Artur Zheji ish-drejtori i përgjithshëm i RTSH,  ish-drejtori i përgjithshëm i ATSH-së, ish-botuesi i gazetes MAPO dhe aktualisht  drejtuesi i platformes 360.Grade.al dhe emisionit politiko analitik.

Artur Zheji është ndarë sot nga jeta ndërsa festonin se bashku me familjen ditelindjen e djalit Patrikut.

I lindur më 29 gusht 1961, Artur Zheji ishte i biri i euriditit të njohur shqiptar Petro Zhejit dhe aktores së njohur shqiptare Besa Imami.

Zheji u diplomua për regjisor në Institutin e Lartë të Arteve, ku spikati dhe la gjurmën e tij në dramaturgjinë shqiptare.

Në skenën e Teatrit Kombëtar, u vendos në skenë drama e tij “Raimonda”, përgjatë kohës së diplomimit.

Pas diplomimit Artur Zheji punoi pak kohe si libretist ne Teatrin Kombetar dhe me pas u zhvendos në Itali ku qëndroi për rreth 10 vite.

Aty, ai punoi në “Radio Radicale” prej 1991 deri ne 2001 si specialist i çështjeve të Evropës dhe Ballkanit, përgjatë kohës së luftës së Kosovës, duke u bërë kështu dhe një zë i rëndësishëm i shqiptarëve në arenën ndërkombëtare.

Artur Zheji kontribuoi për radion e Deutsche Welles në vitet 90-të si korrespondent nga Roma.

Që prej vitit 2017, ai ishte drejtues i emisionit politik dhe analitik 360 Gradë.

Zheji la pas dy vajza dhe një djalë, së bashku me bashkëshorten e tij.

Humbja e tij e papritur ka tronditur jo vetëm familjen, por edhe kolegët dhe opinionin publik, të cilët e shihnin si një figurë me integritet dhe profesionalizëm të lartë.

Vdekja e tij është një humbje e madhe për gazetarinë, analizën politike dhe median shqiptare në përgjithësi./Voal.ch