Skllevër që urrejnë Spartakun- Poezi nga FATBARDH AMURSI

July 12, 2025

E përdhosën, perversët,

Kohën që premtonte dinjitet,

Kush ndenji gatitur

Merr pamje muskëtjeri,

I përdorën të gjitha hilet

Si e si të fundosej fisniku

Dhe në skenë të dilte i dhjeri.

.

Skllevër që urryen Spartakun

Fatkeqë,

Që patën dhe gjynahe për të larë,

Që ulen në gostira me vrasës

Dhe ankohen për plagë

Që kurrë s`i kanë marrë?!

.

I strukuri urren ata të bejlegut,

Atë që sillet i lirë

Kur kërkohet bindja,

Kush lirinë personale e arriti me vuajtje në diktaturë,

I urrejnë skllevërit çlirimtarët

Dhe këdo që s`u përkul.

.

Ruhuni nga skllevërit në liri

Nga këta vrasës me tituj nderi,

Që shantazhohen nga dosjet,

E të dashurën e nxjerrin në semafor,

Eunukët urrejnë cilindo

Që rebelon…

Fatbardh Amursi

• twitter

  Follow
• facebook
• linkedin

Fjalë kyçe: Fatbardh Amursi