Rasti në fjalë tani i përket produktit ushqimor të sallamit ‘Galbanetto’ ku theksohet “rrezik për shëndetin”. Thirrja shumë e drejtë përsa i përket kujdesit për shëndetin, por sqarimi për publikun duhet të jetë më i thellë dhe i plotë ku të sqarohet përmes specialistëve ushqimorë edhe në formën e një konference shtypi se sa të mjaftohesh me një njoftim.

P. sh specifikimi”për praninë e mundshme të trupit të huaj në produktin sallam Galbanetto të importuar nga Italia”, trupi i huaj nënkupton objekte të ngurta dhe të mprehta si metal, xham, plastikë të cilat mund të kenë ndodhur nga ndonjë pakujdesi gjatë procesit të përpunimit të produktit.

Lokalizimi i produktit me skadencën, fabrikën prodhuese, import-eksportin, doganat, tregun, konsumatorin, rikthimin, kompesimin, shkatërrimin dhe ndikimin në mjedis etj janë një zinxhir i tërë faktorësh që duhen menaxhuar dhe ndjekur në çdo hallkë. Këtë shërbim dhe ndërgjegjësim më bukur se sa e bën bashkëpunimi i sinqertë mes institucioneve dhe medias nuk do ta arrinte askush më shpejtë dhe me më rezultat. Është thjeshtë një komunikim pas alarmit dhe jo grada për t’u mburrur nga një institucion që në dukje po bën punën dhe ku tregu shqiptar kërkon vëmendje dhe komunikim kudo në produktet vendase dhe ato të importit që shpesh shkojnë të pakontrolluar në cilësi dhe çmim tek konsumatori

Një markë si në rastin e Galbanit që ka rreth 90 vite në treg e ka në logon e vet besimin.

Kjo besojmë se duhet ruajtur për çdo markë serioze që tregu dhe konsumatori e njohin prej kohësh.

Duhet ruajtur edhe për faktin se markat dhe bizneset janë ato që mbajnë mediat gjallë përmes reklamave. Ndaj tregu është kompleks.  Nuk mund të jetë thjeshtë një alarm shkresor, por ndjekje e fenomenit dhe siç e përmendëm më lart institucioni dhe media shkojnë besueshëm tek publiku duke e thënë plotësisht të vërtetën.

______

*Crosello- reklamat e Rai-t