I lindur në vitin 1950, Ueli Maurer është anëtari më i vjetër i Këshillit Federal aktual dhe gjithashtu ministri më jetëgjatë

Ministri i financave, ish-presidenti i SVP, njofton tërheqjen e tij nga ekzekutivi pas 14 vitesh në një konferencë për shtyp në Bernë.

VOAL- Ueli Maurer largohet nga Këshilli Federal. Njoftimin e ka bërë vetë ai në një konferencë për shtyp të mbajtur pak më parë në Bernë. Ministri i Financave dhe ish mbajtës i Departamentit të Mbrojtjes, Mbrojtjes Civile dhe Sportit (DDPS), do të largohet kështu nga skena politike pas 14 vitesh prani në qeverisjen e vendit.

I lindur në vitin 1950, Ueli Mauer është anëtari më i vjetër i Këshillit Federal aktual dhe gjithashtu ministri më jetëgjatë. Djali i fshatarëve nga Oberlandi i Zyrihut, ai filloi karrierën e tij politike në vitin 1978, i zgjedhur në këshillin bashkiak të Hinvilit. Drejtor i ri i një kooperativë bujqësore, ai më pas kaloi në parlamentin kantonal të Zyrihut dhe më 1991 në Këshillin Kombëtar në Bernë. Në vitin 1996 zgjidhet në krye të partisë së tij, Bashkimit Demokratik të Qendrës. I konsideruar fillimisht vetëm një kukull në duart e Christoph Blocher, me kalimin e viteve ai është njohur si një rol kyç në sukseset elektorale të SVP-së. Partia kalon nga 15 për qind e miratimit në 29 për qind. Një kërcim. Dhe puna e tij e palodhshme në terren vlerësohet edhe më shumë. Ai largohet nga presidenca në vitin 2008 pasi ka favorizuar krijimin e mbi 600 seksioneve të reja.

Konservatori, eksponent i krahut të fortë të partisë, Ueli Maurer fokusohet në fushata reklamuese agresive, kundër Evropës, kundër të huajve dhe nuk është kurrë i butë me kundërshtarët e tij. Pasi nuk arriti të kalojë në Këshillin e Shteteve, në dhjetor 2008 ai u zgjodh në Këshillin Federal. Zgjedhje të ngushta të raundit të tretë, me një diferencë të vetme votash.

Kështu SVP kthehet në qeveri pas çështjes Blocher dhe Maurer merr frenat e Departamentit të Mbrojtjes. Ushtria zvicerane mund të bëhet “më e mira në botë”, thotë ai, megjithëse shpejt identifikon probleme të shumta që lidhen me reformat në vazhdim. Ai fiton lehtësisht betejën për heqjen e shërbimit të detyrueshëm ushtarak, por humbet atë vendimtare ndaj Gripen, të refuzuar nga populli në maj 2014.

Në vitin 2016 kalimi në Financë, i trashëguar nga Eveline Widmer-Schlumpf. Ai drejton departamentin në mënyrë pragmatike, si në muajt e parë të pandemisë, duke zhbllokuar ndihmën për bizneset pa shumë burokraci. Në vitin 2017 ai ishte këshilltari i parë federal që mori pjesë në samitin e G20, në atë vit në Hamburg.

Ai ka qenë president i Konfederatës dy herë, më 2013 dhe 2019, një pozicion që e çon shpesh jashtë vendit, veçanërisht gjatë vitit të dytë të presidencës, kur takohet edhe me presidentin rus Vladimir Putin dhe presidentin e SHBA-ve, Donald Trump.

Major i ushtrisë, është i martuar me Anne-Claude që nga viti 1976, është baba i gjashtë fëmijëve dhe një sportdashës i madh.rsi-eb