VOAL

VOAL

Copyright © 2022

VOAL

Berisha nga Korça: Lubia që mezi siguronte bukën rrugëve të Athinës, u bë me 300 apartamente, 15 supermarkete dhe dy jahte!

December 28, 2025

Kreu i PD-së, Sali Berisha, tha nga qyteti i Korçës para mbështetësve të Foltores demokrate, se zv/kryeministrja Belinda Balluku erdhi nga një punëtore e rëndomtë në Greqi si babysiter, në milioneren e radhës duke vjedhur taksat e shqiptarëve.


Ai përmendi pasuritë e ministres që është marrë nën akuzë dhe e pandehur nga SPAK dhe GJKKO, me masë sigurie njëkohësisht, ku kujtoi 300 apartamentet, 2 jahtet dhe 15 supermarketet si pasuri e vendosur deri tani në qeverisje.

Berisha tha se Rama dhe Balluku i kanë ditët e numëruara, teksa theksoi se në qeverisjen e PD nuk i bëhej rezistencë Prokurorisë dhe ish-kryeprokurores “armike e betuar” e tij, Ina Ramës, por hiqej imuniteti i deputetit kur kërkohej. Madje sipas tij, edhe Ilir Meta, ish-zëvendësi i tij më 2011, për një video të montuar dha dorëheqjen dhe u përball me drejtësinë, kurse Rama mbron Ballukun edhe pas këtyre skandaleve.

Fjala e Berishës:

“300 apartamente, e shikoni ju. Lubia që mezi siguronte bukën në rrugët e Athinës si babysiter, tani u vjedh shqiptarëve 300 apartamente. Dhe si, na ndërtoje ti këtë rrugë dhe do m’i kthesh në apartamente. Me dy jahte, me 15 supermarkete.

Ai tani na thotë ne nuk ia heq imunitetin, gjykata s’ka ç’i bën, jo po ligji. Një sjellje e tillë nuk ka ndodhur kurrë. Imagjinoni në qeverisjen tonë, e kishim armike prokuroren, Ina Ramën, por s’na shkonte kurrë në mendje që të mos hiqnim imunitetin e deputetit të PD, kurrë, edhe pse ishte armike e egër.

Ndodhi me Ilir Metën, edhe pse ia montuan regjistrimit, po, unë kisha shkresën. Ai dha dorëheqjen. Ajo ishte ndryshe, biznesmeni i thoshte se kishte humbur 700 mijë euro, Rama me atë tjetrin ia montuan sikur i kërkonte Meta ato 700 mijë euro. Por ai dha dorëheqjen, ai tha se do e faktoj si qytetar i thjeshtë, do shkoj në prokurori. Kurse ky thotë jam kryeministër, do vjedh siç kam vjedhur. Absolutisht do e përmbysim, siç përmbysëm shtatoren e Enver Hoxhës”.

 

“Ne triumfuam, jemi me mision vendimtar”- Berisha: Dëgjoni sirenat e alarmit që bien në Uashington për korrupsionin!

Kryedemokrati Sali Berisha tha nga Korça sot gjatë takimit të Foltores me mbështetësit e tij se sirenat e alarmit po bien nga Uashingtoni për korrupsionin qeveritar në Shqipëri dhe se triumfi po vjen.


Ai nënvizoi se edhe pas sulmeve të pushtetit ndaj PD, opozita qëndroi në këmbë, mbijetoi si e pamposhtur.

Fjala e Berishës:

“Së fundmi i dëgjoni sirenat e alarmit që bien nga Uashingtoni për korrupsionin. Ne triumfuam. Mitë e mi, jo vetëm triumfuam dhe nuk u zhdukëm, por mbrojtëm lirinë, dinjitetin dhe kauzën e çdo shqiptari, në kushte të vështira.

Rama do ishte humbës nëse nuk falte 2 mld euro para zgjedhjeve, nëse nuk jepte licencat për kanabisin, lejet e ndërtimit dhe legalizimet,. Do ishte humbës nëse nuk përdorte fuqinë ekzekutive për çertifikata, legalizime, të mashtronte për vota, apo 100 euro bonusi i pensionistëve.

Rama do ishte humbës nëse nuk do fuste në lista 28 deputetët e krimit.

Por një mësim nuk e ka nxjerrë ai, se ne jemi të pamposhtur, po, po, jemi të pamposhtur. Ne ia kemi provuar atij. Kur ai ka nxjerrë tanket, ne ia kemi djegur ato tanke, kur ai na izoloi, ne u përgjigjëm dhe mbijetuam dhe shifeni ku do përfundojë ai. Në qëndrojmë, jemi të pamposhtur, ne si parti politike kemi pasur qëllimin ja të vdesim, ja të rrojmë për liri, ne kemi rrojtur për liri dhe to e dëshmojmë atë.

Si kryeministër ai paguan dhjetëra e dhjetëra milionë euro për lobistë nga taksat tuaja. Por fal punës së opozitarëve, ne paraqitëm mijëra e mijëra dokumente. Zgjedhjet u dënuan me vdekje, ishin false elektorale. Ne jemi për mision vendimtar, për fatin tuaj dhe të shqiptarëve”.

 

“Protesta e 22 dhjetorit nuk ndalet më”- Berisha: Agasi me ndërmarrje 1 mijë euro, shkoi në 232 mln euro! E bënë “Paketën e maleve” për baronët e drogës 

 

Situata në Shqipëri është përkeqësuar nga qeverisja, aq sa shumë familje shqiptare janë larguar për shkak të abuzimeve dhe aferave korruptive.


Mbështetësit i vunë sot në dukje kryetarit të Partisë Demokratike se vendi po shpopullohet, teksa morën si përgjigje pohuese edhe disa nga konstatimet që kreu i selisë blu bëri, duke përmendur skandalet e korrupsionit dhe lidhjet e krimit me pushtetin.

“Shikoni çfarë ndodh. Ndërmarrja e Agasit regjistrohet me 1 mijë euro dhe shkon në pak muaj në 232 milionë euro. Ne i kemi evidentuar të gjitha këto. Ne kemi paketën tonë, qoftë për pensionet, minimumin jetik dhe ndërhyrjen për shtimin e popullatës. Duhen të paktën 30 vite për ta arritur këtë. Familjet shqiptare kanë ikur, mbi 1 milionë të larguar”, tha Berisha.

Më tej ai kritikoi kryeministrin Rama dhe tha se në vend që të mendojë për familjet, shtimin e popullsisë, rritjen e rrogave dhe pensioneve, ai bën ligje për oligarkët, për baronët e krimit dhe drogës, sikur ishte “paketa e Maleve”.

“Por çfarë bën ky? Ndihmon krimin, ndihmon baronët e drogës. Bën ligje për ta, bëri paketën e maleve ky. Atë ligj e kishim bërë ne, po ky e anuloi atë, dhe ku janë malet? Në Maminas! 20 resorte malore me lartësi nga 10-80 metra në lartësinë e detit, këto janë malet! Të gjithë trafikantët e drogës, njëri aq e tjetri kaq. Por ne do e shkatërrojmë, ne nuk ndalemi më, jo. Protesta e 22 dhjetorit nuk ndalet më, jo, edhe më 1991 nuk u ndalëm ne, derisa fituam”.

Ndërsa qytetarët i kërkuan bashkim opozitar dhe distancim nga ata që kërkojnë ta përçajnë PD-në, Berisha theksoi se ka projekt për ringritjen e opozitës dhe për triumfin, me njerëz të besueshëm, të ligjit, me qeveri teknike dhe me zgjedhje të lira.

“Ne do e arrijmë këtë me njerëz të besueshëm që nuk pengojnë drejtësinë dhe që zhvillojnë zgjedhje të lira. Qeveria teknike arrihet vetëm me protesta, nuk e lëshon pushtetin ai. Siç u arrit në Bangladesh, Sri Lanka etj., ne kemi trashëgiminë tonë, vullnetin tonë. Të jem realist Rama nuk është më ai që ishte, ai kundërmon sot. Ai paguante gazetat, paguante lobistat, e tani nuk i afrohet më njeri, se ka marrë aq shumë erë sa s’i afrohet kush më. PD kërkon qeveri teknike, ku kushti i vetëm është se ligji funksionon dhe të bëhen zgjedhje të lira”, u shpreh Berisha.

“Ergys Agasi është kryeministri hije!”- Berisha: Qeveria dhe Lubia janë me ditët e numëruara! Nëse do kishte dënim me vdekje… –

 

Kryetari i Partisë Demokratike, Sali Berisha, u shpreh sot nga Korça se “Ergys Agasi është kryeministri hije” i kësaj mazhorance që i ka ditët e numëruara.


Ai hodhi akuza edhe ndaj kryeministrit Edi Rama dhe zëvendëses së tij Belinda Balluku, duke thënë se dënimi për ta është i sigurt, teksa u bëri thirrje që të jepnin dorëheqjen.

“Ergys Agasi ishte kryeministri në Hije, ai e përdorte atë si njeriun e tij te AKSHI. Ajo vera atje është e Edi Ramës, e hoqën brenda natës nga qilari. Ato një mijë euro i bënë 232 milionë euro, janë taksat tuaja ato. Ne do u tregojmë vendin. Ju garantoj, i ka ditët e numëruara Rama, koha e tij është e numëruar”, tha ai.

Më tej Berisha sulmoi edhe ligjin e barazisë gjinore, që e cilësoi projekt për shkatërrim të familjes nga “bastardi i Xhorxh Sorosit”.

Ndërsa theksoi se qeveria është me ditët e numëruara dhe se demokratët do e përcillnin në “honet e historisë”, ashtu siç u bë me diktaturën komuniste.

“Ligji që miratoi ky bastard i Xhorxh Sorros është ligj bastard, shkatërron familjen. Ata të dy janë të vdekur politikisht, Rama dhe Lubia. Dënimi i tij i them se është përfundimtar, dënimi i tij politik ëhstë përfundimtar. I them jep dorëheqjen, do i tregojmë vendin që meriton. E kam thënë edhe njëherë më parë, nëse do kishte dënim me vdekje, ajo Lubia, bashkë me Ramën, do kishte jo një dënim, por 3 të tilla, ua them unë juve. Javët që vijnë Ramën do e përcjellim në honet e historisë, në banesën e turpit. Të gjitha betejat i kemi fituar me qëndresë paqësore”, u shpreh kreu i selisë blu.

 

“Partia është e hapur, por…”- Berisha për Salianjin: Kanë kaluar vijat e kuqe, ata janë të pakët! S’na merr dot kush nëpër këmbë, s’ua kemi borxh

Një nga temat e bashkëbiseduara në Foltoren e kryetarit të PD-së Sali Berisha në Korçë, ishte edhe ajo e zërave kundër në parti dhe veçanërisht lëvizja e Ervin Salianjit.


Në diskutimet nga fundi i takimit, një prej qytetarëve të pranishëm në sallë e këshilloi kryedemokratin që të kishte kujdes nga “njerëzit që mban pas vetes”.

Edhe të tjerë më herët kritikuan lëvizjen e Salianjit me qëllim dëmtimin e partisë, sikurse edhe disa zërave të tjerë kundër PD-së që kanë dalë në media.

Berisha i vuri në dijeni mbështetësit se është në dijeni të të gjithë situatës, ka informacionin e nevojshëm dhe konstatoi se ata “kanë kaluar vijat e kuqe” dhe se “po dëmtojmë partinë”.

“I kemi këta, ne pranojmë kritika, i dëgjojmë demokratët, i pranojmë. Ama ka disa që kanë kaluar vijat e kuqe. Nuk na merr dot ne kush nëpër këmbë, ka rregulla. Ne mblidhemi të gjithë bashkë, shkëmbejmë mendime, e patë ju, thotë gjithato, por këtu nuk thotë asnjë fjalë. Ndiq interesin tënd ndryshe, ne jemi parti e hapur, i themi hapur gjërat”, u shpreh ai.

Kreu i selisë blu shpjegoi se opozita ka vetëm interesat e lirisë dhe dinjitetit dhe se askush nuk mund ta marrë peng.

Ai i cilësoi zërat kundër jo vetëm të pakët, por edhe si njerëz që kanë “bizneset dhe interesat e tyre të rregullta”, që mund t’i ndjekin ato, por pa dëmtuar PD-në.

“Kjo opozitë nuk ka interesa të tjera veç lirisë dhe dinjitetit që të na e marrë ndokush peng. Ne e kuptojmë, secili mund të bëjë biznesin e vetë, mund të ketë kontratat e tij të rregullta, e kuptoj, dakord, por të na tërheqë ne, gabon rëndë, e kjo nuk mund të ndodhë kundër. Nuk u ka borxh partia atyre, do ju informoj. Unë i lexoj ato, ti ishe në listë, aq vota more për partinë. Të shprehësh problemet jam dakord, por brenda partisë, por t’i del e flet, kjo s’mund të ndodh. Por këta janë të paktë, ju siguroj”, nënvizoi ai.

Në fund, duke nënkuptuar se këta zëra i bënin shërbim Ramës dhe qeverisë së tij, ai shprehu bindjen se sikurse triumfoi me “Foltoren 1”, po fiton edhe me këtë Foltore të radhës, ku dëgjon zërin e demokratëve brenda partisë.

Berisha e përfundoi fjalën duke thënë se Rama dhe Rilindja janë “kufoma politike që do largohen”

“Ne e fituam Foltoren e parë, do e fitojmë prapë, e kemi fituar. Rama është i dënuar, është kufomë politike, do e largojmë, Rilindja është kufomë politike, do e largojmë”, e mbylli fjalën kryedemokrati, teksa në fund ndau edhe tortën e 35-vjetorit të themelimit të PD-së Korçë dhe ndau certifikata nderi për veteranët e kësaj force.

Takimi me demokratët në Elbasan, deputetët e PD dhe Sali Berisha shtrojnë drekë me muzikë e valle! 

 

Kryetari i Partisë Demokratike, Sali Berisha ka festuar për fundvit në Elbasan, i shoqëruar nga deputetë dhe mbështetës të Partisë Demokratike.


Në video shihet teksa deputeti Blendi Himçi dhe simpatizantë demokratë kërcejnë nën tingujt e muzikës së Fatmira Breçanit dedikuar për të.

Kujtojmë që kryedemokrati ishte pasditen e djeshme në Korçë, ku mbajti takimin me demokratët në kuadër të turit të tij të Foltores. gsh

  • twitter
  • facebook
  • linkedin
Fjalë kyçe:

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend