Gjatë fjalës së tij në prezantimin e kandidatëve për deputetë në qytetin e Kuçovës, lideri i opozitës, Sali Berisha, nuk kurseu kritikat ndaj qeverisë së Edi Ramës duke theksuar se përkundër faktit që qeveria e Ramës pretendon disa arritje, ato janë realizuar me një çmim të lartë, ku shumica e taksave janë vjedhur.

Berisha u shpreh gjithashtu se Rama është i tmerruar nga mundësia e humbjes në zgjedhjet e ardhshme, duke shtuar se ai ka dështuar në çdo përpjekje për të izoluar Partinë Demokratike.

Ai përmendi gjithashtu mbështetje të fuqishme për PD-në nga 110 partitë e Qendrës së Djathtë të Europës dhe botës, të cilët e përkrahën atë dhe programin e saj, duke e cilësuar pasaportën e Ramës si të “djegur në dorë”.

Deklarata e plotë:

Zonja dhe zotërinj.
Hidhni një sy fushatës tjetër. Ka qeverisur 12 vite, nuk është i zoti të paraqesë asnjë sukses të vetëm.
Dhe a e dini pse? Diçka është bërë, se nuk mund të themi zero, jo. Por problemi është se ato që janë bërë, janë bërë me një çmim 9-10 me çmimin real që duhet të kishin. Kanë vjedhur, kanë vjedhur, kanë vjedhur 90% të taksave tuaja.
Ndaj dhe burreci 2-metrosh. Dhe i them burrec se e meriton.
Shiko, e kam ftuar dhe e ftoj edhe sonte para jush, hajde ulemi këtu në Kuçovë bashkë me këta burra dhe gra para nesh.
Hajde të ulemi të japim llogari të dy, të shpjegojmë programin të dy. Ti ke qeverisur 12 vite, unë kam 12 vite që nuk kam qenë në pushtet.
Urdhëro tregoju qytetarëve çfarë ke bërë ti, dhe çfarë do bësh.
Ndryje, s’del dot, nuk ja mban. Dhe vetëm flet me veten çdo mëngjes.
Sy më sy, me ato që i thotë vetes, sapo zgjohet, po flas këto, po flas ato. Po.
Së dyti. Ju e konstatoni kalon nga një shesh në një tjetër, me një tufë fjalës, bajate, banale, të turpshme sikur jo kryeministër, por mund ti vesh çdo epitet, nuk po përdor epitete.
Burrec 2 metra i gjatë po i them prap.
Çfarë flet, këneta, zhapinj, hardhuca, çyryk, autik, budalla dhe këto janë fjalori i tij. Ky është fjalori i tij dhe pastaj përpiqet në një mënyrë meskine, në një mënyrë që mund ti vesh çdo epitet të krijojë çarje nëpër familje, se burrat janë kështu, se ata janë ato, se po të mos ishit ju ata do bëheshin me bisht.
Gjëra të cilat janë aq bajate, edhe në BigBrother nuk do ja pranonin. Jo.
Por miq, çfarë fshehin të gjitha këto. Këto fshehin edhe një tmerrim të tij.
Ai është i tmerruar, i tmerruar.
Është i tmerruar sepse çdo ditë që kalon, e çon atë buzë greminës, e çon atë buzë disfatës, e çon drejt 11 majit, humbjes së tij përfundimtare.
Ai dështoi me çdo përpjekje për të izoluar Partinë Demokratike.
Ju e patë miq. Dje dhe pardje ne kishim në Tiranë miq më të shquar, përfaqësues të organizatës, të 110 partive të Qendrës së Djathtë në Europë dhe në botë, të cilët shprehën mbështetje të plotë dhe totale për ju, për PD-në dhe Koalicionin e Shqipërisë Madhështore, programin e saj.
Të cilët ja dogjën në dorë pasaportën kallpe të Edi Ramës. sn

Partia Demokratike ka reaguar pas lajmeve se SPAK ka nisur verifikimet në lidhje me kontratën e saj me avokatin e presidentit Trump.

Me anë të një deklarate për mediat, PD thotë se, gjithçka është depozituar sipas rregullave dhe depozituar në FARA.

Në deklaratën e saj, PD shprehet se, kontrata me avokatin e presidenti Trump nuk ka trembur vetëm Ramën, por dhe veglat e tij.

Deklarata e PD:  

Pasi e përdori SPAK për vite me radhë si kapak për pusetën e skandalit të tij me McGonigal, sot Rama ka zgjuar sërish nga gjumi ata që kanë mbyllur sytë teksa kartelet e drogës në Tiranë, Durrës, Elbasan dhe Shkodër janë përfshirë më fort se kurrë për të deformuar vullnetin e zgjedhësve, njëlloj siç mbyllën veshët para audiove të dosjeve 339 dhe 184!

Njëlloj siç kanë mbyllur sytë para 150 milionë eurove të vjedhura të inceneratorëve, nga të cilat SPAK jo vetëm nuk ka rekuperuar asnjë qindarkë, por hesht si fija e barit se ku kanë përfunduar 150 milionë euro për një vepër që nuk ekziston.

Mesa duket kontrata e PD me avokatin e Presidentit Trump nuk ka trembur vetëm Ramën, por dhe veglat e tij. Në fakt, jo pa të drejtë! Pasi sot denoncimet e saj për McGonigal, përzierjen e karteleve të drogës të mbështetur nga Edi Rama dhe narkopolicia në procesin zgjedhor, përfshirë bashkëpunimin e heshtur të organeve të drejtësisë, kanë veshin e administratës dhe Kongresit të SHBA!

Partia Demokratike është transparente për kontratën me avokatin e Presidentit Trump, e cila është nënshkruar në përputhje të plotë me ligjet e të dyja vendeve dhe depozituar në FARA sipas çdo rregulli! Partia Demokratike gjen dhe njëherë rastin të falënderojë patriotët e komunitetit shqiptaro-amerikan për bujarinë dhe ndihmën e pakursyer për çmontimin e regjimit të Edi Ramës!

Sot Partia Demokratike, falë diasporës, është më e fortë se kurrë! Ditët e Ramës janë të numëruara! Fitorja është afër dhe i bëjmë thirrje të gjithë demokratëve brenda dhe jashtë Shqipërisë të angazhohen fuqimisht në dy javët e mbetura të kësaj fushate për të realizuar qëllimin tonë final që është Shqipëria Madhështore! sn

Lideri i Opozitës, Sali Berisha ka lëshuar një tjetër mesazh të fortë nga Pogradeci në drejtim të kryeministrit Edi Rama, duke e cilësuar si “të tepërt në pushtet për çdo minutë që kalon”.

Berisha tha gjatë fjalës së tij se më 11 maj qytetarët do t’i japin Ramës përgjigjen që meriton, ndërsa akuzoi drejtues lokalë dhe zyrtarë të qeverisë për pasurim të paligjshëm dhe vjedhje të taksave publike.

Pjesë nga fjala e kreut të PD, Sali Berisha:

Le të marrim drejtorët e bashkisë të ‘5D’.

Djem të ri ata, që vidhnin qindra milionë taksa të qytetarëve të Tiranës dhe së bashku me qeveritarë ndërtonin hotele më të kushtueshme të Shqipërisë.

Pra miq, nuk është e rëndësishme mosha, është e rëndësishme karakteri, nderi dhe dinjiteti i personit.

Nuk ka më të rrezikshëm se ata të rinj që janë të çmendur mbas parasë, mbas pasurimit të paligjshëm, mbas përvetësimit të pasurive tuaja.

Nuk ngopen kurrë ndaj dhe zgjedhjet janë për tu ndarë me ta.

Por nga ana tjetër theksoj këtu se, politika nuk është si teknologjia. Teknologjia ndërron, ndaj dhe ndërrojnë dhe telefonat.

Politika është e vjetër, është mijëra vjeçare, është arti i ndikimit mbi njerëzit dhe i përmirësimit të jetës së tyre.

Njeriu është njeri.

Ata që tentuan të krijojnë njeriun e ri, ata përfunduan në kalendat e historisë. Por në të gjitha kohërat, njeriu i qytetëruar që kur ka dalë nga primitivizmi ka mbetur njeri i virtyteve, njeri i integritetit dhe i dinjitetit njerëzor.

Ndaj dhe sot i them Edi Ramës, e vërteta është se çdo minutë që kalon je i tepërt në pushtet, 11 maji po vjen dhe do marrësh përgjigjen që meriton.

Unë e kuptoj që ai do të vjedhë prap, unë e kuptoj që ai nuk ngopet, por shqiptarët do i thonë me 11 maj, mjaft, është radha jonë, është radha jonë.

Ndryshim, ndryshim, është radha jonë.

Fitore, fitore.

Rroftë Pogradeci, rroftë Shqipëria.

sn

Emigrantët e vendosur në kampin e Gjadrit po përballen me kushte të vështira jetësore. Përveç mungesës së lirisë, ata po përballen me mungesë së aksesit në drejtësi dhe trajtim çnjerëzor.

Tridhjetë e tetë emigrantët të mbërritur nga vendet e Lindjes dhe të strehuar në kampin e Gjadrit, si pjesë e marrëveshjes mes Qeverisë shqiptare dhe asaj italiane, po përballen me kushte jetese të rënda dhe trajtim, që sipas aktivistëve dhe rrjeteve për të drejtat e njeriut, përbën shkelje të normave ndërkombëtare.

Monitorimet e kryera nga Delegacioni i Tryezës për Azil dhe Emigracion, tregojnë se migrantët jetojnë të izoluar në hapësira të vogla, nuk u lejohet të fikin dritat gjatë natës, të lëvizin lirshëm dhe trajtohen me qetësues dhe ilaçe psikotrope pa miratim. Aktivistët italianë e krahasojnë kampin me një formë moderne të një kampi përqendrimi.

Godina e kampit në Gjadër u ndërtua pas nënshkrimit të marrëveshjes midis Qeverisë shqiptare dhe asaj italiane dy vite më parë, më 2023-shin. Sipas marrëveshjes të publikuar, në Gjadër do të vendoseshin meshkujt në moshë madhore nga vendet e cilësuara si të sigurta e që do t’i nënshtroheshin procedurave të përshpejtuara për azil në Itali.

Megjithatë, aktualisht kampi gëzon një tjetër status, duke e shndërruar në një qendër për të dëbuarit, sipas një drafti të ri të miratuar nga qeveria e kryeministres italiane, Giorgia Meloni.

Shitës trëndafilash me precedentë penalë, kush është emigranti i parë që u dëbua nga kampi i Gjadrit

Rregullat e Bashkimit Evropian nuk e lejojnë transferimin e emigrantëve në një vend që nuk është as vendi i tyre i origjinës dhe as vendi i tranzitit.

Të dëbuarit

Me duar të lidhura dhe në shoqërinë e autoriteteve italiane, 40 emigrantë me origjinë nga Bangladeshi, Maroku dhe Tunizia kaluan kufirin detar midis Shqipërisë dhe Italisë më 11 prill nëpërmjet anijes “Libra”.

“U morën në mënyrë brutale, nuk iu tregua destinacioni i tyre, dhe ata që kërkuan të përdornin tualetin iu tha të “kryejeni nevojat personale në të mbathurat”, gjë që për fat të keq ndodhi”, – tregon Eleonora Stano, anëtare e Këshillit Drejtues të shoqatës “Mediterranea Saving Humans”.

Për të disatën herë destinacioni i udhëtarëve të anijes ushtarake italiane ishte kampi i Gjadrit, megjithatë, ndryshe nga herët e mëparshme kur emigrantët u kthyen mbrapsht në Itali, 38 prej tyre vazhdojnë të qëndrojnë në ambientet e kampit.

Aktivistët italianë e krahasojnë kampin me një formë moderne të një kampi përqendrimi ndërsa rezultatet e nxjerrja nga monitorimi i mjediseve të brendshme të kampit të Gjadrit e përforcojnë këtë bindje.

Sipas Delegacionit të Tryezës për Azil dhe Emigracion, që ka mundësuar zhvillimin e një monitorimi të pavarur të transferimit dhe qëndrimit të emigrantëve të kampin e Gjadrit, ata po përballen me kushte të vështira qëndrim, çka bie ndesh normat evropiane të respektimit të të drejtave të njeriut.

“Vendimi për të transferuar me detyrim persona tashmë të ndaluar në Itali në një CPR të zhvendosur jashtë kufijve kombëtarë përbën një shtrembërim të qartë të normave evropiane dhe kushtetuese, dhe sjell shkelje të rënda të të drejtës për mbrojtje ligjore, azil, njësi familjare dhe liri personale”, – thuhet në publikimin e CIR Refugati ku problematike paraqitet edhe mënyra e funksionimit të kampit.

“Në ditët e para të funksionimit janë regjistruar disa episode dramatike dhe domethënëse: disa nga personat e transferuar kanë ndërmarrë akte vetëdëmtimi, është vënë re vështirësi në aksesin ndaj ndihmës ligjore, mungesë e informacionit paraprak dhe të qartë mbi transferimin me detyrim, si dhe mënyra transporti që nuk respektojnë dinjitetin njerëzor,” – raportohet më tej, ndërkohë që Eleonora Stano, thotë në intervistën për “shteg.org” se nga monitori i realizuar prej rrjetit “Mai più lager – NO ai CPR” (Kurrë më kampe përqendrimi – Jo ndaj CPR-Qendra të Përhershme për Riatdhesimin) rezulton se dhomat në të cilat ndodhen emigrantët në kampin Gjadrit janë të pajetueshme.

“Hapësirat e dhomave janë shumë të vogla dhe emigrantëve nuk u lejohet të dalin prej tyre. Ushqimi u shërbehet përmes një dritareje të vogël ose u hidhet në dysheme, duke qenë se nuk ekzistojnë ambiente të përbashkëta apo mensa ku të konsumohen vaktet”, – thotë Stano, duke shtuar se emigrantët po përballen në Shqipëri me një mjedis torturues, ku detyrohen të marrin mjekime qetësues dhe psikotrope.

“Ashtu si në të gjitha strukturat e ndalimit administrativ, edhe në kampin e Gjadrit është përqafuar që në fillim praktika brutale e dhënies së qetësuesve dhe ilaçeve psikotrope, pa marrë më parë pëlqimin e personave të ndaluar, një shkelje e rëndë e të drejtës për vetëvendosje dhe për kujdes shëndetësor”, – tregon Stano.

Nga 40 emigrantë, vetëm një prej tyre u riatdhesua në vendin e origjinës, ndërsa një tjetër u rikthye në Itali. Të tjerët po përballen me shkelje të të drejtave të njeriut dhe me kushte të vështira jetese dhe të pa informuar mbi të ardhmen e tyre.

Kampi i ferrit

Përtej ekranit të celularit, në anën tjetër të detit Adriatik, aktivisti dhe mjeku italian Nicola Cocco shprehet i shqetësuar për jetët e emigrantëve të vendosur në kampin e Gjadrit në Shqipëri.

“Kur flitet për riatdhesimet, meqë një person është riatdhesuar në Bangladesh disa ditë më parë, nga ata që ishin në Gjadër, nuk është se riatdhesimi ndodh direkt nga Shqipëria, sepse kjo nuk bën pjesë në protokoll. Çfarë ndodh? Personi transferohet nga CPR italian (Qendra e Përkohshme e Riatdhesimit) në CPR-n e Gjadrit, më pas sillet sërish në Itali dhe aty bëhet riatdhesimi”,- thotë Cocco.

Mjeku ka bindjen se jetët e emigrantëve nga Lindja po përdoren për propagandë politike në Itali dhe në Shqipëri.

“Problemi është që në Itali kemi rreth 500-600 mijë persona të parregullt, pa leje qëndrimi. E gjithë kjo ‘luftë kundër imigracionit të parregullt’ po bëhet përmes propagandës mbi kurrizin e 40 personave që janë dërguar në Gjadër”, – thotë ai duke shtuar se dërgimi i emigrantëve “të padëshirueshëm” të Italisë është fyese edhe për shtetin shqiptar.

Përballë akuzave për trajtim të ashpër, autoritetet italiane e kanë justifikuar masën si të nevojshme për të përballuar migracionin e parregullt. Ministri i Brendshëm Matteo Piantedosi i ka quajtur emigrantët “kontingjent kriminal”, por Cocco thekson se ndalimi në CPR nuk lidhet me vepra penale, por me mungesën e lejes së qëndrimit.

“Duhet sqaruar se në qendrat e qëndrimit për riatdhesim (CPR) nuk përfundojnë persona për të vuajtur dënime penale. Duhet ta kujtojmë këtë, sepse kemi të bëjmë me ndalim administrativ, i lidhur me mungesën e lejes së qëndrimit dhe me procedurat për riatdhesim të mundshëm. Pra nuk është e vërtetë që dërgohen atje persona për të vuajtur dënime. Mund të përfundojnë në CPR vetëm persona që kanë përfunduar dënimin në burg dhe që gjatë periudhës së burgimit nuk kanë mundur të rinovojnë lejen e qëndrimit dhe menjëherë pasi përfundojnë dënimin, fillon ndalimi në CPR. Ky është mekanizmi”, – thotë ai duke shtuar se emigrantët në kamp nuk gëzojnë të drejtën për mbrojtje ligjore, përveç avokatëve që ofron vetë qendra, çka bie në konflikt interesi me qëllimin e tyre për t’u larguar nga kampi.

Eksperti shqiptar i sigurisë, Fatjon Sofo, ngre shqetësimin e përfshirjes së emigrantëve në aktivitete kriminale, zakonisht për shkak të mungesës së integrimit dhe monitorimit të duhur.

“Eksperiencat në Itali kanë treguar se një përqindje e vogël e emigrantëve, veçanërisht ata me status të pasigurt ose në pritje të depërtimit, janë përfshirë në rrjete kriminale, trafik droge, shfrytëzim prostitucioni dhe krime seksuale. Këto fenomene ndodhin më lehtë kur mungon kontrolli i plotë dhe kur personat nuk kanë një sistem integrimi apo mbikëqyrjeje të qëndrueshme”, – thotë Sofo.

Ndërsa për Eleonora Stanon kampi i Gjadrit përbën një precedent të rrezikshëm për politikat e BE-së në të ardhmen.

Sipas saj, kampi shqiptar mund të jetë nisja e një praktike çnjerëzore e dëbimit të emigrantëve ndërkohë që Bashkimi Evropian parashikon ngritjen e qendrave të ngjashme si ajo që italianët ndërtuan në Gjadër, pas vitit 2027.

“T’i marrësh një copë toke popullit shqiptar dhe të ndërtosh aty një kamp përqendrimi nën juridiksionin italian, për të burgosur dhe depërtuar njerëz nga një qendër në tjetrën, nuk ka aspak të bëjë me sigurinë. Bëhet fjalë për praktika çnjerëzore dhe të paligjshme, të kryera në dëm të personave më të pambrojtur dhe të racizuar”, – thotë Eleonora Stano./Shteg.org

Situata psikologjike e Edi Ramës sa vjen dhe rëndohet.

Sulmet dhe fyerjet krahinore, sulmi ndaj burrave të Dibrës, të cilët i quajti çyrykë, fyerja familjeve shqiptare duke u thënë grave të ndajnë burrat, skandali me fëmijët të cilëve u thoshte më shihni mua lakuriq, u pasua nga një rrëshqitje psiqike edhe më e rëndë, teksa fyeu rëndë personat që vuajnë nga spektri i autizmit.

Mirëpo, në vend të kërkimit të faljes me përulje, Rama ka dalë si lugat mbrëmjen e së martës ka mbrojtur fyerjen që bëri duke thënë se e kishte lexuar në literaturën politike, por po vetë thotë në video që kjo shprehje paska 10-15 vite që nuk përdoret më. Këmbëngulja për të justifikuar skandalin e rëndë, tregon që kryeministri i vendit ka shkalluar, për më tepër tregon se prej 10-15 vitesh nuk ka kapur libër me dorë. Gjë që tregon se fyerja ndaj personave me aftësi ndryshe jo vetëm që nuk përdore në literaturën politike askund, por se Edi Rama deliron dhe ka firuar nga gjendja psikologjike aq shumë se mendon se do bindë ndokënd me justifikimin. sn