Të gjithë anëtarët pjesëmarrës të GPS e duartrokitën dhe pas tij heshtën në kërkim të lajmeve të mira.

Megjithëse Shqipëria ndodhet në krizë, të gjithë duartrokitën për sa dëgjuan apo edhe përsa u pëlqeu rrëfimi i kryetarit në ditën e 20 të një proteste të pandërprerë qytetare. Të një proteste të përqendruar në kryeqytet dhe të ndjeshme herë pas here në disa qytete kryesore të vendit dhe kudo në diasporë ku jetojnë dhe punojnë shqiptarët. Ndërsa fakti që ata do të derdheshin në Bulevardin “Dëshmorët e Kombit”, u duk se askush nuk e pranoi.

Veç armiqve të shumtë të jashtëm që tashmë janë përmendur si  edhe tik-tokut (të rihapur pas gati një viti ndërprerje në muajin Shkurt 2026), që u bashkohet atyre “fatkeqësisht” armiku i ri që Rama përcaktoi së fundmi vjen nga fusha e zhvillimit teknologjik dhe botës digitale. Prej aty doli dhe u përcaktua se ishte A L G O R I T M I*.

Rama foli për një luftë tjetër imagjinare dhe ju mori atyre politikanëve të gjithë paraditen. Ua shteroi energjitë dhe i bëri për të vrarë mendjen se çfarë mund të bëhet me sheshin e protestës qytetare të cilin kryeministri e quan edhe “shesh xhirimi”. 

Foli si Diella edhe pse kohët e fundit ajo nuk është dëgjuar, por që fizikisht është e ngjitur pas tij dhe tha se:-“ Zgjedhja jonë është të bëjmë çmos që njerëzve t’u japim lajmin e mirë. Cili është lajmi? Jo propaganda, lajmi i mirë. Kemi një problem me shërbimet. Kemi patjetër një problem me shërbimet, por ama sot janë mbi 3 milionë shqiptarë, brenda e jashtë vendit, që 95% të shërbimeve i marrin nga celulari, pa takuar asnjëri dhe pa pasur nevojë të fusin mik askënd. 95%!  Por kryeministri njëkohësisht harroi se është në mandatin e katërt (19 Shtator 2025-2029). Që prej Shtatorit të kaluar në kabinetin qeveritar sot Shqipëria ka një Ministre Shteti për Inteligjencën Artificiale, dhe nuk ka një ministër/e ose ministri që të mbulojë R I N I N Ë. Kjo është gjuha e algoritmit dhe gjuha e Diellës, ndaj protesta qytetare thirri diasporën dhe ajo ju përgjigj në fundjavë duke e tejkaluar pjesëmarrjen e 100 mijë shqiptarëve. Ishin tre mandatet dhe është po korrupsioni në qeveri që e bëjnë rininë të largohet (përkohësisht).

Shqipëria nuk ka sot një ministër/e ose ministri që të mbulojë R I N I N Ë , sepse ka një kryeministër që ushtron edhe dhe përgjegjësitë për ngritjen dhe funksionimin e ministrit virtual të inteligjencës artificiale Diella të dekretuar nga presidenti. Aty mund ta gjejmë edhe algoritmin se përse pushtetarët kanë edhe më shumë pushtet dhe zgjedhësit mbeten nën zgjedhën e politiukanëve të korruptuar.

Humbet identitetin kundrejt zgjedhësve sepse përqafon autokratin dhe në emër të  tijë edhe pse i ke kaluar 13 muaj nga “zgjedhja” për herë të katërt, nuk arrin të kuptosh se në themel të sistemit qëndron korrupsioni. 

Ndoshta duhet përsëritur edhe njëherë ajo se çfarë tha Rama kur vendosi të bëjë qëndrestarin:- “Një qeveri nuk ka të drejtë t’i mbyllë veshët…” nga historia tregohet se udhëtimi i Uliksit drejt Itakës (kthimi i tij), zgjati 10 vite, ndërsa kjo qeverisje e socialistëve ka konsumuar edhe të trembëdhjetin. Në rastin e qëndrestarit historia përshkruan se vetëm Uliksi i dëgjoi sirenat dhe tundimet përsa rremat rrahën detin pa ndaluar.

Edhe në këtë rast Rama tregoi të kundërtën nuk ndenji në zyrë që t’i përjetojë “sirenat”.

Skeda zyrtare e tij tregoi se kryeministri po përgatitet të udhëtojë drejt Parisit.

*rrem/ë/e, gënjeshtër, mashtrim, jo e vërtetë.

* algoritmi-është një rend i kufizuar udhëzimesh të mirëpërcaktuara për të zgjidhur një problem të veçantë ose për të kryer një llogaritje. Algoritmi ka raste kur në çdo hap përcaktohet saktësisht dhe shpie në një interpretim të vetëm, (rezultati i kërkuar).