VOAL

VOAL

Please Wait ...
0%

Ceremoni nderimi në ish-kampin e internimit në Tepelenë

By | August 23, 2020

Komentet

Mjekja Aurora Dollenberg nga Gjermania: 80% e të infektuar me COVID-19 janë me simptoma të lehta ose asimptomatik

voal. ch – Së fundmi nga Gjermania vjen një studim i mirëfilltë i mjekes shqiptaro-gjermane, njëkohësisht dhe nënkryetare e Federatës së Mjekëve shqiptarë në Evropë, doktoreshë Aurora Dollenberg.

Studimi i saj është bazuar mbi të dhënat e pacientëve që ajo ka trajtuar që prej shfaqjes së pandemisë, pacientë gjermanë dhe shqiptarë.

Rezultatet e studimit tregojnë se rreth 80% e të infektuar me COVID-19 janë me simptoma të lehta ose asimptomatik dhe shërimi tek këta pacientë është pa efekte anësore.

Të tjera të dhëna interesante nga ky studim janë: –

Pothuajse gjysma e pacientëve (48%) rezultoi se nuk kishin sëmundje të tjera shoqëruese – 6% e pacientëve ishin burra në raport me 3% që ishin gra. -10% thotë studimi të infektuarve janë të moshës mbi 25-30 vjeç dhe 70% të infektuar të moshës mbi 65-70 vjeç Doktoreshë Aurora Dollenberg e cila ka kryer dhe këtë studim ishte sot me ne për të na njohur me detajet e këtij studimi.

 

 

 

Albumi i kompozitorit shqiptar Thoma Simaku në Top Ten në revistën prestigjoze Fanfare në SHBA –

Artistët shqiptarë në botë shkëlqejnë me artin e tyre. Art me identitet shqiptar.

 

Lajmi më i fundit që voal.ch ka nderin ta bëjë me  dije është se albumi i kompozitorit shqiptar Thoma Simaku Solos & Duos qe doli ne treg nga shtepia diskografike Naxos Records me 2019, eshte zgjedhur ne dhjeteshen me te mire te vitit nga kritiku James H. North ne revisten prestigjoze Fanfare ne Amerike. Ne kete liste perfshihen CD me vepra nga Beethoven dhe Bartok, si dhe dy kompozitore te tjere te shekullit XXI nga Hollanda dhe SHBA.

Artikulli botohet ne numrin 44:2 te revistes (nentor-dhjetor 2020).

Duke e renditur kompozitorin shqiptar nder kompozitoret e medhenj te shekulli XXI, kritiku amerikan shkruan:

“Secila veper e kompozitorit shqiptaro- anglez Thoma Simaku eshte mahnitese. Ky eshte albumi i tij i dyte ne Naxos, dhe kjo eshte hera e dyte qe ai zgjidhet ne listen time. Nje numer veprash te tjera qe gjenden ne YouTube dhe gjetiu jane po aq stimuluese”.

Te kater instrumentistet angleze Peter Sheppard-Skaerved, Roderick Chadwick, Joseph Houston dhe Chris Orton kane nje aktivitet te gjere nderkombetar. Midis veprave te tjera, ne kete album perfshihen dhe kenga arbereshe Moj e Bukura More, si dhe vepra Soliloquy V – Flauto Acerbo e cila fitoi cmimin ‘Kompozitorit i Vitit’ nga Akademia e Kompozitoreve Britanike (BASCA), te cilen juria e cilesoi si e cilesuar nga juria si vizionare dhe krejtesisht origjinale.

Muzika e kompozitorit shqiptar eshte ekzekutuar ne mbare Evropen, ne SHBA dhe me gjere per tre dekada, dhe eshte vleresuar me nje seri cmimesh nderkombetare per cilesite e saj ekspresive dhe mpleksjen e vecante te intensitetit muzikor dhe modernizmit.

Nder veprat kryesore perfshihen Koncerit per Orkeser Simpfonike qe fitoi çmimin Lutosławski Prize me 2013 ne konkurisn nderkombetar i shpallur me rastitn e 100 vjetorit te kompozitorit polak te shekullit XX, vepra per Orkester Harqesh The Scream (2017) e bazuar ne pikturen e famshme te Edvard Munch; si dhe nje cikel veprash virtuoze per instrumenta te ndryshem solistike. Kenga Moj e Bukura More ne versionin per violin & piano mund te degjohet ne YouTube.

 

Shiheni dhe dëgjojeni: Kënga e Ilir Shaqirit: Atdheu i Shqiptarëve – Grushti do të bjer’ përmbi krye të zuzarve, koha është e maskarenjve po Atdheu i shqipëtarve!

Poezia: Ali ASLLANI – Muzika: Naim GJOSHI – Orkestrimi: Xhevdet GASHI – Këndon: Ilir SHAQIRI

 

Po ku jeni dredharake?
Ju me zemra aq te nxira
Ju dinake e ju shushunja
Ju gjahtare ne erresira

Ç’na pa syri? ç’na pa syri?
hunda juaj ku nuk hyri
Te i miri, te i ligu
Te spiuni me i ndyri

Dallavera nëpër zyra,
dallavera në pazar,
dallavera me të huaj,
dallavera me shqiptar’
Vetëm, vetëm dallavera
dhe në dëm të këtij vendi
që ju rriti, që ju ngriti,
që ju ngopi, që ju dendi!

REF.:
Koha dridhet e përdridhet
do vij’ dita që do zgjidhet
dhe nga trasta pem’ e kalbur
doemos jasht’ do hidhet!
Ne kolltuk ku keni hipur
duke hequr nderin zvarr’,
ësht’ trikëmbshi që përdita
varet kombi në litar!
Grushti do të bjer’
përmbi krye të zuzarve,
koha është e maskarenjve
po Atdheu i shqipëtarve!

Mirpo ju që s’keni pasur
as nevoj’ as gjë të keqe,
më përpara nga të gjithë,
ju i thatë armikut: “Peqe!”
Ç’na pa syri? ç’na pa syri?
hunda juaj ku nuk hyri
Te i miri, te i ligu
Te spiuni me i ndyri

Dallavera nëpër zyra,
dallavera në pazar,
dallavera me të huaj,
dallavera me shqiptar’
Vetëm, vetëm dallavera
dhe në dëm të këtij vendi
që ju rriti, që ju ngriti,
që ju ngopi, që ju dendi!

REF.:
Koha dridhet e përdridhet
do vij’ dita që do zgjidhet
dhe nga trasta pem’ e kalbur
doemos jasht’ do hidhet!
Ne kolltuk ku keni hipur
duke hequr nderin zvarr’,
ësht’ trikëmbshi që përdita
varet kombi në litar!
Grushti rend do të bjer’
përmbi krye të zuzarve
Koha është e maskarenjve
po Atdheu…
Koha është e maskarenjve
po Atdheu i shqipëtarve!

 

 

“Nuk u hap airbag-u dhe arrita të largohesha”, i shpëtoi atentatit, rrëfehet avokati nga Kosova (video)

Në studion e emisionit “Me Zemër të Hapur” në News24 ka ardhur sot rrëfimi i avokatit nga Kosova Gazmend Halilaj, i cili në prill të këtij viti arriti t’i shpëtonte një atentati para banesës së tij ku u qëllua me 11 plumba. Sulmi erdhi pas zbulimit të disa ngjarjeve dhe autorëve të tyre teksa është mrekulli që ai jeton ende dhe pse u qëllua nga afër me armë. Halilaj thotë se fillimisht shpëtoi pas përplasjes me makinë nga autorët pasi nuk u hap airbag-u i makinës që mund ta kishte bllokuar dhe ta kishte bërë shënjestër më të lehtë për vrasësit dhe më pas falë fizikut të tij ka mundur të vrapojë dhe pse me plumba dhe i plagosur.

Ndiqni rrëfimin e tij në emisionin “Me zemër të hapur” me moderatoren Evis Ahmeti ku u trajtua dhe përdhunimi i të miturës nga Drenasi nga profesori i saj.

Si e zbuluat ju Gazmend këtë skandal?
Këta që kanë abuzuar janë në poste zyrtare brenda orarit zyrtar dhe jashtë orarit janë organizatorë të grupeve kriminale.

Si i zbuluat ju të gjitha këto?
Unë e kam zbuluar këtë çështje pasi nuk e mora si kliente por desha ta ndihmoja atë të mitur pasi ajo ishte një nxënëse shembullore nga një familje sportiste.

Si u procedua me vajzën? Si është sot ajo?
Vajza tani është shumë mirë, shkollohet dhe vazhdon jetën.

 

Ju keni zbuluar edhe rastin e vjedhjes së milionave markave, para të destinuara për luftën?
Po ky ishte një skandal i zbuluar nga mua pasi e di shumë mirë kush i bëri, janë njerëz të implikuar në politikë dhe zyrtarë të lartë.

Ju Gazmend i keni marrë parasysh të gjitha këto, por keni pasur një atentat të rrezikshëm?
Po mua mu bë atentat për këtë zbulim, u qëllova nga një makinë para banesës time dhe pastaj dy persona me dy armë të cilët derdhën 11 plumba mbi mua!

Si shpëtuat nga ky atentat Gazmend?
Falënderoj zotin, sepse nuk u hap airbag-u dhe unë zbrita nga makina menjëherë dhe u rrëzova tre herë, por fiziku im i fortë dhe ajo çfarë kam qenë më parë më ndihmuan.

Po familja juaj si e priti? A kanë frikë sot?
Unë nuk kam kurrë frikë dhe as familja ime, pasi jam me drejtësinë për ngjarjet.

Gazetari: Implikim i madh me pushtetin
Nehat Shaqiri, gazetar i “Bota Sot” mbështeti rrëfimin e avokatit Halilaj. Ai tha se do t’i shkojë deri në fund rasteve pavarësisht kërcënimeve nga autorët.

“U njoha me rastin nëpërmjet mediave dhe ngjarjes që mori bujë të madhe. Aty është një implikim i madh i cili ka të bëjë me pushtetin dhe me afera të mëdha të zyrtarëve të lartë në shtet. Ka shumë gjëra që i kemi përjetuar shumë keq, pasi ne kemi shkruar, unë kam hulumtuar për rastin e të miturës por edhe rastin e zbulimit të 1.4 milionë markave. Kam ndjekur rastin e Gazmendit dhe fotot që janë bërë montazh kundrejt Gazmendit. Unë i kam hulumtuar edhe rastet e tjera të abuzimit dhe do vazhdoj përsëri t’i ndjek edhe pse ka raste që shumë kolegë të mi janë vrarë. Unë kam pas një rast kur më kanë kërcënuar për shkak të zbulimeve të rasteve abuzive. Kërcënimet në Kosovë bëhen nga njerëz shumë të rëndësishëm pasi janë të mbrojtur nga shteti”, tha gazetari Shaqiri.

Zbuloi dy skandale në Kosovë, avokati i shpëton atentatit me 11 plumba, ja pamjet e sulmit (Video)

Emisioni “Me zemër të hapur” në News24 ka sjellë sot pamjet e atentatit ndaj avokatit Gazmend Halilaj, pas zbulimit të dy skandaleve nga ana e tij që e vendosën në shënjestër të autorëve.

Gazmend Halilaj u citua si hero i Drenasit, pasi ishte një nga personat që zbardhi rastin tragjik të 16-vjeçares nga Drenasi e abuzuar seksualisht nga profesori i shkollës dhe hetuesi i rastit e cila u detyrua të abortonte në muajin e katërt të shtatzanisë nga një mjek i cili u pagua nga abuzuesit.

Por jo pak bujë bëri edhe rasti i zbulimit të vjedhjes së 1.4 milionë markave, para të destinuara për luftëtarët në luftë në vitin 1999. Pikërisht për zbardhjen e këtij rasti Gazmend Halilaj u kërcënua me jetë, makina e tij u përplas nga një makinë tjetër në afërsi të banesës e ndërsa 11-plumba u derdhën mbi të.

Shqiperia e vetmja pa ndryshuar mjekimin per Covid

Kur ka kaluar më shumë se 10 muaj nga shpallja e pandemisë së koronavirusit në botë, vendi ynë është i vetmi që vijon të ndjekë të njëjtin protokoll trajtimi si në ditën e parë, kur njohuritë për virusin ishin zero. Referuar këtij protokolli, mjekët e familjes trajtojnë thuajse çdo rast Covid pozitiv me antibiotikë, edhe kur simptomat janë të lehta.

“Në vendin tone është i disponueshëm një protokoll trajtimi për këta pacientë, i miratuar nga Ministria e Shëndetësisë dhe Mbrojtjes Sociale. Ai përfshin më të detajuar rastet e lehta dhe të mesme, të cilat ndiqen në banesë nga mjeku i familjes”, u shpreh mjekja Valbona Salko.

Në një intervistë për Televizonin Klan, nënkryetarja e Federatës së Mjekëve Shqiptarë në Europë, Aurora Dollemberg, mjeke në Gjermani, na thotë se protokollet europiane janë përditësuar dhe tashmë asnjë pacient nuk trajtohet si në fillim të pandemisë, ndërsa përdorimi i antibiotikut në rastet me simptoma të lehta cilësohet i gabuar dhe i dëmshëm.

“Është një gabim klasik, të paktën këtu në Gjermani, por edhe në vendet europiane, Ka protokolle strikte për antibiotikun dhe vetëm nëe rastet që verifikohet që kemi një infeksion bakterial atëherë kemi të drejtë ta japim dhe jo për shenjat virale siç janë ato të Covid. Në fillim është medikamenti antimalarik dhe pas 6 muajsh është ndaluar në mënyrë kategorike dhënia e tij”. Azithromycina u propozua në fillim si një antibiotik çudibërës për rastet me Covid, Shqipëria vijon ta rekomandojë si alternativë të parë dhe më të mirën, por bota e ka ndaluar prej kohësh. “Për fatin e keq Azithromycina ka dal nga të gjitha protokollet europiane, nuk është zgjedhje e parë, madje është e ndaluar”, shtoi mjekja Dollemberg.

Protokolli amerikan, anglez, gjerman dhe ai austriak i trajtojnë pacientët me simptoma të lehta vetëm me paracetamol, ndërsa ndalojnë përdorimin e Azithromycinës në çdo rast. Po ashtu përdorimi i Ibuprofenit që në fillim ishte e ndaluar ka nisur të rekomandohet nga mjekët në botë për qetësimin e dhimbjeve dhe uljen e temperaturës. Tv Klan

(Video) Dokumentar i TV Klan me rastin e 50 vjetorit të marrëdhënieve diplomatike Zvicër -Shqipëri

Dokumentar i TV Klan me rastin e 50 vjetorit të marrëdhënieve diplomatike Zvicër -Shqipëri.

 

(Video) Sopranoja me famë botërore Inva Mula: Teatri i Operës i paprekshëm, nuk mund të bëhet privat

voal.cgh – Teatrit të Operas i rrezikohet jeta që të shkojë në xhepin e ndonjë klienti të kryeministrit të papërgjegjshëm shqiptar Edi Rama. Ai përdor lolon e tij minisrten e kulturës që të dalë publikisht për t’i shprehur qëllimet e bosit të saj.

Ka qenë i menjëhershëm reagimi i sopranos me famë botërore Inva mula në një prononcim për TV24 në Tiranë që po e sjellim më poshtë.

Pasi është konsultuar me drejtues të operave më të mëdha franceze, për modelet e tyre të menaxhimit, artistja tha se opera nuk mund të bëhet private.

 

TIRANE– Sopranoja shqiptare me famë botërore Inva Mula ka analizuar propozimin e ministres së Kulturës, që kishte të bënte me shkëputjen e Operas nga shteti. Pasi është konsultuar me drejtues të operave më të mëdha franceze, për modelet e tyre të menaxhimit, artistja tha për ‘Balkan Web’ se opera nuk mund të bëhet private.

“Opera? Shqiperia nuk i ngjan vendeve te tjera. Është fat që u ndërtua në vitet 1950, kur kishim aq vështirësi. Teatri i operas është i paprekshem në gjithë Lindjen, ai nuk është prekur pavarësisht ndryshimeve që kanë ndodhur. Opera është aset, nuk mund të bëhet private, kjo as nuk diskutohet” u shpreh sopranoja.

Inva sugjeron që teatro operash duhet të kenë edhe qytete si Shkodra ku u vu opera e parë shqiptare,  apo Korça, ajo e sheh institucionin si panteon.

Mula sugjeron financime shtesë nga bizneset e mëdha ku shteti është rregullator.

Shteti duhet të ndërhyje qe bizneset e mëdha të ndihmojnë duke shtuar buxhetin për Teatrin e Operas. Unë bëj thirrje për një tryezë me artistë  shqiptarë, me studiues për Operan. Unë vetë mund të ftoj drejtues të opera të mëdha europiane që të sjellin përvoijat e tyre në menaxhim”, thotë sopranoja e njohur.

Ajo sugjeron bisedime dhe zgjidhje që do të bëjnë që “Teatri Kombëtar i Operas dhe Baletit, të qëndrojë me këmbët e veta, por gjithmone si aseti  kyesor i shtetit shqiptar”.

 

(Video) Nuk ka asnjë reagim nga Akademitë shqiptare ndaj fyerjeve që Beogradi bën ndaj shkrimtarit e historianit të shquar Jusuf Buxhovi për veprën “Dardania – antika, mesjeta”.

Dëgjoni si vjell vrerë me fyerje dhe sharje Beogradi kundër shkrimtarit dhe historianit të shquar shqiptar Jusuf Buxhovi, për veprën e tij “Dardania – antika, mesjeta”,
ndërkohë nuk ka asnjë reagim nga Akademitë shqiptare!
Autori i “Dardanisë” fyhet nga Beogradi: “shiftar i çmendur”!
Vazhdojnë reagimet e ashpra, kresisht me fyerje nga më të rëndat,
nga Beogradi pas botimit të librit “Dardania – antika, mesjeta”.
Ato janë edhe të kuptueshme, ngaqë, me argumente të pamohueshme, demistifikohen gënjeshtrat e tyre që janë përhapur prej më shumë se një shekull!
Këto reagime, përkujtojnë fushatën që pat filluar Beogradi dhe disa “historianë” nga Kosova pas botimit të “Kosovës” në tre vëllime ku u vunë në pah mashtrimet e historiografisë serbe rreth të ashtuquajturit shtet mesjetar serb, që demantohet nga shumë burime bizantine…
Këtë herë, në mungesë të reagimeve shkecore, autori i “Dardanisë” quhet “shiftat i çmendur”!

(Video) Dalin në dritë thesarët e Pirustit të Ilirisë – Dukagjini i Arbërisë – arbërve të mesjetës në Komanin e 9 kishave

Reportazh nga News24: Dalin në dritë thesarët e arbërve të mesjetës në Komanin e 9 kishave.
E si mos të ndihemi krenarë me Komanin e madhërishëm?
Me zemrën e Arbërisë! Me urën lidhëse të arbërve dhe ilirëve që na ndrin faqen në historiografinë botërore!
Arkeologia, zj. Etleva Nallbani ka të drejtë kur i referohet si popullsi dukagjinase, sepse edhe vetë Puka është Dukagjini i Vjetër dhe vendorigjina e Dukagjinëve. E mos të harrojmë se në Sardë të Komanit, Lek
Dukagjini kishte edhe rezisencën e tij të fortifikuar, kalanë e tij në pjesën më perendimore të Dukagjinit të Vjetër (Pukës) e gjithashtu Principatës së Dukagjinëve.
Nga puna e arkeologëve, fakteve dhe gjetjeve arkeologjike e mbi të gjitha gjetjes së punishtës së përpunimit të metalit, vërteton edhe më shumë dhe qartë se Puka gjithashtu ishte edhe epiqëndra e popullsisë piruste, pra e fisit Pirust.
Në një numër të revistës “Hylli i Dritës”, ndër të tjera shkruhet se “Pirustët, përpunuesit e metaleve, së pari ishin (banorë) në Koman të Pukës.”
Pra, Puka = Pirusti i Ilirisë – Dukagjini i Arbërisë.
Falenderojmë përzemërsisht misionin e arkeologëve, të gjithë ata që po kontribuojnë të nxjerrin çdo ditë e më shumë në dritë copëza të historisë, vazhdimësisë së popullsisë dhe trashëgimisë kulturore të PUKËS
SË LASHTË!!!
Falenderojmë News24 e gjithashtu gazetarët!
KOMANI DUHET TË SHPALLET “NDERI I KOMBIT” për vlerat e jashtëzakonshme e të pakrahasueshme që i shton Atdheut tonë, Shqiptarisë.
Thesaret e arberve te mesjetes ne Komanin e 9 kishave Deshmite e fisnikeve arber ne malet e Komanit Etleva Nallbani, drejtuese e misionit arkeologjik “Komani tregon mesjeten e Arberit ne teresine e vet”
Nallbani: Qyteza shtrihet ne mbi 1 mije hektare “Jane kishat e Shen Janit, Shen Gjergjit, Shen Mhillit” “Eshte nekropoli, kalaja, kisha e Shen Kollit”
Nallbani: Pas nekropolit, prisnim nje kishe te madhe Komani ishte qyteze e pasur, ka 9 kisha e disa lagje Nallbani: Kishin tregti deri me Kalifatin arab “Nekropoli na tregon armet, veshjet e bizhute” “Mund te jene Dukagjinas, kulturalisht shume te pasur”
Elvana Metalla, arkeologe “Te kisha e Shen Gjergjit gjejme punishte metali” “Materiale te ardhura nga Venecia dhe vendase”
Nallbani: Varret, nga shek. IV ne shek. XII “Riti i varrimit ka gjithe takemin, veshje, arme” “Varret jane familjare, ka veshje laike e kishtare” “Ka kuti ne varret familjare dhe kultura veshjesh”
Nallbani: Trashegimi ne gjerdane dhe rripa
Helidon Sokoli, Arkeolog “Linja e fortifikimit tregon mbrojtjen e qytezes” Sokoli: Fortifikimi doli gjate survejit tone Deshmite e fisnikeve arber ne malet e Komanit

(Video) Intervistë e Xhafer Shatrit: Fati i individit nuk është fati i Kosovës!

Xhafer Shatri tregon për telashet e Kosovës. Ndiqeni se ia vlen. Intervistoi Agron Bajrami

 

https://www.youtube.com/watch?v=Tk1KBYBIhzY

 

Trump: Marrëveshja Kosovë-Serbi, një hap i madh përpara

Besim Abazi

Presidenti amerikan, Donald Trump, tha se Serbia dhe Kosova ranë dakord të normalizojnë marrëdhëniet ekonomike, duke e cilësuar këtë si “një tjetër angazhim historik”.

Presidenti Trump i bëri komentet në një deklaratë për shtyp të premten, pas nënshkrimit të marrëveshjes mes dy vendeve në Shtëpinë e Bardhë.

Në dokumentin e nënshkruar në praninë e Presidentit Trump parashikohet vënia në jetë e lidhjeve rrugore dhe hekurudhore mes Prishtinës dhe Beogradit si dhe projekte të tjera me një vlerë të përgjithshme që, sipas kryeministrit të Kosovës, Avdullah Hoti e kalon shifrën 1 miliard euro.

“Pas një historie të dhunshme dhe tragjike dhe vitesh negociatash të dështuara, administrata ime propozoi një mënyrë të re për të kapërcyer ndarjen”, thuhet në deklaratën e presidentit Trump. “Duke u përqëndruar në krijimin e vendeve të punës dhe rritjen ekonomike, të dy vendet ishin në gjendje të arrijnë një përparim të vërtetë në bashkëpunimin ekonomik për një gamë të gjerë çështjesh”.

Presidenti Trump tha se me këtë marrëveshje është bërë gjithashtu përparim në arritjen e paqes në Lindjen e Mesme. Kosova dhe Izraeli kanë rënë dakord për normalizimin e marrëdhënieve dhe krijimin e lidhjeve diplomatike. Serbia është zotuar të hapë një zyrë tregtare në Jeruzalem këtë muaj dhe të zhvendosë ambasadën e saj në Jeruzalem deri në korrik.

“Është dashur një trimëri e jashtëzakonshme nga Presidenti Vuçiq i Serbisë dhe Kryeministri Hoti i Kosovës për të filluar këto bisedime dhe për të ardhur në Uashington për të finalizuar këto angazhime”, thuhet në deklaratën e presidentit Trump. “Në këtë mënyrë, ata i kanë bërë vendet e tyre, Ballkanin dhe botën më të sigurtë. Unë pres që të shoh Serbinë dhe Kosovën të përparojnë ndërsa ne punojmë së bashku për bashkëpunimin ekonomik në rajon në të ardhmen”, përfundon deklarata.

“Serbia dhe Kosova janë përkushtuar për normalizimin ekonomik”, tha presidenti Trump duke theksuar se “është një hap i madh përpara për të vendosur përparimin dhe paqen në Ballkan dhe në botë”.

Ai tha gjatë ceremonisë së nënshkrimit në Zyrën Ovale se Kosova dhe Izraeli janë pajtuar të vendosin marrëdhënieve diplomatike, ndërsa Serbia është zotuar ta lëvizë ambasadën e saj në Jerusalem.

Në një deklaratë pas njoftimit, Kryeministri izraelit Benjamin Netanyahu tha: “Kosova do të jetë vendi i parë me shumicë myslimane që hap ambasadë në Jeruzalem. Siç e kam përmendur ditët e fundit, rrethi i paqes dhe i njohjeve për Izraelin po zgjerohet dhe pritet t’i shtohen vende të tjera.”

Kryeministri i Kosovës, Avdullah Hoti, tha se marrëveshja me Serbinë është një hap i madh që duhet të çojë në njohjen e ndërsjellë ndërmjet të dyja vendeve.

Ndërsa presidenti serb, Aleksandër Vuçiç, tha se ka ende shumë dallime ndërmjet Serbisë dhe Kosovës, por ky është një hap i madh përpara.

Befasi në takim

Pas ditës së parë të bisedimeve mes Kosovës dhe Serbisë në Uashington, Presidenti i Serbisë, Aleksandër Vuçiç, tha se gjatë takimit, ishin paraqitur projekt-propozime që përfshinin njohjen e ndërsjellë dhe se ai e kishte refuzuar një gjë të tillë, ndërkohë që kryeministri Avdullah Hoti nuk u përgjigj nëse një gjë e tillë ishte propozuar por tha se “marrëveshje të dëmshme për Kosovën, të papranueshme për Kosovën, asnjëherë nuk ka ardhë dhe nuk do të vijë nga Shtëpia e Bardhë”.

Ambasadori Richard Grenell, i dërguar i posaçëm i presidentit Donald Trump për bisedimet Kosovë – Serbi, mohoi të jetë shtruar në tryezën e bisedimeve çështja e njohjes së ndërsjellë, pasi një gjë të tillë e tha fillimisht për mediat, Ministri serb i Financave, Sinisa Mali.

Ambasadori Grenell i tha portalit “Newsmax” se “nuk ka bisedime, që nuk kanë ndonjë befasi, të cilat janë gjithmonë të mira. Ato ushtrojnë trysni mbi të dyja palët që të bëjnë më shumë. Pra, po, kemi paraqitur disa befasi, por mendoj që asnjëra palë nuk ishte aq e befasuar. Ndonjëherë bëhen para medieve se kjo është befasi më e madhe se sa që është. Të dyja palët janë njoftuar dhe mendoj që kemi shënuar përparim dhe shpresoj për një zgjidhje”, tha ai.

Pala serbe tha se kërkesa për njohjen e ndërsjellë ishte shtruar si një nga pikat e diskutimeve të ndërmjetësuara nga Këshilltari për Sigurinë Kombëtare, Robert O’Brien dhe ambasadori Richard Grenell, i dërguar i posaçëm i presidentit Donald Trump për bisedimet ndërmjet të dyja vendeve.

“Ai dokument ishte shumë i rëndë, kishte 15 apo 16 pika dhe një prej tyre ishte për njohjen e ndërsjellë. Unë e refuzova. Nuk është asgjë e re sepse kjo është politika amerikane, vetëm se ne thamë që ajo pikë nuk duhet të jetë në dokumentin për stabilizimin ekonomik. Nga kabineti i Trumpit u treguan “fer” dhe na dëgjuan. Në dokumentet tjera kjo pikë nuk është më”, tha presidenti serb.

Zoti Vuçiç tha pas takimit për shërbimin serb të Zërit të Amerikës se “kishte disa vështirësi politike për ne por mendoj dhe shpresoj që i kemi kapërcyer ato dhe vazhdoj të shpresoj që ta arrijmë një marrëveshje nesër.”

“Nëse më pyesni mua nëse Serbia do të pranojë njohje të ndërsjellë që ishte përmendur në disa projekt-propozime, kjo nuk do të funksionojë për Serbinë”, tha ai.

I pyetur nga gazetarët nëse kishte kërkuar njohjen nga Serbia, Kryeministri i Kosovës, Hoti u përgjigj:

“Për çdo gjë që flasim me Serbinë, qëllimi ynë është njohja reciproke. Sot kemi bërë një hap të madh në drejtim të përafrimit”, tha ai.

Zëri i Amerikës ndoqi më herët të enjten më herët një paraqitje të ministrit serb Sinisha Mali, i cili tha se palëve u është dorëzuar një dokument ku përfshihet një pikë që parashikon njohjen e ndërsjellë.

“Temat ekonomike nuk janë kryesoret, siç kemi pritur. Pika e dhjetë e listës që na është paraqitur flet për njohjen e ndërsjellë, ndërsa të gjitha 16 pikat janë politike dhe jo ekonomike”, tha ai.

“Ky është propozimi më i keq që kemi parë në historinë e bisedimeve tona me shqiptarët e Kosovës. Por ne nuk do të heqim dorë dhe do të luftojmë”, tha ministri serb.

Ai tha se po ushtrohet trysni mbi presidentin e Serbisë, Aleksandër Vuçiç, i cili kishte paralajmëruar se mund të ketë “befasi gjatë takimit”.

Bashkëpunimi ekonomik

Ndërkohë, Këshilli për Siguri Kombëtare shkroi se pati “bisedime shumë të mira këtë pasdite me udhëheqësit e Kosovës dhe Serbisë. Ata bënë përparim të vërtetë. Normalizimi ekonomik nënkupton vende pune për të rinjtë. Bisedimet do të vazhdojnë nesër”, thuhet në postimin në Twitter të Këshillit për Siguri Kombëtare.

Zoti Vuçiç shfaqi shpresën se mund të arrihet marrëveshje për çështje ekonomike, projekte të infrastrukturës, lidhjet ndërmjet Beogradit e Prishtinës që siç tha, do të ishin në të mirë të serbëve në Kosovë, të shqiptarëve dhe të gjithëve.

Kryeministri i Kosovës, Avdullah Hoti, tha se të premten pritet të prezantohet marrëveshja për temat ekonomike, për të cilat i diskutua të enjten në Shtëpinë e Bardhë.

“Nesër presim që ta finalizojmë të gjithë këtë angazhim që kemi pasur tash e sa kohë dhe diskutimet që patëm sot”, tha kryeministri Hoti.

Edhe presidenti Vuçiç tha se shpreson në një marrëveshje për tema të interesit të përbashkët.

Kosova dhe Serbia biseduan sot në Shtëpinë e Bardhë, për herë të parë në një nivel të lartë të udhëhequr nga Shtetet e Bashkuara të Amerikës.

Para takimit ishte thënë se bisedimet do të përqendrohen tek çështjet ekonomike dhe se Shtetet e Bashkuara nuk kanë asnjë plan sekret për zgjidhjen politike.

Më herët gjatë ditës ambasadori Grenell, shkroi se populli i Kosovës dhe i Serbisë meritojnë normalizimin ekonomik dhe shansin për të krijuar një ekonomi të zhvilluar. Në një postim në rrjetin twitter ai tha se “sot është i përqendruar te të rinjtë që duan një karrierë, një punë të mirë dhe një lidhje me perëndimin. Le ta lëmë mënjanë politikën”, shkroi ai.

Kryeministri i Kosovës, Avdullah Hoti tha para se të fillonte takimi se me Serbinë do të bisedohet vetëm për njohjen e ndërsjellë, ndërsa presidenti serb, tha se pret takim të vështirë, por “dorëzimi nuk është një opsion”.

Reagimi i kandidatit Biden

I pyetur nga Zëri i Amerikës lidhur me marrëveshjen për normalizimin e marrëdhënieve ekonomike mes Kosovës dhe Serbisë, kandidati demokrat për president, Joe Biden tha se nuk ishte në dijeni të hollësive të marrëveshjes, megjithatë, “Ajo që kam argumentuar në lidhje me Serbinë dhe Kosovën është se Kosova duhet të jetë një vend i pavarur. Nuk është pjesë e Serbisë. Kam kaluar shumë kohë atje. Nuk i di hollësitë e marrëveshjes por supozoj se do ta përforconte pavarësinë e Kosovës.

Zoti Biden tha se e sheh me pozitivitet faktin që një vend me shumicë myslimane si Kosova e njeh Izraelin si shtet. “Mendoj se është e rëndësishme. Por gjithashtu besoj se Izraeli duhet të jetë i përgatitur të punonjë drejt një zgjidhje me dy shtete me palestinezët, tha zoti Biden.

<iframe src=”https://www.zeriamerikes.com/embed/player/0/5572130.html?type=video” frameborder=”0″ scrolling=”no” width=”640″ height=”360″ allowfullscreen></iframe>

 


Send this to a friend