Shqipëri

Pakti i Qeverisë me CEZ – katër nenet që nuk lejojnë hetimin e abuzimeve

Përfaqësuesit e maxhorancës janë shprehur të hapur për të lejuar hetimin e plotë të skandalit me CEZin, ndërkohë që ky hetim është i pamundur në sajë të marrëveshjes që palët kanë nënshkruar më 23 qershor 2014 mes tyre.

Në marrëveshjen për zgjidhjen me mirëkuptim të kontratës mes qeverisë shqiptare dhe kompanisë CEZ, përfaqësuesit e qeverisë u kanë dhënë garanci në të paktën katër pika çekëve që nuk do të lejojnë asnjë hetim ndaj tyre. Teksa e kaluan në Kuvend më 31 korrik 2014, me 85 vota, përfaqësuesit e maxhorancës nuk e kishin parashikuar publikimin e fakteve në lidhje me kompaninë “DIA” dhe përfshirjen e disa prej aktorëve politikë në aferën e CEZ, për të cilët është kërkuar edhe hetim ndërkombëtar.

MARRËVESHJA

Për Kryeministrin Rama dhe ministrin e Energjetikës, Damian Gjiknuri, prishja me mirëkuptim e marrëveshjes me CEZ, pavarësisht dëmshpërblimit financiar që do të paguhet, ishte zgjidhja më e mirë. Ndërkohë që rihapja e çështjes dhe kërkesa për hetim pengohet nga nenet që vetë përfaqësuesit e maxhorancës kanë pranuar të jenë pjesë e kësaj marrëveshjeje.

Kështu, në nenin 9, pika 5, theksohet se në bazë të marrëveshjes në rast se ndonjë nga palët shqiptare do të vihet në dijeni për ndonjë procedim ndaj kompanisë CEZ, procedimet do të ndërpriten menjëherë duke rrëzuar çdo pretendim të ngritur.

Rama në OKB: Jam katolik me grua myslimane e fëmijë ortodoksë

Kryeministri Edi Rama ka folur sot në panelin e OKB-së në Nju Jork për harmoninë fetare dhe luftën ndaj terrorizmit dhe ekstremizmit fetar.

Sipas Ramës qasja dhe vlerat e Shqipërisë ndaj fesë duhen marrë shembull për luftën ndaj ekstremizmit fetar.

“Duhet ta luftojmë terrorizmin duke patur parasysh vlerat tona”, tha Rama. Ai befasoi të pranishmit kur foli për besimin fetar në familjen e tij.

“Unë jam katolik, gruaja ime është myslimane dhe ne kemi një vajzë dhe një djalë të besimit ortodoks. Ndërsa djali tjetër, i sapolindur duhet të vendosë vetë për besimin e tij, edhe pse Papa Françesku e ka bekuar dy herë.

Ai është me fat se jeton në një vend ku askush nuk do t’ia imponojë një besim fetar. Ai jeton në vendin ku Papa Françesku e bekoi për tolerancën fetora”, tha Rama.

Zyrtarë të LSI-së me ‘Rolex-‘a 18 mijë dollarësh

Në media janë përfolur shpesh zyrtarë të lartë shtetërorë e politikanë që shpenzojnë shumë për veshje, makina luksoze dhe orë të shtrenjta.

Një ndër ta është natyrisht edhe kryeministri Rama, kravatat dhe kostumet e të cilit kushtojnë shumë.

Por edhe në nivel drejtorësh nëpër ministri ka nga ata që mbajnë aksesorë të shtrenjtë sipër. I tillë është edhe Ergys Agasi, djali i ish-deputetit të të PS-së, Bardhyl Agasi.

Ai mban në dorë një orë të shtrenjtë të markës “Rolex”, që vlerësohet me një çmim rreth 18 mijë dollarë.

Ergys Agasi është drejtor në Ministrinë e Mjedisit dhe pjesë e LSI-së./Lapsi.al/

Ceremoni e fshehtë – Rama dekoron SHISH-in

Vetëm pak ditë para se kryeministri Rama të nisej për në Shtetet e Bashkuara të Amerikës, ai ka bërë një gjest që para disa kohësh askush nuk do ta mendonte. Abc News ka mësuar se në një ceremoni larg syve të medias, kryeministri i ka dhënë medaljen e mirënjohjes Shërbimit Informativ të Shtetit, për rezultatet në luftën antiterror.

Ceremonia ku nderohet institucioni që ka qenë objekt i herëpashershëm i sulmeve publike të qeverisë, është kryer në prani të ambasadorit amerikan në Tiranë, Donald Lu, ministrit të Brendshëm Tahri dhe drejtorit të Përgjithshëm të Policisë, Haki Çako.

Medalja e Mirënjohjes u akordua pasi në vijimësi SHISH ka një bashkëpunim të mirë mes insitucioneve ligjzbatuese dhe ministrisë.Interesant është fakti se ka qenë vetë kryeministri, që i ka dorëzuar medaljen kreut të shërbimit, Visho Ajazi Likës dhe gjithashtu ka refuzuar që ceremonia të bëhet publike.

Bëhet fjalë në fakt për dekorimin e një institcioni të cilin herë pas here kryeministri dhe ministri i Brendshëm e kanë kritikuar ashpër publikisht si mosbashkëpunues dhe përgjegjës për çfarë ndodhte në vend. Dekorimi i 22 shtatorit do të kishte qenë një ndjesë publike për Shërbimin Informativ të Shtetit.

Por megjithatë publike apo jo, ndjesa erdhi përmes ceremonisë së heshtur vetëm pak ditë para se kryeministri Edi Rama të nisej për në Shtetet e Bashkuara të Amerikës.

Vendosja e pllakatës në hyrje të kalasë së Lezhës, historianët kundër

Pllakata e Sulltan Sulejmanit e vendosur në hyrje të Kalasë së Lezhës është konsideruar një skandal i vërtet nga Forumi për mbrojtjen e Trashëgimisë Historike Kulturore Kombëtare.

Sipas kryetarit të forumit, historianit Pal Trashaj, Sulltan Sulejmani është sjell si kriminel ndaj popullit shqiptar.

“Është një turp, një skandal, pasi është kala ilire, mijëra vjeçare, shqiptare dhe kjo pllakatë është vënë aty ku është vënë stema e Skurajve dhe e Arbrit. Me bekimin e qeveritarëve u vu dhe pllakati se na paska rikonstruktuar pushtuesi, ose një nga kriminelët më të mëdhenj Sulltan Sulejmani”- tha ai.

Për studiuesit, Ministrja e Kulturës Mirela Kumbaro nuk ka kulturë dhe se ajo nuk është një njohëse e mirë e historisë.

Vetëm dy ditë pas vendosjes së pllakatit në hyrje të Kalasë së Lezhës ajo u njollos me bojë nga të pakënaqurit prej vendosjes së saj aty.

Me mbishkrimin në osmanisht, si kujtesë rikonstruksionin e këtij objekti historik nga Sulltan Sulejmani në vitin 1522, në Lezhë kërkohet heqja e pllakës nga hyrja e Kalasë për të kaluar në muze.

Letër e hapur: Mesila Doda – Post Factum – Po largohem pas përjashtimit “de facto” – Tash është klientelizmi mbret i situatës së re

TIRANË – Mesila Doda vendos të largohet zyrtarisht nga Partia Demokratike. Përmes një letre të hapur të titulluar prej saj “Post Factum”, që vendosi ta bëjë publike ekskluzivisht në “Gazeta Shqiptare”, Doda rendit të gjitha arsyet e këtij vendimi pa harruar të sqarojë se largimi nga partia që themeloi 25 vite më parë erdhi sikundër ajo thotë pas përjashtimit prej saj “de facto”. “Gazeta Shqiptare” boton të plotë letrën e hapur të deputetes së zgjedhur në dy legjislatura.

“Post Factum”

U bë një kohë jo fort e shkurtër, që jam shprehur pak në publik, dhe më së pari dua t’i kërkoj ndjesë miqve të mi të medias, pasi gjatë kësaj kohe kanë marrë refuzime të shumta për biseda dhe intervista. Koha për njerëzit e politikës është e pazakontë, rend me shpejtësi krejt tjetër, kthehet jo rrallë në makth, ndaj mundohemi ta shfrytëzojmë sa më shumë e më mirë për të thënë ato që mendojmë e ato që s’mendojmë e na ndodh rrallë të bartim me dëshirë mëkatin e heshtjes. Ky i fundit është bërë thuajse një gjendje e dytë për mua këto kohët e fundit, e padetyruar nga askush, por si një kërkesë e unit tim për të reflektuar thellë e për të folur me një zë, përfundimisht e në kohën e duhur. Kjo, sepse gjithçka thashë në më shumë se dy vite, qëlluan të ishin të vërteta të hidhura të papranueshme për shumëkënd, e për pasojë edhe të dënueshme me të vetmin stil që njohim atë të armikut, i cili fillimisht duhet injoruar, më pas përçmuar e më pas akoma me trajtesën: “ta vëmë në kamaren e turpit e aty t’i qasim çakejtë që lehin, pështyjnë, e godasin”… (mjafton që këtyre të fundit t’i dalë cullufja përtej gardhit ku mund ta rrokë vështrimi i shefit)…rrugë e njohur edhe për shumë zëra të tjerë përpara meje, edhe më të fortë se unë, po tek e fundit ç’rëndësi ka…si në këtë kohë dhe në atë kohë të jesh individ i lirë, aq i lirë sa të mos njehsohesh me mendimin, dashurinë, përzgjedhjen, urrejtjen dhe deduktimet njerëzore e politike të grupit që t’i i përket është profani, aq e madhe sa ty të vetëpërjashton nga ky grupim. E nisa këtë përsiatje me një qasje krejt të brendshme e personale, sepse kjo është ecja që unë kam kryer gjatë kësaj kohe, në një terren të brendshem e reflektiv, brenda të cilit isha në të drejtë dhe brenda çdo logjike normale njerëzore në deklarimet e mia publike, të cilat kanë patur vetëm një qëllim, rikthimin e komunikimit publik të Partisë Demokratike në vërtetësi, larg klisheve e gënjeshtrave që recituesit e mirë a të këqinj nuk arrijnë ta fshehin, drejtimi në një bosht ideologjik e të sinqertë të një të djathte të re e moderne, të bazuar në mbrojtjen e kapitalit, pronës, dekomunistizimit e kujtesës historike, ruajtjes dhe mbrojtjes së posaçme të strukturës së familjes shqiptare, gruas e fëmijës dhe mbi të gjitha një qasje tjetër agresive e të papranueshme ndaj korrupsionit, jo thjesht si një fenomen bashkëshoqërues, por si një akt i rëndë antikombëtar që do e lërë gjithherë vendin tonë mes kombeve të pazhvilluara e të varfëra dhe do vazhdojë të thellojë hendekun që sot bëjmë sikur nuk e shohim, mes një kaste që drejton dhe një populli që pëson. Për fat të keq asnjë nga mesazhet e mia të kësaj kohe nuk u pranua apo u çmua nga drejtimi i ri i PD. Ka ndodhur shpesh që qëndrimi i mbajtur prej meje për çështje të rëndësishme si armët kimike, heqja e mandateve të grave si pikënisje e procesit të denoncimit të penetrimit të krimit në parlament, kërkesa publike për ruajtjen e mandateve të grave parlamentare dhe dekriminalizimi me çdo kusht i Kuvendit, refuzimi i bojkotit si një praktikë jo e mirë për vendet që kërkojnë rrugën europiane të progresit dhe integrimit, çuarja përpara e procesit për hapjen e Dosjeve edhe kur kundërshtari dëshiron një proces gjysmak e diskriminues në mënyrë që ti të japësh platformën dhe këndvështrimin tënd për një çështje jetike për të djathtën dhe antikomunizmin shqiptar, është anatemuar, goditur publikisht e më pas gëlltitur në heshtje. Por, qysh kur unë votova në përputhje me ndërgjegjen time njerëzore e politike për heqjen e një imuniteti erdhi rradhazi edhe përjashtimi im nga fushata e Tiranës, përjashtimi nga struktura parlamentare, me urdhër personal të kryetarit të grupit.

Tashmë kjo ka pak rëndësi, sepse po vazhdoj të flas për një optikë e histori personale, e cila nuk ngre peshë në krahasim me impaktin publik që krijohet, kur ndërthurja dhe pasojat e qëndrimeve kokëforta, hipokrite, joprofesionale e jopolitike patën një pasojë të rëndë, të paperceptueshme për këdo që jeton në këtë vend. Unë nuk jam e kënaqur, nuk jam aspak e lumtur jo për humbjen, por për thyerjen e madhe që ndodhi në zgjedhjet e fundit vendore. Fati e desh që të mos jem pjesë e kësaj humbje dhe bjerrje, ku e çoi marrëzia e arbitraritetit, por nuk kam asnjë dyshim se prania ime do mund të sillte rezultat tjetër për mikun tim, Dr.Halim Kosoven, i cili bashkë me shumë kandidatë të tjerë mori padrejtësisht frytet e një punë jo të mirë të bërë për dy vjet rresht nga drejtuesit e lartë të PD. Kjo është arsyeja pse kam heshtur përgjatë kësaj kohe, e bindur se më së fundi do kish një reagim serioz, të vërtetë, normal e rirregullues për jetën politike dhe qasjen publike të PD. Me sa duket pritshmëria ime ishte edhe kësaj here krejt e pavend. Analiza e humbjefitores nuk shkandulliti kënd…kur them këtë nuk prisja as kokëprerje e as armiqësi si ato që lindën e u përplasën pa mëshirë para dy vitesh, por më së paku një komunikim normal njerëzor së pari mes veti dhe më pas me publikun, për të fuqizuar një forcë që duket e drobitur nga një konfuzion i brendshëm, pa mendim politik, vizion e kod besimi mes pjesëve të saj.

E gjetur në këtë udhëkryq ku mungon çdo lloj komunikimi e bashkëpunimi reciprok, e përjashtuar de facto nga veprimtaria politike e deputetit, më duhet të lajmëroj veprimet e mia më të fundit të shkëputjes së marrëdhënieve formale me grupin parlamentar të Partisë Demokratike. Pas këtij komunikimi aspak të lehtë për mua, më duhet të siguroj të gjithë votuesit se çdo propozim që PD do sjellë në Kuvend e që do jetë në funksion të reformave dhe shtetit ligjor, në përkrahje të shtresave në nevojë dhe shtresave tradicionale të djathta, do përkrahet e votohet pa asnjë mëdyshje nga unë. Votimi im, ashtu si deri më sot do vazhdojë të jetë vetëm në përputhje me ndërgjegjen time qytetare, politike e njerëzore dhe nuk do ndikohet në asnjë rast nga vendime partiake, arbitrare a të ndikuara nga interesa. Pozicioni im do vazhdojë të jetë në zhvillimin e rritjen e së djathtës moderne, monopolin e së cilës nuk e ka kush dhe të mundësojë krijimin e një politike që sheh nga paqja, kohezioni social, nga rritja dhe progresi i vlerave njerëzore dhe ekonomike, nga fuqizimi i gruas dhe kombit si dy krahë që rriten së bashku. Për ta përmbyllur këtë shpjegim të mbramë, tek e fundit besoj se unë e bëra betejën time për sjelljen e një fryme të re komunikimi mes njerëzve politikë të së djathtës dhe me sa duket gjithë tezat e mia politike e që mund të sillnin bazat e një të djathte të rikonceptuar moderne, ku individi të ishte qendra e jo fundi, u konsideruan tema armiqësore. Bashkimi i ri i interesave dhe karrierave të reja, që i lidh pak apo aspak afeksioni për të djathtën historike dhe Lëvizjen e Dhjetorit, ka arritur të zëvëndësojë ideologjinë, respektin dhe kujdesin për t’u ruajtur nga çdo formë diktature, me klientelizmin e njohjeve të ngushta larg përzgjedhjes dhe kriterit politik të veprimit. Dhe gjith ky mish mash, pëlqimesh pa meritë, urrejtjesh pa shkak, fyerjesh e zhbërjesh personalitetesh pa asnjë shkak do sillnin dhe do vazhdojnë të sjellin një konfuzion nga i cili mund dhe po merr fuqi vetëm qeverisja, e cila në kushte të një opozite tjetër nuk do mundej kurrsesi të ecte kaq gjatë, me një bilanc kaq negativ në shpinë. Tek e fundit, unë nuk do vazhdoj më të merrem me argumentet pro dhe kundër të asaj qe ndodhi apo do ndodhi në PD me vonë. Largohem me keqardhje nga një Parti që e krijuam bashkë me studentë dhe pedagogë 25 vjet më parë, por që sot e shoh të rithemeluar larg kontekstit, boshtit dhe qëllimit politik për të cilin u krijua. Tash është klientelizmi mbret i situatës së re dhe shpresoj fort që njerëzit politikë që ende po rezistojnë edhe për pak, të arrijnë të kthjellojnë individët përgjegjës për dëmin e madh që po shkaktojnë. Shpresoj që edhe ky largim do i shërbejë vendimarrësve partiakë të kenë një qasje tjetër ndaj figurave të vërteta politike, burra e gra të mençura që i shoh shpesh kur fyhen, anashkalohen, anatemohen e sulmohen me dhe pa intriga, për të vetmen arsye sepse ende nuk kanë pranuar kodin e heshtjes dhe pranimin e disfatës së rradhës. Nëse jo, do duhet të shihemi jo shumë shpejt, kur ta kuptoni që zgjerimi dhe pranimi i tjetrit si i ndryshëm me ty është fuqi, dhe të vendosni që gjithë ata që s’i deshet e që qëndruan si njerëz me dinjitet përballë do duhet të krijojnë së bashku me ju e si të barabarte edhe më shumë se ju, rithemelimin e së djathtës që e dërrmuat JU.

Mesila Doda
*Titulli i Voal -. Titulli i letrës së hapur i vendosur nga deputetja është “Post Factum”

Axhenda jo zyrtare e Kryeministrit Rama në New York

Kryeministri Rama ka nisur vizitën e tij tetë ditorëshe në SHBA. Deri tash nuk është bërë e njohur agjenda zyrtare, por shtypi pranë tij ka bërë të njohur pak e shumë aktivitetet e Ramës në New York.

Kreu i ekzekutivit pritet të mbajë disa fjalime për tema të ndryshme si ekstremizmi, zhvillimi i qëndrueshëm rajon, por edhe më gjerë, barazia gjinore etj.Kreu i qeverisë fillimisht në 24 shtator mori pjesë në ‘World Leadership Forum’, në New York, një event ky i organizuar nga Shoqata për Politikë të Jashtme (Foreign Policy Association).

E themeluar në vitin 1918, Shoqata për Politikë të Jashtme shërben si një ndërlidhës për zhvillimin e njohjes dhe sigurimit të informacioneve dhe opinioneve për çështjet globale.

Sot më 25 shtator kryeministri Rama po merr pjesë në Asamblenë e Përgjithshme të OKB-së, e cila këtë vit do të jetë e përqendruar në çështjet e zhvillimit të Qëndrueshëm. Ai prej andej dërgoi në Facebook foto ndërsa Papa Françesku po mbante fjalimin e tij historik me një temë aq të ndjeshme, për të gjithë shtëpi, punë e tokë.Çdo vit, në fund të muajit shtator, Organizata e Kombeve të Bashkuara mbledh Asamblenë e saj të Përgjithshme, ndërsa këtë vit do të jetë sesioni i 70-të i saj dhe në të marrin pjesë liderë botërorë nga të gjitha shtetet anëtare. Aty do të flitet kryesisht mbi shqetësimet aktuale botërore, me theks tek siguria e terrorizmi.

Gjithashtu kreu i ekzekutivit shqiptar, Rama do të marrë pjesë në eventin “Impakti i së ardhmes” që do të organizohet në datat 26-29 shtator në New York nga “Fondacioni Klinton”.Të gjithë pjesëmarrësit do të nxjerrin në pah pikat ku duhet punuar më shumë, në mënyrë që të sjellin progres në botën ku ne sot jetojmë. Disa nga sfidat që pritet të diskutohen janë ndryshimi i klimës, barazia gjinore, shëndetësia në rang global dhe nxitja e njerëzimit për të bërë më shumë bamirësi. Pjesë e këtij eventi të rëndësishëm do të jetë edhe Presidentja e Republikës së Kosovës, Atifete Jahjaga.

Po ashtu, “Fondacioni Klinton” u ka dërguar ftesë edhe disa prej liderëve të tjerë botërorë, si dhe përfaqësuesve të organizatave të ndryshme ndërkombëtare. Deri më sot, takime të këtij lloji kanë marrë më shumë se 3200 angazhime, të cilat kanë përmirësuar jetën e më shumë se 430 milionë njerëzve në 180 vende të botës. Edhe këtë herë pritet të diskutohet mbi mënyrat e reja për të hartuar zgjidhje sa më konkrete si edhe efektive për problemet në rang globi.

Në këtë vizitë shefi i qeverisë shqiptare shoqërohet nga zonja e tij Linda Rama.

Përçarja – LSI bëhet me PD, kundër PS

Përçarje mes PS-së dhe LSI-së në Dibër. Newsbomb.al mëson nga burime brenda PS-së se Lëvizja Socialiste për Integrim ka bërë bashkë votat me Partinë Demokratike, kundër Partisë Socialiste me të cilën qeveris vendin.

Sot janë zhvilluar zgjedhjet për kryetarin e Qarkut të Dibrës, por anëtarët e LSI-së kanë bashkuar votat me PD-në për kandidatin e LSI Hajri Laçi. Laçi mori 10 vota, kundrejt 7 votave që mori kandidati socialist Qazim Gjoni.

‘’Me një pazar të pistë LSI bashkoi votat me PD-në për të zgjedhur kryetarin e qarkut. Si kembim LSI-ja i dha votat PD-së per nënkryetarin e Qarkut ku u zgjodh Femi Hoxha, djali i xhaxhait te deputetit te PD per Matin, Bedri Hoxha”, thotë për Newsbomb.al burimi.

Partia Socialiste ka mbetur e papërfaqësuar për shkak të ‘’koalicionit PD-LSI”. Nënkryetari i FRD-së, i mbështetur nga PS-ja humbi, duke marrë vetëm 7 vota.

Ditë më parë Newsbomb.al raportoi edhe për një përçarje në Shkodër mes PS-së dhe LSI-së. Kanë qenë pikërisht përfaqësuesit e PS-së që janë bërë bashkë me ata të PD-së kundër LSI-së, kur po votohet për Këshillin e Qarkut.

Anëtarët e PS-së në këshillin e Qarkut Shkodër nuk kanë votuar kandidaturën e LSI-së Salvator Gjoka, por Greta Bardelin e PD-së. Bardeli mori 16 vota, 12 nga PD-ja dhe 4 nga PS-ja.

Njëra nga pistat e kësaj krisje në Shkodër, ishte edhe përplasja mes përfaqësuesve lokalë.

Punonjësia e bashkisë: Ja përse e qëllova Veliajn, çështjen do e ndjek

Violeta Geca, është emri i punonjëses së magazinës së Bashkisë së Tiranës që u konfrontua paraditen e sotme me kryetarin e bashkisë së Tiranës Erion Veliaj në zyrën e këtij të fundit. Madje Geca në një intervistë për Newsbomb.al thotë se ka qendruar për një orë në komisariatin e Tiranës ku e ndaluan për këtë çështje dhe më pas e liruan. Po si ka ndodhur ngjarja dhe pse Violeta Geca ka qëlluar kryebashkiakun? Dhe a mund të kontaktoni dot në telefonin e saj? Jo, madje Violeta Geca kërkon edhe ndihmën e Newsbomb.al që telefonin me të cilin qëlloi kryebashkiakun dhe ka mbetur në zyrën e tij, t’ia kthejnë.

Zonja Geca, a mund të na thoni cfarë ka ndodhur dhe pse lindi konflikti mes jush dhe kryetarin e Bashkisë?

Nuk është një konflikt që ka nisur sot. Por ka disa kohë me një drejtor që është te qendra sipër, Artur e ka emrin. Madje për të unë kam bërë edhe denoncim në polici. Dhe duket se ai është një njeri që ka një lokal në Petrelë. Eshtë mik me Ramën dhe me kryetarin e bashkisë. Ata duhet ti kenë thënë ndonjë gjë për mua për të më hequr sepse nuk ka pasur asnjë shkak tjetër.

Ku punoni ju?

Punoj te magazina në Bashkinë e Tiranës.

Si nisi konflikti?

Shkova të kërkoja sqarime nga kryetari i Bashkisë për arsyen e largimit tim nga detyra. Ai më kërkoi të dilja jashtë. Brenda ka qenë edhe shefja e kabinetit. Dhe në moment nxehje e sipër, duke më treguar gjykatën e në tone të acaruara, kam pasur dhe celularin në dorë dhe e kam goditur me të dyja duart në faqe. Dhe normalisht ai u shty por ndërkaq, edhe më ka goditur. Gjerat ndodhën shumë shpejt.

Po më vonë?

Në zyrë erdhi bodigardi i kryetarit i cili i tha kryetarit të mos më prekë më dorë dhe më mori nga të dy krahët për të më nxjerrë jashtë. Në këtë moment kam goditur shefen e kabinetit.

Po a mendoni se këto gjëra zgjidhen me dhunë?

Jo se mendoj. Por edhe ata dhunshëm më hoqën nga puna.

Po më pas ç’ndodhi?

Më morën në komisariatin 1. Dhe aty më kërkuan dëshmi. Por pas një ore më liruan dhe më tha se nuk ka kallzim kundër meje. Dhe më pas më liruan. Nuk e di pse e kanë bërë. Më vonë e pashë dhe më thanë se kanë dashur ta fshehin këtë që ndodhi.

Po tani çdo bëni?

Do pres dhe do të ndjek cështjen. Por as telefonin nuk kam se ka mbetur te zyra e kryetarit të Bashkisë.

PD me dokumente të reja – Sajmir Tahiri përdor narkotaksinë me Habilajt, ja hyrje-daljet e tyre

‘’Sajmir Tahiri përdor narko-taksinë me Habilajt, por mbrëmë e pranoi vetë se e ka përdorur sërish, edhe pse e paska shitur, duke u vetëdenoncuar si i implikuar në trafikun kriminal’’, kjo ka qenë deklarata e Partisë Demokratike sot, duke publikuar edhe dokumentet e hyrje-daljeve në TIMS.

“Saimir Tahiri ka pranuar dje se makina e trafikut të drogës, taksia me imunitet, AA003GB, është pronë e tij dhe përdoret herë nga ai, herë nga kushërinjtë e tij Habilaj.

Pra ai e ndan makinën, si ministër i Brendshëm që është, me një grup kriminal, të njohur mirë nga policia, të mbajtur nga policia nën vëzhgim, si trafikantët më të rrezikshëm të drogës në Jug.

Duke nxjerrë alibi të reja, sa herë del në televizion ka një variant të ndryshëm për implikimin e tij, Tahiri mbrëmë u mundua të mbrohej duke thënë se Habilajt i paska kushërinj të largët. Po, aq të largët, sa u lë makinën personale që ata të mos ndalohen nga policia e të kalojnë edhe në pikat e kalimit kufitar, dhe kur ata të mos kenë punë, makinën e drogës e merr sërish Saimiri.

Makina përdoret për trafik dhe këtë e kanë konstatuar në punën e tyre vëzhguese oficerët e anti-drogës. Dhe për tiu dhënë edhe më shumë garanci e imunitet, vetë Saimir Tahiri, ministër i Brendshëm shfaqet në timonin e kësaj makine, për t’iu treguar edhe një herë policisë e strukturave të zbatimit të ligjit se në fakt është ai pronar, drejtues i linjës AA003GB. U tregon policëve e strukturave të tjera që të rrinë larg kësaj makine, larg këtij grupimi kriminal, larg bandës së tij të drogës.

Skandali i Tahirit po zmadhohet çdo ditë me alibitë që ai prodhon, dhe çdo variant që nxjerr është një krim i ri. Deri mbrëmë, ai mbrohej duke thënë se ka shitur makinën në të zezë, ka fshehur pasurinë. Pra ka bërë një krim më të lehtë se sa përfshirja direkte në trafikun e drogës. Por mbrëmë e pranoi vetë se e ka përdorur sërish narko-taksinë, AA003GB, edhe pse e paska shitur, duke u vetëdenoncuar si i implikuar në trafikun kriminal. Nuk ka më asnjë shteg shpëtimi për Saimir Tahirin. Duhet të largohet nga zyra e nga detyra që mban, që prokuroria të bëjë hetim të plotë e të pandikuar”, tha kreu i Departamentit të Rendit dhe Sigurisë, Enkeleid Alibeaj.

Kurse ministri i Brendshëm e komentoi kështu dje në emisionin ‘’Top Story’’ çështjen e makinës: “Çështja e makinës sime, shkurt dhe pastër është kjo: makinën e kam shitur në 6 nëntor 2013, dy muaj pasi u bëra ministër. U akam shitur kushërinjve të mi mjaft të largët dhe, në dijeninë time si ministër i Brendshëm, zotërinjtë që akuzohen nga opozita si kryetrafikantët e drogës, nuk kanë qenë kurrë të proceduar, nën hetim, të arrestuar apo të gjykuar për trafik droge. Më bllokuan llogaritë bankare, hipotekën e shtëpisë dhe mundësinë e ndërrimit të targave të makinës edhe pse u bëra ministër më duhej të paguaja gjobat pas vendimit të gjykatës dhe për këtë aplikova për të marrë një kredi, që të shlyeja koston time të të bërit opozitë. Deri në miratimi e kredisë unë e shita makinën dhe është barrë ligjore e blerësit që të ndërrojë pronësinë. Ata nuk kanë mundur, sepse makinës nuk i ndërrohet pronësia për këtë shkak, ndaj dhe makina figuron ende në emrin tim. Gjatë kësaj kohe ajo është përdorur edhe dy herë të tjera prej meje. Edhe këtu dua të theksoj dëshminë e të qeverisurit tonë dhe qeverisjes së atyre. Nëse do të veproja si ministrant e qeverisë së mëparshme do të merrja makinat e qeverisë dhe do të lëvizja nga të doja, por zgjodha të huazoja sërish këtë makinë për të shkuar me pushime me familjen time. E mora ndaj kushërinjve të mi të largët dhe mendoni se kam bërë trafik droge me familjen time?’’

SHBA: Hetimi për aferën CEZ iu takon shqiptarëve, ne nuk përfshihemi

VOAL – TIRANË, 25 SHTATOR – Ambasada e Shteteve të Bashkuara të Amerikës në Tiranë i përgjigjet kërkesës së kryeparlamentarit Ilir Meta që hetimet për aferën CEZ të kryhen nga prokurorë amerikanë.

Interesimit të mediave të Tiranës lidhur me këtë kërkesa ambasada i është përgjigjur se çështja e hetimit të aferës CEZ i takon sistemit të drejtësisë të Republikës së Shqipërisë.

Zëdhënësi Roy Roberts ka thënë se Shtetet e Bashkuara të Amerikës do të vazhdojnë ta mbështetin Shqipërinë nëpërmjet zyrës OPDAT, nëpërmjet së cilës ambasada amerikane ofron këshilla ekspertësh, promovon reforma dhe nxit ndjekje penale kundër korrupsionit.

Ai ka thënë se hetimi i aferës CEZ iu takon tërësisht prokurorëve shqiptarë, ata janë përgjegjës për hetimin reth çështjeve që ndikojnë popullin shqiptar dhe institucionet e tij.

Skandali: Rama ka ndaluar me ligj çdo lloj padie ndaj CEZ

“PD ditën e hënë do të depozitojë në Kuvendin e Shqipërisë projektligjin që bën të mundur hetimin e plotë ndërkombëtar të kësaj afere korruptive. Ne e kemi të qartë se Edi Rama dhe Ilir Meta s’do të lejonin një hetim të plotë e të pandikuar nga Prokuroria e vendit. PD do t’i drejtohet Gjykatës Kushtetuese, për ta deklaruar si antikushtetues e për ta hedhur poshtë ligjin, pra marrëveshjen për zgjidhjen me mirëkuptim ndërmjet Republikës së Shqipërisë dhe shoqërisë ‘CEZ, a.s’”

Partia Demokratike do të ankimojë në Gjykatën Kushtetuese ligjin e aferës 600 milionë euro të qeverisë me CEZ duke parashikuar ndalimin dhe hetimin e autorëve, ndërsa nga ana tjetër shpall projektin për hetim ndërkombëtar të korrupsionit me CEZ. Deputeti i Partisë Demokratike, Eduard Halimi në një deklaratë për shtyp pasditen e djeshme reagoi pas publikimit të videos ku shfaqej se si dëshmitari kryesor i aferës së CEZ kërcënohej nga juristi i OSHEE dhe efektivë civilë të RENEA-s. Partia Demokratike argumenton qartë në kërkesën e saj se ky akt dëmton interesat financiare të shtetit shqiptar dhe ngarkon me borxh të tmerrshëm çdo qytetar të vendit dhe kjo si pasojë e drejtpërdrejtë e aferës më të madhe korruptive të Edi Ramës dhe Ilir Metës. “Skandali i CEZ po merr çdo ditë përmasa tronditëse dhe provat e dëshmitë e reja po hedhin dritë për përfshirjen e drejtpërdrejtë në këtë skemë të korrupsionit më të madh në historinë e vendit, të Edi Ramës dhe Ilir Metës. Është konfirmuar publikisht tashmë se falja e 600 milionë eurove kompanisë CEZ, kjo aferë kriminale dhe dëmi i tmerrshëm financiar që i është bërë vendit, ka për autorë dhe përfitues, hartuesit dhe votuesit e marrëveshjes antikushtetuese në Parlament, Edi Rama dhe Ilir Meta”, tha Halimi. Ai tha se të bashkuar në krim, Rama dhe Meta po bëjnë gjithçka për të mbyllur mundësitë e hetimit dhe për të fshehur vjedhjen më të madhe të pasurisë së shqiptarëve ku janë të dy “dorëbrenda”. “Tani që dëshmitë e njëpasnjëshme po nxjerrin në dritë përmasat e kësaj afere korruptive, Edi Rama dhe Ilir Meta janë ribashkuar në pakt kriminal. Edi Rama ka nevojë për mbrojtje në aferën e 600 milionë euro fatura të njohura nga CEZ, që ai ia ka falur apo ka ndarë me CEZ. Ilir Meta ka dëshpërimisht nevojë për ndihmë teksa akuzohet për aferën 135 milionë euro ‘DIA’-CEZ. Partia Demokratike e denoncoi këtë krim që ditën e parë. Ne dërguam për ndjekje penale CEZ, ‘DIA’ dhe këdo që ishte përfshirë në këtë aferë të tmerrshme korruptive. Por me ardhjen e tyre në pushtet, Rama dhe Meta nxituan të mbyllnin marrëveshjen me CEZ dhe të ndalonin me ligj, e përsëris me ligj, ndjekjen penale të të dyshuarve kryesorë, akt ky i paprecedent në historinë e vendit”, tha deputeti demokrat. Ai bëri të ditur se PD do t’i drejtohet Gjykatës Kushtetuese për të rrëzuar ligjin e Ramës, i cili pengon ngritjen e padive ndaj CEZ dhe personave të përfshirë në megaaferë. “Sot kur kjo dyshe duket se po përgatitet të ndalë hetimin e Jozef Hejsek, drejtorit të CEZ për llogari të Edi Ramës dhe aferës së tij 600 milionë euro dhe për llogari të Ilir Metës dhe aferës 135 milionë euro me Kastriot Ismailajn, dua t’iu informoj se në fillim të javës së ardhshme, Grupi parlamentar i Partisë Demokratike do t’i drejtohet Gjykatës Kushtetuese, për ta deklaruar si antikushtetues e për ta hedhur poshtë ligjin, pra marrëveshjen për zgjidhjen me mirëkuptim ndërmjet Republikës së Shqipërisë dhe shoqërisë ‘CEZ a.s’”, tha deputeti demokrat.

Rama-Meta po përdorin pushtetin për mbylljen e çështjes

Ditën e hënë, Partia Demokratike do të depozitojë në Kuvend projektligjin që mundëson një hetim të plotë ndërkombëtar të megaferës korruptive të CEZ. Deputeti demokrat, Eduart Halimi bëri të ditur dje se vetëm një hetim ndërkombëtar do të mund të zbardhë të vërtetën dhe do të kapërcejë bllokadën e Rama-Metës për të manipuluar skandalin korruptiv me përmasa qindra miliona euro.
“Po ashtu, dua t’iu informoj sot se Partia Demokratike ditën e hënë do të depozitojë në Kuvendin e Shqipërisë projektligjin që bën të mundur hetimin e plotë ndërkombëtar të kësaj afere korruptive. Ne e kemi të qartë se Edi Rama dhe Ilir Meta s’do të lejonin një hetim të plotë e të pandikuar nga Prokuroria e vendit.

Me pushtetin e Kryeministrit dhe kryetarit të Kuvendit, ata do të ndikonin hetimin dhe do ta mbyllnin atë sipas interesit të tyre. Vetëm një hetim me prokurorë ndërkombëtarë me kompetenca të plota për të hetuar, kontrolluar dhe analizuar të gjithë aferën, të pandikuar nga dy personat e përfshirë në këtë aferë, si përgjegjësit kryesorë, pra Edi Rama dhe Ilir Meta, do të sillte drejtësi për këtë skandal me përmasa qindra milionë euro”, u shpreh deputeti demokrat, Eduard Halimi.

Ai dënoi ashpër shantazhin qeveritar të ushtruar ndaj dëshmitarit kyç të ngjarjes, i publikuar në videon e transmetuar në media, ndërsa theksoi se kjo ngjarje dëshmon se si Rama dhe Meta po përdorin pushtetin e tyre për të mos lejuar asnjë hetim të skandalit. “Vetëm pak orë më parë, përmes një videoje që u transmetua nga televizioni ‘News24’, ne pamë se si një dëshmitar kyç, bashkëpunëtor i drejtësisë në këtë çështje, edhe pse nën mbrojtjen e policisë, është tërësisht vulnerabël, i sulmueshëm dhe ndaj tij bëhet shantazh. Kërcënohet pikërisht dëshmitari, i cili nxjerr zbuluar Edi Ramën dhe Ilir Metën. Edi Rama dhe Ilir Meta kanë djegur çdo mundësi për hetim të kësaj afere. Ndaj hetimi ndërkombëtar është e vetmja rrugëzgjidhje, në shërbim të vendit dhe interesave të qytetarëve”, tha Halimi.

Rama ndaloi me ligj ndjekjen penale të të dyshuarve kryesorë

Përmes një akti ligjor të paprecedent të miratuar në Parlament, Rama ka ndaluar çdo lloj padie civile ndaj CEZ, një përpjekje kjo për të penguar hetimet dhe për të mbuluar me çdo kusht aferën qindra milionëshe. Ky skandal është denoncuar nga ish-Kryeministri Berisha vetëm pak ditë më parë në Parlament, ku ai kërkoi me urgjencë miratimin e një ligji që anulon ndalimin e ngritjes së padive penale ndaj CEZ

Partia Demokratike dërgoi për ndjekje penale CEZ, “DIA” dhe këdo që ishte përfshirë në këtë aferë të tmerrshme korruptive. Por me ardhjen e tyre në pushtet, Rama dhe Meta nxituan të mbyllnin marrëveshjen me CEZ dhe të ndalonin me ligj ndjekjen penale të të dyshuarve kryesorë, akt ky i paprecedent në historinë e vendit. Përmes një akti ligjor të paprecedent të miratuar në Parlament, Rama ka ndaluar çdo lloj padie civile ndaj CEZ, një përpjekje kjo për të penguar hetimet dhe për të mbuluar me çdo kusht aferën qindra milionëshe. Ky skandal është denoncuar nga ish-Kryeministri Berisha vetëm pak ditë më parë në Parlament, ku ai kërkoi me urgjencë miratimin e një ligji që anulon ndalimin e ngritjes së padive penale ndaj CEZ. “Qeveria e Sali Berishës dhe agjencitë e saj bënë hetime dhe i nxorën palarë siç ishin, i çoi të gjitha të thënat në Prokurori. Erdhët në pushtet, erdhi Edi Rama dhe ndërpreu hetimet. Si i ndërpreu hetimet? Po bëri ligjin ai! Vuri ligjin që ndërpritet çdo lloj padie penale civile ndaj CEZ. A keni zgjuar ndonjëherë në botë ndonjë nen të tillë, ndonjë marrëveshje? Kurrë! Nuk ka të drejtë Parlamenti të bëjë një gjë të tillë. Parlamenti amniston dhe amniston, por jo të verë nenin që unë ndërpres çdo ndjekje. Që në këtë moment Parlamenti merr përsipër funksione prokurorie, funksione gjyqësore, funksione të tjera që nuk mund t’i ketë kurrë. Nuk i the këto. Nuk i the se i ka ndërprerë Edi Rama, por the një gjë që unë e mbështes, the se hetimi duhet të jetë i gjithanshëm. Plotësisht dakord. Ndaj hajde këtu, dilni po të doni ajrosuni pak të votojmë ligjin, të anulojmë nenin që votuam në Parlament për të hequr çdo ndjekje penale dhe civile. Ta anulojmë atë dhe të jeni të sigurt që çdonjëri që ka minimumin e integritetit njerëzor dhe të dhembshurisë për këta njerëz të varfër do të gjejë që ky është korrupsioni më i madh që mund të ndodhë në historinë e një vendi. Do të gjejë se dosjet i mbyllët ju sipas kompanive më serioze botërore. Njëra është 1 miliard dollarë detyrime, kurse tjetra shkon deri në 3.2 miliardë. Nuk ka diskutim që edhe ndërmarrjet tona kishin detyrim ndaj CEZ, nuk e mohoj, por klejmet e tij ishin gjithsej 200-300 milionë, kurse faturat tona ishin mbi një miliard. Më duhet të lexoj edhe diçka këtu. Kjo ishte për CEZ, ne do e vazhdojmë doni apo nuk doni ju, ne nuk e lemë. Sepse të tërhiqesh para kësaj bën një krim kombëtar. Unë kam respektin më të madh për Çekinë, për qeverinë çeke, por kurrë nuk pranoja të bëja një marrëveshje të tillë siç bëri Edi Rama dhe mund ta pengonte 20 herë statusin, e pranoja dënimin në emër të moralit, të xhepave, të së drejtës së qytetarëve shqiptarë dhe në mënyrë absolute e zgjidhja problemin. Ka mekanizma ndërkombëtarë që aktivizohen në këto raste nëse ti i ndjek rregullat si duhet dhe që hetojnë në mënyrë të shkëlqyer. Ju nuk latë, i futët në xhep dhe i bëtë një krim të shëmtuar qytetarëve shqiptarë, hajdutë që erdhën dhe vodhët në mënyrën më të shpërfytyruar ndërpretë padinë, ndërpretë proceset. Kush e bëri këtë? Ju e bëtë. Si e shpjegoni këtë? Si mund të ndërpritet një proces?”, tha Berisha. rd

Gazeta Tema: SKANDALI: Zbulohet lidhja e Berishës me drejtorin ekzekutiv të Ismailaj

Vellezerit Elvis Mataj dhe Endri Mataj

Elvis Mataj, personi që Berisha po përpiqet ta përdorë në qendër të një furtune mediatike si dëshmitar në favor të tij, është thjesht vëllai i këshilltarit të tij, Endri Mataj.

Endri Mataj ka qenë këshilltar i kryeministrit të Shqipërisë Sali Berisha nga viti 2009 deri në vitin 2012.

Në profilin e tij në LinkedIn, Mataj ka të botuar CV-në e tij dhe përshkrimin e punës pranë kryeminstrit Berisha.

Kjo dëshmon se Ismailaj ka emëruar Elvis Mataj si drejtor ekzekutiv të DIA, për shkak të lidhjes së fortë që Mataj kishte me Sali Berishën, pasi vëllai i Elvis Mataj, ishte këshilltar i tij.

Kjo lidhje implikon drejtëpërdrejtë, ndikimin që Berisha ka pasur tek kontrata e Ismaliaj me çekët dhe i jep të drejt ish-ambasadorit Tepshi, që ka përmendur emrin e Berishës si njeri i afërt me Ismaliaj.

Kjo po ashtu tregon pse Berisha po vazhdon të përdorë vëllain e këshilltarit të vet në këtë aferë që bën pis së pari atë.

Endri Mataj si keshilltar i Berishes

endri mataj2

Të hiqet pllaka e sulltanit nga Kalaja e Lezhës – Nga GJON KEKA

Se kombi ynë është në gjendje të mjerë dhe në duar të mbetjeve osmane e renegatëve këtë e dëshmojnë më së miri veprimet e pamenduara mirë dhe të paguara nga qarqet e ndryshme te politikes turko-sllave për ndryshimin e themeleve të historisë së kombit shqiptar dhe monumenteve të tij të lashta.

Vendosja e mbishkrimit të Sulltan Sylejmanit në Kalanë e Lezhës është një nga poshtërsitë më të mëdha në vazhdën e shumë poshtërsive që po iu bëhet kombit tonë nga renegatët dhe mbetjet osmane. Si mund të vendoset një mbishkrim i tillë në atë Kala të lashtë Ilire, në atë Kala që u bëri ballë pushtuesve barbarë? Kush po i lejon këto marrëzira të ndodhin para syve tanë si komb ndër më të lashtët në gadishullin Ilirik dhe në kontinentin europian. Mbishkrimi duhet të hiqet sa më parë dhe për këtë i bëjë thirrje organeve kompetente në Shqipëri që nëse kanë pak gjak Kastrioti në venat e tyre të largojnë atë pllakë me mbishkrimin që është vendos në Kalanë e Lezhës.

Po ashtu të fillojnë dhe të kujdesen për monumentet e lashta tonat që jo vetëm janë krenaria jonë, kultura dhe vlerat tona të lashta, por dëshmia e përjetshme ku askush nuk do të mund të na mohonte të kaluarën tonë dhe as ta ndryshonte atë. Ndërsa Kalaja e Lezhës, më saktësisht ajo Kala malore ka një histori të gjatë. Ajo lidhet me Ilirët, pastaj bëhet e tërë Lezha kryeqendra e Beslidhjes së Lezhës apo të Kuvendit të Lezhës së vitit 1444 në krye me Gjergj Kastriotin. Po ashtu ajo është edhe vendi ku është varrosur heroi dhe vizionari ynë Gjergj Kastrioti. Prandaj pikërisht kjo Lezhë nuk mbanë në vete vetëm një Kala malore të lashta tonën, por edhe vendin e shenjtë të Kuvendit dhe të varrit të Gjergj Kastriotit Skënderbeut. Shumë kronistë dhe gjeografë e vërtetojnë lashtësinë ilire të kësaj Kalaje dhe unë do të veçoj vetëm dy nga këta të shumtë që shkruajnë për Kalanë e Lezhës.

Në një vepër mbi gjeografinë e Europës, të botuar në vitin 1852, faqe 361, shkruan kështu: “Lezha ose Alessio me 3000 banorë është një qytet i vjetër që nga koha e Dyonysius von Syrakus me emrin Lissus, pastaj sërish ra në duar të ilirëve dhe aty ishte një kala malore e pazëvendësueshme-Aero-lissus”.

Po ashtu edhe autorë tjerë tregojnë për për këtë kala dhe lashtësinë e saj, siç shkruan në vitin 1870 nga botimet e Akademisë së Shkencave Mbretërore Austro-Hungareze mbi kalanë malore ose-Schlossberg zu Alessio, duke vënë në pah edhe emrin e vendin se aty janë shqiptarët, lashtësia besimi i tyre dhe vendin me çfarë ai kufizohet etj”. Po ashtu edhe kronistë të tjerë potencojnë se ajo kala malore ka zënë gjithmonë një vend të rëndësishëm për Shqipërinë dhe ka luajtur një rol historik të pakrahasueshëm, duke përmendur këtu ilirët dhe së fundi edhe Gjergj Kastriotin, i cili luftoi kundër pushtuesit barbarë osmanë.

Ministri i Brendshëm Tahiri dha detaje rreth automjetit të dyshuar për trafik narkotikësh

Ministri i brendshëm i Shqipërisë, Saimir Tahiri, hodhi poshtë akuzat e një ish-punonjësi policie se me automjetin e tij ka bërë trafik narkotikësh jashtë vendit në bashkëpunim me familjarë të vet, dhe pranoi se e ka përdorur atë makinë për nevoja familjare edhe pasi ia kishte shitur atë “disa kushërinjve mjaft të largët”.

Ministri Tahiri tha se akuzat ndaj tij janë ngritur nga Dritan Zagani, një ish punonjës policie, i cili u arrestua për dekonspirim të operacioneve të policisë, fshehje të krimit me pasojë vdekje dhe shpërdorim detyre. Zoti Tahiri i bëri këto deklarata në mbrëmje gjatë programit Top Story të televizionit Top Channel.

“Gjykata e Fierit e vendosi në arrest shtëpie dhe detyrim paraqitje, por ai u largua në Europë, duke kërkuar strehim, duke bërë këto deklarata kundër ministrit të brendshëm. Opozita po bën politikë me një ish-polic të akuzuar për bashkëpunim me trafikantët. Këto janë shpifje, baltosje të opozitës” – tha zoti Tahiri.

Sipas zotit Tahiri, blerësit e makinës së tij janë kushërinj të tij mjaft të largët, të cilët nuk kanë qenë kurrë të proceduar, as nën hetim, as të arrestuar apo të dënuar për trafik droge. Ai ka shkuar vetë në prokurori dhe ka deklaruar se është i gatshëm të hetohet për dyshime të mundshme.

Makina u shit më 5 nëntor 2013, dy muaj pasi ai u emërua ministër i brendshëm, afkt që figuron në dokumentat e ministrisë së drejtësisë prej akteve noteriale. Megjithatë automjeti i shitur figuron ende në pronësi për shkak të një dënimi kur ishte në opozitë, i cili i bllokoi pasuritë dhe numrat e llogarisë.

“Meqenëse makina figuronte ende në emrin tim, ua mora kushërinjve, shkova me pushime me familjen time jashtë vendit në Greqi dhe ua ktheva prapë. Këtë e bëra për të mos përdorur makinat e shtetit dhe të mos merrja makina me qera” – deklaroi ministri Tahiri, duke theksuar se publikimi i të dhënave të sistemit TIMS për automjetin e tij është shkelje ligjore nga opozita.

Ai shtoi se ndërkohë po drejton policinë në një operacion pa kompromis kundër narkotikëve, duke e rritur shkatërrimin e bimëve narkotike nga 27 mijë në 700 mijë rrënjë, ose baraz me 700 ton canabis sativa. Ndërkohë është rritur nga 1 milionë në 27 milionë euro sekuestrimi i pasurive kriminale.

Partia Demokratike e opozitës ka kërkuar shkarkimin e ministrit të brendshëm Saimir Tahiri si bashkëpunëtor në trafikim narkotikësh me kushërinj të tij pas akuzave që ka shfaqur në media një ish-drejtues policie, Dritan Zagani.

Ai ka deklaruar në media se makina e ministrit Tahiri ishte shfaqur disa herë gjatë ndjekjeve që u bënte grupeve kriminale, që trafikonin bimë narkotike. Ish-punonjësi i policisë pohoi se makina e ministrit të brendshëm ishte e paprekshme për forcat e rendit, ndonëse në të hipnin shpesh persona të dyshuar për trafikim narkotikësh.

Fakte të reja për CEZ – aferën që ndërlikon dy krahët e politikës

Në Shqipëri fakte të reja kanë dalë në dritë lidhur me aferën mes kompanisë Cez e cila drejtonte sistemin e Shpërndarjes së Energjisë dhe shoqërisë Debt International Advisory, (DIA)e cila drejtohej nga Kastriot Ismailaj, personi cili aktualisht është në burg në akuzën e pastrimit të parave. Ish drejtori DIA-s, një person i cili është marrë në mbrojtje nga policia, dhe që konsiderohet si dëshmitar kyç në procesin e Arbitrazhit të Vjenës mes DIA-s dhe kompanisë së shpërndarjes së energjisë, tanimë me emrin OSHE, në pronësi të shtetit shqiptar ka deklaruar se është kërcënuar nga një jurist i kompanisë. Akuzë kjo e hedhur poshtë prej këtij të fundit. Ndërkohë, ish ministri i EKonomisë Dritan Prifti u shpreh mbrëmë se ka qenë zoti Ilir Meta ai që ka këmbëngulur që DIA, e Ismailajt të merrte përsipër mbledhjen e borxheve të CEZ-it. Po dje në mbrëmje Partia demokratike njoftoi se do të dërgojë në Gjykatën Kushtetuese një kërkesë për shfuqizimin e marrëveshjes mes Qeverisë shqiptare dhe Cez, që coi në zgjidhjen me mirëkuptim të kontratës, si dhe paraqitjen e një ligji që do të mundësonte që e gjithë kjo cështje të hetohet nga prokurorë të huaj.

Rasti i kërcënimit të pretenduar ndaj ish drejtorit të DIA-s, u bë publik nga gazetari i televizionit “News 24” Artan Hoxha, i cili publikoi dhe videon e takimit mes atij që tani është dëshmitar në cështjen e DIA-s dhe një juristi të OSHE-së Rezart Ruci. Dëshmitari, rrëfeu para kameras së “News 24” se juristi Ruci i kishte thënë se ata kishin bindjen se informacionet që kanë dalë në dritë për këtë rast kishte qenë ai që i kishte shpërndarë në media. Sipas tij, juristi ishte interesuar nëse kishte gjëra të tjera që do të mund të dilnin, dhe se duhet të tregonte “përndryshe nuk do t’i kisha punët mirë”, rrëfen dëshmitari.

Nga ana e tij Ruci ka pranuar se ka patur takim, qëllimi i të cilit ishte shqetësimi për rrjedhjen e informacionit, pasi një gjë e tillë mund të dëmtonte vendimin e pritshëm në Arbitrazhin e Vjenës. Edhe një epror i tij, ka pohuar të njejtën gjë dje në “News 24”, duke mohuar të jetë ushtruar trysni. Madje sipas këtij të fundit, të gjithën këtë dëshmitari po e bënte qëllimisht pasi, një kompani e dëshmitarit e administruar nga bashkëshortja ishte në gjykatë nën akuzën e mashtrimit me Tatimin mbi Vlerën e shtuar, dhe se ai kishte kërkuar të ndikohej për mbylljen e këtij procesi.

Pamjet e takimit mes dëshmitarit dhe juristit të OSHE-së tregojnë për një bisedë të shkurtër mes tyre, ndërkohë që juristi Ruci, shihet disa herë teksa largon telefonat celularë nga tryeza ku janë ulur, ndërsa ish drejtori i DIA-s, e rimerr telefonin e tij. Sipas këtij të fundit, Ruci druhej se mos biseda mund të rregjistrohej.

Cështja e DIA-s doli në dritë pas një artikulli të BIRN, rrjeti i gazetarisë investigative në Ballkan, e cila publikoi një raport të studios ligjore Clifford Chance. Raporti bënte fjalë për dyshime se një ish-kryeministër shqiptar i gjykuar dhe më parë për korrupsion, si dhe një ish zyrtar I Entit Rregullator të Energjisë, kishin favorizuar DIA-n në këmbim të ryshfeteve. Sipas BIRN-it, që mbështetej dhe në dëshmitë e ish drejtorit cek të CEZ, përshkrimi përkonte me zotin Meta, i cili në kohën e tratativave mes CEZ-it dhe DIA-s ishte ministër i Jashtëm në Qeverinë Berisha, dhe më pas u bë ministër i Ekonomisë në vend të zotit Dritan Prifti. Ky i fundit duke folur mbrëmë në emisionin Opinion të Blendi Fevziut tha se zoti Meta kishte këmbëngulur që ai, si ministër t’i bënte kërkesë me shkrim CEZ-it që të pranonte DIA-n për mbledhjen e borxheve. Sipas zotit Prifti, të paktën 500 mijë euro që DIA mori fillimisht nga CEZ-i kaluan, një pjesë e madhe prej 350 mijë eurosh për një kompani të afërt me zotin Meta sipas tij, ndërsa 150 mijë të tjera në një kompani të vëllait të zotit Petrit Ahmeti, kreu aktual i ERE-s, në atë kohë këshilltar pranë këtij Enti dhe autor i një studimi që DIA ja kishte paraqitur CEZ-it.

Nga ana e saj Partia demokratike tha mbrëmë se sipas saj, e gjithë marrëveshja që qeveria e kryeministrit Edi Rama arriti me CEZ-in për një zgjidhje me mirëkuptim të konfliktit, i cili kishte përfunduar gjithashtu në Arbitrazh ndërkombëtar “është një aferë e madhe korrupsioni”, u shpreh deputeti Eduard Halimi, ndërsa njoftoi se javën e ardhshme do të kërkohet nga Gjykata Kushtetuese, rrëzimi I kësaj marrëveshjeje. Një pikë e dyshimtë e saj është dhe fakti se qeveria shqiptare heq dorë nga ndjekja penale e zyrtarëve cek të CEZ-it.

Për Partinë Demokratike, në një cështje ku sipas saj është përfshirë kryeministri i vendit dhe kryetari i parlamentit, nuk mund të ketë një “hetim të plotë e të pandikuar të prokurorisë vendase. Me pushtetin e kryeministrit dhe kryetarit të kuvendit, ata do të ndikonin hetimin dhe do ta mbyllnin atë sipas interesit të tyre”,u shpreh zoti Halimi, duke njoftuar një tjetër nismë të opozitës. “Partia Demokratike ditën e hënë do të depozitojë në Kuvendin e Shqipërisë projekt-ligjin që bën të mundur hetimin e plotë ndërkombëtar të kësaj afere korruptive. Vetëm një hetim me prokurorë ndërkombëtar me kompetenca të plota për të hetuar, kontrolluar dhe analizuar të gjithë aferën, të pandikuar nga dy personat e përfshirë në këtë aferë, si përgjegjësit kryesorë, pra Edi Rama dhe Ilir Meta, do të sillte drejtësi për këtë skandal me përmasa qindra milionë euro”, deklaroi zoti Halimi.

Nga ana e tij, zoti Meta më pare, gjatë ditës së djeshme, ishte shprehur në favor të përfshirjes së prokurorëve ndërkombëtarë për këtë cështje, “madje, do ta konkretizoja akoma më tej këtë ide duke i ftuar të gjithë kryetarët e partive parlamentare t’i kërkojmë në mënyrë të veçantë SHBA-ve të jenë të angazhuara në zbardhjen e kësaj çështje dhe të krijojmë një juridiksion të veçantë me prokuror amerikan, për të ndihmuar në zbardhjen e plotë të saj, e cila pretendohet se i ka kushtuar disa qindra milionë euro qytetarëve shqiptarë dhe ku janë përmendur, janë akuzuar mjaft figura politike dhe qeveritare”, u shpreh zoti Meta.

Pasaporta që ka shpëtur nga prangat Fatmir Mediun (dhe një shpjegim pse po e mbyllim këtu)

Gazeta TemA ka botuar prej tri ditësh disa fakte që ilustrojnë problemet e një prej politikanëve të rëndësishëm të këtij vendi, Fatmir Mediu, dy herë ministër dhe aleati kryesor i Partisë Demokratike.

Gazeta nuk ka pasur në vetvete si qëllim ndonjë sulm personal ndaj zotit Mediu, por një qëndrim për të ilustruar nevojën për standartet që duhet të vendosim kur flasim për dekriminalizimin, si nga opozita, ashtu dhe nga qeveria.

Kur thuhet që duhen gjurmë gishtash, se politikanët kanë dy identitete, i vetmi rast i provuar është zoti Mediu.

Besojmë se Basha e di këtë, pasi mund ta ketë parë pasaportën e tij në Ministri të Jashtme, por me sa duket dhe ata janë në lufën e tyre të brendshme.

Dhe kur degjojmë Bylykbashin qe thote se kjo e shenjave te gishtave eshte e panegociueshme, kuptojmë se deri ku ka shkuar lufta mes tyre.

E vetmja gje e mire nga kjo lufte eshte qe zoti Mediu te dekonspirojë historine e Gerdecit dhe lidhjet e Shkelzenit ne ate histori.

Ndërkohë që ne kemi botuar këto dokumente, zoti Mediu ka një preokuptim familjar të rëndësishëm për të cilin e urojmë të dalë me sukses dhe ta kalojë sa më shpejt.

Është kjo arsyeja që ne po e mbyllim këtu debatin për këtë çështje duke marrë si shembull Fatmir Mediun, pasi ka dhe personazhe të tjerë të ngjashëm.

Duke mos dashur të ndikojmë në këtë situatë, po i japim fund ilustrimit të përzierjes së politikanëve me botën kriminale, duke publikuar pasaportën ilegale me të cilën Fatmir Mediu i është fshehur drejtësisë perëndimore në përiudhën që ka qenë në kërkim, dhe më pas nga frika e rihapjes së çështjes.

Zoti Mediu është pajisur disa herë me pasaport me identitetin Fatmir Mehdihoxha, përfshi këtu pasaportë të thjeshtë dhe diplomatike. Më poshtë keni pasaportën e zotit Fatmir Medihoxha dhe të dhënat për lëvizjet e tij me këtë identitet të rremë.

24-09-2015 15-58-53

Skandali CEZ – Bode publikon dokumentet që i fsheh qeveria

Deputeti i Partisë Demokratike, ish-ministër i Financave në qeverinë Berisha, Ridvan Bode ka publikuar sot një letër të Bankës Botërore për të cilën ai thotë se fsheh qeveria shqiptare në
skandalin e CEZ-it.

Bode përsëriti kërkesën e PD-së për hetim ndërkombëtar për këtë rast dhe dorëheqjen e kryeparlamentarit Ilir Meta.

Deklarata e plotë:

Për të sqaruar opinionin publik dhe për të denoncuar këto përpjekje të dëshperuara të të implikuarve në këtë çështje, po paraqes faktet dhe dokumentet e mëposhtme;

1. Siç është thënë shumë herë, kontrata e privatizimit të CEZ ka qënë e shoqëruar me një garanci bankare të Bankës Botërore prej 60 milionë Euro, e cila mund të tërhiqej nga CEZ në rastet kur ERE nuk kishte marrë vendim në përputhje me kontratën lidhur me borxhin e keq sipas studimit qe do të bënte Deloitte, kompania ndërkombëtare e zgjedhur nga të dy palët.

2. ERE në vitin 2011, pas publikimit të raportit nga Deloitte, vendosi çmimin 2.8 lekë duke mos e marrë në konsideratë raportin e Deloitte për nivelin prej 16.85% të borxhit të keq. Pra faturave të papaguara të energjisë elektrike.

3. Kjo solli kërkesën e CEZ drejtuar Bankes Boterore dhe Qeverise Shqiptare, per te sekuestruar garancine prej 60 milionë euro në datën 25 nëntor 2011.

4. Banka Botërore, në rolin e arbitrit dhe garantuesit të marrëveshjes, pas vlerësimeve të saj teknike, njoftoi institucionet shqiptare dhe CEZ, me letrën e saj të datës 14 Dhjetor 2011, ku qeveritarët e akuzuar nuk janë të interesuar ta nxjerrin. Në këtë letër Banka Botërore shkruan se;

a) Qeveria shqiptare për shkak të vendimit të mësipërm të ERE-s rrezikonte humbjen e 60 milionë eurove.

b) Ajo mbështeste qeverinë për te gjetur një zgjidhje të drejte dhe të qëndrueshme dhe se për të arritur këtë, ERE duhej të miratonte nivelin e borxhit të keq 16.85% dhe të reflektontë këtë gjë në tarifat perkatese.

c) Kjo zgjidhje konsiderohej nga Banka Boterore si ne perputhje me praktikat me te mira dhe ne perputhje me interpretimin e saj per deklaraten rregullatore për borxhin e keq.

d) Nese behej kjo, kerkesa e CEZ per te ekuestruar garancine bankare te mbajtur prej saj, nuk do te ekzekutohej.

Nderkaq, siç pretendohet se ishte ulur çmimi, CEZ kishte rrezuar me vendim gjykate vendimin e ERE per çmimin perj 2.8 lekesh qe lidhej me llogaritjen e borxhit te keq ne nivelin 14 % ( jo 16.85 siç thotë audituesi ndërkombëtar Deloitte) dhe per kete arsye nuk paguante prej muajsh energjine qe merrte nga KESH, duke e çuar në vështirësi financiare.

Letra që përflitet e Ministrisë së Financave qe tundin ata qe jane te akuzuar me shprese qe te manipolojne opinionin publik por edhe provat me shpresën se mund të mbulojnë skandalin e CEZ dhe të komanisë DIA, pa e lexuar ne asnje rast permbajtjen e saj, kjo letër eshte pergjigje ndaj nje letre te ERE ku njoftonte insitucionet ashtu edhe Ministrinë e Financave e cila u përfshi në çështje nga dhjetori i vitit 2011 për shkak të garancisë, ku deklraronte masat qe ajo mendonte te nderrmerrte pas rekomandimit te Banke Boterore për të shëndoshur sektorin energjitik shqiptar.

Ne kete leter, nuk ka asnje kerkese per ulje cmimi, apo as dhe nje opinion se sa duhej te miratohej cmimi, pasi kjo eshte nje e drejte ekskluzive e ERE. Letra mbeshtet programin e ERE ne kushtet qe te jete i bazuar ne kuadrin ligjor respektiv, ne rekomandimet e Bankes Boterore, ne heqjen e rrezikut qe vendi kishte ne procese gjyqesore vendore dhe nderkombetare që do të përfundonte me sekuestrimin e 60 milionë eurove si dhe ne funksion të garantimit te furnizimit me enerjgie elektrike te panderpre per popullaten pa rritur cmimin per konsumatoret.Pra kjo është letra që tundet nga të akuzurit. Sigurisht që mes institucioneve ka komunikim dhe aq më tepër që isha në rolin e garantuesit të një gjobe që mund ti vihej vendit prej 60 milionë eurosh, kur efekti i çmimit të diskutueshëm ishte 10 milionë euro.

Per ta permbledhur, Ministria e Financave nuk ka thene as me shume dhe as me pak, nga ajo qe Banka Boterore i ka thene qeverise shqiptare dhe vete ERE. Aq eshte e vertete kjo, sa ne Vendimin e ERE per te miratuar borxhin e keq, ne menyre te qarte dhe pa ekuivok thuhet se [citoj] “letra e Ministrisë së Financave ne cilesine e garantorit mbeshtet propozimin e Bankes Boterore”.

Marie Logoreci merr ‘Nderi i Kombit’ – pas vdekjes

Presidenti i Republikës, Bujar Nishani nderoi aktoren dhe regjisoren e shquar Marie Logoreci me dekoratën “Nderi i Kombit” (pas vdekjes).

Sipas presidentit Nishani ky nderim u bë “në vlerësim të interpretimeve mjeshtërore e të paharrueshme të gruas dhe nënës shqiptare, duke skalitur me realizëm një galeri mbresëlënëse e simbolike portretesh në skenat teatrale, dhe të kontributit thelbësor e të pamohueshëm të saj si një nga themelueset dhe pionieret e kinematografisë sonë”.

Gjatë ceremonisë solemne ku ishin të pranishëm familjarë e të afërm të aktores shkodrane, artistë e personalitete nga fusha e artit, Nishani tha se “të flasësh për një artiste të lindur si Maria, është e vështirë për këdo”.

“Jam më se i bindur se në gjerdanin e panumërt të roleve dhe interpretuesve të skenës dhe kinematografisë sonë të shekullit të kaluar nuk ka pasur gur më të shndritshëm se Marije Logoreci, e cila mishëronte dhe pasqyronte katërcipërisht të gjitha virtytet e rralla e të çmuara të gruas dhe nënës shqiptare,” u shpreh Presidenti i Republikës.

Kreu i Shtetit gjithashtu tha se që në fillim të mandatit të tij i kishte vënë detyrë vetes për të vlerësuar zyrtarisht e për t’u shprehur mirënjohjen të gjithë figurave të rëndësishme historike, artistike, shkencore, atdhetare.

‘Cez’, Meta pro Berishës: Hetim ndërkombëtar, prokuror amerikan

Kryeparlamentari Ilir Meta si rrallë herë në ditë festash, këtë radhë nuk i është shmangur pyetjeve politike.

Ai ka deklaruar pas interesit të medias, se mbështet fuqimisht kërkesën e ish-kryeministrit Sali Berisha për hetim ndërkombëtar për skandalin me CEZ, por që në krye të jetë një prokuror amerikan, pasi sipas tij, SHBA nuk kanë asnjë konflikt interesi në këtë cështje.

“Dua të mbështesë fuqimisht idenë e një hetimi të shpejtë, të plotë dhe të thellë ndërkombëtar për të gjithë cështjen e CEZ, që nga dita e parë e aktivitetit në vendin tonë e deri më sot, madje ftoj të gjithe krerët e partive parlamentare t’i kërkojmë në mënyrë të vecantë SHBA të jenë të angazhuar dhe të krijojnë juridiksion të vecantë prokurorëve amerikanë per të ndihmuar në zbardhjen e kësaj cështje e cila pretendohet që i ka kushtuar qindra milionë euro qytetarëve shqiptarë dhe ne te cilën janë akuzuar, përmendur mjaft figura politike dhe qeveritare. Jam i sigurt dhe besoj se jo vetëm Berisha, por edhe të tjerët do t’i bashkohen kësaj kërkesë konkrete nëse janë të gatshëm të kontribuojnë në luftën kundër korrupsionit, dekriminalizimi bëhet në mënyrë konkrete dhe kjo cështje e meriton hetim ndërkombëtar”- tha ai.Meta theksoi nevojën e hetimit me prokurorë amerikanë, pasi sipas tij, kjo ka të bëjë jo vetëm me standardet e sigurisë kombëtare të vendit, por edhe aleancës, por edhe se SHBA nuk kanë asnjë lloj konflikti interesi në këtë cështje.

“LSI do kërkojë në kuadër të reformës në drejtësi që për cështje të hetimit, kur akuzohen politikanë të niveleve të larta për akuza lidhur me krimin e organizuar apo skandale korruptive të kemi prokurorë amerikanë për sa kohë të rimëkëmbet besimi te drejtësia jonë që tani është i lëkundur”.

Sa për kërkesën e përsëritur të opozitës për dorëheqjen e tij, Meta ka ritheksuar se opozita do të ketë edhe dy vjet përpara për të kërkuar dorëheqjen e tij.

“Nuk duhet të lodhen shumë por të më paraqesin një shkresë drejtuar ERE nga unë, si ka drejtuar ish ministri i financave të tyre dhe kjo do ta zgjidhte këtë kërkesë të tyren”- tha Meta.

Ja sharjet e djeshme në parlament: Rama: E keni marrë garuzhden? Paloka: Unë përshesh, ti ha… Ristani: Je zysha e qeverisë

I ka quajtur te turpshme Sali Berisha ndryshimet ne ligjin “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”.

Duke marre fjalen pas ministres se Mbrojtjes Mimi Kodheli, Berisha tha se “ishte kërkesa më minimale etike, që zonja të kërkonte ndjesë publike për ndryshimet antikushtetuse që i bëri ligjit, vetëm që Edvini të bëhej sulltan, të merrte dhe funksionet kushtetuese të komandantit të përgjithshëm që i ka kryetari i shtetit. Ligj kur minister i Mbrojtjes e kryeminister ka qenë Pandeli Majko, është miratuar në atë kohë padyshim’.

berisha-ne-kuvend Ne kete kohe hyn kryeministri Edi Rama ne salle.

Berisha: Lëre tani mos komuniko me të se tani kujtohet të vijë në Parlament, mos na nderprese fjalen. Si duket sot si qeveria e Gates, te gjithe Gate, po Gatja burrë më i mirë se ju…, pra ky ligj u miratua nga mazhoranca socialiste, asnjeri se lëvizi.

Rama: Bashkim mos u…, e ke zgjidh në 97 këtë punë, kur të qantë atje në prehër.

Teksa Rama e ka ndryshuar rrjedhen e debatit dhe ka folur per aksionin kunder informalitetit qe e ka quajtur nje sukses te kesaj qeverie.

“Nuk amnistojmë asnjë biznes, kush i ka detyrime shteti do i paguajë ato një më një, nuk është mbështetje për qeverinë, për të rritur të ardhurat, por është paketë mbështetje për cdo qytetar, cdo familje, cdo subjekt, sepse sipërmarrja bëhet në bazë të ligjit që paguan detyrimet e që nesër të ketë të drejtën të kërkojë ulje taksash e ti krijohet mundësia për rritje rrogash. Nuk i tradhëtojmë fëmijët e këtij vendi, nuk blejmë të ardhmen për të siguruar të tashmen, nuk marrim borxh të ardhmen e fëmijëve për të kakarisur në foltoren e parlamentit.

Prapë këtu do jemi në 2017 dhe si e morët në 2015 për gjithë kusarinë e hajdutërinë do ta merrni me keq se nga antiformaliteti, nuk ka një parti që do të qeverisë të bëjë thirrje haptazi mos u regjistroni, mos merrni kasat e mos paguani taksat, përfaqësuesit enjë partie që është alternativë qeverisëse të dalë në protesta në qytete të ndryshme dhe të mbështesë gjoja pseudobiznesmenë që jo të mbyllin qepenat por edhe po u mbyllën pas qepanat nuk do e ndalin këtë operacion, kush nuk do paguajë do përballet me masat ndëshkuese, njësoj si në cdo vend europian.

Nuk keni parë gjë akoma absolutisht, ca do shikoni ju në opozitë do habiteni edhe vetë, një ditë të bukur kur kujt rri këtu kot se duhet të ishte me ndihmë ekonomike në shtëpi për pleqëri të tepruar, kur të dali do thoni ca kemi bërë ne 8 vjet në pushtet, si ka mundësi që e bëmë shtetin rrumpallën më të madhe që mund të imagjonojë mendja më e shfrenuar e dikujt që jeton më mes të europës.

Batutat me Palokën

Rama ka ironizuar sërish kreun e grupit parlamentar demokrat Edi Palokën, i cili ka ndërhyrë nderkohë që ai fliste në foltoren e Kuvendit.

“Besoj që e mbyllëm herën e kaluar përsheshin, me lugën e madhe se jeni dy veta që duhet të hani në një tas, jepi përsheshi, se di sa e ke kuotën sot, sa do flasësh për ta ngrënë në darke, apo e ha në mëngjes ti, se di, ne dhe popoulli jua bëjmë hallall se ushqeheni, je shumë i lumtur dhe ha përshesh …

Edi Paloka: Unë përshesh…po ti ha atë….atë që e dinë të gjithë që e ha përditë

Bode i përgjigjet Ramës

Bode: Kryeministri s’qenka i mashtruar, por një bidnje e vetë tij dhe vendosmëri për të mashtruar, gënjyer opinionin publik lidhur me ecurnë e financave të shtetit. Vërtetoi edhe atë që kjo fushatë e re e represionit dhe dajakut mbi ekonominë s’e ka bazën mbi interesat për të formalizuar ekonominë, por interesi për të mbushur arkën e shtetit për veten dhe qeverinë. Sështë e vërtetë ajo që akuzoi kryeministri, për qëndrimin e opozitës lidhur me ligjin për procedurat tatimore….

Berisha i përgjigjet RamësTë flasë me një zhargbon që ja kanë lakmi do të thosha unë edhe më të moshuarat e këtij vendi dhe tja mbathë, pse ja mbath kryemijnistri juaj? Se i yni s’është ai me këto që bën. e ka zakon, cdo herë vjen lëshon një sallatë fjalësh dhe can ferrën edhe ikën. Ne, ky është një fyerje për parlamentin. Fyerje për qytetarët që e ndjekin, se doli ktu dhe foli përcart dhe paraqiti shifra që vetëm një analfabet mund ti lexoj, tu thotë shqiptarëve se mos importi i energjisë na i uli të ardhurat. ja cka thënë dy ditë më parë, 26 mln kupona, sot i uli me 10 mln.

Del e thotë brockulla e ja mbath e ikën, kshu parlamenti disintegrohet, por eci në këtë mënyrë…, turkoshakët, rrini dëgjoni ju, jau ka thene vete ai, po ne të tjerët s’kemi kusur, po vazhdoi kështu zonjë absolutisht sa të dali ai aty ne do ju themi të gjithë mirupafshim e do kthehnemi. kjo është thikë e punimeve të parlamentit.

Berisha: Po vazhduat kështu ju dezintegroni parlamentin, jeni përgjegjës për këtë

Spaho: Kryeministri e ka të detyrueshme të dëgjojë opozitën, nëse ai me qëndrimin e tij dëshiron të fshijë opozitën ne do marrim masa të tjera dhe t’i përgjigjemi sjelljes së tij, justifikimi i tij i papranueshëm, jo të vijë e të iki, e ka kthyer në taktikë pune, vjen flet dhe ikën, parlamenti është për debat.

Ristani: Që Rama është mashtrues shqiptarët e shohin përditë, që është arrogant këtë nuk ka pikë dyshimi, po ky fundërrinë e pashembullt sipas metës duhet të ndalet,

Valentina Leskaj: është gjuhë e papranueshme

Ristani: E ka thënë Ilir Meta mos u zini. Ligjet votohen nga një bandë kriminale, projektligjet përpilohen nga një tufë turkoshakësh të paaftë dhe arrogantë që gërhasin rehatshëm në zhurmën e mizave, sipas kryeministrit tuja, këta bëjnë reformë, këta na bien projektligje, votohen nga një bandë vrasësish, trafikantësh, narkotrafikantësh. Sipas këtij kryeministri që e sheh veten si zysha e qeveritarëve, nuk e quan veten profesoori, nuk e sheh veten si mashkull, po zysha, këta qeveritarë e kanë tamam drejtimin se nuk e humbasin kurrë nga mendja, drejtim për të cilin punojnë kur dalin në zyrë, mendojmë për xhepat e tyre, vjedhur popullin, 200 mln dollarë thote raporti i OSBE për t’i fshehur.

Ironia për Tahirin

Deputeti Arben Ristani akuzoi serish ministrin Tahiri per trafik droge. Ai ironizoi duke përdorur një reklamë të kompanisë postare amerikane Fedex. “Dëshironi që pakoja juaj të shkojë e sigurtë në destinacion? Zgjidhni AA 003 GB” tha Ristani, duke iu referuar makinës së Tahirit, me te cilen sipas PD behet trfaik droge.

Njihen pensionet e 15 mijë emigrantëve në Gjermani

Voal – Rreth 15 mijë emigrantëve shqiptarë që jetojnë e punojnë në shtetin gjerman do t’u njihen vitet e punës dhe kontributet për efekt pensioni. Marrëveshja e nënshkruar dje nga ministri i Mirëqenies Sociale dhe Rinisë, Blendi Klosi dhe Sekretari i Shtetit Gjerman, Jorg Asmussen, mundëson njohjen e periudhave të punës dhe kontributeve të sigurimeve shoqërore për efekt të përllogaritjes së pensioneve.Sekretari i Shtetit Gjerman për Mbrojtjen Shoqërore, Asmussen shpjegoi se marrëveshja për pensionet lidhet me përllogaritjen e të gjitha periudhave të sigurimit social të punëmarrësve qofshin këta gjermanë apo shqiptarë. “E thënë në terma më konkretë, nëse një punëmarrës shqiptar apo punëmarrës gjerman punon për një periudhë 5-vjeçare, 2 prej tyre në Gjermani dhe 3 prej tyre në Shqipëri, periudhat e sigurimeve shoqërore do të kenë mundësi të llogariten në pretendimet e tij për pension”, sqaroi Asmussen, duke shtuar se ky është një hap i madh për bashkëpunimin e dy vendeve në politikat social-ekonomike dhe në krijimin e vendeve të reja të punës.

Për Klosin, nënshkrimi i një dokumenti të tillë, për qytetarët shqiptarë dhe gjermanë që jetojnë dhe punojnë në vendet respektive, është një mundësi përfitimi për njohjen e viteve të punës dhe të kontributeve të sigurimeve shoqërore, si në përllogaritjen e pensioneve, ashtu edhe në përfitimin e shërbimeve të tjera sociale.

“Kjo është një ditë shumë e gëzuar për të gjithë emigrantët shqiptarë në Gjermani, ata të cilët kanë punuar prej shumë vitesh në Shqipëri e tashmë vazhdojnë të punojnë në Gjermani, apo ata që kanë punuar në Gjermani dhe tani janë kthyer në Shqipëri, pasi nëpërmjet kësaj marrëveshjeje ne iu japim atyre të drejtën që këto pensione të njihen në të dyja vendet dhe kontributet e viteve të punës të mos humbasin”, tha ministri Klosi.

Gjithashtu, ai bëri të ditur se marrëveshja konsiston në ofrimin e përfitimeve në sigurimet shoqërore dhe bazohet në parimin e trajtimit të barabartë të punëtorëve në punësim, trajtimin me përfitime dhe të ardhura. “Rregullat koordinuese garantojnë që personat që lëvizin nga një vend në tjetrin dhe personat në varësi të tyre e të mbijetuarit, të ruajnë të drejtat e fituara apo që janë duke u fituar. Bashkimi i periudhave të siguruara sipas legjislacioneve kombëtare të ndryshme do të merren në konsideratë për të siguruar të drejtën e përfitimeve dhe llogaritjen e tyre”, shtoi ministri Klosi.

Arsimi profesional

Dy zyrtarët diskutuan edhe për mundësinë e bashkëpunimit në arsimin profesional dhe për mbështetjen që pala gjermane mund të japë për zbatimin e sistemit dual në vendin tonë, si dhe në trajnimin dhe kualifikimin e të rinjve në profesione të tilla, si shërbimet shëndetësore dhe sociale, të cilat janë të kërkuara në tregun gjerman dhe evropian të punës.

“Ne folëm për binjakëzimin e disa shkollave shqiptare me shkollat gjermane, të cilat në kuadër të akreditimit nga sistemi evropian i arsimit profesional, do mund të përgatisin një gjeneratë të tërë të qytetarëve shqiptarë për të qenë të gatshëm në radhë të parë për tregun shqiptar të punës, por konkurrentë dhe të barabartë të denjë e të mbrojtur nga certifikata evropiane e arsimit profesional për tregun evropian të punës”, tha Klosi.

Ministri citoi se është rënë dakord që qeveria gjermane të ndihmojë vendin tonë në përgatitjen e disa shkollave të ekselencës, për t’i dhënë mundësi një gjenerate të re të të arsimuarve në arsimin e mesëm profesional për t’u përgatitur sipas kërkesave dhe standardeve.

140 profesione në Gjermani

Sa i përket mundësisë së përfitimit të azilit politik nga shqiptarët që shkojnë në Gjermani për arsye jopolitike, Asmussen u shpreh se shanset që ata të përfitojnë janë vetëm 0.2 për qind. “Për të gjithë këtë kategori njerëzish ka rrugë ligjore për të ndjekur, për të siguruar mundësinë e qëndrimit të tyre në Gjermani, sikurse mund të jetë mundësia e përfitimit të kartës blu të BE-së, apo mundësia e gjetjes së një vendi pune në listën e 140 profesioneve të munguara apo në të cilat në Gjermani ka mungesa të theksuara. Pra, pikërisht edhe ky grup tjetër njerëzish, të cilët shfrytëzojnë mundësitë ligjore për të siguruar të drejtën e tyre të qëndrimit në Gjermani, janë përzemërsisht të mirëseardhur atje”, tha Asmussen.

Kurban Bajrami – Myftiu i Shkodrës nuk i pret deputetët ‘socialistë’

SHKODËR, 24 SHTATOR – Bëhet e ditur se Myftiu i Shkodrës Muhamet Sytari nuk i ka pritur sot deputetët ‘socialistë’ me rastin e kremtimit të festës së Kurban Bajramit.

Këtë hollësi e kanë vënë re menjëherë mediat shqiptare.

Shqipëri-Mali i Zi, ‘armiq’ për Liqenin

Liqeni i Shkodrës është ura lidhëse mes Shqipërisë dhe Malit të Zi. Por ky park natyror në vend që t’i bashkojë këto dy shtete, ka thelluar më shumë ndasitë mes tyre. Mungesa e bashkëpunimit mes dy vendeve nis që me faktin se lejimi i peshkimit është i ndryshëm, edhe pse peshqit dhe periudha e riprodhimit të tyre është e njëjtë si në Mal të Zi, edhe në Shqipëri. Rritja e bashkëpunimit mes dy vendeve ishte edhe në fokusin e aktivitetit të organizuar nga Prezenca e OSBE në Shqipëri dhe Misionit të OSBE në Mal të Zi. Pjesëmarrësit në hapjen e këtij turi treditor ishin nënkryetari i Prezencës së OSBE në Shqipëri, Robert Wilton, kryetarja e Bashkisë së Shkodrës, Voltana Ademi, deputetë të Komisionit parlamentar për Veprimtarinë Prodhuese dhe Mjedisin, Besnik Bare dhe Irma Kopliku si dhe specialistë të mjedisit dhe peshkimit të Shqipërisë dhe Malit të Zi, të cilët pasqyruan problematikat dhe masat që duhet të merren për ruajtjen e Liqenit të Shkodrës.

AKTIVITETI
Aktiviteti ndërkufitar i organizuar nga Prezenca e OSBE me gazetarët e dy vendeve fqinje synon të rritë mirëkuptimin dhe punën e përbashkët mes Shqipërisë dhe Malit të Zi për zgjidhjen e problemeve madhore ekologjike që lidhen me Liqenin e Shkodrës, këtë vlerë të përbashkët natyrore. Nënkryetari i prezencës së OSBE në Shqipëri, Robert Wilton tha se: “Mjedisi është një çështje që na prek të gjithëve, në shëndet, ekonomi, turizëm. Ndaj Liqeni i Shkodrës në të dyja anët e kufirit duhet të jetë gjithëpërfshirës. Edhe qasja jonë si OSBE synon bashkëpunimin dhe lidhjen e dy kombeve”. Ndërsa për kryebashkiaken e Shkodrës, Voltana Ademi, veç bashkëpunimit mes dy vendeve, duhen marrë masat për më shumë investime. “Duhet të respektohen marrëveshjet që kanë dy vendet për bashkëpunim mes palëve. Liqeni i Shkodrës sipas të dhënave ka një gjendje relativisht të mirë dhe ndotje të ulët. Por për ta ruajtur nga çdo rrezik i mundshëm duhen më shumë investime. Kryesor është ndërtimi i impianteve për filtrimin e ujërave të ndotura që derdhen në liqen. Liqeni i Shkodrës është një potencial i zhvillimit të turizmit për rajonin e Shkodrës dhe Malin e Zi”, tha kryetarja e Bashkisë së Shkodrës, Ademi.

NDOTJA
Sipas specialistëve, problematikat kryesore të Liqenit të Shkodrës, i cili ka një sipërfaqe ujore prej 368 m2, janë shkarkimi i ujërave të zeza të papërpunuara, peshkimi dhe gjuetia e paligjshme, si dhe hedhja e mbetjeve, sidomos e atyre plastike. Po ashtu, shqetësues është dhe niveli i ujit gjatë sezonit të shirave, i cili përbën rrezik të vazhdueshëm për përmbytje shkatërruese. Rrezik tjetër po aq shkatërrues ndaj biodiversitetit të liqenit është edhe Uzina e Aluminit në Podgoricë dhe mbetjet boksite, që quhen rezervuari me “baltë të kuqe”. Edhe pse kjo fabrikë nuk punon me kapacitet të plotë, sipas Aleksander Perovic, drejtor ekzekutiv i Lëvizjes Mjedisore OZON, mbetët një ndër 5 pikat më të ndotura të Malit të Zi, si dhe një ndër ndotësit kryesorë të parkut natyror të Liqenit të Shkodrës. Sipas Perovic, zgjidhja e duhur është mbyllja e kësaj fabrike.

PESHKIMI&PËRMBYTJET
Një tjetër problematikë për Liqenin e Shkodrës është edhe peshkimi dhe gjuetia e paligjshme. Edhe pse sipas specialistëve moratoriumi i gjuetisë ka dhënë efektet pozitive edhe në këtë zonë. Ndërkohë që sipas specialistit të peshkimit Arjan Çinai, problem mbetet peshkimi i paligjshëm. “Gjuetia me rrymë elektrike apo me lëndë plasëse janë një rrezik serioz për speciet peshkore”, tha Çinari. Por veç peshkimit, Liqeni i Shkodrës përbën rrezik edhe për përmbytje katastrofike si ato të vitit 2010-2011, ku u përmbytën mbi 25 mijë ha tokë.

Sipas specialistëve, është i domosdoshëm thellimi i lumit Buna, pasi për shkak të aluvioneve, është bërë shumë i cekët dhe del nga shtrati. Shkak për këtë situatë janë edhe portat e peshkimit të vendosura mbi lumin e Bunës, të cilat nuk janë spostuar prej 50 vitesh. Këto porta janë ngritur si problem edhe nga pala malazeze për shkak se pengojnë qarkullimin e peshqve migratorë, duke mos u lejuar shumimin. “Këto kanë mbi 50 vite që nuk ndryshojnë. Normalisht që janë problem edhe shumimin e peshqve, pasi nuk lejon kalimin e peshqve migratorë nga liqeni drejt lumit dhe më pas të shkojnë në det.

Veç saj, është shumë problem edhe fakti se duke qenë se portat nuk ndryshojnë prej 50 vitesh, kanë bërë që Buna në këtë pjesë të ketë shtrat të cekët dhe të shkaktojë përmbytje, pasi në këto dekada janë grumbulluar shumë aluvione (baltë). Nga një legen me fund të thellë që ka qenë shtrati i Bunës dikur, tashmë është si një pjatë e cekët dhe sa herë ka reshje me intensitet të lartë, lumi del nga shtrati”, sqaroi për “GSH” Ridvan Gjeçaj, inxhinier hidroteknik. Problemi i portave të peshkimit në lumin e Bunës janë ngritur si shqetësim edhe nga eksperti Danilo Mrdak, studiues në Fakultetin e Shkencave dhe Matematikës, departamenti i Biologjisë, Universiteti i Malit të Zi. “Koha e peshkimit në liqen është e ndryshme, në Mal të Zi lejohet nga 15 marsi-15 qershor, në Shqipëri është nga 1 prilli-15 maj, në një kohë që periudha e peshkimit duhet të jetë e njëjtë për të dyja vendet. Problem të cilin e kemi ngritur edhe me palën shqiptare janë portat e peshkimit në lumin e Bunës.

Ato pengojnë peshkun migrator, qefullin dhe peshqit që hyjnë nga deti, apo ngjalat që të dalin për depozitimin e vezëve”, tha për “GSH” eksperti Danilo Mrdak. Sipas tij, gjysma e peshkimit në të dyja vendet bëhet në mënyrë të paligjshme. Sa u përket përmbytjeve, eksperti Pllumb Dani, nga Zyra e Emergjencave Civile ka theksuar se ato janë të paevitueshme, por duhet të merren masa që të mos ketë humbje në jetë njerëzish si dhe të minimizohet dëmi ekonomik./ERMELINDA HOXHAJ

Gratë shqiptare – të diskriminuara edhe nga mediat

Agjencia Ndërkombëtare për Zhvillim Ndërkombëtar USAID po i ndihmon gratë shqiptare, që të shmangin diskriminimin dhe stereotipet negative në mediat vendase. Ajo mbështeti nismën “Zëri i Gruas në Media” të Rrjetit të Grave për Barazi në Vendim-Marrje. Kjo qendër sapo ka përfunduar një studim, sipas të cilit, gratë janë të diskriminuara gjerësisht në shoqëri, në familje, si edhe nga mediat e shkruara dhe ato elektronike.

Rrjeti i grave për barazi në vendim-marrje sapo ka publikuar një raport mbi zërin e gruas në media, ku paraqitet një pamje shqetësuese për diskriminimin e tyre.

Rreth 70 për qind e numrit të përgjithshëm të gazetarëve në mediat shqiptare janë gra, rreth 60 për qind e tyre janë drejtuese programesh televizive, e megjithatë temat mbi jetën e tyre janë të pakta.

Drejtuesja e Rrjetit të grave për barazi në vendim-marrje, Edlira Çepani, thotë që në ato pak raste që shfaqen në media, gratë dalin të nënpërfaqësuara, pa autoritet, pa pushtet, në një kontekst familjar, e ndërvarur me të tjerë dhe në një punë me status të ulët, ndërsa burrat shfaqen të mbipërfaqësuar, profesionistë me punë të mirë, me autoritet dhe pushtet individual.

Nisma “Zëri i Gruas në Media”, e mbështetur nga Agjencia Amerikane për Zhvillim Ndërkombëtar USAID, synon të shfaqë në publik ndihmesën e grave në jetën publike dhe portretizimin e balancuar gjinor të tyre.

Media shqiptare vazhdon të shtrembërojë rolin e gruas në shoqëri, duke mos dhënë një raportim të barabartë për çështjet e saj, duke mos dhënë pikëpamjet e gruas në çështje të ndryshme me interes të përbashkët, është një tjetër përfundim i studimit.

“Qëllimi i kësaj nisme është të mbështesim më shumë gra përmes mediave për të rritur praninë e grave në politikë dhe për të nxitur debatin publik rreth politikave mbi çështjet e tyre” – thotë menaxherja e projektit, Rakel Hernandes Penja. Për këtë i është kërkuar edhe medias të japë një ndihmë në përpjekjet për barazi gjinore.

Studimi vëren se edhe në media, ashtu si në jetën e përditshme, burrat dhe gratë shqiptare shfaqen si në rolet e tyre tradicionale; burrat si drejtues dhe vendim-marrës, ndërsa gratë si konsumatore dhe viktima. Duke ecur në këtë mënyrë për shumë vite, gruaja shqiptare është penguar për të marrë pjesë në zhvillimet politike, sociale dhe ekonomike, thotë zonja Çepani.

Në Shqipëri gratë përbëjnë rreth gjysmën e popullsisë, por ende diskriminimi me bazë gjinore është i përhapur.

Gratë përballen me mungesa të mëdha ekonomike dhe sociale, që i përjashtojnë nga të drejtat e tyre njerëzore më të thjeshta.

Media është një nga mjetet kryesore që formon qëndrimet publike, stereotipet gjinore dhe mendësitë mbi gjendjen e gruas.

Media shqiptare e ka në dorë për të krijuar një stereotip gjinor të shtrembëruar, por me pak kujdes mund t’i trajtojë gratë me dinjitet dhe të barabarta në shoqëri nga temat më të thjeshta deri te ato më madhoret.

Edi Rama intervistë të tensionuar për DW, gazetari i “Conflict Zone”: Sa liderë të mafias keni burgosur?

Gazetari britanik që punon për Deutsche Welle-n dhe drejton emisionin e ri televiziv “Conflict Zone”, Tim Sebastian e ftoi kryeministrin Edi Rama në një intervistë me tone replikuese, ku preken temat më të nxehta aktualisht në Shqipëri, si lufta kundër krimit të organizuar dhe drogës, lufta kundër korrupsionit në sistemin e drejtësisë, por edhe më gjerë, bashkëpunimi në Ballkan dhe rrezikun e rikthimit të fantazmave të së shkuarës në rajon.

“Jam absolutisht i bindur se Europa ka nevojë për Ballkanin sot, ashtu si edhe Ballkani ka nevojë për Europën” shprehet kryeministri i Shqipërisë dhe kreu i Partisë Socialiste Edi Rama në intervistë me Deutsche Wellen, duke theksuar se gjithnjë e më shumë njerëz në Ballkan kanë një lloj lodhjeje me durimin e vazhdueshëm, prandaj nevojitet të lëvizim më shpejt dhe përpara.

“Ballkani është Europë”

“Dua të them se Ballkani është Europë dhe nëse Ballkani sot është një histori e suksesshme e paqes dhe e bashkëpunimit në botën tonë, ka një arsye për këtë, dhe arsyeja është, sepse ne të gjithë duam të jemi pjesë e Europës, dhe nëse paqja erdhi mes shqiptarëve dhe nëse për herë të parë, unë vizitova Beogradin pas 68 vjetësh si kryeministër shqiptar, dhe kryeministri Vučić erdhi në Tiranë, si kryeministri i parë serb që shkeli në Shqipëri, kjo tregon diҫka, sigurisht i tregon botës sonë, por tregon para së gjithash aspiratën e njerëzve tanë për të qenë pjesë e Europës…“

Kërcënim ndaj Europës me fantazmat e së shkuarës në Ballkan?

Një pikë e nxehtë e intervistës është debati i zhvilluar pas pyetjes së gazetarit të Deutsche Welles mbi fantazmat e së shkuarës në Ballkan, të cilin gazetari e cilëson si një kërcënim të Ramës për Europën nëse ajo nuk shpejton me integrimin.

Tim Sebastian: Dhe përveҫ këtyre të gjithave, është kërcënimi që ju bëtë në maj, kur i thatë gazetës turke, Hyriet: „Për sa kohë që ëndrra jonë europiane është gjallë, Ballkani nuk do të ketë shqetësime, por nëse kjo ëndërr zhbëhet, do të kemi shqetësime.“ Me fjalë të tjera: Na jepni atë që duam, ose ne do t’iu shkaktojmë probleme.“

Edi Rama: Jo, kjo nuk është kështu

Tim Sebastian: Ky është kërcënim, pse nuk është kështu?

Edi Rama: Nuk është kërcënim.

Tim Sebastian: Tingëlloi shumë si i tillë.

Edi Rama: „Tingëlloi i gabuar atëherë, por nuk është kërcënim. Kjo është një e vërtetë e thjeshtë, ne vijmë nga një histori e gjatë e gjakderdhjes, konflikteve e kështu me radhë. Kështu fantazma është e shkuara përreth nesh e ose gjenerata jonë do të bëjë gjënë e duhur dhe do të bashkohemi të gjithë në Europë, dhe kjo merr fund, ose do të jetë fantazma e së shkuarës ajo që do të marrë gjendjen në dorë. Kjo është shumë e thjeshtë.“…“Jam duke e përsëritur se Europa duhet të jetë strategjike në lidhje me Ballkanin, nuk është „business as usual“, është një hapësirë, që ju e dini shumë mirë, se ka qenë problem i madh me shekuj për njerëzit që jetonin në këtë hapësirë, por edhe për kontinentin. Tani është një hapësirë që ndodhet në një moment të ri fantastik të paqes dhe bashkëpunimit, por kjo paqe është shumë e madhe për supet tona.“

Sistemi i drejtësisë si industri përfitimi

Një nga frontet më të vështira të reformave në Shqipëri është ajo e sistemit të drejtësisë. Në „Conflict Zone“, kryeministri Rama deklaron se „ne nuk kemi vetëm gjykatës të korruptuar, ne kemi një drejtësi të tërë të korruptuar, që punon si korporatë, si një industri përfitimi. Dhe ne jemi duke e ndryshuar këtë, duke filluar me reformën që do të kalojë këtë vjeshtë.“…“Drejtësia është ҫështja jonë ende e hapur. Dhe unë ua kam thënë gjithmonë bashkëqytetarëve të mi: Nëse ne nuk jemi në gjendje të kemi një drejtësi dinjitoze për vendin, nuk do të jemi kurrë në gjendje të bëhemi pjesë e Bashkimit Europian.“

Në intervistë për “Conflict Zone”, gazetari i Deutsche Welles prek edhe temën e krimit të organizuar dhe luftën kundër plantacioneve të drogës në Shqipëri, duke marrë përgjigjen nga kryeministri Edi Rama, se janë duke u fshirë nga sipërfaqja plantancionet me kanabis, gjë që solli edhe vlerësime nga Bashkimi Europian. Por gazetari i Deutsche Welles këmbëngul:

Tim Sebastian: Ok, po sa liderë të mafias keni marrë nga rruga. Sa liderë të mafias?

Edi Rama: Liderë të mafias?

Tim Sebastian: Po, dua të them se sa keni burgosur?

Edi Rama: Ne nuk kemi liderë të mafias në Shqipëri, liderët e mafias janë në Europë.

Tim Sebastian: Oh vërtet?

Edi Rama: Natyrisht.

Tim Sebastian: Pra ju nuk keni krim të organizuar? Kështu kur departamenti i shtetit thotë: Shqipëria është një burim dhe vend destinacion për trafikimin, ju nuk keni kriminelë?

Edi Rama: Jo, jo jo, ju folët për liderë të mafias. Liderët e mafias janë në anën tjetër të Adriatikut. Ne kemi krimin e organizuar të lidhur me të dhe të mos flasim më për mafian kombëtare. Nuk ka mafie kombëtare. Nuk ka person të krimit të organizuar që kapet që të mos ketë, tre, katër ose pesë kode në telefonin e tij celular. Kështu ka një ndër-lidhje.“

edi rama conflict zone

Çështja CEZ-Dia, Hoxha: Juristi kërcënoi me jetë dëshmitarin e mbrojtur nga shteti

Gazetari Artan Hoxha ka deklaruar dje në emisionin “Opinion” se juristi i OSHEE-së ka kërcënuar me jetë dëshmitarin e mbrojtur nga shteti, dhe këtë gjë e ka bërë në prani të forcave special.

Gazetari Hoxha tha se për këtë kërcënim nga ana e juristit Rezart Ruçi, ai disponon edhe një video regjistrim nga kamerat e ambientit.

“Juristi Rezart Ruçi shkon dhe kërcënon dëshmitarin e mbrojtur nga shteti shqiptar në prani të forcave special. Nuk e ka ditur që ka pasur kamera. Është kërcënuar për faktin se dyshohej se ishte ai personi që ka nxjerrë në publik dokumentat. I ka thënë që do mbash përgjegjësi për jetën. Bëhet fjalë për një shumë parash 135 milionë euro. Prokuroria po heton çështjen. Nga dalja e këtyre formacione kush është dëmtuar?” ka thënë gjazetari Artan Hoxha gjatë emisionit “Opinion”.

Artan Hoxha ka thënë se disponon edhe videon të cilën do ta bëjë publike të enjten në emisionin “Opinion”.

Babai i djalit që u hodh nga pallati: Policia e rrahu dhe i bëri presion

Artan Bushi ishte vetëm 16 vjeç. Një nga pesë fëmijët e familjes Bushi, e ardhur nga Dibra 20 vite më parë në Kamzë të Tiranës, ai humbi jetën më 15 shtator.
Adoleshenti u raportua i vdekur nga policia po atë mbrëmje. Versionet paraprake qenë të shumta, mes tyre edhe ai i vetëvrasjes. Por pa u mbushur mirë java nga ngjarja, i ati i Artanit, Rifati, drejton gishtin drejt policëve të Komisariatit Nr.5, të cilët i quan fajtorë për vdekjen e të birit.

Rifati atë natë nuk ndodhej në shtëpi. Ka marrë një telefonatë nga e shoqja, e cila e vinte në dijeni se Artani kishte qenë i dhunshëm me motrën më të vogël dhe se e kishte denoncuar pranë këtij komisariati.

“Vjen shefi i zonës dhe ma merr djalin në rrugë dhe e drejton për në komisariatin e Kamzës. Atje i kanë ushtruar dhunë. Më pas e lirojnë dhe i thonë që të bëhet gati për në orën 20:00, pasi do vinin ta merrnin ‘dhe nuk do të lëshojmë më’, i thanë. Më pas tentojnë ta frikësojnë djalin duke i thënë: Do të fusim në bodrum. Dhe kjo bisedë është dëgjuar edhe nga këmbësorët. Në ato momente djali kalon në depresion. Më pas ai futet në një ambient lojërash fati. Dikush e pyet se çfarë kishte dhe djali i përgjigjet se po e ndjek policia. Aty e kishin bllokuar menjeherë dy policë. Në këtë mënyrë, djali nuk kishte rrugë të mesme vetëm se të futej mes dy pallateve ku ka ndodhur edhe ngjarja. Nga frika, djali aty kaloi në depresion. Menjëherë ai është ngjitur në tarracën e katit të pestë të pallatit. Djali ishte kapur në një pllakë, e cila i është shkëputur dhe më pas ka rënë në mes të rrugës”, shprehet i ati i Artanit, Rifati.

Versionin se i biri mund të jetë vetëvrarë, e mohon me këmbëngulje. “Në asnjë mënyrë. Kjo ka ardhur nga ndjekja e Policisë së Shtetit”.

Babai i Artanit ka ankesa edhe për mënyrën se si ka proceduar policia pas ngjarjes.

“Ndihma i ka ardhur me vonesë. Ka ardhur ambulanca dhe e kanë dërguar në spital, ndërsa kanë ardhur dy polica që kanë vendosur shirita, por nuk kanë kryer asnjë hetim. Sikur të ishte një zog”. E mundon shumë fakti që i biri, vetëm 16 vjeç, u trajtua si një kriminel.

“Në vend që të ndjekin kriminelët, ndjekin një adoleshent të pafuqishëm”, shprehet Rifati. Rifat Bushi thotë se dyshimeve të tij do t’u shkojë deri në fund.

“Do ta ndjek deri në fund. Unë nuk e lë atë fëmijë në atë botë që të thotë paskam lindur pa prindër”.

Top- Channel

Gjenden eshtrat e Ferit Pashë Vlorës, të përdhosura në vitet ‘70 – tregon piktori Avni Delvina

Pas kërkimesh të gjata, janë gjetur dje në Kaninë të Vlorës eshtrat e një prej kryeministrave të fundit shqiptarë të Perandorisë Osmane, Ferit Pashë Vlora.

Kanë qenë përpjekjet e një prej pasardhësve të tij, nipit të Eqrem Bej Vlorës, Ervin Vlorës, që çoi në gjetjen e vendndodhjes së eshtrave të një prej burrave më të fuqishëm të Perandorisë Osmane gjatë sundimit të Abdulhamidit II. I pranishëm në këtë proces ka qenë edhe piktori Avni Delvina, nip i patriotit Avni Bej Delvina, një tjetër degë pasardhëse e Vlorajve, i cili tregon se nuk ka qenë aspak e thjeshtë, për shkak se eshtrat e Ferit Pashës janë zhvarrosur rreth 45 vjet më parë.

avni delvina ervin vlora varri ferit vlores

“Ferit Pasha u nda nga jeta në vitin 1914 në Sanremo, duke lënë si amanet të varrosej pranë të afërmve të tij në Vlorë, në Kaninë. Pas shpalljes së Shqipërisë si shteti i parë ateist në botë, rreth viteve 1970, tyrbja ku ai u varros u prish dhe kjo figurë kolosale e shqiptarit që u ngjit në majat më të larta të hierarkisë botërore u hodh pranë një kanali”, thotë Delvina.

Që me kthimin në atdhe dhe rivarrimin e eshtrave të Eqrem Bej Vlorës, nisën kërkimet për gjetjen e eshtrave të një tjetër Vloraj, që dikur prehej në të njëjtin vend. Sipas Delvinës janë bërë kërkime të vazhdueshme, janë pyetur shumë banorë të fshatit.

Edhe pse kanë kaluar vite që atëherë dhe koha ka marrë me vete shumë dëshmitarë që e përjetuan me një gjendje ankthi prishjen e tyrbes dhe nxjerrjes prej andej të eshtrave të Ferit Pashës, ka ende nga ata që e kujtojnë mirë atë ngjarje.

Trupi i paprishur e ish-kryeministrit të balsamosur u kishte mbetur në mendje fshatarëve. Një ndër ata që ndihmoi për gjetjen e tyre ishte pikërisht i biri i kujdestarit të parë të varrezave të Kaninës, i cili asokohe ishte ende fëmijë, por imazhin e kufomës së paprekur e ka ende të gjallë në kujtesë. Pas gërmimesh në zonën ku mendohej se ishin hedhur eshtrat, u bë e mundur gjetja e tyre dhe rivarrosja në varrezat e fshatit. I vendosën mbi krye një pllakë të thjeshtë me emrin e tij, me shpresën që në të ardhmen të rindërtohet sërish tyrbja ku preheshin eshtrat e këtij burri shteti.

varri ferit vlores

KUSH ISHTE FERIT PASHA

Ferit Pasha lindi në vitin 1852 në Janinë, i biri Mustafa Pashë Vlorës, një tjetër shqiptar me pozitë në Perandorinë Osmane, guvernator në provinca të ndryshme të perandorisë; vëllai i Syrja Bej Vlorës dhe xhaxhai i Eqrem Bej Vlorës, njëkohësisht kush- ëri me Ismail Qemalin. Pasi kreu shkollimin në Zosimea, do të punonte pranë të atit. Në vitin 1879, sipas programit të Lidhjes Shqiptare të Prizrenit për përhapjen e arsimit dhe lëvrimin e gjuhës amtare, u ngrit në Stamboll Shoqëria e të Shtypurit të Shkronjave Shqip, një ndër themeluesit e së cilës ishte edhe Ferit Pasha. Me një kulturë të madhe, njohës i arabishtes, frëngjishtes, italishtes, greqishtes e pa dyshim shqipes, në administratën osmane pati detyra me rëndësi, deri në caktimin Vezir i madh në vitin 1903, posti më i lartë i Perandorisë, të cilin e mbajti deri në vitin 1908.

Më tej u caktua senator, guvernator i Izmirit, ministër i Brendshëm dhe President i senatit. Gjatë sundimit të shkurtër të Princ Vidit, nuk pranoi propozimin e Fuqive të Mëdha për t’u bërë kryeministër i Shqipërisë. U vendos në Europë dhe vdiq në Sanremo në 11 dhjetor 1914. Vetëm 6 ditë më pas, trupi i pajetë u soll në Shqipëri, në Kaninë, sipas amanetit të tij.

Por diktatura ishte një sistem që dhunonte edhe varret. Eshtrat e Ferit Pashës u nxorën prej tyrbes dhe u hodhën në një gropë jashtë varrezave të Kaninës, pa i vënë qoftë edhe një gur mbi kokë. Dje, më në fund, ai u pre i qetë në një varr të thjeshtë, me një emër mbi krye dhe me tufa lulesh për të nderuar kujtimin e tij.

ALMA MILE

I quajti deputetët socialistë perversë e qelbësira, dorëhiqet këshilltari i Nishanit

Gjeneral Piro Ahmetaj ka dhënë dorëheqjen tij si këshilltar i Presidentit të Republikës për çështjet e mbrojtjes dhe sigurisë, pas përplasjes verbale me disa nga anëtarët e Komisionit Parlamentar të Sigurisë. Presidenti Nishani e ka pranuar kërkesën e Ahmetajt dhe në datën 17 shtator ka firmosur lirimin e tij.

Gazeta “Panorama” disponon dekretin e kreut të shtetit për lirimin e këshilltarit të tij nga detyra. Gjithashtu, “Panorama” disponon edhe kërkesën që gjenerali Piro Ahmetaj i ka bërë Presidentit të Republikës për të lënë detyrën.

“Duke marrë përgjegjësinë e ngarkesës që ka krijuar për Ju dhe institucionin e Presidentit të Republikës një ‘pakujdesi teknologjike e pafalshme’ e postuar në adresën private në Facebook, ditën e diel, dt.6.09.2015; devijimin e qëllimshëm për hakmarrje personale dhe devijimin e orkestruar nga kryetari dhe anëtarët e Komisionit të Sigurisë Kombëtare dhe Ekzekutivi (MM) mbi shqetësimet profesionale që trajtohen në këtë status, si dhe mbështetur në përgjegjshmërinë për standarde perëndimore dhe integritetin zyrtar që përfaqëson ky funksion, ju paraqes dorëheqjen zyrtare për lirimin nga detyra dhe daljen në rezervë”, thuhet në kërkesën e gjeneral Piro Ahmetajt drejtuar Presidentit Nishani.

DEBATI
Pas një statusi të shkruar në adresën e tij në Facebook, për të cilin gjeneral Ahmetaj këmbëngul se ka qenë i manipuluar, pasi fjalëkalimi për të hyrë në faqen e tij është vjedhur dhe është keqpërdorur nga persona të caktuar, ngrihen akuza për anëtarët e Komisionit Parlamentar të Sigurisë.

Faksimile e vendimit të Presidentit të Republikës, Bujar Nishani, për lirimin nga detyra të këshilltarit të tij për çështjet e mbrojtjes dhe sigurisë kombëtare, gjeneral Piro Ahmetajt, pas kërkesës së tij për dorëheqje — Faksimile e vendimit të Presidentit të Republikës, Bujar Nishani, për lirimin nga
detyra të këshilltarit të tij për çështjet e mbrojtjes dhe sigurisë kombëtare,
gjeneral Piro Ahmetajt, pas kërkesës së tij për dorëheqje

Sipas këtij statusi, shumica e anëtarëve të këtij komisioni kanë qenë prokurorë, apo punonjës të Sigurimit të Shtetit komunist apo kryetarë të degëve të brendshme, ndërsa të tjerë sot rezultojnë kriminelë dhe trafikantë. Në këto kushte, sipas Ahmetajt, ligjet dhe strategjitë për sigurinë kombëtare janë në rrezik, sepse votohen nga njerëz pa integritet.

Këtij statusi, deputetët e Komisionit të Sigurisë iu përgjigjën ashpër, ndërsa kryetari i këtij komisioni, Spartak Braho, i dërgoi një letër ministres së Mbrojtjes që të nisë procedurat disiplinore për ushtarakun Piro Ahmetaj me gradë gjeneral brigade dhe vënien përpara përgjegjësisë ligjore, si dhe marrjen e masave që parashikon ligji në këto raste.

letra1 Debati në distancë mes tyre, vijoi kur Braho akuzoi Ahmetajn se ka qenë bashkëpunëtor i Sigurimit të Shtetit me pseudonimin “Shkodrani”, akuzë që detyroi këshilltarin e Presidentit të Republikës të bëjë padi penale ndaj Brahos për dy akuza.

REAGIMI

I pyetur nga “Panorama” për këtë akt, gjeneral Piro Ahmetaj tha se “me këtë akt mora përgjegjësitë institucionale, për ‘krimin që kam bërë’, do të vijoj të vuaj edhe pasojat – por jam i sigurt që qasja me këtë rast do të hyjë në memorien e turpit të kthimit të ligjit famëkeq të agjitacion e propagandës. I zhgënjyer nga të gjithë deri në kockë! Nuk bëj njeri tjetër fajtor – veç vetes, nuk i kam askujt borxh veç familjes. Jam besimtar dhe besoj te Perëndia. Dhe për të gjithë ata që e inspiruan dhe gatuan: ‘lutem veç mëshirë për ta, ZOTI i madh fali se nuk dinë se çfarë bëjnë’!”.

ARISTIR LUMEZI

Ish të përndjekurit po duan të shembin bunkerin – policia po konfrontohet

Ish-të përndjekurit janë duke protestuar përpara Ministrisë së Brendshme kundër ndërtimit të bunkerit në oborrin përpara saj. Gjatë protestës ka pasur edhe konfrontime me policinë, megjithatë gjendja aktualisht vijon të jetë e qetë.

Protestuesit thërrasin me parrullat kryesisht të viteve 1990, “E duam Shqipërinë si gjithë Europa”, apo “Liri demokraci”.

Gjithashtu, janë dëgjuar thirrje kundër kryeministrit Edi Rama.

DOSJA Fatmir Mediu: Ja si u dënua me burg nga dy gjykata në Itali, kryealeati i Berishës

Gazeta TemA e Tiranës sjell të plotë dosjen e përkthyer zyrtarisht nga Ministria e Drejtësisë italiane ndaj shtetasit Fatmir Mehdiu, dënuar nga gjykata e Shkallës së Parë në Milano më 23 prill 2000, me tre vjet burg dhe ndalim përjetë të posteve shtetërore.

Ky dënim i është konfirmuar nga Gjykata e Apelit të Milanos, e cila ka konfirmuar dënimin.

Pra Fatnim Mediu, aleati kryesor i Sali Berishës, jo vetëm që është dënuar për përpjekjet e tij për të favorizuar një të kërkuar nga drejtësia, në emër të parlamentit shqiptar, por ka qenë i shpallur në kërkim për të vuajtur dënimin dhe i ka ikur drejtësisë italiane.

Këtë do ta shikoni të shqiptuar qartë tek vendimi i gjyqit të Apelit.

“Fatmir Mediu ka ndihmuar Gazmend Mahmutaj i cili është i dënuar në këtë shtet me një dënim kompleks prej dhjetë vjet dhe tetë muaj burg, për të kaluar tranzit nëpërmjet një delegacioni shqiptar (i drejtuar për në Strasburg për të marrë pjesë në një konferencë mbi kriminalitetin e organizuar, e thirrur nga Parlamenti Europian)”, thuhet në argumentet e vendimit të Gjykatës së Shkallës së Parë të Milanos.

“Për shkak të rëndesës ekstreme të qendrimit të të pandehurit, që u vu re të konsistojë në krijimin e mundësive të të quajturit Gazmend Mahmutaj që të kalojë tranzit në territorin e shtetit italian bashkë me një delegacion parlamentarësh shqiptarë që shkonin në Parlamentin Europian për një mbledhje mbi krimin e organizuar, me gjeneralitete të rreme, duke e ndihmuar në këtë mënyrë që t’i shmangej kryerjes së dënimit, Mediu nuk u konsiderua një njeri që meriton t’i jepen rrethanat e përgjithshme lehtësuese.

Të njëjtat konsiderata e bëjnë këtë trup gjykues që të fiksojë dënimin bazë në afate te përafërta me maksimumin e mundshëm, më konkretisht duke përcaktuar në katër vjet e gjashtë muaj burg, dënim që ulet për shkak të mënyrës së zgjedhur të gjykimit, në tre vjet burg”, thuhet në vendimin e Gjykatës së Shkallës së Parë.

Ky vendim është lënë në fuqi edhe nga ana e Gjykatës së Apelit.

“Fatmir Mediu shpallet fajtor për krimin e përmendur në kreun 42 dhe, duke marrë parasysh uljen e dënimit për llojin e gjykimit të zgjedhur, e dënon me tre vjet burg”, thuhet në vendin e Gjykatës së Apelit.

Meqë Partia Demokratike po këmbëngul në shenjat e gishtave, mund të çekojë në Ministrinë e Jashtme se mos zoti Mediu për një kohë të gjatë nuk ka udhëtuar me pasaportë me emrin Fatmir Mediu, por Fatmir Mehdihoxha.

Biles së paku në një udhëtim në SHBA me Sali Berishën në janar të vitit 2005, ka qenë me këtë emër.

Për dy numra radhazi gazeta TemA do botoj faksimilet e plota të vendimit të gjyqit në Itali.

Nuk po flasim për gjyqin e pambyllur në Shqipëri, nga i cili ka shpëtuar me imunitet, për shkak të nderit që i ka bërë Shkëlzenit që të mos dëshmonte se ishte biznesi i tij në Gërdec dhe as lidhjet e tij me bizneset në Shqipëri dhe milionat e pajustifikuara nga llogaritë personale.

Tani kur ka një rast kaq flagrant në Kuvend, me dënime të shqiptuara dhe i shpallur në kërkim, duket cinizëm i tepëruar të mbash flamurin e dekriminalizimit si opozitë, kur nuk distancohesh nga partneri yt kryesor.

Mediu1

mediu2

mediu3

mediu4 mediu5

Mazhoranca tërhiqet nga hapja e dosjeve pas presioneve të deputetëve spiunë

Mazhoranca qeverisëse bllokon pa afat hapjen e dosjeve të Sigurimit të Shtetit pas një debati të brendshëm dhe presioni, për pasojat që mund të sjellë ky proces tek disa persona të veshur me pushtet. Sipas burimeve, është shtyrë afati për zgjedhjen e anëtarëve që do të jenë pjesë e tij, ku për pasojë është bllokuar edhe procesi i hapjes së dosjeve.

Tërheqja ka ardhur pas presionit dhe ndërhyrjes së Spiunëve të Sigurimit të Shtetit, sot të infiltruar në sferat më të larta të politikës, në administratë, në media, në gjyqësor, në shoqërinë civile etj. Lukunia e Spiunëve, e katapultuar dhe infiltruar në të gjitha degët e shtetit shqiptar, po lëviz çdo gurë, për ta shtyrë dhe zvarritur procesin e hapjes së dosjeve. Në mes të muajit shtator duhej të mbyllej gara e shpallur nga Kuvendi, por burime për gazetën kanë thënë se ky afat është shtyrë. Mësohet se për bllokimin e procesit ka pasur një sinjal nga kryeministri Edi Rama, i cili ka kërkuar që të mos ketë ngutje në këtë proces. Ndërhyrja e Ramës mësohet se ka ardhur pas një debati të nëndheshëm në kampin e pushtetit. Edhe pse ligji garanton mbrojtje të konfidencialitetit, nuk lejon publikimin e emrave dhe ndalon lustracionin, shqetësimi ka qenë mjaft i madh. Shqetësimi është ngritur nga disa deputetë, ministra dhe zyrtarë të të dy krahëve, të cilës kanë qenë bashkëpunëtor të Sigurimit të Shtetit në forma dhe nivele të ndryshme. Me hapjen e dosjeve, nuk ka asnjë siguri që emrat e këtyre personazheve të mos publikohen në media, të përgojohen dhe denigrohen publikisht, ku dorëheqja nga postet që mbajnë do të ishte më e pakta. Në këto kushte, shumica në pushtet, po dëshmon një tërheqje, stepje dhe hezitim të madh për ta çuar deri në fund këtë proces.

Bllokimi i komisionit

Në bazë të dispozitave në ligj, hapja e dosjeve duhej të niste brenda vjeshtës, por me shumë gjasa ky proces nuk do ndodhë këtë vit. Në ligj përcaktohet se brenda një muaji nga hyrja në fuqi e ligjit duhej të zgjidheshin anëtarët e Autoritetit për Hapjen e Dosjeve. Duke qenë se ligji hyri në fuqi në fillim të muajit qershor, në korrik anëtarët duhej të zgjidheshin, por ligji u shkel sepse nuk ndodhi një gjë e tillë. Autoriteti do të përbëhet nga 5 anëtarë, dy nga Kuvendi, një nga qeveria, një nga ish-të përndjekurit dhe një nga shoqatat për të drejtat e njeriut. Në korrik Kuvendi hapi garën duke deklaruar se anëtarët do të zgjidheshin në shtator, por pak ditë më parë afati për të interesuarit është shtyrë sërish dhe nuk dihet kur do të ndodhë përzgjedhja e anëtarëve. Kuvendi ka bërë një tjetër shpallje, ku ka kërkuar që të gjithë ata të interesuar që plotësojnë kushtet të garojnë për t’u zgjedhur anëtarë.

Shtyrja e hapjes së dosjeve

Hapja e dosjeve të ish-Sigurimit të Shtetit me shumë gjasa nuk do të ndodhë këtë vit. Në bazë të afateve të vendosura në ligj, zbulimi i spiunëve është i pamundur të ndodhë gjatë muajve në vijim. Në nenin 44 të ligjit përcaktohet se dy muaj nga ngritja e Autoritetit, duhet që rrjeti arkivor të vërë në dispozicion të tij të gjitha informacionet. Ndërsa tre muaj nga ngritja e tij, Ministria e Brendshme, ajo e Mbrojtjes dhe SHISH duhet që t’i vënë në dispozicion të gjitha dosjet e sigurimit. Por me shtyrjen që i është bërë afatit për anëtarët, nuk dihet ende kur do të ngrihet Autoriteti. Por edhe nëse kjo ndodh muajin tjetër, duke qenë se në dhjetor administrata merr pushimet, hapja e dosjeve pritet që të mos ndodhë këtë vit. Sa i përket anëtarëve të Autoritetit të bërë publikë deri më tani, qeveria ka propozuar zëvendësministren e Mirëqenies Sociale, Gentiana Sula, ndërsa ish-të përndjekurit politikë, Daut Gumenin. Vetë Kuvendi vendosi që anëtarët e vet t’i zgjedhë me konkurrim të hapur, ndërsa mësohet se interesi nuk ka qenë dhe shumë i lartë. Më pas do të jenë deputetët që në një seancë plenare do të votojnë të gjithë personat e propozuar. Mbetet të shihet se kur do të nisë puna për të zbuluar spiunët e Sigurimit të Shtetit. Kliti Topalli

Dosja e Pronave – Strasburgu gati edhe 100 vendime kundër qeverisë ‘Rama’

Kostoja mbi 160 milionë euro, sfida e pronave boshatis buxhetin

Vendimet mafioze të gjykatave shqiptare për çështjet e pronave dhe aferat e pushtetarëve shqiptarë me pronat, po rëndojnë çdo vit buxhetin e shtetit. Pavarësisht lojës së qeverisë shqiptare me afatet dhe përpjekjet e saj për të bllokuar vendimet kundër shtetit shqiptar, Gjykata Europiane për të Drejtat e Njeriut në Strasburg po merr vendime të tjera në favor të ish-pronarëve, duke i kushtuar qindra milionë euro buxhetit të shtetit.

Vetëm për 32 vendime, që mësohet se duhet të zbatojë shteti shqiptar, duhet t’u paguajë ish-pronarëve mbi 160 milionë euro. Ndërkohë, shoqatat për mbrojtjen e pronave, kanë bërë të ditur se mbi 100 pronarë i janë drejtuar Gjykatës Europiane për të Drejtat e Njeriut në Strasburg. Sipas tyre, pritet që Gjykata e Strasburgut të marrë vendim në favor të ish-pronarëve. Ata thonë se në raste të tilla, Gjykata e Strasburgut ka vendosur gjithmonë në favor të ish-pronarëve dhe kundër shtetit shqiptar.

Vendimet

Shoqatat e pronarëve shprehen të bindur se Gjykata Europiane për të Drejtat e Njeriut në Strasburg do të vendosë në favor të tyre. Kjo bindje, sipas tyre, vjen për shkak të problemeve të ngjashme që ankimojnë ish-pronarët shqiptarë që nuk gjejnë drejtësi në gjykatat shqiptare. Myrshit Vorpsi, sekretar i shoqatës “Pronësi me drejtësi”, deklaroi për gazetën se janë 101 ish-pronarë që i janë drejtuar Gjykatës së Strasburgut për ankimimin e vendimeve të gjykatave shqiptare. “Janë 101 subjekte të ndryshme, pronarë që i janë drejtuar Strasburgut dhe janë ndarë në dy çështje. Pra, janë disa pronarë që kanë çështje të ngjashme. Problematika është pothuajse njësoj dhe normalisht nëse fiton një subjekt fiton edhe tjetri”, tha Vorpsi. Po ashtu edhe kryetari i shoqatës “Pronësi me Drejtësi”, Gëzim Boçari, deklaroi se është e pritshme që të rritet numri i ish-pronarëve që kërkojnë drejtësi në Gjykatën e Strasburgut. “Nuk mund të them saktësisht sa mund të jetë shuma që do i shkaktohet buxhetit të shtetit, por gjithsesi është logjike që shifra do të jetë në rritje të theksuar nëse pronarët do ankohen për shkelje të Kushtetutës për shkak të legalizimeve masive me ligje dhe vendime që nuk kanë asnjë të përbashkët me nenin 181 të Kushtetutës”, tha Gëzim Boçari, kryetar i Shoqatës për “Pronësi me Drejtësi”.

Kërkesa e qeverisë

Në fillim të muajit maj, qeveria “Rama” i kërkoi Gjykatës së Strasburgut bllokimin dhe shtyrjen e zbatimit të vendimeve për çështjen e pronave edhe për një vit. Kjo shtyrje afati u mor pasi qeveria nuk arriti të përmbushte angazhimet dhe detyrimet që premtoi një vit më parë ndaj ish-pronarëve për kthimin dhe kompensimin e ish-pronarëve. Në këto kushte, qeveria mori vendimin për t’i kërkuar Gjykatës së Strasburgut shtyrjen edhe me një vit të ekzekutimit të vendimeve për kthimin dhe kompensimin e pronave të konfiskuara nga regjimi komunist dhe të tjetërsuara gjatë 25 viteve të tranzicionit. Por kjo kërkesë nuk u pranua nga Gjykata e Strasburgut që vijon të japë vendime në favor të ish-pronarëve. Erneta Shevroja

Qeveria thellon krizën e marrëdhënieve: Bushati shkarkon ambasadorin shqiptar në OSBE, pa firmën e Nishanit

Thellimi i krizës së Qeverisë Rama në marrëdhëniet me OSBE-në dhe me Presidentin e Republikës ka njohur zhvillime të reja.

Ministri i Punëve të Jashtme, Ditmir Bushati, është përfshirë në një tjetër konflikt, kësaj radhe duke marrë kompetencat e Presidentit dhe duke urdhëruar lirimin nga detyra të ambasadorit shqiptar në OSBE, Spiro Koçi. Bushati nëpërmjet sekretarit të Përgjithshëm të Ministrisë së Jashtme, i ka dërguar një letër zyrtare ambasadorit shqiptar në OSBE, të cilit i ka njoftuar se ndaj tij kanë nisur procedurat e lirimit nga detyra dhe për rrjedhojë duhet të kthehet në atdhe brenda datës 1 tetor.

Burime nga kabineti i Presidentit bëjnë me dije për gazetën “Panorama” se kreu i shtetit nuk ka firmosur asnjë dekret që të lirojë ambasadorin Spiro Koçi nga detyra. Po ashtu mësohet se ministri i Jashtëm nuk ka propozuar kandidaturë të re për postin e ambasadorit, ndërkohë që nuk ka dërguar asnjë kërkesë te Presidenti për të liruar nga kjo detyrë përfaqësuesin e selisë diplomatike në Vjenë.

Sipas Kushtetutës, Presidenti është i vetmi që ka tagër ligjor të lirojë apo të emërojë ambasadorët me propozim të Kryeministrit.

Qeveria përgatit largimin e OSBE nga Shqipëria

Zbardhet kërkesa zyrtare e Bushatit për ministritë: Dorëzoni projektet që keni me OSBE, Shqipëria nuk ka më nevojë për të

Adriatik Doçi, gazeta “Sot”

Pavarësisht tentativës së ambasadorit Florian Raunig, për të zbutur dhe relativizuar raportin, dokumenti i zi ka shkaktuar një zemëratë, indinjatë dhe tension në radhët e politikanëve të përmendur si të korruptuar, si vrasës dhe pjesë e mafies ruse.

Pas shtimit të zërave publikë për përzënien e misionit të OSBE nga Shqipëria, mësohet se qeveria ka nisur lëvizjet e para.

Në këtë kuadër, qeveria shqiptare ka nisur dje zyrtarisht kufizimin dhe rrudhjen e rolit të prezencës së OSBE në Shqipëri.

Ministria e Punëve të Jashtme, u ka kërkuar zyrtarisht të gjitha ministrive të linjës dhe sekretarëve të përgjithshëm të ministrive, të rishikojnë projektet e përbashkëta me OSBE, në kuadër të planit për të nxjerrë jashtë loje dhe për të përzënë misionin nga Shqipëria.

Lëvizja ka ardhur pas raportit që ka trazuar dhe ndezur politikën shqiptare, e cila përshkruhej si një bandë famëkeqe që vetëm vjedh, vret, grabit dhe drejton trafiqet.

Gazeta SOT zbardh letrën që mban firmën e Sekretarit të Përgjithshëm të MPJ, Qirjako Qirko, i cili thekson se Shqipëria nuk ka më nevojë për prezencën e OSBE. Qirko u shkruan ndër të tjera ministrive të linjës se Shqipëria tashmë nuk është vetëm konsumatore e ekspertizës së OSBE, por kontribuon në promovimin e rolit të organizatës.

“Zhvillimet pozitive të demokracisë shqiptare, rritja e rolit dhe profilit të Shqipërisë në rajon, dhe më gjerë, anëtarësimi në NATO dhe marrja e statusit të vendit kandidat në BE, kanë sjellë një ndryshim rrënjësor në marrëdhëniet tona me OSBE.

Shqipëria nuk është vetëm konsumatore e ekspertizës së OSBE, por kontribuon në mënyrë të qenësishme në ruajtjen dhe promovimin e rolit të Organizatës në arkitekturën e sigurisë në Evropë. Parë në këtë këndvështrim, zhvillimet në Shqipëri do të justifikonin ndryshimin e mandatit të pranisë së OSBE në vendin tonë dhe tkurrjen e saj në disa fusha përparësore.

Ministria e Punëve të Jashtme, e gjykon të domosdoshme rishikimin e asistencës së OSBE në drejtim të ecurisë së reformave në vendin tonë, duke vlerësuar gjithnjë e më shumë kapacitetet tona të brendshme për të ecur në rrugën e reformave në vend”, thuhet në letrën e MPJ.

Sekretari i Përgjithshëm në MPJ, Qirjako Qirko u kërkon ministrive të dorëzojnë të gjitha projektet me OSBE, në kuadër të planit për të rrudhur rolin e misionit.

“Për këtë arsye, jeni të lutur të na informoni: 1. Projektet që institucionet tuaja kanë në proces (të shtrira në periudhë kohore) me OSBE, kostot e tyre dhe nëse ka edhe institucione të tjera kontribuese financiare.

Mbi idetë që keni për realizimin e ndonjë projekti të domosdoshëm me OSBE për periudhën në vijim, të cilat mundësisht, të mos jenë në vlera të mëdha dhe të jenë afatshkurtra, duke gjykuar edhe mbi mundësitë për mbështetjen e këtyre projekteve nga institucionet apo organizata e donator të tjerë ndërkombëtarë”, thuhet në letrën dërguan ministrive.

Përfaqësuesja e BE Vlahutin: Keni 23 rekomandime nga BE

Voal – Romana Vlahutin, përfaqësuesja e BE-së në vendin tonë i ka vënë notë negative zgjedhjeve të fundit vendore duke i cilësuar ato mjaft të politizuara. Sipas saj, proceset zgjedhore në Shqipëri janë mjaft të politizuara duke bërë përgjegjës për këtë politikanët.

“Një ndër 23 rekomandimet që BE, i ka përcjellë për zbatueshmëri qeverisë shqiptare, është edhe procesi zgjedhor që për qytetarët shqiptarë, duhet të jetë një ditë e zakonshme pushimi ndërkohë që këto zgjedhje, duhet t’ua kthejmë vetë qytetarëve”, është shprehur Romana Vlahutin gjatë një prononcimi për mediet gjatë qëndrimit të saj dy ditor në Gjirokastër.

Nga ana tjetër Vlahutin ka përshëndetur reformën në drejtësi të ndërmarrë nga legjislativi shqiptar. Sipas saj marrëveshja mes palëve, është mjaft e domosdoshme për këtë reformë mjaft të rëndësishme në sistemin e drejtësisë.

“Vetë komuniteti ndërkombëtar është mjaft i interesuar për këtë reformë çka po e mbështet atë”, është shprehur Vlahutin.

Ambasadorja Vlahutin, gjatë qëndrimit në qytetin e gurtë, pritet të vizitojë sot edhe kampin e restauratorëve nga Ballkani dhe vendet e tjera europiane i cili edhe këtë vit, po zbaton projekte rehabilituese në banesat karakteristike të zonës historike të Gjirokastrës.

Përzënia e OSBE-së: Bushati porosit ministritë – Dorëzoni projektet që keni me OSBE-në, Shqipëria nuk ka më nevojë për të

Nuk ka më paqe mes qeverisë shqiptare dhe prezencës së OSBE në Tiranë. Publikimi i raportit konfidencial dhe për përdorim të brendshëm, për kriminalizimin e elitës politike në Shqipëri, duket se ka minuar përfundimisht raportet mes qeverisë shqiptare dhe misionit të OSBE në Tiranë. Pavarësisht tentativës së ambasadorit Florian Raunig, për të zbutur dhe relativizuar raportin, dokumenti i zi ka shkaktuar një zemëratë, indinjatë dhe tension në radhët e politikanëve të përmendur si të korruptuar, si vrasës dhe pjesë e mafies ruse. Pas shtimit të zërave publikë për përzënien e misionit të OSBE nga Shqipëria, mësohet se qeveria ka nisur lëvizjet e para. Në këtë kuadër, qeveria shqiptare ka nisur dje zyrtarisht kufizimin dhe rrudhjen e rolit të prezencës së OSBE në Shqipëri. Ministria e Punëve të Jashtme, u ka kërkuar zyrtarisht të gjitha ministrive të linjës dhe sekretarëve të përgjithshëm të ministrive, të rishikojnë projektet e përbashkëta me OSBE, në kuadër të planit për të nxjerrë jashtë loje dhe për të përzënë misionin nga Shqipëria.

Lëvizja ka ardhur pas raportit që ka trazuar dhe ndezur politikën shqiptare, e cila përshkruhej si një bandë famëkeqe që vetëm vjedh, vret, grabit dhe drejton trafiqet. Gazeta SOT zbardh letrën që mban firmën e Sekretarit të Përgjithshëm të MPJ, Qirjako Qirko, i cili thekson se Shqipëria nuk ka më nevojë për prezencën e OSBE. Qirko u shkruan ndër të tjera ministrive të linjës se Shqipëria tashmë nuk është vetëm konsumatore e ekspertizës së OSBE, por kontribuon në promovimin e rolit të organizatës. “Zhvillimet pozitive të demokracisë shqiptare, rritja e rolit dhe profilit të Shqipërisë në rajon, dhe më gjerë, anëtarësimi në NATO dhe marrja e statusit të vendit kandidat në BE, kanë sjellë një ndryshim rrënjësor në marrëdhëniet tona me OSBE. Shqipëria nuk është vetëm konsumatore e ekspertizës së OSBE, por kontribuon në mënyrë të qenësishme në ruajtjen dhe promovimin e rolit të Organizatës në arkitekturën e sigurisë në Evropë. Parë në këtë këndvështrim, zhvillimet në Shqipëri do të justifikonin ndryshimin e mandatit të pranisë së OSBE në vendin tonë dhe tkurrjen e saj në disa fusha përparësore. Ministria e Punëve të Jashtme, e gjykon të domosdoshme rishikimin e asistencës së OSBE në drejtim të ecurisë së reformave në vendin tonë, duke vlerësuar gjithnjë e më shumë kapacitetet tona të brendshme për të ecur në rrugën e reformave në vend”, thuhet në letrën e MPJ.

Kërkesa

Sekretari i Përgjithshëm në MPJ, Qirjako Qirko u kërkon ministrive të dorëzojnë të gjitha projektet me OSBE, në kuadër të planit për të rrudhur rolin e misionit. “Për këtë arsye, jeni të lutur të na informoni: 1. Projektet që institucionet tuaja kanë në proces (të shtrira në periudhë kohore) me OSBE, kostot e tyre dhe nëse ka edhe institucione të tjera kontribuese financiare. Mbi idetë që keni për realizimin e ndonjë projekti të domosdoshëm me OSBE për periudhën në vijim, të cilat mundësisht, të mos jenë në vlera të mëdha dhe të jenë afatshkurtra, duke gjykuar edhe mbi mundësitë për mbështetjen e këtyre projekteve nga institucionet apo organizata e donator të tjerë ndërkombëtarë”, thuhet në letrën dërguan ministrive. Adriatik Doçi

Rama dhe Tahiri hapin letrat e Nishanit – 7 afera kur ishte ministër i Brendshëm

Ja dosjet dhe pistat

Deklaratat e Presidentit të Republikës, Bujar Nishani, se shumica në pushtet ka nisur të rrëmojë në të kaluarën e tij, po e përndjek dhe po e përgjon, nuk janë të pabaza. Kryeministri Edi Rama dhe ministri i Brendshëm, Samir Tahiri kanë hapur letrat e veprimtarisë së Bujar Nishanit, kur ka qenë ministër i Brendshëm dhe ministër Drejtësie. Sigurisht që shumica në pushtet nuk po e përgjon Presidentin, por po heton veprimtarinë e tij të mëparshme, kur ka drejtuar degë të rëndësishme të qeverisë “Berisha”. Sipas burimeve, deri më tani, nuk ka ndonjë indicie dhe element kompromentues sa i takon veprimtarisë së Nishanit si ministër i Drejtësisë, por një gjë e tillë nuk mund të thuhet sa i takon ushtrimit të funksioneve të tij si ministër i Brendshëm. Sipas burimeve, veprimtaria e Nishanit si ministër i Brendshëm po hetohet të paktën në shatë plane, ku ka dyshime të forta, indicie, paradokse dhe shkelje të hapura që rëndojnë pozitat e kreut të shtetit. Hetimet kanë nisur prej disa javësh dhe për momentin nuk flitet për ndonjë kallëzim penal. Prokuroria nuk është përfshirë ende në këtë verifikim masiv, por vetëm degët e qeverisë Rama, kryesisht Ministria e Brendshme. Po për çfarë po hetohet konkretisht Presidenti i Republikës? Sipas burimeve, po verifikohet roli i ish-ministrit të Brendshëm, Bujar Nishanit në një nga abuzimet më të mëdha në Policinë e Shtetit, gjatë viteve 2011-2012, që ka të bëjë me uniformën e punonjësve të policisë. Shkeljet në këtë tender janë skandaloze dhe të shumta, duke nisur që nga paracaktimi i fituesit, rritja e kostos, manipulimet etj., por Nishanin e rëndon një element, që lidhet me zgjatjen e tenderit. Qeveria kishte vendosur që tenderi të bëhej vetëm për vitin 2011, por është zgjatur deri në vitin 2014, ku ministri ka marrë kompetencat e qeverisë. Po ashtu, po verifikohen shpenzimet e pajustifikuara të karburantit nga Policia e Shtetit. Pas këtij skandali duket se fshihet një rrjet ish-zyrtarësh deri tek ish-ministri i Brendshëm.

Shitja e sekreteve

Sipas burimeve, në Ministrinë e Brendshme po verifikohet rrjedhja e dokumenteve dhe informacioneve sekrete për organizimin, funksionimin e organizatave kriminale në Shqipëri. Të dhënat e siguruara nga shërbimet partnere për lidhjet dhe organizimin e bandave, kanë rënë në duart e krerëve të krimit të organizuar. Edhe raportet sekrete të OCTA-s të EUROPOL janë dekonspiruar gjatë kohës që Nishani drejtonte Ministrinë e Brendshme. Ndërkaq, dyshohet për manipulimin e statistikave të krimit, të trafiqeve dhe pastrimit të parave në Ministrinë e Brendshme, gjatë kohës që drejtohej nga Nishani dhe nga Lulzim Basha. Adriatik Doçi

Faqja 296 prej 306« Fillimi ‹ Prapa 292 293 294 295296297 298 299 300 Para ›Fundi »

Elvis Mataj është vëllai i këshilltarit të Berishës

Presidenti i Republikës, Bujar Nishani nderoi aktoren dhe regjisoren e shquar Marie Logoreci me dekoratën “Nderi i Kombit” (pas vdekjes).

Kostoja mbi 160 milionë euro, sfida e pronave boshatis buxhetin

Ja dosjet dhe pistat

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL