Lëvizja qytetare kundër qeverisë vijon edhe sot në Tiranë, ku pritet të mbahet protesta e 53-të radhazi me kërkesën kryesore për dorëheqjen e kryeministrit Edi Rama dhe largimin e qeverisë.

Ashtu si në ditët e mëparshme, protesta pritet të nisë në orën 19:00, në sheshin “Skënderbej”, ku më pas do vijojë marshimi drejt Kryeministrisë.

Organizatorët kanë bërë thirrje për pjesëmarrje masive, duke deklaruar se mobilizimi do të vijojë çdo ditë deri në plotësimin e kërkesave të tyre.

Për 52 ditë me radhë, qytetarë të shumtë janë mbledhur në kryeqytet duke protestuar ndaj një sërë çështjesh që, sipas tyre, dëmtojnë interesin publik.

Mes tyre përmenden kundërshtimet ndaj investimit në Zvërnec, ligjit për investitorët strategjikë, Paketës së Maleve, si dhe ndryshimeve për zonat e mbrojtura dhe trashëgiminë kulturore.

Gjatë protestave të zhvilluara deri tani nuk kanë munguar thirrjet kundër qeverisë dhe klasës politike, ndërsa protestuesit kanë kërkuar ndryshime të thella politike dhe institucionale.

Ndërsa të enjten pritet një tjetër tubim para Parlamentit, në ditën kur zhvillohet seanca e fundit plenare e këtij sesioni parlamentar. bw

Udha për kampion mes Spanjës dhe Argjentinës numëroi rreth 80,600 sportdashës të futbollit në “MetLife Stadium”*, (New York-New Jersey) posaçërisht për titullin kampion bote në finalen e 23 të “FIFA KUPA E BOTËS”.
Arsyeja për ta anashkaluar Protestën Qytetare e cila rastisi të Dielën në Ditën e 50-të dhe mbahej njëkohë me finalen e botërorit përtej Atlantikut tregoi disa dukuri mes temperaturave të larta dhe vapës së mes Korrikut. Ndërsa protesta edhe pse me numrat e saj të reduktuar tregon shpirt të pandërprerë vihet në shenjë dhe komentohet si tërheqje, propaganda zyrtare dhe mediat pranë qeverisë janë mezi presin ngjarje të mëdha për të shkëputur vëmendjen. Nisur nga “Fan Zona” e Tiranës që u bë e njohur nga kryeministri me gjatë gjysmë finales Angli-Argjentinë kur Protesta Qytetare ishte në Ditën e 47-të disa tituj krahasues në media dhe rrjetet sociale mezi pritën finalen që të shpërthenin ngjashëm me tituj si; “Ja pjesëmarrja në protestë…” (pamje me dron) dhe “Ethet e finales, tifozët pushtojnë Fan Zonë në Sheshin Skënderbej”.
Me gjithë shtesën finalja e bukur la pas 2-3 orësh palë të gëzuara dhe të hidhëruara mes tifozëve të kryeqytetit sikurse edhe të atyre që e ndiqnin finalen nga klubet dhe shtëpitë dhe duke thënë të drejtën, 2026-a nuk ngjante me Evropianin dhe Botërorin e kaluar kur bashkia e kryeqytetit ngrinte 2 dhe 3 “Fan Zona” dhe ku ekranet gjigande e spektaklet ishin shpenzime të mirëmenduara për fushatat zgjedhore.
Krejt ndryshe, numri “i pakët” i protestuesve i kapur nga dronët dhe i përcjellë nga mediat dallon se mbetet i pandërprerë. Plotëson çdo ditë një numër të ri qëndrese. Nuk ka të humbur dhe fitues në tifozeri politike sepse e tillë është konceptuar, përpjekje për një Shqipëri. Një atdhe të begatë, të sigurt, të drejtë për çdo familje dhe individ që ndërton mirëqenien e vet dhe të brezave që vijnë për lartësimin e kombit.
Nga mijëra kilometra larg dhe diferenca e orës së Tiranës me stadiumin “MetLife” ku zhvillohej finalja, pushimi i ndeshjes dha një shfaqje të shkurtër që përshëndeti mbarë botën ku paraprakisht dihet me afërsi se finalja u ndoq nga 1.5-1.8 miliardë ndjekës të ekranit-tv. Energjia e muzikës, emocioni i lojës dhe ndjenja e dashurisë dallonte për kënaqësinë që japin organizime të kësaj përmase.
Deri këtu nuk do të kishim thënë asgjë që nuk dihet, pasi të tjera të reja do të plotësojnë dijen dhe informacionin e këtij botërori që ishte i madh në përmasa, i zhvilluar në tre shtete SHBA, Meksikë dhe Kanada me plot 104 ndeshje, 3,6 milion sportdashës në stadiume në 39 ditë.
Ndërsa protesta qytetare në Tiranë shënoi ditën e 50, shfaqja mes ndeshjes pati rastësinë e bukur me atë që mund të quhet njëkohësia me himnin e huazuar të protestës. Shumë kujt si pjesëmarrës fizikisht dhe “në korin e sheshit” mbase pa e kuptuar thellë thirrjen “Rama jepe Dorëheqjen!” e ka nga ai grup të rinjsh që kanë dëgjuar në evente sportive këngën “Seven Nation Army” të krijuar nga grupi “The White Stripes”*. Njohur që prej vitit 2003 dhe e kudondodhur në ritmet masive si një himn.

Lëvizja qytetare kundër qeverisë vijon edhe sot, teksa në Tiranë do të mbahet protesta e 52-të radhazi.

Ashtu si në ditët e mëparshme, organizatorët kanë bërë thirrje për pjesëmarrje masive, ndërsa kërkesa kryesore mbetet dorëheqja e kryeministrit Edi Rama dhe largimi i qeverisë.

Prej më shumë se 50 ditësh, qytetarët protestojnë çdo ditë në kryeqytet, duke kundërshtuar jo vetëm projektin e investimit në Zvërnec, por edhe një sërë ligjesh që, sipas tyre, favorizojnë interesa të ngushta dhe dëmtojnë interesin publik.

Në protestat e deritanishme nuk kanë munguar thirrjet kundër qeverisë dhe klasës politike. Protestuesit kanë kërkuar dorëheqjen e qeverisë, shfuqizimin e ligjit për investitorët strategjikë, anulimin e “Paketës së Maleve”, si dhe ndryshimeve në ligjin për zonat e mbrojtura dhe atë për trashëgiminë kulturore.

Dje paradite, protesta u zhvillua edhe para godinës së Kuvendit, ku protestuesit hodhën vezë në drejtim të automjeteve të disa deputetëve, në shenjë kundërshtimi ndaj mazhorancës. Aksioni u shoqërua me masa të forta sigurie dhe tensione, ndërsa seanca plenare u ndërpre disa herë.

Organizatorët kanë bërë të ditur se mobilizimi do të vijojë çdo ditë, duke theksuar se nuk do të ketë tërheqje deri në plotësimin e kërkesave të tyre.

Ndërkohë, të enjten protesta pritet të zhvendoset sërish paradite para godinës së Kuvendit, ku do të zhvillohet seanca e fundit plenare e këtij sesioni parlamentar. Organizatorët synojnë të ushtrojnë presion ndaj deputetëve në ditën e mbylljes së punimeve të Parlamentit, ndërsa më pas tubimi pritet të vijojë sipas axhendës së lëvizjes qytetare. BW

Në tubimin e radhës kundër qeverisë, protestuesit kanë zgjedhur një formë ironike për të përcjellë mesazhet e tyre politike, duke shpalosur pankarta me kritika ndaj disa prej figurave të mazhorancës dhe deputetëve socialistë.

Në njërën prej tyre shkruhej: “Kërkesa 1: Taulant Balla të heqë dorë nga ekonomia dhe të fillojë punë ndërtimi.”

Ndërsa një tjetër pankartë i kushtohej deputetes socialiste, Zegjine Çaushi, ku thuhej: “Kërkesa 2: Zeqineja të rifillojë shkollën nga klasa e parë, por këtë herë me prezencë të detyrueshme.”

Mesazhe ironike pati edhe për ish-zv.kryeministren Belinda Balluku. Në një prej pankartave shkruhej: “Belinda Balluku të lëshojë shtëpitë me qira, 300 mijë lekë në muaj dhe agjenti i shitjeve të jetë Edi Rama.”

Pankartat u bënë një nga elementët më të spikatur të protestës, ku qytetarët vijuan të shprehin pakënaqësitë e tyre ndaj qeverisë dhe përfaqësuesve të saj. bw

Shqipëria po shpopullohet çdo ditë dhe më shumë, ku lindshmëria ka rënë, çiftet e reja largohen nga vendi dhe emigracioni është në kulm, duke i nënshkruar Shqipërisë “certifikatën e vdekjes”.

Kështu u shpreh nga podiumi i protestës në ditën e 51-të të saj, një aktivist i ri.

Ai mori fjalën para Kryeministrisë me tone dhe akuza të forta ndaj qeverisë, duke ngritur shqetësimin për emigracionin, rënien demografike dhe largimin e të rinjve nga vendi.

“Do të flas katër minuta. Në katër minuta një nënë ka sjellë në jetë një bebe, po aq mjaftojnë që një njeri të bëjë gati valixhen. A do t’i përgatisim ne Shqipërisë certifikatën e vdekjes? Shqipërisë ia kemi nënshkruar certifikatën e vdekjes, sepse mijëra largohen çdo ditë”, u shpreh ai.

Aktivisti deklaroi se gjatë vitit të fundit janë larguar rreth 50 mijë qytetarë, duke e krahasuar këtë shifër me zhdukjen nga harta të disa prej qyteteve më të mëdha të vendit.

“Kemi larguar 500 mijë njerëz nga Shqipëria. Është sikur të marrësh Vlorën, Durrësin, Sarandën dhe Shkodrën nga harta, jo nga një fatkeqësi natyrore”, tha ai.

Në fjalën e tij, ai theksoi se çdo ditë dhjetëra çifte martohen, hapen biznese të reja dhe diplomohen studentë, por sipas tij, të rinjtë detyrohen të ndërtojnë jetën jashtë Shqipërisë.

“Çdo ditë 44 çifte vendosin të martohen, 43 individë hapin biznes pavarësisht bandave dhe ryshfetit, ndërsa 77 studentë diplomohen dhe ne i dërgojmë të ndërtojnë të ardhmen e Anglisë, Gjermanisë apo SHBA-së. Pse të mos e ndërtojnë të ardhmen në Shqipëri?”, u shpreh ai.

Dhe shtoi se:

“43 individë çdo ditë vendosin të hapin biznes në Shqipëri pavarësisht bandave dhe ryshfetit ata mendojnë se do ia dalin. 77 studentë diplomohen çdo ditë dhe ne i dërgojmë të ndërtojnë të ardhmen e Anglisë, Gjermanisë, SHBA pse mos të ndërtojnë të ardhmen në Shqipëri, pse t’i dëbojmë? Kur shohin të ardhmen në sy ata nuk tremben ashtu si ata që vendosin të qëndrojnë këtu sepse studentët janë këtu. Policia është me ne, sepse ata janë njerëzit tanë e duhet të jemi tolerantë. Ne e dashurojmë atdheun dhe e duam njëri-tjetrin. Jeni shumë herë më të fuqishëm sesa e mendoni sepse nuk ka imagjinatë që nuk mund ta arrini, ëndërroni në mënyrë të shfrenuar, le të punojmë së bashku për t’i realizuar ëndrrat në shesh. U themi njerëzve në rrjetet sociale ejani në protestë, e politikanëve që këtu vendosim ne”. 

Në fund të fjalimit, aktivisti u bëri thirrje qytetarëve të bashkohen me protestën dhe të vazhdojnë mobilizimin.

“Kemi 51 ditë që vijmë këtu për të treguar se jemi Maratonomakët më të fortë që ka parë Shqipëria. Nuk jemi komunistë, nuk jemi nazistë, por jemi shqiptarë”, përfundoi ai. Panorama

Në ditën e 51 të protestës kundër Ramës, qytetarët nisën marshimin drejt Kryeministrisë. Protestuesit vijuan me thirrjet, “Arresto Ballukun”.

Rezistenca qytetare është sot në ditën e 51-të të saj, duke shënuar një moment historik në rrugëtimin e Shqipërisë pluraliste në këto 35 vite.

Kërkesa e qytetarëve mbetet një dhe e pa ndryshueshme, largimi i qeverisë dhe dorëheqja e pa negociueshme e kryeministrit Edi Rama. BW

Po mbushen 50 ditë që në Tiranë rinia patriotike dhe qytetarët shqiptarë po mbajnë e zhvillojnë protestat më të mëdha ne Historinë e Shqipërisë si një Lëvizje gjithëkombëtare për Triumfin e Kombit, të këtyre protestave që po i japin hov zhvillimit  dhe progresit patriotik e demokratik të Shqipërisë si dhe emancipimit për një  politikës të re kundër establishmentit dhe elitës së vjetër politike e mediatike të regjimit të korrupsionit, hajnisë e tradhtisë

Ajo që çudit është fakti që e kontaktojnë dhe e thonë protestuesit në këto protesta, është ajo se ata falënderojnë  kryesisht dhe vetëm TV NEWS 24 ,i cili është i vetmi televizion që ka pasqyruar në ekranin e publikut dhe për publikun këto protesta rinore e qytetare që ditën  parë të tyre.

Pa TV NEWS  24 këto protesta  të kësaj Lëvizje për Triumfin e kombëtarizmit dhe patriotizmit , këto protesta do ishin në terr informativ sepse  mediat e tjera rrinë jo vetëm ‘indiferente’, por madje edhe mundësojnë që në emisionet e tyre të ftojnë individë që shprehen, intrigojnë dhe hipokrizojnë kundër këtyre protestave  dhe që nuk janë aspak në rolin fisnik që mediat duhet të luajnë, atë të pushtetit  opozitar dhe të mbrojtjes së shqetësimeve  dhe prokopimeve të shoqërisë shqiptare. Ato janë si pushteti  i korrupsionit, pra nuk janë në anën e duhur të historisë dhe të interesit kombëtar, por media mercenare të parësë e të pushtetit, prandaj edhe zëri i  protestës shpesh edhe dëgjohet e bën thirrje, bojkotoni mediat!

Tashmë protestat patriotike të rinisë shqiptare dhe kauzat madhore që ajo i shtron si zgjidhje, këto protesta   tashmë kanë hyrë në Histori dhe shënojnë Epokë, nisur  nga fakti i mbështetjes së jashtëzakonshme të tyre nga e gjithë rinia shqiptare, studentore dhe elita qytetare, por që ditën e parë të tyre  këto protesta janë mbështetur fuqishëm edhe nga diaspora patriotike shqiptare në perëndim ,  protesta të cilat  pasqyrohen  edhe nga  mediat ndërkombëtare   duke u dhënë atyre  dimension jo vetëm gjithëkombëtar por edhe ndërkombëtar, edhe si një leksion qytetarie e modeli paqësor.

Këto protesta po bëjnë zgjimin dhe ndërgjegjësimin  për domosdoshmërinë e zgjidhjes së çështjes kombëtare shqiptare  ,Triumfin e Kombit ,Bashkimin  Kombëtar.

Në kryeqytetin e Shqipërisë në  Tiranë këtij qyteti tashmë mund t’i vihet emri edhe si qyteti i rezistencës dhe i protestave rinore  për luftën kundër korrupsionit, krimit ,tradhtisë së politikës; protestave të cilat do i bëjnë detyrimisht politikës shqiptare Veting-un , ndarjen e Shqipërisë nga politika e vjetër, nga ajo   komuniste dhe nga e kaluara e tranzicionit të regjimit të korrupsionit të këtyre 35 viteve.

Këto protesta  po sjellin kthimin e besimit dhe të shpresës te shqiptarët se Shqipëria bëhet, protesta të cilat do ndalin  largimin e shqiptarëve nga atdheu dhe do mundësojnë e frymëzojnë  kthimin e shqiptarëve në tokën, atdheun dhe në shtetin e tyre, prandaj kudo në Europë  protestojnë diaspora kundër regjimit politik ,kundër politikës së vjetër , kundër krimit, korrupsionit, hajdutërisë dhe kundër  politikës aktuale të këtij tranzicioni në Shqipëri dhe kundër pazareve të saj me trojet shqiptare.

Urojmë që këto protesta të mos ndalen deri në realizimin e kauzave dhe të misionit historik të nisur prej kësaj rinie e qytetarie patriotike.

Skënder Sadri Kapiti

Rezistenca qytetare hyn sot në ditën e 51-të të saj, duke shënuar një moment historik në rrugëtimin e Shqipërisë pluraliste në këto 35 vite.

Mijëra qytetarë shqiptarë mblidhen çdo natë në bulevardin para Kryeministrisë ku mbajnë fjalime dhe më pas marshojnë rrugëve të Tiranës, duke sensibilizuar. Ndërsa kërkesa e tyre mbetet një dhe e pa ndryshueshme, largimi i qeverisë dhe dorëheqja e pa negociueshme e kryeministrit Edi Rama.

Protestuesit u mblodhën edhe dje, në ditën e 50-të të protestës kundër qeverisë dhe kryeministrit Edi Rama, me një pjesëmarrje masive.

Protesta nisi në orën 19:00 me grumbullimin e pjesëmarrësve në sheshin “Skënderbej”, ndërsa më pas ata marshuan drejt godinës së Kryeministrisë, ku u mbajtën fjalime dhe u përsëritën thirrjet për dorëheqjen e kryeministrit.

Pas përfundimit të fjalimeve, protestuesit vijuan marshimin në rrugët e kryeqytetit, duke brohoritur slogane si “Poshtë patronazhistët”, “Edi Rama, jep dorëheqjen”, “Parlament analfabet” dhe “Shqipëria kërkon revolucion”.

Gjatë marshimit u dëgjuan gjithashtu thirrje që kërkonin arrestimin e zëvendëskryeministres Belinda Balluku, si edhe slogane të tjera politike.

Organizatorët dhe pjesëmarrësit deklarojnë se protesta do të vijojë edhe në ditët në vijim, duke theksuar se do të vazhdojnë mobilizimin e tyre deri në realizimin e kërkesave që kanë paraqitur. bw

Qytetarët janë mbledhur një orë para nisjes së seancës në Kuvend për të pritur deputetët që do të hyjnë në godinë.

Ata kanë marrë  vezë, në të cilat kanë “stampuar” emrin e Edi Ramës dhe të deputetëve të tjerë, si dhe këmbore për të treguar në shenjë simbolike se ata veprojnë me urdhër të kryeministrit.

“Dele të Ramës”, u shprehën njëzëri.

Në një moment ata i ranë edhe këmboreve, ndërsa iu drejtoheshin deputetëve se janë “dele të Ramës”. Po ashtu qytetarët deklaruan se ndonëse në Kuvend janë 140 ligjvënës, janë që të gjithë, sipas tyre,  “analfabetë”.

“140 deputetë, të gjithë analfabetë“, deklaruan ata. Panorama

Qytetarët janë mbledhur përpara Kuvendit ndërsa pritej që të nisë seanca plenare e parashikuar në orën 12:00.

Ata ishin “armatosur” me vezë për të shënjestruar deputetët që do të hynin brenda institucionit. Në to kanë shënuar edhe emrat e tyre.

Në disa foto që sjell Gazeta Shqiptare, shihet se është shkruar emri i kryeministrit Edi Rama, i Anila Denajt dhe zyrtarëve të tjerë.

Rezistenca qytetare hyn sot në ditën e 50-të të saj, duke shënuar një moment historik në rrugëtimin e Shqipërisë pluraliste në këto 35 vite.

Kërkesa është e panegocueshme, teksa mijëra qytetarë shqiptarë mblidhen çdo natë në bulevardin para Kryeministrisë ku mbajnë fjalime dhe më pas marshojnë rrugëve të Tiranës, duke sensibilizuar.

Me thirrjet “Nesër më shumë”, “Rama jep dorëheqjen” qytetarët përfundojnë marshimin e tyre çdo natë.

Thirrje të tjera janë “Shqipëria nuk është në shitje”, “Ju erdhi fundi”, “Rama në burg, Berisha në burg”, “Rama në burg, Belinda në burg”, “Arrestoni Ramën, arrestoni Ballukun”, “Rama, SPAK You”, “Revolucion”, “Opozitë e shitur”, “Nuk dorëzohemi deri në fund” dhe të tjera.

Protestuesit u mblodhën edhe dje, në ditën e 49-të të protestës kundër qeverisë dhe kryeministrit Edi Rama, me një pjesëmarrje masive.

Protesta nisi në orën 19:00 me grumbullimin e pjesëmarrësve në sheshin “Skënderbej”, ndërsa më pas ata marshuan drejt godinës së Kryeministrisë, ku u mbajtën fjalime dhe u përsëritën thirrjet për dorëheqjen e kryeministrit.

Pas përfundimit të fjalimeve, protestuesit vijuan marshimin në rrugët e kryeqytetit, duke brohoritur slogane si “Poshtë patronazhistët”, “Edi Rama, jep dorëheqjen”, “Parlament analfabet” dhe “Shqipëria kërkon revolucion”.

Gjatë marshimit u dëgjuan gjithashtu thirrje që kërkonin arrestimin e zëvendëskryeministres Belinda Balluku, si edhe slogane të tjera politike.

Organizatorët dhe pjesëmarrësit deklarojnë se protesta do të vijojë edhe në ditët në vijim, duke theksuar se do të vazhdojnë mobilizimin e tyre deri në realizimin e kërkesave që kanë paraqitur. bw