Voal – Çfarë mund të bëjnë 5 arra në ditë për shëndetin tuaj

Nga një hulumtim i bërë nga Universiteti i Jeilit (SHBA), u treguan përfitime të mahnitshme të konsumimit të 56 gram arrave në ditë. Hulumtuesit zgjodhën 46 të rritur midis moshës 30 dhe 75 vjeç. Të gjithë pjesëmarrësit kishin një rrezik të rritur të sindromës metabolike, e cila është një faktor ndikues në diabetin e tipit 2 dhe sëmundjeve kardiovaskulare.

Gjysma e pjesëmarrësve iu nënshtrua një diete që përfshinte rreth 56 gram arra në ditë. Gjysmës tjetër iu dha një dietë e shëndetshme, por që nuk përfshinte arra.

Rezultatet treguan se njerëzit që konsumuan arra në dietën e tyre, kishin funksion të përmirësuar në qelizat endoteliale. Këto qeliza ndihmojnë në koagulimin e gjakut dhe formimin e qelizave të reja të gjakut, si dhe rregullimin e inflamacionit dhe kontrollin e presionit të gjakut. Arra ka përfitime të mahnitshme në shëndet për shkak të përbërësve që mbart.

Sipas studimeve të kohëve të fundit është përcaktuar se vetëm 5.5% e të rriturve (mosha 19­50vjeç) konsumojnë arra dhe kjo është një shifër shumë e vogël. Në 56 gram arra (rreth 5 copë) në bazë ditore ju do të përfitoni 5 gram fibra, 260 ml kalium, 73 ml kalcium, 95 ml magnez, 3.7 ml vitaminë E. Nëse konsumoni arra çdo ditë, zemra juaj do t’ju falënderojë.

Arrat kanë një efekt pozitiv lidhur me stresin. Ato janë në gjendje që të mbajnë nën kontroll reagimin fizik dhe psikologjik përballë situatave stresuese.

Sipas një studimi amerikan të publikuar në revistën shkencore “Journal of The American College of Nutrition”, thuhet se ngrënia e nëntë kokrra arrave në ditë ndihmon për të reduktuar tensionin përballë situatave problematike të përditshme.

Studiuesit monitoruan tek individë të shëndetshëm, se si ndryshonte sjellja e tyre në publik përballë situatave të vështira.

U vu re se te ata persona që hëngrën rregullisht për një periudhë kohore nga nëntë kokrra arrë në ditë, arritën të mbanin një sjellje të mirë fizike dhe emocionale, duke përmirësuar dukshëm këtë qëndrim, krahasuar me ditët kur nuk i kishin ngrënë këto fruta të thata.