mirë, por ne duam të fitojmë duke treguar lojën tonë”. Edhe nëse nuk dëshiron të zbulojë ende kartat e tij, përzgjedhësi ka bërë të ditur të vetmen siguri të formacionit, pikërisht që Granit Xhaka do të jetë titullar, ashtu siç do të jenë në dispozicion edhe Remo Freuler dhe Nico Elvedi, të cilët pavarësisht se nuk kanë luajtur me klubet, megjithatë “e meritojën të jenë pjesë e ekipit kombëtar”.

Bislimi? Të luajë për Zvicrën ishte zgjedhja e Amir Rrahmanit.

VOAL- Ndeshja e së shtunës kundër Kosovës, siç është vërtetuar tashmë, është një ndeshje plot emocione për shumë lojtarë. Xherdan Shaqiri deklaroi se është gati për sfidën dhe se objektivi i skuadrës është i qartë për të gjithë: “Ndihem mirë dhe mezi pres ta luaj këtë ndeshje, do të jetë një sfidë e veçantë për të dyja skuadrat, nëse shënoj, nuk do të festoj. Ajo që ka rëndësi është fitorja dhe ne duam t’i sjellim në shtëpi tre pikët.”

Do të jetë një sfidë intensive me shumë emocione, por ne jemi gati për ndeshjen

Sa i përket të ardhmes, 31-vjeçari lë të hapur çdo mundësi, por Lugano zë një vend të veçantë në zemrën e tij. “Çdo fundjavë kontrolloj rezultatet e Bianconerëve për të gjetur se çfarë po bëjnë, ishte e mrekullueshme të stërvitesha me ta para Kupës së Botës së fundit. Ka shumë njerëz nga Tiçino që më kërkojnë të shkoj të luaj në Cornaredo: Chicago dhe Lugano. kemi një partneritet të shkëlqyer, kush e di se çfarë të pret në të ardhmen,” përfundoi ai.rsi-eb

VOAL- Në kuadër të Euro 2024, zviceranët do të përballen me Kosovën të shtunën më 9 shtator dhe Andorrën të martën më 12 shtator. “Për disa lojtarë, kthimi në atdheun e tyre mund të zgjojë emocione të veçanta”, kjo është ideja e Pierluigi Tamit në kuadër të ndeshjes në Prishtinë. Ndeshja finale kundër Rumanisë është ende në mendjen e drejtorit të ekipeve kombëtare: “Shpresoj që kjo të jetë një alarm zgjimi që do të na thërrasë në përqendrim gjatë gjithë lojës”. Nga ana tjetër, për thirrjet: “Mund të interpretojmë më shumë sisteme taktike”, kjo është arsyeja kryesore e përzgjedhjes së kaq shumë qendërmbrojtësve në dëm të mbrojtësve të krahut.

“Të rinjtë duhet të vendosen në Zvicër përpara se të bëjnë kërcimin jashtë vendit”

Tami vazhdoi: “Pjesëmarrja e përhershme në turnetë e mëdhenj është e jashtëzakonshme dhe nuk duhet interpretuar si normale, por ka ende shumë punë për t’u afruar me ato të mëdha europiane”. Lojtari i Ticino-s foli gjithashtu për rritjen e sektorit të të rinjve zviceran: “Duhet të marrim rezultate për të fituar kredibilitet në Evropë që ka rëndësi dhe fut lojtarët e rinj në ligat më prestigjioze”.rsi-eb

SAM-Samedin ASLLANI është një piktor zviceran i lindur në vitin 1969 në Mitrovicë (Kosovë).

Diku pas vitit 1993 ai zbarkoi në brigjet e Liqenit të Gjenevës në Lozanë.

Që në moshë shumë të re, i pajisur me një prirje të vërtetë artistike, Asllani ishte i mahnitur nga bota e vizatimit.

Në shkollë, fletorja e tij e shkrimit ishte e mbushur me skica që për temë kishin mjedisin që e rrethonte.

Ai u dallua shumë herët për talentin e tij si vizatues: skicat dhe satirat e tij u botuan rregullisht në gazetat kryesore ditore të vendit.

Sapo u fut në botën e Arteve të Bukura, Asllani braktisi karikaturën për t’iu përkushtuar tërësisht pikturës.

I frymëzuar nga surrealizmi, vepra e tij shtrihet midis vizioneve, universeve dhe delireve ëndërrimtare.

Pëlhurat e tij do të rikthejnë në jetë një botë të harruar, atë të përrallave, miteve dhe legjendave popullore.

Depërtues përmes reflektimeve të thella artistike dhe morisë së ndjenjave të ekzaltuara bën që çdo pikturë e tij të jetë si një pikë kulmore, një ndalje momentale e rrjedhjes së kohës.

Çdo pikturë është një psherëtimë e thellë gëzimi, zemërimi ose trishtimi.

Saktësia dhe rregullsia e vijës së tij të zezë zbulon në mënyrë delikate dritë-hijen e pikturave të tij. Pena e tij përvijon njëkohësisht dhe bukur fuqinë e një peizazhi ashtu edhe butësinë e formave të një gruaje.

Kur Asllani prek pafundësisht imtësitë, ai sjellë në rezonancë gjurmët e së kaluarës.

Tablot e mëdha akrilike me ngjyra të shndritshme, të pasuruara me një mori arabeskash me ngjyrë të zezë, e karakterizojnë këtë evolucion. Peizazhet ndonjëherë të trazuara apo personazhet dhe objektet e përshkruara në mënyrë realiste ose alegorike përmes shumëllojshmërisë së subjekteve të paraqitura ngjallin emocione të mëdha te shikuesit .

Gjithnjë i udhëhequr nga ndjenjat e tij, periudhat e ndryshme të jetës së tij janë paraqitur në pëlhurë. Rrethanat e jetës në rininë e tij ndikuan në paraqitjen e hijeve të errëta dhe të ftohta në veprën e tij, por që me kalimin e kohës vijnë duke u bërë më të kthjellëta, për të na dhënë edhe piktura më të lehta dhe të ndritshme, por gjithnjë me filigran, një stil krejtësisht të njohur.

Vepra e tij është ekspozuar në galeri të shumta në Zvicër, e poashtu në Itali, Francë, Luksemburg, Gjermani dhe USA.

Kritikët e artit e përshkruajnë Sam – Samedin ASLLANIN si një piktor „me stil unikal“.

Doli nga shtypi një libër me vlera për historinë e Shkollës Shqipe në Engelholm të Suedisë ”Guri i rëndë peshon në vend të vet ” –

Monografi

Në korrik 2023 u botua në Prishtinë monagrafia ”Guri i rëndë peshon në vend të vet”, i autorit Prof. Mr. Nuhi Gashi, është vëllimi i dyti i veprës që mban titullin ”Seria shkollë dhe etnicitet’ (2), është përmbledhur veprimtaria studimore e Shkollës Shqipe në Engelholm të Suedisë në 222 faqe. Nisma e veprave të tilla është një kontribut me rëndësi për historikun e zhvillimit të mendimit pedagogjik shqiptar.

Tematika, që pasqyrohet në këtë botim është e gjer dhe e pasur, ka një vlerë të madhe, sepse hedhë dritë mbi traditën e arsimit shqip jashtë trojeve shqiptare, është nderimi i tij për mësuesit dhe mësueset e Shkollës Shqipe, ku pasqyrohet angazhimi i tyre i shumanshëm për edukimin e brezit më të ri të mërgimtarëve shqiptarë me dashuri për gjuhën amtare e për atdheun prindëror, për vlerat kulturore të popullit shqiptar, për rolin e shqiptarëve në historinë e atdheut të dytë të gjitha këto me qëllim që ky brez të mos humb identitetin e vet kombëtar, të mos mbetet pa rrënjë kulturore e shpirtërore, si i huaj në dhe të huaj.

Duke e lexuar këtë libër dhe shkruaj këto radhë, mund të them se vëllimi i pranishëm është me interes nga përmbajtja për një rreth të gjerë lexuesish jo vetëm të fushës së arsimit, por edhe të interesuar për çështje të tjera të kulturës kombëtare, të jetës intelektuale dhe të shqetësimeve për rrjedhat e zhvillimeve historike të diasporës tonë të re.

Me objektivitet shkencor, në përmbajtjen e kësaj monagrafie, është konceptimi i autorit që zhvillimin e arsimit shqip ndonëse në një hapsirë të caktuar e pasqyron si pjesë e një të tëre, që përfshihet në historinë e një kombi, kombit shqiptar.

Lënda e këtij vëllmi paraqitet e ndarë sipas gjinisë së shkrimeve në gjashtë krerë: parathënie e recensione, hyrje studimore, ese, mirënjohje dhe shkrime tjera.

Libri ”Guri i rëndë peshon në vend të vet” i kushtohet historisë së Shkollës Shqipe në Engelholm të Suedisë ku mësimi i gjuhës shqipe ka filluar që në vitet ’90 deri në shtrirjen e madhe në sistemin arsimor suedez nga viti ’95 dhe rrugëtimi i saj vazhdon me sukses; deshmohet se ka një përfshirje të lartë të nxënësve, pothuajse 99 përqind të fëmijëve janë aktiv në mësimin shqip, një shkollë dhe komunitet shëmbull.

Në historinë e kësaj shkolle zë një vend të nderuar mësuesi i dalluar Xhevat Isufi, por krahas tij radhiten edhe mësuesja e parë e kësaj shkolle Hamide Murati-Vllasa, Beqë Shala, Adem dhe Nesrije Rukiqi, Qerim Kryeziu, Florinda Kumnova-Fejza dhe Zonjë Skenderaj që punuan pa u ndalur para vështirësive e mungesave të ndryshme.

Në këtë studim tërhiqet vëmendja se në Suedi mësimi plotësues i gjuhës shqipe është i integruar brenda sistemit shkollor suedez financohet nga shteti suedez dhe mësimi shqip mbahet në kushte tepër cilësore.

Në kreun e tretë në vijim: Po ashtu me interes autori vlerëson rëndësinë e zhvillimit të ekskursioneve në atdhe që ka organizuar kjo shkollë. Pjesëmarrjen aktive të nxënësve për ta njohur vendlindjen e prindërve që u japin atyre përshtypje të reja e të forta.

Në shkrimet e këtij vëllimi zbulohet hap pas hapi kultura e gjerë e autorit: njohës i thelluar i organizimit të shkollave shqipe dhe përfaqësuesve të saj, njohës i thelluar i zbatimit të shkollave shqipe në sistemin arsimor suedez; njohës i thelluar i qytetërimit shqiptar në diasporën e re shqiptare, i kulturës kombëtare dhe i përfaqësuesve të shquar të saj; vlerësues objektiv dhe admirues i veprimtarisë atdhetare e arsimore – kulturore të një vargu mësimdhënës/se fisnik/e që punuan me përkushtim për të ndriçuar mendjet e për të fisnikëruar emrin e shqiptarisë.

Leximi i këtyre para parathënieve dhe recensioneve ka jo vetëm një vlerë njohëse për historinë e shkencës e të kulturës sonë, por është një shkollë e vërtetë që të mëson si duhen hartuar monografi të tilla.

Jam e bindur se shkrimet e këtij vëllimi përmbajnë aq shumë informacion shkencor si dëshmi e zhvillimit të mendimit pedagogjik shqiptar saqë e bëjnë këtë libër një dhuratë të mirëpritur që na sjell me modestinë dhe dijen e thellë të këtij autori.

Në ketë kuptim dalja në dritë e monografisë ”Guri i rëndë peshon në vend të vet” të prof. Nuhi Gashit do zë një vend të merituar e të qëndrueshëm në bibliotekën e pasur të shkollës shqiptare.

Gjenevë, 28.08. 2023 Nexhmije Mehmetaj

VOAL- Rikthimi në Bundesligë po i bën mirë kapitenit të Kombëtares së Zvicrës, Granit Xhaka. 30-vjeçari u përfshi edhe një herë në 11-shen ideale të revistës Kicker pas një paraqitjeje magjepsëse pasi Bayer Leverkusen mposhti Borussia Mönchengladbach, skuadrën e tij nga viti 2012 deri në 2016 gjatë periudhës së tyre të parë në Gjermani, 3-0.

I vetmi lojtar që u shfaq në të dy formacionet tipike për dy ditët e para, mesfushori frymëzoi veprimet që çuan në dy golat e parë dhe gjithashtu shënoi me një goditje të shkëlqyer në breshëri një gol i cili më vonë u anulua për pozicion jashtë loje. Në total ai preku 187 topa për një pasim prej 92%. Jo keq për shkak të angazhimeve të radhës të Zvicrës të planifikuara pas dy javësh kundër Kosovës dhe Andorrës.rsi-eb