Mbi 370 fluturime janë vonuar në aeroportet e Moskës, ndërsa dhjetëra të tjera janë anuluar, pas aktivizimit të alarmit për sulm ajror në kryeqytetin rus dhe rajonin përreth, për shkak të një sulmi me dronë.

Situata ka shkaktuar ndërprerje të konsiderueshme të trafikut ajror, duke prekur si nisjet, ashtu edhe mbërritjet. Autoritetet aeroportuale aktivizojnë rregullisht protokollin e emergjencës të njohur si “Carpet” gjatë kërcënimeve të tilla, i cili parashikon pezullimin e përkohshëm të të gjitha fluturimeve.

Masat e sigurisë synojnë të minimizojnë rreziqet gjatë sulmeve me dronë, por sjellin vonesa të shumta dhe ndryshime në oraret e udhëtimit. Pasagjerët përballen me pritje të gjata dhe pasiguri për fluturimet e tyre, ndërsa dhjetëra udhëtime janë anuluar.

Nuk ka ende të dhëna të mëtejshme për kohëzgjatjen e kufizimeve apo për momentin kur trafiku ajror në aeroportet e Moskës do t’i kthehet normalitetit. bw