25 vite nga sulmi i tretë i familjes së Shaban (Murat) Jasharit, përkatësisht familjes së kryekomandantit, Adem ( Shaban ) Jashari.

Më 5 mars 1998 në orët e hershme të mëngjesit hordhit kriminele çetnike serbe nisen nga Mitrovica drejt Prekazit të Jasharëve, veprimtarë nga Mitrovica përmes telefoni fiks e njoftojnë njerin prej ushtarëve ma të dëvotshëm të UÇK-së, Shani ( Zeqir) Geci-Bajraktari se nga Mitrovica janë duke shkuar drejt Skenderajt forca të shumta ushtarako-policore çetnike serbe të paisur me artileri, tanksa e automjete të ndryshme të blinduara, të rënda.

Shaniu menjëherë përmes telefoni, rreth orës 4:00 të mëngjesit e lajmëron kryekomandantin, Adem Jashari dhe e njofton “kemi lajme të kqija, nga Mitrovica me lajmëruan se forca të shumta ushtarako-policore çetnike serbe janë duke ardhur në drejtim të Skenderajt. Kryekomandanti, Adem Jashari i përgjigjet, Shaniut “ dajë na koftë për hajr lufta me çetnik”, Shaniu duke pasur informator të shumtë njoftohet se çetnikët kanë arritur në Skenderaj dhe prej orës 4:00 deri në orën 8:00 të mëngjesit kohë pas kohe e njofton kryekomandantin për lëvizjet e hordhive çetnike, e njofton se çetnikët po e rrethojnë Llaushën, Skenderajn, Prekazin etj. dhe vazhdimisht duke e lutur  “ O nip, komandanti jonë, largoj familjarët, gra e fëmijë nga shtëpia “.

Lujtjet e Shaniut ishin të kota pasi kryekomandanti, përkatësisht e gjithë familja 20 anëtarëshe e Shabanit që ishin në shtëpi kishin vendosur që mos të largohen nga shtëpia por të luftojnë, përkatësisht t’ju ndihmojnë, Shabanit, Hamzës dhe kryekomandatit. Kështu që kjo familje 20 antarëshe ranë heroikisht duke luftuar për lirinë e Kosovës.