Presidenti rus Vladimir Putin ka akuzuar Turqinë ditët e fundit se furnizohet me naftë nga i ashtuquajturi Shtet Islamik.

Rusia tregoi edhe pamje satelitore për naftën që qarkullonte. Por, ndërkohë, Presidenti i Turqisë, Recep Tayyip Erdogan, në një reagim këtë të enjte, tha se Ankaraja ka prova se Rusia është e përfshirë në tregti të paligjshme të naftës me grupin ekstremist Shteti Islamik në Siri.

“Kemi prova në duart tona. Do t’ia zbulojmë botës”, ka thënë Erdogan në një fjalim televiziv, por duke mos dhënë detaje të tjera.

Ai i ka përshkruar si “të pamoralshme” akuzat e Rusisë, të bëra një ditë më herët, se familja e Erdoganit importon naftë nga militantët e Shtetit Islamik.