VOAL

VOAL

Çfarë sanksionesh mund të vënë Shtetet e Bashkuara ndaj Putinit?

January 25, 2022
blank

Komentet

blank

Seancë dëgjimore në Kongres lidhur me UFO-t

VOA

Kongresi amerikan zhvilloi të martën një seancë dëgjimore lidhur me provat e egzistencës së objekteve fluturake të paidentifikuara, shkurtimisht UFO. Kjo është hera e parë në 50 vjet që Kongresi i kushton vëmendje kësaj çështje. Sidoqoftë, vëmendja është pëqëndruar tek kërcënimi që paraqesin këto objekte për sigurinë kombëtare, jo nga qënie të një bote tjetër, por nga kundërshtarë të mundshëm në Tokë.

Për herë të parë pas 50 vjetësh çështja e UFO-ve është rikthyer tek vëmendja e ligjvënësve amerikanë, të cilët thonë se përbën shqetësim për sigurinë kombëtare. Një zyrtar i lartë i mbrojtjes thotë se Pentagoni po përpiqet t’i kushtojë vëmendjen e duhur kësaj çështjeje ndërsa përballet me sfida.

“Çdo vëzhgim i regjistruar mund të jetë i shkurtër, ose më i gjatë. Mund të jetë i filmuar, ose mund të mos jetë. Mund të jetë i vëzhgueshëm nga një objektiv, ose shumë burime. Me pak fjalë, është e vështirë të kemi një shpjegim. Për shembull, videoja e parë, që po paraqes, tregon vëzhgimin në kohë reale”, tha Scott Bray, Zëvendësdrejtor i Zbulimit të Marinës amerikane.

Pamje të filmuara nga një avion luftarak amerikan tregojnë një objekt fluturues të paidentifikueshëm.

“Siç shihet, këto janë provat që kemi dhe në disa raste vëzhgimet janë akoma më të pakta”, tha zoti Bray.

Seanca vjen pothuajse një vit pasi një raport qeveritar dokumentoi më shumë se 140 raste të fenomeneve ajrore të paidentifikuara të vëzhguara nga pilotë të ushtrisë amerikane që nga viti 2004.

Çështja e jashtëtokësorëve është stigmatizuar prej shumë vitesh. Ronald Moultre, Nënsekretar i Mbrojtjes për çështjet e zbulimit, tha se Pentagoni po përpiqet t’i kushtojë vëmendjen e duhur çështjes së UFO-ve dhe të inkurajojë pilotët dhe personelin ushtarak, që të raportojnë çdo gjë të pazakontë që mund të shohin.

Seanca dëgjimore u përqendrua tek mundësia që kundërshtarët e Shteteve të Bashkuara po zhvillojnë teknologji sekrete, që mund të interpretohet si UFO dhe përbëjnë rrezik për sigurinë e Shteteve të Bashkuara.

blank

Jim Richardson, CEO pranë ish Sekretarit të Shtetit: “Ai është treguar i sjellshëm, fotot s’janë mbështetje ndaj ndonjë lideri a grupimi politik”

Kur Evi Kokalari e pyet Jim Richardson, Drejtor Ekzekutiv pranë ish Sekretarit të Shtetit Mike Pompeo rreth fotove të bëra gjatë takimit, ku z. Pompeo dilte në mes katër deputetëve të shpartalluar nga votimi i bazës të PD që kanë humbur çdo post, veç atij të deputetit, pra nuk kanë asnjë funksion në PD, Jim Richardson përgjigjet: “Përshëndetje Evi, Sekretari Pompeo ka bërë një seri fotografish me të gjithë të pranishmit në dhomë gjatë MOU Memorandumit të Mirëkuptimit. Dakordësia e tij për të bërë foto nuk lidhet dhe nuk është e barabartë me miratim apo mbështetje ndaj ndonjë lideri ose grupimi politik. Thjeshtë, ai është treguar i sjellshëm gjatë këtij eventi të rëndësishëm.”

 

blank

 

 

blank

Kokalari: Pompeo, vizitë private në Tiranë në këmbim të shumës së majme

Ish-Sekretari i Shtetit, Mike Pompeo, po viziton Tiranën. Ndërkohë aktivistja shqiptaro-amerikane, Evi Kokalari shkruan se kjo është një vizitë private e Pompeos.

POSTIMI I PLOTE

Disa gjëra që duhet të keni parasysh nga vizita e Mike Pompeos në Tiranë.

1. Mike Pompeo është në Shqipëri në kapacitetin e një personi privat dhe kjo nuk është vizitë zyrtare.

2. Mike Pompeo është në Tiranë për të dhënë një fjalim tek një komunitet jo-shqiptar, të cilën po e bën në këmbim të një shumë të majme parash, dhe nuk ka ardhur as për qeverinë e Ramës, as për opozitën fallco me seli te Rruga e Elbasanit, dhe as për 100 vjetorin e miqësisë midis Shqipërisë dhe Amerikës.

3. Ardhja e tij është koordinuar me ambasadën siç bëhet zakonisht në këto raste dhe zonja Kim ka organizuar disa evente për të, ku hyn dhe konferenca me grupin parlamentar sot, si dhe një çmim te organizuar nga UT dhe kjo me pagesë.

Mos bini pre e filmave që duan t’ju shesin në mbështetje të luftës kundër opozitës shqiptare. Z. Pompeo i është dërguar një shpjegim i detajuar i ngjarjeve politike të fundit në Shqipëri dhe nuk është këtu për të përkrahur axhendën politike të askujt.

Për arsye sigurie, informacionet e tjera mund t’i shkruaj mbas largimit të tij nga Shqipëria. syri.net

blank

blank

Bideni mbështet “derën e hapur” të NATO-s për Suedinë dhe Finlandën

RFE/RL

Presidenti i Shteteve të Bashkuara të Amerikës, Joe Biden, ka theksuar “bashkëpunimin e ngushtë të sigurisë dhe mbrojtjes” midis Shteteve të Bashkuara, Finlandës dhe Suedisë në një telefonatë të përbashkët me liderët e këtyre vendeve më 13 maj, në të cilën ai inkurajoi gjithashtu anëtarësimin e tyre në NATO.

Një njoftim nga Shtëpia e Bardhë tha se Biden gjithashtu “përsëriti angazhimin e tyre të përbashkët për të vazhduar koordinimin në mbështetje të Ukrainës dhe popullit ukrainas të prekur nga lufta”.

Ai bisedoi me kryeministren suedeze, Magdalena Andersson dhe presidentin finlandez, Sauli Ninisto.

Shtëpia e Bardhë dhe Pentagoni thanë më vonë se po kërkonin sqarime mbi kundërshtimet e mundshme nga aleati i NATO-s, Turqia, ndaj anëtarësimit finlandez dhe suedez.

Qeveritë suedeze dhe finlandeze këtë javë kanë paraqitur plane për të angazhuar vendet e tyre që të aplikojnë për anëtarësim në NATO sa më shpejt, si rezultat i kërcënimit të parashikuar nga Moska.

“Presidenti Biden nënvizoi mbështetjen e tij për politikën e dyerve të hapura të NATO-s dhe për të drejtën e Finlandës dhe Suedisë për të vendosur vetë për të ardhmen e tyre, politikën e jashtme dhe marrëveshjet e sigurisë”, thuhet në njoftimin e Shtëpisë së Bardhë.

Shumë anëtarë të aleancës kanë shprehur tashmë mbështetje për aplikimet nga Suedia dhe Finlanda, të cilat tradicionalisht kanë mbetur neutrale.

Por presidenti turk, Rexhep Tajip Erdogan më 13 maj tha se ai nuk kishte një “mendim pozitiv” për anëtarësimin e tyre.

Anëtarësimi në NATO kërkon mbështetje unanime midis 30 vendeve anëtare.

Disa orë pas komentit të Erdoganit, Shtëpia e Bardhë dhe Pentagoni thanë se “po punonin për të sqaruar pozicionin e Turqisë” në lidhje me Suedinë dhe Finlandën.

“Asgjë nuk ndryshon në lidhje me qëndrimin e tyre në aleancën e NATO-s,” tha zëdhënësi i Pentagonit John Kirby. “Ne po punojmë për të qartësuar më mirë pozicionin [e tyre]”.

Finlanda, e cila ndan një kufi 1,340 kilometra dhe një të kaluar të trazuar me Rusinë, tha më 12 maj se duhet të aplikojë për t’u bashkuar me aleancën ushtarake të NATO-s “pa vonesë”.

Ndërkaq ministrja e Jashtme e Suedisë, Ann Linde tha se anëtarësimi i Suedisë në NATO do të kishte një efekt stabilizues dhe do të ishte me përfitim të gjitha shtetet e detit Baltik.

blank

DASH: Kosova dhe Serbia i zgjedhin vetë prioritetet për politikë të jashtme

RFE/RL

“Kosova dhe Serbia janë shtete sovrane, të cilat kanë të drejtë të zgjedhin vetë prioritetet e tyre për politikë të jashtme”, ka thënë një zëdhënës i Departamentit amerikan të Shtetit, në një përgjigje me shkrim për Zërin e Amerikës në gjuhën serbe.

Departamenti amerikan i Shtetit e ka bërë këtë deklaratë, pasi presidenti serb, Aleksandar Vuçiq, ka thënë se Kosova, duke bërë kërkesë për anëtarësim në Këshillin e Evropës, ka shkelur Marrëveshjen e Uashingtonit.

Në shtator të vitit 2020, Kosova dhe Serbia kanë nënshkruar një marrëveshje për normalizimin e marrëdhënieve ekonomike, e njohur si Marrëveshja e Uashingtonit.

Me këtë marrëveshje, Kosova është pajtuar për një moratorium njëvjeçar mbi përpjekjet e saj për t’u anëtarësuar në organizata ndërkombëtare, ndërsa Serbia ka rënë dakord për një moratorium – po ashtu njëvjeçar – mbi fushatën e saj kundër njohjeve të Kosovës si shtet.

Në bazë të Marrëveshjes së Uashingtonit, moratoriumet tashmë kanë skaduar, por Departamenti amerikan i Shtetit ka inkurajuar më herët Kosovën dhe Serbinë që t’i vazhdojnë ato për të mundësuar përparim në marrëdhëniet mes dy vendeve.

“Moratoriumi ka pasur synim të rrisë hapësirën për bisedime dhe kompromis mes Kosovës dhe Serbisë, çka ne besojmë se përbën interes strategjik për të dyja shtetet”, ka thënë Departamenti amerikan i Shtetit në një përgjigje për Zërin e Amerikës.

“Ne vazhdojmë të besojmë se dialogu për normalizim të marrëdhënieve, me ndërmjetësim të Bashkimit Evropian, është kyç për të dyja shtetet, në mënyrë që t’i hapin rrugë të ardhmes evropiane. Ne bëjmë thirrje për pjesëmarrje urgjente, fleksibile dhe serioze në këtë proces”, ka thënë Departamenti amerikan i Shtetit.

Pasi zëvendëskryeministrja e Kosovës, Donika Gërvalla, ka dorëzuar kërkesën e Kosovës për anëtarësim në Këshillin e Evropës më 12 maj, presidenti Vuçiq u ka thënë gazetarëve në Beograd se Prishtina “ka shkelur brutalisht” Marrëveshjen e Uashingtonit.

“Pas gati dhjetë vjetëve të shkeljes së Marrëveshjes së Brukselit, ata kanë shkelur edhe Marrëveshjen e Uashingtonit, derisa rezoluta 1244 nuk është respektuar kurrë nga udhëheqësit e tyre”, ka thënë Vuçiq.

Për shkak të vendimit të Kosovës, presidenti serb do të mbajë një takim me Këshillin e Sigurisë Kombëtare, të premten, 13 maj.

Marrëveshja e Uashingtonit, e arritur më 4 shtator të vitit 2020 në Shtëpinë e Bardhë, është nënshkruar në prani të ish-presidentit amerikan, Donald Trump.

blank

Guvernatori Republikan i Floridës Ron DeSantis nënshkruan projektligjin që e shpall 7 Nëntorin “Ditën e Viktimave të Komunizmit” Nga Elida Buçpapaj

Në majin e vitit të shkuar Shteti i Teksasit votoi për të caktuar 7 Nëntorin si “Ditën Përkujtimore të Viktimave të Komunizmit” në kujtim dhe nderim të atyre që kanë humbur jetën dhe kanë vuajtur nën regjimet komuniste.

Anëtarja e Këshillit të VOC (Victims Of Communism) është edhe banorja e Teksasit, Dr. Elida Dakoli e cila dha një dëshmi të fuqishme përpara Dhomës së Përfaqësuesve të Teksasit në rrëfimin e përvojave tragjike të familjes së saj nën regjimin komunist të Shqipërisë.

«Kur ​​gjyshi im refuzoi t’ia dorëzonte pasurinë partisë komuniste, ai u burgos, shtëpitë e tij u shkatërruan dhe gjyshja ime me katër fëmijët e saj të vegjël të moshës 1-12 vjeç – përfshirë babanë tim – u hodhën në rrugë pa asgjë Vëllai i saj e strehoi me guxiom gjyshen time dhe fëmijët, por gjyshi im u vra në burg. Ne ende nuk e dimë se ku është varri i tij. Përndjekja e anëtarëve të familjes sime vazhdoi për katër breza. ”

Përveç Texas-it ishin edhe shtetet e Alabama-s, Utah, Virginia që kishin miratuar rezoluta për të njohur zyrtarisht 7 nëntorin si “Dita Përkujtimore e Viktimave të Komunizmit”. Shteti i Virginia ishte i pari që në mars të 2018 njohu 7 Nëntorin si “Victims of Communism Memorial Day”. Pritet e njëjta gjë edhe nga nëntë shtete të tjera si Arizona, Arkansas, Florida, Idaho, Illinois, Misuri, New Jersey, Pennsylvania dhe Carolina e Jugut.

Dhe ja më 9 maj Guvernatori Republikan i Floridës Ron DeSantis  nënshkroi Projektligjin e Dhomës së Përfaqësuesve (HB) 395, duke e caktuar 7 Nëntorin si “Ditën e Viktimave të Komunizmit” për të nderuar qindra miliona njerëz që kanë vuajtur nën regjimet komuniste në mbarë botën. Guvernatori njoftoi gjithashtu se ai do të miratojë 25 milionë dollarë në buxhet për të mbështetur rinovimet dhe restaurimin e Kullës historike të Lirisë në qendër të Majamit.

Në faqen zyrtare të Guvernatorit RonDeSantis lexojmë: “Nderimi i njerëzve që kanë rënë viktimë e regjimeve komuniste dhe mësimi nga studentët tanë për ato mizori është mënyra më e mirë për të siguruar që historia të mos përsëritet”, tha guvernatori Ron DeSantis. “Përmes HB 395 dhe financimit të shpallur sot, ne po garantojmë që historia e atyre që u vranë nga regjimet komuniste dhe përvojat e tyre të ruhen dhe të mos harrohen nga studentët tanë. Ndërsa është në modë në disa qarqe të llustrohet historia e komunizmit, Florida do të qëndrojë për të vërtetën dhe do të mbetet si Shteti Diellshkëlqyes.”

“Faleminderit Guvernator DeSantis, për udhëheqjen tuaj të vazhdueshme dhe Legjislativin për ofrimin e këtij financimi kritik për Kullën e Lirisë së Majamit dhe caktimin e 7 Nëntorit si Ditën e Viktimave të Komunizmit”, tha nën Guvernatoria Jeanette Nuñez. “Projektligji 395 edukon këtë brez fëmijësh dhe brezat e ardhshëm për ideologjinë, historinë dhe tmerret e komunizmit, në mënyrë që liria të mbetet gjithmonë e gjallë në shtetin e diellit.”

HB 395 përcakton 7 Nëntorin si “Ditën e Viktimave të Komunizmit” dhe u bën thirrje shkollave publike që ta respektojnë këtë ditë. Nxënësve të shkollave të mesme do t’ju kërkohet të marrin të paktën 45 minuta mësim mbi temat që lidhen me regjimet komuniste dhe se si kanë vuajtur viktimat nga këto regjime. Udhëzimet për këto tema do të kërkohen duke filluar nga viti shkollor 2023-2024, sqarohet më tutje në faqen elektronike të Guvernatorit të Floridës.

“Unë janë këtu sot për të folur në emër të 120,000 studentëve të Kolegjit Miami-Dade, 75% e të cilëve janë hispanikë dhe shumë prej prindërve dhe gjyshërve të tyre ikën nga komunizmi për t’u dhënë atyre mundësinë për të lindur këtu,” tha Madeline Pumariega, Presidente e Kolegji Dade në Miami. “Investimi juaj këtu siguron se edhe në njëqind vitet e ardhshme historia e prindërve të mi, e prindërve tanë dhe e gjyshërve tanë të tregohet vazhdimisht. Ne do të vazhdojmë të ruajmë trashëgiminë e atyre që njohim dhe atyre që nuk i njohim.”

“Korriku i ardhshëm do të shënojë dhjetëvjetorin e vrasjes së babait tim nga duart e regjimit kuban”, tha Rosa María Payá, Aktiviste Kubane për të Drejtat e Njeriut. “Siç kanë bërë mijëra kubanë më parë dhe ndërsa ne flasim sot, të paktën 1000 kubanë po vuajnë burgimin politik për marshimin paqësor duke kërkuar lirinë. Është koha të ndalet ky proces, kjo fabrikë e viktimave të komunizmit. E vlerësoj këtë iniciativë dhe faktin që po nderojmë viktimat e komunizmit duke u mësuar të rinjve të këqijat e komunizmit dhe detyrimin moral që kemi për ta ndalur atë.”

25 milionë dollarë financim do t’i jepen Kolegjit Miami-Dade për të mbështetur ruajtjen dhe përmirësimin e Kullës së Lirisë, aktualisht shtëpia e Muzeut të Artit dhe Dizajnit të Kolegjit Miami-Dade. pjesë e këtij Muzeumi është edhe Galeria e Trashëgimisë Kubane dhe Eksperiencën e Mërgimit që nderon trashëgiminë e amerikanëve kubanë. Kulla e Lirisë u përdor për Qendrën Kubane të Asistencës në vitet 1960 për të ndihmuar kubanezët që ikin nga regjimi komunist të kenë akses në burimet për jetën e tyre të re në Shtetet e Bashkuara.

Financimi do të përdoret për të përfunduar riparimet urgjente strukturore, për të ruajtur dhe restauruar komponentët arkitekturorë historikë, për të instaluar sistemin e ajrosjes dhe temperaturës dhe sistemet e sigurisë me standartet muzeale për të mbrojtur pjesët e vendosura në muze, për të përmirësuar ekspozitat e muzeut dhe për ta bërë ndërtesën më të aksesueshme për personat me aftësi të kufizuara.

SB 160 krijon një numër përcaktimesh nderi të objekteve të transportit në të gjithë Florida. Do të ketë 26 emërtime rrugësh në të gjithë shtetin, duke përfshirë tre emërtime për të nderuar kubanët që luftuan kundër regjimit të Kastros. Këto tre emërtime do të nderojnë Arturo Diaz Artiles dhe Oswaldo Paya përmes përcaktimeve të rrugëve në kontenë Miami-Dade si dhe Maximino dhe Coralia Capdevila përmes përcaktimeve të rrugëve në County Hillsborough.

Gjatë një konference për shtyp Guvernatori DeSantis tha se kjo ditë ka për qëllim “të nderojë më shumë se 100 milionë njerëz që kanë rënë viktimë e regjimeve komuniste në mbarë botën”.
“Ne duam të sigurohemi që çdo vit, njerëzit në Florida – por veçanërisht studentët tanë – do të mësojnë për të këqijat e komunizmit, diktatorët që kanë udhëhequr regjimet komuniste dhe qindra miliona individë që kanë vuajtur dhe vazhdojnë të vuajnë nën peshën e kësaj ideologjie të diskredituar”, tha ai.

Ndërsa në Twitter doli me këtë tweet:

“Sot, caktova 7 Nëntorin si Ditën e Viktimave të Komunizmit për të nderuar ata që kanë vuajtur nën komunizëm dhe për t’u kujtuar njerëzve shkatërrimin që komunizmi ka shkaktuar në mbarë botën, duke përfshirë një numër të viktimave që i kalon 100 milionë. Në Florida, do të tregojmë të vërtetën për komunizmin.”, me këtë tweet doli në Twitter Guvernatori Republikan Ron DeSantis.

 

 

blank

blank

240 mijë shqiptarë në pritje: Sot dalin përgjigjet e Lotarisë Amerikane

Të gjithë personat që kanë aplikuar për Lotarinë Amerikane do të marrin sot përgjigje.

Duke nisur nga ora 18.00, shqiptarët mund të mësojnë nëse janë përzgjedhur si fitues apo jo. Siç njofton edhe Departamenti i Shtetit i SHBA, Çështjet Konsullore, për t’u interesuar rreth aplikimit tuaj mund të klikoni këtu.

Pasi të ndodheni në uebfaqen e Departamentit të Shtetit, duhet të klikoni mbi butonin “check status” e më pas të vendosni kodin unik që u është dhënë në tetor kur keni bërë edhe aplikimin.

Përzgjedhja bëhet në mënyrë rastësore përmes një shorti kompjuterik.

Në pritje për përzgjedhjen janë rreth 240 mijë shqiptarë.

Një dramë e shoqërisë sonë është emigrimi i shqiptarëve, sidomos i rinisë.

Shqipëria po shpopullohet çdo vit e më shumë teksa të shumtë shqiptarë tentojnë të gjejnë ”shtëpinë” e tyre diku tjetër.

Për qindra mijëra shqiptarë, të pakënëquar me kushtet në vend dhe mënyrën e qeverisjes, çdo vit kërkojnë të largohen dhe një mundësi shohin edhe lotarinë amerikane.

Raportet e hërëpashershme të institucioneve vendase e të huaja zbulojnë një braktisje masive të vendit kryesisht nga të rinjtë. Problematika është vënë shpesh herë në pah, megjithatë nga qeveria nuk duket të ketë ndonjë përpjekje reale në zbutjen e kësaj plage të shoqërsisë./BN

blank

SHBA, ndihma të reja ushtarake për Kievin

VOAL- Shtetet e Bashkuara njoftuan të premten se do të dërgojnë ndihma të reja ushtarake në Ukrainë në vlerë prej 150 milionë dollarësh, kryesisht të shpenzuara për municion artilerie dhe radarë. Fondi për dërgimin e armëve në Kiev, paralajmëron Uashingtoni, megjithatë po mbaron.

Për më tepër, “Kongresi duhet të zhbllokojë shpejt” kërkesën për një fond ndihme prej 33 miliardë dollarësh, theksoi Biden, duke iu referuar ndihmës ekonomike të premtuar nga ana e Shtëpisë së Bardhë për Ukrainën. Ndihma që përfshin 20 miliardë në ndihmë ushtarake, 8.5 miliardë dollarë ndihmë ekonomike për të ndihmuar në ruajtjen e funksionimit të qeverisë së presidentit ukrainas Volodymyr Zelensky dhe 3 miliardë dollarë për ushqim dhe programe humanitare për të ndihmuar civilët.

Ndërkohë sot, të shtunë, rreth pesëdhjetë civilë u evakuuan nga fabrika e çelikut Azovstal në Mariupol, sipas raportimeve të mediave ruse. Një autobus i ri me 13 civilë në bord e la uzinën nën rrethim, ndërsa Tass raporton një automjet të katërt gati për t’u nisur përpara se korridori humanitar të mbyllet në mbrëmje. rsi-eb

blank

Sekretari i Shtetit Blinken me Covid

VOA

Sekretari amerikan i Shtetit Antony Blinken rezultoi pozitiv me Covid-19 të mërkurën, duke patur siptoma të lehta, sipas një njoftimi të Departamentit të Shtetit.

Kryediplomati amerikan i ka bërë të dyja vaksinat, si dhe dozën përforcuese dhe nuk është takuar drejtpërdrejt me Presidentin Biden prej disa ditësh dhe sipas Departamentit të Shtetit, nuk konsiderohet person që ka patur kontakt të afërt me presidentin.

“Sekretari do të izolohet në shtëpi dhe do të vazhdojë punën normalisht. Ai do të rikthehet në zyrë dhe do të rifillojë orarin e plotë dhe udhëtimet sa më shpejt të jetë e mundur”, thuhet në njoftim.

Sekretari Blinken kishte bërë dy teste të tjera, një të të martën dhe një të mërkurën në mëngjes dhe të dyja ishin negative, para se të testonte pozitiv më vonë të mërkurën. Ai kishte marrë pjesë në darkën zyrtare të korrespondentëve të Shtëpisë së Bardhë gjatë fundjavës, një ceremoni e përvitshme, ku marrin pjesë figura të shquara të shtypit dhe politikës dhe numri arrin në disa mijëra vetë.

Zëdhënësi i Shtëpisë së Bardhë Ned Price tha, se departamenti po njofton të gjithë individët me të cilët Sekretari ka patur kontakt të afërt gjatë ditëve të fundit.

Zoti Blinken u takua me Ministren e Jashtme të Suedisë Ann Linde të mërkurën paradite, si dhe me homologun nga Meksika, Marcelo Ebrad të martën.

Zëdhënësi Ned Price, i cili takohet rregullisht me Sekretarin Blinken, tha se ai bëri testin dhe kishte dalë negativ të mërkurën.

Një fjalim i rëndësishëm i Sekretarit Blinken për politikën e administratës ndaj Kinës, i planifikuar për të enjten, u shty.

blank

Biden emëron kreun e ri të Komandës Amerikane në Europë

Gjenerali Christopher Cavoli, i cili momentalisht mban detyrën e shefit të forcave të ushtrisë amerikane në Europë dhe Afrikë, është emëruar nga Presidenti Joe Biden për të mbajtur postin e gjeneralit kryesor amerikan në Europë, si kreu i Komandës Amerikane në Kontinentin e Vjetër.

Lajmin e konfirmoi Sekretari Amerikan i Mbrojtjes, Lloyd Austin. Nëse konfirmohet nga Senati, Cavoli do të marrë drejtimin e rreth 100 mijë ushtarëve amerikanë të vendosur në Europë, në një kohë kur prej më shumë se dy muajsh, Rusia vijon të mbajë trupat e saj në Ukrainë.

Një nga detyrat e gjeneralit Cavoli do të jetë edhe koordinimi i armatimeve dhe furnizimeve të tjera që do të marrë Ukraina, si edhe monitorimi i lëvizjeve ushtarake të Rusisë në Europë.

Komanda Amerikane në Europë është kujdesur që prej fillimit të luftës për sigurimin e funksionimit të të gjithë zinxhirit të dërgimit të armëve perëndimore në Ukrainë. Armatimet dërgohen në vendet kufitare, si Polonia dhe Rumania, e më pas merren nga personeli ushtarak ukrainas e futen brenda vendit përmes kamionëve apo trenave. Forcat amerikane në këtë njësi gjithashtu janë marrë edhe me trajnimin e ushtarëve ukrainas në përdorimin e sistemeve të artilerisë.

Cavoli do të zëvendësojë në këtë detyrë Gjeneralin e Forcave Ajrore, Tod Wolters, i cili do të dalë në pension. Cavoli flet rusisht dhe ka shërbyer si drejtori për Rusinë në Shtabin e Përgjithshëm të Ushtrisë Amerikane. Ai gjithashtu ka kryer misione në Afganistan dhe ka njohuri të zgjeruara për luftime dhe operacione ushtarake në terren./A2CNN

blank

Një kompani amerikane prodhon dronë për ushtrinë e Ukrainës

Khrystyna Shevchenko

Një kompani me bazë në Siatëll të shtetit të Uashingtonit, po prodhon dronë speciale për të ndihmuar forcat e armatosura të Ukrainës. Dronët do të përdoren në misionet e kërkim-shpëtimit dhe mund të ofrojnë mundësi vëzhgimi në ato vende, ku është shumë e rrezikshme të dërgosh njerëz. Korrespondetja e Zërit të Amerikës Khrystyna Shevchenko njofton.

Njëzet e dy vjeçari Blake Resnick, themeluesi dhe drejtori ekzekutiv i kompanisë “BRINC” me bazë në Siatëll, vizitoi Poloninë në muajin mars për të dorëzuar personalisht dhjetë dronë, që ai shpreson se do të ndihmojnë ukrainasit të zmbrapsin ushtrinë e Rusisë.

Kompania e tij është një nga dhjetëra të tilla, të mëdha e të vogla, që po dërgojnë pajisje ushtarake në Ukrainë, për ta ndihmuar këtë vend në luftën kundër Moskës.

Çdo dron kushton rreth 15 mijë dollarë. Zoti Resnick ka zhvilluar disa seanca, ku ka dhënë udhëzime se si mund të përdoren këta dronë.

Dronët tanë po veprojnë në disa grupe misionesh në Ukrainë. E para janë operacionet e kërkim-shpëtimit, fluturimi mbi një ndërtesë, kërkimi i të mbijetuarve, përpjekja për të kuptuar nëse ndërtesa do të shembet më tej pas një sulmi. Po përdoren gjithashtu për të përcaktuar vendndodhjen e forcave ruse”, thotë zoti Resnick.

Fillimisht dronët u përdorën për të ndihmuar ekipet taktike në Shtetet e Bashkuara në situata barrikadash, pengmarrjeje apo personash të armatosur që rrezikojnë jetët e një numri të madh njerëzish. Ato nuk varen nga sistemet GPS, (një sistem që u ofron përdoruesve informacione mbi pozicionim, fluturimin apo kohën).

“Ne jemi në gjendje të depërtojmë më mirë në objekte, të fluturojmë më tej dhe nuk mbështetemi tek GPS-i. Kjo do të thotë, që ne mund të operojmë në mjedise, që e bëjnë të pamundur depërtimin e këtyre lloj sistemeve, sikurse janë ndërtesat e betonit. Ky dron është në thelb një celular fluturues. Pra, nëse arrin tek një i dyshuar, ose një person i dëmtuar, mund të telefononi dhe të bisedoni për të kuptuar situatën”, thotë Dmitry Tarasov, teknik i dronëve “BRINC”.

Dronët mund të funksionojnë në errësirë të plotë dhe madje mund të thyejnë xhamat e dritareve për të hyrë brenda një ndërtese.

Ata kanë një pjesë që thyen xhamin. Sapo e prek atë, ai thyhet dhe kjo mundëson futjen brenda në ndërtesë. Në kushte të tjera do të ishim detyruar ta hapnim me dorë. Thjesht ai ngjitet (droni) dhe vendoset brenda sekondash”, thotë zoti Tarasov.

Zoti Resnick nisi t’i projektonte këta dronë unikë kur ishte shtatëmbëdhjetë vjeç. Në vitin 2021, ai siguroi mbi 25 milionë dollarë investime për projektin e tij. Për të, ndihma dhënë Ukrainës dhe dhurimi i dronëve ishte një vendim i lehtë për shkak të origjinës së tij ukrainase.

Lufta e Ukrainës është krejtësisht morale. Ky është një nga konfliktet më bardhë e zi që kam parë gjatë gjithë jetës sime. Dhe duke e ditur se kjo është një fushë ku teknologjia mund të ndihmojë, u ndjeva shumë i motivuar, që të përpiqesha ta bëja këtë gjë“, thotë zoti Resnick.

Kompania “BRINC” planifikon të dhurojë edhe më shumë dronë për ushtrinë e Ukrainës dhe tashmë Blake Resnick po diskuton mbi këtë çështje me Ministrinë e Mbrojtjes së këtij vendi.

blank

Biden rikthen festimet në Shtëpinë e Bardhë me rastin e Fitër Bajramit

VOA/Marrë nga Associated Press

Presidenti Joe Biden riktheu festimet në Shtëpinë e Bardhë me rastin e Fitër Bajramin një ditë që shënon fundin e Ramazanit, festime që paraardhësi i tij e kishte hequr nga axhenda.

Gjatë Ramazanit myslimanët në mbarë botën zakonisht agjerojnë deri në perëndim të diellit. Fundi i tij shpesh nënkupton mbledhjen për lutje, vizita tek familjarët e miqtë si dhe organizim festash familjare.

Duke iu drejtuar qindra të pranishmëve, Presidenti Biden tha se kishte premtuar në cilësinë e kandidatit për president se do të rikthente shënimin e Fitër Bajramit në Shtëpinë e Bardhë, por u detyrua të mbante një festë virtuale vitin e kaluar për shkak të pandemisë së koronavirusit.

Sot, në mbarë botën, ne kemi parë kaq shumë myslimanë që janë vënë në shënjestër nga dhuna. Askush nuk duhet të diskriminohet apo të shtypet për shkak të besimit të tij fetar”, zoti tha zoti Biden. “Duhet të pranojmë se mbetet shumë punë për të bërë, si këtu ashtu edhe jashtë vendit. Myslimanët e bëjnë kombin tonë më të fortë çdo ditë edhe pse ata ende përballen me sfida e kërcënime reale në shoqërinë tonë, përfshirë dhunën e qëllimtë dhe islamofobinë”, shtoi ai.

Presidentët amerikanë kanë zhvilluar festa me rastin e Fitër Bajramit prej administratës Klinton, përveç Donald Trump-it, i cili nuk ka zhvilluar ndonjë aktivitet zyrtar. Në vend të shënimit të festës, ai ka lëshuar deklarata sikurse ajo e vitit 2020, kur zoti Trump tha për myslimanët se “shpresonte që ata të gjenin ngushëllim e forcë në fuqitë shëruese të lutjes dhe përkushtimit”.

Talib Shareef, Imami i Xhamisë Muhamed në Uashington, që njihet nga disa si “Xhamia e Kombit”, tha gjatë veprimtarisë në Shtëpinë e Bardhë se ky takim ishte një deklaratë e rëndësishme për kombin dhe botën.

Një deklaratë se Islami është një pjesë e mirëpritur e kombit tonë së bashku me të gjitha traditat e tjera fetare“, tha zoti Sharef. “Dhe se zyra më e lartë në këtë tokë është e përkushtuar ndaj vlerave themelore të kombit tonë dhe ligjeve që mbrojnë lirinë fetare“, shtoi ai.


Send this to a friend