LQSHA shpërndan një Komunikatë për Shtyp bashkë me videon e aktivitetit rreth promovimit të librit rreth lobimit 30 vjeçar të Kongresmenit Joe DioGuardi dhe LQSHA. Libri është përpiluar dhe redaktuar nga Dr.Faton Bislimi. Më poshtë po sjellim komunikatën për shtyp dhe videon:

“Të dashur miq dhe përkrahës,

Të dielën, më 30 janar, Lidhja Qytetare Shqiptaro-Amerikane ka pasur një ngjarje historike të nënshkrimit të librit në restorantin RP Prime Steak and Seafood në Mahwah, New Jersey. Libri, Kërkimi për lirinë shqiptare dhe rënia e Jugosllavisë: Nderuari Joseph J. DioGuardi dhe Lidhja Qytetare Shqiptaro-Amerikane 1985-1993, është përpiluar dhe redaktuar nga Dr. Faton Bislimi. Më shumë se 100 anëtarë dhe mbështetës të LQShA morën pjesë në këtë ngjarje.

Ky libër dokumenton një histori që qëndron prapa përpjekjeve lobuese të suksesshme nga Joe DioGuardi dhe Lidhja Qytetare Shqiptaro-Amerikane, që nga viti 1985, kur Joe u zgjodh për herë të parë në Dhomën e Përfaqësuesve të SHBA-së, deri në vitin 1993, kur Shqipëria u çlirua nga komunizmi dhe u krijua një bazë që Kongresi Amerikan të mbështesë pavarësinë e Kosovës nga Serbia. Në epilog, të shkruar nga Shirley Cloyes DioGuardi, theksohen zhvillimet që nga viti 1994, kur ajo iu bashkua Lidhjes Qytetare si Këshilltare e saj për Çështjet e Ballkanit, deri në shpalljen e pavarësisë së Kosovës në vitin 2008.

Në Pjesën l të videos, Joe dhe Shirley DioGuardi u dëshiruan mirëseardhjen të pranishmëve, ndërsa fjalët e rastit u bënë nga Senatori Robert Menendez dhe anëtarët e Bordit Ekzekutiv të Lidhjes Qytetare Shqiptaro-Amerikane Faik Lita dhe Agim Aliçkaj. Për të dëgjuar prezantimet e tyre, ju lutemi klikoni në këtë video: https://youtu.be/CZ7dDjlA83U

Javën e ardhshme do të merrni Pjesën II të videos, ku përfshihen fjalët e Ambasadorit Ferit Hoxha, Përfaqësues i Përhershëm i Shqipërisë në Kombet e Bashkuara dhe prezantimi i përmbajtjes së librit nga ana e Dr. Bislimi.

Çdo të mirë,

                              
Shirley Cloyes DioGuardi                           Joe DioGuardi
Këshilltare e Çështjeve të Ballkanit            President”