AKSHI është në varësinë e qeverisë së Edi Ramës, por kryeministri që i emëron, nuk është përgjegjës për vjedhjet dhe lidhjet me krimin e organizuar.

Tani ai akuzon drejtësinë që informon mediat.

Partia Demokratike, e ka cilësuar deklaratën e Edi Ramës, për skandalin e AKSHI-t si tentativë për të mbrojtur veten.

Rama u shpreh këtë të dielë se akuzat ndaj Mirlinda Karçanajt janë “të hatashme”, ndërsa sipas deputetit demokrat, Klevis Balliu, kjo është një tentativë për të mbrojtur veten.

Sipas Balliut, Rama ka frikë pasi është edhe vetë i implikuar në këtë skandal tenderash korruptivë, dhe ashtu si në rastin e Ballukut ka frikë mos i dalin të vërtetat.

Sipas tij, kjo nuk është propagandë por mafie shtetërore.

“Në pseudo-podcastin e sotëm, Edi Rama mbrojti korrupsionin më të madh në historinë e vendit. Ai justifikoi një aferë ku baxhanaku i tij ka përfituar rreth 800 pagesa nga buxheti i shtetit, një skemë që ka cenuar sigurinë kombëtare dhe ka dorëzuar të dhënat personale të qytetarëve në duart e krimit të organizuar.