VOAL

VOAL

Please Wait ...
0%

Komentet

blank

Pronari i kamionit me kokainë i përfshirë në skandalin “Spilleja” me Elvis Roshin e Gent Dajën

Bledar Habili, bashkëpronar i kompanisë “MC Food”, në kamionin e së cilës u gjet një sasi gjigande kokaine mesditën e kësaj të Hëne në Kosovë, rezulton një emër i njohur për drejtësinë shqiptare.

​Ai rezulton të jetë një prej përfituesve të pronave bregdetare në Spille të Kavajës, në një çështje që u hetua nga Prokuroria e Kavajës në vitin 2017, ku u arrestuan edhe disa zyrtarë të lartë për falsifikim dokumentash.

Sipas të dhënave hetimore të asaj kohe, Bledar Habili dyshohej se kishte përfituar pronësinë mbi një truall në bregdet, duke u shënuar si “tokë arë”.

Çështja e Spillesë ishte një prej rasteve më skandaloze të abuzimit me tokën në bregdet, brenda së cilës kishte një numër të konsiderueshëm emrash të rëndësishëm.

blank

Në foto: Dokumenti hetimor i Prokurorisë së Kavajës për “Spilleja”

Prokuroria e Kavajës provoi në atë kohë se, ndër përfituesit e tokave në mënyrë abuzive, ishin familjarët e ish-kryetarit të Bashkisë së Kavajës, Elvis Roshi dhe ish-kryetarit të Partisë Socialiste të qytetit, Gentjan Daja.

Personazhi kryesor i kësaj skeme ishte ish-drejtuesi i Zyrës Vendore të Pasurive të Paluajtshme, Seid Cikalleshi, njëkohësisht vjehrri i ish-kryesocialistit, Daja.

Po ashtu, ndër personat e tjerë të përfshirë në atë skemë ishte edhe Altin Çopa, i cili kishte mbajtur më herët detyrën e drejtorit të ALUIZNI-t në qytetin e Kavajës.

Çopa, pas largimit nga administrata publike, u bashkua me Bledar Habilin në një kompani ndërtimi, të regjistruar në tetor 2020, “Fokus 2020”.

Bashkë me Habilin dhe Çopën, në këtë kompani është bashkëpronar edhe Donald Rroshi, djali i xhaxhait të Elvis Rroshit, sipas të dhënave të portalit informativ ‘Open Corportes.al’

blank

Në foto: Aksionerët e kompanisë “Fokus 2020”

Të dhënat e deri më tanishme nga Prishtina zyrtare nuk kanë dhënë detaje mbi përgjegjësinë e pronarëve të ‘MC Food” në trafikun e rreth 2.2 ton kokainë nga Brazili drejt magazinave të kompanisë në Lipjan të Kosovës.

Spilleja

Në Nëntor 2017, Prokuroria e Kavajës njoftoi për finalizimin e hetimeve të rastit “Spilleja”.

Organi i akuzës dha detaje në atë kohë për falsifikimin e pronave në bregun e Kavajës.

Në bazë të dokumentave zyrtarë, të vendosura në dispozicion të gjykatës, rezulton se kanë përfituar toka nga skema mashtruese familjarë të ish-kryetarit të Bashkisë, Elvis Roshi, të ish- kryetarit të Partisë Socialiste, Gentian Daja, familjarë dhe lidhje fisnore të nënprefektit të Tiranës, Fatos Kaja, si edhe të ish-kryetarit të Komunës Kryevidh, Nezir Leçini.

Këta persona, siç rezulton nga dokumentat zyrtarë, kanë qenë përfitues të drejtëpërdrejtë ose e kanë marrë pronësinë nëpërmjet transaksioneve nga shtetas të tjerë. Në disa raste, rezulton se familjarët e drejtuesve lokalë, pasi janë bërë pronarë, ua kanë shitur tokat e tyre kompanive ndërtuese për zhvillimin e tyre.

Nga hetimi i Prokurorisë së Kavajës rezultoi se drejtues dhe ish-drejtues lokalë të qytetit kanë tjetërsuar llojin e tokës nga ranishte në tokë arë, nëpërmjet dokumentave të fallsifikuar. Pas ndryshimit të regjimit të tokës, ata e kanë ndarë atë tek persona të ndryshëm, si edhe e kanë regjistruar në Hipotekë.

Me urdhër të Prokurorisë së Kavajës u arrestuan 9 persona, mes tyre edhe nënprefekti i Tiranës, drejtori i ALUIZNI-t në qytet, si edhe disa zyrtarë të Hipotekës.

Ish-kryeregjistruesi i Hipotekës së Kavajës, Seid Cikalleshi, i cili është edhe vjehrri i ish-kryetarit të PS-së në qytet, Gentian Daja, fillimisht u shpall në kërkim dhe më pas u vetëdorëzua.

Nga Boldnews

blank

Kurti, Merkel: Rezultat i dialogut duhet të jetë njohja reciproke

Kryeministri i Kosovës, Albin Kurti, në takim virtual me kancelaren gjermane, Angela Merkel.

 

RFE/RL

Kryeministri i Kosovës, Albin Kurti, mbajti të hënën një takim virtual me kancelaren gjermane, Angela Merkel, me të cilën, pos tjerash, bisedoi edhe për dialogun për normalizimin e marrëdhënieve me Serbinë.

Sipas një komunikate për media, të lëshuar nga Zyra e Kryeministrit, Kurti tha se dialogu me Serbinë “duhet të jetë dialog mes dy palëve të barabarta, që zgjidh kontestet mes dy shteteve e që normalizon marrëdhëniet ndërmjet tyre”.

Në komunikatë thuhet se Kurti dhe Merkel “u pajtuan që procesi i dialogut duhet të jetë i drejtë” dhe “i ndërtuar mbi mirëbesim” dhe se rezultati i tij “duhet të jetë njohja reciproke”.

“Pavarësia e Kosovës dhe integriteti i saj territorial nuk mund të jenë temë e bisedimeve dhe nuk mund të kthehemi në kohën para vitit 2008”, tha Kurti.

Dialogu midis Kosovës dhe Serbisë pritet të rinisë në qershor.

Kurti dhe Merkel biseduan edhe për Procesin e Berlinit dhe rëndësinë e tij në nxitjen e bashkëpunimit rajonal.

“Në pritje të Samitit të Berlinit, që do të mbahet në fillim të korrikut, kryeministri Kurti theksoi se rajoni ka nevojë për bashkëpunim ekonomik dhe tregtar, por jo për projekte si zëvendësim i BE-së. Ai shtoi se bashkëpunimi ekonomik duhet të shkojë paralel me demokratizimin e rajonit”, thuhet në komunikatë.

Po sipas saj, Kurti kërkoi nga kancelarja gjermane angazhim për liberalizmin e vizave për popullin e Kosovës, duke thënë se “Kosova i ka përmbushur të gjitha kriteret për liberalizim” dhe se “Gjermania mund të ndihmojë ta shtyjë këtë çështje përpara”.

Kancelarja Merkel citohet të ketë rikonfirmuar mbështetjen e Gjermanisë për liberalizimin e vizave për qytetarët e Kosovës.

blank

Kosova dhe Serbia përplasen rreth mosprekjes së kufijve në Ballkan

VOA

Presidentët e gjashtë vendeve të Ballkanit Perëndimor dhe ata të Kroacisë dhe Sllovenisë, nuk arritën të merren vesh për një deklaratë të përbashkët rreth kufijve të vendeve të rajonit për shkak të qëndrimeve tërësisht të ndryshme të Kosovës dhe Serbisë.

Kjo çështje ishte pjesë e diskutimeve në takimin e presidentëve të rajonit të Ballkanit Perëndimor, i njohur si Procesi Bërdo-Brioni, një nismë e Sllovenisë dhe të Kroacisë, si shtete anëtare të Bashkimit Evropian që synon forcimin e bashkëpunimit rajonal dhe nxitjen e dialogut politik midis rajonit të Ballkanit dhe bllokut 27 anëtarësh.

Gjatë muajit të kaluar, u ngritën shumë debate pas shkrimeve në mediet kroate e boshnjake për një dokument joformal (non paper) me siç thuhet, propozimin për ndryshimin e kufijve në Ballkan. Sipas tyre një dokument i tillë i hartuar nga kryeministri i Sllovenisë, Janez Jansha, propozon ripërcaktimin e kufijve në Ballkanin Perëndimor si zgjidhje për problemet e hapura në rajon. Kryeministri Jansha e ka mohuar të jetë autor i një dokumenti të tillë.

Por, çështja nuk u përfshi në deklaratën e përbashkët pas takimit të sotëm për shkak të kërkesës së presidentit të Serbsië, Aleksandër Vuçiç, që në tekst të përfshihet angazhimi për “mosndryshimin e kufijve të njohur nga Organizata e Kombeve të Bashkuara”.

Një qëndrim i tillë është kundërshtuar nga presidentja e Kosovës, Vjosa Osmani, meqë një formulim i tillë do të nënkuptonte njohjen e Kosovës brenda kufijve të Serbisë.

“…Më lejoni ta them këtu me zë të lartë dhe të qartë: Republika e Kosovës si një shtet sovran dhe i pavarur është një projekt i përhershëm. Askush dhe asgjë nuk mund ta ndryshojë këtë realitet. Aventurat e rrezikshme mbi ndryshimet e kufijve duhet të refuzohen me vendosmëri nga të gjithë ne, nëse me të vërtetë dëshirojmë paqe dhe stabilitet në rajonin tone”, tha presidentja Osmani në fjalimin e saj.

Mikpritësi i takimit, presidenti slloven Borut Pahor, tha se pati diskutime me tone të larta dhe përplasje rreth kësaj cështjeje. Ndërsa, presidenti kroat, Zoran Milanoviç, tha se cështjet dypalëshe nuk zgjidhen në takime të tilla.

“Të themi agjenda e presidentes së Kosovës, Vjosa Osmani ishte më ambicioze dhe për shkak të kundërshtimit të Serbisë disa pjesë u desh të lihen jashtë. Ky është një kompromis. Ne jemi këtu të ndihmojmë shtetet që janë në proceset integruese. Problemet dypalëshe nuk mund të zgjidhen në kuadër të procesit Bërdo Brioni”, tha ai.

Presidenti slloven vendi i të cilit do të kryesojë Bashkimin Evropian nga 1 korriku ritheksoi kundërshtimin e tij ndaj çdo ideje për prekje të kufijve.

Takimi u zhvillua me dyer të mbyllura. Në një njoftim të zyrës së presidentes së Kosovës, Vjosa Osmani, ajo citohet të ketë thënë se rajoni nuk mund të përparojë drejt integrimeve pa pranimin e së vërtetës.

“Krimet e kryera nga regjimi i (Slobodan) Millosheviçit t’i quajmë me emrin e tyre të vërtetë: Krime lufte, krime kundër njerëzimit dhe gjenocid. Dhe, më e rëndësishmja është të kërkojmë nga fqinji ynë verior, Serbia, të sjellë para drejtësisë autorët e këtyre krimeve të tmerrshme kundër civilëve të pafajshëm”, citohet të ketë thënë presidentja Osmani.

Megjithatë presidentët miratuan një deklaratë që ka në thelb thirrjet për integrim të të shpejtë të Ballkanit në Bashkimin Evropian.

“I bëjmë thirrje Bashkimit Evropian që të t’i qaset Ballkanit Perëndimor si një tërësi, tha ai duke theksuar se blloku duhet të përshpejtojë procesin e zgjerimit, ndërsa vendet e Ballkanit Perëndimor duhet të përshpejtojnë reformat”, tha presidenti Pahor.

Gjatë vendet e Ballkanit Perëndimor, Kosova, Shqipëria, Maqedonia e Veriut, Bosnja, Mali i Zi dhe Serbia aspirojnë anëtarësimin në Bashkimin Evropian. Aktualisht Mali i Zi dhe Serbia janë në pritje të hapjes së kapitujve të rinj në negociata me Bashkimin Evropian, ndërsa Shqipëria dhe Maqedonia e Veriut janë në pritje të fillimit të negociatave. Por çështja ka ngecur në kundërshtimin e Bullgarisë për hapjen e negociatave me Maqedoninë dhe kjo ka bërë që të pësojë edhe Shqipëria, e cila ka përparuar në rrugën e saj drejt Bashkimit Evropian së bashku me Shkupin.

Kosova është e fundit në proces. Ajo pritet të vazhdojë bisedimet me Serbinë në pjesën e dytë të muajit qershor. Serbia vazhdon të kundërshtojë pavarësinë e Kosovës të shpallur në vitin 2008, por të dyja palët janë të detyruara të kërkojnë një marrëveshje normalizimi si kusht për integrimet evropiane.

blank

Sekuestrohen rreth 2 tonë kokainë në Kosovë, kaluan me kamion nga Porti i Durrësit

KOSOVË

Sekuestrohet sasi rekord kokaine në Kosovë. Gazetarja Klodiana Lala raporton për “BalkanWeb” se është kapur një sasi prej rreth 2 tonë kokainë, pas një super-aksioni të kryer në bashkëpunim mes forcave policore italiane, shqiptare e kosovare.

Siç raporton gazetarja Lala për “BalkanWeb”, kamioni ka kaluar nga porti i Durrësit dhe kishte një ngarkesë bananesh. SPAK ishte sinjalizuar për ngarkesën e dyshimtë, që do të vinte nga Italia, dhe kishte mbajtur në vëzhgim kamionin prej 10 ditësh.

Autoritetet shqiptare do të ndërhynin vetëm nëse do të kishte tentativa për të marrë ngarkesën brenda territorit të Shqipërisë, por një gjë e tillë nuk ka ndodhur, pasi mjeti ka vijuar rrugën drejt Kosovë, ku dhe mësohet të ketë pas destinacionin.

blank

Tiranë: Mbërrijnë trupa të tjera amerikane për stërvitjen “Defender 21”

Ilirian Agolli

Një avion me 267 trupa amerikane mbërriti të dielën në aeroportin ndërkombëtar “Nënë Tereza” si pjesëtarë të stërvitjes “Defender Europë 21”.

Kjo është stërvitja më e madhe ushtarake në rajonin Ballkanit që nga Lufta e Dytë Botërore, më e rëndësishmja në kuadër të NATO-s, që po zhvillohet në 7 baza të ndryshme ushtarake në Shqipëri.

Në këtë stërvitje marrin pjesë më shumë se 28 mijë trupa nga 26 shtete.

Shqipëria ka rol kryesor në këtë stërvitje si vend mikpritës dhe stërvitor, duke vënë në dispozicion disa baza ushtarake ajrore, detare dhe tokësore.

Ambasadorja e SHBA-ve në Shqipëri, Yuri Kim, dhe Shefi i Shtabit të Përgjithshëm të Forcave të Armatosura gjeneralmajor, Bajram Begaj, pritën në aeroportin e Rinasit ushtarët nga Skuadra e 53-të Luftarake e Brigadës së Këmbësorisë.

Ambasadorja Yuri Kim e vlerësoi atë një ngjarje historike. “Shtetet e Bashkuara kanë shpenzuar 35 milionë dollarë në Shqipëri, duke punësuar qytetarë shqiptarë si shoferë, punëtorë ndërtimi, kuzhinierë dhe në çdo profesion tjetër. Kjo është shumë e rëndësishme dhe shpresojmë vazhdimin e saj në javët e ardhshme. Ne do të kemi më shumë se 6 mijë trupa këtu. Kjo nuk do të ndodhë njëherësh, por janë 6 mijë trupa të ndryshme, që do të kalojnë nëpër Shqipëri dhe besoj se në fund të kësaj, të gjithë do të kenë provuar mikpritjen shumë të rrallë dhe të mrekullueshme të Shqipërisë, kurse udhëheqësit ushtarakë do të mund të shikojnë vlerën strategjike të bashkëpunimit dhe aleancës sonë shumë të fortë me Shqipërinë”, – tha ambasadorja Kim.

Shefi i Shtabit të Përgjithshëm të Forcave të Armatosura gjeneral-major Bajram Begaj u shpreh se kjo stërvitje ndodh për herë të parë në Shqipëri.

“Është një stërvitje komplekse që përfshin pjesë ajrore, detare dhe tokësore. Sot pjesa pjesë e ekipit të stërvitjes të forcës tokësore që do të bëhet në Bizë është dhe pjesa e ushtarakëve të mbërritur sot prej 276 personash. Kështu është një ngjarje historike jo vetëm për ushtrinë, por dhe për vendin tonë”, – tha gjeneral-major Begaj.

Kolonel Blake Glass, komandant i Skuadrës së 53-të Luftarake e Brigadës së Këmbësorisë e vlerësoi stërvitjen “Defender 21” si një rast shumë të mirë për bashkëpunimin me Forcat e Armatosura shqiptare.

“Defender Europe 21” është një stërvitje e përvitshme, që udhëhiqet SHBA për të rritur gatishmërinë dhe ndërveprimin midis ushtrive të Shteteve të Bashkuara, NATO-s dhe atyre të vendeve partnere.

blank

Presidentja e Kosovës feston sot ditëlindjen

Presidentja e Kosovës, Vjosa Osmani, feston sot ditëlindjen.

Osmani u lind me datë 17 maj të vitit 1982 dhe sot i ka mbushur 39 vjet.

 

Ajo është presidentja e dytë grua e Kosovës, pas Atifete Jahjagës.

Vjosa Osmani shkollën fillore dhe atë të mesme, e përfundoi me sukses të shkëlqyeshëm në qytetin e saj të lindjes në Mitrovicë.

Studimet themelore i përfundoi në Fakultetin Juridik të Universitetit të Prishtinës, ndërsa studimet master dhe doktoraturën e përfundoi në Universitetin e Pitsburgut, në SHBA, ku u dallua në mesin e qindra studentëve ndërkombëtarë.

Përgjatë të gjitha fazave të studimit, ajo ishte bursiste. Si profesoreshë universiteti, në Kosovë ajo ligjëron lëndë nga fusha e së Drejtës Ndërkombëtare, ndërkaq në Amerikë ligjëron lëndën “Shtet-ndërtimi dhe e Drejta: Përvoja e Kosovës”.

Më 27 gusht të vitit 2009, Vjosa Osmani – Sadriu u zgjodh shefe e stafit të Presidentit të atëherëshëm të Republikës së Kosovës, Fatmir Sejdiu.

Osmani më herët ka shërbyer si Kryetare e Komisionit për Integrime Evropiane dhe nënkryetare e Komisionit për Reforma Kushtetuese në Kosovë.

Vjosa Osmani është e martuar dhe është nënë e dy vajzave binjake.

blank

Basha në Këshillin Kombëtar: Zgjidhni dhe dua t’ju shoh në sy. Ose zgjedhjet janë të vjedhura dhe vazhdojmë në betejë, ose nëse për ju janë në rregull, jap dorëheqjen tani

Kreu i PD, Lulzim Basha ka vënë Këshillin Kombëtar para dy alternativave. Basha thekson se nëse zgjedhjet e 25 prillit janë të vjedhura atëhere duhet të vijohet beteja, raporton gazetari Osman Stafa.

Nga ana tjetër ai thotë se nëse për anëtarët e Këshillit zgjedhjet e 25 prillit janë në rregull, atëhere ai jep dorëheqjen që tani.

‘’Zgjidhni dhe dua tju shoh të gjithëve në sy. Ose zgjedhjet janë të vjedhura dhe vazhdojmë në betejë, ose nëse për ju janë në rregull, atëherë unë jap dorëheqjen tani.’’- tha Basha.

blank

Artan Fuga: Kërkesa për dorëheqje të parevokueshme të Bashës do të ishte një gafë politike e PD

Akademiku Artan Fuga deklaron se është gafë e madhe që Këshilli Kombëtar ti kërkojë sot dorëheqjen e parevokueshme, kryetarit të PD, Lulzim Bashës.

Fuga kërkon që sot të japë dorëheqjen kolektivisht Kryesia, pasi përjashtimi i Bashës nga kandidimi nuk i shërben demokratizimit të partisë.

Ai thekson se përderisa më 13 qershor do të mbahen zgjedhjet në PD, secili kandidat për kryetar mund të konkurojë lirshëm.

Për Fugën, Basha ka shansin të demokratizojë partinë dhe kandidatët të dalin me platforma politike se çfarë propozojnë më mirë.

STATUSI NGA ARTAN FUGA
Kërkesa për dorëheqje të parevokueshme të z. Basha do të ishte një gafë politike e PD
—————————
Do të ishte një gafë e madhe që Keshilli Kombëtar i PD të kërkonte sonte dorëheqjen e parevokueshme të z. Lulzim Basha. E para, sepse përjashtimi nga kandidimi nuk i shëben fare demokratizimit të partisë demokratike, sepse është një akt përjashtimi. E dyta sepse nëse ka përgjegjësira në atë parti, dhe unë vazhdoj të mendoj se ka, pavarësisht zgjedhjeve antidemokratike të 25 prillit, ato janë kolektive. Po deshët i numurojmë. E treta sepse përderisa në 13 qershor bëhen zgjedhjet për kryetarin, të gjithë kandidatët mund dhe duhet të konkurojnë lirshëm para partisë. Por vota të numurohet si duhet, jo si në 25 prill. Komisioni duhet të ketë antarë nga të gjithë kandidatët. Demokratizimi nuk është përçarje. Askush nuk mund të thotë se meqë kishim përballë shtetin nuk ka të tjerë që mund ta bëjnë më mirë punën. Por besimin e jep vota e partisë, madje edhe elektorati, jo me akte përjashtimi si biroja. Ne duhet të shkëputemi nga ajo kulturë staliniste ngado që të vijë. Zoti Lulzim Basha ka shansin ta demokratizojë partinë, ta shohi realitetin në sy, sikurse kandidatët të dalin me platforma politike t’i shohë e gjithë shoqëria se çfarë propozojnë më mirë!
Dorëheqjen sot kolektivisht duhet ta japi kryesia! Këshilli e pranon ose jo!

blank

Basha në Këshillin Kombëtar: Aspiratën për ndryshim e mishëron sot vetëm Partia Demokratike e Shqipërisë, do të vazhdojmë luftën të bashkuar

Kreu i PD, Lulzim Basha ka mbajtur fjalën e tij në Këshillin Kombëtar ku ka kërkuar bashkim nga demokratët, sipas gazetarit Osman Stafa për BalkanWeb.

Ai thotë se nuk mund të drejtohet gishti ndaj askujt në sallën e PD për atë që ndodhi në 25 prill. Basha thekson se në të kundërt kundërshtari i PD do të ketë një armë më shumë.

Për Bashën, në PD ka vend për të gjithë, por ripërsërit se s’duhet të ketë vizione të ndryshme për zgjedhjet e 25 prillit.

Sipas tij, PD-në e pret një sfidë e madhe përpara, por nuk duhet harruar ajo çfarë u ndërtua si dhe mbështetja nga shqiptarët e demokratët.

‘’E gjithë struktura e PD funksionoi. Ajo që pamë është se u përballëm me një strukturë kriminale të blerjes së votës. Ka vend për të gjithë në PD, por kam bindjen se s’duhet të kemi vizione të ndryshme për zgjedhjet e 25 Prillit.

Nëse pajtohemi me atë që ka ndodhur në 25 Prill, nuk mund të drejtojmë gishtin në këtë sallë. Nëse e bëjmë, i japim kundështarit tonë një armë më shumë. Shqiptarët e duan ndryshimin ndaj duhet të jemi të bashkuar dhe ti prijmë ndryshimit. Nuk do përballemi me ta me të njëjtin monedhë. Larg krimit, bandave dhe korrupsionit. Ka qenë është dhe do mbetet vizioni im çdo kohë.

Ajo që na pret përpara është një sfidë e madhe, por të mos harrojmë atë që kemi ndërtuar dhe arritur së bashku, të mos harrojmë kë dhe cfarë kishim përballë, të mos harrojmë mbështetjen e jashtëzakonshme që morëm nga demokratët dhe gjithë shqiptarët.Aspiratën për ndryshim e mishëron sot vetëm Partia Demokratike e Shqipërisë. Nuk ka sot vend tjetër në Shqipëri, nuk ka sot një bashkim të këtyre përmasave dhe cilësive, mendjesh dhe zemrash, që mund ta bëjë realitet aspiratën tonë dhe të gjithë shqiptarëve për ndryshim dhe demokraci. Përvecse këtu ne mesin tone. Ky vend është Partia Demokratike. Prandaj ne do të vazhdojmë të luftojmë të bashkuar derisa demokracia të fitojë.‘’- tha Basha.

blank

Një gabim pa arsye i gazetarit Blendi Fevziu Nga Sergio Bitici

Prej vitit 1991, që kur u hap Shqipëria, të gjithë ata që do të shkonin në New York, patjetër do të ndalnin në restaurantin e vëllezërve Bitici, me prejardhje nga Tropoja, të njohur si nacionalistë dhe patriotë të shquar në të mirë të çështjes shqiptare!

Patriotizëm do të thotë jo ta konsumosh me deklarata patriotizmin por me vepra, pra të japësh mbështetje pa e ndalur kurrë.

Tek Bitiçët ndalej Ibrahim Rugova me bashkëpunëtorët e tij dhe e gjithä klasa politike me profil antikomunist.

Restaurantet e vëllezërve Bitici, në zemër të New Yorkut, janë pjesë e historisë të shkëlqyer të komunitetit shqiptaro-amerikan, pronarët e të cilave janë emra të shquar që identifikohen me sa e sa aktivitete të organizuara si kontribute në favor të çështjeve kombëtare në SHBA.

Pra vëllezërit Bitiçi janë një pikë referimi e komunitetit shqiptaro-amerikan në SHBA. Që shqip thuhet “i njeh i madh dhe i vogël”.

Sergio Bitici ka qenë i pranishëm edhe në momentin historik kur u firmos rivendosja e marrëdhënieve midis Shqipërisë dhe SHBA, por në emisionin e organizuar me këtë rast nga Opinion, Blendi Fevziu bën një ngatërresë.

Dhe me këtë rast për të sqaruar opinionin publik reagon Z.Sergio Bitici, sikur më poshtë:

“Në emisonin kushtuar pervjetorit te firmosjes se marredhanjeve ShBA-Shqipni, ne Washington DC ndërsa unë une paraqitem ne photo ne mes Sali Berishes dhe Gramoz Pashkos, Z. Fevziu gabon dhe më merr për Bruno Selimaj.

Nuk mendoj se kish arsye për këtë ngatërrim.

Me Brunon dhe rrethin e tij familjar njihemi nga afer.

Une e kam dashamir, por na ndajnë jo patriotizmi, por ideologjia dhe aktiviteti kombetar.

Une, i lindun ne Shqipni jam 100% i djathte.

Sali Berisha dhe Gramoz Pashko, sa here kane ardhe ne NY, kane qene mysafire tek ne Bytyçet.

Bile, në rastin konkret, patem shkue ne Washington se bashku me nacionaliste tjere Shqiptaro-Amerikane, qe ishim te ftuem prej State Department.

Ishte kryekeput një aktivitet i te djathteve, ku i vetmi person i majte, me sa me kujtohet, ishte Ambasadori Muhamet Kapllani, qe zyrtarisht nenshkroi Paktin e Famshem, mbas 52 vjetesh.

Kete ngjarje unë e kam pershkrue ne librin tim autobiografik ATDHEU dhe Toka e Bekueme, qe se shpejti do te botohet edhe ne gjuhen shqipe.

Jam autor i librit voluminoz KOSOVO Path to Freedom- The Role of the Kosovar Albanian Youth in the Free World on Liberation of Kosovo, qe shitet ne Amazon dhe ka disa kopje ne Librarit Kombetare ne Tirane e Prishtine, qysh me 2012, botim i Vatres, recensionin ia ka shkrue Frank Shkreli.

Bruno me kater klase shkolle te kryeme ne Mal te Zi asht njeri inteligjent, bujar, patriot dhe i dashtun.

Lokali i tij ka qene dhe asht çerdhe e komunisteve, socialisteve dhe Ramisteve.

Ne Bytyçet mburremi qe jemi konaku i Nacionalisteve.”

Këtu mbyllet reagimi i Z.Sergio Biticit.

blank

 

blank

Kurti për Ukshin Hotin: Fati i tij nuk është zbardhur kurse drejtësia për të nuk ka nisur

Kryeministri i Kosovës, Albin Kurti ka përkujtuar Ukshin Hotin në 22 vjetorin e zhdukjes, raporton Gazeta Express.

Me këtë rast, përmes një postimi në rrjetin e tij social Facebook ai ka thënë se fati i Ukshin Hotit ende nuk është zbardhur, ndërsa drejtësia për të s’ka nisur.

 

Ai ka shkruar se të mungosh do të thotë të jesh diku tjetër larg prej njerëzve që të duan.

Postimi i plotë i Albin Kurtit:

22 vjet më vonë, fati i tij nuk është zbardhur kurse drejtësia për të nuk ka nisur. Të mungosh do të thotë të jesh. Diku tjetër, larg prej njerëzve që të duan. Ukshin Hoti është, edhe në veprën që ka lënë. “Filozofia Politike e Çështjes Shqiptare”, “Bisedë përmes hekurash” dhe “Lufta e Ftohtë dhe Detanti” – tre libra, tri ditë lexim, pas të cilave nuk do të mendoni, studioni e veproni njësoj. Është më i madh se jeta.

*Këtë foto që nuk e kisha parë ndonjëherë më përpara, ma solli profesori i historisë Durim Abdullahu.

blank

blank

Refuzimi i kërkesës për provat e reja, juristi i PD: Ja 10 pyetjet për të cilat KAS nuk ka përgjigje

Pasi KAS refuzoi që të pranonte kërkesën e PD-së për të marrë prova shtesë sa i takon zgjedhjeve për qarkun e Berati, vjen një reagim nga juristi i demokratëve, Marash Logu.

Ky i fundit përmes një postimi në ‘Facebook’ ka renditur 10 pyetje publike drejtuar KAS.

REAGIMI I LOGUT
10 PYETJE PUBLIKE PËR KOMISIONIN E ANKIMEVE DHE SANKSIONEVE (KAS)

1. Pse KAS refuzon t’i kërkojë prova SPAK dhe Prokurorisë së Përgjithshme për 180 kallëzimet penale të PD-së?
2. Pse KAS refuzon t’i kërkojë prova Agjencisë Shtetërore të Kadastrës mbi numrin e legalizimeve të dhëna gjatë periudhës zgjedhore?
3. Pse KAS refuzon t’i kërkojë prova administratës publike, bashkive dhe kompanive shtetërore mbi numrin e të punësuarve gjatë periudhës zgjedhore?
4. Pse KAS refuzon t’i kërkojë prova Ministrisë së Financave për 63 milionë euro paga më shumë gjatë periudhës zgjedhore se një vit më parë?
5. Pse KAS refuzon t’i kërkojë prova Ministrisë së Shëndetësisë dhe Mbrojtjes Sociale dhe 61 bashkive për 2.6 milionë euro më shumë ndihmë ekonomike gjatë periudhës zgjedhore se një vit më parë?
6. Pse KAS refuzon t’i kërkojë prova bashkive socialiste për 125 milionë euro të dhëna gjatë periudhës zgjedhore ose 89 herë më shumë se 15 muajt e fundit?
7. Pse KAS refuzon t’i kërkojë prova Agjencisë së Prokurimeve Publike për numrin e tenderave, koncensioneve dhe PPP-ve të dhëna gjatë fushatës zgjedhore?
8. Pse KAS refuzon t’i kërkojë prova SHISH për numrin e rasteve të referuara agjencive ligjzbatuese, lidhur me krimet zgjedhore?
9. Pse KAS refuzon t’i kërkojë prova Drejtorisë së përgjithshme të Gjendjes Civile për numrin e qytetarëve që transferuan adresat e tyre në vitin parazgjedhor?
10. Lista mund të vazhdojë, por #kryepyetja mbetet: PSE KAS REFUZON TË BËJË TRANSPARENCË TË PLOTË PËR SHQIPTARËT MBI MASAKRËN ZGJEDHORE TË 25 PRILLIT?!


blank
blank
blank
blank
blank
blank
blank
blank
blank
blank
blank
blank
Send this to a friend